हनुमान द्वारा राम-लक्ष्मण को सुग्रीव के पास ले जाना

श्लोक 1 (kishkindha.4.1)

ततः प्रहृष्टो हनुमान् कृत्यवानिति तद्वचः । श्रुत्वा मधुरभावं च सुग्रीवं मनसा गतः ॥ 4.1 ॥

tataḥ prahṛṣṭo hanumān kṛtyavāniti tadvacaḥ | śrutvā madhurabhāvaṃ ca sugrīvaṃ manasā gataḥ || 4.1 ||

तब लक्ष्मण के उन मधुर वचनों को सुनकर, यह मानकर कि कार्य सिद्ध हो गया, हनुमान अत्यंत प्रसन्न होकर मन ही मन सुग्रीव की ओर उन्मुख हुए।

श्लोक 2 (kishkindha.4.2)

भाव्यो राज्यागमस्तस्य सुग्रीवस्य महात्मनः । यदयं कृत्यवान् प्राप्तः कृत्यं चैतदुपागतम् ॥ 4.2 ॥

bhāvyo rājyāgamastasya sugrīvasya mahātmanaḥ | yadayaṃ kṛtyavān prāptaḥ kṛtyaṃ caitadupāgatam || 4.2 ||

'महात्मा सुग्रीव को राज्य की प्राप्ति अवश्यंभावी है, क्योंकि यह कार्य सिद्ध हो गया है और यह प्रयोजन पूर्ण हो चुका है।'

श्लोक 3 (kishkindha.4.3)

ततः परमसंहृष्टो हनूमान् प्लवगोत्तमः । प्रत्युवाच ततो वाक्यं रामं वाक्यविशारदः ॥ 4.3 ॥

tataḥ paramasaṃhṛṣṭo hanūmān plavagottamaḥ | pratyuvāca tato vākyaṃ rāmaṃ vākyaviśāradaḥ || 4.3 ||

तब अत्यंत हर्षित वानरश्रेष्ठ, वाक्य-विशारद हनुमान ने राम को यह उत्तर दिया:

श्लोक 4 (kishkindha.4.4)

किमर्थं त्वं वनं घोरं पम्पाकाननमण्डितम् । आगतः सानुजो दुर्गं नानाव्यालमृगायुतम् ॥ 4.4 ॥

kimarthaṃ tvaṃ vanaṃ ghoraṃ pampākānanamaṇḍitam | āgataḥ sānujo durgaṃ nānāvyālamṛgāyutam || 4.4 ||

'आप अपने छोटे भाई सहित पम्पा के वनों से सुशोभित, नाना हिंस्र पशुओं और जीवों से भरे इस भयंकर एवं दुर्गम वन में किस प्रयोजन से आए हैं?'

श्लोक 5 (kishkindha.4.5)

तस्य तद् वचनं श्रुत्वा लक्ष्मणो रामचोदितः । आचचक्षे महात्मानं रामं दशरथात्मजम् ॥ 4.5 ॥

tasya tad vacanaṃ śrutvā lakṣmaṇo rāmacoditaḥ | ācacakṣe mahātmānaṃ rāmaṃ daśarathātmajam || 4.5 ||

उसके इस वचन को सुनकर, राम की प्रेरणा से लक्ष्मण ने महात्मा दशरथनन्दन राम का परिचय देना आरंभ किया:

श्लोक 6 (kishkindha.4.6)

राजा दशरथो नाम द्युतिमान् धर्मवत्सलः । चातुर्वर्ण्यं स्वधर्मेण नित्यमेवाभिपालयन् ॥ 4.6 ॥

rājā daśaratho nāma dyutimān dharmavatsalaḥ | cāturvarṇyaṃ svadharmeṇa nityamevābhipālayan || 4.6 ||

'दशरथ नाम के एक राजा थे, जो तेजस्वी और धर्मवत्सल थे तथा सदैव चारों वर्णों का उनके स्वधर्म के अनुसार पालन करते थे।'

