पंखों की पुनःप्राप्ति

श्लोक 1 (kishkindha.63.1)

एतैरन्यैश्च बहुभिर्वाक्यैर्वाक्यविशारदः । मां प्रशस्याभ्यनुज्ञाप्य प्रविष्टः स स्वमालयम् ॥ 63.1 ॥

etairanyaiśca bahubhirvākyairvākyaviśāradaḥ | māṃ praśasyābhyanujñāpya praviṣṭaḥ sa svamālayam || 63.1 ||

वचनों में निपुण उस मुनि ने इन तथा अन्य अनेक वचनों से मुझे आश्वस्त कर और विदा देकर अपने आश्रम में प्रवेश किया।

श्लोक 2 (kishkindha.63.2)

कन्दरात् तु विसर्पित्वा पर्वतस्य शनैः शनैः । अहं विन्ध्यं समारुह्य भवतः प्रतिपालये ॥ 63.2 ॥

kandarāt tu visarpitvā parvatasya śanaiḥ śanaiḥ | ahaṃ vindhyaṃ samāruhya bhavataḥ pratipālaye || 63.2 ||

फिर उस पर्वत की गुफा से धीरे-धीरे रेंगते हुए मैं विन्ध्याचल पर चढ़ गया और तुम्हारे आगमन की प्रतीक्षा करने लगा।

श्लोक 3 (kishkindha.63.3)

अद्य त्वेतस्य कालस्य वर्षं साग्रशतं गतम् । देशकालप्रतीक्षोऽस्मि हृदि कृत्वा मुनेर्वचः ॥ 63.3 ॥

adya tvetasya kālasya varṣaṃ sāgraśataṃ gatam | deśakālapratīkṣo'smi hṛdi kṛtvā munervacaḥ || 63.3 ||

अब तक इस समय के सौ वर्ष से भी कुछ अधिक बीत चुके हैं; मुनि के वचन को हृदय में रखकर मैं उचित देश-काल की प्रतीक्षा करता रहा।

श्लोक 4 (kishkindha.63.4)

महाप्रस्थानमासाद्य स्वर्गते तु निशाकरे । मां निर्दहति संतापो वितर्कैर्बहुभिर्वृतम् ॥ 63.4 ॥

mahāprasthānamāsādya svargate tu niśākare | māṃ nirdahati saṃtāpo vitarkairbahubhirvṛtam || 63.4 ||

परन्तु जब निशाकर मुनि महाप्रस्थान करके स्वर्ग को चले गए, तब अनेक शंकाओं से घिरा हुआ संताप मुझे जलाने लगा।

श्लोक 5 (kishkindha.63.5)

उदितां मरणे बुद्धिं मुनिवाक्यैर्निवर्तये । बुद्धिर्या तेन मे दत्ता प्राणानां रक्षणे मम ॥ 63.5 ॥

uditāṃ maraṇe buddhiṃ munivākyairnivartaye | buddhiryā tena me dattā prāṇānāṃ rakṣaṇe mama || 63.5 ||

मृत्यु का जो विचार मुझमें उठा था, उसे मैंने मुनि के वचनों से लौटा दिया; प्राणरक्षा हेतु उन्होंने मुझे जो संकल्प दिया था —

श्लोक 6 (kishkindha.63.6)

सा मेऽपनयते दुःखं दीप्तेवाग्निशिखा तमः । बुध्यता च मया वीर्यं रावणस्य दुरात्मनः ॥ 63.6 ॥

sā me'panayate duḥkhaṃ dīptevāgniśikhā tamaḥ | budhyatā ca mayā vīryaṃ rāvaṇasya durātmanaḥ || 63.6 ||

— वह मेरे दुःख को उसी प्रकार दूर करता है जैसे प्रज्वलित अग्नि-शिखा अंधकार को दूर करती है। फिर भी, दुरात्मा रावण के बल को जानते हुए,

श्लोक 7 (kishkindha.63.7)

पुत्रः संतर्जितो वाग्भिर्न त्राता मैथिली कथम् । तस्या विलपितं श्रुत्वा तौ च सीतावियोजितौ ॥ 63.7 ॥

putraḥ saṃtarjito vāgbhirna trātā maithilī katham | tasyā vilapitaṃ śrutvā tau ca sītāviyojitau || 63.7 ||

मैंने अपने पुत्र जटायु को कठोर वचनों से डाँटा, यह कहते हुए, 'तुमने मैथिली की रक्षा क्यों नहीं की!' उसके विलाप को सुनकर, और यह जानकर कि वे दोनों राम-लक्ष्मण सीता से बिछड़ गए हैं —

श्लोक 8 (kishkindha.63.8)

न मे दशरथस्नेहात् पुत्रेणोत्पादितं प्रियम् । तस्य त्वेवं ब्रुवाणस्य संहतैर्वानरैः सह ॥ 63.8 ॥

na me daśarathasnehāt putreṇotpāditaṃ priyam | tasya tvevaṃ bruvāṇasya saṃhatairvānaraiḥ saha || 63.8 ||

