सुग्रीव द्वारा हरण की कथा

श्लोक 1 (kishkindha.6.1)

पुनरेव अब्रवीत् प्रीतः राघवम् रघुनन्दनम् । अयम् आख्याति ते राम सेवकः मन्त्रि सत्तमः ॥ 6.1 ॥

punareva abravīt prītaḥ rāghavam raghunandanam | ayam ākhyāti te rāma sevakaḥ mantri sattamaḥ

तब प्रसन्न सुग्रीव ने रघुकुल के आनंदवर्धक राघव से पुनः कहा — "हे राम, आपके इस श्रेष्ठ मंत्री और सेवक ने मुझे बताया है—

श्लोक 2 (kishkindha.6.2)

हनुमान् यन् निमित्तम् त्वम् निर्जनम् वनम् आगतः । लक्ष्मणेन सह भ्रात्रा वसतः च वने तव ॥ 6.2 ॥

hanumān yan nimittam tvam nirjanam vanam āgataḥ | lakṣmaṇena saha bhrātrā vasataḥ ca vane tava

—हनुमान ने बताया है कि आप किस कारण से अपने भाई लक्ष्मण के साथ इस निर्जन वन में आए हैं, और वन में निवास करते हुए—

श्लोक 3 (kishkindha.6.3)

रक्षसा अपहृता भार्या मैथिली जनक आत्मजा । त्वया वियुक्ता रुदती लक्ष्मणेन च धीमता ॥ 6.3 ॥

rakṣasā apahṛtā bhāryā maithilī janaka ātmajā | tvayā viyuktā rudatī lakṣmaṇena ca dhīmatā

—जनकनंदिनी मैथिली, आपकी पत्नी, विलाप करती हुई एक राक्षस द्वारा हर ली गई, जबकि वह आपसे और बुद्धिमान लक्ष्मण से बिछुड़ गई थी।

श्लोक 4 (kishkindha.6.4)

अन्तरम् प्रेप्सुना तेन हत्वा गृध्रम् जटायुषम् । भार्या वियोगजम् दुःखम् प्रापितः तेन रक्षसा ॥ 6.4 ॥

antaram prepsunā tena hatvā gṛdhram jaṭāyuṣam | bhāryā viyogajam duḥkham prāpitaḥ tena rakṣasā

अवसर की ताक में रहने वाले उस राक्षस ने गृध्रराज जटायु का वध करके आपको पत्नी-वियोग का दुःख दिया।

श्लोक 5 (kishkindha.6.5)

भर्या वियोगजम् दुःखम् न चिरात् त्वम् विमोक्ष्यसे । अहम् ताम् आनयिष्यामि नष्टाम् वेदश्रुतीम् इव ॥ 6.5 ॥

bharyā viyogajam duḥkham na cirāt tvam vimokṣyase | aham tām ānayiṣyāmi naṣṭām vedaśrutīm iva

शीघ्र ही आप पत्नी-वियोग के इस दुःख से मुक्त हो जाएँगे; मैं उन्हें ऐसे ही वापस ले आऊँगा जैसे लुप्त हुई वेदश्रुति को पुनः प्राप्त किया जाता है।

श्लोक 6 (kishkindha.6.6)

रसातले वा वर्तन्तीम् वर्तन्तीम् वा नभः तले । अहम् आनीय दास्यामि तव भार्याम् अरिन्दम ॥ 6.6 ॥

rasātale vā vartantīm vartantīm vā nabhaḥ tale | aham ānīya dāsyāmi tava bhāryām arindama

हे शत्रुदमन, चाहे वह रसातल में हो या आकाश के नीचे कहीं भी हो, मैं आपकी पत्नी को लाकर आपको सौंप दूँगा।

श्लोक 7 (kishkindha.6.7)

इदम् तथ्यम् मम वचः त्वम् अवेहि च राघव । न शक्या सा जरयितुम् अपि सः इन्द्रैः सुर असुरैः ॥ 6.7 ॥

idam tathyam mama vacaḥ tvam avehi ca rāghava | na śakyā sā jarayitum api saḥ indraiḥ sura asuraiḥ

