हनुमान का विषाद और संकल्प

श्लोक 1 (sundara.13.1)

विमानात् तु स संक्रम्य प्राकारं हरियूथपः । हनूमान् वेगवानासीद् यथा विद्युद् घनान्तरे ॥ 13.1 ॥

vimānāt tu sa saṃkramya prākāraṃ hariyūthapaḥ | hanūmān vegavānāsīd yathā vidyud ghanāntare || 13.1 ||

वेगवान वानरयूथपति हनुमान विमान से उतरकर प्राकार पर आ गए, और बादलों के बीच बिजली की तरह वहाँ खड़े हो गए।

श्लोक 2 (sundara.13.2)

सम्परिक्रम्य हनुमान् रावणस्य निवेशनान् । अदृष्ट्वा जानकीं सीतामब्रवीद् वचनं कपिः ॥ 13.2 ॥

samparikramya hanumān rāvaṇasya niveśanān | adṛṣṭvā jānakīṃ sītāmabravīd vacanaṃ kapiḥ || 13.2 ||

रावण के निवास स्थानों का पूरा चक्कर लगाकर भी जानकी सीता को न देख पाने पर वानर हनुमान ने यह कहा —

श्लोक 3 (sundara.13.3)

भूयिष्ठं लोलिता लंका रामस्य चरता प्रियम् । न हि पश्यामि वैदेहीं सीतां सर्वांगशोभनाम् ॥ 13.3 ॥

bhūyiṣṭhaṃ lolitā laṃkā rāmasya caratā priyam | na hi paśyāmi vaidehīṃ sītāṃ sarvāṃgaśobhanām || 13.3 ||

"राम के हित के लिए विचरण करते हुए मैंने लंका का अधिकांश भाग खोज डाला है, फिर भी सर्वांग-सुंदरी वैदेही सीता मुझे कहीं दिखाई नहीं दे रहीं।

श्लोक 4 (sundara.13.4)

पल्वलानि तटाकानि सरांसि सरितस्तथा । नद्योऽनूपवनान्ताश्च दुर्गाश्च धरणीधराः ॥ 13.4 ॥

palvalāni taṭākāni sarāṃsi saritastathā | nadyo'nūpavanāntāśca durgāśca dharaṇīdharāḥ || 13.4 ||

"तालाब, जलाशय, सरोवर, नदियाँ, नदियों के दलदली वन-प्रांत, तथा दुर्गम पर्वत —

श्लोक 5 (sundara.13.5)

लोलिता वसुधा सर्वा न च पश्यामि जानकीम् । इह सम्पातिना सीता रावणस्य निवेशने । आख्याता गृध्रराजेन न च सा दृश्यते न किम् ॥ 13.5 ॥

lolitā vasudhā sarvā na ca paśyāmi jānakīm | iha sampātinā sītā rāvaṇasya niveśane | ākhyātā gṛdhrarājena na ca sā dṛśyate na kim || 13.5 ||

"यह सारी पृथ्वी मेरे द्वारा खोजी जा चुकी है, फिर भी मुझे जानकी नहीं दिखतीं। यहीं रावण के निवास में सम्पाति गृधराज ने सीता के होने की बात बताई थी — तो क्या वे यहाँ नहीं दिखाई देंगी?

श्लोक 6 (sundara.13.6)

किं नु सीताथ वैदेही मैथिली जनकात्मजा । उपतिष्ठेत विवशा रावणेन हृता बलात् ॥ 13.6 ॥

kiṃ nu sītātha vaidehī maithilī janakātmajā | upatiṣṭheta vivaśā rāvaṇena hṛtā balāt || 13.6 ||

"क्या ऐसा हो सकता है कि जनक-पुत्री वैदेही मैथिली सीता आज विवश होकर, बलपूर्वक हरी जाकर, रावण के पास ठहरी हों?

श्लोक 7 (sundara.13.7)

क्षिप्रमुत्पततो मन्ये सीतामादाय रक्षसः । बिभ्यतो रामबाणानामन्तरा पतिता भवेत् ॥ 13.7 ॥

kṣipramutpatato manye sītāmādāya rakṣasaḥ | bibhyato rāmabāṇānāmantarā patitā bhavet || 13.7 ||

"मुझे लगता है कि जब वह राक्षस, राम के बाणों से डरकर, वेगपूर्वक उड़ा होगा, तो सीता शायद मार्ग में ही गिर पड़ी हों।

श्लोक 8 (sundara.13.8)

अथवा ह्रियमाणायाः पथि सिद्धनिषेविते । मन्ये पतितमार्याया हृदयं प्रेक्ष्य सागरम् ॥ 13.8 ॥

athavā hriyamāṇāyāḥ pathi siddhaniṣevite | manye patitamāryāyā hṛdayaṃ prekṣya sāgaram || 13.8 ||

"अथवा सिद्धों से सेवित उस मार्ग में हरण किए जाते समय, समुद्र को देखकर उस आर्या का हृदय ही बैठ गया हो —

श्लोक 9 (sundara.13.9)

रावणस्योरुवेगेन भुजाभ्यां पीडितेन च । तया मन्ये विशालाक्ष्या त्यक्तं जीवितमार्यया ॥ 13.9 ॥

rāvaṇasyoruvegena bhujābhyāṃ pīḍitena ca | tayā manye viśālākṣyā tyaktaṃ jīvitamāryayā || 13.9 ||

"अथवा रावण की भुजाओं के तीव्र वेग से पीड़ित होकर, उस विशाल नेत्रों वाली आर्या ने अपने प्राण त्याग दिए हों —

