किष्किन्धा की ओर यात्रा

श्लोक 1 (kishkindha.13.1)

ऋष्यमूकात् स धर्मात्मा किष्किन्धां लक्ष्मणाग्रजः । जगाम सह सुग्रीवो वालिविक्रमपालिताम् ॥ 13.1 ॥

ṛṣyamūkāt sa dharmātmā kiṣkindhāṃ lakṣmaṇāgrajaḥ | jagāma saha sugrīvo vālivikramapālitām || 13.1 ||

ऋष्यमूक से वे धर्मात्मा लक्ष्मण-अग्रज सुग्रीव के साथ वालि के पराक्रम से शासित उस किष्किन्धा की ओर चल पड़े।

श्लोक 2 (kishkindha.13.2)

समुद्यम्य महच्चापं रामः काञ्चनभूषितम् । शरांश्चादित्यसंकाशान् गृहीत्वा रणसाधकान् ॥ 13.2 ॥

samudyamya mahaccāpaṃ rāmaḥ kāñcanabhūṣitam | śarāṃścādityasaṃkāśān gṛhītvā raṇasādhakān || 13.2 ||

राघव ने स्वर्णभूषित विशाल धनुष उठाकर और सूर्य के समान तेजस्वी, युद्ध में सफल बाणों को लेकर—

श्लोक 3 (kishkindha.13.3)

अग्रतस्तु ययौ तस्य राघवस्य महात्मनः । सुग्रीवः संहतग्रीवो लक्ष्मणश्च महाबलः ॥ 13.3 ॥

agratastu yayau tasya rāghavasya mahātmanaḥ | sugrīvaḥ saṃhatagrīvo lakṣmaṇaśca mahābalaḥ || 13.3 ||

उन महात्मा राघव के आगे-आगे स्तब्ध ग्रीवावाले सुग्रीव और महाबली लक्ष्मण चले;

श्लोक 4 (kishkindha.13.4)

पृष्ठतो हनुमान् वीरो नलो नीलश्च वीर्यवान् । तारश्चैव महातेजा हरियूथपयूथपः ॥ 13.4 ॥

pṛṣṭhato hanumān vīro nalo nīlaśca vīryavān | tāraścaiva mahātejā hariyūthapayūthapaḥ || 13.4 ||

उनके पीछे वीर हनुमान, पराक्रमी नल और नील, तथा वानर-यूथपतियों में महातेजस्वी यूथपति तार चले।

श्लोक 5 (kishkindha.13.5)

ते वीक्षमाणा वृक्षांश्च पुष्पभारावलम्बिनः । प्रसन्नाम्बुवहाश्चैव सरितः सागरंगमाः ॥ 13.5 ॥

te vīkṣamāṇā vṛkṣāṃśca puṣpabhārāvalambinaḥ | prasannāmbuvahāścaiva saritaḥ sāgaraṃgamāḥ || 13.5 ||

वे चलते हुए फूलों के भार से झुके वृक्षों को और स्वच्छ जलवाली, सागर की ओर बहती नदियों को देखते गए।

श्लोक 6 (kishkindha.13.6)

कन्दराणि च शैलांश्च निर्दराणि गुहास्तथा । शिखराणि च मुख्यानि दरीश्च प्रियदर्शनाः ॥ 13.6 ॥

kandarāṇi ca śailāṃśca nirdarāṇi guhāstathā | śikharāṇi ca mukhyāni darīśca priyadarśanāḥ || 13.6 ||

तथा कन्दराओं, शैलों, निर्झरों, गुफाओं और सुंदर दिखनेवाली प्रमुख शिखरों तथा घाटियों को देखते गए।

श्लोक 7 (kishkindha.13.7)

वैदूर्यविमलैस्तोयैः पद्मैश्चाकोशकुड्मलैः । शोभितान् सजलान् मार्गे तटाकांश्चावलोकयन् ॥ 13.7 ॥

vaidūryavimalaistoyaiḥ padmaiścākośakuḍmalaiḥ | śobhitān sajalān mārge taṭākāṃścāvalokayan || 13.7 ||

मार्ग में वे वैदूर्यमणि के समान निर्मल जलवाले, कमलों की कलियों से शोभित, जलपूर्ण सरोवरों को देखते हुए चले।

श्लोक 8 (kishkindha.13.8)

कारण्डैः सारसैर्हंसैर्वञ्जुलैर्जलकुक्कुटैः । चक्रवाकैस्तथा चान्यैः शकुनैः प्रतिनादितान् ॥ 13.8 ॥

kāraṇḍaiḥ sārasairhaṃsairvañjulairjalakukkuṭaiḥ | cakravākaistathā cānyaiḥ śakunaiḥ pratināditān || 13.8 ||

