सीता का रावण को अस्वीकार

श्लोक 1 (sundara.21.1)

तस्य तद् वचनं श्रुत्वा सीता रौद्रस्य रक्षसः । आर्ता दीनस्वरा दीनं प्रत्युवाच ततः शनैः ॥ १ ॥

tasya tad vacanaṃ śrutvā sītā raudrasya rakṣasaḥ | ārtā dīnasvarā dīnaṃ pratyuvāca tataḥ śanaiḥ || 1 ||

उस भयंकर राक्षस के वे वचन सुनकर व्यथित सीता ने धीरे-धीरे दीन और क्षीण स्वर में उत्तर दिया।

श्लोक 2 (sundara.21.2)

दुःखार्ता रुदती सीता वेपमाना तपस्विनी । चिन्तयन्ती वरारोहा पतिमेव पतिव्रता ॥ २ ॥

duḥkhārtā rudatī sītā vepamānā tapasvinī | cintayantī varārohā patimeva pativratā || 2 ||

दुःख से पीड़ित, रोती और कांपती हुई वह सुंदरांगी, पतिव्रता सीता केवल अपने पति का ही चिन्तन करती रही।

श्लोक 3 (sundara.21.3)

तृणमन्तरतः कृत्वा प्रत्युवाच शुचिस्मिता । निवर्तय मनो मत्तः स्वजने प्रीयतां मनः ॥ ३ ॥

tṛṇamantarataḥ kṛtvā pratyuvāca śucismitā | nivartaya mano mattaḥ svajane prīyatāṃ manaḥ || 3 ||

अपने और रावण के बीच एक तिनका रखकर उस निर्मल मुस्कान वाली सीता ने कहा - मुझसे अपना मन हटा लो, अपनी ही जाति में तुम्हारा मन प्रसन्न हो।

श्लोक 4 (sundara.21.4)

न मां प्रार्थयितुं युक्तस्त्वं सिद्धिमिव पापकृत् । अकार्यं न मया कार्यमेकपत्न्या विगर्हितम् ॥ ४ ॥

na māṃ prārthayituṃ yuktastvaṃ siddhimiva pāpakṛt | akāryaṃ na mayā kāryamekapatnyā vigarhitam || 4 ||

जैसे किसी पापी को मुक्ति चाहना उचित नहीं, वैसे ही तुम्हारा मुझे चाहना उचित नहीं। मैं एकपतिव्रता हूँ, यह निन्दित अकार्य मैं कभी नहीं करूँगी।

श्लोक 5 (sundara.21.5)

कुलं सम्प्राप्तया पुण्यं कुले महति जातया । एवमुक्त्वा तु वैदेही रावणं तं यशस्विनी ॥ ५ ॥

kulaṃ samprāptayā puṇyaṃ kule mahati jātayā | evamuktvā tu vaidehī rāvaṇaṃ taṃ yaśasvinī || 5 ||

पुण्यशालिनी, महान कुल में जन्मी वैदेही ने यशस्विनी होकर रावण से यह कहा -

श्लोक 6 (sundara.21.6)

रावणं पृष्ठतः कृत्वा भूयो वचनमब्रवीत् । नाहमौपयिकी भार्या परभार्या सती तव ॥ ६ ॥

rāvaṇaṃ pṛṣṭhataḥ kṛtvā bhūyo vacanamabravīt | nāhamaupayikī bhāryā parabhāryā satī tava || 6 ||

रावण की ओर पीठ करके उसने फिर कहा - मैं तुम्हारी उचित पत्नी नहीं हूँ, क्योंकि मैं पर-भार्या हूँ और अपने पति के प्रति सती हूँ।

श्लोक 7 (sundara.21.7)

साधु धर्ममवेक्षस्व साधु साधुव्रतं चर । यथा तव तथान्येषां रक्ष्या दारा निशाचर ॥ ७ ॥

sādhu dharmamavekṣasva sādhu sādhuvrataṃ cara | yathā tava tathānyeṣāṃ rakṣyā dārā niśācara || 7 ||

धर्म का भली-भाँति पालन करो, सज्जनों के व्रत का आचरण करो; हे निशाचर! जैसे तुम्हारी पत्नियाँ तुम्हें रक्षणीय हैं, वैसे ही दूसरों की पत्नियाँ भी रक्षणीय हैं।