श्लोक 10 (sundara.13.10)

उपर्युपरि सा नूनं सागरं क्रमतस्तदा । विचेष्टमाना पतिता समुद्रे जनकात्मजा ॥ 13.10 ॥

uparyupari sā nūnaṃ sāgaraṃ kramatastadā | viceṣṭamānā patitā samudre janakātmajā || 13.10 ||

"अथवा जब वह समुद्र के ऊपर से बार-बार पार होता जा रहा था, तब तड़पती हुई जनक-पुत्री समुद्र में ही गिर पड़ी हों।

श्लोक 11 (sundara.13.11)

आहो क्षुद्रेण चानेन रक्षन्ती शीलमात्मनः । अबन्धुर्भक्षिता सीता रावणेन तपस्विनी ॥ 13.11 ॥

āho kṣudreṇa cānena rakṣantī śīlamātmanaḥ | abandhurbhakṣitā sītā rāvaṇena tapasvinī || 13.11 ||

"अथवा उस क्षुद्र राक्षस से अपने शील की रक्षा करती हुई, निराश्रित तपस्विनी सीता को रावण ने ही खा डाला हो,

श्लोक 12 (sundara.13.12)

अथवा राक्षसेन्द्रस्य पत्नीभिरसितेक्षणा । अदुष्टा दुष्टभावाभिर्भक्षिता सा भविष्यति ॥ 13.12 ॥

athavā rākṣasendrasya patnībhirasitekṣaṇā | aduṣṭā duṣṭabhāvābhirbhakṣitā sā bhaviṣyati || 13.12 ||

"अथवा वह निर्दोष, श्यामनेत्रा सीता, राक्षसराज की दुष्ट स्वभाव वाली पत्नियों द्वारा ही खा ली गई हों।

श्लोक 13 (sundara.13.13)

सम्पूर्णचन्द्रप्रतिमं पद्मपत्रनिभेक्षणम् । रामस्य ध्यायती वक्त्रं पञ्चत्वं कृपणा गता ॥ 13.13 ॥

sampūrṇacandrapratimaṃ padmapatranibhekṣaṇam | rāmasya dhyāyatī vaktraṃ pañcatvaṃ kṛpaṇā gatā || 13.13 ||

"पूर्णचन्द्र के समान, कमल-पत्र जैसे नेत्रों वाले राम के मुख का ध्यान करते हुए, वह बेचारी पंचत्व को प्राप्त हो गई हों।

श्लोक 14 (sundara.13.14)

हा राम लक्ष्मणेत्येवं हायोध्ये चेति मैथिली । विलप्य बहु वैदेही न्यस्तदेहा भविष्यति ॥ 13.14 ॥

hā rāma lakṣmaṇetyevaṃ hāyodhye ceti maithilī | vilapya bahu vaidehī nyastadehā bhaviṣyati || 13.14 ||

"'हा राम! हा लक्ष्मण! हा अयोध्या!' — इस प्रकार बहुत विलाप करके वैदेही ने अपना शरीर त्याग दिया हो।

श्लोक 15 (sundara.13.15)

अथवा निहिता मन्ये रावणस्य निवेशने । भृशं लालप्यते बाला पञ्जरस्थेव सारिका ॥ 13.15 ॥

athavā nihitā manye rāvaṇasya niveśane | bhṛśaṃ lālapyate bālā pañjarastheva sārikā || 13.15 ||

"अथवा मुझे लगता है, वे रावण के निवास में ही बंद कर दी गई हैं, और वह बाला पिंजरे में बंद मैना की भाँति बहुत विलाप कर रही हैं।

श्लोक 16 (sundara.13.16)

जनकस्य कुले जाता रामपत्नी सुमध्यमा । कथमुत्पलपत्राक्षी रावणस्य वशं व्रजेत् ॥ 13.16 ॥

janakasya kule jātā rāmapatnī sumadhyamā | kathamutpalapatrākṣī rāvaṇasya vaśaṃ vrajet || 13.16 ||

"जनक के कुल में जन्मी, राम की सुमध्यमा पत्नी, कमल-दल जैसे नेत्रों वाली — वे भला रावण के वश में कैसे आ सकती हैं?

श्लोक 17 (sundara.13.17)

विनष्टा वा प्रणष्टा वा मृता वा जनकात्मजा । रामस्य प्रियभार्यस्य न निवेदयितुं क्षमम् ॥ 13.17 ॥

vinaṣṭā vā praṇaṣṭā vā mṛtā vā janakātmajā | rāmasya priyabhāryasya na nivedayituṃ kṣamam || 13.17 ||

"जनक-पुत्री का नष्ट होना, या पूरी तरह लुप्त हो जाना, या मर जाना — यह बात राम को, जिनकी वे प्रिय पत्नी हैं, बता पाना संभव नहीं है।

श्लोक 18 (sundara.13.18)

निवेद्यमाने दोषः स्याद् दोषः स्यादनिवेदने । कथं नु खलु कर्तव्यं विषमं प्रतिभाति मे ॥ 13.18 ॥

nivedyamāne doṣaḥ syād doṣaḥ syādanivedane | kathaṃ nu khalu kartavyaṃ viṣamaṃ pratibhāti me || 13.18 ||

"बताने में भी दोष है, न बताने में भी दोष है — अब मुझे क्या करना चाहिए, यह मुझे बड़ा ही विषम प्रतीत हो रहा है।

श्लोक 19 (sundara.13.19)

