लंघन-शक्ति की घोषणा

श्लोक 1 (kishkindha.65.1)

अथाङ्गदवचः श्रुत्वा ते सर्वे वानरर्षभाः । स्वं स्वं गतौ समुत्साहमूचुस्तत्र यथाक्रमम् ॥ 65.1 ॥

athāṅgadavacaḥ śrutvā te sarve vānararṣabhāḥ | svaṃ svaṃ gatau samutsāhamūcustatra yathākramam || 65.1 ||

तब अंगद के वचन सुनकर वे सभी श्रेष्ठ वानर अपनी-अपनी बारी पर उस लंघन-कार्य में अपने-अपने उत्साह को बताने लगे।

श्लोक 2 (kishkindha.65.2)

गजो गवाक्षो गवयः शरभो गन्धमादनः । मैन्दश्च द्विविदश्चैव सुषेणो जाम्बवांस्तथा ॥ 65.2 ॥

gajo gavākṣo gavayaḥ śarabho gandhamādanaḥ | maindaśca dvividaścaiva suṣeṇo jāmbavāṃstathā || 65.2 ||

गज, गवाक्ष, गवय, शरभ, गन्धमादन, मैन्द और द्विविद, तथा सुषेण और जाम्बवान् भी इसी प्रकार बोले।

श्लोक 3 (kishkindha.65.3)

आबभाषे गजस्तत्र प्लवेयं दशयोजनम् । गवाक्षो योजनान्याह गमिष्यामीति विंशतिम् ॥ 65.3 ॥

ābabhāṣe gajastatra plaveyaṃ daśayojanam | gavākṣo yojanānyāha gamiṣyāmīti viṃśatim || 65.3 ||

वहाँ गज ने कहा, 'मैं दस योजन उड़ सकता हूँ'; गवाक्ष ने कहा, 'मैं बीस योजन जाऊँगा।'

श्लोक 4 (kishkindha.65.4)

शरभो वानरस्तत्र वानरांस्तानुवाच ह । त्रिंशतं तु गमिष्यामि योजनानां प्लवङ्गमाः ॥ 65.4 ॥

śarabho vānarastatra vānarāṃstānuvāca ha | triṃśataṃ tu gamiṣyāmi yojanānāṃ plavaṅgamāḥ || 65.4 ||

वानर शरभ ने वहाँ उन वानरों से कहा, 'हे वानरो, मैं तीस योजन जाऊँगा।'

श्लोक 5 (kishkindha.65.5)

ऋषभो वानरस्तत्र वानरांस्तानुवाच ह । चत्वारिंशद् गमिष्यामि योजनानां न संशयः ॥ 65.5 ॥

ṛṣabho vānarastatra vānarāṃstānuvāca ha | catvāriṃśad gamiṣyāmi yojanānāṃ na saṃśayaḥ || 65.5 ||

वानर ऋषभ ने वहाँ उन वानरों से कहा, 'मैं चालीस योजन जाऊँगा, इसमें संदेह नहीं।'

श्लोक 6 (kishkindha.65.6)

वानरांस्तु महातेजा अब्रवीद् गन्धमादनः । योजनानां गमिष्यामि पञ्चाशत्तु न संशयः ॥ 65.6 ॥

vānarāṃstu mahātejā abravīd gandhamādanaḥ | yojanānāṃ gamiṣyāmi pañcāśattu na saṃśayaḥ || 65.6 ||

महातेजस्वी गन्धमादन ने वानरों से कहा, 'मैं पचास योजन जाऊँगा, इसमें कोई संदेह नहीं।'

श्लोक 7 (kishkindha.65.7)

मैन्दस्तु वानरस्तत्र वानरांस्तानुवाच ह । योजनानां परं षष्टिमहं प्लवितुमुत्सहे ॥ 65.7 ॥

maindastu vānarastatra vānarāṃstānuvāca ha | yojanānāṃ paraṃ ṣaṣṭimahaṃ plavitumutsahe || 65.7 ||

वानर मैन्द ने वहाँ उन वानरों से कहा, 'मैं साठ योजन तक उड़ने का साहस रखता हूँ।'

श्लोक 8 (kishkindha.65.8)

ततस्तत्र महातेजा द्विविदः प्रत्यभाषत । गमिष्यामि न संदेहः सप्ततिं योजनान्यहम् ॥ 65.8 ॥

tatastatra mahātejā dvividaḥ pratyabhāṣata | gamiṣyāmi na saṃdehaḥ saptatiṃ yojanānyaham || 65.8 ||

