राम का बाण और प्रथम द्वंद्व

श्लोक 1 (kishkindha.12.1)

एतच्च वचनं श्रुत्वा सुग्रीवस्य सुभाषितम् । प्रत्ययार्थं महातेजा रामो जग्राह कार्मुकम् ॥ 12.1 ॥

etacca vacanaṃ śrutvā sugrīvasya subhāṣitam | pratyayārthaṃ mahātejā rāmo jagrāha kārmukam || 12.1 ||

सुग्रीव के इस सुभाषित वचन को सुनकर महातेजस्वी राम ने विश्वास उत्पन्न करने के लिए अपना धनुष उठाया।

श्लोक 2 (kishkindha.12.2)

स गृहीत्वा धनुर्घोरं शरमेकं च मानदः । सालमुद्दिश्य चिक्षेप पूरयन् स रवैर्दिशः ॥ 12.2 ॥

sa gṛhītvā dhanurghoraṃ śaramekaṃ ca mānadaḥ | sālamuddiśya cikṣepa pūrayan sa ravairdiśaḥ || 12.2 ||

मानदाता राम ने वह भयंकर धनुष और एक बाण लेकर, साल वृक्ष का लक्ष्य साधकर, प्रत्यंचा की ध्वनि से दिशाओं को भरते हुए बाण छोड़ा।

श्लोक 3 (kishkindha.12.3)

स विसृष्टो बलवता बाणः स्वर्णपरिष्कृतः । भित्त्वा सालान् गिरिप्रस्थं सप्तं भूमिं विवेश ह ॥ 12.3 ॥

sa visṛṣṭo balavatā bāṇaḥ svarṇapariṣkṛtaḥ | bhittvā sālān giriprasthaṃ saptaṃ bhūmiṃ viveśa ha || 12.3 ||

उस बलवान द्वारा छोड़ा गया स्वर्णभूषित बाण सातों साल वृक्षों और पर्वत-प्रस्थ को भेदकर पृथ्वी में समा गया।

श्लोक 4 (kishkindha.12.4)

सायकस्तु मुहूर्तेन सालान् भित्त्वा महाजवः । निष्पत्य च पुनस्तूणं तमेव प्रविवेश ह ॥ 12.4 ॥

sāyakastu muhūrtena sālān bhittvā mahājavaḥ | niṣpatya ca punastūṇaṃ tameva praviveśa ha || 12.4 ||

वह अत्यंत वेगवान बाण क्षणभर में साल वृक्षों को भेदकर बाहर निकला और फिर तुरंत उसी तरकश में वापस आ गया।

श्लोक 5 (kishkindha.12.5)

तान् दृष्ट्वा सप्त निर्भिन्नान् सालान् वानरपुङ्गवः । रामस्य शरवेगेन विस्मयं परमं गतः ॥ 12.5 ॥

tān dṛṣṭvā sapta nirbhinnān sālān vānarapuṅgavaḥ | rāmasya śaravegena vismayaṃ paramaṃ gataḥ || 12.5 ||

उन सातों भिन्न साल वृक्षों को देखकर वानरश्रेष्ठ सुग्रीव राम के बाण की गति देखकर परम आश्चर्यचकित हो गया।

श्लोक 6 (kishkindha.12.6)

स मूर्ध्ना न्यपतद् भूमौ प्रलम्बीकृतभूषणः । सुग्रीवः परमप्रीतो राघवाय कृताञ्जलिः ॥ 12.6 ॥

sa mūrdhnā nyapatad bhūmau pralambīkṛtabhūṣaṇaḥ | sugrīvaḥ paramaprīto rāghavāya kṛtāñjaliḥ || 12.6 ||

अत्यंत प्रसन्न सुग्रीव अपने आभूषणों को लटकाए हुए, सिर झुकाकर, हाथ जोड़कर राघव के सम्मुख भूमि पर गिर पड़ा।

श्लोक 7 (kishkindha.12.7)

इदं चोवाच धर्मज्ञं कर्मणा तेन हर्षितः । रामं सर्वास्त्रविदुषां श्रेष्ठं शूरमवस्थितम् ॥ 12.7 ॥

idaṃ covāca dharmajñaṃ karmaṇā tena harṣitaḥ | rāmaṃ sarvāstraviduṣāṃ śreṣṭhaṃ śūramavasthitam || 12.7 ||