श्लोक 7 (kishkindha.4.7)

न द्वेष्टा विद्यते तस्य स तु द्वेष्टि न कंचन । स तु सर्वेषु भूतेषु पितामह इवापरः ॥ 4.7 ॥

na dveṣṭā vidyate tasya sa tu dveṣṭi na kaṃcana | sa tu sarveṣu bhūteṣu pitāmaha ivāparaḥ || 4.7 ||

'उनका कोई शत्रु नहीं था और वे भी किसी से द्वेष नहीं करते थे; वे समस्त प्राणियों के प्रति मानो द्वितीय ब्रह्मा के समान थे।'

श्लोक 8 (kishkindha.4.8)

अग्निष्टोमादिभिर्यज्ञैरिष्टवानाप्तदक्षिणैः । तस्यायं पूर्वजः पुत्रो रामो नाम जनैः श्रुतः ॥ 4.8 ॥

agniṣṭomādibhiryajñairiṣṭavānāptadakṣiṇaiḥ | tasyāyaṃ pūrvajaḥ putro rāmo nāma janaiḥ śrutaḥ || 4.8 ||

'उन्होंने पर्याप्त दक्षिणा देकर अग्निष्टोम आदि यज्ञों का अनुष्ठान किया; यह उन्हीं के ज्येष्ठ पुत्र हैं, जो लोगों में राम नाम से विख्यात हैं।'

श्लोक 9 (kishkindha.4.9)

शरण्यः सर्वभूतानां पितुर्निर्देशपारगः । ज्येष्ठो दशरथस्यायं पुत्राणां गुणवत्तरः ॥ 4.9 ॥

śaraṇyaḥ sarvabhūtānāṃ piturnirdeśapāragaḥ | jyeṣṭho daśarathasyāyaṃ putrāṇāṃ guṇavattaraḥ || 4.9 ||

'समस्त प्राणियों के शरण्य, पिता की आज्ञा का पूर्णतः पालन करनेवाले, ये दशरथ के ज्येष्ठ पुत्र और उनके पुत्रों में सर्वाधिक गुणवान् हैं।'

श्लोक 10 (kishkindha.4.10)

राजलक्षणसंयुक्तः संयुक्तो राज्यसम्पदा । राज्याद् भ्रष्टो मया वस्तुं वने सार्धमिहागतः ॥ 4.10 ॥

rājalakṣaṇasaṃyuktaḥ saṃyukto rājyasampadā | rājyād bhraṣṭo mayā vastuṃ vane sārdhamihāgataḥ || 4.10 ||

'राजोचित लक्षणों और राज्य-सम्पदा से युक्त होते हुए भी, राज्य से भ्रष्ट होकर ये मेरे साथ वन में निवास करने के लिए यहाँ आए हैं।'

श्लोक 11 (kishkindha.4.11)

भार्यया च महाभाग सीतयानुगतो वशी । दिनक्षये महातेजाः प्रभयेव दिवाकरः ॥ 4.11 ॥

bhāryayā ca mahābhāga sītayānugato vaśī | dinakṣaye mahātejāḥ prabhayeva divākaraḥ || 4.11 ||

'हे महाभाग! अपनी पत्नी सीता के साथ, संयमी ये महातेजस्वी राम, दिन के अंत में सूर्य की भाँति अपनी आभा से युक्त हैं।'

श्लोक 12 (kishkindha.4.12)

अहमस्यावरो भ्राता गुणैर्दास्यमुपागतः । कृतज्ञस्य बहुज्ञस्य लक्ष्मणो नाम नामतः ॥ 4.12 ॥

ahamasyāvaro bhrātā guṇairdāsyamupāgataḥ | kṛtajñasya bahujñasya lakṣmaṇo nāma nāmataḥ || 4.12 ||