जो कारण्डव, सारस, हंस, वंजुल और जलकुक्कुट पक्षियों तथा चक्रवाकों और अन्य पक्षियों की ध्वनि से गूँज रहे थे।

श्लोक 9 (kishkindha.13.9)

मृदुशष्पाङ्कुराहारान्निर्भयान् वनगोचरान् । चरतः सर्वतः पश्यन् स्थलीषु हरिणान् स्थितान् ॥ 13.9 ॥

mṛduśaṣpāṅkurāhārānnirbhayān vanagocarān | carataḥ sarvataḥ paśyan sthalīṣu hariṇān sthitān || 13.9 ||

वे सर्वत्र भयरहित होकर कोमल तृणांकुर चरते हुए या खड़े मृगों को देखते गए, जो निर्भय होकर वन में विचरण कर रहे थे।

श्लोक 10 (kishkindha.13.10)

तटाकवैरिणश्चापि शुक्लदन्तविभूषितान् । घोरानेकचरान् वन्यान् द्विरदान् कूलघातिनः ॥ 13.10 ॥

taṭākavairiṇaścāpi śukladantavibhūṣitān | ghorānekacarān vanyān dviradān kūlaghātinaḥ || 13.10 ||

तथा श्वेत दाँतोंवाले, सरोवरों के शत्रु, अकेले विचरण करनेवाले, तट को क्षति पहुँचानेवाले भयंकर वन्य गजों को भी देखा।

श्लोक 11 (kishkindha.13.11)

मत्तान् गिरितटोत्कृष्टान् पर्वतानिव जङ्गमान् । वानरान् द्विरदप्रख्यान् महीरेणुसमुक्षितान् ॥ 13.11 ॥

mattān giritaṭotkṛṣṭān parvatāniva jaṅgamān | vānarān dviradaprakhyān mahīreṇusamukṣitān || 13.11 ||

पर्वत की ढालों पर गरजते हुए, गजों के समान विशाल, पर्वतों की भाँति गतिशील, धूल से धूसरित सुग्रीव के मदमस्त वानरों को भी देखा।

श्लोक 12 (kishkindha.13.12)

वने वनचरांश्चान्यान् खेचरांश्च विहंगमान् । पश्यन्तस्त्वरिता जग्मुः सुग्रीववशवर्तिनः ॥ 13.12 ॥

vane vanacarāṃścānyān khecarāṃśca vihaṃgamān | paśyantastvaritā jagmuḥ sugrīvavaśavartinaḥ || 13.12 ||

वन के अन्य वनचरों और आकाश में विचरण करनेवाले पक्षियों को देखते हुए सुग्रीव के अनुगामी वानर शीघ्रता से आगे बढ़ते गए।

श्लोक 13 (kishkindha.13.13)

तेषां तु गच्छतां तत्र त्वरितं रघुनन्दनः । द्रुमषण्डवनं दृष्ट्वा रामः सुग्रीवमब्रवीत् ॥ 13.13 ॥

teṣāṃ tu gacchatāṃ tatra tvaritaṃ raghunandanaḥ | drumaṣaṇḍavanaṃ dṛṣṭvā rāmaḥ sugrīvamabravīt || 13.13 ||

इस प्रकार शीघ्रता से जाते हुए, रघुनन्दन राम ने वहाँ एक सघन वृक्ष-समूह देखकर सुग्रीव से कहा—

श्लोक 14 (kishkindha.13.14)

एष मेघ इवाकाशे वृक्षषण्डः प्रकाशते । मेघसंघातविपुलः पर्यन्तकदलीवृतः ॥ 13.14 ॥

eṣa megha ivākāśe vṛkṣaṣaṇḍaḥ prakāśate | meghasaṃghātavipulaḥ paryantakadalīvṛtaḥ || 13.14 ||

"यह वृक्ष-समूह आकाश में मेघ के समान शोभा दे रहा है, जो घने मेघपुंज के समान विशाल है और चारों ओर से केलों के वृक्षों से घिरा है।

श्लोक 15 (kishkindha.13.15)

किमेतज्ज्ञातुमिच्छामि सखे कौतूहलं मम । कौतूहलापनयनं कर्तुमिच्छाम्यहं त्वया ॥ 13.15 ॥

kimetajjñātumicchāmi sakhe kautūhalaṃ mama | kautūhalāpanayanaṃ kartumicchāmyahaṃ tvayā || 13.15 ||

हे सखे, मैं यह जानना चाहता हूँ कि यह क्या है—मुझे कौतूहल है; तुम मेरे इस कौतूहल को दूर करो।"

श्लोक 16 (kishkindha.13.16)

