दक्षिण दिशा की खोज का आदेश

श्लोक 1 (kishkindha.41.1)

ततः प्रस्थाप्य सुग्रीवस्तन्महद्वानरं बलम् । दक्षिणां प्रेषयामास वानरानभिलक्षितान् ॥ 41.1 ॥

tataḥ prasthāpya sugrīvastanmahadvānaraṃ balam | dakṣiṇāṃ preṣayāmāsa vānarānabhilakṣitān || 41.1 ||

तत्पश्चात् उस महान् वानर-सेना को पूर्व दिशा में भेजकर, सुग्रीव ने चुने हुए वानरों को दक्षिण दिशा में भेजना आरम्भ किया।

श्लोक 2 (kishkindha.41.2)

नीलमग्निसुतं चैव हनूमन्तं च वानरम् । पितामहसुतं चैव जाम्बवन्तं महौजसम् ॥ 41.2 ॥

nīlamagnisutaṃ caiva hanūmantaṃ ca vānaram | pitāmahasutaṃ caiva jāmbavantaṃ mahaujasam || 41.2 ||

अग्निदेव के पुत्र नील को, वानर हनुमान् को, तथा ब्रह्मा के पुत्र महातेजस्वी जाम्बवान् को,

श्लोक 3 (kishkindha.41.3)

सुहोत्रं च शरारिं च शरगुल्मं तथैव च । गजं गवाक्षं गवयं सुषेणं वृषभं तथा ॥ 41.3 ॥

suhotraṃ ca śarāriṃ ca śaragulmaṃ tathaiva ca | gajaṃ gavākṣaṃ gavayaṃ suṣeṇaṃ vṛṣabhaṃ tathā || 41.3 ||

सुहोत्र, शरारि तथा शरगुल्म को भी, और गज, गवाक्ष, गवय, सुषेण तथा वृषभ को भी,

श्लोक 4 (kishkindha.41.4)

मैन्दं च द्विविदं चैव सुषेणं गन्धमादनम् । उल्कामुखमनङ्गं च हुताशनसुतावुभौ ॥ 41.4 ॥

maindaṃ ca dvividaṃ caiva suṣeṇaṃ gandhamādanam | ulkāmukhamanaṅgaṃ ca hutāśanasutāvubhau || 41.4 ||

मैन्द, द्विविद, सुषेण तथा गन्धमादन को, और उल्कामुख और अनंग नामक अग्निदेव के दोनों पुत्रों को —

श्लोक 5 (kishkindha.41.5)

अङ्गदप्रमुखान् वीरान् वीरः कपिगणेश्वरः । वेगविक्रमसम्पन्नान् संदिदेश विशेषवित् ॥ 41.5 ॥

aṅgadapramukhān vīrān vīraḥ kapigaṇeśvaraḥ | vegavikramasampannān saṃdideśa viśeṣavit || 41.5 ||

वीर तथा विशेष ज्ञान रखने वाले वानरगणों के स्वामी सुग्रीव ने, वेग और पराक्रम से सम्पन्न, अंगद-प्रमुख उन वीरों को आज्ञा दी।

श्लोक 6 (kishkindha.41.6)

तेषामग्रेसरं चैव बृहद्बलमथाङ्गदम् । विधाय हरिवीराणामादिशद् दक्षिणां दिशम् ॥ 41.6 ॥

teṣāmagresaraṃ caiva bṛhadbalamathāṅgadam | vidhāya harivīrāṇāmādiśad dakṣiṇāṃ diśam || 41.6 ||

उन वीर वानरों में महाबली अंगद को अग्रणी बनाकर, उसने उन्हें दक्षिण दिशा जाने का आदेश दिया।

श्लोक 7 (kishkindha.41.7)

ये केचन समुद्देशास्तस्यां दिशि सुदुर्गमाः । कपीशः कपिमुख्यानां स तेषां समुदाहरत् ॥ 41.7 ॥

ye kecana samuddeśāstasyāṃ diśi sudurgamāḥ | kapīśaḥ kapimukhyānāṃ sa teṣāṃ samudāharat || 41.7 ||