तब महातेजस्वी द्विविद ने वहाँ उत्तर दिया, 'मैं सत्तर योजन जाऊँगा, इसमें संदेह नहीं।'

श्लोक 9 (kishkindha.65.9)

सुषेणस्तु महातेजाः सत्त्ववान् कपिसत्तमः । अशीतिं प्रतिजानेऽहं योजनानां पराक्रमे ॥ 65.9 ॥

suṣeṇastu mahātejāḥ sattvavān kapisattamaḥ | aśītiṃ pratijāne'haṃ yojanānāṃ parākrame || 65.9 ||

किन्तु महातेजस्वी, बलशाली, वानरश्रेष्ठ सुषेण ने कहा: 'मैं इस पराक्रम में अस्सी योजन का प्रण करता हूँ।'

श्लोक 10 (kishkindha.65.10)

तेषां कथयतां तत्र सर्वांस्ताननुमान्य च । ततो वृद्धतमस्तेषां जाम्बवान् प्रत्यभाषत ॥ 65.10 ॥

teṣāṃ kathayatāṃ tatra sarvāṃstānanumānya ca | tato vṛddhatamasteṣāṃ jāmbavān pratyabhāṣata || 65.10 ||

तब वहाँ उन सबकी बात सुनकर और उनकी सराहना करके उन सबमें सबसे वृद्ध जाम्बवान् ने उत्तर दिया।

श्लोक 11 (kishkindha.65.11)

पूर्वमस्माकमप्यासीत् कश्चिद् गतिपराक्रमः । ते वयं वयसः पारमनुप्राप्ताः स्म साम्प्रतम् ॥ 65.11 ॥

pūrvamasmākamapyāsīt kaścid gatiparākramaḥ | te vayaṃ vayasaḥ pāramanuprāptāḥ sma sāmpratam || 65.11 ||

'पहले हम में भी यात्रा और पराक्रम की कुछ सामर्थ्य थी; परन्तु अब हम अपनी अवस्था के अंतिम छोर पर पहुँच चुके हैं।'

श्लोक 12 (kishkindha.65.12)

किं तु नैवं गते शक्यमिदं कार्यमुपेक्षितुम् । यदर्थं कपिराजश्च रामश्च कृतनिश्चयौ ॥ 65.12 ॥

kiṃ tu naivaṃ gate śakyamidaṃ kāryamupekṣitum | yadarthaṃ kapirājaśca rāmaśca kṛtaniścayau || 65.12 ||

'फिर भी, ऐसी स्थिति होते हुए भी, इस कार्य की उपेक्षा करना संभव नहीं, जिसके लिए वानरराज और स्वयं राम भी दृढ़ निश्चय कर चुके हैं।'

श्लोक 13 (kishkindha.65.13)

साम्प्रतं कालमस्माकं या गतिस्तां निबोधत । नवतिं योजनानां तु गमिष्यामि न संशयः ॥ 65.13 ॥

sāmprataṃ kālamasmākaṃ yā gatistāṃ nibodhata | navatiṃ yojanānāṃ tu gamiṣyāmi na saṃśayaḥ || 65.13 ||

'अब यह जान लो कि इस समय हमारी क्या गति है: मैं नब्बे योजन जा सकता हूँ, इसमें संदेह नहीं।'

श्लोक 14 (kishkindha.65.14)

तांश्च सर्वान् हरिश्रेष्ठाञ्जाम्बवानिदमब्रवीत् । न खल्वेतावदेवासीद् गमने मे पराक्रमः ॥ 65.14 ॥

tāṃśca sarvān hariśreṣṭhāñjāmbavānidamabravīt | na khalvetāvadevāsīd gamane me parākramaḥ || 65.14 ||

जाम्बवान् ने उन सब श्रेष्ठ वानरों से आगे यह कहा: 'गमन करने की मेरी सामर्थ्य केवल इतनी ही सीमित नहीं थी।'

श्लोक 15 (kishkindha.65.15)

मया वैरोचने यज्ञे प्रभविष्णुः सनातनः । प्रदक्षिणीकृतः पूर्वं क्रममाणस्त्रिविक्रमम् ॥ 65.15 ॥

mayā vairocane yajñe prabhaviṣṇuḥ sanātanaḥ | pradakṣiṇīkṛtaḥ pūrvaṃ kramamāṇastrivikramam || 65.15 ||

