वालि को ललकार

श्लोक 1 (kishkindha.14.1)

सर्वे ते त्वरितं गत्वा किष्किन्धां वालिनः पुरीम् । वृक्षैरात्मानमावृत्य व्यतिष्ठन् गहने वने ॥ 14.1 ॥

sarve te tvaritaṃ gatvā kiṣkindhāṃ vālinaḥ purīm | vṛkṣairātmānamāvṛtya vyatiṣṭhan gahane vane || 14.1 ||

वे सभी शीघ्रतापूर्वक वालि की नगरी किष्किन्धा जाकर सघन वन में वृक्षों की आड़ में छिपकर ठहर गए।

श्लोक 2 (kishkindha.14.2)

विसार्य सर्वतो दृष्टिं कानने काननप्रियः । सुग्रीवो विपुलग्रीवः क्रोधमाहारयद् भृशम् ॥ 14.2 ॥

visārya sarvato dṛṣṭiṃ kānane kānanapriyaḥ | sugrīvo vipulagrīvaḥ krodhamāhārayad bhṛśam || 14.2 ||

वनप्रिय सुग्रीव ने चारों ओर वन में दृष्टि दौड़ाते हुए, ऊँची गर्जनावाले स्वर में, अत्यधिक क्रोध धारण कर लिया।

श्लोक 3 (kishkindha.14.3)

ततस्तु निनदं घोरं कृत्वा युद्धाय चाह्वयत् । परिवारैः परिवृतो नादैर्भिन्दन्निवाम्बरम् ॥ 14.3 ॥

tatastu ninadaṃ ghoraṃ kṛtvā yuddhāya cāhvayat | parivāraiḥ parivṛto nādairbhindannivāmbaram || 14.3 ||

तब अपने अनुयायियों से घिरे हुए, मानो आकाश को फाड़ते हुए, घोर गर्जना करके उन्होंने युद्ध के लिए ललकारा,

श्लोक 4 (kishkindha.14.4)

गर्जन्निव महामेघो वायुवेगपुरःसरः । अथ बालार्कसदृशो दृप्तसिंहगतिस्ततः ॥ 14.4 ॥

garjanniva mahāmegho vāyuvegapuraḥsaraḥ | atha bālārkasadṛśo dṛptasiṃhagatistataḥ || 14.4 ||

वायु के वेग से प्रेरित, महामेघ के समान गरजते हुए, फिर सिंह के समान गर्वीली चाल से, उदीयमान सूर्य के समान तेजस्वी होकर,

श्लोक 5 (kishkindha.14.5)

दृष्ट्वा रामं क्रियादक्षं सुग्रीवो वाक्यमब्रवीत् । हरिवागुरया व्याप्तां तप्तकाञ्चनतोरणाम् ॥ 14.5 ॥

dṛṣṭvā rāmaṃ kriyādakṣaṃ sugrīvo vākyamabravīt | harivāgurayā vyāptāṃ taptakāñcanatoraṇām || 14.5 ||

क्रियाकुशल राम की ओर देखकर सुग्रीव ने यह कहा—"हम वालि की उस नगरी किष्किन्धा में पहुँच गए हैं, जो वानरों के जालों से भरी, तपे हुए सोने के तोरणों से सुशोभित है,

श्लोक 6 (kishkindha.14.6)

प्राप्ताः स्म ध्वजयन्त्राढ्यां किष्किन्धां वालिनः पुरीम् । प्रतिज्ञा या कृता वीर त्वया वालिवधे पुरा ॥ 14.6 ॥

prāptāḥ sma dhvajayantrāḍhyāṃ kiṣkindhāṃ vālinaḥ purīm | pratijñā yā kṛtā vīra tvayā vālivadhe purā || 14.6 ||

ध्वजाओं और यंत्रों से समृद्ध है। हे वीर, वालि-वध के लिए आपने पूर्व में जो प्रतिज्ञा की थी,

श्लोक 7 (kishkindha.14.7)

सफलां कुरु तां क्षिप्रं लतां काल इवागतः । एवमुक्तस्तु धर्मात्मा सुग्रीवेण स राघवः ॥ 14.7 ॥

saphalāṃ kuru tāṃ kṣipraṃ latāṃ kāla ivāgataḥ | evamuktastu dharmātmā sugrīveṇa sa rāghavaḥ || 14.7 ||

उसे अब शीघ्र फलीभूत कीजिए, जैसे समय आने पर लता फल देती है।" ऐसा कहे जाने पर धर्मात्मा, शत्रुनाशक राघव ने,

श्लोक 8 (kishkindha.14.8)

तमेवोवाच वचनं सुग्रीवं शत्रुसूदनः । कृताभिज्ञानचिह्नस्त्वमनया गजसाह्वया ॥ 14.8 ॥

tamevovāca vacanaṃ sugrīvaṃ śatrusūdanaḥ | kṛtābhijñānacihnastvamanayā gajasāhvayā || 14.8 ||

