हनुमान की सागर-लंघन

श्लोक 1 (sundara.1.1)

ततो रावणनीतायाः सीतायाः शत्रुकर्शनः । इयेष पदमन्वेष्टुं चारणाचरिते पथि ॥ 1.1 ॥

tato rāvaṇanītāyāḥ sītāyāḥ śatrukarśanaḥ | iyeṣa padamanveṣṭuṃ cāraṇācarite pathi || 1.1 ||

तत्पश्चात् शत्रुओं का नाश करने वाले हनुमान ने चारणों द्वारा विचरित मार्ग पर, रावण द्वारा हरी गई सीता का स्थान खोजने के लिए, यात्रा करने की इच्छा की।

श्लोक 2 (sundara.1.2)

दुष्करं निष्प्रतिद्वन्द्वं चिकीर्षन् कर्म वानरः । समुदग्रशिरोग्रीवो गवांपतिरिवाबभौ ॥ 1.2 ॥

duṣkaraṃ niṣpratidvandvaṃ cikīrṣan karma vānaraḥ | samudagraśirogrīvo gavāṃpatirivābabhau || 1.2 ||

दुष्कर और अद्वितीय कर्म करने की इच्छा रखने वाला वह वानर, सिर और गर्दन ऊँची किए हुए, बैल के समान शोभित हुआ।

श्लोक 3 (sundara.1.3)

अथ वैडूर्यवर्णेषु शाद्वलेषु महाबलः । धीरः सलिलकल्पेषु विच्चार यथासुखम् ॥ 1.3 ॥

atha vaiḍūryavarṇeṣu śādvaleṣu mahābalaḥ | dhīraḥ salilakalpeṣu viccāra yathāsukham || 1.3 ||

तब वह महाबली, धैर्यवान हनुमान वैडूर्यमणि के रंग वाले, जल के समान प्रतीत होने वाले उन घास के मैदानों पर सुखपूर्वक विचरण करने लगा।

श्लोक 4 (sundara.1.4)

द्विजान् वित्रासयन् धीमानुरसा पादपान् हरन् । मृगांश्च सुबाहुन्निघ्नन् प्रवृद्ध इव केसरी ॥ 1.4 ॥

dvijān vitrāsayan dhīmānurasā pādapān haran | mṛgāṃśca subāhunnighnan pravṛddha iva kesarī || 1.4 ||

वह बुद्धिमान, पक्षियों को भयभीत करता हुआ, अपनी छाती से वृक्षों को उखाड़ता हुआ, और अनेक मृगों को मारता हुआ, प्रौढ़ सिंह के समान विचरने लगा।

श्लोक 5 (sundara.1.5)

नीललोहितमाञ्जिष्ठपत्रवर्णैः सितासितैः । स्वभावविहितैश्चित्रैर्धातुभिः समलंकृतम् ॥ 1.5 ॥

nīlalohitamāñjiṣṭhapatravarṇaiḥ sitāsitaiḥ | svabhāvavihitaiścitrairdhātubhiḥ samalaṃkṛtam || 1.5 ||

नीले, लाल, मंजिष्ठा और पत्ते के रंग जैसे, श्वेत और श्याम, स्वाभाविक रूप से बने विचित्र धातुओं से सुशोभित,

श्लोक 6 (sundara.1.6)

कामरूपिभिराविष्टमभीक्ष्णं सपरिच्छिदैः । यक्षकिन्नरगन्धर्वैर्देवक्ल्पैश्च पन्नगैः ॥ 1.6 ॥

kāmarūpibhirāviṣṭamabhīkṣṇaṃ saparicchidaiḥ | yakṣakinnaragandharvairdevaklpaiśca pannagaiḥ || 1.6 ||

तथा इच्छानुसार रूप धारण करने वाले यक्षों, किन्नरों और गंधर्वों से, अपने परिजनों सहित, और देवतुल्य सर्पों से सदा भरे रहने वाले उस पर्वत के -

श्लोक 7 (sundara.1.7)

स तस्य गिरिवर्यस्य तले नागवरायुते । तिष्ठन् कपिवरस्तत्र ह्रदे नाग इवाबभौ ॥ 1.7 ॥

sa tasya girivaryasya tale nāgavarāyute | tiṣṭhan kapivarastatra hrade nāga ivābabhau || 1.7 ||

उस श्रेष्ठ गजराजों से युक्त महापर्वत के तल पर खड़ा वह वानरश्रेष्ठ, सरोवर में खड़े गजराज के समान शोभित हुआ।

श्लोक 8 (sundara.1.8)

स सूर्याय महेन्द्राय पवनाय स्वयंभुवे । भूतेभ्यश्चाञ्जलिं कृत्वा चकार गमने मतिम् ॥ 1.8 ॥

sa sūryāya mahendrāya pavanāya svayaṃbhuve | bhūtebhyaścāñjaliṃ kṛtvā cakāra gamane matim || 1.8 ||

उसने हाथ जोड़कर सूर्य, महेंद्र, पवनदेव, स्वयंभू ब्रह्मा और समस्त भूतों को प्रणाम किया, और प्रस्थान करने का संकल्प किया।

श्लोक 9 (sundara.1.9)

अञ्जलिं प्राङ्मुखः कृत्वा पवनायात्मयोओनयो । ततो हि ववृधे गन्तुं दक्षिणो दक्षिणां दिश्म् ॥ 1.9 ॥

añjaliṃ prāṅmukhaḥ kṛtvā pavanāyātmayoonayo | tato hi vavṛdhe gantuṃ dakṣiṇo dakṣiṇāṃ diśm || 1.9 ||

पूर्वाभिमुख होकर उसने अपने जनक पवनदेव को अंजलि अर्पित की; और फिर वह दक्षिण दिशा की ओर जाने के लिए बढ़ने लगा।

श्लोक 10 (sundara.1.10)

प्लवङ्गप्रवरैर्दृष्टः प्लवने कृतनिश्चयः । ववृधे रामवृद्ध्यर्थम् समुद्र इव पर्वसु ॥ 1.10 ॥

plavaṅgapravarairdṛṣṭaḥ plavane kṛtaniścayaḥ | vavṛdhe rāmavṛddhyartham samudra iva parvasu || 1.10 ||

वानरश्रेष्ठों द्वारा देखा जाता हुआ, उड़ान के लिए दृढ़-संकल्प, वह राम की सफलता के लिए, पूर्णिमा के दिन सागर के समान बढ़ने लगा।

श्लोक 11 (sundara.1.11)

निष्प्रमाणशरीरः सन् लिलङ्घयिषुरर्णवम् । बाहुभ्यां पीडयामास चरणाभ्यां च पर्वतम् ॥ 1.11 ॥

niṣpramāṇaśarīraḥ san lilaṅghayiṣurarṇavam | bāhubhyāṃ pīḍayāmāsa caraṇābhyāṃ ca parvatam || 1.11 ||

असीम शरीर धारण करके, सागर को लांघने की इच्छा से, उसने अपनी भुजाओं और चरणों से उस पर्वत को दबाया।

श्लोक 12 (sundara.1.12)

स चचालाचलश्चापि मुहूर्तं कपिपीडितः । तरूणां पुष्पिताग्राणां सर्वं पुष्पमशातयत् ॥ 1.12 ॥

sa cacālācalaścāpi muhūrtaṃ kapipīḍitaḥ | tarūṇāṃ puṣpitāgrāṇāṃ sarvaṃ puṣpamaśātayat || 1.12 ||

वह अचल पर्वत भी वानर के दबाव से क्षणभर के लिए काँप उठा, और अपने पुष्पित वृक्षों के सारे फूल झरा दिए।

श्लोक 13 (sundara.1.13)

तेन पादपमुक्तेन पुष्पौघेन सुगन्धिना । सर्वतः संवृतः शैलो बभौ पुष्पमयो यथा ॥ 1.13 ॥

tena pādapamuktena puṣpaughena sugandhinā | sarvataḥ saṃvṛtaḥ śailo babhau puṣpamayo yathā || 1.13 ||

वृक्षों से झरे उस सुगंधित पुष्पसमूह से सब ओर आच्छादित होकर, वह पर्वत मानो पूर्णतः पुष्पमय होकर शोभित हुआ।

श्लोक 14 (sundara.1.14)

तेन चोत्तमवीर्येण पीड्यमानः स पर्वतः । सलिलं संप्रसुस्राव मदं मत्त इव द्विपः ॥ 1.14 ॥

tena cottamavīryeṇa pīḍyamānaḥ sa parvataḥ | salilaṃ saṃprasusrāva madaṃ matta iva dvipaḥ || 1.14 ||

उस अद्भुत पराक्रमी के दबाव से पीड़ित होकर, वह पर्वत मदमस्त हाथी के मदजल के समान जल बहाने लगा।

श्लोक 15 (sundara.1.15)

पीड्यमानस्तु बलिना महेन्द्रस्तेन पर्वतः । रीतीर्निर्वर्तयामास काञ्चनाञ्जनराजतीः ॥ 1.15 ॥

pīḍyamānastu balinā mahendrastena parvataḥ | rītīrnirvartayāmāsa kāñcanāñjanarājatīḥ || 1.15 ||

उस बलशाली के दबाव से पीड़ित होकर, महेंद्र पर्वत ने स्वर्ण, अंजन और रजत की धाराएँ प्रकट कर दीं।

श्लोक 16 (sundara.1.16)

मुमोच च शिलाः शैलो विशालाः समनःशिलाः । मध्यमेनार्चिषा जुष्टो धूमराजीरिवानलः ॥ 1.16 ॥

mumoca ca śilāḥ śailo viśālāḥ samanaḥśilāḥ | madhyamenārciṣā juṣṭo dhūmarājīrivānalaḥ || 1.16 ||

वह पर्वत गंधक-युक्त विशाल शिलाओं को बाहर फेंकने लगा, मानो मध्यम ज्वाला वाली अग्नि धुएँ की रेखाएँ छोड़ रही हो।

श्लोक 17 (sundara.1.17)

गिरिणा पीड्यमानेन पीड्यमानानि सर्वशः । गुहाविष्टानि भूतानि विनेदुर्विकृतैः स्वरैः ॥ 1.17 ॥

giriṇā pīḍyamānena pīḍyamānāni sarvaśaḥ | guhāviṣṭāni bhūtāni vinedurvikṛtaiḥ svaraiḥ || 1.17 ||

सब ओर से पीड़ित उस पर्वत की गुफाओं में रहने वाले प्राणी भी पीड़ित होकर विकृत स्वरों में चीत्कार करने लगे।

श्लोक 18 (sundara.1.18)

स महासत्त्वसंनादः शैलपीडानिमित्तजः । पृथिवीं पूरयामास दिशश्चोपवनानि च ॥ 1.18 ॥

sa mahāsattvasaṃnādaḥ śailapīḍānimittajaḥ | pṛthivīṃ pūrayāmāsa diśaścopavanāni ca || 1.18 ||

पर्वत की उस पीड़ा से उत्पन्न प्राणियों का वह महान कोलाहल, पृथ्वी को, दिशाओं को और आसपास के उपवनों को भर गया।

श्लोक 19 (sundara.1.19)

शिरोभिः पृथुभिः सर्पा व्यक्तस्वस्तिकलक्षणैः । वमन्तः पावकं घोरं ददंशुर्दशनैः शिलाः ॥ 1.19 ॥

śirobhiḥ pṛthubhiḥ sarpā vyaktasvastikalakṣaṇaiḥ | vamantaḥ pāvakaṃ ghoraṃ dadaṃśurdaśanaiḥ śilāḥ || 1.19 ||

स्पष्ट स्वस्तिक चिह्न वाले, चौड़े फणों वाले सर्प भयंकर अग्नि उगलने लगे और अपने दाँतों से शिलाओं को काटने लगे।

श्लोक 20 (sundara.1.20)

तास्तदा सविषैर्दष्टाः कुपितैस्तैर्महाशिलाः। जज्ज्वलुः पावकोद्दीप्ता बिभिदुश्च सहस्रधा ॥ 1.20 ॥

tāstadā saviṣairdaṣṭāḥ kupitaistairmahāśilāḥ| jajjvaluḥ pāvakoddīptā bibhiduśca sahasradhā || 1.20 ||

उन विषैले, क्रुद्ध सर्पों द्वारा काटी गई वे विशाल शिलाएँ, अग्नि से प्रज्वलित होकर जल उठीं और सहस्रों टुकड़ों में विभक्त हो गईं।

श्लोक 21 (sundara.1.21)

यानि चौषधजालानि तस्मिन् जातानि पर्वते । विषघ्नान्यपि नागानां न शेकुः शमितुं विषम् ॥ 1.21 ॥

yāni cauṣadhajālāni tasmin jātāni parvate | viṣaghnānyapi nāgānāṃ na śekuḥ śamituṃ viṣam || 1.21 ||

उस पर्वत पर उगी हुई विषनाशक औषधियाँ भी उन सर्पों के विष को शांत करने में समर्थ नहीं हो सकीं।

श्लोक 22 (sundara.1.22)

भिद्यतेऽयं गिरिर्भूतैरिति मत्त्वा तपस्विनः । त्रस्ता विद्याधरास्तस्मादुत्पेतुः स्त्रीगणैः सह ॥ 1.22 ॥

bhidyate'yaṃ girirbhūtairiti mattvā tapasvinaḥ | trastā vidyādharāstasmādutpetuḥ strīgaṇaiḥ saha || 1.22 ||

यह सोचकर कि भूतों द्वारा यह पर्वत तोड़ा जा रहा है, वहाँ के तपस्वी और भयभीत विद्याधर अपनी स्त्रियों सहित आकाश में उड़ गए।

श्लोक 23 (sundara.1.23)

पानभूमिगतं हित्वा हैममासवभाजनम् । पात्रणि च महार्हाणि करकांश्च हिरण्मयान् ॥ 1.23 ॥

pānabhūmigataṃ hitvā haimamāsavabhājanam | pātraṇi ca mahārhāṇi karakāṃśca hiraṇmayān || 1.23 ||

मद्यशाला में सोने के मदिरा-पात्र, बहुमूल्य पात्र और स्वर्णिम कलश छोड़कर,

श्लोक 24 (sundara.1.24)

लेह्यानुच्चावचान् भक्ष्यान् मांसानि विविधानि च । आर्षभाणि च चर्माणि खड्गांश्च कनकत्सरून् ॥ 1.24 ॥

lehyānuccāvacān bhakṣyān māṃsāni vividhāni ca | ārṣabhāṇi ca carmāṇi khaḍgāṃśca kanakatsarūn || 1.24 ||

तथा नाना प्रकार के चाटने योग्य पदार्थ और खाद्य वस्तुएँ, विविध मांस, बैलों के चर्म और स्वर्ण-मूठ वाली तलवारें भी छोड़कर।

श्लोक 25 (sundara.1.25)

कृतक्ण्ठगुणाः क्षीबा र्क्तमाल्यानुलेपनाः । र्क्तक्षाः पुष्कराक्षाश्च गगनं प्रतिपेदिरे ॥ 1.25 ॥

kṛtakṇṭhaguṇāḥ kṣībā rktamālyānulepanāḥ | rktakṣāḥ puṣkarākṣāśca gaganaṃ pratipedire || 1.25 ||

वे मदमस्त विद्याधर, गले में मालाएँ पहने, लाल पुष्पों और चंदन के लेप से सुशोभित, लाल नेत्रों और कमल-सम नेत्रों वाले, आकाश में जा पहुँचे।

श्लोक 26 (sundara.1.26)

हारनूपुरकेयूरपारिहार्यधराः स्त्रियः । विस्मिताः सस्मितास्तस्थुराकाशे रमणैः सह ॥ 1.26 ॥

hāranūpurakeyūrapārihāryadharāḥ striyaḥ | vismitāḥ sasmitāstasthurākāśe ramaṇaiḥ saha || 1.26 ||

हार, नूपुर, केयूर और कंगन धारण किए हुए स्त्रियाँ, विस्मित और मुस्कुराती हुई, अपने प्रियजनों के साथ आकाश में खड़ी रहीं।

