पम्पा-सरोवर पर राम का विलाप

श्लोक 1 (kishkindha.1.1)

स तां पुष्करिणीं गत्वा पद्मोत्पलझषाकुलाम् । रामः सौमित्रिसहितो विललापाकुलेन्द्रियः ॥ 1.1 ॥

sa tāṃ puṣkariṇīṃ gatvā padmotpalajhaṣākulām | rāmaḥ saumitrisahito vilalāpākulendriyaḥ || 1.1 ||

उस पुष्करिणी (सरोवर) पर पहुँचकर, जो कमलों, कुमुदों और मछलियों से भरी हुई थी, सौमित्र सहित राम व्याकुल इन्द्रियों से विलाप करने लगे।

श्लोक 2 (kishkindha.1.2)

तत्र दृष्ट्वैव तां हर्षादिन्द्रियाणि चकम्पिरे । स कामवशमापन्नः सौमित्रिमिदमब्रवीत् ॥ 1.2 ॥

tatra dṛṣṭvaiva tāṃ harṣādindriyāṇi cakampire | sa kāmavaśamāpannaḥ saumitrimidamabravīt || 1.2 ||

वहाँ उसे देखते ही हर्ष से उनकी इन्द्रियाँ काँप उठीं; कामवश हुए राम ने सौमित्र से यह कहा।

श्लोक 3 (kishkindha.1.3)

सौमित्रे शोभते पम्पा वैदूर्यविमलोदका । फुल्लपद्मोत्पलवती शोभिता विविधैर्द्रुमैः ॥ 1.3 ॥

saumitre śobhate pampā vaidūryavimalodakā | phullapadmotpalavatī śobhitā vividhairdrumaiḥ || 1.3 ||

हे सौमित्र! यह पम्पा वैदूर्यमणि के समान निर्मल जल से, खिले हुए कमलों और कुमुदों से तथा नाना प्रकार के वृक्षों से सुशोभित हो रही है।

श्लोक 4 (kishkindha.1.4)

सौमित्रे पश्य पम्पायाः काननं शुभदर्शनम् । यत्र राजन्ति शैला वा द्रुमाः सशिखरा इव ॥ 1.4 ॥

saumitre paśya pampāyāḥ kānanaṃ śubhadarśanam | yatra rājanti śailā vā drumāḥ saśikharā iva || 1.4 ||

हे सौमित्र! पम्पा के इस सुंदर वन को देखो, जहाँ पर्वत ऐसे शोभायमान हैं मानो वृक्ष ही शिखरों के समान हो गए हों।

श्लोक 5 (kishkindha.1.5)

मां तु शोकाभिसंतप्तमाधयः पीडयन्ति वै । भरतस्य च दुःखेन वैदेह्या हरणेन च ॥ 1.5 ॥

māṃ tu śokābhisaṃtaptamādhayaḥ pīḍayanti vai | bharatasya ca duḥkhena vaidehyā haraṇena ca || 1.5 ||

किन्तु शोक से संतप्त मुझे तो व्यथाएँ ही पीड़ित करती हैं—भरत के दुःख से और वैदेही के हरण से।

श्लोक 6 (kishkindha.1.6)

शोकार्तस्यापि मे पम्पा शोभते चित्रकानना । व्यवकीर्णा बहुविधैः पुष्पैः शीतोदका शिवा ॥ 1.6 ॥

śokārtasyāpi me pampā śobhate citrakānanā | vyavakīrṇā bahuvidhaiḥ puṣpaiḥ śītodakā śivā || 1.6 ||

शोकार्त मुझे भी यह पम्पा विचित्र वनों वाली, नाना प्रकार के पुष्पों से बिखरी, शीतल जलवाली और मंगलमयी होकर सुशोभित हो रही है।

श्लोक 7 (kishkindha.1.7)

नलिनैरपि संछन्ना ह्यत्यर्थशुभदर्शना । सर्पव्यालानुचरिता मृगद्विजसमाकुला ॥ 1.7 ॥

nalinairapi saṃchannā hyatyarthaśubhadarśanā | sarpavyālānucaritā mṛgadvijasamākulā || 1.7 ||

यह कमलों से आच्छादित, अत्यन्त शुभदर्शन, सर्पों और हिंस्र जन्तुओं से विचरित तथा मृगों और पक्षियों से भरी हुई है।

श्लोक 8 (kishkindha.1.8)

अधिकं प्रविभात्येतन्नीलपीतं तु शाद्वलम् । द्रुमाणां विविधैः पुष्पैः परिस्तोमैरिवार्पितम् ॥ 1.8 ॥

adhikaṃ pravibhātyetannīlapītaṃ tu śādvalam | drumāṇāṃ vividhaiḥ puṣpaiḥ paristomairivārpitam || 1.8 ||

यह नीला-पीला हराभरा मैदान अधिक चमक रहा है, मानो वृक्षों के नाना पुष्पों के बिछौने से ढका हो।

श्लोक 9 (kishkindha.1.9)

पुष्पभारसमृद्धानि शिखराणि समन्ततः । लताभिः पुष्पिताग्राभिरुपगूढानि सर्वतः ॥ 1.9 ॥

puṣpabhārasamṛddhāni śikharāṇi samantataḥ | latābhiḥ puṣpitāgrābhirupagūḍhāni sarvataḥ || 1.9 ||

चारों ओर के पर्वत-शिखर पुष्पों के भार से समृद्ध हैं और सब ओर से फूले हुए सिरोंवाली लताओं से आलिंगित हैं।

श्लोक 10 (kishkindha.1.10)

सुखानिलोऽयं सौमित्रे कालः प्रचुरमन्मथः । गन्धवान् सुरभिर्मासो जातपुष्पफलद्रुमः ॥ 1.10 ॥

sukhānilo'yaṃ saumitre kālaḥ pracuramanmathaḥ | gandhavān surabhirmāso jātapuṣpaphaladrumaḥ || 1.10 ||

हे सौमित्र! यह ऋतु सुखद वायुवाली और कामदेव को अत्यधिक बढ़ानेवाली है; यह सुगंधित मास है, जिसमें वृक्षों में फूल और फल आ गए हैं।

श्लोक 11 (kishkindha.1.11)

पश्य रूपाणि सौमित्रे वनानां पुष्पशालिनाम् । सृजतां पुष्पवर्षाणि वर्षं तोयमुचामिव ॥ 1.11 ॥

paśya rūpāṇi saumitre vanānāṃ puṣpaśālinām | sṛjatāṃ puṣpavarṣāṇi varṣaṃ toyamucāmiva || 1.11 ||

हे सौमित्र! पुष्पों से सुशोभित इन वनों की शोभा देखो, जो पुष्पों की वर्षा कर रहे हैं मानो मेघ जलवृष्टि कर रहे हों।

श्लोक 12 (kishkindha.1.12)

प्रस्तरेषु च रम्येषु विविधाः काननद्रुमाः । वायुवेगप्रचलिताः पुष्पैरवकिरन्ति गाम् ॥ 1.12 ॥

prastareṣu ca ramyeṣu vividhāḥ kānanadrumāḥ | vāyuvegapracalitāḥ puṣpairavakiranti gām || 1.12 ||

सुंदर शिलाखंडों पर नाना प्रकार के वन-वृक्ष वायु के वेग से हिलकर पृथ्वी को पुष्पों से ढक रहे हैं।

श्लोक 13 (kishkindha.1.13)

पतितैः पतमानैश्च पादपस्थैश्च मारुतः । कुसुमैः पश्य सौमित्रे क्रीडतीव समन्ततः ॥ 1.13 ॥

patitaiḥ patamānaiśca pādapasthaiśca mārutaḥ | kusumaiḥ paśya saumitre krīḍatīva samantataḥ || 1.13 ||

हे सौमित्र देखो, गिरे हुए, गिरते हुए और वृक्षों पर लगे हुए फूलों से वायु मानो सब ओर क्रीड़ा कर रही है।

श्लोक 14 (kishkindha.1.14)

विक्षिपन् विविधाः शाखां नगानां कुसुमोत्कटाः । मारुतश्चलितस्थानैः षट्पदैरनुगीयते ॥ 1.14 ॥

vikṣipan vividhāḥ śākhāṃ nagānāṃ kusumotkaṭāḥ | mārutaścalitasthānaiḥ ṣaṭpadairanugīyate || 1.14 ||

फूलों से लदी वृक्षों की विविध शाखाओं को हिलाती हुई वायु का, अपने स्थान से उड़े हुए भ्रमरों द्वारा मानो गान किया जा रहा है।

श्लोक 15 (kishkindha.1.15)

मत्तकोकिलसंनादैर्नर्तयन्निव पादपान् । शैलकंदर निष्क्रान्तः प्रगीत इव चानिलः ॥ 1.15 ॥

mattakokilasaṃnādairnartayanniva pādapān | śailakaṃdara niṣkrāntaḥ pragīta iva cānilaḥ || 1.15 ||

पर्वत की कंदराओं से निकली हुई वायु, मत्त कोकिलों की ध्वनियों के साथ मानो गाती हुई वृक्षों को नचा रही है।

श्लोक 16 (kishkindha.1.16)

तेन विक्षिपतात्यर्थं पवनेन समन्ततः । अमी संसक्तशाखाग्रा ग्रथिता इव पादपाः ॥ 1.16 ॥

tena vikṣipatātyarthaṃ pavanena samantataḥ | amī saṃsaktaśākhāgrā grathitā iva pādapāḥ || 1.16 ||

उस वायु के द्वारा सब ओर से अत्यंत हिलाए जाने पर, आपस में मिली हुई शाखाओं के अगले सिरोंवाले ये वृक्ष मानो एक-दूसरे से बँधे हुए-से जान पड़ते हैं।

श्लोक 17 (kishkindha.1.17)

स एव सुखसंस्पर्शो वाति चन्दनशीतलः । गन्धमभ्यवहन् पुण्यं श्रमापनयनोऽनिलः ॥ 1.17 ॥

sa eva sukhasaṃsparśo vāti candanaśītalaḥ | gandhamabhyavahan puṇyaṃ śramāpanayano'nilaḥ || 1.17 ||

वही वायु सुखद स्पर्शवाली, चंदन के समान शीतल, पवित्र सुगंध लिए हुए और थकान को दूर करनेवाली बहती है।

