किष्किन्धाकाण्ड · सर्ग 31
लक्ष्मण का क्रोध
श्लोक 1 (kishkindha.31.1)
स कामिनं दीनमदीनसत्त्वं शोकाभिपन्नं समुदीर्णकोपम्। नरेन्द्रसूनुर्नरदेवपुत्रं रामानुजः पूर्वजमित्युवाच॥ 31.1 ॥
sa kāminaṃ dīnamadīnasattvaṃ śokābhipannaṃ samudīrṇakopam| narendrasūnurnaradevaputraṃ rāmānujaḥ pūrvajamityuvāca|| 31.1 ||
राजपुत्र लक्ष्मण ने अपने बड़े भाई राजकुमार राम से—जो सीता-वियोग में व्याकुल और शोकाकुल थे, फिर भी जिनका धैर्य अडिग था, और जिनका क्रोध अत्यंत प्रबल हो उठा था—इस प्रकार कहा।
श्लोक 2 (kishkindha.31.2)
न वानरः स्थास्यति साधुवृत्ते न मन्यते कर्मफलानुषङ्गान्। न भोक्ष्यते वानरराज्यलक्ष्मीं तथा हि नाभिक्रमतेऽस्य बुद्धिः॥ 31.2 ॥
na vānaraḥ sthāsyati sādhuvṛtte na manyate karmaphalānuṣaṅgān| na bhokṣyate vānararājyalakṣmīṃ tathā hi nābhikramate'sya buddhiḥ|| 31.2 ||
"यह वानर सुग्रीव सज्जनोचित आचरण में स्थिर नहीं रहेगा; आपके उपकार से प्राप्त फल के प्रति वह कृतज्ञ भी नहीं है; वह वानर-राज्य की समृद्धि का सुख भी नहीं भोगेगा—निश्चय ही उसकी बुद्धि आगे नहीं बढ़ पाती।
श्लोक 3 (kishkindha.31.3)
मतिक्षयाद् ग्राम्यसुखेषु सक्त- स्तव प्रसादात् प्रतिकारबुद्धिः। हतोऽग्रजं पश्यतु वीरवालिनं न राज्यमेवं विगुणस्य देयम्॥ 31.3 ॥
matikṣayād grāmyasukheṣu sakta- stava prasādāt pratikārabuddhiḥ| hato'grajaṃ paśyatu vīravālinaṃ na rājyamevaṃ viguṇasya deyam|| 31.3 ||
आपके उपकार का प्रत्युपकार करने का विचार भी न रखते हुए वह बुद्धिभ्रष्ट होकर निम्न भोगों में लिप्त हो गया है; ऐसे को तो मारकर उसके वीर बड़े भाई वालि के पास भेज देना चाहिए—ऐसे गुणहीन को राज्य देना उचित नहीं।
श्लोक 4 (kishkindha.31.4)
न धारये कोपमुदीर्णवेगं निहन्मि सुग्रीवमसत्यमद्य। हरिप्रवीरैः सह वालिपुत्रो नरेन्द्रपुत्र्या विचयं करोतु॥ 31.4 ॥
na dhāraye kopamudīrṇavegaṃ nihanmi sugrīvamasatyamadya| haripravīraiḥ saha vāliputro narendraputryā vicayaṃ karotu|| 31.4 ||
मुझसे अपना यह उमड़ता हुआ क्रोध सहा नहीं जाता; आज मैं इस असत्यवादी सुग्रीव का वध कर दूँगा, और वालि-पुत्र अंगद श्रेष्ठ वानर वीरों के साथ राजकुमारी सीता की खोज करे।"
श्लोक 5 (kishkindha.31.5)
तमात्तबाणासनमुत्पतन्तं निवेदितार्थं रणचण्डकोपम्। उवाच रामः परवीरहन्ता स्ववीक्षितं सानुनयं च वाक्यम्॥ 31.5 ॥
tamāttabāṇāsanamutpatantaṃ niveditārthaṃ raṇacaṇḍakopam| uvāca rāmaḥ paravīrahantā svavīkṣitaṃ sānunayaṃ ca vākyam|| 31.5 ||
शत्रुवीरों का संहार करने वाले राम ने, अपने संकल्प को प्रकट कर धनुष उठाए, युद्ध-क्रोध से प्रचंड होकर उठ खड़े हुए लक्ष्मण से, भली-भाँति सोचा हुआ और सांत्वनापूर्ण यह वचन कहा।
श्लोक 6 (kishkindha.31.6)
