हनुमान का लंका-दर्शन

श्लोक 1 (sundara.2.1)

स सागरमनाधृष्यमतिक्रम्य महाबलः । त्रिकूटशिखरे लङ्कां स्थितां स्वस्थो ददर्श ह ॥ 2.1 ॥

sa sāgaramanādhṛṣyamatikramya mahābalaḥ | trikūṭaśikhare laṅkāṃ sthitāṃ svastho dadarśa ha || 2.1 ||

उस महाबली हनुमान ने उस दुर्जय सागर को पार करके, स्वस्थ होकर, त्रिकूट पर्वत के शिखर पर स्थित लंका को देखा।

श्लोक 2 (sundara.2.2)

ततः पादपमुक्तेन पुष्पवर्षेण वीर्यवान् । अभिवृष्टः स्थितस्तत्र बभौ पुष्पमयो यथा ॥ 2.2 ॥

tataḥ pādapamuktena puṣpavarṣeṇa vīryavān | abhivṛṣṭaḥ sthitastatra babhau puṣpamayo yathā || 2.2 ||

तत्पश्चात् वृक्षों से झरते पुष्पों की वर्षा से नहाया हुआ वह पराक्रमी वहाँ खड़ा होकर मानो पुष्पमय शरीर वाला-सा शोभित हुआ।

श्लोक 3 (sundara.2.3)

योजनानां शतं श्रीमांस्तीर्त्वाप्युत्तमविक्रमः । अनिःस्वसन् कपिस्तत्र न ग्लानिमधिगच्छति ॥ 2.3 ॥

yojanānāṃ śataṃ śrīmāṃstīrtvāpyuttamavikramaḥ | aniḥsvasan kapistatra na glānimadhigacchati || 2.3 ||

वह श्रीमान, उत्तम पराक्रम वाला वानर, सौ योजन पार करने पर भी वहाँ बिना श्वास लिए रहा, उसे तनिक भी थकान नहीं हुई।

श्लोक 4 (sundara.2.4)

शतान्यहं योजनानां क्रमेयं सुबहुन्यपि । किं पुनः सागरस्यान्तं संख्यातं शतयोजनम् ॥ 2.4 ॥

śatānyahaṃ yojanānāṃ krameyaṃ subahunyapi | kiṃ punaḥ sāgarasyāntaṃ saṃkhyātaṃ śatayojanam || 2.4 ||

"मैं तो कई सौ योजन और भी पार कर सकता हूँ - फिर इस सागर के, जो केवल सौ योजन बताया गया है, अंत की तो बात ही क्या!"

श्लोक 5 (sundara.2.5)

स तु वीर्यवतां श्रेष्ठः प्लवतामपि चोत्तमः । जगाम वेगवान् लङ्कां लङ्घयित्वा महोदधिम् ॥ 2.5 ॥

sa tu vīryavatāṃ śreṣṭhaḥ plavatāmapi cottamaḥ | jagāma vegavān laṅkāṃ laṅghayitvā mahodadhim || 2.5 ||

वह पराक्रमियों में श्रेष्ठ और उड़ने वालों में भी सर्वोत्तम, महासागर को लांघकर वेगपूर्वक लंका की ओर चला।

श्लोक 6 (sundara.2.6)

शाद्वलानि च नीलानि गन्धवन्ति वनानि च । गण्डवन्ति च मध्येन जगाम नगवन्ति च ॥ 2.6 ॥

śādvalāni ca nīlāni gandhavanti vanāni ca | gaṇḍavanti ca madhyena jagāma nagavanti ca || 2.6 ||

वह गहरे हरे रंग की सुगंधित घास वाले मैदानों और वनों के बीच से, तथा विशाल शिलाओं और पर्वतों से युक्त प्रदेशों से होकर गुजरा।

श्लोक 7 (sundara.2.7)

शैलांश्च तरुसंचन्नान् वनराजीश्च पुष्पिताः । अभिचक्राम तेजस्वी हनुमान् प्लवगर्षभः ॥ 2.7 ॥

śailāṃśca tarusaṃcannān vanarājīśca puṣpitāḥ | abhicakrāma tejasvī hanumān plavagarṣabhaḥ || 2.7 ||

वह तेजस्वी वानरश्रेष्ठ हनुमान वृक्षों से आच्छादित पर्वतों के ऊपर से और पुष्पित वन-पंक्तियों के ऊपर से गुजरा।

श्लोक 8 (sundara.2.8)

स तस्मिन्नचले तिष्ठन्वनान्युपवनानि च । स नगाग्रे च तां लङ्कां ददर्श पवनात्मजः ॥ 2.8 ॥

sa tasminnacale tiṣṭhanvanānyupavanāni ca | sa nagāgre ca tāṃ laṅkāṃ dadarśa pavanātmajaḥ || 2.8 ||