श्लोक 18 (kishkindha.1.18)

अमी पवनविक्षिप्ता विनदन्तीव पादपाः । षट्पदैरनुकूजद्भिर्वनेषु मधुगन्धिषु ॥ 1.18 ॥

amī pavanavikṣiptā vinadantīva pādapāḥ | ṣaṭpadairanukūjadbhirvaneṣu madhugandhiṣu || 1.18 ||

वायु से हिलाए गए ये वृक्ष मानो चीत्कार कर रहे हैं, और मधुगंधित वनों में भ्रमर उनके साथ गुंजार करते हैं।

श्लोक 19 (kishkindha.1.19)

गिरिप्रस्थेषु रम्येषु पुष्पवद्भिर्मनोरमैः । संसक्तशिखराः शैला विराजन्ति महाद्रुमैः ॥ 1.19 ॥

giriprastheṣu ramyeṣu puṣpavadbhirmanoramaiḥ | saṃsaktaśikharāḥ śailā virājanti mahādrumaiḥ || 1.19 ||

सुंदर पर्वतीय पठारों पर, मनोहर पुष्पित विशाल वृक्षों से युक्त पर्वत, आपस में मिले हुए शिखरों के साथ शोभायमान हैं।

श्लोक 20 (kishkindha.1.20)

पुष्पसंछन्नशिखरा मारुतोत्क्षेपचञ्चलाः । अमी मधुकरोत्तंसाः प्रगीता इव पादपाः ॥ 1.20 ॥

puṣpasaṃchannaśikharā mārutotkṣepacañcalāḥ | amī madhukarottaṃsāḥ pragītā iva pādapāḥ || 1.20 ||

पुष्पों से आच्छादित शिखरोंवाले, वायु के झोंकों से चंचल, भ्रमरों को ही आभूषण बनाए ये वृक्ष मानो गाए जा रहे हैं।

श्लोक 21 (kishkindha.1.21)

सुपुष्पितांस्तु पश्यैतान् कर्णिकारान् समन्ततः । हाटकप्रतिसंछन्नान् नरान् पीताम्बरानिव ॥ 1.21 ॥

supuṣpitāṃstu paśyaitān karṇikārān samantataḥ | hāṭakapratisaṃchannān narān pītāmbarāniva || 1.21 ||

इन सब ओर खिले हुए कर्णिकार वृक्षों को देखो, जो स्वर्ण से मढ़े हुए-से लगते हैं, मानो पीताम्बरधारी पुरुष हों।

श्लोक 22 (kishkindha.1.22)

अयं वसन्तः सौमित्रे नानाविहगनादितः । सीतया विप्रहीणस्य शोकसंदीपनो मम ॥ 1.22 ॥

ayaṃ vasantaḥ saumitre nānāvihaganāditaḥ | sītayā viprahīṇasya śokasaṃdīpano mama || 1.22 ||

हे सौमित्र! नाना पक्षियों की ध्वनियों से गूँजता यह वसन्त, सीता से बिछुड़े हुए मेरे शोक को और भी प्रज्वलित कर रहा है।

श्लोक 23 (kishkindha.1.23)

मां हि शोकसमाक्रान्तं संतापयति मन्मथः । हृष्टं प्रवदमानश्च समाह्वयति कोकिलः ॥ 1.23 ॥

māṃ hi śokasamākrāntaṃ saṃtāpayati manmathaḥ | hṛṣṭaṃ pravadamānaśca samāhvayati kokilaḥ || 1.23 ||

शोक से आक्रान्त मुझे कामदेव और भी संतप्त करता है; और यह हर्षित होकर बोलती हुई कोयल मानो मुझे बुला रही है।

श्लोक 24 (kishkindha.1.24)

एष दात्यूहको हृष्टो रम्ये मां वननिर्झरे । प्रणदन्मन्मथाविष्टं शोचयिष्यति लक्ष्मण ॥ 1.24 ॥

eṣa dātyūhako hṛṣṭo ramye māṃ vananirjhare | praṇadanmanmathāviṣṭaṃ śocayiṣyati lakṣmaṇa || 1.24 ||

हे लक्ष्मण! यह हर्षित दात्यूह पक्षी इस रमणीय वन के झरने के पास बोलता हुआ, कामदेव से व्याकुल मुझे और भी शोकाकुल कर देगा।

श्लोक 25 (kishkindha.1.25)

श्रुत्वैतस्य पुरा शब्दमाश्रमस्था मम प्रिया । मामाहूय प्रमुदिताः परमं प्रत्यनन्दत ॥ 1.25 ॥

śrutvaitasya purā śabdamāśramasthā mama priyā | māmāhūya pramuditāḥ paramaṃ pratyanandata || 1.25 ||

पहले आश्रम में रहते हुए इस पक्षी का यह स्वर सुनकर मेरी प्रिया अत्यंत प्रसन्न होकर मुझे पुकारकर हर्षपूर्वक अभिनन्दन करती थी।

श्लोक 26 (kishkindha.1.26)

एवं विचित्राः पतगा नानारावविराविणः । वृक्षगुल्मलताः पश्य सम्पतन्ति समन्ततः ॥ 1.26 ॥

evaṃ vicitrāḥ patagā nānārāvavirāviṇaḥ | vṛkṣagulmalatāḥ paśya sampatanti samantataḥ || 1.26 ||

देखो, इस प्रकार नाना प्रकार की बोली बोलनेवाले ये विचित्र पक्षी वृक्षों, झाड़ियों और लताओं पर सब ओर उड़-उड़कर बैठ रहे हैं।

श्लोक 27 (kishkindha.1.27)

विमिश्रा विहगाः पुंभिरात्मव्यूहाभिनन्दिताः । भृङ्गराजप्रमुदिताः सौमित्रे मधुरस्वराः ॥ 1.27 ॥

vimiśrā vihagāḥ puṃbhirātmavyūhābhinanditāḥ | bhṛṅgarājapramuditāḥ saumitre madhurasvarāḥ || 1.27 ||

हे सौमित्र! ये मधुर स्वरवाले पक्षी अपने-अपने साथियों से मिलकर, अपने ही समूह से आनन्दित होकर, भ्रमरराज के साथ हर्षित हो रहे हैं।

श्लोक 28 (kishkindha.1.28)

अस्याः कूले प्रमुदिताः सङ्घशः शकुनास्त्विह । दात्यूहरतिविक्रन्दैः पुंस्कोकिलरुतैरपि ॥ 1.28 ॥

asyāḥ kūle pramuditāḥ saṅghaśaḥ śakunāstviha | dātyūharativikrandaiḥ puṃskokilarutairapi || 1.28 ||

इसके तट पर पक्षी समूहों में आनन्दित होकर, दात्यूह के विलासपूर्ण चीत्कारों और नर कोकिल की बोलियों के साथ कूज रहे हैं।

श्लोक 29 (kishkindha.1.29)

स्वनन्ति पादपाश्चेमे ममानङ्गप्रदीपकाः । अशोकस्तबकाङ्गारः षट्पदस्वननिःस्वनः ॥ 1.29 ॥

svananti pādapāśceme mamānaṅgapradīpakāḥ | aśokastabakāṅgāraḥ ṣaṭpadasvananiḥsvanaḥ || 1.29 ||

मेरे कामदेव को प्रज्वलित करनेवाले ये वृक्ष गूँज रहे हैं—अशोक के अंगारों-से दहकते गुच्छों के साथ भ्रमरों की गुंजार-ध्वनि से।

श्लोक 30 (kishkindha.1.30)

मां हि पल्लवताम्रार्चिर्वसन्ताग्निः प्रधक्ष्यति । नहि तां सूक्ष्मपक्ष्माक्षीं सुकेशीं मृदुभाषिणीम् ॥ 1.30 ॥

māṃ hi pallavatāmrārcirvasantāgniḥ pradhakṣyati | nahi tāṃ sūkṣmapakṣmākṣīṃ sukeśīṃ mṛdubhāṣiṇīm || 1.30 ||

पल्लवों के समान अरुण ज्वालावाला यह वसन्तरूपी अग्नि मुझे निश्चय ही जला डालेगा; क्योंकि सूक्ष्म पलकों, सुंदर केशों और मृदुभाषिणी उस प्रिया को...

श्लोक 31 (kishkindha.1.31)

अपश्यतो मे सौमित्रे जीवितेऽस्ति प्रयोजनम् । अयं हि रुचिरस्तस्याः कालो रुचिरकाननः ॥ 1.31 ॥

apaśyato me saumitre jīvite'sti prayojanam | ayaṃ hi rucirastasyāḥ kālo rucirakānanaḥ || 1.31 ||

...उसे देखे बिना, हे सौमित्र, मेरे जीवन का क्या प्रयोजन रह गया है? यह तो उसकी प्रिय, रमणीय वनोंवाली सुंदर ऋतु है,

श्लोक 32 (kishkindha.1.32)

कोकिलाकुलसीमान्तो दयिताया ममानघ । मन्मथायाससम्भूतो वसन्तगुणवर्धितः ॥ 1.32 ॥

kokilākulasīmānto dayitāyā mamānagha | manmathāyāsasambhūto vasantaguṇavardhitaḥ || 1.32 ||

जिसकी सीमाएँ कोयलों से भरी हैं, हे निष्पाप! जो मेरी प्रिया को प्रिय है — यह ऋतु कामदेव के परिश्रम से उत्पन्न और वसंत के गुणों से बढ़ी हुई है।

श्लोक 33 (kishkindha.1.33)

अयं मां धक्ष्यति क्षिप्रं शोकाग्निर्नचिरादिव । अपश्यतस्तां वनितां पश्यतो रुचिरान् द्रुमान् ॥ 1.33 ॥

ayaṃ māṃ dhakṣyati kṣipraṃ śokāgnirnacirādiva | apaśyatastāṃ vanitāṃ paśyato rucirān drumān || 1.33 ||

यह शोकरूपी अग्नि मुझे शीघ्र ही जला डालेगी, मानो बिना देर किए — क्योंकि इन सुंदर वृक्षों को देखते हुए भी मैं उस स्त्री को नहीं देख पाता।

श्लोक 34 (kishkindha.1.34)