नहि वै त्वद्विधो लोके पापमेवं समाचरेत्। कोपमार्येण यो हन्ति स वीरः पुरुषोत्तमः॥ 31.6 ॥
nahi vai tvadvidho loke pāpamevaṃ samācaret| kopamāryeṇa yo hanti sa vīraḥ puruṣottamaḥ|| 31.6 ||
"निश्चय ही तुम्हारे जैसा कोई इस संसार में ऐसा पाप कदापि नहीं करता; जो पुरुष श्रेष्ठ भाव से अपने ही क्रोध का संहार कर देता है, वही सच्चा वीर और पुरुषों में उत्तम है।
श्लोक 7 (kishkindha.31.7)
नेदमत्र त्वया ग्राह्यं साधुवृत्तेन लक्ष्मण। तां प्रीतिमनुवर्तस्व पूर्ववृत्तं च संगतम्॥ 31.7 ॥
nedamatra tvayā grāhyaṃ sādhuvṛttena lakṣmaṇa| tāṃ prītimanuvartasva pūrvavṛttaṃ ca saṃgatam|| 31.7 ||
हे लक्ष्मण, तुम सदाचारी हो, अतः इस विषय में ऐसा दृष्टिकोण अपनाना तुम्हें शोभा नहीं देता; उस मैत्री का और पूर्व में हुए संबंध का अनुसरण करो।
श्लोक 8 (kishkindha.31.8)
सामोपहितया वाचा रूक्षाणि परिवर्जयन्। वक्तुमर्हसि सुग्रीवं व्यतीतं कालपर्यये॥ 31.8 ॥
sāmopahitayā vācā rūkṣāṇi parivarjayan| vaktumarhasi sugrīvaṃ vyatītaṃ kālaparyaye|| 31.8 ||
कठोर वचनों को त्यागकर, सांत्वना भरी वाणी से ही सुग्रीव से बात करना तुम्हें उचित होगा, क्योंकि उसका दोष तो बस इतना ही है कि उसने समय बीत जाने दिया।
श्लोक 9 (kishkindha.31.9)
सोऽग्रजेनानुशिष्टार्थो यथावत् पुरुषर्षभः। प्रविवेश पुरीं वीरो लक्ष्मणः परवीरहा॥ 31.9 ॥
so'grajenānuśiṣṭārtho yathāvat puruṣarṣabhaḥ| praviveśa purīṃ vīro lakṣmaṇaḥ paravīrahā|| 31.9 ||
पुरुषों में श्रेष्ठ, शत्रुवीरों का नाशक वह वीर लक्ष्मण, अपने बड़े भाई से इस प्रकार समुचित शिक्षा पाकर, किष्किंधा नगरी में प्रविष्ट हुआ।
श्लोक 10 (kishkindha.31.10)
ततः शुभमतिः प्राज्ञो भ्रातुः प्रियहिते रतः। लक्ष्मणः प्रतिसंरब्धो जगाम भवनं कपेः॥ 31.10 ॥
tataḥ śubhamatiḥ prājño bhrātuḥ priyahite rataḥ| lakṣmaṇaḥ pratisaṃrabdho jagāma bhavanaṃ kapeḥ|| 31.10 ||
तदनन्तर शुभ बुद्धि वाला, प्राज्ञ और सदा अपने भाई के हित में तत्पर रहने वाला लक्ष्मण, अपने क्रोध को दबाते हुए वानरराज सुग्रीव के भवन की ओर चल पड़ा।
श्लोक 11 (kishkindha.31.11)
शक्रबाणासनप्रख्यं धनुः कालान्तकोपमम्। प्रगृह्य गिरिशृङ्गाभं मन्दरः सानुमानिव॥ 31.11 ॥
śakrabāṇāsanaprakhyaṃ dhanuḥ kālāntakopamam| pragṛhya giriśṛṅgābhaṃ mandaraḥ sānumāniva|| 31.11 ||
वह इन्द्र के धनुष के समान तेजस्वी और कालरूपी संहारक के समान भयंकर धनुष को हाथ में लेकर, मानो शिखरों से युक्त मंदराचल पर्वत के समान प्रतीत हो रहा था।
श्लोक 12 (kishkindha.31.12)
यथोक्तकारी वचनमुत्तरं चैव सोत्तरम्। बृहस्पतिसमो बुद्ध्या मत्वा रामानुजस्तदा॥ 31.12 ॥
yathoktakārī vacanamuttaraṃ caiva sottaram| bṛhaspatisamo buddhyā matvā rāmānujastadā|| 31.12 ||