उस पर्वत पर खड़े होकर, उस पवनपुत्र ने वनों और उपवनों को, और पर्वत-शिखर पर स्थित उस लंका नगरी को देखा।

श्लोक 9 (sundara.2.9)

सरळान् कर्णिकारांश्च खर्जूरांश्च सुपुष्पितान् । प्रियाळान्मुचुळिन्दांश्च कुटजान् केतकानपि ॥ 2.9 ॥

saraḷān karṇikārāṃśca kharjūrāṃśca supuṣpitān | priyāḷānmucuḷindāṃśca kuṭajān ketakānapi || 2.9 ||

उसने साल और कर्णिकार वृक्षों को, पूर्ण खिले हुए खर्जूर वृक्षों को, प्रियाल और मुचुलिंद वृक्षों को, कुटज और केतकी के फूलों को देखा,

श्लोक 10 (sundara.2.10)

प्रियङ्गून् गन्धपूर्णांश्च नीपान् सप्तच्छदांस्तथा । असनान् कोविदारांश्च करवीरांश्च पुष्पितान् ॥ 2.10 ॥

priyaṅgūn gandhapūrṇāṃśca nīpān saptacchadāṃstathā | asanān kovidārāṃśca karavīrāṃśca puṣpitān || 2.10 ||

प्रियंगु वृक्षों को, तथा सुगंध से भरे हुए नीप (कदंब) वृक्षों को, और सप्तपर्णी वृक्षों को भी, असन, कोविदार और खिले हुए करवीर वृक्षों को -

श्लोक 11 (sundara.2.11)

पुष्पभारनिबद्धांश्च तथा मुकुळितानपि । पादपान् विहगाकीर्णान् पवनाधूतमस्तकान् ॥ 2.11 ॥

puṣpabhāranibaddhāṃśca tathā mukuḷitānapi | pādapān vihagākīrṇān pavanādhūtamastakān || 2.11 ||

- फूलों के भार से लदे वृक्षों को, कुछ को कलियों से भरा हुआ, पक्षियों से आकुल, हवा में झूमती चोटियों वाले वृक्षों को,

श्लोक 12 (sundara.2.12)

हंसकारण्डवाकीर्णान्वापीः पद्मोत्मलायुताः । आक्रीडान् विविधान् रम्यान्विविधांश्च जलाशयान् ॥ 2.12 ॥

haṃsakāraṇḍavākīrṇānvāpīḥ padmotmalāyutāḥ | ākrīḍān vividhān ramyānvividhāṃśca jalāśayān || 2.12 ||

- कमलों और कुमुदों से भरी बावड़ियों को, नाना प्रकार के रमणीय क्रीड़ा-वनों को, तथा हंसों और कारंडवों से आकुल विविध जलाशयों को,

श्लोक 13 (sundara.2.13)

संततान् विविधैर्वऋकैः सर्वर्तुफलपुष्पितैः । उद्यानानि च रम्याणि ददर्श कपिकुञ्जरः ॥ 2.13 ॥

saṃtatān vividhairvaṛkaiḥ sarvartuphalapuṣpitaiḥ | udyānāni ca ramyāṇi dadarśa kapikuñjaraḥ || 2.13 ||

और सभी ऋतुओं में फल-फूल देने वाले नाना वृक्षों से भरे सुंदर उद्यानों को - यह सब उस गजराज-सम वानर ने देखा।

श्लोक 14 (sundara.2.14)

समासाद्य च लक्ष्मीवन् लङ्कां रावणपालिताम् । परिखाभिः सपद्माभिः सोत्पलाभिरलंकृताम् ॥ 2.14 ॥

samāsādya ca lakṣmīvan laṅkāṃ rāvaṇapālitām | parikhābhiḥ sapadmābhiḥ sotpalābhiralaṃkṛtām || 2.14 ||

तब वह श्रीमान रावण द्वारा शासित उस लंका के निकट पहुँचा, जो कमलों और कुमुदों से भरी खाइयों से सुशोभित थी,

श्लोक 15 (sundara.2.15)

सीतापहरणार्थेन रावणेन सुरक्षिताम् । समन्ताद्विचरद्भिश्च राक्षसैरुग्रधन्विभिः ॥ 2.15 ॥

sītāpaharaṇārthena rāvaṇena surakṣitām | samantādvicaradbhiśca rākṣasairugradhanvibhiḥ || 2.15 ||