सुग्रीव को यह वचन कहा—"तुम्हारे गले में लक्ष्मण द्वारा तोड़कर पहनाई गई इस गजपुष्पी लता रूपी पहचान-चिह्न से,

श्लोक 9 (kishkindha.14.9)

लक्ष्मणेन समुत्पाट्य एषा कण्ठे कृता तव । शोभसेऽप्यधिकं वीर लतया कण्ठसक्तया ॥ 14.9 ॥

lakṣmaṇena samutpāṭya eṣā kaṇṭhe kṛtā tava | śobhase'pyadhikaṃ vīra latayā kaṇṭhasaktayā || 14.9 ||

हे वीर, तुम कण्ठ में लिपटी इस लता के साथ और भी अधिक शोभायमान हो रहे हो,

श्लोक 10 (kishkindha.14.10)

विपरीत इवाकाशे सूर्यो नक्षत्रमालया । अद्य वालिसमुत्थं ते भयं वैरं च वानर ॥ 14.10 ॥

viparīta ivākāśe sūryo nakṣatramālayā | adya vālisamutthaṃ te bhayaṃ vairaṃ ca vānara || 14.10 ||

मानो आकाश में सूर्य नक्षत्रों की माला से लिपटा हो। हे वानर, आज ही वालि द्वारा उत्पन्न यह तुम्हारा भय और वैर,

श्लोक 11 (kishkindha.14.11)

एकेनाहं प्रमोक्ष्यामि बाणमोक्षेण संयुगे । मम दर्शय सुग्रीव वैरिणं भ्रातृरूपिणम् ॥ 14.11 ॥

ekenāhaṃ pramokṣyāmi bāṇamokṣeṇa saṃyuge | mama darśaya sugrīva vairiṇaṃ bhrātṛrūpiṇam || 14.11 ||

मैं एक ही बाण छोड़कर इस युद्ध में मिटा दूँगा। हे सुग्रीव, अब तुम अपने उस भ्राता-रूपधारी शत्रु को मुझे दिखाओ,

श्लोक 12 (kishkindha.14.12)

वाली विनिहतो यावद्वने पांसुषु चेष्टते । यदि दृष्टिपथं प्राप्तो जीवन् स विनिवर्तते ॥ 14.12 ॥

vālī vinihato yāvadvane pāṃsuṣu ceṣṭate | yadi dṛṣṭipathaṃ prāpto jīvan sa vinivartate || 14.12 ||

जब तक कि वालि मारा जाकर वन की धूल में लोटने न लगे। और यदि वह मेरी दृष्टि के सामने आकर भी जीवित लौट जाए,

श्लोक 13 (kishkindha.14.13)

ततो दोषेण मागच्छेत् सद्यो गर्हेच्च मां भवान् । प्रत्यक्षं सप्त ते साला मया बाणेन दारिताः ॥ 14.13 ॥

tato doṣeṇa māgacchet sadyo garhecca māṃ bhavān | pratyakṣaṃ sapta te sālā mayā bāṇena dāritāḥ || 14.13 ||

तो तुम तुरंत मुझ पर दोष लगा सकते हो और मेरी निंदा कर सकते हो। तुमने अपनी आँखों से देखा है कि मेरे एक ही बाण से सातों साल वृक्ष विदीर्ण हो गए,

श्लोक 14 (kishkindha.14.14)

ततो वेत्सि बलेनाद्य वालिनं निहतं मया । अनृतं नोक्तपूर्वं मे चिरं कृच्छ्रेऽपि तिष्ठता ॥ 14.14 ॥

tato vetsi balenādya vālinaṃ nihataṃ mayā | anṛtaṃ noktapūrvaṃ me ciraṃ kṛcchre'pi tiṣṭhatā || 14.14 ||

इसलिए निश्चय जानो कि उसी बल से आज वालि भी मेरे द्वारा मारा जाएगा।

श्लोक 15 (kishkindha.14.15)

धर्मलोभपरीतेन न च वक्ष्ये कथंचन । सफलां च करिष्यामि प्रतिज्ञां जहि संभ्रमम् ॥ 14.15 ॥

dharmalobhaparītena na ca vakṣye kathaṃcana | saphalāṃ ca kariṣyāmi pratijñāṃ jahi saṃbhramam || 14.15 ||

धर्म के प्रति अपनी निष्ठा के कारण मैंने पहले कभी असत्य नहीं बोला, चाहे कितनी भी विपत्ति में क्यों न रहा हूँ—और अब भी किसी प्रकार असत्य नहीं बोलूँगा। मैं तुम्हारी प्रतिज्ञा अवश्य सफल करूँगा; अपनी व्याकुलता त्याग दो।

श्लोक 16 (kishkindha.14.16)