तस्य तद्वचनं श्रुत्वा राघवस्य महात्मनः । गच्छन् नेवाचचक्षेऽथ सुग्रीवस्तन्महद् वनम् ॥ 13.16 ॥

tasya tadvacanaṃ śrutvā rāghavasya mahātmanaḥ | gacchan nevācacakṣe'tha sugrīvastanmahad vanam || 13.16 ||

महात्मा राघव के उन वचनों को सुनकर सुग्रीव ने चलते-चलते ही उस महावन का वर्णन किया—

श्लोक 17 (kishkindha.13.17)

एतद् राघव विस्तीर्णमाश्रमं श्रमनाशनम् । उद्यानवनसम्पन्नं स्वादुमूलफलोदकम् ॥ 13.17 ॥

etad rāghava vistīrṇamāśramaṃ śramanāśanam | udyānavanasampannaṃ svādumūlaphalodakam || 13.17 ||

"हे राघव, यह एक विस्तृत आश्रम है, जो सारी थकान दूर कर देता है, उद्यानों और वनों से समृद्ध है तथा जहाँ मधुर कंदमूल, फल और जल हैं।

श्लोक 18 (kishkindha.13.18)

अत्र सप्तजना नाम मुनयः संशितव्रताः । सप्तैवासन्नधःशीर्षा नियतं जलशायिनः ॥ 13.18 ॥

atra saptajanā nāma munayaḥ saṃśitavratāḥ | saptaivāsannadhaḥśīrṣā niyataṃ jalaśāyinaḥ || 13.18 ||

यहाँ सप्तजन नामक सात कठोर व्रतधारी मुनि रहते थे, जो सदा सिर नीचे किए जल में लेटे रहते थे,

श्लोक 19 (kishkindha.13.19)

सप्तरात्रे कृताहारा वायुनाचलवासिनः । दिवं वर्षशतैर्याताः सप्तभिः सकलेवराः ॥ 13.19 ॥

saptarātre kṛtāhārā vāyunācalavāsinaḥ | divaṃ varṣaśatairyātāḥ saptabhiḥ sakalevarāḥ || 13.19 ||

जो सात रात्रियों तक केवल वायु पर निर्वाह करते और सात सौ वर्षों तक इसी प्रकार अटल रहकर अंततः अपने शरीर सहित स्वर्ग को चले गए।

श्लोक 20 (kishkindha.13.20)

तेषामेतत्प्रभावेण द्रुमप्राकारसंवृतम् । आश्रमं सुदुराधर्षमपि सेन्द्रैः सुरासुरैः ॥ 13.20 ॥

teṣāmetatprabhāveṇa drumaprākārasaṃvṛtam | āśramaṃ sudurādharṣamapi sendraiḥ surāsuraiḥ || 13.20 ||

उनके ही प्रभाव से वृक्षों की चारदीवारी से घिरा यह आश्रम इन्द्र सहित देवताओं और असुरों के लिए भी अत्यंत दुर्धर्ष है।

श्लोक 21 (kishkindha.13.21)

पक्षिणो वर्जयन्त्येतत् तथान्ये वनचारिणः । विशन्ति मोहाद् येऽप्यत्र न निवर्तन्ति ते पुनः ॥ 13.21 ॥

pakṣiṇo varjayantyetat tathānye vanacāriṇaḥ | viśanti mohād ye'pyatra na nivartanti te punaḥ || 13.21 ||

पक्षी और अन्य वनचर इसे त्याग देते हैं; और जो अज्ञानवश यहाँ प्रवेश कर जाते हैं, वे फिर कभी वापस नहीं लौटते।

श्लोक 22 (kishkindha.13.22)

विभूषणरवाश्चात्र श्रूयन्ते सकलाक्षराः । तूर्यगीतस्वनश्चापि गन्धो दिव्यश्च राघव ॥ 13.22 ॥

vibhūṣaṇaravāścātra śrūyante sakalākṣarāḥ | tūryagītasvanaścāpi gandho divyaśca rāghava || 13.22 ||

हे राघव, यहाँ आभूषणों की ध्वनि और स्पष्ट, सुंदर शब्द सुनाई देते हैं, साथ ही वाद्य और गीत के स्वर भी, और दिव्य सुगंध भी अनुभव होती है।

श्लोक 23 (kishkindha.13.23)

त्रेताग्नयोऽपि दीप्यन्ते धूमो ह्येष प्रदृश्यते । वेष्टयन्निव वृक्षाग्रान् कपोताङ्गारुणो घनः ॥ 13.23 ॥

tretāgnayo'pi dīpyante dhūmo hyeṣa pradṛśyate | veṣṭayanniva vṛkṣāgrān kapotāṅgāruṇo ghanaḥ || 13.23 ||

यहाँ त्रेताग्नियाँ भी अब तक प्रज्वलित हैं, क्योंकि यह घना, कबूतर के रंग के समान अरुण धुआँ वृक्षों की चोटियों को लपेटता हुआ दिखाई दे रहा है।