- सीता-हरण के समय से ही रावण द्वारा, तथा सब ओर विचरण करने वाले उग्र धनुर्धारी राक्षसों द्वारा भलीभाँति रक्षित,

श्लोक 16 (sundara.2.16)

काञ्चनेनावृतां रम्यां प्राकारेण महापुरीम् । गृहैश्च ग्रहसंकाशैः शारदाम्बुदसन्निभैः ॥ 2.16 ॥

kāñcanenāvṛtāṃ ramyāṃ prākāreṇa mahāpurīm | gṛhaiśca grahasaṃkāśaiḥ śāradāmbudasannibhaiḥ || 2.16 ||

- स्वर्णिम प्राकार से घिरी हुई, वह सुंदर महानगरी, पर्वतों के समान और शरद-मेघों के सदृश भवनों से भरी हुई,

श्लोक 17 (sundara.2.17)

पाण्डुराभिः प्रतोळीभिरुच्चाभिरभिसंवृताम् । अट्टालकशताकीर्णां पताकाध्वजमालिनीम् ॥ 2.17 ॥

pāṇḍurābhiḥ pratoḷībhiruccābhirabhisaṃvṛtām | aṭṭālakaśatākīrṇāṃ patākādhvajamālinīm || 2.17 ||

- चौड़ी, ऊँची, श्वेत रंग से पुती हुई सड़कों से घिरी हुई, सैकड़ों अट्टालिकाओं से भरी, पताकाओं और ध्वजों की माला से सुशोभित,

श्लोक 18 (sundara.2.18)

तोरणैः काञ्चनैर्दिव्यैर्लतापङ्किविचित्रितैः । ददर्श हनुमान् लङ्कां दिवि देवपुरीं यथा ॥ 2.18 ॥

toraṇaiḥ kāñcanairdivyairlatāpaṅkivicitritaiḥ | dadarśa hanumān laṅkāṃ divi devapurīṃ yathā || 2.18 ||

- दिव्य स्वर्णिम तोरणों वाली, लताओं की पंक्तियों से चित्रित - हनुमान ने उस लंका को मानो स्वर्ग में स्थित देवनगरी के समान देखा।

श्लोक 19 (sundara.2.19)

गिरिमूर्ध्नि स्थितां लङ्कां पाण्डुरैर्भवनैः शुभैः । ददर्श स कपिश्रेष्ठः पुरमाकाशगं यथा ॥ 2.19 ॥

girimūrdhni sthitāṃ laṅkāṃ pāṇḍurairbhavanaiḥ śubhaiḥ | dadarśa sa kapiśreṣṭhaḥ puramākāśagaṃ yathā || 2.19 ||

उस वानरश्रेष्ठ ने पर्वत-शिखर पर स्थित, सुंदर श्वेत भवनों वाली लंका को मानो आकाश में स्थित नगरी के समान देखा।

श्लोक 20 (sundara.2.20)

पालितां राक्षसेन्द्रेण निर्मितां विश्वकर्मणा । प्लवमानामिवाकाशे ददर्श हनुमान् पुरीम् ॥ 2.20 ॥

pālitāṃ rākṣasendreṇa nirmitāṃ viśvakarmaṇā | plavamānāmivākāśe dadarśa hanumān purīm || 2.20 ||

हनुमान ने राक्षसराज द्वारा शासित, विश्वकर्मा द्वारा निर्मित उस नगरी को मानो आकाश में तैरता हुआ देखा।

श्लोक 21 (sundara.2.21)

पप्रप्राकारजघनां विपुलाम्बुनवाम्बराम् । शतघ्नीशूलकेशान्तामट्टालकवतंसकाम् ॥ 2.21 ॥

papraprākārajaghanāṃ vipulāmbunavāmbarām | śataghnīśūlakeśāntāmaṭṭālakavataṃsakām || 2.21 ||

- जिसके प्राकार और परकोटे मानो कटि और नितंब हों, विशाल स्वच्छ जल मानो नया वस्त्र हो, शतघ्नी और शूल मानो केशान्त हों, अट्टालिकाएँ मानो कर्णभूषण हों,

श्लोक 22 (sundara.2.22)

मन्सेव कृतां लङ्कां निर्मितां विश्वकर्मणा । द्वारमुत्तरमासाद्य चिन्तयामास वानरः ॥ 2.22 ॥

manseva kṛtāṃ laṅkāṃ nirmitāṃ viśvakarmaṇā | dvāramuttaramāsādya cintayāmāsa vānaraḥ || 2.22 ||

- मानो निर्माता विश्वकर्मा के मन से ही रची गई हो, ऐसी उस लंका को देखकर; और उत्तर द्वार तक पहुँचकर वह वानर सोचने लगा -

