रावण का अशोकवाटिका में प्रवेश

श्लोक 1 (sundara.18.1)

तथा विप्रेक्षमाणस्य वनं पुष्पितपादपम् । विचिन्वतश्च वैदेहीं किञ्चिच्छेषा निशाभवत् ॥ 18.1 ॥

tathā viprekṣamāṇasya vanaṃ puṣpitapādapam | vicinvataśca vaidehīṃ kiñciccheṣā niśābhavat ||

इस प्रकार फूलों से लदे वृक्षों वाले उस वन को देखते और वैदेही को ढूँढते हुए हनुमान की रात्रि का कुछ भाग शेष रह गया।

श्लोक 2 (sundara.18.2)

षडंगवेदविदुषां क्रतुप्रवरयाजिनाम् । शुश्राव ब्रह्मघोषान् स विरात्रे ब्रह्मरक्षसाम् ॥ 18.2 ॥

ṣaḍaṅgavedaviduṣāṃ kratupravarayājinām | śuśrāva brahmaghoṣān sa virātre brahmarakṣasām ||

रात्रि के अन्तिम भाग में उसने वेद के छहों अंगों के ज्ञाता और उत्तम यज्ञ करने वाले ब्रह्मराक्षसों की वेद-ध्वनियाँ सुनीं।

श्लोक 3 (sundara.18.3)

अथ मंगलवादित्रैः शब्दैः श्रोत्रमनोहरैः । प्राबोध्यत महाबाहुर्दशग्रीवो महाबलः ॥ 18.3 ॥

atha maṅgalavāditrai śabdaiḥ śrotramanoharaiḥ | prābodhyata mahābāhur daśagrīvo mahābalaḥ ||

तब मंगल बाजों की, कानों को मनोहर लगने वाली ध्वनियों से महाबाहु, महाबली दशग्रीव जाग उठा।

श्लोक 4 (sundara.18.4)

विबुध्य तु महाभागो राक्षसेन्द्रः प्रतापवान् । स्रस्तमाल्याम्बरधरो वैदेहीमन्वचिन्तयत् ॥ 18.4 ॥

vibudhya tu mahābhāgo rākṣasendraḥ pratāpavān | srastamālyāmbaradharo vaidehīm anvacintayat ||

जागकर, अपनी माला और वस्त्र को शिथिल किए हुए वह महातेजस्वी, प्रतापी राक्षसराज वैदेही का ही चिन्तन करने लगा।

श्लोक 5 (sundara.18.5)

भृशं नियुक्तस्तस्यां च मदनेन मदोत्कटः । न तु तं राक्षसः कामं शशाकात्मनि गूहितुम् ॥ 18.5 ॥

bhṛśaṃ niyuktas tasyāṃ ca madanena madotkaṭaḥ | na tu taṃ rākṣasaḥ kāmaṃ śaśākātmani gūhitum ||

कामदेव के द्वारा प्रबल रूप से उसकी ओर प्रेरित और मद से उन्मत्त वह राक्षस उस काम-वासना को अपने भीतर छिपा नहीं सका।

श्लोक 6 (sundara.18.6)

स सर्वाभरणैर्युक्तो बिभ्रच्छ्रियमनुत्तमाम् । तां नगैर्विविधैर्जुष्टां सर्वपुष्पफलोपगैः ॥ 18.6 ॥

sa sarvābharaṇair yukto bibhracchriyam anuttamām | tāṃ nagair vividhair juṣṭāṃ sarvapuṣpaphalopagaiḥ ||

सम्पूर्ण आभूषणों से युक्त, अनुपम शोभा धारण किए हुए वह विविध फल-फूलों से युक्त वृक्षों से सुशोभित उस वाटिका में...