श्लोक 27 (sundara.1.27)

दर्शयन्तो महाविद्यां विद्याधरमहर्षयः । सहितास्तस्थुराकाशे वीक्षाञ्चक्रुश्च पर्वतम् ॥ 1.27 ॥

darśayanto mahāvidyāṃ vidyādharamaharṣayaḥ | sahitāstasthurākāśe vīkṣāñcakruśca parvatam || 1.27 ||

विद्याधर महर्षिगण, अपनी महाविद्या का प्रदर्शन करते हुए, आकाश में एकत्र खड़े होकर उस पर्वत को देखने लगे।

श्लोक 28 (sundara.1.28)

शुश्रुवुश्चतदा शब्दमृषीणां भावितात्मनाम्। चारणानां च सिद्धानां स्थितानांविमलेऽम्बरे ॥ 1.28 ॥

śuśruvuścatadā śabdamṛṣīṇāṃ bhāvitātmanām| cāraṇānāṃ ca siddhānāṃ sthitānāṃvimale'mbare || 1.28 ||

तब उस निर्मल आकाश में स्थित उन्होंने भावित-आत्मा ऋषियों, चारणों और सिद्धों के इन शब्दों को सुना -

श्लोक 29 (sundara.1.29)

एष पर्वतसंकाशो हनूमान् मारुतात्मजः । तितीर्षति महावेगः समुद्रं मकरालयम् ॥ 1.29 ॥

eṣa parvatasaṃkāśo hanūmān mārutātmajaḥ | titīrṣati mahāvegaḥ samudraṃ makarālayam || 1.29 ||

"यह पर्वत के समान विशाल, पवनपुत्र, महावेगशाली हनुमान, मकरों के आवास उस सागर को पार करना चाहता है।

श्लोक 30 (sundara.1.30)

रामार्थं वानरार्थं च चिकीर्षन् कर्मदुष्करम् । समुद्रस्य परं पारं दुष्प्रापं प्राप्तुमिच्छति ॥ 1.30 ॥

rāmārthaṃ vānarārthaṃ ca cikīrṣan karmaduṣkaram | samudrasya paraṃ pāraṃ duṣprāpaṃ prāptumicchati || 1.30 ||

"राम के लिए और वानरों के लिए इस दुष्कर कार्य को करने का निश्चय करके, वह सागर के उस दुष्प्राप्य पार तक पहुँचना चाहता है।"

श्लोक 31 (sundara.1.31)

इति विद्याधराः श्रुत्वा वचस्तेषां महात्मनाम् । तमप्रमेयं ददृशुः पर्वते वानरर्षभम् ॥ 1.31 ॥

iti vidyādharāḥ śrutvā vacasteṣāṃ mahātmanām | tamaprameyaṃ dadṛśuḥ parvate vānararṣabham || 1.31 ||

उन महात्माओं के इन वचनों को सुनकर, विद्याधरों ने पर्वत पर खड़े उस अनुपम वानरश्रेष्ठ को देखा।

श्लोक 32 (sundara.1.32)

दुधुवे च स रोमाणि चकम्पे चाचलोपमः । ननाद सुमहानादं सुमहानिव तोयदः ॥ 1.32 ॥

dudhuve ca sa romāṇi cakampe cācalopamaḥ | nanāda sumahānādaṃ sumahāniva toyadaḥ || 1.32 ||

पर्वत के समान वह हनुमान अपने रोमों को कँपाते और शरीर को हिलाते हुए, विशाल मेघ के समान महानाद करने लगे।

श्लोक 33 (sundara.1.33)

आनुपूर्व्येण वृत्तं च लाङ्गूलं लोमभिश्चितम् । उत्पतिष्यन् विचिक्षेप पक्षिराज इवोरगम् ॥ 1.33 ॥

ānupūrvyeṇa vṛttaṃ ca lāṅgūlaṃ lomabhiścitam | utpatiṣyan vicikṣepa pakṣirāja ivoragam || 1.33 ||

उड़ान भरने से पूर्व, अपनी उस रोमयुक्त, कुंडलाकार लपेटी हुई पूँछ को उन्होंने इस प्रकार फटकारा, जैसे पक्षिराज गरुड़ किसी सर्प को फटकारते हैं।

श्लोक 34 (sundara.1.34)

तस्य लाङ्गूलमाविद्धमात्तवेगस्य पृष्ठतः । ददृशे गरुडेनेव ह्रियमाणो महोरगः ॥ 1.34 ॥

tasya lāṅgūlamāviddhamāttavegasya pṛṣṭhataḥ | dadṛśe garuḍeneva hriyamāṇo mahoragaḥ || 1.34 ||

उनके वेगयुक्त शरीर के पीछे कुंडलित वह पूँछ ऐसी दिखाई दी मानो गरुड़ द्वारा हरा जाता हुआ कोई महासर्प हो।

श्लोक 35 (sundara.1.35)

बाहू संस्तंभयामास महापरिघसंनिभौ । ससाद च कपिः क्ट्यां चरणौ संचुकोच च ॥ 1.35 ॥

bāhū saṃstaṃbhayāmāsa mahāparighasaṃnibhau | sasāda ca kapiḥ kṭyāṃ caraṇau saṃcukoca ca || 1.35 ||

उस वानर ने लौह-परिघ के समान अपनी भुजाओं को स्थिर किया, कमर को झुकाया और अपने पैरों को समेट लिया।

श्लोक 36 (sundara.1.36)

संहृत्य च भुजौ श्रीमांस्तथैव च शिरोधराम् । तेजः स्त्त्वं तथा वीर्यमाविवेश स वीर्यवान् ॥ 1.36 ॥

saṃhṛtya ca bhujau śrīmāṃstathaiva ca śirodharām | tejaḥ sttvaṃ tathā vīryamāviveśa sa vīryavān || 1.36 ||

अपने कंधों और गर्दन को समेटकर, उस श्रीमान, पराक्रमी हनुमान ने अपने भीतर तेज, बल और पराक्रम भर लिया।

श्लोक 37 (sundara.1.37)

मार्गमालोकयन्दूरादूर्ध्वं प्रणिहितेक्षणः । रुरोध हृदये प्राणानाकाशमवलोकयन् ॥ 1.37 ॥

mārgamālokayandūrādūrdhvaṃ praṇihitekṣaṇaḥ | rurodha hṛdaye prāṇānākāśamavalokayan || 1.37 ||

दूर तक मार्ग को देखते हुए, ऊपर की ओर दृष्टि उठाए, आकाश को निहारते हुए, उन्होंने अपने प्राणों को हृदय में रोक लिया।

श्लोक 38 (sundara.1.38)

पद्भ्यां दृढमवस्थानं कृत्वा स कपिकुञ्जरः । निकुञ्च्य कर्णौ हनुमानुत्पतिष्यन् महाबलः । वानरान् वानरश्रेष्ठ इदं वचनमब्रवीत् ॥ 1.38 ॥

padbhyāṃ dṛḍhamavasthānaṃ kṛtvā sa kapikuñjaraḥ | nikuñcya karṇau hanumānutpatiṣyan mahābalaḥ | vānarān vānaraśreṣṭha idaṃ vacanamabravīt || 1.38 ||

वह गजराज-सम वानरश्रेष्ठ, महाबली हनुमान, अपने पैरों को दृढ़ता से जमाकर, कानों को समेटकर, उड़ान से पूर्व वानरों से इस प्रकार बोले -

श्लोक 39 (sundara.1.39)

यथा राघवनिर्मुक्तः शरः श्वसनविक्रमः । गच्चेत्तद्वद्गमिष्यामि लङ्कां रावणपालिताम् ॥ 1.39 ॥

yathā rāghavanirmuktaḥ śaraḥ śvasanavikramaḥ | gaccettadvadgamiṣyāmi laṅkāṃ rāvaṇapālitām || 1.39 ||

"जैसे राघव द्वारा छोड़ा गया बाण पवन-वेग से जाता है, वैसे ही मैं रावण-शासित लंका को जाऊँगा।

श्लोक 40 (sundara.1.40)

न हि द्रक्ष्यामि यदि तां लङ्कायां जनकात्मजाम् । अनेनैव हि वेगेन गमिष्यामि सुरालयम् ॥ 1.40 ॥

na hi drakṣyāmi yadi tāṃ laṅkāyāṃ janakātmajām | anenaiva hi vegena gamiṣyāmi surālayam || 1.40 ||

यदि मुझे वहाँ लंका में जनकपुत्री न मिलीं, तो उसी वेग से मैं देवलोक को जाऊँगा।

श्लोक 41 (sundara.1.41)

यदि वा त्रिदिवे सीतां न द्रक्ष्याम्यकृतश्रमः । बद्ध्वा राक्षसराजानमानयिष्यामि रावणम् ॥ 1.41 ॥

yadi vā tridive sītāṃ na drakṣyāmyakṛtaśramaḥ | baddhvā rākṣasarājānamānayiṣyāmi rāvaṇam || 1.41 ||

और यदि स्वर्गलोक में भी सीता न मिलीं, तो बिना थके मैं राक्षसराज रावण को बाँधकर ले आऊँगा।

श्लोक 42 (sundara.1.42)

सर्वथा कृतकार्योऽहमेष्यामि सह सीतया । आनयिष्यामि वा लङ्कां समुत्पाट्य सरावणाम् ॥ 1.42 ॥

sarvathā kṛtakāryo'hameṣyāmi saha sītayā | ānayiṣyāmi vā laṅkāṃ samutpāṭya sarāvaṇām || 1.42 ||

हर स्थिति में मैं कार्य सिद्ध करके ही लौटूँगा - या तो सीता के साथ, या फिर रावण सहित लंका को ही उखाड़कर ले आऊँगा।"

श्लोक 43 (sundara.1.43)

एवमुक्त्वा तु हनुमान्वानरान्वानरोत्तमः ॥ 1.43 ॥

evamuktvā tu hanumānvānarānvānarottamaḥ || 1.43 ||

वानरों से इस प्रकार कहकर, वानरश्रेष्ठ हनुमान,

श्लोक 44 (sundara.1.44)

उत्पपाताथ वेगेन वेगवानविचारयन् । सुपर्णमिव चात्मानं मेने स कपिकुञ्जरः ॥ 1.44 ॥

utpapātātha vegena vegavānavicārayan | suparṇamiva cātmānaṃ mene sa kapikuñjaraḥ || 1.44 ||

फिर बिना कुछ और सोचे, अत्यंत वेग से उछल पड़े; और वह महाकपि स्वयं को गरुड़ के समान मानने लगे।

श्लोक 45 (sundara.1.45)

समुत्पतति तस्मिंस्तु वेगात्ते नगरोहिणः । संहृत्य विटपान् सर्वान् समुत्पेतुः समन्ततः ॥ 1.45 ॥

samutpatati tasmiṃstu vegātte nagarohiṇaḥ | saṃhṛtya viṭapān sarvān samutpetuḥ samantataḥ || 1.45 ||

उनके उछलते ही, उस वेग के कारण, पर्वत पर उगे वृक्ष अपनी सारी शाखाएँ समेटकर सब दिशाओं में उड़ने लगे।

श्लोक 46 (sundara.1.46)

स मत्तकोयष्टिभकान् पादपान् पुष्पशालिनः । उद्वहन्नूरुवेगेन जगाम विमलेऽम्बरे ॥ 1.46 ॥

sa mattakoyaṣṭibhakān pādapān puṣpaśālinaḥ | udvahannūruvegena jagāma vimale'mbare || 1.46 ||

अपनी जंघाओं के वेग से पुष्पित वृक्षों और मतवाले कोयष्टि पक्षियों को साथ लिए हुए, वे निर्मल आकाश में चले गए।

श्लोक 47 (sundara.1.47)

ऊरुवेगोत्थिता वृक्षा मुहूर्तं कपिमन्वयुः । प्रस्थितं दीर्घमध्वानं स्वबन्धमिव बान्धवाः ॥ 1.47 ॥

ūruvegotthitā vṛkṣā muhūrtaṃ kapimanvayuḥ | prasthitaṃ dīrghamadhvānaṃ svabandhamiva bāndhavāḥ || 1.47 ||

उनकी जंघाओं के वेग से उखड़े वृक्ष कुछ समय तक वानर के पीछे-पीछे चले, मानो लंबी यात्रा पर निकले किसी बंधु के पीछे स्वजन चल रहे हों।

श्लोक 48 (sundara.1.48)

तमूरुवेगोन्मथिताःसालाश्चन्ये नगोत्तमाः। अनुजग्मुर्हनूमन्तं सैन्या इव महीपतिम् ॥ 1.48 ॥

tamūruvegonmathitāḥsālāścanye nagottamāḥ| anujagmurhanūmantaṃ sainyā iva mahīpatim || 1.48 ||

उनके वेग से उखड़े साल आदि उत्तम वृक्ष हनुमान के पीछे ऐसे चले जैसे सैनिक अपने राजा के पीछे चलते हैं।

श्लोक 49 (sundara.1.49)

सुपुष्पिताग्रैर्बहुभिः पादपैरन्वितः कपिः । हनुमान् पर्वताकारो बभूवाद्भुतदर्शनः ॥ 1.49 ॥

supuṣpitāgrairbahubhiḥ pādapairanvitaḥ kapiḥ | hanumān parvatākāro babhūvādbhutadarśanaḥ || 1.49 ||

पूर्ण पुष्पित वृक्षों से घिरे हुए हनुमान, पर्वत के समान आकार धारण किए, एक अद्भुत दृश्य बन गए।

श्लोक 50 (sundara.1.50)

सारवन्तोऽथ ये वृक्षा न्यमज्जन् लवणाम्भसि । भयादिव महेन्द्रस्य पर्वता वरुणालये ॥ 1.50 ॥

sāravanto'tha ye vṛkṣā nyamajjan lavaṇāmbhasi | bhayādiva mahendrasya parvatā varuṇālaye || 1.50 ||

तब वे बलशाली वृक्ष लवण-सागर में इस प्रकार डूब गए, मानो मैनाक-भय से पर्वत सागर में डूब गए हों।

श्लोक 51 (sundara.1.51)

स नानाकुसुमैः कीर्णः कपिः साङ्कुरकोरकैः । शुशुभे मेघसंकाशः खद्योतैरिव पर्वतः ॥ 1.51 ॥

sa nānākusumaiḥ kīrṇaḥ kapiḥ sāṅkurakorakaiḥ | śuśubhe meghasaṃkāśaḥ khadyotairiva parvataḥ || 1.51 ||

नाना पुष्पों, कोंपलों और कलियों से आच्छादित, मेघ के समान वह वानर, जुगनुओं से जगमगाते पर्वत के समान शोभित हो रहा था।

श्लोक 52 (sundara.1.52)

विमुक्तास्तस्य वेगेन मुक्त्वा पुष्पाणि ते द्रुमाः । अवशीर्यन्त सलिले निवृत्ताः सुहृदो यथा ॥ 1.52 ॥

vimuktāstasya vegena muktvā puṣpāṇi te drumāḥ | avaśīryanta salile nivṛttāḥ suhṛdo yathā || 1.52 ||

उनके वेग से मुक्त हुए वे वृक्ष, अपने फूल गिराकर, जल में इस प्रकार गिर पड़े जैसे प्रियजन को विदा कर लौटते हुए मित्र गिर पड़ें।

श्लोक 53 (sundara.1.53)

लघुत्वेनोपपन्नं तद्विचित्रं सागरेऽपतत् । द्रुमाणां विविधं पुष्पं कपिवायुसमीरितम् ॥ ताराचितमिवाकाशं प्रबभौ च महार्णवः ॥ 1.53 ॥

laghutvenopapannaṃ tadvicitraṃ sāgare'patat | drumāṇāṃ vividhaṃ puṣpaṃ kapivāyusamīritam || tārācitamivākāśaṃ prababhau ca mahārṇavaḥ || 1.53 ||