हे राघव, मेरे इस वचन को सत्य जानिए — वह ऐसी वस्तु है जिसे इन्द्र सहित समस्त देवता और असुर मिलकर भी पचा नहीं सकते—

श्लोक 8 (kishkindha.6.8)

तव भार्या महाबाहो भक्ष्यम् विष कृतम् यथा । त्यज शोकम् महाबाहो ताम् कान्ताम् आनयामि ते ॥ 6.8 ॥

tava bhāryā mahābāho bhakṣyam viṣa kṛtam yathā | tyaja śokam mahābāho tām kāntām ānayāmi te

—हे महाबाहु, आपकी पत्नी विष मिले हुए भोजन के समान है। हे महाबाहु, शोक त्यागिए, मैं उस प्रिया को आपके पास ले आऊँगा।

श्लोक 9 (kishkindha.6.9)

अनुमानात् तु जानामि मैथिली सा न संशयः । ह्रियमाणा मया दृष्टा रक्षसा रौद्र कर्मणा ॥ 6.9 ॥

anumānāt tu jānāmi maithilī sā na saṃśayaḥ | hriyamāṇā mayā dṛṣṭā rakṣasā raudra karmaṇā

किन्तु अनुमान से मैं जानता हूँ कि वह निश्चय ही मैथिली थीं — मैंने देखा था कि क्रूर कर्म करने वाले उस राक्षस द्वारा वे हरी जा रही थीं,

श्लोक 10 (kishkindha.6.10)

क्रोशन्ती राम रामेति लक्ष्मणेति च विस्वरम् । स्फुरन्ती रावणस्य अन्के पन्नगेन्द्र वधूः यथा ॥ 6.10 ॥

krośantī rāma rāmeti lakṣmaṇeti ca visvaram | sphurantī rāvaṇasya anke pannagendra vadhūḥ yathā

—अस्पष्ट स्वर में 'राम! राम!' और 'लक्ष्मण!' पुकारती हुई, रावण की गोद में तड़पती हुई, मानो सर्पराज की पत्नी हो।

श्लोक 11 (kishkindha.6.11)

आत्मना पञ्चमम् माम् हि दृष्ट्वा शैल तले स्थितम् । उत्तरीयम् तया त्यक्तम् शुभानि आभरणानि च ॥ 6.11 ॥

ātmanā pañcamam mām hi dṛṣṭvā śaila tale sthitam | uttarīyam tayā tyaktam śubhāni ābharaṇāni ca

पर्वत की तलहटी में मुझे, अपने सहित पाँचवें वानर को खड़ा देखकर, उन्होंने अपना उत्तरीय वस्त्र और शुभ आभूषण गिरा दिए।

श्लोक 12 (kishkindha.6.12)

तानि अस्माभिः गृहीतानि निहितानि च राघव । आनयिष्यामि अहम् तानि प्रत्यभिज्ञातुम् अर्हसि ॥ 6.12 ॥

tāni asmābhiḥ gṛhītāni nihitāni ca rāghava | ānayiṣyāmi aham tāni pratyabhijñātum arhasi

हे राघव, हमने उन्हें उठाकर सुरक्षित रख लिया है। मैं उन्हें ले आऊँगा; आप उन्हें पहचान सकेंगे।

श्लोक 13 (kishkindha.6.13)

तम् अब्रवीत् ततः रामः सुग्रीवम् प्रिय वादिनम् । आनयस्व सखे शीघ्रम् किम् अर्थम् प्रविलम्बसे ॥ 6.13 ॥

tam abravīt tataḥ rāmaḥ sugrīvam priya vādinam | ānayasva sakhe śīghram kim artham pravilambase

तब राम ने उस मधुरभाषी सुग्रीव से कहा — "हे सखा, शीघ्र ले आओ; विलम्ब क्यों कर रहे हो?"