ममायमात्मप्रभवो भूयस्त्वमुपयास्यति । अदृश्यमाना वैदेही शोकं वर्धयतीह मे ॥ 1.34 ॥

mamāyamātmaprabhavo bhūyastvamupayāsyati | adṛśyamānā vaidehī śokaṃ vardhayatīha me || 1.34 ||

मुझी से उत्पन्न यह अग्नि और भी बढ़ती जाएगी; अदृश्य वैदेही यहाँ मेरे शोक को बढ़ा रही है।

श्लोक 35 (kishkindha.1.35)

दृश्यमानो वसन्तश्च स्वेदसंसर्गदूषकः । मां हि सा मृगशावाक्षी चिन्ताशोकबलात्कृतम् ॥ 1.35 ॥

dṛśyamāno vasantaśca svedasaṃsargadūṣakaḥ | māṃ hi sā mṛgaśāvākṣī cintāśokabalātkṛtam || 1.35 ||

पसीना लाने वाला यह दिखता हुआ वसंत मुझे उस मृगशावाक्षी की याद दिलाता है, क्योंकि चिंता और शोक ने मुझे अभिभूत कर रखा है,

श्लोक 36 (kishkindha.1.36)

संतापयति सौमित्रे क्रूरश्चैत्रवनानिलः । अमी मयूराः शोभन्ते प्रनृत्यन्तस्ततस्ततः ॥ 1.36 ॥

saṃtāpayati saumitre krūraścaitravanānilaḥ | amī mayūrāḥ śobhante pranṛtyantastatastataḥ || 1.36 ||

...और हे सौमित्र! यह चैत्रवन की क्रूर वायु मुझे संतप्त कर रही है। देखो, ये मोर इधर-उधर नाचते हुए कैसे शोभा पा रहे हैं।

श्लोक 37 (kishkindha.1.37)

स्वैः पक्षैः पवनोद्धूतैर्गवाक्षैः स्फाटिकैरिव । शिखिनीभिः परिवृतास्त एते मदमूर्च्छिताः ॥ 1.37 ॥

svaiḥ pakṣaiḥ pavanoddhūtairgavākṣaiḥ sphāṭikairiva | śikhinībhiḥ parivṛtāsta ete madamūrcchitāḥ || 1.37 ||

वायु से हिलते हुए अपने पंखों से, मानो स्फटिक की जालियों के समान, ये मोर अपनी मोरनियों से घिरे हुए मदमत्त हो रहे हैं।

श्लोक 38 (kishkindha.1.38)

मन्मथाभिपरीतस्य मम मन्मथवर्धनाः । पश्य लक्ष्मण नृत्यन्तं मयूरमुपनृत्यति ॥ 1.38 ॥

manmathābhiparītasya mama manmathavardhanāḥ | paśya lakṣmaṇa nṛtyantaṃ mayūramupanṛtyati || 1.38 ||

कामदेव से अभिभूत मुझे ये मेरी काम-वेदना को और बढ़ाने वाले हैं। देखो लक्ष्मण, नाचते हुए मोर के साथ मोरनी भी नाच रही है।

श्लोक 39 (kishkindha.1.39)

शिखिनी मन्मथार्तैषा भर्तारं गिरिसानुनि । तामेव मनसा रामां मयूरोऽप्यनुधावति ॥ 1.39 ॥

śikhinī manmathārtaiṣā bhartāraṃ girisānuni | tāmeva manasā rāmāṃ mayūro'pyanudhāvati || 1.39 ||

कामपीड़ित यह मोरनी पर्वत की चोटी पर अपने पति के पीछे-पीछे चल रही है; और मोर भी मन ही मन उसी प्रिया का अनुसरण कर रहा है।

श्लोक 40 (kishkindha.1.40)

वितत्य रुचिरौ पक्षौ रुतैरुपहसन्निव । मयूरस्य वने नूनं रक्षसा न हृता प्रिया ॥ 1.40 ॥

vitatya rucirau pakṣau rutairupahasanniva | mayūrasya vane nūnaṃ rakṣasā na hṛtā priyā || 1.40 ||

अपने दोनों सुंदर पंख फैलाकर, अपनी बोली से मानो हँसता हुआ यह मोर — निश्चय ही वन में इसकी प्रिया किसी राक्षस द्वारा हरी नहीं गई!

श्लोक 41 (kishkindha.1.41)

तस्मान्नृत्यति रम्येषु वनेषु सह कान्तया । मम त्वयं विना वासः पुष्पमासे सुदुःसहः ॥ 1.41 ॥

tasmānnṛtyati ramyeṣu vaneṣu saha kāntayā | mama tvayaṃ vinā vāsaḥ puṣpamāse suduḥsahaḥ || 1.41 ||

इसीलिए वह अपनी प्रिया के साथ रमणीय वनों में नाच रहा है। परन्तु मेरे लिए तो उसके बिना इस पुष्प-ऋतु में यह निवास अत्यंत असह्य है।

श्लोक 42 (kishkindha.1.42)

पश्य लक्ष्मण संरागस्तिर्यग्योनिगतेष्वपि । यदेषा शिखिनी कामाद् भर्तारमभिवर्तते ॥ 1.42 ॥

paśya lakṣmaṇa saṃrāgastiryagyonigateṣvapi | yadeṣā śikhinī kāmād bhartāramabhivartate || 1.42 ||

देखो लक्ष्मण, पशु-पक्षी योनि में उत्पन्न प्राणियों में भी कैसा प्रगाढ़ अनुराग होता है — यह देखो, यह मोरनी प्रेमवश अपने पति की ओर उन्मुख हो रही है।

श्लोक 43 (kishkindha.1.43)

ममाप्येवं विशालाक्षी जानकी जातसम्भ्रमा । मदनेनाभिवर्तेत यदि नापहृता भवेत् ॥ 1.43 ॥

mamāpyevaṃ viśālākṣī jānakī jātasambhramā | madanenābhivarteta yadi nāpahṛtā bhavet || 1.43 ||

इसी प्रकार यदि मेरी विशाल नेत्रोंवाली जानकी हरी न गई होतीं, तो वे भी उत्कंठित होकर प्रेमवश मेरी ओर ही उन्मुख होतीं।

श्लोक 44 (kishkindha.1.44)

पश्य लक्ष्मण पुष्पाणि निष्फलानि भवन्ति मे । पुष्पभारसमृद्धानां वनानां शिशिरात्यये ॥ 1.44 ॥

paśya lakṣmaṇa puṣpāṇi niṣphalāni bhavanti me | puṣpabhārasamṛddhānāṃ vanānāṃ śiśirātyaye || 1.44 ||

देखो लक्ष्मण, शिशिर ऋतु के बीत जाने पर पुष्पों के भार से समृद्ध इन वनों के फूल भी मेरे लिए निष्फल-से हो गए हैं।

श्लोक 45 (kishkindha.1.45)

रुचिराण्यपि पुष्पाणि पादपानामतिश्रिया । निष्फलानि महीं यान्ति समं मधुकरोत्करैः ॥ 1.45 ॥

rucirāṇyapi puṣpāṇi pādapānāmatiśriyā | niṣphalāni mahīṃ yānti samaṃ madhukarotkaraiḥ || 1.45 ||

वृक्षों की अत्यंत शोभा बढ़ानेवाले ये सुंदर पुष्प भी भ्रमरों के समूहों के साथ निष्फल होकर पृथ्वी पर गिर रहे हैं।

श्लोक 46 (kishkindha.1.46)

नदन्ति कामं शकुना मुदिताः सङ्घशः कलम् । आह्वयन्त इवान्योन्यं कामोन्मादकरा मम ॥ 1.46 ॥

nadanti kāmaṃ śakunā muditāḥ saṅghaśaḥ kalam | āhvayanta ivānyonyaṃ kāmonmādakarā mama || 1.46 ||

पक्षी प्रसन्न होकर समूहों में स्वेच्छा से मधुर बोली बोल रहे हैं, मानो एक-दूसरे को बुला रहे हों — जो मुझे कामोन्मत्त बना रहे हैं।

श्लोक 47 (kishkindha.1.47)

वसन्तो यदि तत्रापि यत्र मे वसति प्रिया । नूनं परवशा सीता सापि शोचत्यहं यथा ॥ 1.47 ॥

vasanto yadi tatrāpi yatra me vasati priyā | nūnaṃ paravaśā sītā sāpi śocatyahaṃ yathā || 1.47 ||

यदि वसंत वहाँ भी आया हो जहाँ मेरी प्रिया रहती है, तो निश्चय ही पराधीन सीता भी वैसे ही शोक कर रही होगी जैसे मैं कर रहा हूँ।

श्लोक 48 (kishkindha.1.48)

नूनं न तु वसन्तस्तं देशं स्पृशति यत्र सा । कथं ह्यसितपद्माक्षी वर्तयेत् सा मया विना ॥ 1.48 ॥

nūnaṃ na tu vasantastaṃ deśaṃ spṛśati yatra sā | kathaṃ hyasitapadmākṣī vartayet sā mayā vinā || 1.48 ||

अथवा निश्चय ही वसंत उस स्थान का स्पर्श नहीं करता होगा जहाँ वह है; क्योंकि वह नीलकमल-सी आँखोंवाली मेरे बिना वहाँ कैसे जीवन बिता सकती है?

श्लोक 49 (kishkindha.1.49)

अथवा वर्तते तत्र वसन्तो यत्र मे प्रिया । किं करिष्यति सुश्रोणी सा तु निर्भर्त्सिता परैः ॥ 1.49 ॥

athavā vartate tatra vasanto yatra me priyā | kiṃ kariṣyati suśroṇī sā tu nirbhartsitā paraiḥ || 1.49 ||

अथवा यदि वहाँ भी वसंत विद्यमान हो जहाँ मेरी प्रिया है, तो पराए के द्वारा तिरस्कृत वह सुंदरी क्या ही कर सकती है?