उस कार्य से हर्षित होकर उसने सर्वास्त्रविशारदों में श्रेष्ठ, शूरवीर, धर्मज्ञ राम से यह कहा—

श्लोक 8 (kishkindha.12.8)

सेन्द्रानपि सुरान् सर्वांस्त्वं बाणैः पुरुषर्षभ । समर्थः समरे हन्तुं किं पुनर्वालिनं प्रभो ॥ 12.8 ॥

sendrānapi surān sarvāṃstvaṃ bāṇaiḥ puruṣarṣabha | samarthaḥ samare hantuṃ kiṃ punarvālinaṃ prabho || 12.8 ||

"हे पुरुषश्रेष्ठ, हे प्रभो! आप युद्ध में इन्द्र सहित समस्त देवताओं को भी अपने बाणों से मार सकते हैं, फिर वालि की तो बात ही क्या है?

श्लोक 9 (kishkindha.12.9)

येन सप्त महासाला गिरिर्भूमिश्च दारिताः । बाणेनैकेन काकुत्स्थ स्थाता ते को रणाग्रतः ॥ 12.9 ॥

yena sapta mahāsālā girirbhūmiśca dāritāḥ | bāṇenaikena kākutstha sthātā te ko raṇāgrataḥ || 12.9 ||

हे काकुत्स्थ, जिसने एक ही बाण से सात विशाल साल वृक्षों को, पर्वत को और पृथ्वी को भेद दिया, आपके समान युद्ध में अग्रणी कौन खड़ा हो सकता है?

श्लोक 10 (kishkindha.12.10)

अद्य मे विगतः शोकः प्रीतिरद्य परा मम । सुहृदं त्वां समासाद्य महेन्द्रवरुणोपमम् ॥ 12.10 ॥

adya me vigataḥ śokaḥ prītiradya parā mama | suhṛdaṃ tvāṃ samāsādya mahendravaruṇopamam || 12.10 ||

आज मेरा शोक दूर हो गया, आज मुझे परम प्रसन्नता है, कि मुझे महेन्द्र और वरुण के समान आपका सुहृद प्राप्त हुआ है।

श्लोक 11 (kishkindha.12.11)

तमद्यैव प्रियार्थं मे वैरिणं भ्रातृरूपिणम् । वालिनं जहि काकुत्स्थ मया बद्धोऽयमञ्जलिः ॥ 12.11 ॥

tamadyaiva priyārthaṃ me vairiṇaṃ bhrātṛrūpiṇam | vālinaṃ jahi kākutstha mayā baddho'yamañjaliḥ || 12.11 ||

हे काकुत्स्थ, मेरे भाई के रूप में विद्यमान उस शत्रु वालि को आज ही मेरी प्रसन्नता के लिए मार डालिए—मैं हाथ जोड़कर यह विनती करता हूँ।"

श्लोक 12 (kishkindha.12.12)

ततो रामः परिष्वज्य सुग्रीवं प्रियदर्शनम् । प्रत्युवाच महाप्राज्ञो लक्ष्मणानुगतं वचः ॥ 12.12 ॥

tato rāmaḥ pariṣvajya sugrīvaṃ priyadarśanam | pratyuvāca mahāprājño lakṣmaṇānugataṃ vacaḥ || 12.12 ||

तब महाप्राज्ञ राम ने सुखद दर्शनवाले सुग्रीव को गले लगाकर, लक्ष्मण सहित, यह उत्तर दिया—

श्लोक 13 (kishkindha.12.13)

अस्माद्गच्छाम किष्किन्धां क्षिप्रं गच्छ त्वमग्रतः । गत्वा चाह्वय सुग्रीव वालिनं भ्रातृगन्धिनम् ॥ 12.13 ॥

asmāda‍gacchāma kiṣkindhāṃ kṣipraṃ gaccha tvamagrataḥ | gatvā cāhvaya sugrīva vālinaṃ bhrātṛgandhinam || 12.13 ||

"यहाँ से शीघ्र किष्किन्धा चलें; हे सुग्रीव, आप आगे जाकर, अपने भ्रातृत्व से युक्त उस वालि को ललकारें।"

श्लोक 14 (kishkindha.12.14)

सर्वे ते त्वरितं गत्वा किष्किन्धां वालिनः पुरीम् । वृक्षैरात्मानमावृत्य ह्यतिष्ठन् गहने वने ॥ 12.14 ॥

sarve te tvaritaṃ gatvā kiṣkindhāṃ vālinaḥ purīm | vṛkṣairātmānamāvṛtya hyatiṣṭhan gahane vane || 12.14 ||