श्लोक 24 (kishkindha.13.24)

एते वृक्षाः प्रकाशन्ते धूमसंसक्तमस्तकाः । मेघजालप्रतिच्छन्ना वैडूर्यगिरयो यथा ॥ 13.24 ॥

ete vṛkṣāḥ prakāśante dhūmasaṃsaktamastakāḥ | meghajālapraticchannā vaiḍūryagirayo yathā || 13.24 ||

धुएँ से आच्छादित शिखरोंवाले ये वृक्ष मेघजाल से ढके वैदूर्यमणि के पर्वतों के समान चमकते हैं।

श्लोक 25 (kishkindha.13.25)

कुरु प्रणामं धर्मात्मंस्तेषामुद्दिश्य राघव । लक्ष्मणेन सह भ्रात्रा प्रयतः संहताञ्जलिः ॥ 13.25 ॥

kuru praṇāmaṃ dharmātmaṃsteṣāmuddiśya rāghava | lakṣmaṇena saha bhrātrā prayataḥ saṃhatāñjaliḥ || 13.25 ||

हे धर्मात्मन्, उन्हें प्रणाम कीजिए," यह कहने पर राघव ने अपने भाई लक्ष्मण सहित, दृढ़तापूर्वक हाथ जोड़कर,

श्लोक 26 (kishkindha.13.26)

प्रणमन्ति हि ये तेषामृषीणां भावितात्मनाम् । न तेषामशुभं किंचिच्छरीरे राम विद्यते ॥ 13.26 ॥

praṇamanti hi ye teṣāmṛṣīṇāṃ bhāvitātmanām | na teṣāmaśubhaṃ kiṃciccharīre rāma vidyate || 13.26 ||

"क्योंकि हे राम, जो इन आत्मलीन ऋषियों को प्रणाम करते हैं, उनके शरीर में कोई अशुभ दिखाई नहीं देता।"

श्लोक 27 (kishkindha.13.27)

ततो रामः सह भ्रात्रा लक्ष्मणेन कृताञ्जलिः । समुद्दिश्य महात्मानस्तानृषीनभ्यवादयत् ॥ 13.27 ॥

tato rāmaḥ saha bhrātrā lakṣmaṇena kṛtāñjaliḥ | samuddiśya mahātmānastānṛṣīnabhyavādayat || 13.27 ||

तब राम ने भाई लक्ष्मण सहित, हाथ जोड़कर, उन महात्मा ऋषियों को संबोधित करते हुए उन्हें प्रणाम किया।

श्लोक 28 (kishkindha.13.28)

अभिवाद्य च धर्मात्मा रामो भ्राता च लक्ष्मणः । सुग्रीवो वानराश्चैव जम्मुः संहृष्टमानसाः ॥ 13.28 ॥

abhivādya ca dharmātmā rāmo bhrātā ca lakṣmaṇaḥ | sugrīvo vānarāścaiva jammuḥ saṃhṛṣṭamānasāḥ || 13.28 ||

प्रणाम करने के पश्चात् धर्मात्मा राम, भाई लक्ष्मण, सुग्रीव और वानर सभी प्रसन्नचित्त होकर आगे बढ़ गए।

श्लोक 29 (kishkindha.13.29)

ते गत्वा दूरमध्वानं तस्मात् सप्तजनाश्रमात् । ददृशुस्तां दुराधर्षां किष्किन्धां वालिपालिताम् ॥ 13.29 ॥

te gatvā dūramadhvānaṃ tasmāt saptajanāśramāt | dadṛśustāṃ durādharṣāṃ kiṣkindhāṃ vālipālitām || 13.29 ||

उस सप्तजन आश्रम से बहुत दूर तक चलकर उन्होंने वालि द्वारा शासित उस दुर्धर्ष किष्किन्धा नगरी को देखा।

श्लोक 30 (kishkindha.13.30)

ततस्तु रामानुजरामवानराः प्रगृह्य शस्त्राण्युदितोग्रतेजसः । पुरीं सुरेशात्मजवीर्यपालितां वधाय शत्रोः पुनरागतास्त्विह ॥ 13.30 ॥

tatastu rāmānujarāmavānarāḥ pragṛhya śastrāṇyuditogratejasaḥ | purīṃ sureśātmajavīryapālitāṃ vadhāya śatroḥ punarāgatāstviha || 13.30 ||

तब रामानुज लक्ष्मण, राम और वानर, शस्त्र हाथों में लिए हुए, उग्र तेज से दीप्त होकर, इन्द्रपुत्र वालि के पराक्रम से रक्षित उस नगरी में शत्रु-वध के लिए पुनः आ पहुँचे।