श्लोक 50 (kishkindha.1.50)

श्यामा पद्मपलाशाक्षी मृदुभाषा च मे प्रिया । नूनं वसन्तमासाद्य परित्यक्ष्यति जीवितम् ॥ 1.50 ॥

śyāmā padmapalāśākṣī mṛdubhāṣā ca me priyā | nūnaṃ vasantamāsādya parityakṣyati jīvitam || 1.50 ||

श्यामवर्णा, कमलदल जैसे नेत्रोंवाली और मृदुभाषिणी मेरी प्रिया इस वसंत को पाकर निश्चय ही अपने प्राण त्याग देगी।

श्लोक 51 (kishkindha.1.51)

दृढं हि हृदये बुद्धिर्मम सम्परिवर्तते । नालं वर्तयितुं सीता साध्वी मद्विरहं गता ॥ 1.51 ॥

dṛḍhaṃ hi hṛdaye buddhirmama samparivartate | nālaṃ vartayituṃ sītā sādhvī madvirahaṃ gatā || 1.51 ||

मेरे हृदय में यह विचार बार-बार दृढ़ता से घूम रहा है कि साध्वी सीता मेरे वियोग को सहन कर जीवित नहीं रह सकतीं।

श्लोक 52 (kishkindha.1.52)

मयि भावो हि वैदेह्यास्तत्त्वतो विनिवेशितः । ममापि भावः सीतायां सर्वथा विनिवेशितः ॥ 1.52 ॥

mayi bhāvo hi vaidehyāstattvato viniveśitaḥ | mamāpi bhāvaḥ sītāyāṃ sarvathā viniveśitaḥ || 1.52 ||

क्योंकि वैदेही का हृदय सचमुच मुझमें ही पूर्णतः बसा है, और मेरा हृदय भी सर्वथा सीता में ही बसा हुआ है।

श्लोक 53 (kishkindha.1.53)

एष पुष्पवहो वायुः सुखस्पर्शो हिमावहः । तां विचिन्तयतः कान्तां पावकप्रतिमो मम ॥ 1.53 ॥

eṣa puṣpavaho vāyuḥ sukhasparśo himāvahaḥ | tāṃ vicintayataḥ kāntāṃ pāvakapratimo mama || 1.53 ||

यह पुष्पों को लिए हुए, सुखद स्पर्शवाली और शीतलता लानेवाली वायु भी, अपनी प्रिया का निरंतर चिंतन करते हुए मुझे अग्नि के समान जान पड़ती है।

श्लोक 54 (kishkindha.1.54)

सदा सुखमहं मन्ये यं पुरा सह सीतया । मारुतः स विना सीतां शोकसंजननो मम ॥ 1.54 ॥

sadā sukhamahaṃ manye yaṃ purā saha sītayā | mārutaḥ sa vinā sītāṃ śokasaṃjanano mama || 1.54 ||

जिस वायु को मैं पहले सीता के साथ सदा सुखद मानता था, वही वायु अब सीता के बिना मेरे शोक को उत्पन्न करनेवाली बन गई है।

श्लोक 55 (kishkindha.1.55)

तां विनाथ विहङ्गोऽसौ पक्षी प्रणदितस्तदा । वायसः पादपगतः प्रहृष्टमभिकूजति ॥ 1.55 ॥

tāṃ vinātha vihaṅgo'sau pakṣī praṇaditastadā | vāyasaḥ pādapagataḥ prahṛṣṭamabhikūjati || 1.55 ||

उसके बिना भी, जो पक्षी पहले ऐसे ही बोला करता था, वही यह वृक्ष पर बैठा कौआ अब भी हर्षपूर्वक बोल रहा है।

श्लोक 56 (kishkindha.1.56)

एष वै तत्र वैदेह्या विहगः प्रतिहारकः । पक्षी मां तु विशालाक्ष्याः समीपमुपनेष्यति ॥ 1.56 ॥

eṣa vai tatra vaidehyā vihagaḥ pratihārakaḥ | pakṣī māṃ tu viśālākṣyāḥ samīpamupaneṣyati || 1.56 ||

यह पक्षी वहाँ वैदेही का शुभ-सूचक द्वारपाल रहा है; यह पक्षी मुझे उस विशाल नेत्रोंवाली सीता के समीप ले जाएगा।

श्लोक 57 (kishkindha.1.57)

पश्य लक्ष्मण संनादं वने मदविवर्धनम् । पुष्पिताग्रेषु वृक्षेषु द्विजानामवकूजताम् ॥ 1.57 ॥

paśya lakṣmaṇa saṃnādaṃ vane madavivardhanam | puṣpitāgreṣu vṛkṣeṣu dvijānāmavakūjatām || 1.57 ||

देखो लक्ष्मण, वन में गूँजती यह ध्वनि मेरे काम-भाव को बढ़ा रही है — फूले हुए वृक्षों की चोटियों पर बैठे पक्षियों का यह कूजन।

श्लोक 58 (kishkindha.1.58)

विक्षिप्तां पवनेनैतामसौ तिलकमञ्जरीम् । षट्पदः सहसाभ्येति मदोद्धूतामिव प्रियाम् ॥ 1.58 ॥

vikṣiptāṃ pavanenaitāmasau tilakamañjarīm | ṣaṭpadaḥ sahasābhyeti madoddhūtāmiva priyām || 1.58 ||

वायु से हिलती हुई इस तिलक-मंजरी की ओर यह भ्रमर मानो मदमत्त प्रिया की ओर ही सहसा दौड़ पड़ता है।

श्लोक 59 (kishkindha.1.59)

कामिनामयमत्यन्तमशोकः शोकवर्धनः । स्तबकैः पवनोत्क्षिप्तैस्तर्जयन्निव मां स्थितः ॥ 1.59 ॥

kāmināmayamatyantamaśokaḥ śokavardhanaḥ | stabakaiḥ pavanotkṣiptaistarjayanniva māṃ sthitaḥ || 1.59 ||

यह अशोक वृक्ष कामीजनों के लिए सचमुच अत्यधिक शोक बढ़ानेवाला है; वायु से हिलते हुए अपने गुच्छों के साथ यह मानो मुझे डरा (चिढ़ा) रहा है।

श्लोक 60 (kishkindha.1.60)

अमी लक्ष्मण दृश्यन्ते चूताः कुसुमशालिनः । विभ्रमोत्सिक्तमनसः साङ्गरागा नरा इव ॥ 1.60 ॥

amī lakṣmaṇa dṛśyante cūtāḥ kusumaśālinaḥ | vibhramotsiktamanasaḥ sāṅgarāgā narā iva || 1.60 ||

देखो लक्ष्मण, पुष्पों से सुशोभित ये आम्र वृक्ष ऐसे दिखाई देते हैं मानो शरीर पर अंगराग लगाए, विलासमग्न मनवाले पुरुष हों।

श्लोक 61 (kishkindha.1.61)

सौमित्रे पश्य पम्पायाश्चित्रासु वनराजिषु । किंनरा नरशार्दूल विचरन्ति यतस्ततः ॥ 1.61 ॥

saumitre paśya pampāyāścitrāsu vanarājiṣu | kiṃnarā naraśārdūla vicaranti yatastataḥ || 1.61 ||

हे सौमित्र! हे नरश्रेष्ठ! देखो, पम्पा की इन विचित्र वनपंक्तियों में किन्नर इधर-उधर विचरण कर रहे हैं।

श्लोक 62 (kishkindha.1.62)

इमानि शुभगन्धीनि पश्य लक्ष्मण सर्वशः । नलिनानि प्रकाशन्ते जले तरुणसूर्यवत् ॥ 1.62 ॥

imāni śubhagandhīni paśya lakṣmaṇa sarvaśaḥ | nalināni prakāśante jale taruṇasūryavat || 1.62 ||

देखो लक्ष्मण, ये सर्वत्र सुगंधित कमल जल में उदीयमान सूर्य के समान चमक रहे हैं।

श्लोक 63 (kishkindha.1.63)

एषा प्रसन्नसलिला पद्मनीलोत्पलायुता । हंसकारण्डवाकीर्णा पम्पा सौगन्धिकायुता ॥ 1.63 ॥

eṣā prasannasalilā padmanīlotpalāyutā | haṃsakāraṇḍavākīrṇā pampā saugandhikāyutā || 1.63 ||

यह पम्पा अपने निर्मल जल, कमलों और नीलकमलों, हंसों और कारण्डव पक्षियों तथा सुगंधित कमलों से युक्त है।

श्लोक 64 (kishkindha.1.64)

जले तरुणसूर्याभैः षट्पदाहतकेसरैः । पङ्कजैः शोभते पम्पा समन्तादभिसंवृता ॥ 1.64 ॥

jale taruṇasūryābhaiḥ ṣaṭpadāhatakesaraiḥ | paṅkajaiḥ śobhate pampā samantādabhisaṃvṛtā || 1.64 ||

जल में युवा सूर्य के समान चमकते, भ्रमरों द्वारा छेड़े गए पराग वाले कमलों से यह पम्पा सब ओर से आच्छादित होकर शोभा पा रही है।

श्लोक 65 (kishkindha.1.65)

चक्रवाकयुता नित्यं चित्रप्रस्थवनान्तरा । मातङ्गमृगयूथैश्च शोभते सलिलार्थिभिः ॥ 1.65 ॥

cakravākayutā nityaṃ citraprasthavanāntarā | mātaṅgamṛgayūthaiśca śobhate salilārthibhiḥ || 1.65 ||

सदा चक्रवाक पक्षियों से युक्त, विचित्र वनप्रांतोंवाली यह पम्पा जल की खोज में आए हाथियों और मृगों के झुंडों से भी शोभित है।

श्लोक 66 (kishkindha.1.66)

पवनाहतवेगाभिरूर्मिभिर्विमलेऽम्भसि । पङ्कजानि विराजन्ते ताड्यमानानि लक्ष्मण ॥ 1.66 ॥

pavanāhatavegābhirūrmibhirvimale'mbhasi | paṅkajāni virājante tāḍyamānāni lakṣmaṇa || 1.66 ||

हे लक्ष्मण! वायु के वेग से उठी हुई तरंगों से आहत होते हुए भी ये कमल इस निर्मल जल में शोभायमान हो रहे हैं।

श्लोक 67 (kishkindha.1.67)

पद्मपत्रविशालाक्षीं सततं प्रियपङ्कजाम् । अपश्यतो मे वैदेहीं जीवितं नाभिरोचते ॥ 1.67 ॥

padmapatraviśālākṣīṃ satataṃ priyapaṅkajām | apaśyato me vaidehīṃ jīvitaṃ nābhirocate || 1.67 ||