अस्मिन् नेवंगते कार्ये प्राप्तकालं क्षमं च किम् । भवेदिति मतिं भूयो हनुमान् प्रविचारयन् ॥ 13.19 ॥

asmin nevaṃgate kārye prāptakālaṃ kṣamaṃ ca kim | bhavediti matiṃ bhūyo hanumān pravicārayan || 13.19 ||

मामला इस प्रकार का हो जाने पर, उस समय के अनुकूल और उचित क्या होगा — हनुमान बार-बार इसी पर विचार करने लगे।

श्लोक 20 (sundara.13.20)

यदि सीतामदृष्ट्वाहं वानरेन्द्रपुरीमितः । गमिष्यामि ततः को मे पुरुषार्थो भविष्यति ॥ 13.20 ॥

yadi sītāmadṛṣṭvāhaṃ vānarendrapurīmitaḥ | gamiṣyāmi tataḥ ko me puruṣārtho bhaviṣyati || 13.20 ||

"यदि मैं सीता को बिना देखे यहाँ से वानरराज की नगरी लौट जाऊँ, तो मेरे पुरुषार्थ का क्या फल रहेगा?

श्लोक 21 (sundara.13.21)

ममेदं लङ्घनं व्यर्थं सागरस्य भविष्यति । प्रवेशश्चैव लंकायां राक्षसानां च दर्शनम् ॥ 13.21 ॥

mamedaṃ laṅghanaṃ vyarthaṃ sāgarasya bhaviṣyati | praveśaścaiva laṃkāyāṃ rākṣasānāṃ ca darśanam || 13.21 ||

"समुद्र का यह मेरा लांघना व्यर्थ हो जाएगा, और लंका में प्रवेश करना तथा राक्षसों को देखना भी व्यर्थ ही होगा।

श्लोक 22 (sundara.13.22)

किं वा वक्ष्यति सुग्रीवो हरयो वापि संगताः । किष्किन्धामनुसम्प्राप्तं तौ वा दशरथात्मजौ ॥ 13.22 ॥

kiṃ vā vakṣyati sugrīvo harayo vāpi saṃgatāḥ | kiṣkindhāmanusamprāptaṃ tau vā daśarathātmajau || 13.22 ||

"और जब मैं किष्किंधा पहुँचूँगा, तो सुग्रीव क्या कहेंगे, या एकत्रित वानर क्या कहेंगे, अथवा वे दोनों दशरथ-पुत्र क्या कहेंगे?

श्लोक 23 (sundara.13.23)

गत्वा तु यदि काकुत्स्थं वक्ष्यामि परुषं वचः । न दृष्टेति मया सीता ततस्त्यक्ष्यति जीवितम् ॥ 13.23 ॥

gatvā tu yadi kākutsthaṃ vakṣyāmi paruṣaṃ vacaḥ | na dṛṣṭeti mayā sītā tatastyakṣyati jīvitam || 13.23 ||

"यदि जाकर मैं काकुत्स्थ राम से यह कठोर वचन कहूँ — 'मैंने सीता को नहीं देखा' — तो वे उसी क्षण अपने प्राण त्याग देंगे।

श्लोक 24 (sundara.13.24)

परुषं दारुणं तीक्ष्णं क्रूरमिन्द्रियतापनम् । सीतानिमित्तं दुर्वाक्यं श्रुत्वा स न भविष्यति ॥ 13.24 ॥

paruṣaṃ dāruṇaṃ tīkṣṇaṃ krūramindriyatāpanam | sītānimittaṃ durvākyaṃ śrutvā sa na bhaviṣyati || 13.24 ||

"सीता के विषय में यह कठोर, भीषण, तीक्ष्ण, क्रूर और इंद्रियों को संतप्त करने वाला अशुभ वचन सुनकर वे जीवित नहीं रह पाएंगे।

श्लोक 25 (sundara.13.25)

तं तु कृच्छ्रगतं दृष्ट्वा पञ्चत्वगतमानसम् । भृशानुरक्तमेधावी न भविष्यति लक्ष्मणः ॥ 13.25 ॥

taṃ tu kṛcchragataṃ dṛṣṭvā pañcatvagatamānasam | bhṛśānuraktamedhāvī na bhaviṣyati lakṣmaṇaḥ || 13.25 ||

"और उन्हें इस प्रकार संकट में, मृत्यु की ओर उन्मुख देखकर, उनके प्रति अत्यंत अनुरक्त बुद्धिमान लक्ष्मण भी जीवित नहीं रह पाएंगे।

श्लोक 26 (sundara.13.26)

विनष्टौ भ्रातरौ श्रुत्वा भरतोऽपि मरिष्यति । भरतं च मृतं दृष्ट्वा शत्रुघ्नो न भविष्यति ॥ 13.26 ॥

vinaṣṭau bhrātarau śrutvā bharato'pi mariṣyati | bharataṃ ca mṛtaṃ dṛṣṭvā śatrughno na bhaviṣyati || 13.26 ||

"दोनों भाइयों के नष्ट होने का समाचार सुनकर भरत भी प्राण त्याग देंगे, और भरत को मृत देखकर शत्रुघ्न भी जीवित नहीं रहेंगे।

श्लोक 27 (sundara.13.27)

पुत्रान् मृतान् समीक्ष्याथ न भविष्यन्ति मातरः । कौसल्या च सुमित्रा च कैकेयी च न संशयः ॥ 13.27 ॥

putrān mṛtān samīkṣyātha na bhaviṣyanti mātaraḥ | kausalyā ca sumitrā ca kaikeyī ca na saṃśayaḥ || 13.27 ||

