अशोकवाटिका में सीता का विलाप

श्लोक 1 (sundara.26.1)

प्रसक्ताश्रुमुखी त्वेवं ब्रुवती जनकात्मजा । अधोगतमुखी बाला विलप्तुमुपचक्रमे ॥ 26.1 ॥

prasaktāśrumukhī tvevaṃ bruvatī janakātmajā | adhogatamukhī bālā vilaptumupacakrame || 26.1 ||

आँसुओं से भीगे मुख से यह कहती हुई जनकनन्दिनी बाला सीता सिर झुकाकर विलाप करने लगीं।

श्लोक 2 (sundara.26.2)

उन्मत्तेव प्रमत्तेव भ्रान्तचित्तेव शोचती । उपावृत्ता किशोरीव विचेष्टन्ती महीतले ॥ 26.2 ॥

unmatteva pramatteva bhrāntacitteva śocatī | upāvṛttā kiśorīva viceṣṭantī mahītale || 26.2 ||

वे उन्मत्त, मतवाली और भ्रमित-चित्त सी शोक करती हुईं, किसी नवयुवा घोड़ी के समान पृथ्वी पर लोट-पोट होकर तड़पने लगीं।

श्लोक 3 (sundara.26.3)

राघवस्य प्रमत्तस्य रक्षसा कामरूपिणा । रावणेन प्रमथ्याहमानीता क्रोशती बलात् ॥ 26.3 ॥

rāghavasya pramattasya rakṣasā kāmarūpiṇā | rāvaṇena pramathyāhamānītā krośatī balāt || 26.3 ||

"राघव के असावधान रहते हुए, इच्छानुसार रूप धारण करने वाले राक्षस रावण ने मुझे बलपूर्वक पकड़कर हर लिया, जब मैं चीत्कार कर रही थी।"

श्लोक 4 (sundara.26.4)

राक्षसीवशमापन्ना भर्त्स्यमाना च दारुणम् । चिन्तयन्ती सुदुःखार्ता नाहं जीवितुमुत्सहे ॥ 26.4 ॥

rākṣasīvaśamāpannā bhartsyamānā ca dāruṇam | cintayantī suduḥkhārtā nāhaṃ jīvitumutsahe || 26.4 ||

"राक्षसियों के वश में पड़कर, भयंकर रूप से धमकाई जाती हुई और चिन्ता से अत्यन्त दुःखी होकर, मुझे अब जीवित रहने की इच्छा नहीं है।"

श्लोक 5 (sundara.26.5)

नहि मे जीवितेनार्थो नैवार्थैर्न च भूषणैः । वसन्त्या राक्षसीमध्ये विना रामं महारथम् ॥ 26.5 ॥

nahi me jīvitenārtho naivārthairna ca bhūṣaṇaiḥ | vasantyā rākṣasīmadhye vinā rāmaṃ mahāratham || 26.5 ||

"महारथी राम के बिना राक्षसियों के बीच रहते हुए, मुझे न तो जीवन से, न धन से और न आभूषणों से कोई प्रयोजन है।"

श्लोक 6 (sundara.26.6)

अश्मसारमिदं नूनमथवाप्यजरामरम् । हृदयं मम येनेदं न दुःखेन विशीर्यते ॥ 26.6 ॥

aśmasāramidaṃ nūnamathavāpyajarāmaram | hṛdayaṃ mama yenedaṃ na duḥkhena viśīryate || 26.6 ||

"निश्चय ही मेरा यह हृदय लोहे का बना है, अथवा अजर-अमर है, क्योंकि यह इतने दुःख से भी चूर-चूर नहीं होता।"

श्लोक 7 (sundara.26.7)

धिङ्मामनार्यामसतीं याहं तेन विना कृता । मुहूर्तमपि जीवामि जीवितं पापजीविका ॥ 26.7 ॥

dhiṅmāmanāryāmasatīṃ yāhaṃ tena vinā kṛtā | muhūrtamapi jīvāmi jīvitaṃ pāpajīvikā || 26.7 ||