राम की आज्ञा का सदा पालन करने वाला, बुद्धि में बृहस्पति के समान वह लक्ष्मण, सुग्रीव को कहे जाने वाले वचन, उसके संभावित उत्तर, और उसके आगे दिए जाने वाले अपने प्रत्युत्तर के विषय में मन ही मन विचार करने लगा।
श्लोक 13 (kishkindha.31.13)
कामक्रोधसमुत्थेन भ्रातुः कोपाग्निना वृतः। प्रभञ्जन इवाप्रीतः प्रययौ लक्ष्मणस्ततः॥ 31.13 ॥
kāmakrodhasamutthena bhrātuḥ kopāgninā vṛtaḥ| prabhañjana ivāprītaḥ prayayau lakṣmaṇastataḥ|| 31.13 ||
अपने भाई की काम-वेदना से उपजे क्रोधाग्नि से घिरा हुआ, असंतुष्ट लक्ष्मण मानो प्रचंड आँधी के समान आगे बढ़ चला।
श्लोक 14 (kishkindha.31.14)
सालतालाश्वकर्णांश्च तरसा पातयन् बलात्। पर्यस्यन् गिरिकूटानि द्रुमानन्यांश्च वेगितः॥ 31.14 ॥
sālatālāśvakarṇāṃśca tarasā pātayan balāt| paryasyan girikūṭāni drumānanyāṃśca vegitaḥ|| 31.14 ||
वेग से बढ़ते हुए वह अपने बल से साल, ताल और अश्वकर्ण वृक्षों को गिराता, पर्वत-शिखरों तथा अन्य वृक्षों को भी उखाड़ फेंकता हुआ चला जा रहा था।
श्लोक 15 (kishkindha.31.15)
शिलाश्च शकलीकुर्वन् पद्भ्यां गज इवाशुगः। दूरमेकपदं त्यक्त्वा ययौ कार्यवशाद् द्रुतम्॥ 31.15 ॥
śilāśca śakalīkurvan padbhyāṃ gaja ivāśugaḥ| dūramekapadaṃ tyaktvā yayau kāryavaśād drutam|| 31.15 ||
वह अपने पैरों से शिलाओं को चूर-चूर करता हुआ, तेज चाल से जाते हुए गजराज के समान लंबे-लंबे डग भरते हुए, कार्य की शीघ्रता से प्रेरित होकर द्रुत गति से आगे बढ़ चला।
श्लोक 16 (kishkindha.31.16)
तामपश्यद् बलाकीर्णां हरिराजमहापुरीम्। दुर्गामिक्ष्वाकुशार्दूलः किष्किन्धां गिरिसंकटे॥ 31.16 ॥
tāmapaśyad balākīrṇāṃ harirājamahāpurīm| durgāmikṣvākuśārdūlaḥ kiṣkindhāṃ girisaṃkaṭe|| 31.16 ||
इक्ष्वाकुवंश के उस सिंहतुल्य वीर लक्ष्मण ने पर्वतों के बीच दुर्गम स्थान में बसी, वानरसेना से भरी हुई, वानरराज की उस विशाल राजधानी किष्किंधा को देखा।
श्लोक 17 (kishkindha.31.17)
रोषात् प्रस्फुरमाणोष्ठः सुग्रीवं प्रति लक्ष्मणः। ददर्श वानरान् भीमान् किष्किन्धायां बहिश्चरान्॥ 31.17 ॥
roṣāt prasphuramāṇoṣṭhaḥ sugrīvaṃ prati lakṣmaṇaḥ| dadarśa vānarān bhīmān kiṣkindhāyāṃ bahiścarān|| 31.17 ||
सुग्रीव के प्रति क्रोध से जिसके होंठ काँप रहे थे, ऐसे लक्ष्मण ने किष्किंधा के बाहरी भाग में विचरण करते हुए भयंकर वानरों को देखा।
श्लोक 18 (kishkindha.31.18)
तं दृष्ट्वा वानराः सर्वे लक्ष्मणं पुरुषर्षभम्। शैलशृङ्गाणि शतशः प्रवृद्धांश्च महीरुहान्। जगृहुः कुञ्जरप्रख्या वानराः पर्वतान्तरे॥ 31.18 ॥
taṃ dṛṣṭvā vānarāḥ sarve lakṣmaṇaṃ puruṣarṣabham| śailaśṛṅgāṇi śataśaḥ pravṛddhāṃśca mahīruhān| jagṛhuḥ kuñjaraprakhyā vānarāḥ parvatāntare|| 31.18 ||
