हनुमान का सुग्रीव को उपदेश

श्लोक 1 (kishkindha.29.1)

समीक्ष्य विमलं व्योम गतविद्युद्बलाहकम् । सारसाकुलसंघुष्टं रम्यज्योत्स्नानुलेपनम् ॥ 29.1 ॥

samīkṣya vimalaṃ vyoma gatavidyudbalāhakam | sārasākulasaṃghuṣṭaṃ ramyajyotsnānulepanam || 29.1 ||

बिजली और तूफानी बादलों से रहित, स्वच्छ, सारसों के कोलाहल से गुंजायमान तथा मनोहर चाँदनी से युक्त आकाश को देखकर,

श्लोक 2 (kishkindha.29.2)

समृद्धार्थं च सुग्रीवं मन्दधर्मार्थसंग्रहम् । अत्यर्थं चासतां मार्गमेकान्तगतमानसम् ॥ 29.2 ॥

samṛddhārthaṃ ca sugrīvaṃ mandadharmārthasaṃgraham | atyarthaṃ cāsatāṃ mārgamekāntagatamānasam || 29.2 ||

तथा सुग्रीव को भी देखकर - जो धन-सम्पन्न होकर धर्म और अर्थ के संचय में शिथिल हो गए थे,

श्लोक 3 (kishkindha.29.3)

निवृत्तकार्यं सिद्धार्थं प्रमदाभिरतं सदा । प्राप्तवन्तमभिप्रेतान् सर्वानेव मनोरथान् ॥ 29.3 ॥

nivṛttakāryaṃ siddhārthaṃ pramadābhirataṃ sadā | prāptavantamabhipretān sarvāneva manorathān || 29.3 ||

जो सर्वथा असज्जनों के मार्ग पर चल पड़े थे, जिनका मन एकान्तवास में ही लीन था, जो सब कार्यों से निवृत्त होकर, अपने प्रयोजन को सिद्ध कर, सदैव स्त्रियों में रत रहते थे,

श्लोक 4 (kishkindha.29.4)

स्वां च पत्नीमभिप्रेतां तारां चापि समीप्सिताम् । विहरन्तमहोरात्रं कृतार्थं विगतज्वरम् ॥ 29.4 ॥

svāṃ ca patnīmabhipretāṃ tārāṃ cāpi samīpsitām | viharantamahorātraṃ kṛtārthaṃ vigatajvaram || 29.4 ||

अपनी प्रिय पत्नी को तथा अत्यन्त वांछित तारा को भी पाकर, दिन-रात विहार करते हुए, कृतार्थ तथा चिन्तारहित हो गए थे,

श्लोक 5 (kishkindha.29.5)

क्रीडन्तमिव देवेशं गन्धर्वाप्सरसां गणैः । मन्त्रिषु न्यस्तकार्यं च मन्त्रिणामनवेक्षकम् ॥ 29.5 ॥

krīḍantamiva deveśaṃ gandharvāpsarasāṃ gaṇaiḥ | mantriṣu nyastakāryaṃ ca mantriṇāmanavekṣakam || 29.5 ||

मानो गन्धर्वों और अप्सराओं के समूहों के साथ क्रीड़ा करते हुए देवराज के समान,

श्लोक 6 (kishkindha.29.6)

उच्छिन्नराज्यसंदेहं कामवृत्तमिव स्थितम् । निश्चितार्थोऽर्थतत्त्वज्ञः कालधर्मविशेषवित् ॥ 29.6 ॥

ucchinnarājyasaṃdehaṃ kāmavṛttamiva sthitam | niścitārtho'rthatattvajñaḥ kāladharmaviśeṣavit || 29.6 ||

सारे राजकार्य अपने मन्त्रियों को सौंपकर तथा उनकी ओर से निश्चिन्त होकर, अपने पूर्व में खोए हुए राज्य के विषय में निःशंक होकर मानो सर्वथा काम-भोग में लीन थे -

श्लोक 7 (kishkindha.29.7)

प्रसाद्य वाक्यैर्विविधैर्हेतुमद्भिर्मनोरमैः । वाक्यविद् वाक्यतत्त्वज्ञं हरीशं मारुतात्मजः ॥ 29.7 ॥

prasādya vākyairvividhairhetumadbhirmanoramaiḥ | vākyavid vākyatattvajñaṃ harīśaṃ mārutātmajaḥ || 29.7 ||

उस वानरेश्वर के समीप जाकर तथा मधुर, युक्तिसंगत और मनोहर वचनों से

श्लोक 8 (kishkindha.29.8)