'मैं इनका छोटा भाई हूँ और इनके गुणों के कारण इनकी सेवा में समर्पित हूँ; मेरा नाम लक्ष्मण है, और ये कृतज्ञ तथा बहुज्ञ हैं,'

श्लोक 13 (kishkindha.4.13)

सुखार्हस्य महार्हस्य सर्वभूतहितात्मनः । ऐश्वर्येण विहीनस्य वनवासे रतस्य च ॥ 4.13 ॥

sukhārhasya mahārhasya sarvabhūtahitātmanaḥ | aiśvaryeṇa vihīnasya vanavāse ratasya ca || 4.13 ||

'...सुख और सम्मान के योग्य, समस्त प्राणियों के हित में रत रहनेवाले, फिर भी ऐश्वर्य से रहित और वनवास में संलग्न इन राम की...'

श्लोक 14 (kishkindha.4.14)

रक्षसापहृता भार्या रहिते कामरूपिणा । तच्च न ज्ञायते रक्षः पत्नी येनास्य वा हृता ॥ 4.14 ॥

rakṣasāpahṛtā bhāryā rahite kāmarūpiṇā | tacca na jñāyate rakṣaḥ patnī yenāsya vā hṛtā || 4.14 ||

'...इनकी अनुपस्थिति में इनकी पत्नी को किसी कामरूपधारी राक्षस ने हर लिया; और यह भी ज्ञात नहीं कि वह राक्षस कौन है, जिसने इनकी पत्नी का हरण किया।'

श्लोक 15 (kishkindha.4.15)

दनुर्नाम दितेः पुत्रः शापाद् राक्षसतां गतः । आख्यातस्तेन सुग्रीवः समर्थो वानराधिपः ॥ 4.15 ॥

danurnāma diteḥ putraḥ śāpād rākṣasatāṃ gataḥ | ākhyātastena sugrīvaḥ samartho vānarādhipaḥ || 4.15 ||

'दिति के पुत्र दनु नामक असुर ने, जो शापवश राक्षसत्व को प्राप्त हो गए थे, इन्हें समर्थ वानराधिपति सुग्रीव के विषय में बताया।'

श्लोक 16 (kishkindha.4.16)

स ज्ञास्यति महावीर्यस्तव भार्यापहारिणम् । एवमुक्त्वा दनुः स्वर्गं भ्राजमानो दिवं गतः ॥ 4.16 ॥

sa jñāsyati mahāvīryastava bhāryāpahāriṇam | evamuktvā danuḥ svargaṃ bhrājamāno divaṃ gataḥ || 4.16 ||

'(दनु ने कहा) "वह महापराक्रमी सुग्रीव तुम्हारी पत्नी का हरण करनेवाले का पता लगा लेगा।" ऐसा कहकर दनु देदीप्यमान होते हुए स्वर्ग को चले गए।'

श्लोक 17 (kishkindha.4.17)

एतत् ते सर्वमाख्यातं याथातथ्येन पृच्छतः । अहं चैव च रामश्च सुग्रीवं शरणं गतौ ॥ 4.17 ॥

etat te sarvamākhyātaṃ yāthātathyena pṛcchataḥ | ahaṃ caiva ca rāmaśca sugrīvaṃ śaraṇaṃ gatau || 4.17 ||

'तुमने पूछा, अतः यह सब सत्य-सत्य बता दिया गया; मैं और राम दोनों सुग्रीव की शरण में आए हैं।'

श्लोक 18 (kishkindha.4.18)

एष दत्त्वा च वित्तानि प्राप्य चानुत्तमं यशः । लोकनाथः पुरा भूत्वा सुग्रीवं नाथमिच्छति ॥ 4.18 ॥

eṣa dattvā ca vittāni prāpya cānuttamaṃ yaśaḥ | lokanāthaḥ purā bhūtvā sugrīvaṃ nāthamicchati || 4.18 ||