कमलदल के समान विशाल नेत्रोंवाली और सदा कमलों को प्रिय माननेवाली वैदेही को न देखने के कारण मुझे जीवन ही अच्छा नहीं लगता।

श्लोक 68 (kishkindha.1.68)

अहो कामस्य वामत्वं यो गतामपि दुर्लभाम् । स्मारयिष्यति कल्याणीं कल्याणतरवादिनीम् ॥ 1.68 ॥

aho kāmasya vāmatvaṃ yo gatāmapi durlabhām | smārayiṣyati kalyāṇīṃ kalyāṇataravādinīm || 1.68 ||

अहो! कामदेव कितना विपरीत है, जो मुझे उस चली गई, अब दुर्लभ, कल्याणी और अत्यंत मधुरभाषिणी की याद दिला रहा है।

श्लोक 69 (kishkindha.1.69)

शक्यो धारयितुं कामो भवेदभ्यागतो मया । यदि भूयो वसन्तो मां न हन्यात् पुष्पितद्रुमः ॥ 1.69 ॥

śakyo dhārayituṃ kāmo bhavedabhyāgato mayā | yadi bhūyo vasanto māṃ na hanyāt puṣpitadrumaḥ || 1.69 ||

मुझ पर आया हुआ यह काम-भाव मैं सह भी सकता, यदि पुष्पित वृक्षोंवाला यह वसंत मुझे बार-बार आघात न पहुँचाता।

श्लोक 70 (kishkindha.1.70)

यानि स्म रमणीयानि तया सह भवन्ति मे । तान्येवारमणीयानि जायन्ते मे तया विना ॥ 1.70 ॥

yāni sma ramaṇīyāni tayā saha bhavanti me | tānyevāramaṇīyāni jāyante me tayā vinā || 1.70 ||

जो वस्तुएँ उसके साथ रहने पर मुझे रमणीय लगती थीं, वे ही वस्तुएँ अब उसके बिना मुझे अरमणीय जान पड़ती हैं।

श्लोक 71 (kishkindha.1.71)

पद्मकोशपलाशानि द्रष्टुं दृष्टिर्हि मन्यते । सीताया नेत्रकोशाभ्यां सदृशानीति लक्ष्मण ॥ 1.71 ॥

padmakośapalāśāni draṣṭuṃ dṛṣṭirhi manyate | sītāyā netrakośābhyāṃ sadṛśānīti lakṣmaṇa || 1.71 ||

हे लक्ष्मण! इन कमलदलों को देखते हुए मेरी दृष्टि यही सोचती है कि ये सीता के दोनों नेत्रों के समान हैं।

श्लोक 72 (kishkindha.1.72)

पद्मकेसरसंसृष्टो वृक्षान्तरविनिःसृतः । निःश्वास इव सीताया वाति वायुर्मनोहरः ॥ 1.72 ॥

padmakesarasaṃsṛṣṭo vṛkṣāntaraviniḥsṛtaḥ | niḥśvāsa iva sītāyā vāti vāyurmanoharaḥ || 1.72 ||

कमल-पराग से मिली हुई, वृक्षों के बीच से निकलती हुई यह मनोहर वायु मानो सीता की साँस के समान बह रही है।

श्लोक 73 (kishkindha.1.73)

सौमित्रे पश्य पम्पाया दक्षिणे गिरिसानुषु । पुष्पितां कर्णिकारस्य यष्टिं परमशोभिताम् ॥ 1.73 ॥

saumitre paśya pampāyā dakṣiṇe girisānuṣu | puṣpitāṃ karṇikārasya yaṣṭiṃ paramaśobhitām || 1.73 ||

हे सौमित्र! पम्पा के दक्षिण में पर्वत-शिखरों पर कर्णिकार वृक्ष की पुष्पित, अत्यंत सुंदर शाखा को देखो।

श्लोक 74 (kishkindha.1.74)

अधिकं शैलराजोऽयं धातुभिस्तु विभूषितः । विचित्रं सृजते रेणुं वायुवेगविघट्टितम् ॥ 1.74 ॥

adhikaṃ śailarājo'yaṃ dhātubhistu vibhūṣitaḥ | vicitraṃ sṛjate reṇuṃ vāyuvegavighaṭṭitam || 1.74 ||

यह पर्वतराज धातुओं से अत्यंत सुशोभित है और वायु के वेग से बिखरी हुई विचित्र रज को उत्पन्न कर रहा है।

श्लोक 75 (kishkindha.1.75)

गिरिप्रस्थास्तु सौमित्रे सर्वतः सम्प्रपुष्पितैः । निष्पत्रैः सर्वतो रम्यैः प्रदीप्ता इव किंशुकैः ॥ 1.75 ॥

giriprasthāstu saumitre sarvataḥ samprapuṣpitaiḥ | niṣpatraiḥ sarvato ramyaiḥ pradīptā iva kiṃśukaiḥ || 1.75 ||

हे सौमित्र! पर्वत के पठार सब ओर से, पत्तों-रहित परन्तु पूर्ण रूप से पुष्पित मनोहर किंशुक वृक्षों से मानो प्रज्वलित-से दिखाई दे रहे हैं।

श्लोक 76 (kishkindha.1.76)

पम्पातीररुहाश्चेमे संसिक्ता मधुगन्धिनः । मालतीमल्लिकापद्मकरवीराश्च पुष्पिताः ॥ 1.76 ॥

pampātīraruhāśceme saṃsiktā madhugandhinaḥ | mālatīmallikāpadmakaravīrāśca puṣpitāḥ || 1.76 ||

पम्पा के तट पर उगे हुए, जल से सिंचित और मधुगंधित ये मालती, मल्लिका, कमल और कनेर पुष्पित हो रहे हैं।

श्लोक 77 (kishkindha.1.77)

केतक्यः सिन्दुवाराश्च वासन्त्यश्च सुपुष्पिताः । माधव्यो गन्धपूर्णाश्च कुन्दगुल्माश्च सर्वशः ॥ 1.77 ॥

ketakyaḥ sinduvārāśca vāsantyaśca supuṣpitāḥ | mādhavyo gandhapūrṇāśca kundagulmāśca sarvaśaḥ || 1.77 ||

केतकी, निर्गुण्डी और वासन्ती लताएँ खूब खिली हुई हैं; तथा सर्वत्र सुगंधित माधवी लताएँ और कुंद की झाड़ियाँ भी।

श्लोक 78 (kishkindha.1.78)

चिरिबिल्वा मधूकाश्च वञ्जुला बकुलास्तथा । चम्पकास्तिलकाश्चैव नागवृक्षाश्च पुष्पिताः ॥ 1.78 ॥

ciribilvā madhūkāśca vañjulā bakulāstathā | campakāstilakāścaiva nāgavṛkṣāśca puṣpitāḥ || 1.78 ||

चिरिबिल्व, महुआ, वंजुल और बकुल वृक्ष, तथा चम्पा, तिलक और नागकेसर के वृक्ष भी पुष्पित हो रहे हैं।

श्लोक 79 (kishkindha.1.79)

पद्मकाश्चैव शोभन्ते नीलाशोकाश्च पुष्पिताः । लोध्राश्च गिरिपृष्ठेषु सिंहकेसरपिञ्जराः ॥ 1.79 ॥

padmakāścaiva śobhante nīlāśokāśca puṣpitāḥ | lodhrāśca giripṛṣṭheṣu siṃhakesarapiñjarāḥ || 1.79 ||

पद्मक वृक्ष शोभा पा रहे हैं और नीले अशोक वृक्ष पुष्पित हैं; तथा पर्वत की ढलानों पर लोध्र वृक्ष सिंह की अयाल के समान पीत-वर्ण से चमक रहे हैं।

श्लोक 80 (kishkindha.1.80)

अङ्कोलाश्च कुरण्टाश्च चूर्णकाः पारिभद्रकाः । चूताः पाटलयश्चापि कोविदाराश्च पुष्पिताः ॥ 1.80 ॥

aṅkolāśca kuraṇṭāśca cūrṇakāḥ pāribhadrakāḥ | cūtāḥ pāṭalayaścāpi kovidārāśca puṣpitāḥ || 1.80 ||

अंकोल और कुरण्ट, चूर्णक और पारिभद्रक वृक्ष, तथा आम्र, पाटल और कोविदार वृक्ष भी पुष्पित हैं।

श्लोक 81 (kishkindha.1.81)

मुचुकुन्दार्जुनाश्चैव दृश्यन्ते गिरिसानुषु । केतकोद्दालकाश्चैव शिरीषाः शिंशपा धवाः ॥ 1.81 ॥

mucukundārjunāścaiva dṛśyante girisānuṣu | ketakoddālakāścaiva śirīṣāḥ śiṃśapā dhavāḥ || 1.81 ||

पर्वत की चोटियों पर मुचुकुन्द और अर्जुन वृक्ष दिखाई देते हैं, तथा केतकी, उद्दालक, शिरीष, शीशम और धव वृक्ष भी।

श्लोक 82 (kishkindha.1.82)

शाल्मल्यः किंशुकाश्चैव रक्ताः कुरबकास्तथा । तिनिशा नक्तमालाश्च चन्दनाः स्यन्दनास्तथा ॥ 1.82 ॥

śālmalyaḥ kiṃśukāścaiva raktāḥ kurabakāstathā | tiniśā naktamālāśca candanāḥ syandanāstathā || 1.82 ||

शाल्मली और किंशुक वृक्ष, तथा लाल कुरबक, और तिनिश, करंज, चंदन और स्यंदन वृक्ष भी।

श्लोक 83 (kishkindha.1.83)

हिन्तालास्तिलकाश्चैव नागवृक्षाश्च पुष्पिताः । पुष्पितान् पुष्पिताग्राभिर्लताभिः परिवेष्टितान् ॥ 1.83 ॥

hintālāstilakāścaiva nāgavṛkṣāśca puṣpitāḥ | puṣpitān puṣpitāgrābhirlatābhiḥ pariveṣṭitān || 1.83 ||

हिंताल, तिलक और नागकेसर वृक्ष पुष्पित हैं, जो फूली हुई लताओं से चारों ओर से आवेष्टित हैं।

श्लोक 84 (kishkindha.1.84)