वे सभी शीघ्रतापूर्वक वालि की नगरी किष्किन्धा जाकर सघन वन में वृक्षों की आड़ में छिपकर ठहर गए।

श्लोक 15 (kishkindha.12.15)

सुग्रीवोऽप्यनदद् घोरं वालिनो ह्वानकारणात् । गाढं परिहितो वेगान्नादैर्भिन्दन्निवाम्बरम् ॥ 12.15 ॥

sugrīvo'pyanadad ghoraṃ vālino hvānakāraṇāt | gāḍhaṃ parihito vegānnādairbhindannivāmbaram || 12.15 ||

सुग्रीव ने भी कमर कसकर वालि को ललकारने के लिए, मानो आकाश को फाड़ता हो, वेगपूर्वक भयंकर गर्जना की।

श्लोक 16 (kishkindha.12.16)

तं श्रुत्वा निनदं भ्रातुः क्रुद्धो वाली महाबलः । निष्पपात सुसंरब्धो भास्करोऽस्ततटादिव ॥ 12.16 ॥

taṃ śrutvā ninadaṃ bhrātuḥ kruddho vālī mahābalaḥ | niṣpapāta susaṃrabdho bhāskaro'stataṭādiva || 12.16 ||

भाई की उस गर्जना को सुनकर महाबली वालि क्रोधित होकर वेगपूर्वक बाहर निकल आया, मानो अस्ताचल से सूर्य निकल रहा हो।

श्लोक 17 (kishkindha.12.17)

ततः सुतुमुलं युद्धं वालिसुग्रीवयोरभूत् । गगने ग्रहयोर्घोरं बुधाङ्गारकयोरिव ॥ 12.17 ॥

tataḥ sutumulaṃ yuddhaṃ vālisugrīvayorabhūt | gagane grahayorghoraṃ budhāṅgārakayoriva || 12.17 ||

तब वालि और सुग्रीव के बीच आकाश में बुध और मंगल ग्रहों के समान भीषण और तुमुल युद्ध हुआ।

श्लोक 18 (kishkindha.12.18)

तलैरशनिकल्पैश्च वज्रकल्पैश्च मुष्टिभिः । जघ्नतुः समरेऽन्योन्यं भ्रातरौ क्रोधमूर्च्छितौ ॥ 12.18 ॥

talairaśanikalpaiśca vajrakalpaiśca muṣṭibhiḥ | jaghnatuḥ samare'nyonyaṃ bhrātarau krodhamūrcchitau || 12.18 ||

क्रोध से उन्मत्त वे दोनों भाई वज्र-सम मुष्टियों और अशनि-सम थपेड़ों से परस्पर युद्ध में एक-दूसरे को मारने लगे।

श्लोक 19 (kishkindha.12.19)

ततो रामो धनुष्पाणिस्तावुभौ समुदैक्षत । अन्योन्यसदृशौ वीरावुभौ देवाविवाश्विनौ ॥ 12.19 ॥

tato rāmo dhanuṣpāṇistāvubhau samudaikṣata | anyonyasadṛśau vīrāvubhau devāvivāśvinau || 12.19 ||

तब धनुष हाथ में लिए राम ने, इन्द्र के अश्विनी कुमारों के समान परस्पर सदृश उन दोनों वीरों को देखा।

श्लोक 20 (kishkindha.12.20)

यन्नावगच्छत् सुग्रीवं वालिनं वापि राघवः । ततो न कृतवान् बुद्धिं मोक्तुमन्तकरं शरम् ॥ 12.20 ॥

yannāvagacchat sugrīvaṃ vālinaṃ vāpi rāghavaḥ | tato na kṛtavān buddhiṃ moktumantakaraṃ śaram || 12.20 ||

चूंकि राघव यह नहीं जान पाए कि कौन सुग्रीव है और कौन वालि, इसलिए उन्होंने प्राणान्तक बाण छोड़ने का निश्चय नहीं किया।

श्लोक 21 (kishkindha.12.21)

एतस्मिन्नन्तरे भग्नः सुग्रीवस्तेन वालिना । अपश्यन् राघवं नाथमृष्यमूकं प्रदुद्रुवे ॥ 12.21 ॥

etasminnantare bhagnaḥ sugrīvastena vālinā | apaśyan rāghavaṃ nāthamṛṣyamūkaṃ pradudruve || 12.21 ||