हितं तथ्यं च पथ्यं च सामधर्मार्थनीतिमत् । प्रणयप्रीतिसंयुक्तं विश्वासकृतनिश्चयम् ॥ 29.8 ॥

hitaṃ tathyaṃ ca pathyaṃ ca sāmadharmārthanītimat | praṇayaprītisaṃyuktaṃ viśvāsakṛtaniścayam || 29.8 ||

उन्हें प्रसन्न करते हुए - हितकर, सत्य तथा कल्याणकारी वचन, जो साम, धर्म और अर्थ की नीति से युक्त थे, स्नेह और प्रेम से भरे तथा विश्वासपूर्वक निश्चय किए गए थे -

श्लोक 9 (kishkindha.29.9)

हरीश्वरमुपागम्य हनूमान् वाक्यमब्रवीत् । राज्यं प्राप्तं यशश्चैव कौली श्रीरभिवर्धिता ॥ 29.9 ॥

harīśvaramupāgamya hanūmān vākyamabravīt | rājyaṃ prāptaṃ yaśaścaiva kaulī śrīrabhivardhitā || 29.9 ||

वचनों के तत्त्व को जानने वाले पवनपुत्र हनुमान ने उस वानरेश्वर के पास जाकर यह वचन कहा - "राज्य प्राप्त हो गया और यश भी; इस प्रकार आपकी कुल-सम्पदा बढ़ गई है।

श्लोक 10 (kishkindha.29.10)

मित्राणां संग्रहः शेषस्तद् भवान् कर्तुमर्हति । यो हि मित्रेषु कालज्ञः सततं साधु वर्तते ॥ 29.10 ॥

mitrāṇāṃ saṃgrahaḥ śeṣastad bhavān kartumarhati | yo hi mitreṣu kālajñaḥ satataṃ sādhu vartate || 29.10 ||

केवल मित्रों के संग्रह का कार्य शेष है, वह आपको सम्पन्न करना चाहिए। जो व्यक्ति समय का ज्ञाता होकर मित्रों के साथ सदा सम्यक् व्यवहार करता है,

श्लोक 11 (kishkindha.29.11)

तस्य राज्यं च कीर्तिश्च प्रतापश्चापि वर्धते । यस्य कोशश्च दण्डश्च मित्राण्यात्मा च भूमिप । समान्येतानि सर्वाणि स राज्यं महदश्नुते ॥ 29.11 ॥

tasya rājyaṃ ca kīrtiśca pratāpaścāpi vardhate | yasya kośaśca daṇḍaśca mitrāṇyātmā ca bhūmipa | samānyetāni sarvāṇi sa rājyaṃ mahadaśnute || 29.11 ||

उसका राज्य, यश और पराक्रम - सब बढ़ते हैं। हे भूपते! जिसके कोश, दण्ड, मित्र तथा स्वयं अपना बल - ये सब समान रूप से सन्तुलित हों, वही महान् राज्य का उपभोग करता है।

श्लोक 12 (kishkindha.29.12)

तद् भवान् वृत्तसम्पन्नः स्थितः पथि निरत्यये । मित्रार्थमभिनीतार्थं यथावत् कर्तुमर्हति ॥ 29.12 ॥

tad bhavān vṛttasampannaḥ sthitaḥ pathi niratyaye | mitrārthamabhinītārthaṃ yathāvat kartumarhati || 29.12 ||

इसलिए आप, सदाचार-सम्पन्न तथा निर्दोष मार्ग पर स्थित होकर, अपने उस मित्र के प्रयोजन को यथोचित रूप से पूर्ण करें, जिसके लिए वे आपके पास आए थे।

श्लोक 13 (kishkindha.29.13)

संत्यज्य सर्वकर्माणि मित्रार्थे यो न वर्तते । सम्भ्रमाद् विकृतोत्साहः सोऽनर्थैर्नावरुध्यते ॥ 29.13 ॥

saṃtyajya sarvakarmāṇi mitrārthe yo na vartate | sambhramād vikṛtotsāhaḥ so'narthairnāvarudhyate || 29.13 ||

जो अपने सभी कार्यों को त्यागकर भी मित्र के प्रयोजन के लिए प्रयत्न नहीं करता और केवल अपने स्वार्थ में शीघ्रतापूर्वक लीन रहता है, उस पर विपत्ति आ पड़ती है।

श्लोक 14 (kishkindha.29.14)

यो हि कालव्यतीतेषु मित्रकार्येषु वर्तते । स कृत्वा महतोऽप्यर्थान्न मित्रार्थेन युज्यते ॥ 29.14 ॥

yo hi kālavyatīteṣu mitrakāryeṣu vartate | sa kṛtvā mahato'pyarthānna mitrārthena yujyate || 29.14 ||