उस दिशा में जो भी अत्यन्त दुर्गम स्थान थे, वानरराज सुग्रीव ने उन प्रमुख वानरों को उनका वर्णन सुनाया।

श्लोक 8 (kishkindha.41.8)

सहस्रशिरसं विन्ध्यं नानाद्रुमलतायुतम् । नर्मदां च नदीं रम्यां महोरगनिषेविताम् ॥ 41.8 ॥

sahasraśirasaṃ vindhyaṃ nānādrumalatāyutam | narmadāṃ ca nadīṃ ramyāṃ mahoraganiṣevitām || 41.8 ||

"सहस्र शिखरों वाले, अनेक वृक्षों और लताओं से भरे विन्ध्याचल की, तथा बड़े सर्पों से सेवित रम्य नर्मदा नदी की खोज करो,

श्लोक 9 (kishkindha.41.9)

ततो गोदावरीं रम्यां कृष्णवेणीं महानदीम् । वरदां च महाभागां महोरगनिषेविताम् । मेखलानुत्कलांश्चैव दशार्णनगराण्यपि ॥ 41.9 ॥

tato godāvarīṃ ramyāṃ kṛṣṇaveṇīṃ mahānadīm | varadāṃ ca mahābhāgāṃ mahoraganiṣevitām | mekhalānutkalāṃścaiva daśārṇanagarāṇyapi || 41.9 ||

फिर रम्य गोदावरी, महानदी कृष्णवेणी, तथा महाभागा एवं बड़े सर्पों से सेवित वरदा नदी में, और मेखल, उत्कल क्षेत्रों तथा दशार्ण के नगरों में भी खोजो।

श्लोक 10 (kishkindha.41.10)

आब्रवन्तीमवन्तीं च सर्वमेवानुपश्यत । विदर्भानृष्टिकांश्चैव रम्यान् माहिषकानपि ॥ 41.10 ॥

ābravantīmavantīṃ ca sarvamevānupaśyata | vidarbhānṛṣṭikāṃścaiva ramyān māhiṣakānapi || 41.10 ||

आब्रवन्ती और अवन्ती को, तथा विदर्भ, ऋष्टिक और रम्य माहिषक प्रदेश को भी — इन सबको भलीभाँति देखो।

श्लोक 11 (kishkindha.41.11)

तथा वङ्गान् कलिङ्गांश्च कौशिकांश्च समन्ततः । अन्वीक्ष्य दण्डकारण्यं सपर्वतनदीगुहम् ॥ 41.11 ॥

tathā vaṅgān kaliṅgāṃśca kauśikāṃśca samantataḥ | anvīkṣya daṇḍakāraṇyaṃ saparvatanadīguham || 41.11 ||

उसी प्रकार वंग, कलिंग तथा कौशिक देशों को चारों ओर देखकर, पर्वतों, नदियों और गुफाओं सहित दण्डकारण्य की खोज करो।

श्लोक 12 (kishkindha.41.12)

नदीं गोदावरीं चैव सर्वमेवानुपश्यत । तथैवान्ध्रांश्च पुण्ड्रांश्च चोलान् पाण्ड्यांश्च केरलान् ॥ 41.12 ॥

nadīṃ godāvarīṃ caiva sarvamevānupaśyata | tathaivāndhrāṃśca puṇḍrāṃśca colān pāṇḍyāṃśca keralān || 41.12 ||

गोदावरी नदी को भी भलीभाँति देखो, तथा उसी प्रकार आन्ध्र, पुण्ड्र, चोल, पाण्ड्य और केरल देशों को भी।

श्लोक 13 (kishkindha.41.13)

अयोमुखश्च गन्तव्यः पर्वतो धातुमण्डितः । विचित्रशिखरः श्रीमांश्चित्रपुष्पितकाननः ॥ 41.13 ॥

ayomukhaśca gantavyaḥ parvato dhātumaṇḍitaḥ | vicitraśikharaḥ śrīmāṃścitrapuṣpitakānanaḥ || 41.13 ||

