राम-सुग्रीव की मैत्री

श्लोक 1 (kishkindha.5.1)

ऋष्यमूकात् तु हनुमान् गत्वा तं मलयं गिरिम् । आचचक्षे तदा वीरौ कपिराजाय राघवौ ॥ 5.1 ॥

ṛṣyamūkāt tu hanumān gatvā taṃ malayaṃ girim | ācacakṣe tadā vīrau kapirājāya rāghavau || 5.1 ||

हनुमान ऋष्यमूक से उस मलय पर्वत पर जाकर वानरराज सुग्रीव से उन दोनों वीर राघवों का परिचय कराने लगे।

श्लोक 2 (kishkindha.5.2)

अयं रामो महाप्राज्ञ सम्प्राप्तो दृढविक्रमः । लक्ष्मणेन सह भ्रात्रा रामोऽयं सत्यविक्रमः ॥ 5.2 ॥

ayaṃ rāmo mahāprājña samprāpto dṛḍhavikramaḥ | lakṣmaṇena saha bhrātrā rāmo'yaṃ satyavikramaḥ || 5.2 ||

'हे महाप्राज्ञ! यह वे राम हैं जो यहाँ पधारे हैं, दृढ़ पराक्रमी; अपने भाई लक्ष्मण के साथ ये राम सत्यपराक्रमी हैं।'

श्लोक 3 (kishkindha.5.3)

इक्ष्वाकूणां कुले जातो रामो दशरथात्मजः । धर्मे निगदितश्चैव पितुर्निर्देशकारकः ॥ 5.3 ॥

ikṣvākūṇāṃ kule jāto rāmo daśarathātmajaḥ | dharme nigaditaścaiva piturnirdeśakārakaḥ || 5.3 ||

'इक्ष्वाकुवंश में उत्पन्न, दशरथनन्दन राम धर्म में प्रख्यात हैं तथा पिता की आज्ञा का पालन करनेवाले हैं,'

श्लोक 4 (kishkindha.5.4)

राजसूयाश्वमेधैश्च वह्निर्येनाभितर्पितः । दक्षिणाश्च तथोत्सृष्टा गावः शतसहस्रशः ॥ 5.4 ॥

rājasūyāśvamedhaiśca vahniryenābhitarpitaḥ | dakṣiṇāśca tathotsṛṣṭā gāvaḥ śatasahasraśaḥ || 5.4 ||

'...जिनके पिता ने राजसूय और अश्वमेध यज्ञों से अग्नि को तृप्त किया और लाखों गौएँ दक्षिणा में दान कीं,'

श्लोक 5 (kishkindha.5.5)

तपसा सत्यवाक्येन वसुधा येन पालिता । स्त्रीहेतोस्तस्य पुत्रोऽयं रामोऽरण्यं समागतः ॥ 5.5 ॥

tapasā satyavākyena vasudhā yena pālitā | strīhetostasya putro'yaṃ rāmo'raṇyaṃ samāgataḥ || 5.5 ||

'...जिनकी तपस्या और सत्यवचन से यह पृथ्वी सुरक्षित रही — उन्हीं के पुत्र ये राम अपनी पत्नी के कारण इस वन में आए हैं।'

श्लोक 6 (kishkindha.5.6)

तस्यास्य वसतोऽरण्ये नियतस्य महात्मनः । रावणेन हृता भार्या स त्वां शरणमागतः ॥ 5.6 ॥

tasyāsya vasato'raṇye niyatasya mahātmanaḥ | rāvaṇena hṛtā bhāryā sa tvāṃ śaraṇamāgataḥ || 5.6 ||

'इस महात्मा राम के वन में संयमपूर्वक निवास करते समय रावण ने इनकी पत्नी का हरण कर लिया; वे अब आपकी शरण में आए हैं।'

श्लोक 7 (kishkindha.5.7)

भवता सख्यकामौ तौ भ्रातरौ रामलक्ष्मणौ । प्रगृह्य चार्चयस्वैतौ पूजनीयतमावुभौ ॥ 5.7 ॥

bhavatā sakhyakāmau tau bhrātarau rāmalakṣmaṇau | pragṛhya cārcayasvaitau pūjanīyatamāvubhau || 5.7 ||