पुरुषों में श्रेष्ठ उस लक्ष्मण को देखकर, पर्वतों की गुफाओं में रहने वाले गजतुल्य समस्त वानरों ने सैकड़ों पर्वत-शिखर और विशाल वृक्ष उठा लिए।
श्लोक 19 (kishkindha.31.19)
तान् गृहीतप्रहरणान् सर्वान् दृष्ट्वा तु लक्ष्मणः। बभूव द्विगुणं क्रुद्धो बह्विन्धन इवानलः॥ 31.19 ॥
tān gṛhītapraharaṇān sarvān dṛṣṭvā tu lakṣmaṇaḥ| babhūva dviguṇaṃ kruddho bahvindhana ivānalaḥ|| 31.19 ||
उन सबको इस प्रकार शस्त्र के रूप में वृक्ष-पर्वत ग्रहण किए देखकर लक्ष्मण का क्रोध, मानो अधिक ईंधन डाले गए अग्नि के समान, दुगुना हो गया।
श्लोक 20 (kishkindha.31.20)
तं ते भयपरीताङ्गा क्षुब्धं दृष्ट्वा प्लवंगमाः। कालमृत्युयुगान्ताभं शतशो विद्रुता दिशः॥ 31.20 ॥
taṃ te bhayaparītāṅgā kṣubdhaṃ dṛṣṭvā plavaṃgamāḥ| kālamṛtyuyugāntābhaṃ śataśo vidrutā diśaḥ|| 31.20 ||
कालरूपी मृत्यु और युगांत के समान प्रचंड, क्षुब्ध लक्ष्मण को देखकर, भय से जिनके अंग-अंग काँप उठे थे, ऐसे सैकड़ों वानर सभी दिशाओं में भाग खड़े हुए।
श्लोक 21 (kishkindha.31.21)
ततः सुग्रीवभवनं प्रविश्य हरिपुंगवाः। क्रोधमागमनं चैव लक्ष्मणस्य न्यवेदयन्॥ 31.21 ॥
tataḥ sugrīvabhavanaṃ praviśya haripuṃgavāḥ| krodhamāgamanaṃ caiva lakṣmaṇasya nyavedayan|| 31.21 ||
तत्पश्चात् कुछ श्रेष्ठ वानर सुग्रीव के भवन में जाकर उसे लक्ष्मण के आगमन और उसके क्रोध की सूचना देने लगे।
श्लोक 22 (kishkindha.31.22)
तारया सहितः कामी सक्तः कपिवृषस्तदा। न तेषां कपिसिंहानां शुश्राव वचनं तदा॥ 31.22 ॥
tārayā sahitaḥ kāmī saktaḥ kapivṛṣastadā| na teṣāṃ kapisiṃhānāṃ śuśrāva vacanaṃ tadā|| 31.22 ||
उस समय काम-भोग में लिप्त और तारा के साथ रत, वानरश्रेष्ठ सुग्रीव ने उन सिंहतुल्य वानरों की बात पर कोई ध्यान नहीं दिया।
श्लोक 23 (kishkindha.31.23)
ततः सचिवसंदिष्टा हरयो रोमहर्षणाः। गिरिकुञ्जरमेघाभा नगरान्निर्ययुस्तदा॥ 31.23 ॥
tataḥ sacivasaṃdiṣṭā harayo romaharṣaṇāḥ| girikuñjarameghābhā nagarānniryayustadā|| 31.23 ||
तब मंत्रियों की आज्ञा पाकर, पर्वत, गजराज और मेघों के समान विशालकाय, रोंगटे खड़े कर देने वाले वे वानर नगर से बाहर निकल पड़े।
श्लोक 24 (kishkindha.31.24)
नखदंष्ट्रायुधाः सर्वे वीरा विकृतदर्शनाः। सर्वे शार्दूलदर्पाश्च सर्वे च विकृताननाः॥ 31.24 ॥
nakhadaṃṣṭrāyudhāḥ sarve vīrā vikṛtadarśanāḥ| sarve śārdūladarpāśca sarve ca vikṛtānanāḥ|| 31.24 ||
वे सभी वीर वानर अपने नख और दाँतों को ही शस्त्र बनाए हुए, विकराल रूप वाले थे; सभी में सिंह-सा गर्व था और सबके मुख विकृत दिखाई देते थे।
श्लोक 25 (kishkindha.31.25)
दशनागबलाः केचित् केचिद् दशगुणोत्तराः। केचिन्नागसहस्रस्य बभूवुस्तुल्यवर्चसः॥ 31.25 ॥