श्लोक 8 (sundara.21.8)

आत्मानमुपमां कृत्वा स्वेषु दारेषु रम्यताम् । अतुष्टं स्वेषु दारेषु चपलं चपलेन्द्रियम् । नयन्ति निकृतिप्रज्ञं परदाराः पराभवम् ॥ ८ ॥

ātmānamupamāṃ kṛtvā sveṣu dāreṣu ramyatām | atuṣṭaṃ sveṣu dāreṣu capalaṃ capalendriyam | nayanti nikṛtiprajñaṃ paradārāḥ parābhavam || 8 ||

अपने आप को उदाहरण मानकर अपनी ही पत्नियों में आनन्दित रहो। जो पुरुष अपनी पत्नियों से असंतुष्ट, चंचल-इन्द्रिय और नीच-बुद्धि होता है, उसे पराई स्त्रियाँ केवल पराभव की ओर ले जाती हैं।

श्लोक 9 (sundara.21.9)

इह सन्तो न वा सन्ति सतो वा नानुवर्तसे । यथा हि विपरीता ते बुद्धिराचारवर्जिता ॥ ९ ॥

iha santo na vā santi sato vā nānuvartase | yathā hi viparītā te buddhirācāravarjitā || 9 ||

क्या यहाँ सज्जन नहीं हैं, या तुम सज्जनों का अनुसरण नहीं करते? निश्चय ही तुम्हारी बुद्धि विपरीत और सदाचार से रहित है,

श्लोक 10 (sundara.21.10)

वचो मिथ्याप्रणीतात्मा पथ्यमुक्तं विचक्षणैः । राक्षसानामभावाय त्वं वा न प्रतिपद्यसे ॥ १० ॥

vaco mithyāpraṇītātmā pathyamuktaṃ vicakṣaṇaiḥ | rākṣasānāmabhāvāya tvaṃ vā na pratipadyase || 10 ||

क्योंकि विद्वानों द्वारा कहा गया हितकारी वचन, जो राक्षसों के अस्तित्व के लिए है, तुम स्वीकार नहीं करते।

श्लोक 11 (sundara.21.11)

अकृतात्मानमासाद्य राजानमनये रतम् । समृद्धानि विनश्यन्ति राष्ट्राणि नगराणि च ॥ ११ ॥

akṛtātmānamāsādya rājānamanaye ratam | samṛddhāni vinaśyanti rāṣṭrāṇi nagarāṇi ca || 11 ||

अनियंत्रित मन वाला, कुमार्गगामी राजा जब मिलता है, तो समृद्ध राज्य और नगर नष्ट हो जाते हैं;

श्लोक 12 (sundara.21.12)

तथैव त्वां समासाद्य लंका रत्नौघसंकुला । अपराधात् तवैकस्य नचिराद् विनशिष्यति ॥ १२ ॥

tathaiva tvāṃ samāsādya laṃkā ratnaughasaṃkulā | aparādhāt tavaikasya nacirād vinaśiṣyati || 12 ||

वैसे ही, तुम्हें पाकर, रत्नों से भरी यह लंका भी तुम्हारे एक अपराध के कारण शीघ्र ही नष्ट हो जाएगी।

श्लोक 13 (sundara.21.13)

स्वकृतैर्हन्यमानस्य रावणादीर्घदर्शिनः । अभिनन्दन्ति भूतानि विनाशे पापकर्मणः ॥ १३ ॥

svakṛtairhanyamānasya rāvaṇādīrghadarśinaḥ | abhinandanti bhūtāni vināśe pāpakarmaṇaḥ || 13 ||

जब कोई अदूरदर्शी पापी अपने ही कर्मों से मारा जाता है, तो सभी प्राणी उसके विनाश पर हर्षित होते हैं।

श्लोक 14 (sundara.21.14)

एवं त्वां पापकर्माणं वक्ष्यन्ति निकृता जनाः । दिष्ट्यैतद् व्यसनं प्राप्तो रौद्र इत्येव हर्षिताः ॥ १४ ॥

evaṃ tvāṃ pāpakarmāṇaṃ vakṣyanti nikṛtā janāḥ | diṣṭyaitad vyasanaṃ prāpto raudra ityeva harṣitāḥ || 14 ||