"धिक्कार है मुझ अनार्या और असती पर, कि उनके बिना बनाई गई मैं पापपूर्ण जीवन जीते हुए एक क्षण भी जीवित रहती हूँ।"

श्लोक 8 (sundara.26.8)

चरणेनापि सव्येन न स्पृशेयं निशाचरम् । रावणं किं पुनरहं कामयेयं विगर्हितम् ॥ 26.8 ॥

caraṇenāpi savyena na spṛśeyaṃ niśācaram | rāvaṇaṃ kiṃ punarahaṃ kāmayeyaṃ vigarhitam || 26.8 ||

"मैं उस निशाचर रावण को अपने बाएँ पैर से भी नहीं छूना चाहूँगी - फिर उस निन्दित को मैं कैसे चाहूँ?"

श्लोक 9 (sundara.26.9)

प्रत्याख्यानं न जानाति नात्मानं नात्मनः कुलम् । यो नृशंसस्वभावेन मां प्रार्थयितुमिच्छति ॥ 26.9 ॥

pratyākhyānaṃ na jānāti nātmānaṃ nātmanaḥ kulam | yo nṛśaṃsasvabhāvena māṃ prārthayitumicchati || 26.9 ||

"जो क्रूर स्वभाव वाला मुझे चाहने की इच्छा रखता है, वह न तो अपने अस्वीकृत होने को जानता है, न स्वयं को, और न अपने कुल को।"

श्लोक 10 (sundara.26.10)

छिन्ना भिन्ना प्रभिन्ना वा दीप्ता वाग्नौ प्रदीपिता । रावणं नोपतिष्ठेयं किं प्रलापेन वश्चिरम् ॥ 26.10 ॥

chinnā bhinnā prabhinnā vā dīptā vāgnau pradīpitā | rāvaṇaṃ nopatiṣṭheyaṃ kiṃ pralāpena vaściram || 26.10 ||

"चाहे मुझे काट डाला जाए, टुकड़े-टुकड़े कर दिया जाए, या जलती आग में झोंक दिया जाए, फिर भी मैं रावण के पास नहीं जाऊँगी - तुम्हारे इस बकवास से क्या लाभ?"

श्लोक 11 (sundara.26.11)

ख्यातः प्राज्ञः कृतज्ञश्च सानुक्रोशश्च राघवः । सद्वृत्तो निरनुक्रोशः शङ्के मद्भाग्यसंक्षयात् ॥ 26.11 ॥

khyātaḥ prājñaḥ kṛtajñaśca sānukrośaśca rāghavaḥ | sadvṛtto niranukrośaḥ śaṅke madbhāgyasaṃkṣayāt || 26.11 ||

"राघव विख्यात, प्राज्ञ, कृतज्ञ, दयालु और सदाचारी हैं - फिर भी मुझे शंका होती है कि मेरे ही दुर्भाग्य के क्षय से वे निर्दय प्रतीत हो रहे हैं।"

श्लोक 12 (sundara.26.12)

राक्षसानां जनस्थाने सहस्राणि चतुर्दश । एकेनैव निरस्तानि स मां किं नाभिपद्यते ॥ 26.12 ॥

rākṣasānāṃ janasthāne sahasrāṇi caturdaśa | ekenaiva nirastāni sa māṃ kiṃ nābhipadyate || 26.12 ||

"जिन्होंने अकेले ही जनस्थान में चौदह हजार राक्षसों का संहार कर दिया था, वे ही मुझे अपनाने क्यों नहीं आते?"