जो मित्र के कार्य में समय बीत जाने के बाद ही प्रवृत्त होता है, वह चाहे पहले कितने ही बड़े कार्य कर चुका हो, फिर भी मित्र के वास्तविक प्रयोजन से नहीं जुड़ पाता।

श्लोक 15 (kishkindha.29.15)

तदिदं मित्रकार्यं नः कालातीतमरिंदम । क्रियतां राघवस्यैतद् वैदेह्याः परिमार्गणम् ॥ 29.15 ॥

tadidaṃ mitrakāryaṃ naḥ kālātītamariṃdama | kriyatāṃ rāghavasyaitad vaidehyāḥ parimārgaṇam || 29.15 ||

अतः, हे शत्रुदमन! हमारे मित्र का यह कार्य पहले ही विलम्बित हो चुका है; राघव के इस प्रयोजन, अर्थात् वैदेही की खोज को अब सम्पन्न किया जाए।

श्लोक 16 (kishkindha.29.16)

न च कालमतीतं ते निवेदयति कालवित् । त्वरमाणोऽपि स प्राज्ञस्तव राजन् वशानुगः ॥ 29.16 ॥

na ca kālamatītaṃ te nivedayati kālavit | tvaramāṇo'pi sa prājñastava rājan vaśānugaḥ || 29.16 ||

वे समय बीत जाने की बात आपसे नहीं कह रहे, यद्यपि वे समय के ज्ञाता हैं; हे राजन्! शीघ्रता में होते हुए भी वह प्राज्ञ पुरुष सदा आपकी इच्छा के अधीन रहकर विनम्र बना हुआ है।

श्लोक 17 (kishkindha.29.17)

कुलस्य हेतुः स्फीतस्य दीर्घबन्धुश्च राघवः । अप्रमेयप्रभावश्च स्वयं चाप्रतिमो गुणैः ॥ 29.17 ॥

kulasya hetuḥ sphītasya dīrghabandhuśca rāghavaḥ | aprameyaprabhāvaśca svayaṃ cāpratimo guṇaiḥ || 29.17 ||

राघव अपने विशाल कुल की वृद्धि के कारण हैं, दीर्घकाल तक निभने वाले मित्र हैं, अप्रमेय प्रभाव वाले हैं तथा स्वयं गुणों में अनुपम हैं।

श्लोक 18 (kishkindha.29.18)

तस्य त्वं कुरु वै कार्यं पूर्वं तेन कृतं तव । हरीश्वर कपिश्रेष्ठानाज्ञापयितुमर्हसि ॥ 29.18 ॥

tasya tvaṃ kuru vai kāryaṃ pūrvaṃ tena kṛtaṃ tava | harīśvara kapiśreṣṭhānājñāpayitumarhasi || 29.18 ||

हे हरीश्वर! आपको उनका कार्य सम्पन्न करना चाहिए, जैसा उन्होंने पूर्व में आपका कार्य सम्पन्न किया था; अब आपको श्रेष्ठ वानरों को आज्ञा देनी चाहिए।

श्लोक 19 (kishkindha.29.19)

नहि तावद् भवेत् कालो व्यतीतश्चोदनादृते । चोदितस्य हि कार्यस्य भवेत् कालव्यतिक्रमः ॥ 29.19 ॥

nahi tāvad bhavet kālo vyatītaścodanādṛte | coditasya hi kāryasya bhavet kālavyatikramaḥ || 29.19 ||

वास्तव में, जब तक वे स्वयं हमें प्रेरित न करें, तब तक समय बीत गया नहीं कहा जा सकता; परन्तु यदि उन्हें प्रेरित करना पड़े, तभी वह वास्तविक कालातिक्रमण होगा।

श्लोक 20 (kishkindha.29.20)

अकर्तुरपि कार्यस्य भवान् कर्ता हरीश्वर । किं पुनः प्रतिकर्तुस्ते राज्येन च वधेन च ॥ 29.20 ॥

akarturapi kāryasya bhavān kartā harīśvara | kiṃ punaḥ pratikartuste rājyena ca vadhena ca || 29.20 ||

हे हरीश्वर! आप उनके लिए भी कुछ करते हैं जिन्होंने आपके लिए कुछ नहीं किया; फिर उनके लिए तो और भी अधिक करना चाहिए, जिन्होंने राज्य देकर तथा शत्रु का वध कर आपके प्रति प्रत्युपकार पहले ही कर दिया है।

श्लोक 21 (kishkindha.29.21)

शक्तिमानतिविक्रान्तो वानरर्क्षगणेश्वर । कर्तुं दाशरथेः प्रीतिमाज्ञायां किं नु सज्जसे ॥ 29.21 ॥

śaktimānativikrānto vānararkṣagaṇeśvara | kartuṃ dāśaratheḥ prītimājñāyāṃ kiṃ nu sajjase || 29.21 ||

हे शक्तिशाली और अत्यन्त पराक्रमी वानर तथा भालुओं के समूह के स्वामी! फिर आप दशरथ-पुत्र की अभिलाषा पूर्ण करने की आज्ञा देने में विलम्ब क्यों कर रहे हैं?