प्रसूतं कलमक्षेत्रं वर्षेणेव शतक्रतुः । तदाह्वाननिमित्तं च वालिनो हेममालिनः ॥ 14.16 ॥

prasūtaṃ kalamakṣetraṃ varṣeṇeva śatakratuḥ | tadāhvānanimittaṃ ca vālino hemamālinaḥ || 14.16 ||

जैसे इन्द्र वर्षा से बोए गए धान के खेत को फल देता है, वैसे ही यह प्रतिज्ञा फलेगी।" स्वर्णमाली वालि को ललकारने के लिए,

श्लोक 17 (kishkindha.14.17)

सुग्रीव कुरु तं शब्दं निष्पतेद् येन वानरः । जितकाशी जयश्लाघी त्वया चाधर्षितः पुरात् ॥ 14.17 ॥

sugrīva kuru taṃ śabdaṃ niṣpated yena vānaraḥ | jitakāśī jayaślāghī tvayā cādharṣitaḥ purāt || 14.17 ||

"हे सुग्रीव, वह ध्वनि करो, जिससे वह वानर बाहर निकल आए—जो सदा विजयी, विजय पर गर्व करनेवाला, तुमसे कभी पराजित न हुआ,

श्लोक 18 (kishkindha.14.18)

निष्पतिष्यत्यसङ्गेन वाली स प्रियसंयुगः । रिपूणां धर्षितं श्रुत्वा मर्षयन्ति न संयुगे ॥ 14.18 ॥

niṣpatiṣyatyasaṅgena vālī sa priyasaṃyugaḥ | ripūṇāṃ dharṣitaṃ śrutvā marṣayanti na saṃyuge || 14.18 ||

निःसंकोच नगर से बाहर निकल आएगा, क्योंकि वालि को युद्ध सदा प्रिय है। अपने शत्रु का साहस सुनकर वह उसे सहन नहीं करेगा,

श्लोक 19 (kishkindha.14.19)

जानन्तस्तु स्वकं वीर्यं स्त्रीसमक्षं विशेषतः । स तु रामवचः श्रुत्वा सुग्रीवो हेमपिङ्गलः ॥ 14.19 ॥

jānantastu svakaṃ vīryaṃ strīsamakṣaṃ viśeṣataḥ | sa tu rāmavacaḥ śrutvā sugrīvo hemapiṅgalaḥ || 14.19 ||

विशेषतः स्त्रियों के समक्ष, क्योंकि वह अपने पराक्रम को भलीभांति जानता है।" तब स्वर्ण के समान पीतवर्ण सुग्रीव ने राम के वचन सुनकर,

श्लोक 20 (kishkindha.14.20)

ननर्द क्रूरनादेन विनिर्भिन्दन्निवाम्बरम् । तत्र शब्देन वित्रस्ता गावो यान्ति हतप्रभाः ॥ 14.20 ॥

nanarda krūranādena vinirbhindannivāmbaram | tatra śabdena vitrastā gāvo yānti hataprabhāḥ || 14.20 ||

मानो आकाश को चीरता हुआ, क्रूर स्वर में गर्जना की। उस ध्वनि से भयभीत गौएँ अपनी शोभा खोकर इधर-उधर भागने लगीं,

श्लोक 21 (kishkindha.14.21)

राजदोषपरामृष्टाः कुलस्त्रिय इवाकुलाः । द्रवन्ति च मृगाः शीघ्रं भग्ना इव रणे हयाः । पतन्ति च खगा भूमौ क्षीणपुण्या इव ग्रहाः ॥ 14.21 ॥

rājadoṣaparāmṛṣṭāḥ kulastriya ivākulāḥ | dravanti ca mṛgāḥ śīghraṃ bhagnā iva raṇe hayāḥ | patanti ca khagā bhūmau kṣīṇapuṇyā iva grahāḥ || 14.21 ||

राजा के दोष से पीड़ित कुलवधुओं के समान व्याकुल होकर; मृग युद्ध में हारे हुए घोड़ों के समान वेग से भागने लगे, और पक्षी पुण्यक्षीण ग्रहों के समान भूमि पर गिरने लगे।

श्लोक 22 (kishkindha.14.22)

ततः स जीमूतकृतप्रणादो नादं ह्यमुञ्चत् त्वरया प्रतीतः । सूर्यात्मजः शौर्यविवृद्धतेजाः सरित्पतिर्वाऽनिलचञ्चलोर्मिः ॥ 14.22 ॥

tataḥ sa jīmūtakṛtapraṇādo nādaṃ hyamuñcat tvarayā pratītaḥ | sūryātmajaḥ śauryavivṛddhatejāḥ saritpatirvā'nilacañcalormiḥ || 14.22 ||

तब मेघ के समान गर्जन करनेवाला, शौर्य से बढ़े हुए तेजवाला सूर्यपुत्र सुग्रीव ने, वायु से क्षुब्ध लहरोंवाले समुद्र के समान, तत्परतापूर्वक तुरंत वह गर्जना छोड़ी।