श्लोक 14 (kishkindha.6.14)

एवम् उक्तः तु सुग्रीवः शैलस्य गहनाम् गुहाम् । प्रविवेश ततः शीघ्रम् राघव प्रिय काम्यया ॥ 6.14 ॥

evam uktaḥ tu sugrīvaḥ śailasya gahanām guhām | praviveśa tataḥ śīghram rāghava priya kāmyayā

ऐसा कहे जाने पर सुग्रीव, राघव को प्रसन्न करने की इच्छा से, तुरंत पर्वत की उस गहन गुफा में प्रविष्ट हुए।

श्लोक 15 (kishkindha.6.15)

उत्तरीयम् गृहीत्वा तु स तानि आभरणानि च । इदम् पश्य इति रामाय दर्शयामास वानरः ॥ 6.15 ॥

uttarīyam gṛhītvā tu sa tāni ābharaṇāni ca | idam paśya iti rāmāya darśayāmāsa vānaraḥ

वह उत्तरीय वस्त्र और वे आभूषण लेकर उस वानर ने राम को दिखाते हुए कहा — "देखिए, ये रहे।"

श्लोक 16 (kishkindha.6.16)

ततो गृहीत्वा वासः तु शुभानि आभरणानि च । अभवत् बाष्प सम्रुद्धः नीहारेण इव चन्द्रमाः ॥ 6.16 ॥

tato gṛhītvā vāsaḥ tu śubhāni ābharaṇāni ca | abhavat bāṣpa samruddhaḥ nīhāreṇa iva candramāḥ

उस वस्त्र और शुभ आभूषणों को हाथ में लेते ही राम की आँखें आँसुओं से भर आईं, मानो कुहासे से ढका चन्द्रमा हो।

श्लोक 17 (kishkindha.6.17)

सीता स्नेह प्रवृत्तेन स तु बाष्पेण दूषितः । हा प्रिये इति रुदन् धैर्यम् उत्सृज्य न्यपतत् क्षितौ ॥ 6.17 ॥

sītā sneha pravṛttena sa tu bāṣpeṇa dūṣitaḥ | hā priye iti rudan dhairyam utsṛjya nyapatat kṣitau

सीता के प्रति स्नेहवश उमड़े आँसुओं से अभिभूत होकर वे धैर्य खोकर 'हा प्रिये!' कहते हुए पृथ्वी पर गिर पड़े।

श्लोक 18 (kishkindha.6.18)

हृदि कृत्वा स बहुशः तम् अलंकारम् उत्तमम् । निशश्वास भृशम् सर्पः बिलस्थ इव रोषितः ॥ 6.18 ॥

hṛdi kṛtvā sa bahuśaḥ tam alaṃkāram uttamam | niśaśvāsa bhṛśam sarpaḥ bilastha iva roṣitaḥ

उन उत्तम आभूषणों को बार-बार हृदय से लगाकर वे बिल में क्रुद्ध सर्प के समान गहरी साँसें लेने लगे।

श्लोक 19 (kishkindha.6.19)

अविच्छिन्न अश्रु वेगः तु सौमित्रिम् प्रेक्ष्य पार्श्वतः । परिदेवयितुम् दीनम् रामः सम् उपचक्रमे ॥ 6.19 ॥

avicchinna aśru vegaḥ tu saumitrim prekṣya pārśvataḥ | paridevayitum dīnam rāmaḥ sam upacakrame

अश्रुओं की अविरल धारा बहाते हुए राम ने अपने पास खड़े लक्ष्मण की ओर देखा और दीनतापूर्वक विलाप करने लगे।

श्लोक 20 (kishkindha.6.20)

पश्य लक्ष्मण वैदेह्या संत्यक्तम् ह्रियमाणया । उत्तरीयम् इदम् भूमौ शरीराद् भूषणानि च ॥ 6.20 ॥

paśya lakṣmaṇa vaidehyā saṃtyaktam hriyamāṇayā | uttarīyam idam bhūmau śarīrād bhūṣaṇāni ca

'देखो लक्ष्मण, हरी जाती हुई वैदेही ने अपने शरीर से यह उत्तरीय वस्त्र और ये आभूषण भूमि पर गिरा दिए थे।'

श्लोक 21 (kishkindha.6.21)

शाद्वलिन्याम् ध्रुवम् भूम्याम् सीतया ह्रियमाणया । उत्सृष्टम् भूषणाम् इदम् तथा रूपम् हि दृश्यते ॥ 6.21 ॥