श्लोक 22 (kishkindha.29.22)

कामं खलु शरैः शक्तः सुरासुरमहोरगान् । वशे दाशरथिः कर्तुं त्वत्प्रतिज्ञामवेक्षते ॥ 29.22 ॥

kāmaṃ khalu śaraiḥ śaktaḥ surāsuramahoragān | vaśe dāśarathiḥ kartuṃ tvatpratijñāmavekṣate || 29.22 ||

निश्चय ही दाशरथि यदि चाहें तो अपने बाणों से देवों, असुरों और महान् नागों को भी वश में कर सकते हैं; फिर भी वे आपकी प्रतिज्ञा की पूर्ति की प्रतीक्षा कर रहे हैं।

श्लोक 23 (kishkindha.29.23)

प्राणत्यागाविशंकेन कृतं तेन महत् प्रियम् । तस्य मार्गाम वैदेहीं पृथिव्यामपि चाम्बरे ॥ 29.23 ॥

prāṇatyāgāviśaṃkena kṛtaṃ tena mahat priyam | tasya mārgāma vaidehīṃ pṛthivyāmapi cāmbare || 29.23 ||

अपने प्राणों को त्यागने में भी संकोच न करते हुए उन्होंने आपके लिए एक असाधारण उपकार किया; उनके लिए हम वैदेही की खोज पृथ्वी पर अथवा आकाश में भी करेंगे।

श्लोक 24 (kishkindha.29.24)

देवदानवगन्धर्वा असुराः समरुद्गणाः । न च यक्षा भयं तस्य कुर्युः किमिव राक्षसाः ॥ 29.24 ॥

devadānavagandharvā asurāḥ samarudgaṇāḥ | na ca yakṣā bhayaṃ tasya kuryuḥ kimiva rākṣasāḥ || 29.24 ||

देवता, दानव, गन्धर्व, असुर, मरुद्गण तथा यक्ष भी उन्हें भयभीत नहीं कर सकते - फिर राक्षस भला कैसे कर सकते हैं?

श्लोक 25 (kishkindha.29.25)

तदेवं शक्तियुक्तस्य पूर्वं प्रतिकृतस्तथा । रामस्यार्हसि पिङ्गेश कर्तुं सर्वात्मना प्रियम् ॥ 29.25 ॥

tadevaṃ śaktiyuktasya pūrvaṃ pratikṛtastathā | rāmasyārhasi piṅgeśa kartuṃ sarvātmanā priyam || 29.25 ||

अतः, हे पिंगेश! जो इस प्रकार शक्ति-सम्पन्न हैं तथा जिन्होंने पहले ही आपका प्रत्युपकार कर दिया है, उन राम के लिए सब प्रकार से प्रिय कार्य करना आपको उचित है।

श्लोक 26 (kishkindha.29.26)

नाधस्तादवनौ नाप्सु गतिर्नोपरि चाम्बरे । कस्यचित् सज्जतेऽस्माकं कपीश्वर तवाज्ञया ॥ 29.26 ॥

nādhastādavanau nāpsu gatirnopari cāmbare | kasyacit sajjate'smākaṃ kapīśvara tavājñayā || 29.26 ||

हे कपीश्वर! आपकी आज्ञा हो जाने पर हममें से किसी की भी गति न तो नीचे पृथ्वी पर, न जल में, न ऊपर आकाश में बाधित होगी।

श्लोक 27 (kishkindha.29.27)

तदाज्ञापय कः किं ते कुतो वापि व्यवस्यतु । हरयो ह्यप्रधृष्यास्ते सन्ति कोट्यग्रतोऽनघ ॥ 29.27 ॥

tadājñāpaya kaḥ kiṃ te kuto vāpi vyavasyatu | harayo hyapradhṛṣyāste santi koṭyagrato'nagha || 29.27 ||