'ये राम, जो कभी संपत्ति दान करके और अनुपम यश प्राप्त कर स्वयं जगत् के स्वामी रह चुके हैं, अब सुग्रीव को ही अपना रक्षक बनाना चाहते हैं।'

श्लोक 19 (kishkindha.4.19)

सीता यस्य स्नुषा चासीच्छरण्यो धर्मवत्सलः । तस्य पुत्रः शरण्यश्च सुग्रीवं शरणं गतः ॥ 4.19 ॥

sītā yasya snuṣā cāsīccharaṇyo dharmavatsalaḥ | tasya putraḥ śaraṇyaśca sugrīvaṃ śaraṇaṃ gataḥ || 4.19 ||

'जिन दशरथ की पुत्रवधू सीता थीं, वे स्वयं शरण्य और धर्मवत्सल थे; उन्हीं के पुत्र, स्वयं भी शरण्य होते हुए, आज सुग्रीव की शरण में आए हैं।'

श्लोक 20 (kishkindha.4.20)

सर्वलोकस्य धर्मात्मा शरण्यः शरणं पुरा । गुरुर्मे राघवः सोऽयं सुग्रीवं शरणं गतः ॥ 4.20 ॥

sarvalokasya dharmātmā śaraṇyaḥ śaraṇaṃ purā | gururme rāghavaḥ so'yaṃ sugrīvaṃ śaraṇaṃ gataḥ || 4.20 ||

'जो पहले संपूर्ण जगत् के धर्मात्मा शरण्य और रक्षक थे, वही मेरे गुरुस्वरूप ये राघव आज सुग्रीव की शरण में आए हैं।'

श्लोक 21 (kishkindha.4.21)

यस्य प्रसादे सततं प्रसीदेयुरिमाः प्रजाः । स रामो वानरेन्द्रस्य प्रसादमभिकांक्षते ॥ 4.21 ॥

yasya prasāde satataṃ prasīdeyurimāḥ prajāḥ | sa rāmo vānarendrasya prasādamabhikāṃkṣate || 4.21 ||

'जिनकी कृपा से ये सारी प्रजाएँ सदा संतुष्ट रहती थीं, वे ही राम आज वानरराज की कृपा की अभिलाषा रखते हैं।'

श्लोक 22 (kishkindha.4.22)

येन सर्वगुणोपेताः पृथिव्यां सर्वपार्थिवाः । मानिताः सततं राज्ञा सदा दशरथेन वै ॥ 4.22 ॥

yena sarvaguṇopetāḥ pṛthivyāṃ sarvapārthivāḥ | mānitāḥ satataṃ rājñā sadā daśarathena vai || 4.22 ||

'जिन राजा दशरथ के द्वारा पृथ्वी के समस्त सद्गुणसम्पन्न राजा सदा सम्मानित होते रहे —'

श्लोक 23 (kishkindha.4.23)

तस्यायं पूर्वजः पुत्रस्त्रिषु लोकेषु विश्रुतः । सुग्रीवं वानरेन्द्रं तु रामः शरणमागतः ॥ 4.23 ॥

tasyāyaṃ pūrvajaḥ putrastriṣu lokeṣu viśrutaḥ | sugrīvaṃ vānarendraṃ tu rāmaḥ śaraṇamāgataḥ || 4.23 ||

'— यह उन्हीं के ज्येष्ठ पुत्र हैं, जो तीनों लोकों में विख्यात हैं; ये राम वानरेन्द्र सुग्रीव की शरण में आए हैं।'

श्लोक 24 (kishkindha.4.24)

शोकाभिभूते रामे तु शोकार्ते शरणं गते । कर्तुमर्हति सुग्रीवः प्रसादं सह यूथपैः ॥ 4.24 ॥

śokābhibhūte rāme tu śokārte śaraṇaṃ gate | kartumarhati sugrīvaḥ prasādaṃ saha yūthapaiḥ || 4.24 ||