श्लोक 7 (sundara.18.7)

वृतां पुष्करिणीभिश्च नानापुष्पोपशोभिताम् । सदा मत्तैश्च विहगैर्विचित्रां परमाद्भुतैः ॥ 18.7 ॥

vṛtāṃ puṣkariṇībhiśca nānāpuṣpopaśobhitām | sadā mattaiśca vihagair vicitrāṃ paramādbhutaiḥ ||

...जो सरोवरों से घिरी, विविध पुष्पों से सुशोभित, और सदा मतवाले, विचित्र तथा अद्भुत पक्षियों से सुसज्जित थी।

श्लोक 8 (sundara.18.8)

ईहामृगैश्च विविधैर्वृतां दृष्टिमनोहरैः । वीथीः सम्प्रेक्षमाणश्च मणिकाञ्चनतोरणाम् ॥ 18.8 ॥

īhāmṛgaiśca vividhair vṛtāṃ dṛṣṭimanoharaiḥ | vīthīḥ samprekṣamāṇaśca maṇikāñcanatoraṇām ||

वह विविध प्रकार के, आँखों को मोहित करने वाले कृत्रिम मृगों से भरी हुई थी; उसकी मणि और स्वर्ण के तोरण-द्वारों वाली गलियों को देखता हुआ...

श्लोक 9 (sundara.18.9)

नानामृगगणाकीर्णां फलैः प्रपतितैर्वृताम् । अशोकवनिकामेव प्राविशत् संततद्रुमाम् ॥ 18.9 ॥

nānāmṛgagaṇākīrṇāṃ phalaiḥ prapatitair vṛtām | aśokavanikām eva prāviśat saṃtatadrumām ||

...तथा विविध मृगों के झुंडों से भरी, गिरे हुए फलों से आच्छादित, सघन वृक्षों वाली उस अशोकवाटिका में वह प्रविष्ट हुआ।

श्लोक 10 (sundara.18.10)

अंगनाः शतमात्रं तु तं व्रजन्तमनुव्रजन् । महेन्द्रमिव पौलस्त्यं देवगन्धर्वयोषितः ॥ 18.10 ॥

aṅganāḥ śatamātraṃ tu taṃ vrajantam anuvrajan | mahendram iva paulastyaṃ devagandharvayoṣitaḥ ||

जाते हुए उस पौलस्त्य (रावण) के पीछे लगभग सौ स्त्रियाँ चल रही थीं, वैसे ही जैसे इन्द्र के पीछे देव और गन्धर्व स्त्रियाँ चलती हैं।

श्लोक 11 (sundara.18.11)

दीपिकाः काञ्चनीः काश्चिज्जगृहुस्तत्र योषितः । वालव्यजनहस्ताश्च तालवृन्तानि चापराः ॥ 18.11 ॥

dīpikāḥ kāñcanīḥ kāścij jagṛhus tatra yoṣitaḥ | vālavyajanahastāśca tālavṛntāni cāparāḥ ||

उनमें से कुछ स्त्रियाँ स्वर्ण के दीपक लिए हुए थीं, कुछ हाथों में चँवर लिए थीं, और कुछ ताड़-पत्रों के पंखे।

श्लोक 12 (sundara.18.12)

काञ्चनैश्चैव भृंगारैर्जह्रुः सलिलमग्रतः । मण्डलाग्रा बृसीश्चैव गृह्यान्याः पृष्ठतो ययुः ॥ 18.12 ॥

kāñcanaiścaiva bhṛṅgārair jahruḥ salilam agrataḥ | maṇḍalāgrā bṛsīścaiva gṛhyānyāḥ pṛṣṭhato yayuḥ ||

आगे चलती हुई कुछ स्त्रियाँ स्वर्ण-कलशों में जल लिए हुए थीं, और पीछे चलती हुई अन्य स्त्रियाँ गोल किनारों वाले आसन लिए हुए जा रही थीं।

श्लोक 13 (sundara.18.13)

काचिद् रत्नमयीं पात्रीं पूर्णां पानस्य भ्राजतीम् । दक्षिणा दक्षिणेनैव तदा जग्राह पाणिना ॥ 18.13 ॥

kācid ratnamayīṃ pātrīṃ pūrṇāṃ pānasya bhrājatīm | dakṣiṇā dakṣiṇenaiva tadā jagrāha pāṇinā ||