वानर की गति से उठी वायु से हिलकर, वृक्षों के वे नाना रंगों वाले हल्के फूल सागर में बिखर पड़े; और वह महासागर तारों से भरे आकाश के समान शोभित होने लगा।

श्लोक 54 (sundara.1.54)

पुष्पौघेनानुबद्धेन नानावर्णेन वानरः । बभौ मेघ इवाकाशे विद्युद्गणविभूषितः ॥ 1.54 ॥

puṣpaughenānubaddhena nānāvarṇena vānaraḥ | babhau megha ivākāśe vidyudgaṇavibhūṣitaḥ || 1.54 ||

नाना वर्णों के फूलों की धारा से लिपटा हुआ, वह वानर आकाश में बिजलियों से सज्जित मेघ के समान शोभित हुआ।

श्लोक 55 (sundara.1.55)

तस्य वेगसमाधूतैः पुष्पैस्तोयमदृश्यत ॥ ताराभिरभिरामाभिरुदिताभिरिवाम्बरम् ॥ 1.55 ॥

tasya vegasamādhūtaiḥ puṣpaistoyamadṛśyata || tārābhirabhirāmābhiruditābhirivāmbaram || 1.55 ||

उनके वेग से बिखरे फूलों से हिलता हुआ वह जल, मानो उदित हुए मनोहर तारों से भरे आकाश के समान दिखाई देने लगा।

श्लोक 56 (sundara.1.56)

तस्याम्बरगतौ बाहू ददृशाते प्रसारितौ ॥ पर्वताग्राद्विनिष्क्रान्तौ पञ्चास्याविव पन्नगौ ॥ 1.56 ॥

tasyāmbaragatau bāhū dadṛśāte prasāritau || parvatāgrādviniṣkrāntau pañcāsyāviva pannagau || 1.56 ||

आकाश में फैली हुई उनकी दोनों भुजाएँ, मानो किसी पर्वत-शिखर से निकले हुए दो पंचमुखी सर्प हों, ऐसी दिखाई दीं।

श्लोक 57 (sundara.1.57)

पिबन्निव बभौ चापि सोओर्मिमालं महार्णवम् ॥ पिपासुरिव चाकाशं ददृशे स महाकपिः ॥ 1.57 ॥

pibanniva babhau cāpi soormimālaṃ mahārṇavam || pipāsuriva cākāśaṃ dadṛśe sa mahākapiḥ || 1.57 ||

वह महाकपि मानो लहरों की माला सहित उस महासागर को पी रहा हो, और मानो आकाश को भी पी जाने के लिए उत्सुक हो, ऐसा प्रतीत हो रहा था।

श्लोक 58 (sundara.1.58)

तस्य विद्युत्प्रभाकारे वायुमार्गानुसारिणः ॥ नयने विप्रकाशेते पर्वतस्थाविवानलौ ॥ 1.58 ॥

tasya vidyutprabhākāre vāyumārgānusāriṇaḥ || nayane viprakāśete parvatasthāvivānalau || 1.58 ||

पवन-मार्ग का अनुसरण करती हुई उनकी वे दोनों आँखें, बिजली के समान चमकती हुई, पर्वत पर जलती दो अग्नियों के समान दहक रही थीं।

श्लोक 59 (sundara.1.59)

पिङ्गे पिङ्गाक्षमुख्यस्य बृहती परिमण्डले ॥ चक्षुषी संप्रकाशेते चन्द्रसूर्याविवोदितौ ॥ 1.59 ॥

piṅge piṅgākṣamukhyasya bṛhatī parimaṇḍale || cakṣuṣī saṃprakāśete candrasūryāvivoditau || 1.59 ||

उस पिंगाक्ष वानरश्रेष्ठ के गोल, विशाल, पिंगल नेत्र मानो उदित हुए सूर्य और चंद्रमा के समान चमक रहे थे।

श्लोक 60 (sundara.1.60)

मुखं नासिकया तस्य ताम्रया ताम्रमाबभौ ॥ सन्ध्यया समभिस्पृष्टं यथा तत्सूर्यमण्डलम् ॥ 1.60 ॥

mukhaṃ nāsikayā tasya tāmrayā tāmramābabhau || sandhyayā samabhispṛṣṭaṃ yathā tatsūryamaṇḍalam || 1.60 ||

उनका ताम्रवर्णी नासिका वाला मुख, संध्या से स्पर्शित सूर्यमंडल के समान लाल आभा से चमक रहा था।

श्लोक 61 (sundara.1.61)

लाङ्गूलं च समाविद्धं प्लवमानस्य शोभते ॥ अम्बरे वायुपुत्रस्य शक्रध्वज इवोच्छ्रितः ॥ 1.61 ॥

lāṅgūlaṃ ca samāviddhaṃ plavamānasya śobhate || ambare vāyuputrasya śakradhvaja ivocchritaḥ || 1.61 ||

उड़ते हुए वायुपुत्र की वह कुंडलित पूँछ आकाश में ऊँची उठी हुई, इंद्र-ध्वज के समान शोभा दे रही थी।

श्लोक 62 (sundara.1.62)

लाङ्गूलचक्रेण महान् शुक्लदंष्ट्रोऽनिलात्मजः ॥ व्यरोचत महाप्राज्ञः परिवेषीव भास्करः ॥ 1.62 ॥

lāṅgūlacakreṇa mahān śukladaṃṣṭro'nilātmajaḥ || vyarocata mahāprājñaḥ pariveṣīva bhāskaraḥ || 1.62 ||

श्वेत दंतपंक्ति वाले, अपनी पूँछ के चक्र से घिरे हुए, वे महाप्राज्ञ पवनपुत्र मानो प्रभामंडल से घिरे सूर्य के समान दीप्तिमान थे।

श्लोक 63 (sundara.1.63)

स्फिग्देशेनाभिताम्रेण रराज स महाकपिः ॥ महता दारितेनेव गिरिर्गैरिकधातुना ॥ 1.63 ॥

sphigdeśenābhitāmreṇa rarāja sa mahākapiḥ || mahatā dāriteneva girirgairikadhātunā || 1.63 ||

अपने लाल रंग के नितंब-प्रदेश से युक्त वह महाकपि, गैरिक धातु के विशाल टूटे हुए भाग वाले पर्वत के समान शोभित हो रहा था।

श्लोक 64 (sundara.1.64)

तस्य वानरसिंहस्य प्लवमानस्य सागरम् ॥ कक्षान्तरगतो वायुर्जीमूत इव गर्जति ॥ 1.64 ॥

tasya vānarasiṃhasya plavamānasya sāgaram || kakṣāntaragato vāyurjīmūta iva garjati || 1.64 ||

सागर के ऊपर उड़ते हुए उस वानरसिंह की काँखों से गुजरती वायु मेघ के समान गरज रही थी।

श्लोक 65 (sundara.1.65)

खे यथा निपतन्त्युल्का ह्युत्तरान्ताद्विनिःसृता ॥ दृश्यते सानुबन्धा च तथा स कपिकुञ्जरः ॥ 1.65 ॥

khe yathā nipatantyulkā hyuttarāntādviniḥsṛtā || dṛśyate sānubandhā ca tathā sa kapikuñjaraḥ || 1.65 ||

जैसे उत्तर दिशा से निकली हुई कोई पुच्छलतारा अपनी रेखा सहित आकाश में गिरती दिखाई देती है, वैसे ही वह गजराज-सम वानर दिखाई दे रहा था।

श्लोक 66 (sundara.1.66)

पतत्पतङ्गसंकाशो व्यायतः शुशुभे कपिः ॥ प्रवृद्ध इव मातङ्गः कक्ष्यया बध्यमानया ॥ 1.66 ॥

patatpataṅgasaṃkāśo vyāyataḥ śuśubhe kapiḥ || pravṛddha iva mātaṅgaḥ kakṣyayā badhyamānayā || 1.66 ||

गिरते हुए उल्कापिंड के समान वेगवान, वह ऊँचा वानर, रस्सी से बँधे और उससे बढ़े हुए विशाल हाथी के समान शोभित हो रहा था।

श्लोक 67 (sundara.1.67)

उपरिष्टाच्छरीरेण छायया चावगाढया । सागरे मारुताविष्टा नौरिवासीत्तदा कपिः ॥ 1.67 ॥

upariṣṭāccharīreṇa chāyayā cāvagāḍhayā | sāgare mārutāviṣṭā naurivāsīttadā kapiḥ || 1.67 ||

ऊपर अपने शरीर से और नीचे सागर में गहरे डूबी अपनी छाया से, वह वानर उस समय वायु से चालित किसी नौका के समान दिखाई दे रहा था।

श्लोक 68 (sundara.1.68)

यं यं देशं समुद्रस्य जगाम स महाकपिः । स स तस्योरुवेगेन सोन्माद इव लक्ष्यते ॥ 1.68 ॥

yaṃ yaṃ deśaṃ samudrasya jagāma sa mahākapiḥ | sa sa tasyoruvegena sonmāda iva lakṣyate || 1.68 ||

वह महाकपि सागर के जिस-जिस भाग में गया, उनकी जंघाओं के वेग से वह स्थान मानो उन्मत्त होकर उछलता दिखाई दिया।

श्लोक 69 (sundara.1.69)

सागरस्योओर्मिजालानामुरसा शैलवर्ष्मणाम् । अभिघ्नंस्तु महावेगः पुप्लुवे स महाकपिः ॥ 1.69 ॥

sāgarasyoormijālānāmurasā śailavarṣmaṇām | abhighnaṃstu mahāvegaḥ pupluve sa mahākapiḥ || 1.69 ||

सागर की पर्वत-सम विशाल लहरों को अपनी छाती से टकराता हुआ, वह अत्यंत वेगवान महाकपि उड़ता चला गया।

श्लोक 70 (sundara.1.70)

कपिवातश्च बलवान् मेघवातश्च निःसृतः । सागरं भीमनिर्घोषं कम्पयामासतुर्भृशम् ॥ 1.70 ॥

kapivātaśca balavān meghavātaśca niḥsṛtaḥ | sāgaraṃ bhīmanirghoṣaṃ kampayāmāsaturbhṛśam || 1.70 ||

वानर के वेग से उत्पन्न प्रबल वायु और मेघों से निकली वायु, दोनों ने मिलकर उस भयंकर गर्जन वाले सागर को अत्यंत हिला दिया।

श्लोक 71 (sundara.1.71)

विकर्षन्नूर्मिजालानि बृहन्ति लवणाम्भसि । पुप्लुवे कपिशार्दूलो विकिरन्निव रोदसी ॥ 1.71 ॥

vikarṣannūrmijālāni bṛhanti lavaṇāmbhasi | pupluve kapiśārdūlo vikiranniva rodasī || 1.71 ||

वह वानरश्रेष्ठ लवण-सागर की विशाल लहरों को खींचता हुआ उड़ता रहा, मानो उन्हें आकाश में बिखेर रहा हो।

श्लोक 72 (sundara.1.72)

मेरुमन्दरसंकाशानुद्धतान् स महार्णवे । अत्यक्रामन्महावेगस्तरङ्गान् गणयन्निव ॥ 1.72 ॥

merumandarasaṃkāśānuddhatān sa mahārṇave | atyakrāmanmahāvegastaraṅgān gaṇayanniva || 1.72 ||

वह महावेगशाली उस महासागर की मेरु-मंदर के समान ऊँची उठी लहरों को इस प्रकार लाँघता गया, मानो उन्हें गिन रहा हो।

श्लोक 73 (sundara.1.73)

तस्य वेगसमुद्धूतं जलं सजलदं तदा । अम्बर्स्थं विबभ्राज शारदाभ्रमिवाततम् ॥ 1.73 ॥

tasya vegasamuddhūtaṃ jalaṃ sajaladaṃ tadā | ambarsthaṃ vibabhrāja śāradābhramivātatam || 1.73 ||

तब उनके वेग से उठा हुआ जल-कण, मेघ सहित, आकाश में फैलकर शरद-ऋतु के विस्तृत मेघ के समान शोभित हुआ।

श्लोक 74 (sundara.1.74)

तिमिनक्रझषाः कूर्मा दृश्यन्ते विवृतास्तदा । वस्त्रापकर्षणेनेव शरीराणि शरीरिणाम् ॥ 1.74 ॥

timinakrajhaṣāḥ kūrmā dṛśyante vivṛtāstadā | vastrāpakarṣaṇeneva śarīrāṇi śarīriṇām || 1.74 ||

तब व्हेल, मगर, मछलियाँ और कछुए उस उघड़े जल में इस प्रकार दिखाई देने लगे, मानो वस्त्र हटाए जाने पर प्राणियों के शरीर उघड़ गए हों।

श्लोक 75 (sundara.1.75)

प्लवमानं समीक्ष्यथ भुजङ्गाः सागरालयाः । व्योम्नि तं कपिशार्दूलं सुपर्ण इति मेनिरे ॥ 1.75 ॥

plavamānaṃ samīkṣyatha bhujaṅgāḥ sāgarālayāḥ | vyomni taṃ kapiśārdūlaṃ suparṇa iti menire || 1.75 ||

आकाश में उड़ते उस वानरश्रेष्ठ को देखकर सागरवासी सर्प उन्हें साक्षात् गरुड़ ही समझ बैठे।

श्लोक 76 (sundara.1.76)

दशयोजनविस्तीर्णा त्रिंशद्योजनमायता । छाया वानरसिंहस्य जले चारुतराभवत् ॥ 1.76 ॥

daśayojanavistīrṇā triṃśadyojanamāyatā | chāyā vānarasiṃhasya jale cārutarābhavat || 1.76 ||

उस वानरसिंह की छाया, जो दस योजन चौड़ी और तीस योजन लंबी थी, जल पर अत्यंत सुंदर दिखाई दे रही थी।

श्लोक 77 (sundara.1.77)

श्वेताभ्रघनराजीव वायुपुत्रानुगामिनी । तस्य सा शुशुभे छाया वितता लवणाम्भसि ॥ 1.77 ॥

śvetābhraghanarājīva vāyuputrānugāminī | tasya sā śuśubhe chāyā vitatā lavaṇāmbhasi || 1.77 ||

वायुपुत्र का अनुसरण करती हुई वह छाया, लवण-सागर पर फैलकर, श्वेत सघन मेघों की पंक्ति के समान शोभित हो रही थी।

श्लोक 78 (sundara.1.78)

शुशुभे स महातेजा महाकायो महाकपिः । वायुमार्गे निरालम्बे पक्षवानिव पर्वतः ॥ 1.78 ॥

śuśubhe sa mahātejā mahākāyo mahākapiḥ | vāyumārge nirālambe pakṣavāniva parvataḥ || 1.78 ||

वह महातेजस्वी, विशालकाय महाकपि, आलंबनरहित वायुमार्ग में मानो पंखों वाला कोई पर्वत हो, ऐसे शोभित हो रहा था।

श्लोक 79 (sundara.1.79)

येनासौ याति बलवान् वेगेन कपिकुञ्जरः । तेन मार्गेण सहसा द्रोणीकृत इवार्णवः ॥ 1.79 ॥

yenāsau yāti balavān vegena kapikuñjaraḥ | tena mārgeṇa sahasā droṇīkṛta ivārṇavaḥ || 1.79 ||

जिस मार्ग से वह बलशाली गजराज-सम वानर वेगपूर्वक जाता, उसी मार्ग में सागर तत्क्षण द्रोणी के समान गड्ढा बन जाता।

श्लोक 80 (sundara.1.80)

आपाते पक्षिसंघानां पक्षिराज इव व्रजन् । हनुमान् मेघजालानि प्रकर्षन् मारुतो यथा ॥ 1.80 ॥

āpāte pakṣisaṃghānāṃ pakṣirāja iva vrajan | hanumān meghajālāni prakarṣan māruto yathā || 1.80 ||

पक्षि-समूहों के मार्ग से गुजरते हुए, पक्षिराज के समान, हनुमान मेघों के समूहों को इस प्रकार खींचते चले, जैसे स्वयं वायुदेव खींचते हैं।

श्लोक 81 (sundara.1.81)