'शोक से अभिभूत और पीड़ित होकर शरण में आए इन राम पर, सुग्रीव को अपने यूथपतियों के साथ कृपा करनी चाहिए।'

श्लोक 25 (kishkindha.4.25)

एवं ब्रुवाणं सौमित्रिं करुणं साश्रुपातनम् । हनूमान् प्रत्युवाचेदं वाक्यं वाक्यविशारदः ॥ 4.25 ॥

evaṃ bruvāṇaṃ saumitriṃ karuṇaṃ sāśrupātanam | hanūmān pratyuvācedaṃ vākyaṃ vākyaviśāradaḥ || 4.25 ||

इस प्रकार करुणापूर्वक अश्रुपात करते हुए बोलते सौमित्र से वाक्य-विशारद हनुमान ने यह उत्तर दिया:

श्लोक 26 (kishkindha.4.26)

ईदृशा बुद्धिसम्पन्ना जितक्रोधा जितेन्द्रियाः । द्रष्टव्या वानरेन्द्रेण दिष्ट्या दर्शनमागताः ॥ 4.26 ॥

īdṛśā buddhisampannā jitakrodhā jitendriyāḥ | draṣṭavyā vānarendreṇa diṣṭyā darśanamāgatāḥ || 4.26 ||

'ऐसे बुद्धिमान्, क्रोध-विजयी और जितेन्द्रिय पुरुषों का दर्शन पाना वानरराज सुग्रीव के लिए सौभाग्य की बात है; भाग्यवश ही आप दोनों उनके दर्शन को प्राप्त हुए हैं।'

श्लोक 27 (kishkindha.4.27)

स हि राज्याश्च विभ्रष्टः कृतवैरश्च वालिना । हृतदारो वने त्रस्तो भ्रात्रा विनिकृतो भृशम् ॥ 4.27 ॥

sa hi rājyāśca vibhraṣṭaḥ kṛtavairaśca vālinā | hṛtadāro vane trasto bhrātrā vinikṛto bhṛśam || 4.27 ||

'क्योंकि सुग्रीव भी राज्य से भ्रष्ट होकर वालि के साथ शत्रुता को प्राप्त हुए हैं; उनकी पत्नी भी छीन ली गई है, वे भी वन में भयभीत और अपने भाई द्वारा अत्यंत सताए हुए हैं।'

श्लोक 28 (kishkindha.4.28)

करिष्यति स साहाय्यं युवयोर्भास्करात्मजः । सुग्रीवः सह चास्माभिः सीतायाः परिमार्गणे ॥ 4.28 ॥

kariṣyati sa sāhāyyaṃ yuvayorbhāskarātmajaḥ | sugrīvaḥ saha cāsmābhiḥ sītāyāḥ parimārgaṇe || 4.28 ||

'सूर्यपुत्र सुग्रीव हम सबके साथ मिलकर सीता की खोज में आप दोनों की अवश्य सहायता करेंगे।'

श्लोक 29 (kishkindha.4.29)

इत्येवमुक्त्वा हनुमान् श्लक्ष्णं मधुरया गिरा । बभाषे साधु गच्छामः सुग्रीवमिति राघवम् ॥ 4.29 ॥

ityevamuktvā hanumān ślakṣṇaṃ madhurayā girā | babhāṣe sādhu gacchāmaḥ sugrīvamiti rāghavam || 4.29 ||

इस प्रकार कहकर हनुमान ने कोमल और मधुर वाणी में राघव से कहा, 'अच्छा हो, चलिए हम सुग्रीव के पास चलें।'

श्लोक 30 (kishkindha.4.30)

एवं ब्रुवन्तं धर्मात्मा हनूमन्तं स लक्ष्मणः । प्रतिपूज्य यथान्यायमिदं प्रोवाच राघवम् ॥ 4.30 ॥

evaṃ bruvantaṃ dharmātmā hanūmantaṃ sa lakṣmaṇaḥ | pratipūjya yathānyāyamidaṃ provāca rāghavam || 4.30 ||