'ये दोनों भाई राम-लक्ष्मण आपकी मित्रता चाहते हैं; इन दोनों परम पूजनीय भाइयों को स्वीकार कर इनका सम्मान कीजिए।'

श्लोक 8 (kishkindha.5.8)

श्रुत्वा हनूमतो वाक्यं सुग्रीवो वानराधिपः । दर्शनीयतमो भूत्वा प्रीत्योवाच च राघवम् ॥ 5.8 ॥

śrutvā hanūmato vākyaṃ sugrīvo vānarādhipaḥ | darśanīyatamo bhūtvā prītyovāca ca rāghavam || 5.8 ||

हनुमान के वचन सुनकर वानराधिपति सुग्रीव अत्यंत सुदर्शनीय रूप धारण करके प्रेमपूर्वक राघव से बोले:

श्लोक 9 (kishkindha.5.9)

भवान् धर्मविनीतश्च सुतपाः सर्ववत्सलः । आख्याता वायुपुत्रेण तत्त्वतो मे भवद्गुणाः ॥ 5.9 ॥

bhavān dharmavinītaśca sutapāḥ sarvavatsalaḥ | ākhyātā vāyuputreṇa tattvato me bhavadguṇāḥ || 5.9 ||

'आप धर्म में विनीत, महातपस्वी और सर्वप्रिय हैं; पवनपुत्र ने आपके गुणों का यथार्थ वर्णन मुझसे किया है।'

श्लोक 10 (kishkindha.5.10)

तन्ममैवैष सत्कारो लाभश्चैवोत्तमः प्रभो । यत्त्वमिच्छसि सौहार्दं वानरेण मया सह ॥ 5.10 ॥

tanmamaivaiṣa satkāro lābhaścaivottamaḥ prabho | yattvamicchasi sauhārdaṃ vānareṇa mayā saha || 5.10 ||

'हे प्रभो! यह मेरे लिए सत्कार और सर्वश्रेष्ठ लाभ ही है कि आप मुझ वानर के साथ मित्रता चाहते हैं।'

श्लोक 11 (kishkindha.5.11)

रोचते यदि मे सख्यं बाहुरेष प्रसारितः । गृह्यतां पाणिना पाणिर्मर्यादा बध्यतां ध्रुवा ॥ 5.11 ॥

rocate yadi me sakhyaṃ bāhureṣa prasāritaḥ | gṛhyatāṃ pāṇinā pāṇirmaryādā badhyatāṃ dhruvā || 5.11 ||

'यदि मुझसे मित्रता आपको अच्छी लगे, तो यह रहा मेरा फैला हुआ बाहु; हाथ से हाथ मिलाकर इस दृढ़ मर्यादा को बाँध लीजिए।'

श्लोक 12 (kishkindha.5.12)

एतत् तु वचनं श्रुत्वा सुग्रीवस्य सुभाषितम् । सम्प्रहृष्टमना हस्तं पीडयामास पाणिना ॥ 5.12 ॥

etat tu vacanaṃ śrutvā sugrīvasya subhāṣitam | samprahṛṣṭamanā hastaṃ pīḍayāmāsa pāṇinā || 5.12 ||

सुग्रीव के इस सुभाषित वचन को सुनकर अत्यंत प्रसन्नचित्त राम ने अपने हाथ से उनका हाथ दृढ़तापूर्वक पकड़ लिया।

श्लोक 13 (kishkindha.5.13)

हृष्टः सौहृदमालम्ब्य पर्यष्वजत पीडितम् । ततो हनूमान् संत्यज्य भिक्षुरूपमरिंदमः ॥ 5.13 ॥

hṛṣṭaḥ sauhṛdamālambya paryaṣvajata pīḍitam | tato hanūmān saṃtyajya bhikṣurūpamariṃdamaḥ || 5.13 ||

हर्षित होकर उस मैत्री-बंधन का आलम्बन लेते हुए उन्होंने सुग्रीव का आलिंगन किया; तत्पश्चात् शत्रुदमन हनुमान ने भिक्षुक-रूप का त्याग करके,

श्लोक 14 (kishkindha.5.14)