"अपने पुत्रों को मृत देखकर माताएँ भी जीवित नहीं रहेंगी — कौसल्या, सुमित्रा और कैकेयी, इसमें कोई संदेह नहीं।

श्लोक 28 (sundara.13.28)

कृतज्ञः सत्यसंधश्च सुग्रीवः प्लवगाधिपः । रामं तथागतं दृष्ट्वा ततस्त्यक्ष्यति जीवितम् ॥ 13.28 ॥

kṛtajñaḥ satyasaṃdhaśca sugrīvaḥ plavagādhipaḥ | rāmaṃ tathāgataṃ dṛṣṭvā tatastyakṣyati jīvitam || 13.28 ||

"कृतज्ञ और सत्यप्रतिज्ञ वानरराज सुग्रीव भी राम को इस दशा में देखकर अपने प्राण त्याग देंगे।

श्लोक 29 (sundara.13.29)

दुर्मना व्यथिता दीना निरानन्दा तपस्विनी । पीडिता भर्तृशोकेन रुमा त्यक्ष्यति जीवितम् ॥ 13.29 ॥

durmanā vyathitā dīnā nirānandā tapasvinī | pīḍitā bhartṛśokena rumā tyakṣyati jīvitam || 13.29 ||

"दुखी मन वाली, व्यथित, दीन, आनंदरहित, पति के शोक से पीड़ित तपस्विनी रुमा भी अपने प्राण त्याग देंगी।

श्लोक 30 (sundara.13.30)

वालिजेन तु दुःखेन पीडिता शोककर्शिता । पञ्चत्वमागता राज्ञी तारापि न भविष्यति ॥ 13.30 ॥

vālijena tu duḥkhena pīḍitā śokakarśitā | pañcatvamāgatā rājñī tārāpi na bhaviṣyati || 13.30 ||

"वालि के मरने के दुख से पहले से ही पीड़ित, शोक से कृश हुई रानी तारा भी जीवित नहीं रहेंगी — वे भी पंचत्व को प्राप्त हो जाएंगी।

श्लोक 31 (sundara.13.31)

मातापित्रोर्विनाशेन सुग्रीवव्यसनेन च । कुमारोऽप्यंगदस्तस्माद् विजहिष्यति जीवितम् ॥ 13.31 ॥

mātāpitrorvināśena sugrīvavyasanena ca | kumāro'pyaṃgadastasmād vijahiṣyati jīvitam || 13.31 ||

"माता-पिता के नाश से और सुग्रीव के संकट से, कुमार अंगद भी अपने प्राण त्याग देंगे।

श्लोक 32 (sundara.13.32)

भर्तृजेन तु दुःखेन अभिभूता वनौकसः । शिरांस्यभिहनिष्यन्ति तलैर्मुष्टिभिरेव च ॥ 13.32 ॥

bhartṛjena tu duḥkhena abhibhūtā vanaukasaḥ | śirāṃsyabhihaniṣyanti talairmuṣṭibhireva ca || 13.32 ||

"अपने स्वामी के दुख से अभिभूत होकर वनवासी वानर अपने सिरों पर हथेलियों और मुट्ठियों से प्रहार करेंगे।

श्लोक 33 (sundara.13.33)

सान्त्वेनानुप्रदानेन मानेन च यशस्विना । लालिताः कपिनाथेन प्राणांस्त्यक्ष्यन्ति वानराः ॥ 13.33 ॥

sāntvenānupradānena mānena ca yaśasvinā | lālitāḥ kapināthena prāṇāṃstyakṣyanti vānarāḥ || 13.33 ||

"जिन वानरों को यशस्वी कपिनाथ ने सांत्वना से, उपहारों से और सम्मान से पाला-पोसा था, वे सब अपने प्राण त्याग देंगे।

श्लोक 34 (sundara.13.34)

न वनेषु न शैलेषु न निरोधेषु वा पुनः । क्रीडामनुभविष्यन्ति समेत्य कपिकुञ्जराः ॥ 13.34 ॥

na vaneṣu na śaileṣu na nirodheṣu vā punaḥ | krīḍāmanubhaviṣyanti sametya kapikuñjarāḥ || 13.34 ||

"फिर कभी न तो वनों में, न पर्वतों पर, न किसी आश्रय-स्थल में, वे श्रेष्ठ वानर एकत्र होकर क्रीड़ा का आनंद ले पाएंगे।

श्लोक 35 (sundara.13.35)

सपुत्रदाराः सामात्या भर्तृव्यसनपीडिताः । शैलाग्रेभ्यः पतिष्यन्ति समेषु विषमेषु च ॥ 13.35 ॥

saputradārāḥ sāmātyā bhartṛvyasanapīḍitāḥ | śailāgrebhyaḥ patiṣyanti sameṣu viṣameṣu ca || 13.35 ||

"अपने पुत्रों, पत्नियों और मंत्रियों सहित, अपने स्वामी के संकट से पीड़ित होकर, वे पर्वत-शिखरों से समतल और ऊबड़-खाबड़ भूमि पर गिर पड़ेंगे।

श्लोक 36 (sundara.13.36)

विषमुद्बन्धनं वापि प्रवेशं ज्वलनस्य वा । उपवासमथो शस्त्रं प्रचरिष्यन्ति वानराः ॥ 13.36 ॥

viṣamuda‍bandhanaṃ vāpi praveśaṃ jvalanasya vā | upavāsamatho śastraṃ pracariṣyanti vānarāḥ || 13.36 ||