फिर अयोमुख नामक पर्वत पर जाना चाहिये, जो धातुओं से सुशोभित, विचित्र शिखरों वाला, शोभायुक्त तथा रंग-बिरंगे फूलों से भरे वनों वाला है।

श्लोक 14 (kishkindha.41.14)

सुचन्दनवनोद्देशो मार्गितव्यो महागिरिः । ततस्तामापगां दिव्यां प्रसन्नसलिलाशयाम् ॥ 41.14 ॥

sucandanavanoddeśo mārgitavyo mahāgiriḥ | tatastāmāpagāṃ divyāṃ prasannasalilāśayām || 41.14 ||

उत्तम चन्दन-वनों वाले उस महान् पर्वत की खोज करनी चाहिये। फिर वहाँ से, निर्मल जल के आगार उस दिव्य नदी को —

श्लोक 15 (kishkindha.41.15)

तत्र द्रक्ष्यथ कावेरीं विहृतामप्सरोगणैः । तस्यासीनं नगस्याग्रे मलयस्य महौजसम् ॥ 41.15 ॥

tatra drakṣyatha kāverīṃ vihṛtāmapsarogaṇaiḥ | tasyāsīnaṃ nagasyāgre malayasya mahaujasam || 41.15 ||

वहाँ तुम अप्सराओं के समूहों द्वारा विहार की गयी कावेरी नदी को देखोगे। उस महातेजस्वी मलय पर्वत के शिखर पर बैठे हुए —

श्लोक 16 (kishkindha.41.16)

द्रक्ष्यथादित्यसंकाशमगस्त्यमृषिसत्तमम् । ततस्तेनाभ्यनुज्ञाताः प्रसन्नेन महात्मना ॥ 41.16 ॥

drakṣyathādityasaṃkāśamagastyamṛṣisattamam | tatastenābhyanujñātāḥ prasannena mahātmanā || 41.16 ||

सूर्य के समान तेजस्वी ऋषिश्रेष्ठ अगस्त्य को तुम देखोगे। फिर उस प्रसन्न महात्मा से अनुमति पाकर —

श्लोक 17 (kishkindha.41.17)

ताम्रपर्णीं ग्राहजुष्टां तरिष्यथ महानदीम् । सा चन्दनवनैश्चित्रैः प्रच्छन्नद्वीपवारिणी ॥ 41.17 ॥

tāmraparṇīṃ grāhajuṣṭāṃ tariṣyatha mahānadīm | sā candanavanaiścitraiḥ pracchannadvīpavāriṇī || 41.17 ||

तुम मगरमच्छों से भरी महानदी ताम्रपर्णी को पार करोगे। विचित्र चन्दन-वनों से आच्छादित द्वीपों वाले जल की वह नदी,

श्लोक 18 (kishkindha.41.18)

कान्तेव युवती कान्तं समुद्रमवगाहते । ततो हेममयं दिव्यं मुक्तामणिविभूषितम् ॥ 41.18 ॥

kānteva yuvatī kāntaṃ samudramavagāhate | tato hemamayaṃ divyaṃ muktāmaṇivibhūṣitam || 41.18 ||

मानो कोई प्रेममयी युवती अपने प्रियतम के पास जा रही हो, इस प्रकार वह समुद्र में समा जाती है। फिर वहाँ से, मोतियों और मणियों से अलंकृत दिव्य स्वर्णमय —

श्लोक 19 (kishkindha.41.19)

युक्तं कवाटं पाण्ड्यानां गता द्रक्ष्यथ वानराः । ततः समुद्रमासाद्य सम्प्रधार्यार्थनिश्चयम् ॥ 41.19 ॥

yuktaṃ kavāṭaṃ pāṇḍyānāṃ gatā drakṣyatha vānarāḥ | tataḥ samudramāsādya sampradhāryārthaniścayam || 41.19 ||