काष्ठयोः स्वेन रूपेण जनयामास पावकम् । दीप्यमानं ततो वह्निं पुष्पैरभ्यर्च्य सत्कृतम् ॥ 5.14 ॥

kāṣṭhayoḥ svena rūpeṇa janayāmāsa pāvakam | dīpyamānaṃ tato vahniṃ puṣpairabhyarcya satkṛtam || 5.14 ||

...अपने वास्तविक रूप में दो काष्ठों के घर्षण से अग्नि उत्पन्न की; फिर उस प्रज्वलित अग्नि का पुष्पों से पूजन कर उसे सत्कारपूर्वक,

श्लोक 15 (kishkindha.5.15)

तयोर्मध्ये तु सुप्रीतो निदधौ सुसमाहितः । ततोऽग्निं दीप्यमानं तौ चक्रतुश्च प्रदक्षिणम् ॥ 5.15 ॥

tayormadhye tu suprīto nidadhau susamāhitaḥ | tato'gniṃ dīpyamānaṃ tau cakratuśca pradakṣiṇam || 5.15 ||

...अत्यंत प्रसन्न और समाहित-चित्त होकर उन दोनों के मध्य स्थापित कर दिया; तब उन दोनों ने उस प्रज्वलित अग्नि की परिक्रमा की।

श्लोक 16 (kishkindha.5.16)

सुग्रीवो राघवश्चैव वयस्यत्वमुपागतौ । ततः सुप्रीतमनसौ तावुभौ हरिराघवौ ॥ 5.16 ॥

sugrīvo rāghavaścaiva vayasyatvamupāgatau | tataḥ suprītamanasau tāvubhau harirāghavau || 5.16 ||

इस प्रकार सुग्रीव और राघव मित्रता को प्राप्त हुए; तब वे दोनों, वानर और राघव, अत्यंत प्रसन्नचित्त होकर,

श्लोक 17 (kishkindha.5.17)

अन्योन्यमभिवीक्षन्तौ न तृप्तिमभिजग्मतुः । त्वं वयस्योऽसि हृद्यो मे ह्येकं दुःखं सुखं च नौ ॥ 5.17 ॥

anyonyamabhivīkṣantau na tṛptimabhijagmatuḥ | tvaṃ vayasyo'si hṛdyo me hyekaṃ duḥkhaṃ sukhaṃ ca nau || 5.17 ||

...एक-दूसरे को निहारते हुए तृप्त ही नहीं हो रहे थे। (सुग्रीव ने कहा) 'तुम मेरे प्रिय सखा हो; अब हम दोनों का सुख-दुःख एक ही है।'

श्लोक 18 (kishkindha.5.18)

सुग्रीवो राघवं वाक्यमित्युवाच प्रहृष्टवत् । ततः सुपर्णबहुलां भङ्क्त्वा शाखां सुपुष्पिताम् ॥ 5.18 ॥

sugrīvo rāghavaṃ vākyamityuvāca prahṛṣṭavat | tataḥ suparṇabahulāṃ bhaṅktvā śākhāṃ supuṣpitām || 5.18 ||

सुग्रीव ने राघव से हर्षपूर्वक यह वचन कहा; फिर सघन पत्तों और फूलों से युक्त एक शाखा को तोड़कर,

श्लोक 19 (kishkindha.5.19)

सालस्यास्तीर्य सुग्रीवो निषसाद सराघवः । लक्ष्मणायाथ संहृष्टो हनुमान् मारुतात्मजः ॥ 5.19 ॥

sālasyāstīrya sugrīvo niṣasāda sarāghavaḥ | lakṣmaṇāyātha saṃhṛṣṭo hanumān mārutātmajaḥ || 5.19 ||

...साल वृक्ष की उस शाखा को बिछाकर सुग्रीव राघव के साथ बैठ गए; तब पवनपुत्र हनुमान ने अत्यंत प्रसन्न होकर लक्ष्मण के लिए,

श्लोक 20 (kishkindha.5.20)

शाखां चन्दनवृक्षस्य ददौ परमपुष्पिताम् । ततः प्रहृष्टः सुग्रीवः श्लक्ष्णं मधुरया गिरा ॥ 5.20 ॥