पाण्डुरारुणवर्णानि नीलमाञ्जिष्ठकानि च । कपिनाकृष्यमाणानि महाभ्राणि चकाशिरे ॥ 1.81 ॥

pāṇḍurāruṇavarṇāni nīlamāñjiṣṭhakāni ca | kapinākṛṣyamāṇāni mahābhrāṇi cakāśire || 1.81 ||

श्वेत, लाल, नीले और मंजिष्ठ रंग के महामेघ, वानर द्वारा खींचे जाते हुए, अत्यंत शोभायमान हो रहे थे।

श्लोक 82 (sundara.1.82)

प्रविशन्नभ्रजालानिनिष्पतंश्च पुनः पुनः । प्रच्चन्नश्च प्रकाशश्च चन्द्रमा इव लक्ष्यते ॥ 1.82 ॥

praviśannabhrajālāniniṣpataṃśca punaḥ punaḥ | praccannaśca prakāśaśca candramā iva lakṣyate || 1.82 ||

बार-बार मेघों के समूहों में प्रविष्ट होते और उनसे निकलते हुए, वे कभी छिपे, कभी प्रकाशित, चंद्रमा के समान दिखाई देते रहे।

श्लोक 83 (sundara.1.83)

प्लवमानं तु तं दृष्ट्वा प्लवङ्गं त्वरितं तदा । ववर्षुः पुष्पवर्षणि देवगन्धर्वदानवाः ॥ 1.83 ॥

plavamānaṃ tu taṃ dṛṣṭvā plavaṅgaṃ tvaritaṃ tadā | vavarṣuḥ puṣpavarṣaṇi devagandharvadānavāḥ || 1.83 ||

तब उस वानर को वेगपूर्वक उड़ते देखकर, देवों, गंधर्वों और दानवों ने उन पर पुष्पों की वर्षा की।

श्लोक 84 (sundara.1.84)

तताप न हि तं सूर्यः प्लवन्तं वानरोत्तमम् । सिषेवे च तदा वायू रामकार्याद्थसिद्धये ॥ 1.84 ॥

tatāpa na hi taṃ sūryaḥ plavantaṃ vānarottamam | siṣeve ca tadā vāyū rāmakāryādthasiddhaye || 1.84 ||

उड़ते हुए उस वानरश्रेष्ठ को सूर्य ने संताप नहीं दिया, और राम के कार्य की सिद्धि के लिए वायुदेव भी उनकी सेवा करने लगे।

श्लोक 85 (sundara.1.85)

ऋषयस्तुष्टुवुश्चैव प्लवमानं विहायसा । जगुश्च देवगन्धर्वाः प्रशंसन्तो महौजसम् ॥ 1.85 ॥

ṛṣayastuṣṭuvuścaiva plavamānaṃ vihāyasā | jaguśca devagandharvāḥ praśaṃsanto mahaujasam || 1.85 ||

आकाश में उड़ते हुए उनकी ऋषियों ने स्तुति की, और देव-गंधर्वों ने भी उनके महान तेज की प्रशंसा करते हुए गीत गाए।

श्लोक 86 (sundara.1.86)

नागाश्च तुष्टुवुर्यक्षा रक्षांसि विबुधाः खगाः ॥ प्रेक्ष्य सर्वे कपिवरं सहसा विगतक्लमम् ॥ 1.86 ॥

nāgāśca tuṣṭuvuryakṣā rakṣāṃsi vibudhāḥ khagāḥ || prekṣya sarve kapivaraṃ sahasā vigataklamam || 1.86 ||

नाग, यक्ष, राक्षस, देवगण और पक्षी - सभी ने उस वानरश्रेष्ठ को इतनी सहजता से उड़ता देखकर तुरंत उनकी स्तुति की।

श्लोक 87 (sundara.1.87)

तस्मिन् प्लवगशार्दूले प्लवमाने हनूमति ॥ इक्ष्वाकुकुलमानार्थी चिन्तयामास सागरः ॥ 1.87 ॥

tasmin plavagaśārdūle plavamāne hanūmati || ikṣvākukulamānārthī cintayāmāsa sāgaraḥ || 1.87 ||

जब वह वानरश्रेष्ठ हनुमान इस प्रकार उड़ रहे थे, तब इक्ष्वाकु-कुल के सम्मान का ध्यान रखने वाले सागर ने इस प्रकार सोचा -

श्लोक 88 (sundara.1.88)

साहाय्यं वानरेन्द्रस्य यदि नाहं हनूमतः ॥ करिष्यामि भविष्यामि सर्ववाच्यो विवक्षताम् ॥ 1.88 ॥

sāhāyyaṃ vānarendrasya yadi nāhaṃ hanūmataḥ || kariṣyāmi bhaviṣyāmi sarvavācyo vivakṣatām || 1.88 ||

"यदि मैं इस वानरेंद्र हनुमान की सहायता न करूँ, तो निंदा करने वालों की समस्त निंदा का पात्र बन जाऊँगा।

श्लोक 89 (sundara.1.89)

अहमिक्ष्वाकुनाथेन सगरेण विवर्धतः ॥ इक्ष्वाकुसचिचश्चायं नावसीदितुमर्हति ॥ 1.89 ॥

ahamikṣvākunāthena sagareṇa vivardhataḥ || ikṣvākusacicaścāyaṃ nāvasīditumarhati || 1.89 ||

मुझे इक्ष्वाकुनाथ सगर ने बढ़ाया था; और यह हनुमान, जो उसी इक्ष्वाकु-वंशज की सेवा में है, उसे थकावट नहीं होनी चाहिए।

श्लोक 90 (sundara.1.90)

तथा मया विधातव्यं विश्रमेत यथा कपिः ॥ शेषं च मयि विश्रान्तः सुखेनातिपतिष्यति ॥ 1.90 ॥

tathā mayā vidhātavyaṃ viśrameta yathā kapiḥ || śeṣaṃ ca mayi viśrāntaḥ sukhenātipatiṣyati || 1.90 ||

मुझे ऐसा करना चाहिए कि हनुमान विश्राम कर सकें; मुझ पर विश्राम करने के बाद वे शेष दूरी सुखपूर्वक पार कर लेंगे।"

श्लोक 91 (sundara.1.91)

इति कृत्वा मतिं साध्वीं समुद्रश्चन्नमम्भसि ॥ हिरण्यनाभं मैनाकमुवाच गिरिसत्तमम् ॥ 1.91 ॥

iti kṛtvā matiṃ sādhvīṃ samudraścannamambhasi || hiraṇyanābhaṃ mainākamuvāca girisattamam || 1.91 ||

यह उत्तम विचार करके, सागर ने जल में छिपे हुए स्वर्णशिखर वाले मैनाक, उस श्रेष्ठ पर्वत से कहा -

श्लोक 92 (sundara.1.92)

त्वमिहासुरसंघानां पाताळतलवासिनां ॥ देवराज्ञा गिरिश्रेष्ठ परिघः संनिवेशितः ॥ 1.92 ॥

tvamihāsurasaṃghānāṃ pātāḷatalavāsināṃ || devarājñā giriśreṣṭha parighaḥ saṃniveśitaḥ || 1.92 ||

"हे गिरिश्रेष्ठ! तुम्हें देवराज ने पाताल-निवासी असुर-समूहों के लिए एक अर्गला के रूप में यहाँ स्थापित किया है।

श्लोक 93 (sundara.1.93)

त्वमेषां जातवीर्याणां पुनरेवोत्पतिष्यताम् ॥ पाताळस्याप्रमेयस्य द्वारमावृत्य तिष्ठसि ॥ 1.93 ॥

tvameṣāṃ jātavīryāṇāṃ punarevotpatiṣyatām || pātāḷasyāprameyasya dvāramāvṛtya tiṣṭhasi || 1.93 ||

तुम उन्हीं सिद्ध-पराक्रमी असुरों के, जो फिर से ऊपर उठना चाहें, उस अगम्य पाताल के द्वार को रोककर खड़े हो।"

श्लोक 94 (sundara.1.94)

तिर्यगूर्ध्वमधश्चैव शक्तिस्ते शैल वर्धितुम् ॥ तस्मात्संचोदयामि त्वामुत्तिष्ठ गिरिसत्तम ॥ 1.94 ॥

tiryagūrdhvamadhaścaiva śaktiste śaila vardhitum || tasmātsaṃcodayāmi tvāmuttiṣṭha girisattama || 1.94 ||

'हे शैल! तुझमें आड़ा, ऊपर और नीचे - हर दिशा में बढ़ने की शक्ति है। इसलिए हे गिरिश्रेष्ठ, मैं तुझे प्रेरित करता हूँ - ऊपर उठ।

श्लोक 95 (sundara.1.95)

न एष कपिशार्दूलस्त्वमुपर्येति वीर्यवान् ॥ हनूमान्रामकार्यार्थं भीमकर्मा खमाप्लुतः ॥ 1.95 ॥

na eṣa kapiśārdūlastvamuparyeti vīryavān || hanūmānrāmakāryārthaṃ bhīmakarmā khamāplutaḥ || 1.95 ||

यह कोई साधारण नहीं, अपितु वह वानरश्रेष्ठ, पराक्रमी हनुमान है, जो राम के कार्य हेतु भयंकर कर्म करते हुए तेरे ऊपर से आकाश-मार्ग से जा रहा है।

श्लोक 96 (sundara.1.96)

अस्य साह्यं मया कार्यमिक्ष्वाकुकुलवर्तिनः ॥ मम हीक्ष्वाकवः पूज्याः परं पूज्यतमास्तव ॥ 1.96 ॥

asya sāhyaṃ mayā kāryamikṣvākukulavartinaḥ || mama hīkṣvākavaḥ pūjyāḥ paraṃ pūjyatamāstava || 1.96 ||

इक्ष्वाकु-वंश के अनुयायी इस हनुमान की सहायता मुझे अवश्य करनी चाहिए। इक्ष्वाकुवंशी मेरे लिए भी पूज्य हैं, और तेरे लिए तो और भी अधिक पूज्य हैं।'"

श्लोक 97 (sundara.1.97)

कुरु साचिव्यमस्माकं न नः कार्यमतिक्रमेत् ॥ कर्तव्यमकृतं कार्यं सतां मन्युमुदीरयेत् ॥ 1.97 ॥

kuru sācivyamasmākaṃ na naḥ kāryamatikramet || kartavyamakṛtaṃ kāryaṃ satāṃ manyumudīrayet || 1.97 ||

"'हमें सहयोग दो; हमारा कार्य विफल न हो। जो कर्तव्य किया जाना चाहिए और नहीं किया जाता, वह सज्जनों के क्रोध को जन्म देता है।

श्लोक 98 (sundara.1.98)

सलिलादूर्ध्वमुत्तिष्ठ तिष्ठत्वेष कपिस्त्वयि ॥ अस्माकमतिथिश्चैव पूज्यश्च प्लवतां वरः ॥ 1.98 ॥

salilādūrdhvamuttiṣṭha tiṣṭhatveṣa kapistvayi || asmākamatithiścaiva pūjyaśca plavatāṃ varaḥ || 1.98 ||

जल से ऊपर उठो; यह वानर तुझ पर विश्राम करे - यह हमारा अतिथि है और उड़ने वालों में श्रेष्ठ होने के कारण सम्मान के योग्य है।'"

श्लोक 99 (sundara.1.99)

चामीकरमहानाभ देवगन्धर्व सेवित ॥ हनुमांस्त्वयि विश्रान्तस्ततः शेषं गमिष्यति ॥ 1.99 ॥

cāmīkaramahānābha devagandharva sevita || hanumāṃstvayi viśrāntastataḥ śeṣaṃ gamiṣyati || 1.99 ||

"'हे स्वर्णिम विशाल मध्य-भाग वाले, देव-गंधर्वों द्वारा सेवित पर्वत! हनुमान तुझ पर विश्राम करके फिर शेष यात्रा पूरी करेंगे।

श्लोक 100 (sundara.1.100)

काकुत्थ्सस्यानृशंस्यं च मैथिल्याश्च विवासनम् ॥ श्रमं च प्लवगेन्द्रस्य समीक्ष्योत्थातुमर्हसि ॥ 1.100 ॥

kākutthsasyānṛśaṃsyaṃ ca maithilyāśca vivāsanam || śramaṃ ca plavagendrasya samīkṣyotthātumarhasi || 1.100 ||

काकुत्स्थ की दयालुता, मैथिली के वनवास और इस वानरेंद्र के परिश्रम पर विचार करते हुए, तुम्हें उठना चाहिए।'"

श्लोक 101 (sundara.1.101)

हिरण्य नाभो मैनाको निशम्य लवणाम्भसः ॥ उत्पपात जलात्तूर्णं महाद्रुमलतायुतः ॥ 1.101 ॥

hiraṇya nābho maināko niśamya lavaṇāmbhasaḥ || utpapāta jalāttūrṇaṃ mahādrumalatāyutaḥ || 1.101 ||

लवण-सागर के इन वचनों को सुनकर, स्वर्णमय मध्यभाग वाला मैनाक अपने विशाल वृक्षों और लताओं सहित शीघ्र ही जल से ऊपर उठ आया।

श्लोक 102 (sundara.1.102)

स सागरजलं भित्त्वा बभूवाभ्युत्थितस्तदा ॥ यथा जलधरं भित्त्वा दीप्तरश्मिर्दिवाकरः ॥ 1.102 ॥

sa sāgarajalaṃ bhittvā babhūvābhyutthitastadā || yathā jaladharaṃ bhittvā dīptaraśmirdivākaraḥ || 1.102 ||

तब सागर के जल को भेदते हुए वह उठ खड़ा हुआ, जैसे तेजस्वी किरणों वाला सूर्य किसी मेघ को भेदकर निकल आता है।

श्लोक 103 (sundara.1.103)

स महात्मा मुहूर्तेन सर्वतः सलिलावृतः ॥ 1.103 ॥

sa mahātmā muhūrtena sarvataḥ salilāvṛtaḥ || 1.103 ||

सब ओर से जल से घिरा हुआ वह महात्मा, सागर की आज्ञा से, क्षणभर में अपने उन शिखरों को प्रकट कर लाया -

श्लोक 104 (sundara.1.104)

द्र्शयामास शृङ्गाणि सागरेण नियोजितः । शातकुम्भमयैः शृङ्गैः सकिन्नरमहोरगैः ॥ आदित्योदयसंकाशैरालिखद्भिरिवाम्बरम् ॥ 1.104 ॥

drśayāmāsa śṛṅgāṇi sāgareṇa niyojitaḥ | śātakumbhamayaiḥ śṛṅgaiḥ sakinnaramahoragaiḥ || ādityodayasaṃkāśairālikhadbhirivāmbaram || 1.104 ||

जो स्वर्णिम, किन्नरों और महानागों से युक्त, उदयकालीन सूर्य के समान और आकाश को छूते हुए-से प्रतीत होते थे।

श्लोक 105 (sundara.1.105)

तप्तजाम्बूनदैः शृङिगाः पर्वतस्य समुत्थितैः ॥ आकाशं शस्त्रसंकाशमभवत्काञ्चनप्रभम् ॥ 1.105 ॥

taptajāmbūnadaiḥ śṛṅigāḥ parvatasya samutthitaiḥ || ākāśaṃ śastrasaṃkāśamabhavatkāñcanaprabham || 1.105 ||

पर्वत के उन तपे हुए सुवर्ण जैसे उभरे शिखरों से, तलवार के समान नीलाभ आकाश स्वर्णिम आभा से भर गया।

श्लोक 106 (sundara.1.106)

जातरूपमयैः शृङ्गैर्भ्राजमानैः स्वयंप्रभैः ॥ आदित्यशतसंकाशः सोऽभवद्गिरिसत्तमः ॥ 1.106 ॥

jātarūpamayaiḥ śṛṅgairbhrājamānaiḥ svayaṃprabhaiḥ || ādityaśatasaṃkāśaḥ so'bhavadgirisattamaḥ || 1.106 ||