इसी बीच वालि द्वारा पराजित सुग्रीव, अपने रक्षक राघव को न देखकर, तुरंत ऋष्यमूक की ओर भाग गए।

श्लोक 22 (kishkindha.12.22)

क्लान्तो रुधिरसिक्ताङ्गः प्रहारैर्जर्जरीकृतः । वालिनाभिद्रुतः क्रोधात् प्रविवेश महावनम् ॥ 12.22 ॥

klānto rudhirasiktāṅgaḥ prahārairjarjarīkṛtaḥ | vālinābhidrutaḥ krodhāt praviveśa mahāvanam || 12.22 ||

रक्त से लथपथ, प्रहारों से जर्जर, थके हुए सुग्रीव, क्रोधित वालि द्वारा खदेड़े जाते हुए, उस महावन में प्रविष्ट हुए।

श्लोक 23 (kishkindha.12.23)

तं प्रविष्टं वनं दृष्ट्वा वाली शापभयात् ततः । मुक्तो ह्यसि त्वमित्युक्त्वा स निवृत्तो महाबलः ॥ 12.23 ॥

taṃ praviṣṭaṃ vanaṃ dṛṣṭvā vālī śāpabhayāt tataḥ | mukto hyasi tvamityuktvā sa nivṛtto mahābalaḥ || 12.23 ||

उन्हें वन में प्रविष्ट देखकर महाबली वालि ने "तुम छूट गए" यह कहकर शाप के भय से वहाँ से लौट गया।

श्लोक 24 (kishkindha.12.24)

राघवोऽपि सह भ्रात्रा सह चैव हनूमता । तदेव वनमागच्छत् सुग्रीवो यत्र वानरः ॥ 12.24 ॥

rāghavo'pi saha bhrātrā saha caiva hanūmatā | tadeva vanamāgacchat sugrīvo yatra vānaraḥ || 12.24 ||

राघव भी अपने भाई और हनुमान सहित उसी वन में आए, जहाँ वानर सुग्रीव था।

श्लोक 25 (kishkindha.12.25)

तं समीक्ष्यागतं रामं सुग्रीवः सहलक्ष्मणम् । ह्रीमान् दीनमुवाचेदं वसुधामवलोकयन् ॥ 12.25 ॥

taṃ samīkṣyāgataṃ rāmaṃ sugrīvaḥ sahalakṣmaṇam | hrīmān dīnamuvācedaṃ vasudhāmavalokayan || 12.25 ||

लक्ष्मण सहित आए हुए राम को देखकर लज्जित सुग्रीव भूमि की ओर देखते हुए दीनतापूर्वक बोले—

श्लोक 26 (kishkindha.12.26)

आह्वयस्वेति मामुक्त्वा दर्शयित्वा च विक्रमम् । वैरिणा घातयित्वा च किमिदानीं त्वया कृतम् ॥ 12.26 ॥

āhvayasveti māmuktvā darśayitvā ca vikramam | vairiṇā ghātayitvā ca kimidānīṃ tvayā kṛtam || 12.26 ||

"मुझे ललकारने को कहकर, अपना पराक्रम दिखाकर, और फिर मुझे शत्रु से पिटवाकर, अब आपने यह क्या किया?

श्लोक 27 (kishkindha.12.27)

तामेव वेलां वक्तव्यं त्वया राघव तत्त्वतः । वालिनं न निहन्मीति ततो नाहमितो व्रजे ॥ 12.27 ॥

tāmeva velāṃ vaktavyaṃ tvayā rāghava tattvataḥ | vālinaṃ na nihanmīti tato nāhamito vraje || 12.27 ||

हे राघव, उसी समय आपको सच बता देना चाहिए था कि 'मैं वालि को नहीं मारूँगा'—तब मैं यहाँ न आता।"

श्लोक 28 (kishkindha.12.28)

तस्य चैवं ब्रुवाणस्य सुग्रीवस्य महात्मनः । करुणं दीनया वाचा राघवः पुनरब्रवीत् ॥ 12.28 ॥

tasya caivaṃ bruvāṇasya sugrīvasya mahātmanaḥ | karuṇaṃ dīnayā vācā rāghavaḥ punarabravīt || 12.28 ||