गेट, पाण्ड्यों का मोती-मणियों से जड़ा हुआ फाटक, वहाँ जाकर तुम वानर देखोगे। फिर समुद्र तक पहुँचकर, अपने कार्य का निश्चय भलीभाँति सोचकर —

श्लोक 20 (kishkindha.41.20)

अगस्त्येनान्तरे तत्र सागरे विनिवेशितः । चित्रसानुनगः श्रीमान् महेन्द्रः पर्वतोत्तमः ॥ 41.20 ॥

agastyenāntare tatra sāgare viniveśitaḥ | citrasānunagaḥ śrīmān mahendraḥ parvatottamaḥ || 41.20 ||

वहाँ अगस्त्य द्वारा समुद्र के बीच में स्थापित, विचित्र चोटियों वाला, शोभायुक्त, पर्वतों में श्रेष्ठ महेन्द्र पर्वत है,

श्लोक 21 (kishkindha.41.21)

जातरूपमयः श्रीमानवगाढो महार्णवम् । नानाविधैर्नगैः फुल्लैर्लताभिश्चोपशोभितम् ॥ 41.21 ॥

jātarūpamayaḥ śrīmānavagāḍho mahārṇavam | nānāvidhairnagaiḥ phullairlatābhiścopaśobhitam || 41.21 ||

जो सुवर्णमय, शोभायुक्त है, महासागर में डूबा हुआ है, और नाना प्रकार के फूले हुए वृक्षों तथा लताओं से सुशोभित है।

श्लोक 22 (kishkindha.41.22)

देवर्षियक्षप्रवरैरप्सरोभिश्च शोभितम् । सिद्धचारणसङ्घैश्च प्रकीर्णं सुमनोरमम् ॥ 41.22 ॥

devarṣiyakṣapravarairapsarobhiśca śobhitam | siddhacāraṇasaṅghaiśca prakīrṇaṃ sumanoramam || 41.22 ||

देवताओं, ऋषियों, श्रेष्ठ यक्षों तथा अप्सराओं से सुशोभित, सिद्धों और चारणों के समूहों से भरा हुआ, अत्यन्त मनोहर वह पर्वत,

श्लोक 23 (kishkindha.41.23)

तमुपैति सहस्राक्षः सदा पर्वसु पर्वसु । द्वीपस्तस्यापरे पारे शतयोजनविस्तृतः ॥ 41.23 ॥

tamupaiti sahasrākṣaḥ sadā parvasu parvasu | dvīpastasyāpare pāre śatayojanavistṛtaḥ || 41.23 ||

उस पर्वत के पास सहस्राक्ष इन्द्र प्रत्येक पर्व-तिथि पर सदा आते हैं। उसके दूसरे किनारे पर सौ योजन विस्तृत एक द्वीप है,

श्लोक 24 (kishkindha.41.24)

अगम्यो मानुषैर्दीप्तस्तं मार्गध्वं समन्ततः । तत्र सर्वात्मना सीता मार्गितव्या विशेषतः ॥ 41.24 ॥

agamyo mānuṣairdīptastaṃ mārgadhvaṃ samantataḥ | tatra sarvātmanā sītā mārgitavyā viśeṣataḥ || 41.24 ||

जो मनुष्यों के लिये दुर्गम तथा देदीप्यमान है — उसे भी चारों ओर से खोजो। वहाँ विशेष रूप से, सब प्रकार से सीता की खोज करनी चाहिये,

श्लोक 25 (kishkindha.41.25)

स हि देशस्तु वध्यस्य रावणस्य दुरात्मनः । राक्षसाधिपतेर्वासः सहस्राक्षसमद्युतेः ॥ 41.25 ॥

sa hi deśastu vadhyasya rāvaṇasya durātmanaḥ | rākṣasādhipatervāsaḥ sahasrākṣasamadyuteḥ || 41.25 ||

क्योंकि वह स्थान उस वध्य, दुरात्मा, इन्द्र के समान तेजस्वी राक्षसराज रावण का निवास-स्थान है।

श्लोक 26 (kishkindha.41.26)