"वानर विष खा लेंगे, फाँसी लगा लेंगे, अग्नि में प्रवेश कर लेंगे, उपवास करके प्राण त्याग देंगे, या शस्त्र का सहारा लेंगे।

श्लोक 37 (sundara.13.37)

घोरमारोदनं मन्ये गते मयि भविष्यति । इक्ष्वाकुकुलनाशश्च नाशश्चैव वनौकसाम् ॥ 13.37 ॥

ghoramārodanaṃ manye gate mayi bhaviṣyati | ikṣvākukulanāśaśca nāśaścaiva vanaukasām || 13.37 ||

"मुझे लगता है, मेरे चले जाने पर घोर रुदन होगा, और इक्ष्वाकु कुल का विनाश होगा, तथा वनवासियों का भी विनाश होगा।

श्लोक 38 (sundara.13.38)

सोऽहं नैव गमिष्यामि किष्किन्धां नगरीमितः । नहि शक्ष्याम्यहं द्रष्टुं सुग्रीवं मैथिलीं विना ॥ 13.38 ॥

so'haṃ naiva gamiṣyāmi kiṣkindhāṃ nagarīmitaḥ | nahi śakṣyāmyahaṃ draṣṭuṃ sugrīvaṃ maithilīṃ vinā || 13.38 ||

"इसलिए मैं यहाँ से किष्किंधा नगरी को नहीं जाऊँगा; क्योंकि मैथिली के बिना मैं सुग्रीव को मुँह दिखाने में समर्थ नहीं हो पाऊँगा।

श्लोक 39 (sundara.13.39)

मय्यगच्छति चेहस्थे धर्मात्मानौ महारथौ । आशया तौ धरिष्येते वानराश्च तरस्विनः ॥ 13.39 ॥

mayyagacchati cehasthe dharmātmānau mahārathau | āśayā tau dhariṣyete vānarāśca tarasvinaḥ || 13.39 ||

"यदि मैं यहीं रहकर वापस न जाऊँ, तो वे दोनों धर्मात्मा महारथी और वे वेगवान वानर आशा के सहारे ही जीवित रह पाएंगे।

श्लोक 40 (sundara.13.40)

हस्तादानो मुखादानो नियतो वृक्षमूलिकः । वानप्रस्थो भविष्यामि ह्यदृष्ट्वा जनकात्मजाम् ॥ 13.40 ॥

hastādāno mukhādāno niyato vṛkṣamūlikaḥ | vānaprastho bhaviṣyāmi hyadṛṣṭvā janakātmajām || 13.40 ||

"हाथ से लिया हुआ ही खाकर, मुख में जो आ जाए वही खाकर, संयमी होकर, वृक्ष की जड़ में रहकर, जनक-पुत्री को बिना देखे मैं वानप्रस्थी बन जाऊँगा।

श्लोक 41 (sundara.13.41)

सागरानूपजे देशे बहुमूलफलोदके । चितिं कृत्वा प्रवेक्ष्यामि समिद्धमरणीसुतम् ॥ 13.41 ॥

sāgarānūpaje deśe bahumūlaphalodake | citiṃ kṛtvā pravekṣyāmi samiddhamaraṇīsutam || 13.41 ||

"समुद्र के निकट किसी दलदली प्रदेश में, जहाँ बहुत से मूल-फल और जल हों, चिता बनाकर मैं अरणी से प्रज्वलित अग्नि में प्रवेश कर लूँगा।

श्लोक 42 (sundara.13.42)

उपविष्टस्य वा सम्यग् लिंगिनं साधयिष्यतः । शरीरं भक्षयिष्यन्ति वायसाः श्वापदानि च ॥ 13.42 ॥

upaviṣṭasya vā samyag liṃginaṃ sādhayiṣyataḥ | śarīraṃ bhakṣayiṣyanti vāyasāḥ śvāpadāni ca || 13.42 ||

"अथवा विधिपूर्वक बैठकर साधना करते हुए कौवे और वन्य पशु मेरे शरीर को खा जाएंगे।

श्लोक 43 (sundara.13.43)

इदमप्यृषिभिर्दृष्टं निर्याणमिति मे मतिः । सम्यगापः प्रवेक्ष्यामि न चेत् पश्यामि जानकीम् ॥ 13.43 ॥

idamapyṛṣibhirdṛṣṭaṃ niryāṇamiti me matiḥ | samyagāpaḥ pravekṣyāmi na cet paśyāmi jānakīm || 13.43 ||

"ऋषियों द्वारा भी यही निर्वाण-मार्ग माना गया है, ऐसी मेरी धारणा है। यदि मुझे जानकी नहीं दिखतीं, तो मैं विधिपूर्वक जल में प्रवेश कर लूँगा।

श्लोक 44 (sundara.13.44)

सुजातमूला सुभगा कीर्तिमाला यशस्विनी । प्रभग्ना चिररात्राय मम सीतामपश्यतः ॥ 13.44 ॥

sujātamūlā subhagā kīrtimālā yaśasvinī | prabhagnā cirarātrāya mama sītāmapaśyataḥ || 13.44 ||

"यह सुंदर जड़ों वाली, सौभाग्यशालिनी, कीर्ति की माला, यशस्विनी — सीता को न देख पाने के कारण मेरे लिए दीर्घकाल के लिए टूट जाएगी।

श्लोक 45 (sundara.13.45)