इस प्रकार कहते हुए धर्मात्मा हनुमान का यथोचित सम्मान करते हुए लक्ष्मण ने राघव से यह कहा:

श्लोक 31 (kishkindha.4.31)

कपिः कथयते हृष्टो यथायं मारुतात्मजः । कृत्यवान् सोऽपि सम्प्राप्तः कृतकृत्योऽसि राघव ॥ 4.31 ॥

kapiḥ kathayate hṛṣṭo yathāyaṃ mārutātmajaḥ | kṛtyavān so'pi samprāptaḥ kṛtakṛtyo'si rāghava || 4.31 ||

'यह पवनपुत्र वानर जिस प्रकार हर्षपूर्वक कह रहा है, उससे लगता है कि हमारा कार्य सिद्ध हो चुका है; हे राघव, मानो आप कृतकृत्य हो चुके हैं।'

श्लोक 32 (kishkindha.4.32)

प्रसन्नमुखवर्णश्च व्यक्तं हृष्टश्च भाषते । नानृतं वक्ष्यते वीरो हनूमान् मारुतात्मजः ॥ 4.32 ॥

prasannamukhavarṇaśca vyaktaṃ hṛṣṭaśca bhāṣate | nānṛtaṃ vakṣyate vīro hanūmān mārutātmajaḥ || 4.32 ||

'इसका मुख-वर्ण प्रसन्न है और यह स्पष्ट हर्षपूर्वक बोल रहा है; यह वीर पवनपुत्र हनुमान असत्य नहीं बोलेगा।'

श्लोक 33 (kishkindha.4.33)

ततः स सुमहाप्राज्ञो हनूमान् मारुतात्मजः । जगामादाय तौ वीरौ हरिराजाय राघवौ ॥ 4.33 ॥

tataḥ sa sumahāprājño hanūmān mārutātmajaḥ | jagāmādāya tau vīrau harirājāya rāghavau || 4.33 ||

तब वह परम बुद्धिमान् पवनपुत्र हनुमान उन दोनों वीर राघवों को लेकर वानरराज सुग्रीव के पास चल पड़े।

श्लोक 34 (kishkindha.4.34)

भिक्षुरूपं परित्यज्य वानरं रूपमास्थितः । पृष्ठमारोप्य तौ वीरौ जगाम कपिकुञ्जरः ॥ 4.34 ॥

bhikṣurūpaṃ parityajya vānaraṃ rūpamāsthitaḥ | pṛṣṭhamāropya tau vīrau jagāma kapikuñjaraḥ || 4.34 ||

भिक्षुक-रूप का त्याग कर पुनः वानर-रूप धारण करके, उस कपिश्रेष्ठ हनुमान ने उन दोनों वीरों को अपनी पीठ पर बिठाकर प्रस्थान किया।

श्लोक 35 (kishkindha.4.35)

स तु विपुलयशाः कपिप्रवीरः पवनसुतः कृतकृत्यवत् प्रहृष्टः । गिरिवरमुरुविक्रमः प्रयातः स शुभमतिः सह रामलक्ष्मणाभ्याम् ॥ 4.35 ॥

sa tu vipulayaśāḥ kapipravīraḥ pavanasutaḥ kṛtakṛtyavat prahṛṣṭaḥ | girivaramuruvikramaḥ prayātaḥ sa śubhamatiḥ saha rāmalakṣmaṇābhyām || 4.35 ||

अपार यशवाला, वानरों में श्रेष्ठ, महापराक्रमी और शुभ बुद्धिवाला वह पवनपुत्र, मानो कृतकृत्य हुए के समान हर्षित होकर, राम-लक्ष्मण को साथ लेकर उस श्रेष्ठ पर्वत की ओर चल पड़ा।