दक्षिणस्य समुद्रस्य मध्ये तस्य तु राक्षसी । अङ्गारकेति विख्याता छायामाक्षिप्य भोजिनी ॥ 41.26 ॥

dakṣiṇasya samudrasya madhye tasya tu rākṣasī | aṅgāraketi vikhyātā chāyāmākṣipya bhojinī || 41.26 ||

उस दक्षिण समुद्र के बीच में अंगारक नाम से विख्यात एक राक्षसी रहती है, जो प्राणियों की छाया खींचकर उन्हें खा जाती है।

श्लोक 27 (kishkindha.41.27)

एवं निःसंशयान् कृत्वा संशयान्नष्टसंशयाः । मृगयध्वं नरेन्द्रस्य पत्नीममिततेजसः ॥ 41.27 ॥

evaṃ niḥsaṃśayān kṛtvā saṃśayānnaṣṭasaṃśayāḥ | mṛgayadhvaṃ narendrasya patnīmamitatejasaḥ || 41.27 ||

इस प्रकार जिन स्थानों पर संशय हो, उन्हें संशयरहित करके, संशय मिटाकर, अपार तेजस्वी नरेन्द्र राम की पत्नी की खोज करते रहो।

श्लोक 28 (kishkindha.41.28)

तमतिक्रम्य लक्ष्मीवान् समुद्रे शतयोजने । गिरिः पुष्पितको नाम सिद्धचारणसेवितः ॥ 41.28 ॥

tamatikramya lakṣmīvān samudre śatayojane | giriḥ puṣpitako nāma siddhacāraṇasevitaḥ || 41.28 ||

उसे पार करके, समुद्र में सौ योजन की दूरी पर सिद्धों और चारणों द्वारा सेवित पुष्पितक नामक शोभायुक्त पर्वत है।

श्लोक 29 (kishkindha.41.29)

चन्द्रसूर्यांशुसंकाशः सागराम्बुसमाश्रयः । भ्राजते विपुलैः शृङ्गैरम्बरं विलिखन्निव ॥ 41.29 ॥

candrasūryāṃśusaṃkāśaḥ sāgarāmbusamāśrayaḥ | bhrājate vipulaiḥ śṛṅgairambaraṃ vilikhanniva || 41.29 ||

चन्द्रमा और सूर्य की किरणों के समान कान्तिमान्, समुद्र के जल में स्थित वह पर्वत अपने विशाल शिखरों से मानो आकाश को लिखता हुआ-सा शोभित होता है।

श्लोक 30 (kishkindha.41.30)

तस्यैकं काञ्चनं शृङ्गं सेवते यं दिवाकरः । श्वेतं राजतमेकं च सेवते यन्निशाकरः । न तं कृतघ्नाः पश्यन्ति न नृशंसा न नास्तिकाः ॥ 41.30 ॥

tasyaikaṃ kāñcanaṃ śṛṅgaṃ sevate yaṃ divākaraḥ | śvetaṃ rājatamekaṃ ca sevate yanniśākaraḥ | na taṃ kṛtaghnāḥ paśyanti na nṛśaṃsā na nāstikāḥ || 41.30 ||

उसका एक स्वर्णमय शिखर है, जिसकी सेवा सूर्य करता है, और एक श्वेत रजतमय शिखर है, जिसकी सेवा चन्द्रमा करता है। उस पर्वत को कृतघ्न, क्रूर तथा नास्तिक लोग नहीं देख पाते।

श्लोक 31 (kishkindha.41.31)

प्रणम्य शिरसा शैलं तं विमार्गथ वानराः । तमतिक्रम्य दुर्धर्षं सूर्यवान्नाम पर्वतः ॥ 41.31 ॥

praṇamya śirasā śailaṃ taṃ vimārgatha vānarāḥ | tamatikramya durdharṣaṃ sūryavānnāma parvataḥ || 41.31 ||

हे वानरो! उस पर्वत को सिर झुकाकर प्रणाम करके भलीभाँति खोजो। फिर उस दुर्धर्ष पर्वत को पार करने पर सूर्यवान् नामक पर्वत है,