श्लोक 23 (sundara.2.23)

कैलासशिखरप्रख्यामालिख्स्न्तीमिवाम्बरम् । डीयमानामिवाकाशमुच्छ्रितैर्भवनोत्तमैः ॥ 2.23 ॥

kailāsaśikharaprakhyāmālikhsntīmivāmbaram | ḍīyamānāmivākāśamucchritairbhavanottamaiḥ || 2.23 ||

- वह लंका कैलास शिखर के समान थी, आकाश को स्पर्श करती हुई-सी, अपने ऊँचे श्रेष्ठ भवनों के साथ मानो आकाश में उड़ने को उद्यत,

श्लोक 24 (sundara.2.24)

संपूर्णां राक्षसैर्घोरैर्नागैर्भोगवतीमिव । अचिन्त्यां सुकृतां स्पष्टां कुबेराध्युषितां पुरा ॥ 2.24 ॥

saṃpūrṇāṃ rākṣasairghorairnāgairbhogavatīmiva | acintyāṃ sukṛtāṃ spaṣṭāṃ kuberādhyuṣitāṃ purā || 2.24 ||

- भयंकर राक्षसों और नागों से भरी हुई, मानो भोगवती नगरी हो; अचिंत्य, सुव्यवस्थित, स्पष्ट, जो पूर्वकाल में कुबेर के द्वारा बसाई गई थी,

श्लोक 25 (sundara.2.25)

दंष्ट्रिभिर्बहुभिः शूरैः शूलपट्टिसपाणिभिः । रक्षितां राक्षसैर्घोरैर्गुहामाशीविषैरिव ॥ 2.25 ॥

daṃṣṭribhirbahubhiḥ śūraiḥ śūlapaṭṭisapāṇibhiḥ | rakṣitāṃ rākṣasairghorairguhāmāśīviṣairiva || 2.25 ||

- अनेक शूरवीर, दाढ़ों वाले राक्षसों द्वारा, हाथों में शूल और पट्टिश लिए, रक्षित - मानो विषधर सर्पों से भरी गुफा हो,

श्लोक 26 (sundara.2.26)

तस्याश्च महतीं गुप्तिं सागरं च निरीक्ष्य सः । रावणं च रिपुं घोरं चिन्तयामास वानरः ॥ 2.26 ॥

tasyāśca mahatīṃ guptiṃ sāgaraṃ ca nirīkṣya saḥ | rāvaṇaṃ ca ripuṃ ghoraṃ cintayāmāsa vānaraḥ || 2.26 ||

- उसकी उस विशाल सुरक्षा को, सागर को, और भयंकर शत्रु रावण को देखकर, वह वानर इस प्रकार सोचने लगा -

श्लोक 27 (sundara.2.27)

आगत्यापीह हरयो भविष्यन्ति निररथकाः । न हि युद्धेन व लङ्का शक्या जेतुं सुरैरपि ॥ 2.27 ॥

āgatyāpīha harayo bhaviṣyanti nirarathakāḥ | na hi yuddhena va laṅkā śakyā jetuṃ surairapi || 2.27 ||

"यहाँ आकर भी वानर कुछ नहीं कर पाएंगे; युद्ध में देवता भी लंका को जीत नहीं सकते।"

श्लोक 28 (sundara.2.28)

इमां तु विषमां दुर्गां लङ्कां रावणपालिताम् । प्राप्यापि स महाबाहुः किम् करिष्यति राघवः ॥ 2.28 ॥

imāṃ tu viṣamāṃ durgāṃ laṅkāṃ rāvaṇapālitām | prāpyāpi sa mahābāhuḥ kim kariṣyati rāghavaḥ || 2.28 ||

"इस दुर्गम और अभेद्य, रावण-शासित लंका तक पहुँचकर भी वह महाबाहु राघव क्या कर सकेंगे?"

श्लोक 29 (sundara.2.29)

अवकाशो न सान्त्वस्य रक्षसेष्वभिगम्यते । न दानस्य न भेदस्य नैव युद्धस्य दृश्यते ॥ 2.29 ॥

avakāśo na sāntvasya rakṣaseṣvabhigamyate | na dānasya na bhedasya naiva yuddhasya dṛśyate || 2.29 ||

"राक्षसों के मामले में सामनीति, दान, भेदनीति अथवा युद्धनीति -- किसी का भी अवसर दिखाई नहीं देता।"

श्लोक 30 (sundara.2.30)

चतुर्णामेव हि गतिर्वानराणां महात्मनाम् । वालिपुत्रस्य नीलस्य मम राज्ञश्च धीमतः ॥ 2.30 ॥

caturṇāmeva hi gatirvānarāṇāṃ mahātmanām | vāliputrasya nīlasya mama rājñaśca dhīmataḥ || 2.30 ||