'एक बार विरोचन-पुत्र (बलि) के यज्ञ में, जब सनातन सर्वव्यापी विष्णु त्रिविक्रम रूप में डग भर रहे थे, तब मैंने उनकी परिक्रमा की थी।'

श्लोक 16 (kishkindha.65.16)

स इदानीमहं वृद्धः प्लवने मन्दविक्रमः । यौवने च तदासीन्मे बलमप्रतिमं परम् ॥ 65.16 ॥

sa idānīmahaṃ vṛddhaḥ plavane mandavikramaḥ | yauvane ca tadāsīnme balamapratimaṃ param || 65.16 ||

'ऐसा था मैं; अब मैं वृद्ध हूँ और उड़ने में मन्द पराक्रमी हूँ; परन्तु उस समय, यौवन में, मेरा बल अद्वितीय और सर्वोत्तम था।'

श्लोक 17 (kishkindha.65.17)

सम्प्रत्येतावदेवाद्य शक्यं मे गमने स्वतः । नैतावता च संसिद्धिः कार्यस्यास्य भविष्यति ॥ 65.17 ॥

sampratyetāvadevādya śakyaṃ me gamane svataḥ | naitāvatā ca saṃsiddhiḥ kāryasyāsya bhaviṣyati || 65.17 ||

'अब, वर्तमान में, मेरे लिए स्वयं जाने में इतना ही संभव है; और इतने भर से इस कार्य की सिद्धि नहीं होगी।'

श्लोक 18 (kishkindha.65.18)

अथोत्तरमुदारार्थमब्रवीदङ्गदस्तदा । अनुमान्य तदा प्राज्ञो जाम्बवन्तं महाकपिः ॥ 65.18 ॥

athottaramudārārthamabravīdaṅgadastadā | anumānya tadā prājño jāmbavantaṃ mahākapiḥ || 65.18 ||

तब महाप्राज्ञ अंगद ने महाकपि जाम्बवान् का सम्मान करते हुए यह उदार अर्थपूर्ण उत्तर दिया।

श्लोक 19 (kishkindha.65.19)

अहमेतद् गमिष्यामि योजनानां शतं महत् । निवर्तने तु मे शक्तिः स्यान्न वेति न निश्चितम् ॥ 65.19 ॥

ahametad gamiṣyāmi yojanānāṃ śataṃ mahat | nivartane tu me śaktiḥ syānna veti na niścitam || 65.19 ||

'मैं सौ योजन की इस विशाल दूरी को जा सकता हूँ; परन्तु लौटने की शक्ति मुझमें होगी या नहीं, यह निश्चित नहीं है।'

श्लोक 20 (kishkindha.65.20)

तमुवाच हरिश्रेष्ठं जाम्बवान् वाक्यकोविदः । ज्ञायते गमने शक्तिस्तव हर्यृक्षसत्तम ॥ 65.20 ॥

tamuvāca hariśreṣṭhaṃ jāmbavān vākyakovidaḥ | jñāyate gamane śaktistava haryṛkṣasattama || 65.20 ||

वाणी में निपुण वानरश्रेष्ठ जाम्बवान् ने उससे कहा: 'हे वानरश्रेष्ठ, तुम्हारी जाने की सामर्थ्य तो सर्वविदित है।'

श्लोक 21 (kishkindha.65.21)

कामं शतसहस्रं वा नह्येष विधिरुच्यते । योजनानां भवान् शक्तो गन्तुं प्रतिनिवर्तितुम् ॥ 65.21 ॥

kāmaṃ śatasahasraṃ vā nahyeṣa vidhirucyate | yojanānāṃ bhavān śakto gantuṃ pratinivartitum || 65.21 ||

'निस्संदेह तुम आवश्यकता पड़ने पर लाख योजन जाकर भी लौट सकते हो; परन्तु यह विधि उचित नहीं है।'

श्लोक 22 (kishkindha.65.22)

नहि प्रेषयिता तात स्वामी प्रेष्यः कथंचन । भवतायं जनः सर्वः प्रेष्यः प्लवगसत्तम ॥ 65.22 ॥

nahi preṣayitā tāta svāmī preṣyaḥ kathaṃcana | bhavatāyaṃ janaḥ sarvaḥ preṣyaḥ plavagasattama || 65.22 ||