द्रुमान् पश्येह सौमित्रे पम्पाया रुचिरान् बहून् । वातविक्षिप्तविटपान् यथासन्नान् द्रुमानिमान् ॥ 1.84 ॥

drumān paśyeha saumitre pampāyā rucirān bahūn | vātavikṣiptaviṭapān yathāsannān drumānimān || 1.84 ||

हे सौमित्र! यहाँ पम्पा के इन अनेक सुंदर वृक्षों को देखो, जिनकी शाखाएँ वायु से हिल रही हैं और जो परस्पर सटे हुए खड़े हैं।

श्लोक 85 (kishkindha.1.85)

लताः समनुवर्तन्ते मत्ता इव वरस्त्रियः । पादपात् पादपं गच्छन् शैलाच्छैलं वनाद् वनम् ॥ 1.85 ॥

latāḥ samanuvartante mattā iva varastriyaḥ | pādapāt pādapaṃ gacchan śailācchailaṃ vanād vanam || 1.85 ||

ये लताएँ मानो मदमत्त सुंदरियों के समान, वृक्ष से वृक्ष, पर्वत से पर्वत, वन से वन तक फैलती चली जाती हैं।

श्लोक 86 (kishkindha.1.86)

वाति नैकरसास्वादसम्मोदित इवानिलः । केचित् पर्याप्तकुसुमाः पादपा मधुगन्धिनः ॥ 1.86 ॥

vāti naikarasāsvādasammodita ivānilaḥ | kecit paryāptakusumāḥ pādapā madhugandhinaḥ || 1.86 ||

यह वायु मानो अनेक रसों का आस्वादन कर हर्षित होती हुई बह रही है; कुछ वृक्ष पूर्ण रूप से पुष्पों से लदे और मधुगंधित हैं।

श्लोक 87 (kishkindha.1.87)

केचिन्मुकुलसंवीताः श्यामवर्णा इवाबभुः । इदं मृष्टमिदं स्वादु प्रफुल्लमिदमित्यपि ॥ 1.87 ॥

kecinmukulasaṃvītāḥ śyāmavarṇā ivābabhuḥ | idaṃ mṛṣṭamidaṃ svādu praphullamidamityapi || 1.87 ||

कुछ वृक्ष अभी कलियों से ढके होने के कारण श्यामवर्ण-से प्रतीत हो रहे थे, मानो भ्रमर कह रहा हो — 'यह स्वादिष्ट है, यह मधुर है, और यह पूर्ण खिला हुआ है' —

श्लोक 88 (kishkindha.1.88)

रागरक्तो मधुकरः कुसुमेष्वेव लीयते । निलीय पुनरुत्पत्य सहसान्यत्र गच्छति । मधुलुब्धो मधुकरः पम्पातीरद्रुमेष्वसौ ॥ 1.88 ॥

rāgarakto madhukaraḥ kusumeṣveva līyate | nilīya punarutpatya sahasānyatra gacchati | madhulubdho madhukaraḥ pampātīradrumeṣvasau || 1.88 ||

इस प्रकार रागरक्त हुआ यह भ्रमर पुष्पों में ही लीन हो जाता है; छिपकर फिर उड़कर सहसा दूसरी ओर चला जाता है — यह मधुलोभी भ्रमर पम्पा के तटवर्ती वृक्षों पर मँडराता रहता है।

श्लोक 89 (kishkindha.1.89)

इयं कुसुमसंघातैरुपस्तीर्णा सुखाकृता । स्वयं निपतितैर्भूमिः शयनप्रस्तरैरिव ॥ 1.89 ॥

iyaṃ kusumasaṃghātairupastīrṇā sukhākṛtā | svayaṃ nipatitairbhūmiḥ śayanaprastarairiva || 1.89 ||

स्वयं गिरे हुए पुष्पों के समूहों से आच्छादित यह भूमि, मानो बिछौने से युक्त शय्या के समान सुखद बन गई है।

श्लोक 90 (kishkindha.1.90)

विविधा विविधैः पुष्पैस्तैरेव नगसानुषु । विस्तीर्णाः पीतरक्ताभाः सौमित्रे प्रस्तराः कृताः ॥ 1.90 ॥

vividhā vividhaiḥ puṣpaistaireva nagasānuṣu | vistīrṇāḥ pītaraktābhāḥ saumitre prastarāḥ kṛtāḥ || 1.90 ||

हे सौमित्र! पर्वत-शिखरों पर इन्हीं नाना पुष्पों से पीले और लाल रंग के विस्तृत शिलाखंड बन गए हैं।

श्लोक 91 (kishkindha.1.91)

हिमान्ते पश्य सौमित्रे वृक्षाणां पुष्पसम्भवम् । पुष्पमासे हि तरवः संघर्षादिव पुष्पिताः ॥ 1.91 ॥

himānte paśya saumitre vṛkṣāṇāṃ puṣpasambhavam | puṣpamāse hi taravaḥ saṃgharṣādiva puṣpitāḥ || 1.91 ||

हे सौमित्र! शिशिर ऋतु के अंत में वृक्षों के पुष्पित होने को देखो; इस पुष्प-मास में मानो होड़ लगाकर ही वृक्ष खिल उठे हैं।

श्लोक 92 (kishkindha.1.92)

आह्वयन्त इवान्योन्यं नगाः षट्पदनादिताः । कुसुमोत्तंसविटपाः शोभन्ते बहु लक्ष्मण ॥ 1.92 ॥

āhvayanta ivānyonyaṃ nagāḥ ṣaṭpadanāditāḥ | kusumottaṃsaviṭapāḥ śobhante bahu lakṣmaṇa || 1.92 ||

हे लक्ष्मण! भ्रमरों की ध्वनि से गूँजते, पुष्पों को ही आभूषण बनाए इन वृक्षों की शाखाएँ मानो एक-दूसरे को पुकारती हुई अत्यंत शोभा पा रही हैं।

श्लोक 93 (kishkindha.1.93)

एष कारण्डवः पक्षी विगाह्य सलिलं शुभम् । रमते कान्तया सार्धं काममुद्दीपयन्निव ॥ 1.93 ॥

eṣa kāraṇḍavaḥ pakṣī vigāhya salilaṃ śubham | ramate kāntayā sārdhaṃ kāmamuddīpayanniva || 1.93 ||

यह कारण्डव पक्षी स्वच्छ जल में गोता लगाकर, मानो काम-भाव को प्रज्वलित करता हुआ अपनी प्रिया के साथ क्रीड़ा कर रहा है।

श्लोक 94 (kishkindha.1.94)

मन्दाकिन्यास्तु यदिदं रूपमेतन्मनोरमम् । स्थाने जगति विख्याता गुणास्तस्या मनोरमाः ॥ 1.94 ॥

mandākinyāstu yadidaṃ rūpametanmanoramam | sthāne jagati vikhyātā guṇāstasyā manoramāḥ || 1.94 ||

यदि मन्दाकिनी (आकाशगंगा) का यही मनोहर रूप है, तो संसार में उसके गुणों का इतना विख्यात होना उचित ही है।

श्लोक 95 (kishkindha.1.95)

यदि दृश्येत सा साध्वी यदि चेह वसेमहि । स्पृहयेयं न शक्राय नायोध्यायै रघूत्तम ॥ 1.95 ॥

yadi dṛśyeta sā sādhvī yadi ceha vasemahi | spṛhayeyaṃ na śakrāya nāyodhyāyai raghūttama || 1.95 ||

हे रघुश्रेष्ठ! यदि वह साध्वी सीता यहाँ दिखाई दे जाएँ और हम यहीं निवास करने लगें, तो मुझे न इन्द्र-पद की इच्छा होगी और न अयोध्या की।

श्लोक 96 (kishkindha.1.96)

न ह्येवं रमणीयेषु शाद्वलेषु तया सह । रमतो मे भवेच्चिन्ता न स्पृहान्येषु वा भवेत् ॥ 1.96 ॥

na hyevaṃ ramaṇīyeṣu śādvaleṣu tayā saha | ramato me bhaveccintā na spṛhānyeṣu vā bhavet || 1.96 ||

इन रमणीय हरे-भरे मैदानों में उसके साथ इस प्रकार विहार करते हुए मुझे न कोई चिंता होगी और न किसी अन्य वस्तु की कामना।

श्लोक 97 (kishkindha.1.97)

अमी हि विविधैः पुष्पैस्तरवो विविधच्छदाः । काननेऽस्मिन् विना कान्तां चिन्तामुत्पादयन्ति मे ॥ 1.97 ॥

amī hi vividhaiḥ puṣpaistaravo vividhacchadāḥ | kānane'smin vinā kāntāṃ cintāmutpādayanti me || 1.97 ||

किन्तु नाना पत्तों और नाना पुष्पोंवाले ये वृक्ष इस वन में मेरी प्रिया के बिना मेरे मन में केवल चिंता ही उत्पन्न कर रहे हैं।

श्लोक 98 (kishkindha.1.98)

पश्य शीतजलां चेमां सौमित्रे पुष्करायुताम् । चक्रवाकानुचरितां कारण्डवनिषेविताम् ॥ 1.98 ॥

paśya śītajalāṃ cemāṃ saumitre puṣkarāyutām | cakravākānucaritāṃ kāraṇḍavaniṣevitām || 1.98 ||

हे सौमित्र! इस शीतल जलवाली, कमलों से युक्त, चक्रवाक पक्षियों से अनुचरित और कारण्डव पक्षियों द्वारा सेवित पम्पा को देखो।

श्लोक 99 (kishkindha.1.99)

प्लवैः क्रौञ्चैश्च सम्पूर्णां महामृगनिषेविताम् । अधिकं शोभते पम्पा विकूजद्भिर्विहंगमैः ॥ 1.99 ॥

plavaiḥ krauñcaiśca sampūrṇāṃ mahāmṛganiṣevitām | adhikaṃ śobhate pampā vikūjadbhirvihaṃgamaiḥ || 1.99 ||

जलकाक और क्रौंच पक्षियों से भरी, बड़े-बड़े वन्य पशुओं द्वारा सेवित यह पम्पा चहचहाते हुए पक्षियों के साथ और भी शोभायमान हो रही है।

श्लोक 100 (kishkindha.1.100)