तापसो वा भविष्यामि नियतो वृक्षमूलिकः । नेतः प्रतिगमिष्यामि तामदृष्ट्वासितेक्षणाम् ॥ 13.45 ॥

tāpaso vā bhaviṣyāmi niyato vṛkṣamūlikaḥ | netaḥ pratigamiṣyāmi tāmadṛṣṭvāsitekṣaṇām || 13.45 ||

"अथवा मैं संयमी होकर वृक्ष की जड़ में रहने वाला तापस बन जाऊँगा; उस श्यामनेत्रा को बिना देखे मैं यहाँ से वापस नहीं जाऊँगा।

श्लोक 46 (sundara.13.46)

यदि तु प्रतिगच्छामि सीतामनधिगम्य ताम् । अंगदः सहितः सर्वैर्वानरैर्न भविष्यति ॥ 13.46 ॥

yadi tu pratigacchāmi sītāmanadhigamya tām | aṃgadaḥ sahitaḥ sarvairvānarairna bhaviṣyati || 13.46 ||

"क्योंकि यदि मैं सीता को खोजे बिना ही लौट जाऊँ, तो अंगद अपने सभी वानरों सहित जीवित नहीं रह पाएंगे।

श्लोक 47 (sundara.13.47)

विनाशे बहवो दोषा जीवन् प्राप्नोति भद्रकम् । तस्मात् प्राणान् धरिष्यामि ध्रुवो जीवति संगमः ॥ 13.47 ॥

vināśe bahavo doṣā jīvan prāpnoti bhadrakam | tasmāt prāṇān dhariṣyāmi dhruvo jīvati saṃgamaḥ || 13.47 ||

"नाश में तो अनेक दोष हैं, जीवित रहने पर ही कल्याण प्राप्त होता है। इसलिए मैं अपने प्राणों की रक्षा करूँगा — क्योंकि जीवित रहने पर ही पुनर्मिलन निश्चित है।"

श्लोक 48 (sundara.13.48)

एवं बहुविधं दुःखं मनसा धारयन् बहु । नाध्यगच्छत् तदा पारं शोकस्य कपिकुञ्जरः ॥ 13.48 ॥

evaṃ bahuvidhaṃ duḥkhaṃ manasā dhārayan bahu | nādhyagacchat tadā pāraṃ śokasya kapikuñjaraḥ || 13.48 ||

इस प्रकार मन में अनेक प्रकार का दुख धारण करते हुए, वह श्रेष्ठ वानर उस समय अपने शोक का पार नहीं पा सके।

श्लोक 49 (sundara.13.49)

ततो विक्रममासाद्य धैर्यवान् कपिकुञ्जरः । रावणं वा वधिष्यामि दशग्रीवं महाबलम् । काममस्तु हृता सीता प्रत्याचीर्णं भविष्यति ॥ 13.49 ॥

tato vikramamāsādya dhairyavān kapikuñjaraḥ | rāvaṇaṃ vā vadhiṣyāmi daśagrīvaṃ mahābalam | kāmamastu hṛtā sītā pratyācīrṇaṃ bhaviṣyati || 13.49 ||

फिर साहस का सहारा लेकर, धैर्यवान वानरश्रेष्ठ ने सोचा — "मैं या तो महाबली दशग्रीव रावण का वध कर दूँगा — भले ही सीता हरी गई हों, यह अपमान चुकाया जाएगा,

श्लोक 50 (sundara.13.50)

अथवैनं समुत्क्षिप्य उपर्युपरि सागरम् । रामायोपहरिष्यामि पशुं पशुपतेरिव ॥ 13.50 ॥

athavainaṃ samutkṣipya uparyupari sāgaram | rāmāyopahariṣyāmi paśuṃ paśupateriva || 13.50 ||

"अथवा इसी को उठाकर, समुद्र के ऊपर से ले जाकर, पशुपति के लिए किसी पशु की भाँति, इसे राम को सौंप दूँगा।"

श्लोक 51 (sundara.13.51)

इति चिन्तासमापन्नः सीतामनधिगम्य ताम् । ध्यानशोकपरीतात्मा चिन्तयामास वानरः ॥ 13.51 ॥

iti cintāsamāpannaḥ sītāmanadhigamya tām | dhyānaśokaparītātmā cintayāmāsa vānaraḥ || 13.51 ||

इस प्रकार चिंता में डूबे हुए, सीता को न खोज पाने पर, ध्यान और शोक से घिरे मन वाले वानर हनुमान विचार करते रहे।

श्लोक 52 (sundara.13.52)

यावत् सीतां न पश्यामि रामपत्नीं यशस्विनीम् । तावदेतां पुरीं लंकां विचिनोमि पुनः पुनः ॥ 13.52 ॥

yāvat sītāṃ na paśyāmi rāmapatnīṃ yaśasvinīm | tāvadetāṃ purīṃ laṃkāṃ vicinomi punaḥ punaḥ || 13.52 ||

"जब तक मुझे यशस्विनी रामपत्नी सीता नहीं दिखतीं, तब तक मैं इस लंका नगरी को बार-बार खोजता रहूँगा।

श्लोक 53 (sundara.13.53)

सम्पातिवचनाच्चापि रामं यद्यानयाम्यहम् । अपश्यन् राघवो भार्यां निर्दहेत् सर्ववानरान् ॥ 13.53 ॥

sampātivacanāccāpi rāmaṃ yadyānayāmyaham | apaśyan rāghavo bhāryāṃ nirdahet sarvavānarān || 13.53 ||