वह गिरिश्रेष्ठ अपने स्वयं-प्रकाशित, चमकते स्वर्णिम शिखरों के साथ मानो सौ सूर्यों के समान हो गया।

श्लोक 107 (sundara.1.107)

तमुत्थितमसंगेन हनुमानग्रतः स्थितम् ॥ मध्ये लवणतोयस्य विघ्नोऽयमिति निश्चितः ॥ 1.107 ॥

tamutthitamasaṃgena hanumānagrataḥ sthitam || madhye lavaṇatoyasya vighno'yamiti niścitaḥ || 1.107 ||

लवण-सागर के मध्य में सहसा अपने सामने उठे उस पर्वत को देखकर, हनुमान ने निश्चय किया कि यह एक विघ्न है।

श्लोक 108 (sundara.1.108)

स तमुच्छ्रित मत्यर्थं महावेगो महाकपिः ॥ उरसा पातयामास जीमूतमिव मारुतः ॥ 1.108 ॥

sa tamucchrita matyarthaṃ mahāvego mahākapiḥ || urasā pātayāmāsa jīmūtamiva mārutaḥ || 1.108 ||

वह महावेगशाली महाकपि, उस अत्यंत ऊँचे पर्वत को अपनी छाती से इस प्रकार गिरा बैठा, जैसे वायु किसी मेघ को गिरा देती है।

श्लोक 109 (sundara.1.109)

स तथा पातितस्तेन कपिना पर्वतोत्तमः ॥ बुद्ध्वा तस्य कपेर्वेगं जहर्ष च ननन्द च ॥ 1.109 ॥

sa tathā pātitastena kapinā parvatottamaḥ || buddhvā tasya kapervegaṃ jaharṣa ca nananda ca || 1.109 ||

उस वानर द्वारा इस प्रकार गिराया गया वह गिरिश्रेष्ठ, हनुमान के वेग को पहचानकर हर्षित हुआ और अत्यंत प्रसन्न हुआ।

श्लोक 110 (sundara.1.110)

तमाकाशगतं वीरमाकाशे समुपस्थितः ॥ 1.110 ॥

tamākāśagataṃ vīramākāśe samupasthitaḥ || 1.110 ||

तब मानव-रूप धारण कर, अपने ही शिखर पर खड़ा होकर, वह पर्वत प्रसन्न और आनंदित हृदय से,

श्लोक 111 (sundara.1.111)

प्रीतो हृष्टमना वाक्यमब्रवीत्पर्वतः कपिम् । मानुषं धारयन् रूपमात्मनः शिखरे स्थितः ॥ 1.111 ॥

prīto hṛṣṭamanā vākyamabravītparvataḥ kapim | mānuṣaṃ dhārayan rūpamātmanaḥ śikhare sthitaḥ || 1.111 ||

आकाश में स्थित उस पराक्रमी हनुमान के पास पहुँचकर इस प्रकार बोला -

श्लोक 112 (sundara.1.112)

दुष्करं कृतावन्कर्म त्वमिदं वानरोत्तम । निपत्य मम शृङ्गेषु विश्रमस्व यथासुखम् ॥ 1.112 ॥

duṣkaraṃ kṛtāvankarma tvamidaṃ vānarottama | nipatya mama śṛṅgeṣu viśramasva yathāsukham || 1.112 ||

"'हे वानरश्रेष्ठ! तुमने यह दुष्कर कार्य कर दिखाया है। मेरे शिखरों पर उतरकर सुखपूर्वक विश्राम करो।

श्लोक 113 (sundara.1.113)

राघवस्य कुले जातैरुदधिः परिवर्धितः । स त्वां रामहिते युक्तं प्रत्यर्चयति सागरः ॥ 1.113 ॥

rāghavasya kule jātairudadhiḥ parivardhitaḥ | sa tvāṃ rāmahite yuktaṃ pratyarcayati sāgaraḥ || 1.113 ||

यह सागर राघव के कुल में जन्मे लोगों द्वारा ही विकसित किया गया था; वही सागर आज राम के हित में तत्पर तुम्हारा सम्मान कर रहा है।

श्लोक 114 (sundara.1.114)

कृते च प्रतिकर्तव्यमेष धर्मः सनातनः । सोऽयं तत्प्रतिकारार्थी त्वत्तः संमानमर्हति ॥ 1.114 ॥

kṛte ca pratikartavyameṣa dharmaḥ sanātanaḥ | so'yaṃ tatpratikārārthī tvattaḥ saṃmānamarhati || 1.114 ||

यह सनातन धर्म है कि किए गए उपकार का प्रत्युपकार किया जाना चाहिए। वह प्रत्युपकार चाहने वाला यह सागर तुमसे सम्मान पाने योग्य है।

श्लोक 115 (sundara.1.115)

त्वन्निमित्तमनेनाहं बहुमानात्प्रचोदितः । योजनानां शतं चापि कपिरेष समाप्लुतः ॥ 1.115 ॥

tvannimittamanenāhaṃ bahumānātpracoditaḥ | yojanānāṃ śataṃ cāpi kapireṣa samāplutaḥ || 1.115 ||

तुम्हारे लिए, अत्यंत सम्मान के कारण, इस सागर ने मुझे यह कहकर प्रेरित किया है - 'सौ योजन उड़ चुके इस हनुमान को अपने शिखरों पर विश्राम करने दो, फिर वे शेष मार्ग तय करें।'

श्लोक 116 (sundara.1.116)

तव सानुषु विश्रान्तः शेषं प्रक्रमतामिति । तिष्ठ त्वं हरिशार्दूल मयि विश्रम्य गम्यताम् ॥ 1.116 ॥

tava sānuṣu viśrāntaḥ śeṣaṃ prakramatāmiti | tiṣṭha tvaṃ hariśārdūla mayi viśramya gamyatām || 1.116 ||

हे वानरश्रेष्ठ! रुको, और मुझ पर विश्राम करके फिर आगे जाओ।'

श्लोक 117 (sundara.1.117)

तदिदं गन्धवत्स्वादु कन्दमूलफलं बहु । तदास्वाद्य हरिश्रेष्ठ विश्रान्तोऽनु गमिष्यसि ॥ 1.117 ॥

tadidaṃ gandhavatsvādu kandamūlaphalaṃ bahu | tadāsvādya hariśreṣṭha viśrānto'nu gamiṣyasi || 1.117 ||

'इसीलिए, हे वानरश्रेष्ठ, यहाँ प्रचुर मात्रा में सुगंधित और मीठे कंद-मूल-फल हैं। इन्हें चखकर, विश्राम करके, फिर आगे बढ़ना।'

श्लोक 118 (sundara.1.118)

अस्माकमपि सम्बन्धः कपिमुख्य त्वयास्ति वै । प्रख्यातस्त्रिषु लोकेषु महागुणपरिग्रहः ॥ 1.118 ॥

asmākamapi sambandhaḥ kapimukhya tvayāsti vai | prakhyātastriṣu lokeṣu mahāguṇaparigrahaḥ || 1.118 ||

'हे वानरमुख्य! हमारे और तुम्हारे बीच भी एक संबंध है, जो महान गुणों पर आधारित और तीनों लोकों में विख्यात है।

श्लोक 119 (sundara.1.119)

वेगवन्तः प्लवन्तो ये प्लवगा मारुतात्मज । तेषां मुख्यतमं मन्ये त्वामहं कपिकुञ्जर ॥ 1.119 ॥

vegavantaḥ plavanto ye plavagā mārutātmaja | teṣāṃ mukhyatamaṃ manye tvāmahaṃ kapikuñjara || 1.119 ||

हे पवनपुत्र, हे कपिश्रेष्ठ! वेगवान् उड़ने वाले वानरों में मैं तुम्हें ही सबसे प्रमुख मानता हूँ।

श्लोक 120 (sundara.1.120)

अतिथिः किलपूजार्हः प्राकृतोऽपि विजानता । धर्मं जिज्ञासमानेन किं पुनस्त्वादृशो महान् ॥ 1.120 ॥

atithiḥ kilapūjārhaḥ prākṛto'pi vijānatā | dharmaṃ jijñāsamānena kiṃ punastvādṛśo mahān || 1.120 ||

धर्म को जानने वाले और जानना चाहने वाले के लिए एक साधारण अतिथि भी सम्मान के योग्य होता है - तुम्हारे जैसे महान अतिथि की तो बात ही क्या।

श्लोक 121 (sundara.1.121)

त्वं हि देववरिष्ठस्य मारुतस्य महात्मनः । पुत्रस्तस्यैव वेगेन सदृशः कपिकुञ्जर ॥ 1.121 ॥

tvaṃ hi devavariṣṭhasya mārutasya mahātmanaḥ | putrastasyaiva vegena sadṛśaḥ kapikuñjara || 1.121 ||

तुम निश्चय ही देवश्रेष्ठ, महात्मा वायुदेव के पुत्र हो; हे कपिश्रेष्ठ, वेग में तुम उन्हीं के समान हो।

श्लोक 122 (sundara.1.122)

पूजिते त्वयि धर्मज्ञ पूजां प्राप्नोति मारुतः । तस्मात्त्वं पूजनीयो मे शृणु चाप्यत्र कारणम् ॥ 1.122 ॥

pūjite tvayi dharmajña pūjāṃ prāpnoti mārutaḥ | tasmāttvaṃ pūjanīyo me śṛṇu cāpyatra kāraṇam || 1.122 ||

हे धर्मज्ञ! यदि तुम्हारा सम्मान होता है, तो उससे वायुदेव का भी सम्मान होता है; इसलिए तुम मेरे लिए सम्माननीय हो। इसका कारण भी सुनो।"

श्लोक 123 (sundara.1.123)

पूर्वं कृतयुगे तात पर्वताः पक्षिणोऽभवन् । ते हि जग्मुर्दिशः सर्वा गरुडानिलवेगिनः ॥ 1.123 ॥

pūrvaṃ kṛtayuge tāta parvatāḥ pakṣiṇo'bhavan | te hi jagmurdiśaḥ sarvā garuḍānilaveginaḥ || 1.123 ||

"'हे तात! पहले सत्ययुग में पर्वतों के पंख हुआ करते थे। वे गरुड़ और वायु के समान वेग से सभी दिशाओं में विचरण करते थे।

श्लोक 124 (sundara.1.124)

ततस्तेषु प्रयातेषु देवसंघः सहर्षिभिः । भूतानि च भयं जग्मुस्तेषां पतनशङ्कया ॥ 1.124 ॥

tatasteṣu prayāteṣu devasaṃghaḥ saharṣibhiḥ | bhūtāni ca bhayaṃ jagmusteṣāṃ patanaśaṅkayā || 1.124 ||

तब जब वे इस प्रकार विचरण करते थे, देवगण, ऋषियों और समस्त प्राणियों सहित, उनके गिर पड़ने की आशंका से भयभीत हो उठे।

श्लोक 125 (sundara.1.125)

ततः क्रुद्धः सहस्राअक्षः पर्वतानां शतक्रतुः । पक्षान् चिच्छेद वज्रेण तत्र तत्र सहस्रशः ॥ 1.125 ॥

tataḥ kruddhaḥ sahasrāakṣaḥ parvatānāṃ śatakratuḥ | pakṣān ciccheda vajreṇa tatra tatra sahasraśaḥ || 1.125 ||

तब क्रुद्ध होकर सहस्राक्ष शतक्रतु ने अपने वज्र से यहाँ-वहाँ हजारों पर्वतों के पंख काट डाले।

श्लोक 126 (sundara.1.126)

स मामुपागतः क्रुद्धो वज्रमुद्यम्य देवराट् । ततोऽहं सहसा क्षिप्तः स्वसनेन महात्मना ॥ 1.126 ॥

sa māmupāgataḥ kruddho vajramudyamya devarāṭ | tato'haṃ sahasā kṣiptaḥ svasanena mahātmanā || 1.126 ||

वह देवराज क्रोध में वज्र उठाए मेरे पास भी आया; तब महात्मा वायुदेव ने मुझे सहसा दूर फेंक दिया।

श्लोक 127 (sundara.1.127)

अस्मिन्लवणतोये च प्रक्षिप्तः प्लवगोत्तम । गुप्तपक्षसमग्रश्च तव पित्राभिरक्षितः ॥ 1.127 ॥

asminlavaṇatoye ca prakṣiptaḥ plavagottama | guptapakṣasamagraśca tava pitrābhirakṣitaḥ || 1.127 ||

हे वानरश्रेष्ठ! इस लवण-सागर में गिराए जाने पर, मेरे पंख पूर्ण और सुरक्षित रहे, और तुम्हारे पिता ने ही मेरी यहाँ रक्षा की है।

श्लोक 128 (sundara.1.128)

ततोऽहं मानयामि त्वां मान्यो हि मम मारुतः । त्वया मे ह्येष संबन्धः कपिमुख्य महागुणः ॥ 1.128 ॥

tato'haṃ mānayāmi tvāṃ mānyo hi mama mārutaḥ | tvayā me hyeṣa saṃbandhaḥ kapimukhya mahāguṇaḥ || 1.128 ||

इसीलिए मैं तुम्हारा सम्मान करता हूँ; वायुदेव मेरे लिए सम्माननीय हैं ही। हे वानरमुख्य, तुम्हारे साथ मेरा यह संबंध महान गुणों वाला है।

श्लोक 129 (sundara.1.129)

अस्मिन्नेवंगते कार्ये सागरस्य ममैव च । प्रीतिं प्रीतमनाः कर्तुं त्वमर्हसि महाकपे ॥ 1.129 ॥

asminnevaṃgate kārye sāgarasya mamaiva ca | prītiṃ prītamanāḥ kartuṃ tvamarhasi mahākape || 1.129 ||

चूँकि यह बात इस प्रकार है, हे महाकपि, तुम्हें प्रसन्न मन से सागर को और मुझे भी यह प्रसन्नता देनी चाहिए।

श्लोक 130 (sundara.1.130)

श्रमं मोक्षय पूजां च गृहाण कपिसत्तम । प्रीतिं च बहुमन्यस्व प्रीतोऽस्मि तव दर्शनात् ॥ 1.130 ॥

śramaṃ mokṣaya pūjāṃ ca gṛhāṇa kapisattama | prītiṃ ca bahumanyasva prīto'smi tava darśanāt || 1.130 ||

हे कपिश्रेष्ठ, अपनी थकान मिटाओ और हमारी पूजा स्वीकार करो; हमारे इस स्नेह का आदर करो। तुम्हारे दर्शन से मैं प्रसन्न हूँ।'"

श्लोक 131 (sundara.1.131)

एवमुक्तः कपिश्रेष्ठस्तं नगोत्तममब्रवीत् । प्रीतोऽस्मि कृतमातिथ्यं मन्युरेषोऽपनीयताम् ॥ १ ॥ 1.131 ॥

evamuktaḥ kapiśreṣṭhastaṃ nagottamamabravīt | prīto'smi kṛtamātithyaṃ manyureṣo'panīyatām || 1 || 1.131 ||

इस प्रकार कहे जाने पर, उस वानरश्रेष्ठ ने उस गिरिश्रेष्ठ से कहा - "'मैं प्रसन्न हूँ; आतिथ्य हो चुका है। अब यह रोष दूर किया जाए।

श्लोक 132 (sundara.1.132)

त्वरते कार्यकालो मे अहश्चाप्यतिवर्तते । प्रतिज्ञा च मया दत्ता न स्थातव्यमिहान्त्तरे ॥ 1.132 ॥

tvarate kāryakālo me ahaścāpyativartate | pratijñā ca mayā dattā na sthātavyamihānttare || 1.132 ||

मेरे कार्य का समय मुझे शीघ्रता कर रहा है, और दिन भी बीता जा रहा है। मैंने प्रतिज्ञा भी की है - इसलिए मुझे बीच में यहाँ नहीं रुकना चाहिए।'"

श्लोक 133 (sundara.1.133)

इत्युक्त्वा पाणिना शैलमालभ्य हरिपुङ्गवः । जगामाकाशमाविश्य वीर्यवान् प्रहसन्निव ॥ 1.133 ॥

ityuktvā pāṇinā śailamālabhya haripuṅgavaḥ | jagāmākāśamāviśya vīryavān prahasanniva || 1.133 ||