दीपयन्तीव मे कामं विविधा मुदिता द्विजाः । श्यामां चन्द्रमुखीं स्मृत्वा प्रियां पद्मनिभेक्षणाम् ॥ 1.100 ॥

dīpayantīva me kāmaṃ vividhā muditā dvijāḥ | śyāmāṃ candramukhīṃ smṛtvā priyāṃ padmanibhekṣaṇām || 1.100 ||

ये विविध हर्षित पक्षी, चन्द्रमुखी, कमल-नयनी और श्यामवर्णा अपनी प्रिया का स्मरण कराकर मानो मेरी काम-वेदना को प्रज्वलित कर रहे हैं।

श्लोक 101 (kishkindha.1.101)

पश्य सानुषु चित्रेषु मृगीभिः सहितान् मृगान् । मां पुनर्मृगशावाक्ष्या वैदेह्या विरहीकृतम् । व्यथयन्तीव मे चित्तं संचरन्तस्ततस्ततः ॥ 1.101 ॥

paśya sānuṣu citreṣu mṛgībhiḥ sahitān mṛgān | māṃ punarmṛgaśāvākṣyā vaidehyā virahīkṛtam | vyathayantīva me cittaṃ saṃcarantastatastataḥ || 1.101 ||

इन विचित्र पर्वत-शिखरों पर हिरनियों के साथ हिरनों को देखो; और मृगशावाक्षी वैदेही से विरह में पड़े मुझे, इधर-उधर विचरते हुए ये मानो मेरे मन को व्यथित कर रहे हैं।

श्लोक 102 (kishkindha.1.102)

अस्मिन् सानुनि रम्ये हि मत्तद्विजगणाकुले । पश्येयं यदि तां कान्तां ततः स्वस्ति भवेन्मम ॥ 1.102 ॥

asmin sānuni ramye hi mattadvijagaṇākule | paśyeyaṃ yadi tāṃ kāntāṃ tataḥ svasti bhavenmama || 1.102 ||

यदि मत्त पक्षियों के समूहों से भरे इस रमणीय पर्वत-शिखर पर मैं अपनी उस प्रिया को देख पाऊँ, तो मुझे कल्याण की प्राप्ति हो।

श्लोक 103 (kishkindha.1.103)

जीवेयं खलु सौमित्रे मया सह सुमध्यमा । सेवेत यदि वैदेही पम्पायाः पवनं शुभम् ॥ 1.103 ॥

jīveyaṃ khalu saumitre mayā saha sumadhyamā | seveta yadi vaidehī pampāyāḥ pavanaṃ śubham || 1.103 ||

हे सौमित्र! यदि वह सुमध्यमा वैदेही मेरे साथ पम्पा की इस शुभ वायु का सेवन कर सकें, तो निश्चय ही मैं जीवित रह सकूँगा।

श्लोक 104 (kishkindha.1.104)

पद्मसौगन्धिकवहं शिवं शोकविनाशनम् । धन्या लक्ष्मण सेवन्ते पम्पाया वनमारुतम् ॥ 1.104 ॥

padmasaugandhikavahaṃ śivaṃ śokavināśanam | dhanyā lakṣmaṇa sevante pampāyā vanamārutam || 1.104 ||

हे लक्ष्मण! कमल और कुमुद की सुगंध लिए हुए, कल्याणकारी और शोकनाशक पम्पा की इस वनवायु का सेवन करनेवाले लोग धन्य हैं।

श्लोक 105 (kishkindha.1.105)

श्यामा पद्मपलाशाक्षी प्रिया विरहिता मया । कथं धारयति प्राणान् विवशा जनकात्मजा ॥ 1.105 ॥

śyāmā padmapalāśākṣī priyā virahitā mayā | kathaṃ dhārayati prāṇān vivaśā janakātmajā || 1.105 ||

श्याम वर्णवाली, कमलदल जैसे नेत्रोंवाली मेरी प्रिया जनकनन्दिनी, मुझसे बिछुड़कर विवश होकर अपने प्राणों को कैसे धारण कर पा रही होगी?

श्लोक 106 (kishkindha.1.106)

किं नु वक्ष्यामि धर्मज्ञं राजानं सत्यवादिनम् । जनकं पृष्टसीतं तं कुशलं जनसंसदि ॥ 1.106 ॥

kiṃ nu vakṣyāmi dharmajñaṃ rājānaṃ satyavādinam | janakaṃ pṛṣṭasītaṃ taṃ kuśalaṃ janasaṃsadi || 1.106 ||

धर्मज्ञ और सत्यवादी राजा जनक जब सभा में सीता की कुशलता पूछेंगे, तो मैं उनसे क्या कहूँगा?

श्लोक 107 (kishkindha.1.107)

या मामनुगता मन्दं पित्रा प्रस्थापितं वनम् । सीता धर्मं समास्थाय क्व नु सा वर्तते प्रिया ॥ 1.107 ॥

yā māmanugatā mandaṃ pitrā prasthāpitaṃ vanam | sītā dharmaṃ samāsthāya kva nu sā vartate priyā || 1.107 ||

जो सीता धर्म का दृढ़तापूर्वक पालन करते हुए, अपने पिता द्वारा वन भेजे गए मुझ धीमी गति वाले का अनुसरण करती आई, वह प्रिया अब कहाँ है?

श्लोक 108 (kishkindha.1.108)

तया विहीनः कृपणः कथं लक्ष्मण धारये । या मामनुगता राज्याद् भ्रष्टं विहतचेतसम् ॥ 1.108 ॥

tayā vihīnaḥ kṛpaṇaḥ kathaṃ lakṣmaṇa dhāraye | yā māmanugatā rājyād bhraṣṭaṃ vihatacetasam || 1.108 ||

हे लक्ष्मण! जो राज्य से भ्रष्ट और विचलित-चित्त हुए मेरा अनुसरण करती आई, उस सीता से रहित मैं दीन-हीन कैसे जीवित रहूँ?

श्लोक 109 (kishkindha.1.109)

तच्चार्वाञ्चितपद्माक्षं सुगन्धि शुभमव्रणम् । अपश्यतो मुखं तस्याः सीदतीव मतिर्मम ॥ 1.109 ॥

taccārvāñcitapadmākṣaṃ sugandhi śubhamavraṇam | apaśyato mukhaṃ tasyāḥ sīdatīva matirmama || 1.109 ||

उसके सुंदर, कमल जैसे नेत्रोंवाले, सुगंधित, शुभ और निर्दोष मुख को न देखकर मेरा मन मानो बैठा जा रहा है।

श्लोक 110 (kishkindha.1.110)

स्मितहास्यान्तरयुतं गुणवन्मधुरं हितम् । वैदेह्या वाक्यमतुलं कदा श्रोष्यामि लक्ष्मण ॥ 1.110 ॥

smitahāsyāntarayutaṃ guṇavanmadhuraṃ hitam | vaidehyā vākyamatulaṃ kadā śroṣyāmi lakṣmaṇa || 1.110 ||

हे लक्ष्मण! मंद मुस्कान से युक्त, गुणयुक्त, मधुर और हितकारी वैदेही की उस अनुपम वाणी को मैं कब सुन सकूँगा?

श्लोक 111 (kishkindha.1.111)

प्राप्य दुःखं वने श्यामा मां मन्मथविकर्शितम् । नष्टदुःखेव हृष्टेव साध्वी साध्वभ्यभाषत ॥ 1.111 ॥

prāpya duḥkhaṃ vane śyāmā māṃ manmathavikarśitam | naṣṭaduḥkheva hṛṣṭeva sādhvī sādhvabhyabhāṣata || 1.111 ||

वन के दुःख को प्राप्त होकर भी वह श्यामवर्णा साध्वी सीता, कामपीड़ित मुझे देखकर मानो अपना दुःख भूलकर, हर्षित-सी होकर मधुरतापूर्वक बोला करती थीं।

श्लोक 112 (kishkindha.1.112)

किं नु वक्ष्याम्ययोध्यायां कौसल्यां हि नृपात्मज । क्व सा स्नुषेति पृच्छन्तीं कथं चापि मनस्विनीम् ॥ 1.112 ॥

kiṃ nu vakṣyāmyayodhyāyāṃ kausalyāṃ hi nṛpātmaja | kva sā snuṣeti pṛcchantīṃ kathaṃ cāpi manasvinīm || 1.112 ||

हे राजकुमार! अयोध्या में जब वह मनस्विनी कौसल्या पूछेंगी—'कहाँ है मेरी पुत्रवधू?'—तो मैं उनसे क्या और कैसे कहूँगा?

श्लोक 113 (kishkindha.1.113)

गच्छ लक्ष्मण पश्य त्वं भरतं भ्रातृवत्सलम् । नह्यहं जीवितुं शक्तस्तामृते जनकात्मजाम् ॥ 1.113 ॥

gaccha lakṣmaṇa paśya tvaṃ bharataṃ bhrātṛvatsalam | nahyahaṃ jīvituṃ śaktastāmṛte janakātmajām || 1.113 ||

हे लक्ष्मण! तुम जाओ और भ्रातृवत्सल भरत से मिलो; क्योंकि मैं उस जनकनन्दिनी सीता के बिना जीवित रहने में समर्थ नहीं हूँ।

श्लोक 114 (kishkindha.1.114)

इति रामं महात्मानं विलपन्तमनाथवत् । उवाच लक्ष्मणो भ्राता वचनं युक्तमव्ययम् ॥ 1.114 ॥

iti rāmaṃ mahātmānaṃ vilapantamanāthavat | uvāca lakṣmaṇo bhrātā vacanaṃ yuktamavyayam || 1.114 ||

इस प्रकार अनाथ के समान विलाप करते हुए महात्मा राम से भाई लक्ष्मण ने यह उचित और दृढ़ वचन कहा:

श्लोक 115 (kishkindha.1.115)

संस्तम्भ राम भद्रं ते मा शुचः पुरुषोत्तम । नेदृशानां मतिर्मन्दा भवत्यकलुषात्मनाम् ॥ 1.115 ॥

saṃstambha rāma bhadraṃ te mā śucaḥ puruṣottama | nedṛśānāṃ matirmandā bhavatyakaluṣātmanām || 1.115 ||

हे राम, धैर्य धारण करो, तुम्हारा कल्याण हो, हे पुरुषोत्तम! शोक मत करो। तुम जैसे निर्मल-हृदय पुरुषों की बुद्धि इस प्रकार मंद नहीं हुआ करती।