śādvalinyām dhruvam bhūmyām sītayā hriyamāṇayā | utsṛṣṭam bhūṣaṇām idam tathā rūpam hi dṛśyate

'हरी जाती हुई सीता ने निश्चय ही इन आभूषणों को इस हरित भूमि पर गिराया होगा, क्योंकि ये अभी भी अपने मूल रूप में दिखाई दे रहे हैं।'

श्लोक 22 (kishkindha.6.22)

एवम् उक्तसः तु रामेण लक्ष्मणो वाक्यम् इदम् अब्रवीत् । न अहम् जानामि केयूरे न अहम् जानामि कुण्डले ॥ 6.22 ॥

evam uktasaḥ tu rāmeṇa lakṣmaṇo vākyam idam abravīt | na aham jānāmi keyūre na aham jānāmi kuṇḍale

राम के इस प्रकार कहने पर लक्ष्मण ने यह वचन कहा — "मैं इन बाजूबंदों को नहीं पहचानता, न ही इन कुण्डलों को पहचानता हूँ—

श्लोक 23 (kishkindha.6.23)

नूपुरे तु अभिजनामि नित्यम् पाद अभिवंदनात् । ततः तु राघवो वाक्यम् सुग्रीवम् इदम् अब्रवीत् ॥ 6.23 ॥

nūpure tu abhijanāmi nityam pāda abhivaṃdanāt | tataḥ tu rāghavo vākyam sugrīvam idam abravīt

—किन्तु इन नूपुरों को मैं भलीभाँति पहचानता हूँ, क्योंकि मैं सदैव उनके चरणों की वन्दना करता रहा हूँ।' तब राघव ने सुग्रीव से यह वचन कहा—

श्लोक 24 (kishkindha.6.24)

ब्रूहि सुग्रीव कम् देशम् ह्रियन्ती लक्षिता त्वया । रक्षसा रौद्ररूपेण मम प्राणप्रिया प्रिया ॥ 6.24 ॥

brūhi sugrīva kam deśam hriyantī lakṣitā tvayā | rakṣasā raudrarūpeṇa mama prāṇapriyā priyā

—"हे सुग्रीव, बताओ, मुझे प्राणों से भी अधिक प्रिय मेरी प्रिया को उस भयंकर रूप वाले राक्षस द्वारा हरे जाते हुए तुमने किस दिशा में देखा था?

श्लोक 25 (kishkindha.6.25)

क्व वा वसति तत् रक्षः महत् व्यसनदम् मम । यन् निमित्तम् अहम् सर्वान् नाशयिष्यामि राक्षसान् ॥ 6.25 ॥

kva vā vasati tat rakṣaḥ mahat vyasanadam mama | yan nimittam aham sarvān nāśayiṣyāmi rākṣasān

'और वह राक्षस, जिसने मुझ पर यह महान संकट लाया है, कहाँ रहता है? उसी के कारण मैं समस्त राक्षसों का नाश कर डालूँगा।'

श्लोक 26 (kishkindha.6.26)

हरता मैथिलीम् येन माम् च रोषयता ध्रुवम् । आत्मनो जीवित अन्ताय मृत्यु द्वारम् अपावृतम् ॥ 6.26 ॥

haratā maithilīm yena mām ca roṣayatā dhruvam | ātmano jīvita antāya mṛtyu dvāram apāvṛtam

'जिसने मैथिली का हरण किया और मुझे इस प्रकार क्रुद्ध किया, उसने निश्चय ही स्वयं अपनी मृत्यु का द्वार खोल दिया है।'

श्लोक 27 (kishkindha.6.27)

मम दयित तमा हृता वनात् रजनिचरेण विमथ्य येन सा । कथय मम रिपुम् तम् अद्य वै प्लवगपते यम सन्निधिम् नयामि ॥ 6.27 ॥

mama dayita tamā hṛtā vanāt rajanicareṇa vimathya yena sā | kathaya mama ripum tam adya vai plavagapate yama sannidhim nayāmi

'हे वानरराज, बताइए मुझे उस शत्रु के विषय में — उस निशाचर के विषय में जिसने मेरी परम प्रिया को वन से बलपूर्वक हर लिया — आज ही मैं उसे यमराज के समीप भेज दूँगा।'