महात्मा सुग्रीव के इस प्रकार दीन वाणी में करुणापूर्वक कहने पर राघव ने पुनः यह कहा—

श्लोक 29 (kishkindha.12.29)

सुग्रीव श्रूयतां तात क्रोधश्च व्यपनीयताम् । कारणं येन बाणोऽयं स मया न विसर्जितः ॥ 12.29 ॥

sugrīva śrūyatāṃ tāta krodhaśca vyapanīyatām | kāraṇaṃ yena bāṇo'yaṃ sa mayā na visarjitaḥ || 12.29 ||

"हे तात सुग्रीव, सुनिए और क्रोध त्याग दीजिए—जिस कारण से मैंने वह बाण नहीं छोड़ा, वह कारण सुनिए।

श्लोक 30 (kishkindha.12.30)

अलंकारेण वेषेण प्रमाणेन गतेन च । त्वं च सुग्रीव वाली च सदृशौ स्थः परस्परम् ॥ 12.30 ॥

alaṃkāreṇa veṣeṇa pramāṇena gatena ca | tvaṃ ca sugrīva vālī ca sadṛśau sthaḥ parasparam || 12.30 ||

आभूषण, वेश, शरीर की माप और चाल में तुम और वालि परस्पर एक-दूसरे के समान हो।

श्लोक 31 (kishkindha.12.31)

स्वरेण वर्चसा चैव प्रेक्षितेन च वानर । विक्रमेण च वाक्यैश्च व्यक्तिं वां नोपलक्षये ॥ 12.31 ॥

svareṇa varcasā caiva prekṣitena ca vānara | vikrameṇa ca vākyaiśca vyaktiṃ vāṃ nopalakṣaye || 12.31 ||

हे वानर, स्वर, तेज, दृष्टि, पराक्रम और वाणी में भी मैं तुम दोनों में भेद नहीं कर सका।

श्लोक 32 (kishkindha.12.32)

ततोऽहं रूपसादृश्यान्मोहितो वानरोत्तम । नोत्सृजामि महावेगं शरं शत्रुनिबर्हणम् ॥ 12.32 ॥

tato'haṃ rūpasādṛśyānmohito vānarottama | notsṛjāmi mahāvegaṃ śaraṃ śatrunibarhaṇam || 12.32 ||

इसीलिए, हे वानरश्रेष्ठ, रूप की समानता से मोहित होकर मैंने वह अत्यंत वेगवान, शत्रुनाशक बाण नहीं छोड़ा।

श्लोक 33 (kishkindha.12.33)

जीवितान्तकरं घोरं सादृश्यात् तु विशङ्कितः । मूलघातो न नौ स्याद्धि द्वयोरिति कृतो मया ॥ 12.33 ॥

jīvitāntakaraṃ ghoraṃ sādṛśyāt tu viśaṅkitaḥ | mūlaghāto na nau syāddhi dvayoriti kṛto mayā || 12.33 ||

उस समानता के कारण शंकित होकर मैंने सोचा—यह प्राणान्तक भयंकर बाण यदि गलत लगा तो हम दोनों का ही मूल कार्य नष्ट हो जाएगा; इसीलिए मैंने ऐसा किया।

श्लोक 34 (kishkindha.12.34)

त्वयि वीर विपन्ने हि अज्ञानाल्लाघवान्मया । मौढ्यं च मम बाल्यं च ख्यापितं स्यात् कपीश्वर ॥ 12.34 ॥

tvayi vīra vipanne hi ajñānāllāghavānmayā | mauḍhyaṃ ca mama bālyaṃ ca khyāpitaṃ syāt kapīśvara || 12.34 ||

हे वीर, यदि मेरे अज्ञान और असावधानी से आप संकट में पड़ जाते, हे कपीश्वर, तो मेरी ही मूढ़ता और बालकपन प्रकट हो जाता।

श्लोक 35 (kishkindha.12.35)

दत्ताभयवधो नाम पातकं महदद्भुतम् । अहं च लक्ष्मणश्चैव सीता च वरवर्णिनी ॥ 12.35 ॥

dattābhayavadho nāma pātakaṃ mahadadbhutam | ahaṃ ca lakṣmaṇaścaiva sītā ca varavarṇinī || 12.35 ||

जिसे अभय दिया गया हो, उसे मारना महान और अद्भुत पाप कहलाता है। मैं, लक्ष्मण, और सुंदर सीता,