— दशरथ के प्रति स्नेह के कारण भी मेरे पुत्र ने मेरी वह प्रिय इच्छा पूरी नहीं की। सम्पाति जब एकत्रित वानरों के साथ इस प्रकार कह रहा था,

श्लोक 9 (kishkindha.63.9)

उत्पेततुस्तदा पक्षौ समक्षं वनचारिणाम् । स दृष्ट्वा स्वां तनुं पक्षैरुद्गतैररुणच्छदैः ॥ 63.9 ॥

utpetatustadā pakṣau samakṣaṃ vanacāriṇām | sa dṛṣṭvā svāṃ tanuṃ pakṣairuda‍gatairaruṇacchadaiḥ || 63.9 ||

— तभी उन वनचारी वानरों के सामने उसके दोनों पंख उग आए। अपने शरीर को नवोदित, लाल पंखों से युक्त देखकर —

श्लोक 10 (kishkindha.63.10)

प्रहर्षमतुलं लेभे वानरांश्चेदमब्रवीत् । निशाकरस्य राजर्षेः प्रसादादमितौजसः ॥ 63.10 ॥

praharṣamatulaṃ lebhe vānarāṃścedamabravīt | niśākarasya rājarṣeḥ prasādādamitaujasaḥ || 63.10 ||

— उसे अतुलनीय हर्ष हुआ और उसने वानरों से यह कहा: 'अपार तेजस्वी राजर्षि निशाकर की कृपा से —

श्लोक 11 (kishkindha.63.11)

आदित्यरश्मिनिर्दग्धौ पक्षौ पुनरुपस्थितौ । यौवने वर्तमानस्य ममासीद् यः पराक्रमः ॥ 63.11 ॥

ādityaraśminirdagdhau pakṣau punarupasthitau | yauvane vartamānasya mamāsīd yaḥ parākramaḥ || 63.11 ||

— सूर्य की किरणों से जले हुए मेरे दोनों पंख फिर से प्रकट हो गए हैं। यौवन में जो मेरा पराक्रम था —

श्लोक 12 (kishkindha.63.12)

तमेवाद्यावगच्छामि बलं पौरुषमेव च । सर्वथा क्रियतां यत्नः सीतामधिगमिष्यथ ॥ 63.12 ॥

tamevādyāvagacchāmi balaṃ pauruṣameva ca | sarvathā kriyatāṃ yatnaḥ sītāmadhigamiṣyatha || 63.12 ||

— वही आज मैं पुनः बल और पौरुष के साथ अनुभव कर रहा हूँ। अब तुम सब भरसक प्रयत्न करो; तुम निश्चय ही सीता को प्राप्त करोगे।

श्लोक 13 (kishkindha.63.13)

पक्षलाभो ममायं वः सिद्धिप्रत्ययकारकः । इत्युक्त्वा तान् हरीन् सर्वान् सम्पातिः पतगोत्तमः ॥ 63.13 ॥

pakṣalābho mamāyaṃ vaḥ siddhipratyayakārakaḥ | ityuktvā tān harīn sarvān sampātiḥ patagottamaḥ || 63.13 ||

'मेरे पंखों की यह पुनःप्राप्ति तुम सबके लिए सफलता के विश्वास का कारण बनेगी।' पक्षियों में श्रेष्ठ सम्पाति ने उन सभी वानरों से यह कहकर,

श्लोक 14 (kishkindha.63.14)

उत्पपात गिरेः शृङ्गाज्जिज्ञासुः खगमो गतिम् । तस्य तद् वचनं श्रुत्वा प्रतिसंहृष्टमानसाः । बभूवुर्हरिशार्दूला विक्रमाभ्युदयोन्मुखाः ॥ 63.14 ॥

utpapāta gireḥ śṛṅgājjijñāsuḥ khagamo gatim | tasya tad vacanaṃ śrutvā pratisaṃhṛṣṭamānasāḥ | babhūvurhariśārdūlā vikramābhyudayonmukhāḥ || 63.14 ||

आकाशगामी की गति को पुनः परखने की उत्सुकता से पर्वत-शिखर से उड़ान भर दी। उसका यह वचन सुनकर वे व्याघ्रतुल्य वानर मन ही मन अत्यंत हर्षित होकर पराक्रम के उत्कर्ष के लिए उत्सुक हो उठे।

श्लोक 15 (kishkindha.63.15)

अथ पवनसमानविक्रमाः प्लवगवराः प्रतिलब्धपौरुषाः । अभिजिदभिमुखां दिशं ययुर्जनकसुतापरिमार्गणोन्मुखाः ॥ 63.15 ॥

atha pavanasamānavikramāḥ plavagavarāḥ pratilabdhapauruṣāḥ | abhijidabhimukhāṃ diśaṃ yayurjanakasutāparimārgaṇonmukhāḥ || 63.15 ||

तब वायु के समान पराक्रमी, पुनः पौरुष को प्राप्त वे श्रेष्ठ वानर, जनकसुता की खोज में उत्सुक होकर अभिजित् मुहूर्त के अनुकूल दिशा की ओर चल पड़े।