daśanāgabalāḥ kecit kecid daśaguṇottarāḥ| kecinnāgasahasrasya babhūvustulyavarcasaḥ|| 31.25 ||
उनमें से कुछ दस हाथियों के बल वाले थे, कुछ उससे दस गुना अधिक बलशाली थे, तो कुछ की शक्ति एक सहस्र हाथियों के तुल्य थी।
श्लोक 26 (kishkindha.31.26)
ततस्तैः कपिभिर्व्याप्तां द्रुमहस्तैर्महाबलैः। अपश्यल्लक्ष्मणः क्रुद्धः किष्किन्धां तां दुरासदाम्॥ 31.26 ॥
tatastaiḥ kapibhirvyāptāṃ drumahastairmahābalaiḥ| apaśyallakṣmaṇaḥ kruddhaḥ kiṣkindhāṃ tāṃ durāsadām|| 31.26 ||
तब क्रोधित लक्ष्मण ने देखा कि हाथों में वृक्ष लिए हुए उन महाबली वानरों से घिरी हुई किष्किंधा नगरी दुर्गम्य हो गई है।
श्लोक 27 (kishkindha.31.27)
ततस्ते हरयः सर्वे प्राकारपरिखान्तरात्। निष्क्रम्योदग्रसत्त्वास्तु तस्थुराविष्कृतं तदा॥ 31.27 ॥
tataste harayaḥ sarve prākāraparikhāntarāt| niṣkramyodagrasattvāstu tasthurāviṣkṛtaṃ tadā|| 31.27 ||
तब वे सभी उत्साहपूर्ण वानर नगर की चारदीवारी और खाई के भीतर से निकलकर, खुलकर लक्ष्मण के सामने डटकर खड़े हो गए।
श्लोक 28 (kishkindha.31.28)
सुग्रीवस्य प्रमादं च पूर्वजस्यार्थमात्मवान्। दृष्ट्वा क्रोधवशं वीरः पुनरेव जगाम सः॥ 31.28 ॥
sugrīvasya pramādaṃ ca pūrvajasyārthamātmavān| dṛṣṭvā krodhavaśaṃ vīraḥ punareva jagāma saḥ|| 31.28 ||
सुग्रीव की इस असावधानी और अपने बड़े भाई के प्रयोजन का स्मरण करके, बुद्धिमान् वीर लक्ष्मण उन वानरों को देखकर पुनः क्रोध के वश में आ गया।
श्लोक 29 (kishkindha.31.29)
स दीर्घोष्णमहोच्छ्वासः कोपसंरक्तलोचनः। बभूव नरशार्दूलः सधूम इव पावकः॥ 31.29 ॥
sa dīrghoṣṇamahocchvāsaḥ kopasaṃraktalocanaḥ| babhūva naraśārdūlaḥ sadhūma iva pāvakaḥ|| 31.29 ||
लंबी, गरम और गहरी साँसें लेता हुआ, क्रोध से रक्त-वर्ण नेत्रों वाला वह नरश्रेष्ठ लक्ष्मण मानो धुआँ उगलती अग्नि के समान प्रतीत होने लगा।
श्लोक 30 (kishkindha.31.30)
बाणशल्यस्फुरज्जिह्वः सायकासनभोगवान्। स्वतेजोविषसम्भूतः पञ्चास्य इव पन्नगः॥ 31.30 ॥
bāṇaśalyasphurajjihvaḥ sāyakāsanabhogavān| svatejoviṣasambhūtaḥ pañcāsya iva pannagaḥ|| 31.30 ||
उसके बाण के अग्रभाग मानो लपलपाती जिह्वा थे, धनुष मानो सर्प का फण था, और उसका अपना तेज मानो विष के समान बढ़ रहा था—वह पाँच फणों वाले सर्प के समान दिखाई दे रहा था।
श्लोक 31 (kishkindha.31.31)
तं दीप्तमिव कालाग्निं नागेन्द्रमिव कोपितम्। समासाद्याङ्गदस्त्रासाद् विषादमगमत् परम्॥ 31.31 ॥
taṃ dīptamiva kālāgniṃ nāgendramiva kopitam| samāsādyāṅgadastrāsād viṣādamagamat param|| 31.31 ||
प्रलयाग्नि के समान धधकते और क्रुद्ध सर्पराज के समान भयंकर उस लक्ष्मण के निकट जाकर अंगद भय से अत्यंत विषाद को प्राप्त हुआ।
श्लोक 32 (kishkindha.31.32)