"केवल चार महान वानर ही यहाँ पहुँचने में समर्थ हैं - वालिपुत्र अंगद, नील, मैं स्वयं, और बुद्धिमान राजा सुग्रीव।"

श्लोक 31 (sundara.2.31)

यावज्जानामि वैदेहीं यदि जीवति वा न वा । तत्रैव चिन्तयिष्यामि दृष्ट्वा तां जनकात्मजाम् ॥ 2.31 ॥

yāvajjānāmi vaidehīṃ yadi jīvati vā na vā | tatraiva cintayiṣyāmi dṛṣṭvā tāṃ janakātmajām || 2.31 ||

"वैदेही जीवित हैं या नहीं, यह मैं तभी जान सकूँगा जब उस जनकनंदिनी को देख लूँगा; तभी आगे का विचार करूँगा।"

श्लोक 32 (sundara.2.32)

ततः स चिन्तयामास मुहूर्तं कपिकुञ्जरः । गिरिशृङ्गे स्थितस्तस्मिन् रामस्याभ्युदये रतः ॥ 2.32 ॥

tataḥ sa cintayāmāsa muhūrtaṃ kapikuñjaraḥ | giriśṛṅge sthitastasmin rāmasyābhyudaye rataḥ || 2.32 ||

तब वह गजराज-सम वानर, उस पर्वत-शिखर पर खड़ा होकर, राम के कल्याण में तत्पर, कुछ क्षण सोचने लगा।

श्लोक 33 (sundara.2.33)

अनेन रूपेण मया न शक्या रक्षसां पुरी । प्रवेष्टुं राक्षसैर्गुप्ता क्रूरैर्बलसमन्वितैः ॥ 2.33 ॥

anena rūpeṇa mayā na śakyā rakṣasāṃ purī | praveṣṭuṃ rākṣasairguptā krūrairbalasamanvitaiḥ || 2.33 ||

"इस अपने रूप में मैं इस राक्षस-नगरी में प्रवेश नहीं कर सकता, जो क्रूर और बलशाली राक्षसों द्वारा रक्षित है।"

श्लोक 34 (sundara.2.34)

उग्रौजसो महावीर्या बलवन्तश्च राक्षसाः । वञ्चनीया मया सर्वे जानकीं परिमार्गता ॥ 2.34 ॥

ugraujaso mahāvīryā balavantaśca rākṣasāḥ | vañcanīyā mayā sarve jānakīṃ parimārgatā || 2.34 ||

"उग्र तेज, महापराक्रम और बल वाले इन सभी राक्षसों को, जानकी की खोज करते हुए, मुझे छलना होगा।"

श्लोक 35 (sundara.2.35)

लक्ष्यालक्ष्येण रूपेण रात्रौ लङ्का पुरी मया । प्रवेष्टुं प्राप्तकालं मे कृत्यं साधयितुं महत् ॥ 2.35 ॥

lakṣyālakṣyeṇa rūpeṇa rātrau laṅkā purī mayā | praveṣṭuṃ prāptakālaṃ me kṛtyaṃ sādhayituṃ mahat || 2.35 ||

"रात्रि में, दिखते हुए भी न दिखने जैसे रूप में, इस लंका नगरी में प्रवेश करना ही इस महान कार्य को सिद्ध करने का उचित समय है।"

श्लोक 36 (sundara.2.36)

तां पुरीं तादृशीं दृष्ट्वा दुराधर्शां सुरासुरैः । हनुमान् चिन्तयामास विनिश्चित्य मुहुर्मुहुः ॥ 2.36 ॥

tāṃ purīṃ tādṛśīṃ dṛṣṭvā durādharśāṃ surāsuraiḥ | hanumān cintayāmāsa viniścitya muhurmuhuḥ || 2.36 ||

देवों और असुरों के लिए भी दुर्धर्ष उस नगरी को इस प्रकार देखकर, हनुमान बार-बार विचार करके निश्चय करने लगे।

श्लोक 37 (sundara.2.37)

केनोपायेन पशेयं मैथिलीं जनकात्मजाम् । अदृष्टो राक्षसेन्द्रेण रावणेन दुरात्मना ॥ 2.37 ॥

kenopāyena paśeyaṃ maithilīṃ janakātmajām | adṛṣṭo rākṣasendreṇa rāvaṇena durātmanā || 2.37 ||

"उस दुरात्मा राक्षसराज रावण के द्वारा देखे बिना, किस उपाय से मैं जनकपुत्री मैथिली को देख सकूँगा?"