'क्योंकि, हे तात, आदेश देने वाला स्वामी स्वयं भेजा नहीं जाता; हे श्रेष्ठ वानर, ये सभी लोग तुम्हारे द्वारा भेजे जाने योग्य हैं।'

श्लोक 23 (kishkindha.65.23)

भवान् कलत्रमस्माकं स्वामिभावे व्यवस्थितः । स्वामी कलत्रं सैन्यस्य गतिरेषा परंतप ॥ 65.23 ॥

bhavān kalatramasmākaṃ svāmibhāve vyavasthitaḥ | svāmī kalatraṃ sainyasya gatireṣā paraṃtapa || 65.23 ||

'तुम हमारे बीच स्वामी के पद पर प्रतिष्ठित हो और पत्नी के समान संरक्षणीय हो; हे परंतप, सेना और स्वामी की यही रीति है।'

श्लोक 24 (kishkindha.65.24)

अपि वै तस्य कार्यस्य भवान् मूलमरिंदम । तस्मात् कलत्रवत् तात प्रतिपाल्यः सदा भवान् ॥ 65.24 ॥

api vai tasya kāryasya bhavān mūlamariṃdama | tasmāt kalatravat tāta pratipālyaḥ sadā bhavān || 65.24 ||

'हे शत्रुदमन, तुम ही इस कार्य के मूल आधार हो; अतः हे तात, तुम्हारी सदा वैसी ही रक्षा की जानी चाहिए जैसे पत्नी की की जाती है।'

श्लोक 25 (kishkindha.65.25)

मूलमर्थस्य संरक्ष्यमेष कार्यविदां नयः । मूले हि सति सिध्यन्ति गुणाः सर्वे फलोदयाः ॥ 65.25 ॥

mūlamarthasya saṃrakṣyameṣa kāryavidāṃ nayaḥ | mūle hi sati sidhyanti guṇāḥ sarve phalodayāḥ || 65.25 ||

'किसी भी प्रयोजन की जड़ की रक्षा करनी चाहिए — यही कार्यकुशल पुरुषों की नीति है; क्योंकि जड़ के बने रहने पर ही सारे गुण फलरूप में परिणत होते हैं।'

श्लोक 26 (kishkindha.65.26)

तद् भवानस्य कार्यस्य साधनं सत्यविक्रम । वुद्धिविक्रमसम्पन्नो हेतुरत्र परंतप ॥ 65.26 ॥

tad bhavānasya kāryasya sādhanaṃ satyavikrama | vuddhivikramasampanno heturatra paraṃtapa || 65.26 ||

'अतः हे सत्यपराक्रमी, तुम ही इस कार्य के साधन हो; बुद्धि और पराक्रम से संपन्न हे परंतप, तुम ही इस कार्य के मूल कारण हो।'

श्लोक 27 (kishkindha.65.27)

गुरुश्च गुरुपुत्रश्च त्वं हि नः कपिसत्तम । भवन्तमाश्रित्य वयं समर्था ह्यर्थसाधने ॥ 65.27 ॥

guruśca guruputraśca tvaṃ hi naḥ kapisattama | bhavantamāśritya vayaṃ samarthā hyarthasādhane || 65.27 ||

'हे वानरश्रेष्ठ, तुम हमारे गुरु भी हो और गुरुपुत्र भी; तुम्हारी शरण लेकर हम अपने कार्य को सिद्ध करने में समर्थ हैं।'

श्लोक 28 (kishkindha.65.28)

उक्तवाक्यं महाप्राज्ञं जाम्बवन्तं महाकपिः । प्रत्युवाचोत्तरं वाक्यं वालिसूनुरथाङ्गदः ॥ 65.28 ॥

uktavākyaṃ mahāprājñaṃ jāmbavantaṃ mahākapiḥ | pratyuvācottaraṃ vākyaṃ vālisūnurathāṅgadaḥ || 65.28 ||

महाप्राज्ञ जाम्बवान् के यह वचन कहने पर, वालि-पुत्र महाकपि अंगद ने उन्हें यह उत्तर दिया।

श्लोक 29 (kishkindha.65.29)

यदि नाहं गमिष्यामि नान्यो वानरपुङ्गवः । पुनः खल्विदमस्माभिः कार्यं प्रायोपवेशनम् ॥ 65.29 ॥

yadi nāhaṃ gamiṣyāmi nānyo vānarapuṅgavaḥ | punaḥ khalvidamasmābhiḥ kāryaṃ prāyopaveśanam || 65.29 ||