श्लोक 32 (kishkindha.41.32)

अध्वना दुर्विगाहेन योजनानि चतुर्दश । ततस्तमप्यतिक्रम्य वैद्युतो नाम पर्वतः ॥ 41.32 ॥

adhvanā durvigāhena yojanāni caturdaśa | tatastamapyatikramya vaidyuto nāma parvataḥ || 41.32 ||

जो दुर्गम मार्ग से चौदह योजन दूर है। फिर उसे भी पार करने पर वैद्युत नामक पर्वत है,

श्लोक 33 (kishkindha.41.33)

सर्वकामफलैर्वृक्षैः सर्वकालमनोहरैः । तत्र भुक्त्वा वरार्हाणि मूलानि च फलानि च ॥ 41.33 ॥

sarvakāmaphalairvṛkṣaiḥ sarvakālamanoharaiḥ | tatra bhuktvā varārhāṇi mūlāni ca phalāni ca || 41.33 ||

जहाँ सब ऋतुओं में मनोहर, सभी कामनाएँ पूर्ण करने वाले फलों से युक्त वृक्ष हैं। वहाँ उत्तम कन्द-मूल तथा फलों को खाकर,

श्लोक 34 (kishkindha.41.34)

मधूनि पीत्वा जुष्टानि परं गच्छत वानराः । तत्र नेत्रमनःकान्तः कुञ्जरो नाम पर्वतः ॥ 41.34 ॥

madhūni pītvā juṣṭāni paraṃ gacchata vānarāḥ | tatra netramanaḥkāntaḥ kuñjaro nāma parvataḥ || 41.34 ||

तथा उत्तम मधु पीकर, हे वानरो, आगे बढ़ो। वहाँ नेत्र और मन को भाने वाला कुञ्जर नामक पर्वत है,

श्लोक 35 (kishkindha.41.35)

अगस्त्यभवनं यत्र निर्मितं विश्वकर्मणा । तत्र योजनविस्तारमुच्छ्रितं दशयोजनम् ॥ 41.35 ॥

agastyabhavanaṃ yatra nirmitaṃ viśvakarmaṇā | tatra yojanavistāramucchritaṃ daśayojanam || 41.35 ||

जहाँ विश्वकर्मा द्वारा निर्मित अगस्त्य का भवन है, जो एक योजन चौड़ा तथा दस योजन ऊँचा है,

श्लोक 36 (kishkindha.41.36)

शरणं काञ्चनं दिव्यं नानारत्नविभूषितम् । तत्र भोगवती नाम सर्पाणामालयः पुरी ॥ 41.36 ॥

śaraṇaṃ kāñcanaṃ divyaṃ nānāratnavibhūṣitam | tatra bhogavatī nāma sarpāṇāmālayaḥ purī || 41.36 ||

वह दिव्य स्वर्णमय आवास अनेक रत्नों से अलंकृत है। वहाँ भोगवती नामक सर्पों की आवास-नगरी है,

श्लोक 37 (kishkindha.41.37)

विशालरथ्या दुर्धर्षा सर्वतः परिरक्षिता । रक्षिता पन्नगैर्घोरैस्तीक्ष्णदंष्ट्रैर्महाविषैः ॥ 41.37 ॥

viśālarathyā durdharṣā sarvataḥ parirakṣitā | rakṣitā pannagairghoraistīkṣṇadaṃṣṭrairmahāviṣaiḥ || 41.37 ||

जिसकी सड़कें विशाल हैं, जो दुर्धर्ष है, तथा चारों ओर से सुरक्षित है — तीक्ष्ण दाढ़ों और भयंकर विष वाले भयानक सर्पों द्वारा रक्षित,

श्लोक 38 (kishkindha.41.38)

सर्पराजो महाघोरो यस्यां वसति वासुकिः । निर्याय मार्गितव्या च सा च भोगवती पुरी ॥ 41.38 ॥

sarparājo mahāghoro yasyāṃ vasati vāsukiḥ | niryāya mārgitavyā ca sā ca bhogavatī purī || 41.38 ||