श्लोक 38 (sundara.2.38)

न विनश्येत्कथं कार्यं रामस्य विदितात्मनः । एकामेकश्च पश्येयं रहिते जनकात्मजाम् ॥ 2.38 ॥

na vinaśyetkathaṃ kāryaṃ rāmasya viditātmanaḥ | ekāmekaśca paśyeyaṃ rahite janakātmajām || 2.38 ||

"विदितात्मा राम का कार्य किस प्रकार नष्ट न हो? मैं अकेला उस जनकपुत्री को एकांत में कैसे देख सकूँगा?"

श्लोक 39 (sundara.2.39)

भूताश्चार्था विपद्यन्ते देशकालविरोधिताः । विक्लबं दूतमासाद्य तमः सूर्योदये यथा ॥ 2.39 ॥

bhūtāścārthā vipadyante deśakālavirodhitāḥ | viklabaṃ dūtamāsādya tamaḥ sūryodaye yathā || 2.39 ||

"स्थान और काल के प्रतिकूल होने पर, भयभीत मन वाले दूत को पाकर, सिद्ध होने को तैयार कार्य भी नष्ट हो जाते हैं, जैसे सूर्योदय होते ही अंधकार नष्ट हो जाता है।"

श्लोक 40 (sundara.2.40)

अर्थानर्थान्तरे बुद्धिर्निश्चितापि न शोभते । घातयन्ति हि कार्याणि दूताः पण्डितमानिनः ॥ 2.40 ॥

arthānarthāntare buddhirniścitāpi na śobhate | ghātayanti hi kāryāṇi dūtāḥ paṇḍitamāninaḥ || 2.40 ||

"लाभ और हानि के बीच डाँवाडोल होने पर निश्चित बुद्धि भी शोभा नहीं पाती; अपनी चतुराई पर गर्व करने वाले दूत भी कार्यों को नष्ट कर देते हैं।"

श्लोक 41 (sundara.2.41)

न विनश्येत्कथं कार्यं वैक्लब्यम् न कथं भवेत् । लङ्घनं च समुद्रस्य कथं नु न वृथा भवेत् ॥ 2.41 ॥

na vinaśyetkathaṃ kāryaṃ vaiklabyam na kathaṃ bhavet | laṅghanaṃ ca samudrasya kathaṃ nu na vṛthā bhavet || 2.41 ||

"यह कार्य कैसे विफल न हो? मेरा मन कैसे विचलित न हो? और यह सागर-लंघन कैसे व्यर्थ न जाए?"

श्लोक 42 (sundara.2.42)

मयि दृष्टे तु रक्षोभी रामस्य विदितात्मनः । भवेद्व्यर्थमिदं कार्यं रावणानर्थमिच्छतः ॥ 2.42 ॥

mayi dṛṣṭe tu rakṣobhī rāmasya viditātmanaḥ | bhavedvyarthamidaṃ kāryaṃ rāvaṇānarthamicchataḥ || 2.42 ||

"यदि राक्षसों द्वारा मैं देख लिया गया, तो रावण के विनाश की इच्छा रखने वाले विदितात्मा राम का यह कार्य व्यर्थ हो जाएगा।"

श्लोक 43 (sundara.2.43)

न हि शक्यं क्वचित् स्थातुमविज्ञातेन राक्षसैः । अपि राक्षसरूपेण किमुतान्येन केनचित् ॥ 2.43 ॥

na hi śakyaṃ kvacit sthātumavijñātena rākṣasaiḥ | api rākṣasarūpeṇa kimutānyena kenacit || 2.43 ||

"राक्षस-रूप में भी राक्षसों से अपरिचित रहकर कहीं ठहरना संभव नहीं है, फिर किसी अन्य रूप में तो कहना ही क्या?"

श्लोक 44 (sundara.2.44)

वायुरप्यत्र नाज्ञातश्चरेदिति मतिर्मम । न ह्यस्त्यविदितं किंचिद्राक्षसानां बलीयसाम् ॥ 2.44 ॥

vāyurapyatra nājñātaścarediti matirmama | na hyastyaviditaṃ kiṃcidrākṣasānāṃ balīyasām || 2.44 ||

"मेरा तो यह विचार है कि यहाँ वायु भी बिना जाने नहीं चल सकती; इन बलशाली राक्षसों से कुछ भी अज्ञात नहीं है।"

श्लोक 45 (sundara.2.45)

इहाहं यदि तिष्ठामि स्वेन रूपेण संवृतः । विनाशमुपयास्यामि भर्तुरर्थश्च हीयते ॥ 2.45 ॥

ihāhaṃ yadi tiṣṭhāmi svena rūpeṇa saṃvṛtaḥ | vināśamupayāsyāmi bharturarthaśca hīyate || 2.45 ||