यह कहकर, वह पराक्रमी वानरश्रेष्ठ, अपने हाथ से पर्वत का स्पर्श करके, मुस्कुराते हुए आकाश में प्रविष्ट होकर आगे बढ़ गया।

श्लोक 134 (sundara.1.134)

स पर्वतसमुद्राभ्यां बहुमानादवेक्षितः । पूजितश्चोपपन्नाभिराशीर्भिरनिलात्मजः ॥ 1.134 ॥

sa parvatasamudrābhyāṃ bahumānādavekṣitaḥ | pūjitaścopapannābhirāśīrbhiranilātmajaḥ || 1.134 ||

उस पवनपुत्र को सागर और पर्वत दोनों ने अत्यंत आदर से देखा, और उचित आशीर्वादों से सम्मानित किया।

श्लोक 135 (sundara.1.135)

अथोर्ध्वं दूरमुत्प्लुत्य हित्वा शैलमहार्णवौ । पितुः पन्थानमास्थाय जगाम विमलेऽम्बरे ॥ १- ॥ 1.135 ॥

athordhvaṃ dūramutplutya hitvā śailamahārṇavau | pituḥ panthānamāsthāya jagāma vimale'mbare || 1- || 1.135 ||

तत्पश्चात् दूर ऊपर उछलकर, पर्वत और महासागर को पीछे छोड़कर, वह अपने पिता के मार्ग का अनुसरण करते हुए निर्मल आकाश में आगे बढ़ चला।

श्लोक 136 (sundara.1.136)

भूयश्चोर्ध्वं गतिं प्राप्य गिरिं तमवलोकयन् । वायुसूनुर्निरालम्बे जगाम विमलेऽम्बरे ॥ १- ॥ 1.136 ॥

bhūyaścordhvaṃ gatiṃ prāpya giriṃ tamavalokayan | vāyusūnurnirālambe jagāma vimale'mbare || 1- || 1.136 ||

और भी ऊँची गति प्राप्त कर, नीचे उस पर्वत को एक बार फिर निहारते हुए, वायुपुत्र निराधार निर्मल आकाश में आगे बढ़ गया।

श्लोक 137 (sundara.1.137)

तद्द्वितीयं हनुमतो दृष्ट्वा कर्म सुदुष्करम् । प्रश्शंसुः सुराः सर्वे सिद्धाश्च परमर्षयः ॥ १- ॥ 1.137 ॥

taddvitīyaṃ hanumato dṛṣṭvā karma suduṣkaram | praśśaṃsuḥ surāḥ sarve siddhāśca paramarṣayaḥ || 1- || 1.137 ||

हनुमान के उस दूसरे अत्यंत दुष्कर कर्म को देखकर, समस्त देवगण, सिद्ध और महर्षि उनकी प्रशंसा करने लगे।

श्लोक 138 (sundara.1.138)

देवताश्चाभवन् हृष्टास्तत्रस्थास्तस्य कर्मणा । काञ्चनस्य सुनाभस्य सहस्राक्षश्च वासवः ॥ १- ॥ 1.138 ॥

devatāścābhavan hṛṣṭāstatrasthāstasya karmaṇā | kāñcanasya sunābhasya sahasrākṣaśca vāsavaḥ || 1- || 1.138 ||

वहाँ उपस्थित देवगण उस कर्म से हर्षित हुए, और स्वर्णिम सुनाभ मैनाक तथा सहस्राक्ष वासव भी हर्षित हुए।

श्लोक 139 (sundara.1.139)

उवाच वचनं धीमान् परितोषात्सगद्गदम् । सुनाभं पर्वतश्रेष्ठं स्वयमेव शचीपतिः ॥ १- ॥ 1.139 ॥

uvāca vacanaṃ dhīmān paritoṣātsagadgadam | sunābhaṃ parvataśreṣṭhaṃ svayameva śacīpatiḥ || 1- || 1.139 ||

तब उस बुद्धिमान शचीपति ने स्वयं ही, अत्यंत प्रसन्नता के कारण गद्गद स्वर में, उस गिरिश्रेष्ठ सुनाभ से इस प्रकार कहा -

श्लोक 140 (sundara.1.140)

हिरण्यनाभ शैलेन्द्र परितुष्टोऽस्मि ते भृशम् । अभयं ते प्रयच्छामि तिष्ठ सौम्य यथासुखम् ॥ 1.140 ॥

hiraṇyanābha śailendra parituṣṭo'smi te bhṛśam | abhayaṃ te prayacchāmi tiṣṭha saumya yathāsukham || 1.140 ||

"'हे हिरण्यनाभ, हे शैलेंद्र! मैं तुमसे अत्यंत प्रसन्न हूँ। मैं तुम्हें अभय प्रदान करता हूँ; हे सौम्य, सुखपूर्वक यहाँ रहो।

श्लोक 141 (sundara.1.141)

साह्यं ते सुमहद्विक्रान्तस्य हनूमतः । क्रमतो योजनशतं निर्भयस्य भये सति ॥ 1.141 ॥

sāhyaṃ te sumahadvikrāntasya hanūmataḥ | kramato yojanaśataṃ nirbhayasya bhaye sati || 1.141 ||

तुमने उस पराक्रमी हनुमान की, जो भय के कारण होते हुए भी निर्भय होकर सौ योजन पार कर रहे हैं, महान सहायता की है।

श्लोक 142 (sundara.1.142)

रामस्यैष हितायैव याति दाशरथेर्हरिः । सत्क्रियां कुर्वता तस्य तोषितोऽस्मि दृढं त्वया ॥ 1.142 ॥

rāmasyaiṣa hitāyaiva yāti dāśaratherhariḥ | satkriyāṃ kurvatā tasya toṣito'smi dṛḍhaṃ tvayā || 1.142 ||

यह वानर केवल दशरथनंदन राम के हित के लिए जा रहा है; उनका सम्मान करने वाले तुमसे मैं अत्यंत प्रसन्न हूँ।'"

श्लोक 143 (sundara.1.143)

ततः प्रहर्षमगमद्विपुलं पर्वतोत्तमः । देवतानां पतिं दृष्ट्वा परितुष्टं शतक्रतुम् ॥ 1.143 ॥

tataḥ praharṣamagamadvipulaṃ parvatottamaḥ | devatānāṃ patiṃ dṛṣṭvā parituṣṭaṃ śatakratum || 1.143 ||

तब उस गिरिश्रेष्ठ को देवराज शतक्रतु को इतना प्रसन्न देखकर अत्यंत हर्ष हुआ।

श्लोक 144 (sundara.1.144)

स वै दत्तवरः शैलो बभूवावस्थितस्तदा । हनुमांश्च मुहूर्तेन व्यतिचक्राम सागरम् ॥ 1.144 ॥

sa vai dattavaraḥ śailo babhūvāvasthitastadā | hanumāṃśca muhūrtena vyaticakrāma sāgaram || 1.144 ||

वह पर्वत, इस प्रकार वरदान पाकर, वहीं स्थिर हो गया; और हनुमान भी क्षणभर में सागर के उस भाग को पार कर गए।

श्लोक 145 (sundara.1.145)

ततो देवाः सगन्धर्वाः सिद्धाश्च परमर्षयः । अब्रूवन् सूर्यसंकाशां सुरसां नागमातरम् ॥ 1.145 ॥

tato devāḥ sagandharvāḥ siddhāśca paramarṣayaḥ | abrūvan sūryasaṃkāśāṃ surasāṃ nāgamātaram || 1.145 ||

तत्पश्चात् देवगण, गंधर्वों, सिद्धों और महर्षियों सहित, सूर्य के समान तेजस्वी नागमाता सुरसा से बोले -

श्लोक 146 (sundara.1.146)

अयं वातात्मजः श्रीमान्प्लवते सागरोपरि । हनुमान्नाम तस्य त्वं मुहूर्तं विघ्नमाचर ॥ 1.146 ॥

ayaṃ vātātmajaḥ śrīmānplavate sāgaropari | hanumānnāma tasya tvaṃ muhūrtaṃ vighnamācara || 1.146 ||

"'यह तेजस्वी पवनपुत्र, जिनका नाम हनुमान है, सागर के ऊपर से उड़ रहे हैं। तुम इन्हें क्षणभर के लिए विघ्न उत्पन्न करो।

श्लोक 147 (sundara.1.147)

राक्षसं रूपमास्थाय सुघोरं पर्वतोपमम् । दंष्ट्रकराळं पिङ्गाक्षं वक्त्रं कृत्वा नभःसमम् ॥ 1.147 ॥

rākṣasaṃ rūpamāsthāya sughoraṃ parvatopamam | daṃṣṭrakarāḷaṃ piṅgākṣaṃ vaktraṃ kṛtvā nabhaḥsamam || 1.147 ||

पर्वत के समान भयंकर राक्षस-रूप धारण करके, भयानक दाढ़ों वाला, पिंगल नेत्रों वाला और आकाश जैसा विशाल मुख बनाकर -

श्लोक 148 (sundara.1.148)

बलमिच्छामहे ज्ञातुं भूयश्चास्य पराक्रमम् । त्वां विजेष्यत्युपायेन विषादं वा गमिष्यति ॥ 1.148 ॥

balamicchāmahe jñātuṃ bhūyaścāsya parākramam | tvāṃ vijeṣyatyupāyena viṣādaṃ vā gamiṣyati || 1.148 ||

- इससे हम जान सकेंगे कि उनका बल और पराक्रम कैसा है - क्या वे किसी उपाय से तुम्हें जीत लेंगे, या विषाद को प्राप्त होंगे।'"

श्लोक 149 (sundara.1.149)

एवमुक्ता तु सा देवी दैवतैरभिसत्कृता । समुद्रमध्ये सुरसा बिभ्रती राक्षसं वपुः ॥ 1.149 ॥

evamuktā tu sā devī daivatairabhisatkṛtā | samudramadhye surasā bibhratī rākṣasaṃ vapuḥ || 1.149 ||

देवों द्वारा इस प्रकार कहे जाने पर और उनके द्वारा सम्मानित होकर, वह देवी सुरसा सागर के मध्य में एक विकृत, विरूप और सबको भयभीत करने वाला राक्षसी रूप धारण करके,

श्लोक 150 (sundara.1.150)

विकृतं च विरूपं च सर्वस्य च भयावहम् । प्लवमानं हनूमन्तमावृत्येदमुवाच ह ॥ 1.150 ॥

vikṛtaṃ ca virūpaṃ ca sarvasya ca bhayāvaham | plavamānaṃ hanūmantamāvṛtyedamuvāca ha || 1.150 ||

उड़ते हुए हनुमान को रोककर इस प्रकार बोली -

श्लोक 151 (sundara.1.151)

मम भक्षः प्रदिष्टस्त्वमीश्वरैर्वानरर्षभ । अहं त्वा भक्षयिष्यामि प्रविशेदं ममाननम् ॥ 1.151 ॥

mama bhakṣaḥ pradiṣṭastvamīśvarairvānararṣabha | ahaṃ tvā bhakṣayiṣyāmi praviśedaṃ mamānanam || 1.151 ||

"'हे वानरश्रेष्ठ! देवताओं ने तुम्हें मेरे भोजन के रूप में नियत किया है। मैं तुम्हें खा जाऊँगी। इस मेरे मुख में प्रवेश करो।'"

श्लोक 152 (sundara.1.152)

एवमुक्तः सुरसया प्राञ्जलिर्वानरर्षभः । प्रहृष्टवदनः श्रीमानिदं वचनमब्रवीत् ॥ १- ॥ 1.152 ॥

evamuktaḥ surasayā prāñjalirvānararṣabhaḥ | prahṛṣṭavadanaḥ śrīmānidaṃ vacanamabravīt || 1- || 1.152 ||

सुरसा द्वारा इस प्रकार कहे जाने पर, उस श्रीमान वानरश्रेष्ठ ने प्रसन्न मुख और जुड़े हुए हाथों से यह वचन कहा -

श्लोक 153 (sundara.1.153)

रामो दाशरथिर्नाम प्रविष्टो दण्डकावनम् । लक्ष्मणेन सह भ्रात्रा वैदेह्या चापि भार्यया ॥ 1.153 ॥

rāmo dāśarathirnāma praviṣṭo daṇḍakāvanam | lakṣmaṇena saha bhrātrā vaidehyā cāpi bhāryayā || 1.153 ||

"'दशरथनंदन राम, अपने भ्राता लक्ष्मण और पत्नी वैदेही सहित, दंडक वन में प्रविष्ट हुए हैं।

श्लोक 154 (sundara.1.154)

अन्यकार्यविषक्तस्य बद्धवैरस्य राक्षसैः । तस्य सीत हृता भार्या रावणेन यशस्विनी ॥ 1.154 ॥

anyakāryaviṣaktasya baddhavairasya rākṣasaiḥ | tasya sīta hṛtā bhāryā rāvaṇena yaśasvinī || 1.154 ||

राक्षसों से गहरे वैर में बँधे और अन्य कार्य में व्यस्त उनकी उस यशस्विनी पत्नी सीता का रावण द्वारा हरण कर लिया गया।

श्लोक 155 (sundara.1.155)

तस्याः सकाशं दूतोऽहं गमिष्ये रामकारणात् । कर्तुमर्हसि रामस्य साह्यं विषयवासिनि ॥ 1.155 ॥

tasyāḥ sakāśaṃ dūto'haṃ gamiṣye rāmakāraṇāt | kartumarhasi rāmasya sāhyaṃ viṣayavāsini || 1.155 ||

मैं राम के लिए दूत बनकर उन तक जाने वाला हूँ। हे विषयवासिनी, तुम्हें राम की सहायता करनी चाहिए।

श्लोक 156 (sundara.1.156)

अथवा मैथिलीं दृष्ट्वा रामं चाक्लिष्टकारिणम् । आगमिष्यामि ते वक्त्रं सत्यं प्रतिशृणोमि ते ॥ 1.156 ॥

athavā maithilīṃ dṛṣṭvā rāmaṃ cākliṣṭakāriṇam | āgamiṣyāmi te vaktraṃ satyaṃ pratiśṛṇomi te || 1.156 ||

अथवा मैथिली को देखकर और अक्लिष्टकारी राम को सूचित करके, मैं सत्य ही तुम्हारे मुख में लौट आऊँगा - यह मैं तुमसे सच्चाई से प्रतिज्ञा करता हूँ।'"

श्लोक 157 (sundara.1.157)

एवमुक्ता हनुमता सुरसा कामरूपिणी । अब्रवीन्नातिवर्तेत कश्चिदेष वरो मम ॥ 1.157 ॥

evamuktā hanumatā surasā kāmarūpiṇī | abravīnnātivarteta kaścideṣa varo mama || 1.157 ||

हनुमान द्वारा इस प्रकार कहे जाने पर, इच्छानुसार रूप धारण करने वाली सुरसा ने कहा - "'कोई भी मुझे लांघ नहीं सकता - यह मुझे प्राप्त वरदान है।

श्लोक 158 (sundara.1.158)

तं प्रयान्तं समुद्वीक्ष्य सुरसा वाक्यमब्रवीत् । बलं जिज्ञासमाना वै नागमाता हनूमतः ॥ 1.158 ॥

taṃ prayāntaṃ samudvīkṣya surasā vākyamabravīt | balaṃ jijñāsamānā vai nāgamātā hanūmataḥ || 1.158 ||

उन्हें आगे जाते देखकर, हनुमान का बल जानने की इच्छा से नागमाता सुरसा ने यह वचन कहा -

श्लोक 159 (sundara.1.159)

प्रविश्य वदनं मेऽद्य गन्तव्यं वानरोत्तम । वर एष पुरा दत्तो मम धात्रेति सत्वरा ॥ व्यादाय विपुलं वक्त्रं स्थिता सा मारुतेः पुरः ॥ 1.159 ॥

praviśya vadanaṃ me'dya gantavyaṃ vānarottama | vara eṣa purā datto mama dhātreti satvarā || vyādāya vipulaṃ vaktraṃ sthitā sā māruteḥ puraḥ || 1.159 ||