सोऽङ्गदं रोषताम्राक्षः संदिदेश महायशाः। सुग्रीवः कथ्यतां वत्स ममागमनमित्युत॥ 31.32 ॥
so'ṅgadaṃ roṣatāmrākṣaḥ saṃdideśa mahāyaśāḥ| sugrīvaḥ kathyatāṃ vatsa mamāgamanamityuta|| 31.32 ||
क्रोध से लाल नेत्रों वाले उस महायशस्वी लक्ष्मण ने अंगद से कहा, "हे वत्स, सुग्रीव को मेरे आगमन का समाचार दो।"
श्लोक 33 (kishkindha.31.33)
एष रामानुजः प्राप्तस्त्वत्सकाशमरिंदम। भ्रातुर्व्यसनसंतप्तो द्वारि तिष्ठति लक्ष्मणः॥ 31.33 ॥
eṣa rāmānujaḥ prāptastvatsakāśamariṃdama| bhrāturvyasanasaṃtapto dvāri tiṣṭhati lakṣmaṇaḥ|| 31.33 ||
"हे शत्रुदमन, राम के इस भाई लक्ष्मण को अपने भाई के दुःख से संतप्त होकर तुम्हारे पास आया समझो; वह द्वार पर खड़ा प्रतीक्षा कर रहा है।
श्लोक 34 (kishkindha.31.34)
तस्य वाक्यं यदि रुचिः क्रियतां साधु वानर। इत्युक्त्वा शीघ्रमागच्छ वत्स वाक्यमरिंदम॥ 31.34 ॥
tasya vākyaṃ yadi ruciḥ kriyatāṃ sādhu vānara| ityuktvā śīghramāgaccha vatsa vākyamariṃdama|| 31.34 ||
हे वानरश्रेष्ठ, यदि तुम्हें रुचिकर लगे तो उसकी बात भली-भाँति सुन लेना—यह कहकर, हे वत्स, तुम शीघ्र लौट आना।"
श्लोक 35 (kishkindha.31.35)
लक्ष्मणस्य वचः श्रुत्वा शोकाविष्टोऽङ्गदोऽब्रवीत्। पितुः समीपमागम्य सौमित्रिरयमागतः॥ 31.35 ॥
lakṣmaṇasya vacaḥ śrutvā śokāviṣṭo'ṅgado'bravīt| pituḥ samīpamāgamya saumitrirayamāgataḥ|| 31.35 ||
लक्ष्मण के ये वचन सुनकर शोकाकुल हुआ अंगद अपने पिता सुग्रीव के पास जाकर बोला, "सौमित्र लक्ष्मण यहाँ आए हैं।"
श्लोक 36 (kishkindha.31.36)
अथाङ्गदस्तस्य सुतीव्रवाचा सम्भ्रान्तभावः परिदीनवक्त्रः। निर्गत्य पूर्वं नृपतेस्तरस्वी ततो रुमायाश्चरणौ ववन्दे॥ 31.36 ॥
athāṅgadastasya sutīvravācā sambhrāntabhāvaḥ paridīnavaktraḥ| nirgatya pūrvaṃ nṛpatestarasvī tato rumāyāścaraṇau vavande|| 31.36 ||
लक्ष्मण के अत्यंत कठोर वचनों से घबराया हुआ और उदास मुख वाला वीर अंगद, राजमहल से बाहर आकर पहले अपने पिता सुग्रीव को और फिर रुमा के चरणों को प्रणाम करने लगा।
श्लोक 37 (kishkindha.31.37)
संगृह्य पादौ पितुरुग्रतेजा जग्राह मातुः पुनरेव पादौ। पादौ रुमायाश्च निपीडयित्वा निवेदयामास ततस्तदर्थम्॥ 31.37 ॥
saṃgṛhya pādau piturugratejā jagrāha mātuḥ punareva pādau| pādau rumāyāśca nipīḍayitvā nivedayāmāsa tatastadartham|| 31.37 ||
तेजस्वी अंगद ने पहले अपने पिता के चरण पकड़े, फिर अपनी माता तारा के चरण पकड़े, और रुमा के चरणों को भी दबाते हुए, तब उसने उन्हें लक्ष्मण के आने का समाचार सुनाया।
श्लोक 38 (kishkindha.31.38)
स निद्राक्लान्तसंवीतो वानरो न विबुद्धवान्। बभूव मदमत्तश्च मदनेन च मोहितः॥ 31.38 ॥
sa nidrāklāntasaṃvīto vānaro na vibuddhavān| babhūva madamattaśca madanena ca mohitaḥ|| 31.38 ||