"यदि मैं यहाँ अपने वास्तविक रूप में रहूँ, तो मेरा विनाश हो जाएगा, और स्वामी का प्रयोजन भी नष्ट हो जाएगा।"

श्लोक 46 (sundara.2.46)

तदहं स्वेन रूपेण रजन्यां ह्रस्वतां गतः । लङ्कामभिपतिष्यामि राघवस्यार्थसिद्धये ॥ 2.46 ॥

tadahaṃ svena rūpeṇa rajanyāṃ hrasvatāṃ gataḥ | laṅkāmabhipatiṣyāmi rāghavasyārthasiddhaye || 2.46 ||

"अतः अपने ही वास्तविक रूप में, किंतु लघु आकार धारण करके, राघव के प्रयोजन की सिद्धि के लिए मैं रात्रि में लंका में उतरूँगा।"

श्लोक 47 (sundara.2.47)

रावणस्य पुरीं रात्रौ प्रविश्य सुदुरासदाम् । विचिन्वन् भवनं स्र्वं द्रक्ष्यामि जनकात्मजाम् ॥ 2.47 ॥

rāvaṇasya purīṃ rātrau praviśya sudurāsadām | vicinvan bhavanaṃ srvaṃ drakṣyāmi janakātmajām || 2.47 ||

"रात्रि में रावण की उस अत्यंत दुरारोह नगरी में प्रवेश करके, समस्त भवनों को खोजते हुए, मैं जनकपुत्री को देख लूँगा।"

श्लोक 48 (sundara.2.48)

इति संचिन्त्य हनुमान् सूर्यस्यास्तमयं कपिः । आचकांक्षे ततो वीरो वैदेह्या द्रशनोतुसकः ॥ 2.48 ॥

iti saṃcintya hanumān sūryasyāstamayaṃ kapiḥ | ācakāṃkṣe tato vīro vaidehyā draśanotusakaḥ || 2.48 ||

इस प्रकार विचार करके, वह पराक्रमी वानर हनुमान, वैदेही के दर्शन के लिए उत्सुक, सूर्यास्त की प्रतीक्षा करने लगे।

श्लोक 49 (sundara.2.49)

सूर्ये चास्तं गते रात्रौ देहं संक्षिप्य मारुतिः । वृषदंशकमात्रः सन् बभूवाद्भुतदर्शनः ॥ 2.49 ॥

sūrye cāstaṃ gate rātrau dehaṃ saṃkṣipya mārutiḥ | vṛṣadaṃśakamātraḥ san babhūvādbhutadarśanaḥ || 2.49 ||

और सूर्य के अस्त होते ही, रात्रि में, मारुति ने अपने शरीर को समेटकर बिल्ली के आकार जितना कर लिया, और वे एक अद्भुत दृश्य बन गए।

श्लोक 50 (sundara.2.50)

प्रदोषकाले हनुमांस्तूर्णमुत्प्लुत्य वीर्यवान् । प्रविवेश पुरीं रम्यां सुविभक्तमहापथाम् ॥ 2.50 ॥

pradoṣakāle hanumāṃstūrṇamutplutya vīryavān | praviveśa purīṃ ramyāṃ suvibhaktamahāpathām || 2.50 ||

तब प्रदोष काल में, वह पराक्रमी हनुमान शीघ्रता से उछलकर उस रमणीय, सुव्यवस्थित राजमार्गों वाली नगरी में प्रविष्ट हुए।

श्लोक 51 (sundara.2.51)

प्रासादमालाविततां स्तम्भैः काञ्चनराजतैः । शातकुम्भमयैर्जालैर्गन्धर्वनगरोपमाम् ॥ 2.51 ॥

prāsādamālāvitatāṃ stambhaiḥ kāñcanarājataiḥ | śātakumbhamayairjālairgandharvanagaropamām || 2.51 ||

उन्होंने उस नगरी को देखा, जो अट्टालिकाओं की पंक्तियों से भरी थी, स्वर्ण और रजत के स्तंभों वाली, तपाए स्वर्ण की जालियों वाली - मानो गंधर्वनगरी हो,

श्लोक 52 (sundara.2.52)

सप्तभौमाष्टभौमैश्च स ददर्श महापुरीम् । तलैः स्फतिकसंकीर्णैः कार्तस्वरविभूषितैः ॥ 2.52 ॥

saptabhaumāṣṭabhaumaiśca sa dadarśa mahāpurīm | talaiḥ sphatikasaṃkīrṇaiḥ kārtasvaravibhūṣitaiḥ || 2.52 ||