"'हे वानरश्रेष्ठ, अब तुम्हें मेरे मुख में प्रवेश करके ही जाना होगा; यह वरदान मुझे पूर्वकाल में स्वयं ब्रह्मा ने दिया था' - यह कहकर उसने शीघ्रता से अपना विशाल मुख खोला और वायुपुत्र के सामने खड़ी हो गई।

श्लोक 160 (sundara.1.160)

एवमुक्तः सुरसया क्रुद्धो वानरपुञ्गवः ॥ अब्रवीत्कुरु वै वक्त्रं येन मां विषहिष्यसे ॥ 1.160 ॥

evamuktaḥ surasayā kruddho vānarapuñgavaḥ || abravītkuru vai vaktraṃ yena māṃ viṣahiṣyase || 1.160 ||

सुरसा द्वारा इस प्रकार कहे जाने पर, क्रुद्ध हुए उस वानरश्रेष्ठ ने कहा - "'अपना मुख इतना बड़ा करो कि तुम मुझे धारण कर सको।'"

श्लोक 161 (sundara.1.161)

इत्युक्त्वा क्रुद्धो हनुमान् दशयोजनमायतः । दशयोजनविस्तारो बभूव कपिकुञ्जरः ॥ 1.161 ॥

ityuktvā kruddho hanumān daśayojanamāyataḥ | daśayojanavistāro babhūva kapikuñjaraḥ || 1.161 ||

यह कहकर, क्रुद्ध होकर, हनुमान तब दस योजन लंबे और दस योजन चौड़े हो गए।

श्लोक 162 (sundara.1.162)

तं दृष्ट्वा मेघसंकाशं दशयोजनमायतम् ॥ चकार सुरसा चास्यं विंशद्योजनमायतम् ॥ 1.162 ॥

taṃ dṛṣṭvā meghasaṃkāśaṃ daśayojanamāyatam || cakāra surasā cāsyaṃ viṃśadyojanamāyatam || 1.162 ||

मेघ के समान दस योजन लंबे उन्हें देखकर, सुरसा ने भी अपना मुख बीस योजन चौड़ा कर लिया।

श्लोक 163 (sundara.1.163)

हनुमांस्तु ततः क्रुद्धस्त्रिंशद्योजनमायतः ॥ 1.163 ॥

hanumāṃstu tataḥ kruddhastriṃśadyojanamāyataḥ || 1.163 ||

तब और क्रुद्ध होकर हनुमान तीस योजन लंबे हो गए।

श्लोक 164 (sundara.1.164)

चकार सुरसा वक्त्रं चत्वारिंशत्तथोच्छ्रितम् । बभूव हनुमान्वीरः पञ्चाशद्योजनोच्छ्रितः ॥ 1.164 ॥

cakāra surasā vaktraṃ catvāriṃśattathocchritam | babhūva hanumānvīraḥ pañcāśadyojanocchritaḥ || 1.164 ||

सुरसा ने अपना मुख चालीस योजन ऊँचा किया; पराक्रमी हनुमान पचास योजन ऊँचे हो गए।

श्लोक 165 (sundara.1.165)

चकार सुरसा वक्त्रं षष्टियोजनमायतम् । तथैव हनुमान्वीरः सप्ततीयोजिनोच्छ्रितः ॥ 1.165 ॥

cakāra surasā vaktraṃ ṣaṣṭiyojanamāyatam | tathaiva hanumānvīraḥ saptatīyojinocchritaḥ || 1.165 ||

सुरसा ने अपना मुख साठ योजन लंबा किया; उसी प्रकार पराक्रमी हनुमान सत्तर योजन ऊँचे हो गए।

श्लोक 166 (sundara.1.166)

चकार सुरसा व्क्त्रंशीतीयोजनोच्छ्रितम् । हनुमानचलप्रख्यो नवतीयोजनोच्छ्रितः ॥ 1.166 ॥

cakāra surasā vktraṃśītīyojanocchritam | hanumānacalaprakhyo navatīyojanocchritaḥ || 1.166 ||

सुरसा ने अपना मुख अस्सी योजन ऊँचा किया; पर्वत के समान हनुमान नब्बे योजन ऊँचे हो गए।

श्लोक 167 (sundara.1.167)

तद्दृष्ट्वा व्यादितं त्वास्यं वायुपुत्रः सुबुद्धिमान् । दीर्घजिह्वं सुरसया सुघोरं नरकोपमम् ॥ सुसंक्षिप्यात्मनः कायं बभूवाञ्गुष्ठमात्रकः ॥ 1.167 ॥

taddṛṣṭvā vyāditaṃ tvāsyaṃ vāyuputraḥ subuddhimān | dīrghajihvaṃ surasayā sughoraṃ narakopamam || susaṃkṣipyātmanaḥ kāyaṃ babhūvāñguṣṭhamātrakaḥ || 1.167 ||

सुरसा द्वारा खोले गए उस विशाल, दीर्घ-जिह्वा वाले, भयंकर, नरक के समान मुख को देखकर, उस बुद्धिमान पवनपुत्र ने अपने शरीर को अत्यंत संकुचित कर अंगूठे के बराबर आकार धारण कर लिया।

श्लोक 168 (sundara.1.168)

सोऽभिपत्याशु तद्वक्त्रं निष्पत्य च महाजवः । अन्तरिक्षे स्थितः श्रीमानिदं वचनमब्रवीत् ॥ 1.168 ॥

so'bhipatyāśu tadvaktraṃ niṣpatya ca mahājavaḥ | antarikṣe sthitaḥ śrīmānidaṃ vacanamabravīt || 1.168 ||

तब उस मुख में शीघ्रता से प्रवेश कर, और तुरंत बाहर निकलकर, वह अत्यंत वेगवान श्रीमान आकाश में खड़े होकर इस प्रकार बोले -

श्लोक 169 (sundara.1.169)

प्रविष्टोऽस्मि हि ते वक्त्रं दाक्षायणि नमोऽस्तु ते । गमिष्ये यत्र वैदेही सत्यं चासीद्वरस्तव ॥ 1.169 ॥

praviṣṭo'smi hi te vaktraṃ dākṣāyaṇi namo'stu te | gamiṣye yatra vaidehī satyaṃ cāsīdvarastava || 1.169 ||

"'हे दाक्षायणी! मैं तुम्हारे मुख में प्रविष्ट हो चुका हूँ; तुम्हें मेरा नमन है। अब मैं वहाँ जाऊँगा जहाँ वैदेही हैं। तुम्हारा वरदान भी सत्य सिद्ध हुआ।'"

श्लोक 170 (sundara.1.170)

तं दृष्ट्वा वदनान्मुक्तं चन्द्रं राहुमुखादिव । अब्रवीत्सुरसा देवी स्वेन रूपेण वानरम् ॥ 1.170 ॥

taṃ dṛṣṭvā vadanānmuktaṃ candraṃ rāhumukhādiva | abravītsurasā devī svena rūpeṇa vānaram || 1.170 ||

उस वानर को अपने मुख से इस प्रकार मुक्त होते देखकर, मानो राहु के मुख से चंद्रमा मुक्त हुआ हो, देवी सुरसा ने अपने वास्तविक रूप में इस प्रकार कहा -

श्लोक 171 (sundara.1.171)

अर्थसिद्ध्यै हरिश्रेष्ठ गच्छ सौम्य यथासुखम् । समानयस्व वैदेहीं राघवेण महात्मना ॥ 1.171 ॥

arthasiddhyai hariśreṣṭha gaccha saumya yathāsukham | samānayasva vaidehīṃ rāghaveṇa mahātmanā || 1.171 ||

"'हे सौम्य वानरश्रेष्ठ! अपने कार्य की सिद्धि के लिए सुखपूर्वक जाओ। महात्मा राघव के साथ वैदेही को मिलाओ।'"

श्लोक 172 (sundara.1.172)

तत्तृतीयं हनुमतो दृष्ट्वा कर्म सुदुष्करम् । साधु साध्विति भूतानि प्रश्शंसुस्तदा हरिम् ॥ 1.172 ॥

tattṛtīyaṃ hanumato dṛṣṭvā karma suduṣkaram | sādhu sādhviti bhūtāni praśśaṃsustadā harim || 1.172 ||

हनुमान के उस तीसरे अत्यंत दुष्कर कार्य को देखकर, समस्त प्राणियों ने उस वानर की 'साधु! साधु!' कहकर प्रशंसा की।

श्लोक 173 (sundara.1.173)

स सागरमनाधृष्यमभ्येत्य वरुणालयम् । जगामाकाशमाविश्य वेगेन गरुडोपमः ॥ 1.173 ॥

sa sāgaramanādhṛṣyamabhyetya varuṇālayam | jagāmākāśamāviśya vegena garuḍopamaḥ || 1.173 ||

वेग में गरुड़ के समान वह हनुमान वरुण के आवास उस दुर्जय सागर के निकट पहुँचकर, फिर से आकाश में प्रविष्ट होकर आगे बढ़ चले।

श्लोक 174 (sundara.1.174)

चरिते कैशिकाचार्यैरैरावतनिषेविते ॥ 1.174 ॥

carite kaiśikācāryairairāvataniṣevite || 1.174 ||

गंधर्वाचार्यों द्वारा विचरित, ऐरावत द्वारा सेवित उस आकाशमार्ग में -

श्लोक 175 (sundara.1.175)

सिंहकुञ्जरशार्दूलपतगोरगवाहनैः । विमानैः संपतद्भिश्च विमलैः समलंकृते ॥ 1.175 ॥

siṃhakuñjaraśārdūlapatagoragavāhanaiḥ | vimānaiḥ saṃpatadbhiśca vimalaiḥ samalaṃkṛte || 1.175 ||

सिंह, गज, व्याघ्र, पक्षी और सर्पों से मानो वाहित, चमकते हुए वेगवान विमानों से सुशोभित,

श्लोक 176 (sundara.1.176)

वज्राशनिसमाघातैः पावकैरुपशोभिते । कृतपुण्यैर्महाभागैः स्वर्गजिद्भिरलंकृते ॥ 1.176 ॥

vajrāśanisamāghātaiḥ pāvakairupaśobhite | kṛtapuṇyairmahābhāgaiḥ svargajidbhiralaṃkṛte || 1.176 ||

वज्र के समान गर्जती अग्नियों से प्रकाशित, और अपने पुण्यकर्मों से स्वर्ग जीतने वाले महाभाग्यशाली जनों से सुशोभित,

श्लोक 177 (sundara.1.177)

वहता हव्यमत्यर्थं सेविते चित्रभानुना । ग्रहनक्षत्रचन्द्रार्कतारागणविभूषिते ॥ 1.177 ॥

vahatā havyamatyarthaṃ sevite citrabhānunā | grahanakṣatracandrārkatārāgaṇavibhūṣite || 1.177 ||

प्रचुर हवि वहन करने वाले तेजस्वी अग्निदेव से सेवित, ग्रहों, नक्षत्रों, चंद्र, सूर्य और तारागणों से अलंकृत,

श्लोक 178 (sundara.1.178)

महर्षिगणगन्धर्वनागयक्षसमाकुले । विविक्ते विमले विश्वे विश्वावसुनिषेविते ॥ 1.178 ॥

maharṣigaṇagandharvanāgayakṣasamākule | vivikte vimale viśve viśvāvasuniṣevite || 1.178 ||

महर्षियों, गंधर्वों, नागों और यक्षों के समूहों से भरे, फिर भी मनुष्यों से रहित, निर्मल और सर्वव्यापी, तथा विश्वावसु द्वारा सेवित,

श्लोक 179 (sundara.1.179)

देवराजगजाक्रान्ते चन्द्रसूर्यपथे शिवे । विताने जीवलोकस्य वितते ब्रह्मनिर्मिते ॥ 1.179 ॥

devarājagajākrānte candrasūryapathe śive | vitāne jīvalokasya vitate brahmanirmite || 1.179 ||

देवराज के गज द्वारा विचरित, चंद्र-सूर्य के मार्गस्वरूप, कल्याणकारी, ब्रह्मा द्वारा रचित जीवलोक के उस विशाल चंदोवे में,

श्लोक 180 (sundara.1.180)

बहुशः सेविते वीरैर्विद्याधरगणैर्वरैः । जगाम वायुमार्गे तु गरुत्मानिव मारुतिः ॥ 1.180 ॥

bahuśaḥ sevite vīrairvidyādharagaṇairvaraiḥ | jagāma vāyumārge tu garutmāniva mārutiḥ || 1.180 ||

तथा अनेक प्रकार से श्रेष्ठ, वीर विद्याधर-समूहों द्वारा सेवित उस वायुमार्ग में, मारुति गरुड़ के समान होकर उड़ चले।

श्लोक 181 (sundara.1.181)

प्रदृश्यमानः सर्वत्र हनुमान्मारुतात्मजः । भेजेऽम्बरं निरालम्बं लम्बपक्ष इवाद्रिराट् ॥ 1.181 ॥

pradṛśyamānaḥ sarvatra hanumānmārutātmajaḥ | bheje'mbaraṃ nirālambaṃ lambapakṣa ivādrirāṭ || 1.181 ||

सर्वत्र दिखाई पड़ते हुए, वायुपुत्र हनुमान लंबे पंखों वाले पक्षिराज के समान निराधार आकाश में विचरण करने लगे।

श्लोक 182 (sundara.1.182)

प्लवमानं तु तं दृष्ट्वा सिंहिका नाम राक्षसी । मनसा चिन्तयामास प्रवृद्धा कामरूपिणी ॥ 1.182 ॥

plavamānaṃ tu taṃ dṛṣṭvā siṃhikā nāma rākṣasī | manasā cintayāmāsa pravṛddhā kāmarūpiṇī || 1.182 ||

किंतु उन्हें इस प्रकार उड़ते देखकर, सिंहिका नामक एक विशालकाय, इच्छानुसार रूप धारण करने वाली राक्षसी ने मन में सोचा -

श्लोक 183 (sundara.1.183)

अद्य दीर्ग़्हस्य कालस्य भविष्याम्यहामाशिता । इदं हि मे महत्सत्त्वं चिरस्य वशमागतम् ॥ 1.183 ॥

adya dīrग़्hasya kālasya bhaviṣyāmyahāmāśitā | idaṃ hi me mahatsattvaṃ cirasya vaśamāgatam || 1.183 ||

"'आज बहुत समय बाद मुझे भरपेट भोजन मिलेगा - यह विशाल प्राणी बहुत समय बाद मेरे वश में आया है।'"

श्लोक 184 (sundara.1.184)

इति संचिन्त्य मनसा छायामस्य समाक्षिपत् । छायायां गृह्यमाणायां चिन्तयामास वानरः ॥ 1.184 ॥

iti saṃcintya manasā chāyāmasya samākṣipat | chāyāyāṃ gṛhyamāṇāyāṃ cintayāmāsa vānaraḥ || 1.184 ||

यह सोचकर, उसने मन ही मन उनकी छाया को खींच लिया; और जब वह छाया इस प्रकार पकड़ी जा रही थी, तब वानर ने सोचा -

श्लोक 185 (sundara.1.185)

समाक्षिप्तोऽस्मि तरसा पञूकृतपराक्रमः । प्रतिलोमेन वातेन महानौरिव सागरे ॥ 1.185 ॥

samākṣipto'smi tarasā pañūkṛtaparākramaḥ | pratilomena vātena mahānauriva sāgare || 1.185 ||

"'मैं वेगपूर्वक खींचा जा रहा हूँ, मेरा पराक्रम कुंठित हो गया है, मानो प्रतिकूल वायु में महासागर में कोई बड़ी नाव हो।'"

श्लोक 186 (sundara.1.186)