नींद और मद से घिरा हुआ सुग्रीव कुछ भी ठीक से समझ नहीं पा रहा था, क्योंकि वह नशे में उन्मत्त था और काम-भोग से मोहित भी हो रखा था।
श्लोक 39 (kishkindha.31.39)
ततः किलकिलां चक्रुर्लक्ष्मणं प्रेक्ष्य वानराः। प्रसादयन्तस्तं क्रुद्धं भयमोहितचेतसः॥ 31.39 ॥
tataḥ kilakilāṃ cakrurlakṣmaṇaṃ prekṣya vānarāḥ| prasādayantastaṃ kruddhaṃ bhayamohitacetasaḥ|| 31.39 ||
तब क्रोधित लक्ष्मण को देखकर, भय से व्याकुल-चित्त वानरों ने उसे मनाने के लिए किलकिला ध्वनि करना आरंभ कर दिया।
श्लोक 40 (kishkindha.31.40)
ते महौघनिभं दृष्ट्वा वज्राशनिसमस्वनम्। सिंहनादं समं चक्रुर्लक्ष्मणस्य समीपतः॥ 31.40 ॥
te mahaughanibhaṃ dṛṣṭvā vajrāśanisamasvanam| siṃhanādaṃ samaṃ cakrurlakṣmaṇasya samīpataḥ|| 31.40 ||
बाढ़ के प्रचंड प्रवाह के समान और वज्र की गड़गड़ाहट जैसी भयंकर लक्ष्मण की उपस्थिति देखकर, वे सब लक्ष्मण के निकट एक साथ सिंहनाद करने लगे।
श्लोक 41 (kishkindha.31.41)
तेन शब्देन महता प्रत्यबुध्यत वानरः। मदविह्वलताम्राक्षो व्याकुलः स्रग्विभूषणः॥ 31.41 ॥
tena śabdena mahatā pratyabudhyata vānaraḥ| madavihvalatāmrākṣo vyākulaḥ sragvibhūṣaṇaḥ|| 31.41 ||
उस भारी कोलाहल से सुग्रीव की नींद टूटी, किंतु मद के कारण उसकी लाल आँखें व्याकुल थीं और उसकी माला व आभूषण अस्त-व्यस्त थे।
श्लोक 42 (kishkindha.31.42)
अथाङ्गदवचः श्रुत्वा तेनैव च समागतौ। मन्त्रिणौ वानरेन्द्रस्य सम्मतोदारदर्शनौ॥ 31.42 ॥
athāṅgadavacaḥ śrutvā tenaiva ca samāgatau| mantriṇau vānarendrasya sammatodāradarśanau|| 31.42 ||
अंगद की बातें सुनकर उसी के साथ वानरराज सुग्रीव के दो सम्मानित और उदार-दृष्टि वाले मंत्री भी वहाँ आ पहुँचे।
श्लोक 43 (kishkindha.31.43)
प्लक्षश्चैव प्रभावश्च मन्त्रिणावर्थधर्मयोः। वक्तुमुच्चावचं प्राप्तं लक्ष्मणं तौ शशंसतुः॥ 31.43 ॥
plakṣaścaiva prabhāvaśca mantriṇāvarthadharmayoḥ| vaktumuccāvacaṃ prāptaṃ lakṣmaṇaṃ tau śaśaṃsatuḥ|| 31.43 ||
वे दोनों मंत्री प्लक्ष और प्रभाव थे, जो अर्थ और धर्म के विषय में निपुण थे; उन्होंने सुग्रीव को बताया कि लक्ष्मण नाना प्रकार की बातें कहने के लिए वहाँ आए हैं।
श्लोक 44 (kishkindha.31.44)
प्रसादयित्वा सुग्रीवं वचनैः सार्थनिश्चितैः। आसीनं पर्युपासीनौ यथा शक्रं मरुत्पतिम्॥ 31.44 ॥
prasādayitvā sugrīvaṃ vacanaiḥ sārthaniścitaiḥ| āsīnaṃ paryupāsīnau yathā śakraṃ marutpatim|| 31.44 ||
इन्द्र के समीप बैठे परिचारकों के समान सुग्रीव के पास बैठे हुए उन दोनों मंत्रियों ने अर्थपूर्ण और सुनिश्चित वचनों से उसे प्रसन्न करते हुए यह कहना आरंभ किया।
श्लोक 45 (kishkindha.31.45)
सत्यसंधौ महाभागौ भ्रातरौ रामलक्ष्मणौ। वयस्यभावं सम्प्राप्तौ राज्यार्हौ राज्यदायिनौ॥ 31.45 ॥