श्लोक 36 (kishkindha.12.36)

त्वदधीना वयं सर्वे वनेऽस्मिन् शरणं भवान् । तस्माद् युध्यस्व भूयस्त्वं मा माशङ्कीश्च वानर ॥ 12.36 ॥

tvadadhīnā vayaṃ sarve vane'smin śaraṇaṃ bhavān | tasmād yudhyasva bhūyastvaṃ mā māśaṅkīśca vānara || 12.36 ||

हम सब आप पर ही आश्रित हैं; इस वन में आप ही हमारे शरणदाता हैं। इसलिए हे वानर, फिर से युद्ध कीजिए, और शंका मत कीजिए।

श्लोक 37 (kishkindha.12.37)

एतन्मुहूर्ते तु मया पश्य वालिनमाहवे । निरस्तमिषुणैकेन चेष्टमानं महीतले ॥ 12.37 ॥

etanmuhūrte tu mayā paśya vālinamāhave | nirastamiṣuṇaikena ceṣṭamānaṃ mahītale || 12.37 ||

अभी इसी क्षण आप वालि को मेरे एक ही बाण से गिरा हुआ, पृथ्वी पर तड़पता हुआ देखेंगे।

श्लोक 38 (kishkindha.12.38)

अभिज्ञानं कुरुष्व त्वमात्मनो वानरेश्वर । येन त्वामभिजानीयां द्वन्द्वयुद्धमुपागतम् ॥ 12.38 ॥

abhijñānaṃ kuruṣva tvamātmano vānareśvara | yena tvāmabhijānīyāṃ dvandvayuddhamupāgatam || 12.38 ||

हे वानरेश्वर, अपने लिए कोई पहचान-चिह्न बना लीजिए, जिससे द्वंद्वयुद्ध में लगे हुए आपको मैं पहचान सकूँ।"

श्लोक 39 (kishkindha.12.39)

गजपुष्पीमिमां फुल्लामुत्पाट्य शुभलक्षणाम् । कुरु लक्ष्मण कण्ठेऽस्य सुग्रीवस्य महात्मनः ॥ 12.39 ॥

gajapuṣpīmimāṃ phullāmutpāṭya śubhalakṣaṇām | kuru lakṣmaṇa kaṇṭhe'sya sugrīvasya mahātmanaḥ || 12.39 ||

"हे लक्ष्मण, इस खिली हुई, शुभ लक्षणोंवाली गजपुष्पी लता को तोड़कर महात्मा सुग्रीव के गले में डाल दो।"

श्लोक 40 (kishkindha.12.40)

ततो गिरितटे जातामुत्पाट्य कुसुमायुताम् । लक्ष्मणो गजपुष्पीं तां तस्य कण्ठे व्यसर्जयत् ॥ 12.40 ॥

tato giritaṭe jātāmutpāṭya kusumāyutām | lakṣmaṇo gajapuṣpīṃ tāṃ tasya kaṇṭhe vyasarjayat || 12.40 ||

तब लक्ष्मण ने पर्वत की ढाल पर उगी, फूलों से लदी उस गजपुष्पी लता को तोड़कर सुग्रीव के गले में डाल दी।

श्लोक 41 (kishkindha.12.41)

स तया शुशुभे श्रीमाँल्लतया कण्ठसक्तया । मालयेव बलाकानां ससंध्य इव तोयदः ॥ 12.41 ॥

sa tayā śuśubhe śrīmā~llatayā kaṇṭhasaktayā | mālayeva balākānāṃ sasaṃdhya iva toyadaḥ || 12.41 ||

उस लता से सुशोभित वह श्रीमान सुग्रीव संध्याकालीन बादल पर बगुलों की माला के समान शोभायमान हुआ।

श्लोक 42 (kishkindha.12.42)

विभ्राजमानो वपुषा रामवाक्यसमाहितः । जगाम सह रामेण किष्किन्धां पुनराप सः ॥ 12.42 ॥

vibhrājamāno vapuṣā rāmavākyasamāhitaḥ | jagāma saha rāmeṇa kiṣkindhāṃ punarāpa saḥ || 12.42 ||

राम के वचनों से उत्साहित और अपने तेज से देदीप्यमान वह सुग्रीव राम के साथ पुनः किष्किन्धा की ओर चल पड़ा और वहाँ पहुँच गया।