"और यदि मैं केवल सम्पाति के वचन के आधार पर राम को यहाँ ले आऊँ, और राघव अपनी पत्नी को न पाएँ, तो वे क्रोध में सभी वानरों को भस्म कर सकते हैं।

श्लोक 54 (sundara.13.54)

इहैव नियताहारो वत्स्यामि नियतेन्द्रियः । न मत्कृते विनश्येयुः सर्वे ते नरवानराः ॥ 13.54 ॥

ihaiva niyatāhāro vatsyāmi niyatendriyaḥ | na matkṛte vinaśyeyuḥ sarve te naravānarāḥ || 13.54 ||

"इसलिए मैं यहीं संयमित आहार और संयमित इंद्रियों के साथ रहूँगा; मेरे कारण वे सभी नर और वानर नष्ट न हों।

श्लोक 55 (sundara.13.55)

अशोकवनिका चापि महतीयं महाद्रुमा । इमामधिगमिष्यामि नहीयं विचिता मया ॥ 13.55 ॥

aśokavanikā cāpi mahatīyaṃ mahādrumā | imāmadhigamiṣyāmi nahīyaṃ vicitā mayā || 13.55 ||

"यह विशाल वृक्षों वाली अशोक वाटिका भी अभी शेष है; मैंने अभी तक इसे नहीं खोजा है — अब इसे भी खोजूँगा।

श्लोक 56 (sundara.13.56)

वसून् रुद्रांस्तथाऽऽदित्यानश्विनौ मरुतोऽपि च । नमस्कृत्वा गमिष्यामि रक्षसां शोकवर्धनः ॥ 13.56 ॥

vasūn rudrāṃstathā''dityānaśvinau maruto'pi ca | namaskṛtvā gamiṣyāmi rakṣasāṃ śokavardhanaḥ || 13.56 ||

"वसुओं, रुद्रों, आदित्यों, दोनों अश्विनी कुमारों और मरुतों को भी नमस्कार करके मैं जाऊँगा — राक्षसों के लिए शोक बढ़ाने वाला बनकर।

श्लोक 57 (sundara.13.57)

जित्वा तु राक्षसान् देवीमिक्ष्वाकुकुलनन्दिनीम् । सम्प्रदास्यामि रामाय सिद्धीमिव तपस्विने ॥ 13.57 ॥

jitvā tu rākṣasān devīmikṣvākukulanandinīm | sampradāsyāmi rāmāya siddhīmiva tapasvine || 13.57 ||

"राक्षसों को जीतकर, इक्ष्वाकु कुल की आनंददायिनी उस देवी को मैं राम को इस प्रकार सौंप दूँगा, जैसे किसी तपस्वी को सिद्धि सौंपी जाती है।"

श्लोक 58 (sundara.13.58)

स मुहूर्तमिव ध्यात्वा चिन्ताविग्रथितेन्द्रियः । उदतिष्ठन् महाबाहुर्हनूमान् मारुतात्मजः ॥ 13.58 ॥

sa muhūrtamiva dhyātvā cintāvigrathitendriyaḥ | udatiṣṭhan mahābāhurhanūmān mārutātmajaḥ || 13.58 ||

इस प्रकार क्षण भर ध्यान करके, चिंता से उलझी हुई इंद्रियों वाले महाबाहु मारुतिनंदन हनुमान उठ खड़े हुए।

श्लोक 59 (sundara.13.59)

नमोऽस्तु रामाय सलक्ष्मणाय देव्यै च तस्यै जनकात्मजायै । नमोऽस्तु रुद्रेन्द्रयमानिलेभ्यो नमोऽस्तु चन्द्राग्निमरुद्गणेभ्यः ॥ 13.59 ॥

namo'stu rāmāya salakṣmaṇāya devyai ca tasyai janakātmajāyai | namo'stu rudrendrayamānilebhyo namo'stu candrāgnimaruda‍gaṇebhyaḥ || 13.59 ||

"राम को, लक्ष्मण सहित, नमस्कार हो! जनक-पुत्री उस देवी को भी नमस्कार हो! रुद्र, इंद्र, यम और वायु को नमस्कार हो! चंद्रमा, अग्नि और मरुद्गणों को भी नमस्कार हो!"

श्लोक 60 (sundara.13.60)

स तेभ्यस्तु नमस्कृत्वा सुग्रीवाय च मारुतिः । दिशः सर्वाः समालोक्य सोऽशोकवनिकां प्रति ॥ 13.60 ॥

sa tebhyastu namaskṛtvā sugrīvāya ca mārutiḥ | diśaḥ sarvāḥ samālokya so'śokavanikāṃ prati || 13.60 ||

उन्हें तथा सुग्रीव को भी नमस्कार करके, मारुतिनंदन ने सभी दिशाओं को देख लिया, और फिर अशोक वाटिका की ओर बढ़ चले।

श्लोक 61 (sundara.13.61)

स गत्वा मनसा पूर्वमशोकवनिकां शुभाम् । उत्तरं चिन्तयामास वानरो मारुतात्मजः ॥ 13.61 ॥

sa gatvā manasā pūrvamaśokavanikāṃ śubhām | uttaraṃ cintayāmāsa vānaro mārutātmajaḥ || 13.61 ||

मन ही मन पहले उस शुभ अशोक वाटिका में पहुँचकर, मारुतिनंदन वानर आगे क्या करना है, इस पर विचार करने लगे।

श्लोक 62 (sundara.13.62)