उसकी दाहिनी ओर चलने वाली एक स्त्री ने अपने दाहिने हाथ में मदिरा से भरा चमकता हुआ रत्नजड़ित पात्र लिया हुआ था।

श्लोक 14 (sundara.18.14)

राजहंसप्रतीकाशं छत्रं पूर्णशशिप्रभम् । सौवर्णदण्डमपरा गृहीत्वा पृष्ठतो ययौ ॥ 18.14 ॥

rājahaṃsapratīkāśaṃ chatraṃ pūrṇaśaśiprabham | sauvarṇadaṇḍam aparā gṛhītvā pṛṣṭhato yayau ||

राजहंस के समान श्वेत, पूर्ण चन्द्रमा की कान्ति वाला, स्वर्ण-दण्ड युक्त छत्र लिए हुए एक अन्य स्त्री पीछे-पीछे चल रही थी।

श्लोक 15 (sundara.18.15)

निद्रामदपरीताक्ष्यो रावणस्योत्तमस्त्रियः । अनुजग्मुः पतिं वीरं घनं विद्युल्लता इव ॥ 18.15 ॥

nidrāmadaparītākṣyo rāvaṇasyottamastriyaḥ | anujagmuḥ patiṃ vīraṃ ghanaṃ vidyullatā iva ||

नींद और मद से भरी आँखों वाली रावण की उत्तम स्त्रियाँ अपने वीर पति का अनुसरण वैसे ही कर रही थीं जैसे बिजली की लता मेघ का अनुसरण करती है।

श्लोक 16 (sundara.18.16)

व्याविद्धहारकेयूराः समामृदितवर्णकाः । समागलितकेशान्ताः सस्वेदवदनास्तथा ॥ 18.16 ॥

vyāviddhahārakeyūrāḥ samāmṛditavarṇakāḥ | samāgalitakeśāntāḥ sasvedavadanās tathā ||

उनके हार और भुजबन्द अस्त-व्यस्त हो गए थे, उनका शरीर-अनुलेपन मला-कुचला हुआ था, उनके केश बिखर गए थे, और उनके मुख पसीने से भीगे थे।

श्लोक 17 (sundara.18.17)

घूर्णन्त्यो मदशेषेण निद्रया च शुभाननाः । स्वेदक्लिष्टांगकुसुमाः समाल्याकुलमूर्धजाः ॥ 18.17 ॥

ghūrṇantyo madaśeṣeṇa nidrayā ca śubhānanāḥ | svedakliṣṭāṅgakusumāḥ samālyākulamūrdhajāḥ ||

-- वे सुन्दर मुख वाली स्त्रियाँ शेष मद और निद्रा से लड़खड़ाती हुई चल रही थीं, पसीने से उनके अंगों के फूल कुम्हला गए थे, और उनके केशों में लगी मालाएँ उलझ गई थीं।

श्लोक 18 (sundara.18.18)

प्रयान्तं नैर्ऋतपतिं नार्यो मदिरलोचनाः । बहुमानाच्च कामाच्च प्रियभार्यास्तमन्वयुः ॥ 18.18 ॥

prayāntaṃ nairṛtapatiṃ nāryo madiralocanāḥ | bahumānācca kāmācca priyabhāryās tam anvayuḥ ||

मदभरे नेत्रों वाली वे प्रिय भार्याएँ सम्मान और प्रेम के कारण उस जाते हुए राक्षसराज का अनुसरण कर रही थीं।

श्लोक 19 (sundara.18.19)

स च कामपराधीनः पतिस्तासां महाबलः । सीतासक्तमना मन्दो मन्दाञ्चितगतिर्बभौ ॥ 18.19 ॥

sa ca kāmaparādhīnaḥ patis tāsāṃ mahābalaḥ | sītāsaktamanā mando mandāñcitagatir babhau ||

उनका वह महाबली पति, काम के अधीन होकर और सीता में मन लगाए हुए, मन्द-मन्द झुकी हुई चाल से चलता हुआ शोभा पा रहा था।