इस प्रकार नष्ट होते हुए तुझ पापकर्मा को देखकर सताए हुए लोग हर्षपूर्वक कहेंगे - विधाता की कृपा से इस क्रूर को यह विपत्ति मिली है।

श्लोक 15 (sundara.21.15)

शक्या लोभयितुं नाहमैश्वर्येण धनेन वा । अनन्या राघवेणाहं भास्करेण यथा प्रभा ॥ १५ ॥

śakyā lobhayituṃ nāhamaiśvaryeṇa dhanena vā | ananyā rāghaveṇāhaṃ bhāskareṇa yathā prabhā || 15 ||

मैं ऐश्वर्य या धन से लोभित नहीं की जा सकती; मैं राघव से वैसे ही अभिन्न हूँ जैसे सूर्य से उसकी प्रभा।

श्लोक 16 (sundara.21.16)

उपधाय भुजं तस्य लोकनाथस्य सत्कृतम् । कथं नामोपधास्यामि भुजमन्यस्य कस्य चित् ॥ १६ ॥

upadhāya bhujaṃ tasya lokanāthasya satkṛtam | kathaṃ nāmopadhāsyāmi bhujamanyasya kasya cit || 16 ||

उस लोकनाथ की पूजनीय भुजा पर सिर रखकर मैं भला किसी और की भुजा पर सिर कैसे रख सकती हूँ?

श्लोक 17 (sundara.21.17)

अहमौपयिकी भार्या तस्यैव वसुधापतेः । व्रतस्नातस्य विद्येव विप्रस्य विदितात्मनः ॥ १७ ॥

ahamaupayikī bhāryā tasyaiva vasudhāpateḥ | vratasnātasya vidyeva viprasya viditātmanaḥ || 17 ||

मैं उसी वसुधापति की उचित पत्नी हूँ, जैसे व्रतस्नातक और आत्मज्ञानी ब्राह्मण की विद्या केवल उसी की होती है।

श्लोक 18 (sundara.21.18)

साधु रावण रामेण मां समानय दुःखिताम् । वने वाशितया सार्धं करेण्वेव गजाधिपम् ॥ १८ ॥

sādhu rāvaṇa rāmeṇa māṃ samānaya duḥkhitām | vane vāśitayā sārdhaṃ kareṇveva gajādhipam || 18 ||

हे रावण! दुःखिनी मुझे राम से भली-भाँति मिला दो, जैसे वन में विचरती हथिनी गजराज से मिलती है।

श्लोक 19 (sundara.21.19)

मित्रमौपयिकं कर्तुं रामः स्थानं परीप्सता । वधं चानिच्छता घोरं त्वयासौ पुरुषर्षभः ॥ १९ ॥

mitramaupayikaṃ kartuṃ rāmaḥ sthānaṃ parīpsatā | vadhaṃ cānicchatā ghoraṃ tvayāsau puruṣarṣabhaḥ || 19 ||

राम, जो स्वस्थान और अपने कल्याण की इच्छा रखते हैं और घोर वध नहीं चाहते, उनसे तुम्हें मित्रता करना ही उचित है।

श्लोक 20 (sundara.21.20)

विदितः सर्वधर्मज्ञः शरणागतवत्सलः । तेन मैत्री भवतु ते यदि जीवितुमिच्छसि ॥ २० ॥

viditaḥ sarvadharmajñaḥ śaraṇāgatavatsalaḥ | tena maitrī bhavatu te yadi jīvitumicchasi || 20 ||

वे सर्वधर्मज्ञ के रूप में विख्यात हैं और शरणागत के प्रति वत्सल हैं; यदि जीना चाहते हो तो उनसे मित्रता कर लो।

श्लोक 21 (sundara.21.21)

प्रसादयस्व त्वं चैनं शरणागतवत्सलम् । मां चास्मै प्रयतो भूत्वा निर्यातयितुमर्हसि ॥ २१ ॥

prasādayasva tvaṃ cainaṃ śaraṇāgatavatsalam | māṃ cāsmai prayato bhūtvā niryātayitumarhasi || 21 ||