तिर्यगूर्ध्वमधश्चैव वीक्षिमाणस्ततः कपिः । ददर्श स महत्सत्त्वमुत्थितं लवणाम्भसि ॥ 1.186 ॥

tiryagūrdhvamadhaścaiva vīkṣimāṇastataḥ kapiḥ | dadarśa sa mahatsattvamutthitaṃ lavaṇāmbhasi || 1.186 ||

तब हनुमान ने आड़ा, ऊपर और नीचे देखते हुए, लवण-सागर से उठे हुए एक विशाल प्राणी को देखा।

श्लोक 187 (sundara.1.187)

छाय्तद्धृष्ट्वा चिन्तयामास मारुतिर्विकृताननम् । कपिराजेन कथितं सत्त्वमद्भुतदर्शनम् ॥ 1.187 ॥

chāytaddhṛṣṭvā cintayāmāsa mārutirvikṛtānanam | kapirājena kathitaṃ sattvamadbhutadarśanam || 1.187 ||

उस विकृत मुख वाले प्राणी को देखकर, पवनपुत्र ने सोचा - यह अद्भुत रूप वाला, छाया पकड़ने वाला महाबली प्राणी निश्चय ही वही है जिसका वर्णन सुग्रीव ने किया था; इसमें कोई संशय नहीं।

श्लोक 188 (sundara.1.188)

आग्राहि महावीर्यं तदिदं नात्र संशयः । स तां बुद्ध्वार्थतत्त्वेन सिंहिकां मतिमान्कपिः । व्यवर्धत महाकायः प्रवृषीव वलाहकः ॥ 1.188 ॥

āgrāhi mahāvīryaṃ tadidaṃ nātra saṃśayaḥ | sa tāṃ buddhvārthatattvena siṃhikāṃ matimānkapiḥ | vyavardhata mahākāyaḥ pravṛṣīva valāhakaḥ || 1.188 ||

सिंहिका के रूप में उसे सही पहचानकर, वह बुद्धिमान वानर वर्षा-ऋतु के मेघ के समान विशालकाय होकर बढ़ने लगा।

श्लोक 189 (sundara.1.189)

तस्य सा कायमुद्वीक्ष्य वर्धमानं महाकपेः ॥ वक्त्रं प्रसारयामास पाताळान्तरसन्निभम् ॥ 1.189 ॥

tasya sā kāyamudvīkṣya vardhamānaṃ mahākapeḥ || vaktraṃ prasārayāmāsa pātāḷāntarasannibham || 1.189 ||

उस महाकपि के इस प्रकार बढ़ते हुए शरीर को देखकर, उसने अपना मुख पाताल के मध्य के समान विस्तृत कर लिया।

श्लोक 190 (sundara.1.190)

घनराजीव गर्जन्ती वानरं सम्भिद्रवत् ॥ 1.190 ॥

ghanarājīva garjantī vānaraṃ sambhidravat || 1.190 ||

सघन मेघों की भाँति गरजती हुई, वह वानर की ओर झपटी।

श्लोक 191 (sundara.1.191)

स ददर्श ततस्तस्या विवृतं सुमहन्मुखम् । कायमात्रं च मेधावी मर्माणि च महाकपिः ॥ 1.191 ॥

sa dadarśa tatastasyā vivṛtaṃ sumahanmukham | kāyamātraṃ ca medhāvī marmāṇi ca mahākapiḥ || 1.191 ||

तब उस बुद्धिमान महाकपि ने उसके खुले हुए विशाल मुख को, जो उनके अपने शरीर के बराबर था, और उसके भीतर के मर्मस्थलों को देखा।

श्लोक 192 (sundara.1.192)

स तस्या विवृते वक्त्रे वज्रसंहननः कपिः । संक्षिप्य मुहुरात्मानं निष्पपात महाबलः ॥ 1.192 ॥

sa tasyā vivṛte vaktre vajrasaṃhananaḥ kapiḥ | saṃkṣipya muhurātmānaṃ niṣpapāta mahābalaḥ || 1.192 ||

वज्र के समान दृढ़ शरीर वाला वह अत्यंत बलशाली वानर, अपने आप को शीघ्रता से संकुचित करके, उसके खुले मुख में जा गिरा।

श्लोक 193 (sundara.1.193)

आस्ये तस्या निमज्जन्तं ददृशुः सिद्धचारणाः । ग्रस्यमानं यथा चन्द्रं पूर्णं पर्वणि राहुणा ॥ 1.193 ॥

āsye tasyā nimajjantaṃ dadṛśuḥ siddhacāraṇāḥ | grasyamānaṃ yathā candraṃ pūrṇaṃ parvaṇi rāhuṇā || 1.193 ||

सिद्धों और चारणों ने उसे उसके मुख में इस प्रकार डूबते देखा, मानो पूर्णिमा की रात पूर्ण चंद्रमा राहु द्वारा ग्रसित हो रहा हो।

श्लोक 194 (sundara.1.194)

ततस्तस्या नखैस्तीक्णैर्मर्माण्युत्कृत्य वानरः । उत्पपाताथ वेगेन मनः संपातविक्रमः ॥ 1.194 ॥

tatastasyā nakhaistīkṇairmarmāṇyutkṛtya vānaraḥ | utpapātātha vegena manaḥ saṃpātavikramaḥ || 1.194 ||

तब उस वानर ने अपने तीक्ष्ण नखों से उसके मर्मस्थलों को चीरकर, मन के समान वेग से फिर से बाहर उछल पड़ा।

श्लोक 195 (sundara.1.195)

तां तु दृष्ट्वा च धऋत्या च दाक्षिण्येन निपात्य च । स कपिप्रवरो वेगाद्ववृधे पुनरात्मवान् ॥ 1.195 ॥

tāṃ tu dṛṣṭvā ca dhaṛtyā ca dākṣiṇyena nipātya ca | sa kapipravaro vegādvavṛdhe punarātmavān || 1.195 ||

उस बुद्धिमान वानरश्रेष्ठ ने उसे अपनी दृष्टि, धैर्य और कुशलता से गिराकर, वेगपूर्वक फिर से अपना पूर्ण आकार धारण किया।

श्लोक 196 (sundara.1.196)

हृतहृत्सा हनुमता पपात विधुराम्भसि । तां हतां वानरेणाशु पतितां वीक्ष्य सिंहिकाम् ॥ भूतान्याकाशचारीणी तमूचुः प्लवगोत्तमम् ॥ 1.196 ॥

hṛtahṛtsā hanumatā papāta vidhurāmbhasi | tāṃ hatāṃ vānareṇāśu patitāṃ vīkṣya siṃhikām || bhūtānyākāśacārīṇī tamūcuḥ plavagottamam || 1.196 ||

हनुमान द्वारा हृदय विदीर्ण किए जाने पर वह पीड़ित होकर जल में गिर पड़ी; और सिंहिका को इस प्रकार वानर द्वारा मारा गया देखकर, आकाशचारी प्राणियों ने उस वानरश्रेष्ठ से कहा -

श्लोक 197 (sundara.1.197)

भीममद्य कृतं कर्म महत्सत्त्वं त्वया हतम् ॥ साधयार्थमभिप्रेतमरिष्टं प्लवतां वर ॥ 1.197 ॥

bhīmamadya kṛtaṃ karma mahatsattvaṃ tvayā hatam || sādhayārthamabhipretamariṣṭaṃ plavatāṃ vara || 1.197 ||

"'आज तुमने भीषण कर्म किया है; तुमने एक महाप्राणी का वध किया है। अब हे वानरश्रेष्ठ, अपने अभीष्ट कार्य को निर्विघ्न सिद्ध करो।'"

श्लोक 198 (sundara.1.198)

यस्य त्वेतानि चत्वारि वानरेन्द्र यथा तव ॥ धृतिर्दृष्टिर्मतिर्दाक्ष्यं स कर्मसु न सीदति ॥ 1.198 ॥

yasya tvetāni catvāri vānarendra yathā tava || dhṛtirdṛṣṭirmatirdākṣyaṃ sa karmasu na sīdati || 1.198 ||

"'हे वानरेंद्र, जिसके पास ये चार गुण हों जैसे तुम्हारे पास हैं - धैर्य, दृष्टि, बुद्धि और कुशलता - वह किसी भी कार्य में असफल नहीं होता।'"

श्लोक 199 (sundara.1.199)

स तैः संभावितः पूज्यः प्रतिपन्नप्रयोजनः ॥ जगामाकाशमाविश्य पन्नगाशनवत्कपिः ॥ 1.199 ॥

sa taiḥ saṃbhāvitaḥ pūjyaḥ pratipannaprayojanaḥ || jagāmākāśamāviśya pannagāśanavatkapiḥ || 1.199 ||

उनके द्वारा इस प्रकार सम्मानित और पूजित होकर, अपने निश्चित लक्ष्य के साथ, वह वानर आकाश में प्रविष्ट होकर गरुड़ के समान आगे बढ़ चला।

श्लोक 200 (sundara.1.200)

प्राप्तभूयिष्ठपारस्तु सर्वतः प्रतिलोकयन् ॥ योजनानां शतस्यान्ते वनराजिं ददर्श सः ॥ 1.200 ॥

prāptabhūyiṣṭhapārastu sarvataḥ pratilokayan || yojanānāṃ śatasyānte vanarājiṃ dadarśa saḥ || 1.200 ||

लगभग पूरी दूरी पार कर चुकने पर, सब ओर देखते हुए, अपनी सौ योजन की यात्रा के अंत में, उन्होंने वृक्षों की एक पंक्ति देखी।

श्लोक 201 (sundara.1.201)

ददर्श च पतन्नेव विविधद्रुमभूषितम् ॥ द्वीपं शाखामृगश्रेष्ठो मलयोपवनानि च ॥ 1.201 ॥

dadarśa ca patanneva vividhadrumabhūṣitam || dvīpaṃ śākhāmṛgaśreṣṭho malayopavanāni ca || 1.201 ||

वह वानरश्रेष्ठ, उतरते ही, नाना प्रकार के वृक्षों से सुशोभित एक द्वीप और मलय प्रदेश के उपवनों को देखने लगा।

श्लोक 202 (sundara.1.202)

सागरं सागरानूपं सागरानूपजान् द्रुमान् ॥ 1.202 ॥

sāgaraṃ sāgarānūpaṃ sāgarānūpajān drumān || 1.202 ||

- सागर को, सागर-तटवर्ती भूमि को, और उस तटवर्ती भूमि में उगे वृक्षों को -

श्लोक 203 (sundara.1.203)

सागरस्य च पत्नीनां मुखान्यपि विलोकयन् । स महामेघसंकाशं समीक्ष्यात्मानमात्मवान् ॥ निरुन्धन्तमिवाकाशं चकार मतिमान् मतिम् ॥ 1.203 ॥

sāgarasya ca patnīnāṃ mukhānyapi vilokayan | sa mahāmeghasaṃkāśaṃ samīkṣyātmānamātmavān || nirundhantamivākāśaṃ cakāra matimān matim || 1.203 ||

- तथा सागर की पत्नियों (नदियों) के मुखों को भी निहारते हुए, उस संयत आत्मा ने स्वयं को एक विशाल मेघ के समान, मानो आकाश को रोकता हुआ, देखकर यह विचार किया -

श्लोक 204 (sundara.1.204)

कायवृद्धिं प्रवेगं च मम दृष्ट्वव राक्षसाः ॥ मयि कौतूहलं कुर्युरिति मेने महाकपिः ॥ 1.204 ॥

kāyavṛddhiṃ pravegaṃ ca mama dṛṣṭvava rākṣasāḥ || mayi kautūhalaṃ kuryuriti mene mahākapiḥ || 1.204 ||

"'मेरे इस बढ़े हुए शरीर और वेग को देखकर राक्षस अवश्य ही कुतूहलित हो उठेंगे' - ऐसा उस महाकपि ने सोचा।

श्लोक 205 (sundara.1.205)

ततः शरीरं संक्षिप्य तन्महीधरसन्निभम्॥ पुनः प्रकृतिमापेदे वीतमोह इवात्मवान् ॥ 1.205 ॥

tataḥ śarīraṃ saṃkṣipya tanmahīdharasannibham|| punaḥ prakṛtimāpede vītamoha ivātmavān || 1.205 ||

इसी कारण, अपने उस पर्वत-सम शरीर को समेटकर, वह पुनः अपने स्वाभाविक रूप में लौट आया, मानो कोई आत्मज्ञानी मोह से मुक्त हो गया हो।

श्लोक 206 (sundara.1.206)

तद्रूपमतिसंक्षिप्य हनुमान् प्रकृतौ स्थितः ॥ त्रीन् क्रमानिव विक्रम्य बलिवीर्यहरो हरिः ॥ 1.206 ॥

tadrūpamatisaṃkṣipya hanumān prakṛtau sthitaḥ || trīn kramāniva vikramya balivīryaharo hariḥ || 1.206 ||

उस रूप को अत्यंत संक्षिप्त करके, हनुमान अपने स्वाभाविक रूप में स्थित हो गए, मानो बलि के बल और पराक्रम को हरने वाले हरि (वामन) तीन डग भरकर खड़े हों।

श्लोक 207 (sundara.1.207)

स चारुनानाविधरूपधारी । परं समासाद्य समुद्रतीरम् । परैरशक्यः प्रतिपन्नरूपः । समीक्षितात्मा समवेक्षितार्थः ॥ 1.207 ॥

sa cārunānāvidharūpadhārī | paraṃ samāsādya samudratīram | parairaśakyaḥ pratipannarūpaḥ | samīkṣitātmā samavekṣitārthaḥ || 1.207 ||

नाना सुंदर रूप धारण करने में समर्थ, शत्रुओं के लिए अजेय, वह सागर के दूसरे तट पर पहुँचे, आत्म-सजग, अपने पुनः प्राप्त रूप में, अपने प्रयोजन को स्पष्ट रूप से मन में धारण किए हुए।

श्लोक 208 (sundara.1.208)

ततः स लम्बस्य गिरेः समृद्धे । विचित्रकूटे निपपात कूटे । सकेतकोद्दालकनाळिकेरे । महाभ्रकूटप्रतिमो महात्मा ॥ 1.208 ॥

tataḥ sa lambasya gireḥ samṛddhe | vicitrakūṭe nipapāta kūṭe | saketakoddālakanāḷikere | mahābhrakūṭapratimo mahātmā || 1.208 ||

तब वह महात्मा, विशाल मेघपुंज के समान, केतकी, उद्दालक और नारियल के वृक्षों से भरे, समृद्ध और विचित्र शिखरों वाले लंब पर्वत की चोटी पर उतरे।

श्लोक 209 (sundara.1.209)

ततस्तु संप्राप्य समुद्रतीरं । समीक्ष्य लङ्कां गिरिवर्यमूर्ध्नि । कपिस्तु तस्मिन्निपपात पर्वते । विधूय रूपं व्यथयन्म्ऱृगद्विजान् ॥ 1.209 ॥

tatastu saṃprāpya samudratīraṃ | samīkṣya laṅkāṃ girivaryamūrdhni | kapistu tasminnipapāta parvate | vidhūya rūpaṃ vyathayanmrṛgadvijān || 1.209 ||

तत्पश्चात् सागर-तट तक पहुँचकर, उस श्रेष्ठ पर्वत के शिखर पर स्थित लंका को देखकर, वह वानर अपने विशाल रूप को त्यागकर, पशु-पक्षियों को चौंकाते हुए, उस पर्वत पर उतरे।

श्लोक 210 (sundara.1.210)

स सागरं दानवपन्नगायुतं । बलेन विक्रम्य महोर्मिमालिनम् । निपत्य तीरे च महोदधेस्तदा । ददर्श लङ्काममरावतीमिव ॥ 1.210 ॥

sa sāgaraṃ dānavapannagāyutaṃ | balena vikramya mahormimālinam | nipatya tīre ca mahodadhestadā | dadarśa laṅkāmamarāvatīmiva || 1.210 ||

इस प्रकार दानवों और नागों से व्याप्त, विशाल लहरों की माला वाले उस महासागर को अपने बल से पार करके, और उस महासागर के तट पर उतरकर, उन्होंने तब अमरावती के समान उस लंका को देखा।