श्लोक 116 (kishkindha.1.116)

स्मृत्वा वियोगजं दुःखं त्यज स्नेहं प्रिये जने । अतिस्नेहपरिष्वङ्गाद् वर्तिरार्द्रापि दह्यते ॥ 1.116 ॥

smṛtvā viyogajaṃ duḥkhaṃ tyaja snehaṃ priye jane | atisnehapariṣvaṅgād vartirārdrāpi dahyate || 1.116 ||

वियोग से उत्पन्न इस दुःख का स्मरण कर प्रिय जन के प्रति अत्यधिक स्नेह को त्याग दो; क्योंकि अत्यधिक स्नेह के आलिंगन से गीली बत्ती भी जल जाती है।

श्लोक 117 (kishkindha.1.117)

यदि गच्छति पातालं ततोऽभ्यधिकमेव वा । सर्वथा रावणस्तात न भविष्यति राघव ॥ 1.117 ॥

yadi gacchati pātālaṃ tato'bhyadhikameva vā | sarvathā rāvaṇastāta na bhaviṣyati rāghava || 1.117 ||

हे राघव! चाहे वह पाताल में चला जाए अथवा उससे भी आगे कहीं, किसी भी प्रकार रावण बच नहीं सकेगा।

श्लोक 118 (kishkindha.1.118)

प्रवृत्तिर्लभ्यतां तावत् तस्य पापस्य रक्षसः । ततो हास्यति वा सीतां निधनं वा गमिष्यति ॥ 1.118 ॥

pravṛttirlabhyatāṃ tāvat tasya pāpasya rakṣasaḥ | tato hāsyati vā sītāṃ nidhanaṃ vā gamiṣyati || 1.118 ||

पहले उस पापी राक्षस का पता तो लगाया जाए; फिर या तो वह सीता को छोड़ देगा, अथवा मृत्यु को प्राप्त होगा।

श्लोक 119 (kishkindha.1.119)

यदि याति दितेर्गर्भं रावणं सह सीतया । तत्राप्येनं हनिष्यामि न चेद् दास्यति मैथिलीम् ॥ 1.119 ॥

yadi yāti ditergarbhaṃ rāvaṇaṃ saha sītayā | tatrāpyenaṃ haniṣyāmi na ced dāsyati maithilīm || 1.119 ||

यदि रावण सीता को लेकर दिति के गर्भ में भी चला जाए, तो भी यदि वह मैथिली को नहीं लौटाएगा, तो मैं वहाँ जाकर भी उसका वध करूँगा।

श्लोक 120 (kishkindha.1.120)

स्वास्थ्यं भद्रं भजस्वार्य त्यज्यतां कृपणा मतिः । अर्थो हि नष्टकार्यार्थैरयत्नेनाधिगम्यते ॥ 1.120 ॥

svāsthyaṃ bhadraṃ bhajasvārya tyajyatāṃ kṛpaṇā matiḥ | artho hi naṣṭakāryārthairayatnenādhigamyate || 1.120 ||

हे आर्य! स्वस्थ हो जाओ, कल्याण हो; इस दीन बुद्धि को त्याग दो। क्योंकि कार्य नष्ट-सा प्रतीत होने पर भी प्रयत्नशील पुरुषों को उसका फल सहज ही मिल जाता है।

श्लोक 121 (kishkindha.1.121)

उत्साहो बलवानार्य नास्त्युत्साहात् परं बलम् । सोत्साहस्य हि लोकेषु न किंचिदपि दुर्लभम् ॥ 1.121 ॥

utsāho balavānārya nāstyutsāhāt paraṃ balam | sotsāhasya hi lokeṣu na kiṃcidapi durlabham || 1.121 ||

हे आर्य! उत्साह ही सबसे बड़ा बल है, उत्साह से बढ़कर कोई बल नहीं। जिसमें उत्साह है, उसके लिए संसार में कुछ भी दुर्लभ नहीं है।

श्लोक 122 (kishkindha.1.122)

उत्साहवन्तः पुरुषा नावसीदन्ति कर्मसु । उत्साहमात्रमाश्रित्य प्रतिलप्स्याम जानकीम् ॥ 1.122 ॥

utsāhavantaḥ puruṣā nāvasīdanti karmasu | utsāhamātramāśritya pratilapsyāma jānakīm || 1.122 ||

उत्साहवान् पुरुष अपने कार्यों में कभी विचलित नहीं होते। केवल उत्साह का ही आश्रय लेकर हम जानकी को पुनः प्राप्त कर लेंगे।

श्लोक 123 (kishkindha.1.123)

त्यजतां कामवृत्तत्वं शोकं संन्यस्य पृष्ठतः । महात्मानं कृतात्मानमात्मानं नावबुध्यसे ॥ 1.123 ॥

tyajatāṃ kāmavṛttatvaṃ śokaṃ saṃnyasya pṛṣṭhataḥ | mahātmānaṃ kṛtātmānamātmānaṃ nāvabudhyase || 1.123 ||

इस काम-वशता को त्याग दो, शोक को पीछे छोड़ दो। तुम अपनी ही महान् और कृतात्मा आत्मा को नहीं पहचान पा रहे हो।

श्लोक 124 (kishkindha.1.124)

एवं सम्बोधितस्तेन शोकोपहतचेतनः । त्यज्य शोकं च मोहं च रामो धैर्यमुपागमत् ॥ 1.124 ॥

evaṃ sambodhitastena śokopahatacetanaḥ | tyajya śokaṃ ca mohaṃ ca rāmo dhairyamupāgamat || 1.124 ||

इस प्रकार लक्ष्मण द्वारा समझाए जाने पर शोक से आहत चित्तवाले राम ने शोक और मोह दोनों को त्यागकर धैर्य धारण किया।

श्लोक 125 (kishkindha.1.125)

सोऽभ्यतिक्रामदव्यग्रस्तामचिन्त्यपराक्रमः । रामः पम्पां सुरुचिरां रम्यां पारिप्लवद्रुमाम् ॥ 1.125 ॥

so'bhyatikrāmadavyagrastāmacintyaparākramaḥ | rāmaḥ pampāṃ surucirāṃ ramyāṃ pāriplavadrumām || 1.125 ||

फिर अचिन्त्य पराक्रमी राम अव्यग्र होकर उस अत्यंत रुचिर, रमणीय और लहराते वृक्षोंवाली पम्पा को पार कर आगे बढ़ गए।

श्लोक 126 (kishkindha.1.126)

निरीक्षमाणः सहसा महात्मा सर्वं वनं निर्झरकन्दरं च । उद्विग्नचेताः सह लक्ष्मणेन विचार्य दुःखोपहतः प्रतस्थे ॥ 1.126 ॥

nirīkṣamāṇaḥ sahasā mahātmā sarvaṃ vanaṃ nirjharakandaraṃ ca | udvignacetāḥ saha lakṣmaṇena vicārya duḥkhopahataḥ pratasthe || 1.126 ||

वह महात्मा राम, झरनों और कंदराओं सहित सारे वन का सहसा निरीक्षण करते हुए, उद्विग्न-चित्त होकर लक्ष्मण के साथ विचार कर, दुःखयुक्त होते हुए भी आगे बढ़ चले।

श्लोक 127 (kishkindha.1.127)

तं मत्तमातङ्गविलासगामी गच्छन्तमव्यग्रमना महात्मा । स लक्ष्मणो राघवमिष्टचेष्टो ररक्ष धर्मेण बलेन चैव ॥ 1.127 ॥

taṃ mattamātaṅgavilāsagāmī gacchantamavyagramanā mahātmā | sa lakṣmaṇo rāghavamiṣṭaceṣṭo rarakṣa dharmeṇa balena caiva || 1.127 ||

मतवाले हाथी के समान चाल से चलते हुए, अव्यग्र-मनवाले उस राघव की, अपने प्रिय आचरणवाले महात्मा लक्ष्मण ने धर्म और बल दोनों से रक्षा की।

श्लोक 128 (kishkindha.1.128)

तावृष्यमूकस्य समीपचारी चरन् ददर्शाद्भुतदर्शनीयौ । शाखामृगाणामधिपस्तरस्वी वितत्रसे नैव विचेष्ट चेष्टाम् ॥ 1.128 ॥

tāvṛṣyamūkasya samīpacārī caran dadarśādbhutadarśanīyau | śākhāmṛgāṇāmadhipastarasvī vitatrase naiva viceṣṭa ceṣṭām || 1.128 ||

ऋष्यमूक पर्वत के समीप विचरण करते हुए वानरों के स्वामी वेगवान् सुग्रीव ने अद्भुत दर्शनीय उन दोनों को देखा और भयभीत होकर मानो कोई चेष्टा भी न कर सके।

श्लोक 129 (kishkindha.1.129)

स तौ महात्मा गजमन्दगामी शाखामृगस्तत्र चरंश्चरन्तौ । दृष्ट्वा विषादं परमं जगाम चिन्तापरीतो भयभारभग्नः ॥ 1.129 ॥

sa tau mahātmā gajamandagāmī śākhāmṛgastatra caraṃścarantau | dṛṣṭvā viṣādaṃ paramaṃ jagāma cintāparīto bhayabhārabhagnaḥ || 1.129 ||

गज के समान मंथर गतिवाला वह महान् वानर सुग्रीव, वहाँ विचरण करते हुए उन दोनों को घूमते देखकर अत्यंत विषाद को प्राप्त हुआ, और चिंता से घिरकर भय के भार से दब गया।

श्लोक 130 (kishkindha.1.130)

तमाश्रमं पुण्यसुखं शरण्यं सदैव शाखामृगसेवितान्तम् । त्रस्ताश्च दृष्ट्वा हरयोऽभिजग्मुर्महौजसौ राघवलक्ष्मणौ तौ ॥ 1.130 ॥

tamāśramaṃ puṇyasukhaṃ śaraṇyaṃ sadaiva śākhāmṛgasevitāntam | trastāśca dṛṣṭvā harayo'bhijagmurmahaujasau rāghavalakṣmaṇau tau || 1.130 ||

उन दोनों महातेजस्वी राघव-लक्ष्मण को देखकर भयभीत हुए वानर, सदा वानरों द्वारा सेवित उस पवित्र, सुखद और शरण्य आश्रम-स्थल की ओर भाग गए।