अतः आज्ञा दीजिए, हे अनघ! कि कौन कहाँ से किस प्रयोजन के लिए जाए; क्योंकि आपके पास दस करोड़ से भी अधिक अजेय वानर उपलब्ध हैं।" इस प्रकार हनुमान ने सुग्रीव से निवेदन किया।

श्लोक 28 (kishkindha.29.28)

तस्य तद् वचनं श्रुत्वा काले साधु निरूपितम् । सुग्रीवः सत्त्वसम्पन्नश्चकार मतिमुत्तमाम् ॥ 29.28 ॥

tasya tad vacanaṃ śrutvā kāle sādhu nirūpitam | sugrīvaḥ sattvasampannaścakāra matimuttamām || 29.28 ||

उनके इस समयोचित तथा भलीभाँति प्रस्तुत किए गए वचन को सुनकर सत्त्व-सम्पन्न सुग्रीव ने एक उत्तम निश्चय किया।

श्लोक 29 (kishkindha.29.29)

संदिदेशातिमतिमान् नीलं नित्यकृतोद्यमम् । दिक्षु सर्वासु सर्वेषां सैन्यानामुपसंग्रहे ॥ 29.29 ॥

saṃdideśātimatimān nīlaṃ nityakṛtodyamam | dikṣu sarvāsu sarveṣāṃ sainyānāmupasaṃgrahe || 29.29 ||

उस अत्यन्त बुद्धिमान् सुग्रीव ने सदा उद्यमशील नील को सभी दिशाओं से समस्त सेनाओं को एकत्र करने का आदेश दिया।

श्लोक 30 (kishkindha.29.30)

यथा सेना समग्रा मे यूथपालाश्च सर्वशः । समागच्छन्त्यसङ्गेन सेनाग्र्ये ण तथा कुरु ॥ 29.30 ॥

yathā senā samagrā me yūthapālāśca sarvaśaḥ | samāgacchantyasaṅgena senāgrye ṇa tathā kuru || 29.30 ||

"ऐसा प्रबन्ध करो कि मेरी सम्पूर्ण सेना, सभी ओर से आए हुए दल-नायकों सहित, बिना किसी बाधा के सेना के अग्रभाग में एकत्र हो जाए।

श्लोक 31 (kishkindha.29.31)

ये त्वन्तपालाः प्लवगाः शीघ्रगा व्यवसायिनः । समानयन्तु ते शीघ्रं त्वरिताः शासनान्मम । स्वयं चानन्तरं सैन्यं भवानेवानुपश्यतु ॥ 29.31 ॥

ye tvantapālāḥ plavagāḥ śīghragā vyavasāyinaḥ | samānayantu te śīghraṃ tvaritāḥ śāsanānmama | svayaṃ cānantaraṃ sainyaṃ bhavānevānupaśyatu || 29.31 ||

जो तीव्रगामी तथा उद्यमशील वानर सीमाओं की रक्षा करते हैं, उन्हें मेरी आज्ञा से शीघ्र और तत्परता से बुलाया जाए; और तत्पश्चात् तुम स्वयं सेना का निरीक्षण करना।"

श्लोक 32 (kishkindha.29.32)

त्रिपञ्चरात्रादूर्ध्वं यः प्राप्नुयादिह वानरः । तस्य प्राणान्तिको दण्डो नात्र कार्या विचारणा ॥ 29.32 ॥

tripañcarātrādūrdhvaṃ yaḥ prāpnuyādiha vānaraḥ | tasya prāṇāntiko daṇḍo nātra kāryā vicāraṇā || 29.32 ||

"जो भी वानर आज से पन्द्रह रात्रियों के बाद यहाँ पहुँचेगा, उसके लिए मृत्युदण्ड ही होगा; इसमें और कोई विचार नहीं किया जाएगा।

श्लोक 33 (kishkindha.29.33)

हरींश्च वृद्धानुपयातु साङ्गदो । भवान् ममाज्ञामधिकृत्य निश्चितम् । इति व्यवस्थां हरिपुङ्गवेश्वरो । विधाय वेश्म प्रविवेश वीर्यवान् ॥ 29.33 ॥

harīṃśca vṛddhānupayātu sāṅgado | bhavān mamājñāmadhikṛtya niścitam | iti vyavasthāṃ haripuṅgaveśvaro | vidhāya veśma praviveśa vīryavān || 29.33 ||

और तुम, हे अंगद! वृद्ध वानरों के साथ मेरी इस निश्चित आज्ञा के अनुसार मेरे पास आना।" इस प्रकार व्यवस्था स्थिर करके वह पराक्रमी वानरश्रेष्ठों का स्वामी अपने भवन में प्रविष्ट हो गया।