śākhāṃ candanavṛkṣasya dadau paramapuṣpitām | tataḥ prahṛṣṭaḥ sugrīvaḥ ślakṣṇaṃ madhurayā girā || 5.20 ||

...चंदन वृक्ष की अत्यंत पुष्पित एक शाखा भेंट की। तब अत्यंत प्रसन्न हुए सुग्रीव ने कोमल और मधुर वाणी में,

श्लोक 21 (kishkindha.5.21)

प्रत्युवाच तदा रामं हर्षव्याकुललोचनः । अहं विनिकृतो राम चरामीह भयार्दितः ॥ 5.21 ॥

pratyuvāca tadā rāmaṃ harṣavyākulalocanaḥ | ahaṃ vinikṛto rāma carāmīha bhayārditaḥ || 5.21 ||

...राम को उत्तर दिया, उनकी आँखें हर्ष से भरी हुई थीं: 'हे राम! मैं अत्यंत सताया हुआ हूँ और भय से पीड़ित होकर यहाँ भटक रहा हूँ।'

श्लोक 22 (kishkindha.5.22)

हृतभार्यो वने त्रस्तो दुर्गमेतदुपाश्रितः । सोऽहं त्रस्तो वने भीतो वसाम्युद्भ्रान्तचेतनः ॥ 5.22 ॥

hṛtabhāryo vane trasto durgametadupāśritaḥ | so'haṃ trasto vane bhīto vasāmyudbhrāntacetanaḥ || 5.22 ||

'पत्नी के हरण से भयभीत होकर मैंने इस दुर्गम स्थान की शरण ली है; इसी प्रकार भयभीत और आतंकित होकर मैं व्याकुल चित्त से वन में निवास कर रहा हूँ।'

श्लोक 23 (kishkindha.5.23)

वालिना निकृतो भ्रात्रा कृतवैरश्च राघव । वालिनो मे महाभाग भयार्तस्याभयं कुरु ॥ 5.23 ॥

vālinā nikṛto bhrātrā kṛtavairaśca rāghava | vālino me mahābhāga bhayārtasyābhayaṃ kuru || 5.23 ||

'हे राघव! अपने भाई वालि द्वारा सताया गया और उसके साथ शत्रुता को प्राप्त हुआ मैं—हे महाभाग! वालि से भयभीत मुझे अभय प्रदान कीजिए।'

श्लोक 24 (kishkindha.5.24)

कर्तुमर्हसि काकुत्स्थ भयं मे न भवेद् यथा । एवमुक्तस्तु तेजस्वी धर्मज्ञो धर्मवत्सलः ॥ 5.24 ॥

kartumarhasi kākutstha bhayaṃ me na bhaved yathā | evamuktastu tejasvī dharmajño dharmavatsalaḥ || 5.24 ||

'हे काकुत्स्थ! आप ऐसा कीजिए कि मुझे फिर कोई भय न रहे।' इस प्रकार कहे जाने पर वह तेजस्वी, धर्मज्ञ और धर्मवत्सल राम,

श्लोक 25 (kishkindha.5.25)

प्रत्यभाषत काकुत्स्थः सुग्रीवं प्रहसन्निव । उपकारफलं मित्रं विदितं मे महाकपे ॥ 5.25 ॥

pratyabhāṣata kākutsthaḥ sugrīvaṃ prahasanniva | upakāraphalaṃ mitraṃ viditaṃ me mahākape || 5.25 ||

...काकुत्स्थ राम ने मानो मुस्कुराते हुए सुग्रीव को उत्तर दिया: 'हे महाकपि! मित्र का फल तो उपकार करना ही है, यह मुझे भली-भाँति ज्ञात है।'

श्लोक 26 (kishkindha.5.26)

वालिनं तं वधिष्यामि तव भार्यापहारिणम् । अमोघाः सूर्यसंकाशा ममेमे निशिताः शराः ॥ 5.26 ॥

vālinaṃ taṃ vadhiṣyāmi tava bhāryāpahāriṇam | amoghāḥ sūryasaṃkāśā mameme niśitāḥ śarāḥ || 5.26 ||