जिसमें अत्यन्त भयंकर सर्पराज वासुकि निवास करते हैं। उस भोगवती नगरी की भी खोज करनी चाहिये, तथा उससे बाहर निकलकर आसपास भी।

श्लोक 39 (kishkindha.41.39)

तत्र चानन्तरोद्देशा ये केचन समावृताः । तं च देशमतिक्रम्य महानृषभसंस्थितिः ॥ 41.39 ॥

tatra cānantaroddeśā ye kecana samāvṛtāḥ | taṃ ca deśamatikramya mahānṛṣabhasaṃsthitiḥ || 41.39 ||

वहाँ जो भी निकटवर्ती छिपे हुए प्रदेश हों, उन्हें भी खोजो। उस प्रदेश को पार करने पर, महान् वृषभ के आकार में स्थित,

श्लोक 40 (kishkindha.41.40)

सर्वरत्नमयः श्रीमानृषभो नाम पर्वतः । गोशीर्षकं पद्मकं च हरिश्यामं च चन्दनम् ॥ 41.40 ॥

sarvaratnamayaḥ śrīmānṛṣabho nāma parvataḥ | gośīrṣakaṃ padmakaṃ ca hariśyāmaṃ ca candanam || 41.40 ||

सब प्रकार के रत्नों से युक्त, शोभायुक्त ऋषभ नामक पर्वत है। वहाँ गोशीर्षक, पद्मक तथा हरिश्याम नामक चन्दन,

श्लोक 41 (kishkindha.41.41)

दिव्यमुत्पद्यते यत्र तच्चैवाग्निसमप्रभम् । न तु तच्चन्दनं दृष्ट्वा स्प्रष्टव्यं तु कदाचन ॥ 41.41 ॥

divyamutpadyate yatra taccaivāgnisamaprabham | na tu taccandanaṃ dṛṣṭvā spraṣṭavyaṃ tu kadācana || 41.41 ||

तथा अग्नि के समान कान्तिमान् दिव्य चन्दन भी उत्पन्न होता है। परन्तु उस चन्दन को देखकर भी उसे कभी छूना नहीं चाहिये,

श्लोक 42 (kishkindha.41.42)

रोहिता नाम गन्धर्वा घोरं रक्षन्ति तद्वनम् । तत्र गन्धर्वपतयः पञ्च सूर्यसमप्रभाः ॥ 41.42 ॥

rohitā nāma gandharvā ghoraṃ rakṣanti tadvanam | tatra gandharvapatayaḥ pañca sūryasamaprabhāḥ || 41.42 ||

क्योंकि रोहित नामक गन्धर्व उस भयंकर वन की रक्षा करते हैं। वहाँ सूर्य के समान तेजस्वी पाँच गन्धर्व-राज हैं —

श्लोक 43 (kishkindha.41.43)

शैलूषो ग्रामणीः शिक्षः शुको बभ्रुस्तथैव च । रविसोमाग्निवपुषां निवासः पुण्यकर्मणाम् ॥ 41.43 ॥

śailūṣo grāmaṇīḥ śikṣaḥ śuko babhrustathaiva ca | ravisomāgnivapuṣāṃ nivāsaḥ puṇyakarmaṇām || 41.43 ||

शैलूष, ग्रामणी, शिक्ष, शुक तथा बभ्रु। यह उन पुण्यकर्मा प्राणियों का भी निवास-स्थान है, जिनकी देह सूर्य, चन्द्र तथा अग्नि के समान है।

श्लोक 44 (kishkindha.41.44)

अन्ते पृथिव्या दुर्धर्षास्ततः स्वर्गजितः स्थिताः । ततः परं न वः सेव्यः पितृलोकः सुदारुणः ॥ 41.44 ॥

ante pṛthivyā durdharṣāstataḥ svargajitaḥ sthitāḥ | tataḥ paraṃ na vaḥ sevyaḥ pitṛlokaḥ sudāruṇaḥ || 41.44 ||