श्लोक 20 (sundara.18.20)

ततः काञ्चीनिनादं च नूपुराणां च निःस्वनम् । शुश्राव परमस्त्रीणां कपिर्मारुतनन्दनः ॥ 18.20 ॥

tataḥ kāñcīninādaṃ ca nūpurāṇāṃ ca niḥsvanam | śuśrāva paramastrīṇāṃ kapir mārutanandanaḥ ||

तब पवनपुत्र वानर हनुमान ने उन उत्तम स्त्रियों की करधनियों की झंकार और पायलों की ध्वनि सुनी।

श्लोक 21 (sundara.18.21)

तं चाप्रतिमकर्माणमचिन्त्यबलपौरुषम् । द्वारदेशमनुप्राप्तं ददर्श हनुमान् कपिः ॥ 18.21 ॥

taṃ cāpratimakarmāṇam acintyabalapauruṣam | dvāradeśam anuprāptaṃ dadarśa hanumān kapiḥ ||

वानर हनुमान ने अनुपम कर्म करने वाले, अचिन्त्य बल और पराक्रम वाले उस रावण को द्वार-प्रदेश तक पहुँचा हुआ देखा।

श्लोक 22 (sundara.18.22)

दीपिकाभिरनेकाभिः समन्तादवभासितम् । गन्धतैलावसिक्ताभिर्ध्रियमाणाभिरग्रतः ॥ 18.22 ॥

dīpikābhir anekābhiḥ samantād avabhāsitam | gandhatailāvasiktābhir dhriyamāṇābhir agrataḥ ||

वह अनेक दीपिकाओं से चारों ओर से प्रकाशित हो रहा था, जो सुगन्धित तेल से सिक्त थीं और उसके आगे-आगे लिए जा रही थीं।

श्लोक 23 (sundara.18.23)

कामदर्पमदैर्युक्तं जिह्मताम्रायतेक्षणम् । समक्षमिव कंदर्पमपविद्धशरासनम् ॥ 18.23 ॥

kāmadarpamadair yuktaṃ jihmatāmrāyatekṣaṇam | samakṣam iva kandarpam apaviddhaśarāsanam ||

काम, दर्प और मद से युक्त, टेढ़े और लाल-लाल विस्तृत नेत्रों वाला वह ऐसा प्रतीत हो रहा था मानो साक्षात् कामदेव धनुष त्याग कर खड़ा हो।

श्लोक 24 (sundara.18.24)

मथितामृतफेनाभमरजोवस्त्रमुत्तमम् । सपुष्पमवकर्षन्तं विमुक्तं सक्तमंगदे ॥ 18.24 ॥

mathitāmṛtaphenābham arajovastram uttamam | sapuṣpam avakarṣantaṃ vimuktaṃ saktam aṅgade ||

वह मथे हुए अमृत के फेन के समान श्वेत, निर्मल, उत्तम, फूलों-सहित उस वस्त्र को, जो बाजूबन्द में उलझकर खिसक गया था, बार-बार खींच रहा था।

श्लोक 25 (sundara.18.25)

तं पत्रविटपे लीनः पत्रपुष्पशतावृतः । समीपमुपसंक्रान्तं विज्ञातुमुपचक्रमे ॥ 18.25 ॥

taṃ patravaṭape līnaḥ patrapuṣpaśatāvṛtaḥ | samīpam upasaṃkrāntaṃ vijñātum upacakrame ||

पत्तों और फूलों की सैकड़ों शाखाओं में छिपा हुआ हनुमान उस निकट आते हुए रावण को पहचानने का प्रयत्न करने लगा।

श्लोक 26 (sundara.18.26)

अवेक्षमाणस्तु तदा ददर्श कपिकुञ्जरः । रूपयौवनसम्पन्ना रावणस्य वरस्त्रियः ॥ 18.26 ॥

avekṣamāṇas tu tadā dadarśa kapikuñjaraḥ | rūpayauvanasampannā rāvaṇasya varastriyaḥ ||