'तुम्हारी पत्नी के अपहर्ता उस वालि का मैं वध करूँगा; सूर्य के समान तेजस्वी मेरे ये तीक्ष्ण बाण कभी व्यर्थ नहीं जाते।'

श्लोक 27 (kishkindha.5.27)

तस्मिन् वालिनि दुर्वृत्ते निपतिष्यन्ति वेगिताः । कङ्कपत्रप्रतिच्छन्ना महेन्द्राशनिसंनिभाः ॥ 5.27 ॥

tasmin vālini durvṛtte nipatiṣyanti vegitāḥ | kaṅkapatrapraticchannā mahendrāśanisaṃnibhāḥ || 5.27 ||

'कंक पक्षी के पंखों से युक्त और महेन्द्र के वज्र के समान ये बाण उस दुराचारी वालि पर वेगपूर्वक गिरेंगे।'

श्लोक 28 (kishkindha.5.28)

तीक्ष्णाग्रा ऋजुपर्वाणः सरोषा भुजगा इव । तमद्य वालिनं पश्य तीक्ष्णैराशीविषोपमैः ॥ 5.28 ॥

tīkṣṇāgrā ṛjuparvāṇaḥ saroṣā bhujagā iva | tamadya vālinaṃ paśya tīkṣṇairāśīviṣopamaiḥ || 5.28 ||

'तीक्ष्ण अग्रभाग और सीधी गाँठोंवाले, क्रोधित सर्पों के समान इन तीक्ष्ण, विषधर सर्पों जैसे बाणों से, आज ही वालि को...'

श्लोक 29 (kishkindha.5.29)

शरैर्विनिहतं भूमौ प्रकीर्णमिव पर्वतम् । स तु तद् वचनं श्रुत्वा राघवस्यात्मनो हितम् । सुग्रीवः परमप्रीतः परमं वाक्यमब्रवीत् ॥ 5.29 ॥

śarairvinihataṃ bhūmau prakīrṇamiva parvatam | sa tu tad vacanaṃ śrutvā rāghavasyātmano hitam | sugrīvaḥ paramaprītaḥ paramaṃ vākyamabravīt || 5.29 ||

...बाणों से आहत होकर भूमि पर, मानो कोई गिरा हुआ पर्वत हो, पड़ा हुआ देखो।' राघव के अपने लिए हितकारी उस वचन को सुनकर अत्यंत प्रसन्न हुए सुग्रीव ने यह परम उत्तम वचन कहा:

श्लोक 30 (kishkindha.5.30)

तव प्रसादेन नृसिंह वीर प्रियां च राज्यं च समाप्नुयामहम् । तथा कुरु त्वं नरदेव वैरिणं यथा न हिंस्यात् स पुनर्ममाग्रजम् ॥ 5.30 ॥

tava prasādena nṛsiṃha vīra priyāṃ ca rājyaṃ ca samāpnuyāmaham | tathā kuru tvaṃ naradeva vairiṇaṃ yathā na hiṃsyāt sa punarmamāgrajam || 5.30 ||

'हे नृसिंह वीर! आपकी कृपा से मैं अपनी प्रिया और राज्य दोनों को प्राप्त कर सकूँ। परन्तु हे नरदेव! ऐसा कीजिए कि वह मेरा वही बड़ा भाई मुझे पुनः पीड़ित न कर सके।'

श्लोक 31 (kishkindha.5.31)

सीताकपीन्द्रक्षणदाचराणां राजीवहेमज्वलनोपमानि । सुग्रीवरामप्रणयप्रसङ्गे वामानि नेत्राणि समं स्फुरन्ति ॥ 5.31 ॥

sītākapīndrakṣaṇadācarāṇāṃ rājīvahemajvalanopamāni | sugrīvarāmapraṇayaprasaṅge vāmāni netrāṇi samaṃ sphuranti || 5.31 ||

सुग्रीव और राम की इस मैत्री के अवसर पर, नीलकमल के समान सीता के, वानरराज सुग्रीव के, तथा रात्रिचर राक्षसों के भी, बाएँ नेत्र एक साथ स्फुरित होने लगे, मानो स्वर्ण के समान दहक उठे हों।