'यदि मैं नहीं जाऊँ, और वानरश्रेष्ठों में से कोई अन्य भी नहीं जाए, तो हमें फिर से अनशन करके प्राण त्यागने ही होंगे।'

श्लोक 30 (kishkindha.65.30)

नह्यकृत्वा हरिपतेः संदेशं तस्य धीमतः । तत्रापि गत्वा प्राणानां न पश्ये परिरक्षणम् ॥ 65.30 ॥

nahyakṛtvā haripateḥ saṃdeśaṃ tasya dhīmataḥ | tatrāpi gatvā prāṇānāṃ na paśye parirakṣaṇam || 65.30 ||

'क्योंकि उस बुद्धिमान वानरराज (सुग्रीव) की आज्ञा पूरी किए बिना, वहाँ लौट जाने पर भी मुझे अपने प्राणों की सुरक्षा दिखाई नहीं देती।'

श्लोक 31 (kishkindha.65.31)

स हि प्रसादे चात्यर्थकोपे च हरिरीश्वरः । अतीत्य तस्य संदेशं विनाशो गमने भवेत् ॥ 65.31 ॥

sa hi prasāde cātyarthakope ca harirīśvaraḥ | atītya tasya saṃdeśaṃ vināśo gamane bhavet || 65.31 ||

'वह वानरराज कृपा और क्रोध दोनों में ही अत्यंत प्रबल है; उसकी आज्ञा का उल्लंघन करके लौट जाना विनाश में प्रवेश करने के समान होगा।'

श्लोक 32 (kishkindha.65.32)

तत्तथा ह्यस्य कार्यस्य न भवत्यन्यथा गतिः । तद् भवानेव दृष्टार्थः संचिन्तयितुमर्हति ॥ 65.32 ॥

tattathā hyasya kāryasya na bhavatyanyathā gatiḥ | tad bhavāneva dṛṣṭārthaḥ saṃcintayitumarhati || 65.32 ||

'यह निश्चय ही ऐसा ही होगा, क्योंकि इस कार्य की गति और किसी प्रकार नहीं हो सकती; अतः यह उचित है कि तुम स्वयं, जो इसके वास्तविक अर्थ को देख सकते हो, इस पर गहराई से विचार करो।'

श्लोक 33 (kishkindha.65.33)

सोऽङ्गदेन तदा वीरः प्रत्युक्तः प्लवगर्षभः । जाम्बवानुत्तमं वाक्यं प्रोवाचेदं ततोऽङ्गदम् ॥ 65.33 ॥

so'ṅgadena tadā vīraḥ pratyuktaḥ plavagarṣabhaḥ | jāmbavānuttamaṃ vākyaṃ provācedaṃ tato'ṅgadam || 65.33 ||

जब वीर वानरश्रेष्ठ अंगद ने इस प्रकार उत्तर दिया, तब जाम्बवान् ने अंगद से यह उत्तम वचन कहा।

श्लोक 34 (kishkindha.65.34)

तस्य ते वीर कार्यस्य न किंचित् परिहास्यते । एष संचोदयाम्येनं यः कार्यं साधयिष्यति ॥ 65.34 ॥

tasya te vīra kāryasya na kiṃcit parihāsyate | eṣa saṃcodayāmyenaṃ yaḥ kāryaṃ sādhayiṣyati || 65.34 ||

'हे वीर, तुम्हारा यह कार्य किंचित् भी विफल नहीं होगा; मैं अब उसे प्रेरित करता हूँ जो इसे सिद्ध कर सकता है।'

श्लोक 35 (kishkindha.65.35)

ततः प्रतीतं प्लवतां वरिष्ठमेकान्तमाश्रित्य सुखोपविष्टम् । संचोदयामास हरिप्रवीरो हरिप्रवीरं हनुमन्तमेव ॥ 65.35 ॥

tataḥ pratītaṃ plavatāṃ variṣṭhamekāntamāśritya sukhopaviṣṭam | saṃcodayāmāsa haripravīro haripravīraṃ hanumantameva || 65.35 ||

तब वानरों में श्रेष्ठ जाम्बवान् ने, एकान्त स्थान में सुखपूर्वक बैठे हुए वानरों में सर्वश्रेष्ठ उस उड़ान-वीर हनुमान् को ही प्रेरित किया।