शरणागतवत्सल राम को प्रसन्न करो, और शुद्ध चित्त होकर मुझे उन्हें लौटा दो।

श्लोक 22 (sundara.21.22)

एवं हि ते भवेत् स्वस्ति संप्रदाय रघूत्तमे । अन्यथा त्वं हि कुर्वाणो वधं प्राप्स्यसि राक्षस ॥ २२ ॥

evaṃ hi te bhavet svasti saṃpradāya raghūttame | anyathā tvaṃ hi kurvāṇo vadhaṃ prāpsyasi rākṣasa || 22 ||

ऐसा करके रघूत्तम को मुझे सौंपने से तुम्हारा कल्याण होगा; अन्यथा करने पर, हे राक्षस, तुम वध को प्राप्त होगे।

श्लोक 23 (sundara.21.23)

वर्जयेद् वज्रमुत्सृष्टं वर्जयेदन्तकश्चिरम् । त्वद्विधं न तु संक्रुद्धो लोकनाथः स राघवः ॥ २३ ॥

varjayed vajramutsṛṣṭaṃ varjayedantakaściram | tvadvidhaṃ na tu saṃkruddho lokanāthaḥ sa rāghavaḥ || 23 ||

छोड़ा गया वज्र भी बच जाए, यमराज भी बहुत देर तक टाल दे, पर क्रुद्ध हुए लोकनाथ राघव तुम्हारे जैसे को नहीं छोड़ेंगे।

श्लोक 24 (sundara.21.24)

रामस्य धनुषः शब्दं श्रोष्यसि त्वं महास्वनम् । शतक्रतुविसृष्टस्य निर्घोषमशनेरिव ॥ २४ ॥

rāmasya dhanuṣaḥ śabdaṃ śroṣyasi tvaṃ mahāsvanam | śatakratuvisṛṣṭasya nirghoṣamaśaneriva || 24 ||

शतक्रतु इन्द्र द्वारा छोड़े वज्र की गर्जना के समान राम के धनुष की भीषण टंकार तुम सुनोगे।

श्लोक 25 (sundara.21.25)

इह शीघ्रं सुपर्वाणो ज्वलितास्या इवोरगाः । इषवो निपतिष्यन्ति रामलक्ष्मणलक्षणाः ॥ २५ ॥

iha śīghraṃ suparvāṇo jvalitāsyā ivoragāḥ | iṣavo nipatiṣyanti rāmalakṣmaṇalakṣaṇāḥ || 25 ||

यहाँ शीघ्र ही सुपर्ववाले, जलते हुए सर्पों के समान राम-लक्ष्मण के चिह्नों वाले बाण गिरेंगे।

श्लोक 26 (sundara.21.26)

रक्षांसि परिनिघ्नन्तः पुर्यामस्यां समन्ततः । असंपातं करिष्यन्ति पतन्तः कंकवाससः ॥ २६ ॥

rakṣāṃsi parinighnantaḥ puryāmasyāṃ samantataḥ | asaṃpātaṃ kariṣyanti patantaḥ kaṃkavāsasaḥ || 26 ||

इस नगरी में चारों ओर राक्षसों का संहार करते हुए, बगुले के पंखों वाले वे बाण बिना कोई स्थान छोड़े गिरेंगे।

श्लोक 27 (sundara.21.27)

राक्षसेन्द्रमहासर्पान् स रामगरुडो महान् । उद्धरिष्यति वेगेन वैनतेय इवोरगान् ॥ २७ ॥

rākṣasendramahāsarpān sa rāmagaruḍo mahān | uddhariṣyati vegena vainateya ivoragān || 27 ||

वैनतेय गरुड़ जैसे सर्पों को उखाड़ फेंकते हैं, वैसे ही वह महान राम-गरुड़ राक्षसराज रूपी महासर्पों को वेगपूर्वक उखाड़ फेंकेंगे।

श्लोक 28 (sundara.21.28)

अपनेष्यति मां भर्ता त्वत्तः शीघ्रमरिंदमः । असुरेभ्यः श्रियं दीप्तां विष्णुस्त्रिभिरिव क्रमैः ॥ २८ ॥

apaneṣyati māṃ bhartā tvattaḥ śīghramariṃdamaḥ | asurebhyaḥ śriyaṃ dīptāṃ viṣṇustribhiriva kramaiḥ || 28 ||