- वह महानगरी, सात और आठ मंजिलों वाले भवनों से युक्त, जिनके ऊपरी तल स्फटिक से जड़े और स्वर्ण से सुशोभित थे।

श्लोक 53 (sundara.2.53)

वैडूर्यमणिचित्रैश्च मुक्ताजालविभूषितैः । तलैः शुशुभिरे तानि भवनान्यत्र रक्षसाम् ॥ 2.53 ॥

vaiḍūryamaṇicitraiśca muktājālavibhūṣitaiḥ | talaiḥ śuśubhire tāni bhavanānyatra rakṣasām || 2.53 ||

वहाँ उस नगरी में राक्षसों के भवन, वैदूर्यमणि और पन्नों से चित्रित तथा मोतियों के जालों से सुशोभित तलों के साथ शोभा पा रहे थे।

श्लोक 54 (sundara.2.54)

काञ्चनानि च चित्राणि तोरणानि च रक्षसाम् । लङ्कामुद्द्योतयामासुः सर्वतः समलंकृताम् ॥ 2.54 ॥

kāñcanāni ca citrāṇi toraṇāni ca rakṣasām | laṅkāmuddyotayāmāsuḥ sarvataḥ samalaṃkṛtām || 2.54 ||

राक्षसों के नाना विचित्र वर्णों वाले स्वर्णिम तोरण सर्वत्र सुसज्जित उस लंका को प्रकाशित कर रहे थे।

श्लोक 55 (sundara.2.55)

अचिन्त्यामद्भुताकारां दृष्ट्वा लङ्कां महाकपिः । आसीद्विष्ण्डो हृष्टश्च वैदेह्या दर्शनोत्सुकः ॥ 2.55 ॥

acintyāmadbhutākārāṃ dṛṣṭvā laṅkāṃ mahākapiḥ | āsīdviṣṇḍo hṛṣṭaśca vaidehyā darśanotsukaḥ || 2.55 ||

उस अकल्पनीय, अद्भुत आकार वाली लंका को देखकर, वह महाकपि एक साथ उदास भी हो गया और वैदेही के दर्शन की उत्सुकता में हर्षित भी।

श्लोक 56 (sundara.2.56)

स पाण्डुराविद्धविमानमालिनीं । महार्हजाम्बूनदजालतोरणाम् । यशस्विनीं रावणबाहुपालितां । क्षपाचरैर्भिमबलैः समावृताम् ॥ 2.56 ॥

sa pāṇḍurāviddhavimānamālinīṃ | mahārhajāmbūnadajālatoraṇām | yaśasvinīṃ rāvaṇabāhupālitāṃ | kṣapācarairbhimabalaiḥ samāvṛtām || 2.56 ||

उसने उस यशस्विनी नगरी को देखा, जो श्वेत, सटी हुई अट्टालिकाओं की पंक्तियों से सुशोभित थी, बहुमूल्य जांबूनद स्वर्ण के तोरणों वाली, भयंकर बलशाली निशाचरों से घिरी, रावण की भुजा द्वारा रक्षित थी।

श्लोक 57 (sundara.2.57)

चन्द्रोऽपि साचिव्यमिवास्य कुर्वं । स्तारागणैर्मध्यगतो विराजन् । ज्योत्स्नावितानेन वितत्य लोक । मुत्तिष्ठते नैकसहस्ररश्मिः ॥ 2.57 ॥

candro'pi sācivyamivāsya kurvaṃ | stārāgaṇairmadhyagato virājan | jyotsnāvitānena vitatya loka | muttiṣṭhate naikasahasraraśmiḥ || 2.57 ||

और मानो उसकी सहायता करते हुए, चंद्रमा भी अपनी हजारों किरणों के साथ, तारागणों के मध्य शोभित होते हुए, समस्त पृथ्वी पर चाँदनी का आवरण फैलाते हुए उदित हुआ।

श्लोक 58 (sundara.2.58)

शङ्खप्रभं क्षीरमृणालवर्ण । मुद्गच्छमानं व्यवभासमानम् । ददर्श चन्द्रं स हरिप्रवीरः । प्लोप्लूयमानं सरसीव हंसम् ॥ 2.58 ॥

śaṅkhaprabhaṃ kṣīramṛṇālavarṇa | mudgacchamānaṃ vyavabhāsamānam | dadarśa candraṃ sa haripravīraḥ | ploplūyamānaṃ sarasīva haṃsam || 2.58 ||

उस वानरश्रेष्ठ ने शंख के समान कांति वाले, दूध या कमल-नाल के रंग वाले, सरोवर में तैरते हंस के समान उदित होते चंद्रमा को देखा।