ध्रुवं तु रक्षोबहुला भविष्यति वनाकुला । अशोकवनिका पुण्या सर्वसंस्कारसंस्कृता ॥ 13.62 ॥

dhruvaṃ tu rakṣobahulā bhaviṣyati vanākulā | aśokavanikā puṇyā sarvasaṃskārasaṃskṛtā || 13.62 ||

"निश्चय ही यह पवित्र, सर्वप्रकार से सुसज्जित अशोक वाटिका राक्षसों से भरी हुई और सघन वन वाली होगी।

श्लोक 63 (sundara.13.63)

रक्षिणश्चात्र विहिता नूनं रक्षन्ति पादपान् । भगवानपि विश्वात्मा नातिक्षोभं प्रवायति ॥ 13.63 ॥

rakṣiṇaścātra vihitā nūnaṃ rakṣanti pādapān | bhagavānapi viśvātmā nātikṣobhaṃ pravāyati || 13.63 ||

"यहाँ वृक्षों की रक्षा के लिए निश्चय ही पहरेदार नियुक्त किए गए होंगे; विश्वात्मा भगवान वायु भी यहाँ अधिक विक्षोभ के बिना ही बहते हैं।

श्लोक 64 (sundara.13.64)

संक्षिप्तोऽयं मयाऽऽत्मा च रामार्थे रावणस्य च । सिद्धिं दिशन्तु मे सर्वे देवाः सर्षिगणास्त्विह ॥ 13.64 ॥

saṃkṣipto'yaṃ mayā''tmā ca rāmārthe rāvaṇasya ca | siddhiṃ diśantu me sarve devāḥ sarṣigaṇāstviha || 13.64 ||

"मैंने अब अपने आपको राम के हित और रावण के विरुद्ध पूरी तरह समर्पित कर दिया है। यहाँ सभी देवगण और ऋषिगण मुझे सफलता प्रदान करें!

श्लोक 65 (sundara.13.65)

ब्रह्मा स्वयम्भूर्भगवान् देवाश्चैव तपस्विनः । सिद्धिमग्निश्च वायुश्च पुरुहूतश्च वज्रभृत् ॥ 13.65 ॥

brahmā svayambhūrbhagavān devāścaiva tapasvinaḥ | siddhimagniśca vāyuśca puruhūtaśca vajrabhṛt || 13.65 ||

"स्वयंभू भगवान ब्रह्मा, तथा तपस्वी देवगण, अग्नि और वायु, तथा वज्रधारी इंद्र —

श्लोक 66 (sundara.13.66)

वरुणः पाशहस्तश्च सोमादित्यौ तथैव च । अश्विनौ च महात्मानौ मरुतः सर्व एव च ॥ 13.66 ॥

varuṇaḥ pāśahastaśca somādityau tathaiva ca | aśvinau ca mahātmānau marutaḥ sarva eva ca || 13.66 ||

"पाशधारी वरुण, तथा सोम और सूर्य, महात्मा दोनों अश्विनीकुमार, तथा समस्त मरुद्गण भी —

श्लोक 67 (sundara.13.67)

सिद्धिं सर्वाणि भूतानि भूतानां चैव यः प्रभुः । दास्यन्ति मम ये चान्येऽप्यदृष्टाः पथि गोचराः ॥ 13.67 ॥

siddhiṃ sarvāṇi bhūtāni bhūtānāṃ caiva yaḥ prabhuḥ | dāsyanti mama ye cānye'pyadṛṣṭāḥ pathi gocarāḥ || 13.67 ||

"समस्त प्राणी, तथा जो प्राणियों के स्वामी हैं, और इस मार्ग में विचरण करने वाली जो भी अन्य अदृश्य शक्तियाँ हैं — ये सब मुझे सफलता प्रदान करें!"

श्लोक 68 (sundara.13.68)

तदुन्नसं पाण्डुरदन्तमव्रणं शुचिस्मितं पद्मपलाशलोचनम् । द्रक्ष्ये तदार्यावदनं कदा न्वहं प्रसन्नताराधिपतुल्यवर्चसम् ॥ 13.68 ॥

tadunnasaṃ pāṇḍuradantamavraṇaṃ śucismitaṃ padmapalāśalocanam | drakṣye tadāryāvadanaṃ kadā nvahaṃ prasannatārādhipatulyavarcasam || 13.68 ||

"उस उन्नत नासिका वाले, श्वेत दंतों वाले, निर्दोष, पवित्र मुस्कान वाले, कमल-दल जैसे नेत्रों वाले, स्वच्छ चंद्रमा के समान तेजस्वी उस आर्य-मुख को मैं कब देख पाऊँगा?

श्लोक 69 (sundara.13.69)

क्षुद्रेण हीनेन नृशंसमूर्तिना सुदारुणालंकृतवेषधारिणा । बलाभिभूता ह्यबला तपस्विनी कथं नु मे दृष्टिपथेऽद्य सा भवेत् ॥ 13.69 ॥

kṣudreṇa hīnena nṛśaṃsamūrtinā sudāruṇālaṃkṛtaveṣadhāriṇā | balābhibhūtā hyabalā tapasvinī kathaṃ nu me dṛṣṭipathe'dya sā bhavet || 13.69 ||

"उस क्षुद्र, नीच, क्रूर स्वरूप वाले, अत्यंत भयंकर वेशभूषा धारण करने वाले के बल से पराजित होकर, वह असहाय तपस्विनी सीता, आज भला मेरी दृष्टि के मार्ग में कैसे आएँगी?"