मेरे शत्रुदमन पति शीघ्र ही मुझे तुमसे वैसे ही छीन लेंगे, जैसे विष्णु ने तीन पगों से असुरों की देदीप्यमान श्री हर ली थी।

श्लोक 29 (sundara.21.29)

जनस्थाने हतस्थाने निहते रक्षसां बले । अशक्तेन त्वया रक्षः कृतमेतदसाधु वै ॥ २९ ॥

janasthāne hatasthāne nihate rakṣasāṃ bale | aśaktena tvayā rakṣaḥ kṛtametadasādhu vai || 29 ||

जनस्थान को मृतकों का स्थान बना देने वाली राक्षससेना के मारे जाने पर, तुमने असमर्थ होकर ही यह असाधु कर्म किया।

श्लोक 30 (sundara.21.30)

आश्रमं तत् ततो शून्यं प्रविश्य नरसिंहयोः । गोचरं गतयोर्भ्रात्रोरपनीता त्वयाधम ॥ ३० ॥

āśramaṃ tat tato śūnyaṃ praviśya narasiṃhayoḥ | gocaraṃ gatayorbhrātrorapanītā tvayādhama || 30 ||

उन दोनों नरसिंहों (राम-लक्ष्मण) के आश्रम को शून्य पाकर, जब वे भाई दृष्टि से परे थे, तभी तुमने, हे अधम, मुझे हर लिया।

श्लोक 31 (sundara.21.31)

नहि गन्धमुपाघ्राय रामलक्ष्मणयोस्त्वया । शक्यं संदर्शने स्थातुं शुना शार्दूलयोरिव ॥ ३१ ॥

nahi gandhamupāghrāya rāmalakṣmaṇayostvayā | śakyaṃ saṃdarśane sthātuṃ śunā śārdūlayoriva || 31 ||

राम-लक्ष्मण की गंध पाकर भी तुम उनकी दृष्टि के सामने वैसे ही खड़े नहीं रह सकोगे, जैसे कुत्ता दो सिंहों के सामने नहीं रह सकता।

श्लोक 32 (sundara.21.32)

तस्य ते विग्रहे ताभ्यां युगग्रहणमस्थिरम् । वृत्रस्येवेन्द्रबाहुभ्यां बाहोरेकस्य विग्रहे ॥ ३२ ॥

tasya te vigrahe tābhyāṃ yugagrahaṇamasthiram | vṛtrasyevendrabāhubhyāṃ bāhorekasya vigrahe || 32 ||

उन दोनों के साथ तुम्हारा वैर वैसा ही अस्थिर है, जैसे इन्द्र की दोनों भुजाओं के विरुद्ध वृत्रासुर की एक भुजा का संघर्ष।

श्लोक 33 (sundara.21.33)

क्षिप्रं तव स नाथो मे रामः सौमित्रिणा सह । तोयमल्पमिवादित्यः प्राणानादास्यते शरैः ॥ ३३ ॥

kṣipraṃ tava sa nātho me rāmaḥ saumitriṇā saha | toyamalpamivādityaḥ prāṇānādāsyate śaraiḥ || 33 ||

मेरे स्वामी राम शीघ्र ही लक्ष्मण सहित बाणों द्वारा तुम्हारे प्राण वैसे ही हर लेंगे, जैसे सूर्य थोड़े जल को शीघ्र सुखा देता है।

श्लोक 34 (sundara.21.34)

गिरिं कुबेरस्य गतोऽथवाऽऽलयं सभां गतो वा वरुणस्य राज्ञः । असंशयं दाशरथेर्विमोक्ष्यसे महाद्रुमः कालहतोऽशनेरिव ॥ ३४ ॥

giriṃ kuberasya gato'thavā''layaṃ sabhāṃ gato vā varuṇasya rājñaḥ | asaṃśayaṃ dāśarathervimokṣyase mahādrumaḥ kālahato'śaneriva || 34 ||

चाहे तुम कुबेर के पर्वत पर जाओ या उसके घर में, या राजा वरुण की सभा में - काल से मारे गए महावृक्ष की भाँति, तुम निश्चय ही दशरथपुत्र से नहीं बच पाओगे।