उस समय चारों ओर देखते हुए वानरश्रेष्ठ हनुमान ने रूप और यौवन से सम्पन्न रावण की उत्तम स्त्रियों को देखा।

श्लोक 27 (sundara.18.27)

ताभिः परिवृतो राजा सुरूपाभिर्महायशाः । तन्मृगद्विजसंघुष्टं प्रविष्टः प्रमदावनम् ॥ 18.27 ॥

tābhiḥ parivṛto rājā surūpābhir mahāyaśāḥ | tanmṛgadvijasaṃghuṣṭaṃ praviṣṭaḥ pramadāvanam ||

उन सुन्दर स्त्रियों से घिरा हुआ वह महायशस्वी राजा मृगों और पक्षियों की ध्वनियों से गूँजते उस प्रमदावन में प्रविष्ट हुआ।

श्लोक 28 (sundara.18.28)

क्षीबो विचित्राभरणः शङ्कुकर्णो महाबलः । तेन विश्रवसः पुत्रः स दृष्टो राक्षसाधिपः ॥ 18.28 ॥

kṣībo vicitrābharaṇaḥ śaṅkukarṇo mahābalaḥ | tena viśravasaḥ putraḥ sa dṛṣṭo rākṣasādhipaḥ ||

मदमत्त, विचित्र आभूषणों से सज्जित, शंकु के समान कानों वाला, महाबली विश्रवा-पुत्र वह राक्षसाधिपति हनुमान द्वारा देखा गया।

श्लोक 29 (sundara.18.29)

वृतः परमनारीभिस्ताराभिरिव चन्द्रमाः । तं ददर्श महातेजास्तेजोवन्तं महाकपिः ॥ 18.29 ॥

vṛtaḥ paramanārībhis tārābhir iva candramāḥ | taṃ dadarśa mahātejās tejovantaṃ mahākapiḥ ||

तारों से घिरे चन्द्रमा के समान उत्तम स्त्रियों से घिरे उस तेजस्वी रावण को महातेजस्वी महाकपि हनुमान ने देखा।

श्लोक 30 (sundara.18.30)

रावणोऽयं महाबाहुरिति संचिन्त्य वानरः । सोऽयमेव पुरा शेते पुरमध्ये गृहोत्तमे । अवप्लुतो महातेजा हनूमान् मारुतात्मजः ॥ 18.30 ॥

rāvaṇo'yaṃ mahābāhur iti saṃcintya vānaraḥ | so'yam eva purā śete puramadhye gṛhottame | avaplutaḥ mahātejā hanūmān mārutātmajaḥ ||

"यही महाबाहु रावण है, यही वह है जो पहले नगर के मध्य उत्तम भवन में सोया हुआ मिला था" -- ऐसा विचार कर महातेजस्वी पवनपुत्र हनुमान वहाँ से हट कर छिपने के लिए कूद पड़े।

श्लोक 31 (sundara.18.31)

स तथाप्युग्रतेजाः स निर्धूतस्तस्य तेजसा । पत्रे गुह्यान्तरे सक्तो मतिमान् संवृतोऽभवत् ॥ 18.31 ॥

sa tathāpy ugratejāḥ sa nirdhūtas tasya tejasā | patre guhyāntare sakto matimān saṃvṛto'bhavat ||

फिर भी वह उग्र तेजस्वी हनुमान, रावण के तेज से मानो म्लान होकर, बुद्धिमानी से पत्तों की गुप्त ओट में जा छिपे।

श्लोक 32 (sundara.18.32)

स तामसितकेशान्तां सुश्रोणीं संहतस्तनीम् । दिदृक्षुरसितापांगीमुपावर्तत रावणः ॥ 18.32 ॥

sa tām asitakeśāntāṃ suśroṇīṃ saṃhatastanīm | didṛkṣur asitāpāṅgīm upāvartata rāvaṇaḥ ||

काले केशों वाली, सुडौल नितम्बों वाली, सुगठित स्तनों वाली, और काली पुतलियों वाली उस सीता को देखने की इच्छा से रावण उसके निकट गया।