satyasaṃdhau mahābhāgau bhrātarau rāmalakṣmaṇau| vayasyabhāvaṃ samprāptau rājyārhau rājyadāyinau|| 31.45 ||
"सत्य-प्रतिज्ञ, महाभाग्यशाली दोनों भ्राता राम और लक्ष्मण, स्वयं राज्य के योग्य होते हुए भी राज्य देने वाले बने और आपके सच्चे मित्र हुए।
श्लोक 46 (kishkindha.31.46)
तयोरेको धनुष्पाणिर्द्वारि तिष्ठति लक्ष्मणः। यस्य भीताः प्रवेपन्तो नादान् मुञ्चन्ति वानराः॥ 31.46 ॥
tayoreko dhanuṣpāṇirdvāri tiṣṭhati lakṣmaṇaḥ| yasya bhītāḥ pravepanto nādān muñcanti vānarāḥ|| 31.46 ||
उन दोनों में से एक, धनुषधारी लक्ष्मण, द्वार पर खड़े हैं, जिनसे भयभीत होकर काँपते हुए वानर चिल्ला रहे हैं।
श्लोक 47 (kishkindha.31.47)
स एष राघवभ्राता लक्ष्मणो वाक्यसारथिः। व्यवसायरथः प्राप्तस्तस्य रामस्य शासनात्॥ 31.47 ॥
sa eṣa rāghavabhrātā lakṣmaṇo vākyasārathiḥ| vyavasāyarathaḥ prāptastasya rāmasya śāsanāt|| 31.47 ||
राघव के इस भाई लक्ष्मण के लिए मानो राम का वचन ही सारथी है और उसका दृढ़ निश्चय ही रथ है, जिस पर सवार होकर वे राम की आज्ञा से यहाँ आए हैं।
श्लोक 48 (kishkindha.31.48)
अयं च तनयो राजंस्ताराया दयितोऽङ्गदः। लक्ष्मणेन सकाशं ते प्रेषितस्त्वरयानघ॥ 31.48 ॥
ayaṃ ca tanayo rājaṃstārāyā dayito'ṅgadaḥ| lakṣmaṇena sakāśaṃ te preṣitastvarayānagha|| 31.48 ||
हे निष्पाप राजन्, तारा का यह प्रिय पुत्र अंगद भी लक्ष्मण द्वारा शीघ्रतापूर्वक आपके पास भेजा गया है।
श्लोक 49 (kishkindha.31.49)
सोऽयं रोषपरीताक्षो द्वारि तिष्ठति वीर्यवान्। वानरान् वानरपते चक्षुषा निर्दहन्निव॥ 31.49 ॥
so'yaṃ roṣaparītākṣo dvāri tiṣṭhati vīryavān| vānarān vānarapate cakṣuṣā nirdahanniva|| 31.49 ||
हे वानरराज, वह वीर्यवान् लक्ष्मण क्रोध से घिरी हुई आँखों के साथ द्वार पर खड़ा है, मानो अपनी दृष्टि से ही वानरों को भस्म कर देगा।
श्लोक 50 (kishkindha.31.50)
तस्य मूर्ध्ना प्रणामं त्वं सपुत्रः सहबान्धवः। गच्छ शीघ्रं महाराज रोषो ह्यद्योपशाम्यताम्॥ 31.50 ॥
tasya mūrdhnā praṇāmaṃ tvaṃ saputraḥ sahabāndhavaḥ| gaccha śīghraṃ mahārāja roṣo hyadyopaśāmyatām|| 31.50 ||
हे महाराज, अपने पुत्र और बंधु-बांधवों सहित शीघ्र जाकर उन्हें मस्तक झुकाकर प्रणाम करें, जिससे आज ही उनका यह क्रोध शांत हो जाए।
श्लोक 51 (kishkindha.31.51)
यथाह रामो धर्मात्मा तत्कुरुष्व समाहितः। राजंस्तिष्ठ स्वसमये भव सत्यप्रतिश्रवः॥ 31.51 ॥
yathāha rāmo dharmātmā tatkuruṣva samāhitaḥ| rājaṃstiṣṭha svasamaye bhava satyapratiśravaḥ|| 31.51 ||
धर्मात्मा राम जो कुछ कहें, उसे सावधानीपूर्वक पूरा करें; हे राजन्, अपनी प्रतिज्ञा पर दृढ़ रहें और अपने वचन के सत्य को निभाएँ।" इस प्रकार मंत्रियों ने सुग्रीव को समझाया।