पृथ्वी के अन्त में स्वर्ग जीत चुके अजेय प्राणी रहते हैं। उससे आगे तुम्हें अत्यन्त भयंकर पितृलोक में नहीं जाना चाहिये,

श्लोक 45 (kishkindha.41.45)

राजधानी यमस्यैषा कष्टेन तमसाऽऽवृता । एतावदेव युष्माभिर्वीरा वानरपुंगवाः । शक्यं विचेतुं गन्तुं वा नातो गतिमतां गतिः ॥ 41.45 ॥

rājadhānī yamasyaiṣā kaṣṭena tamasā''vṛtā | etāvadeva yuṣmābhirvīrā vānarapuṃgavāḥ | śakyaṃ vicetuṃ gantuṃ vā nāto gatimatāṃ gatiḥ || 41.45 ||

क्योंकि यह यमराज की राजधानी दुःसह अन्धकार से घिरी है। हे वीर वानरश्रेष्ठो! तुम केवल यहाँ तक ही खोज कर सकते हो या जा सकते हो; इससे आगे चलने वालों के लिये भी कोई मार्ग नहीं है।

श्लोक 46 (kishkindha.41.46)

सर्वमेतत् समालोक्य यच्चान्यदपि दृश्यते । गतिं विदित्वा वैदेह्याः संनिवर्तितुमर्हथ ॥ 41.46 ॥

sarvametat samālokya yaccānyadapi dṛśyate | gatiṃ viditvā vaidehyāḥ saṃnivartitumarhatha || 41.46 ||

इन सब स्थानों को भलीभाँति देखकर, तथा जो अन्य स्थान भी दिखायी दें उन्हें भी देखकर, वैदेही के बारे में समाचार जानकर तुम्हें लौट आना चाहिये।

श्लोक 47 (kishkindha.41.47)

यश्च मासान्निवृत्तोऽग्रे दृष्टा सीतेति वक्ष्यति । मत्तुल्यविभवो भोगैः सुखं स विहरिष्यति ॥ 41.47 ॥

yaśca māsānnivṛtto'gre dṛṣṭā sīteti vakṣyati | mattulyavibhavo bhogaiḥ sukhaṃ sa vihariṣyati || 41.47 ||

जो कोई एक मास से पहले लौटकर कहेगा 'सीता मिल गयीं', वह मेरे समान ऐश्वर्य और भोगों के साथ सुखपूर्वक विचरण करेगा।

श्लोक 48 (kishkindha.41.48)

ततः प्रियतरो नास्ति मम प्राणाद् विशेषतः । कृतापराधो बहुशो मम बन्धुर्भविष्यति ॥ 41.48 ॥

tataḥ priyataro nāsti mama prāṇād viśeṣataḥ | kṛtāparādho bahuśo mama bandhurbhaviṣyati || 41.48 ||

उससे बढ़कर मुझे कोई प्रिय नहीं है, वह मेरे प्राणों से भी अधिक प्रिय होगा। भले ही उसने पहले कितने ही अपराध किये हों, वह मेरा बन्धु बन जायेगा।

श्लोक 49 (kishkindha.41.49)

अमितबलपराक्रमा भवन्तो विपुलगुणेषु कुलेषु च प्रसूताः । मनुजपतिसुतां यथा लभध्वं तदधिगुणं पुरुषार्थमारभध्वम् ॥ 41.49 ॥

amitabalaparākramā bhavanto vipulaguṇeṣu kuleṣu ca prasūtāḥ | manujapatisutāṃ yathā labhadhvaṃ tadadhiguṇaṃ puruṣārthamārabhadhvam || 41.49 ||

तुम सब अपार बल और पराक्रम वाले हो, तथा गुणसम्पन्न वंशों में उत्पन्न हुए हो। जिस प्रकार से मानवराज की उस पुत्रवधू को प्राप्त किया जा सके, उस उत्तम पुरुषार्थ को आरम्भ करो।