श्लोक 13 (sundara.26.13)

निरुद्धा रावणेनाहमल्पवीर्येण रक्षसा । समर्थः खलु मे भर्ता रावणं हन्तुमाहवे ॥ 26.13 ॥

niruddhā rāvaṇenāhamalpavīryeṇa rakṣasā | samarthaḥ khalu me bhartā rāvaṇaṃ hantumāhave || 26.13 ||

"मुझे इस अल्पवीर्य राक्षस रावण ने बन्दी बना रखा है - निश्चय ही मेरे पति युद्ध में रावण का वध करने में समर्थ हैं।"

श्लोक 14 (sundara.26.14)

विराधो दण्डकारण्ये येन राक्षसपुंगवः । रणे रामेण निहतः स मां किं नाभिपद्यते ॥ 26.14 ॥

virādho daṇḍakāraṇye yena rākṣasapuṃgavaḥ | raṇe rāmeṇa nihataḥ sa māṃ kiṃ nābhipadyate || 26.14 ||

"जिन रामने दण्डकारण्य में राक्षसश्रेष्ठ विराध को युद्ध में मार डाला था, वे मुझे अपनाने क्यों नहीं आते?"

श्लोक 15 (sundara.26.15)

कामं मध्ये समुद्रस्य लङ्केयं दुष्प्रधर्षणा । न तु राघवबाणानां गतिरोधो भविष्यति ॥ 26.15 ॥

kāmaṃ madhye samudrasya laṅkeyaṃ duṣpradharṣaṇā | na tu rāghavabāṇānāṃ gatirodho bhaviṣyati || 26.15 ||

"यद्यपि समुद्र के बीच स्थित यह लंका दुर्धर्ष है, तथापि राघव के बाणों की गति में कोई बाधा नहीं होगी।"

श्लोक 16 (sundara.26.16)

किं नु तत् कारणं येन रामो दृढपराक्रमः । रक्षसापहृतां भार्यामिष्टां यो नाभिपद्यते ॥ 26.16 ॥

kiṃ nu tat kāraṇaṃ yena rāmo dṛḍhaparākramaḥ | rakṣasāpahṛtāṃ bhāryāmiṣṭāṃ yo nābhipadyate || 26.16 ||

"आखिर वह क्या कारण है जिससे दृढ़ पराक्रमी राम, राक्षस द्वारा हरी गई अपनी प्रिय पत्नी को अपनाने नहीं आते?"

श्लोक 17 (sundara.26.17)

इहस्थां मां न जानीते शङ्के लक्ष्मणपूर्वजः । जानन्नपि स तेजस्वी धर्षणां मर्षयिष्यति ॥ 26.17 ॥

ihasthāṃ māṃ na jānīte śaṅke lakṣmaṇapūrvajaḥ | jānannapi sa tejasvī dharṣaṇāṃ marṣayiṣyati || 26.17 ||

"मुझे शंका है कि लक्ष्मणपूर्वज राम को यह ज्ञात नहीं कि मैं यहाँ हूँ - परन्तु जानते हुए भी क्या वह तेजस्वी इस अपमान को सह लेंगे?"

श्लोक 18 (sundara.26.18)

हृतेति मां योऽधिगत्य राघवाय निवेदयेत् । गृध्रराजोऽपि स रणे रावणेन निपातितः ॥ 26.18 ॥

hṛteti māṃ yo'dhigatya rāghavāya nivedayet | gṛdhrarājo'pi sa raṇe rāvaṇena nipātitaḥ || 26.18 ||

"जो मेरे हरण का समाचार पाकर राघव को सूचित करने चला था, वह गृध्रराज भी युद्ध में रावण द्वारा मार गिराया गया।"

श्लोक 19 (sundara.26.19)

कृतं कर्म महत् तेन मां तथाभ्यवपद्यता । तिष्ठता रावणवधे वृद्धेनापि जटायुषा ॥ 26.19 ॥

kṛtaṃ karma mahat tena māṃ tathābhyavapadyatā | tiṣṭhatā rāvaṇavadhe vṛddhenāpi jaṭāyuṣā || 26.19 ||

"उस वृद्ध जटायु ने मेरी रक्षा के लिए डटे रहकर और रावण के वध में तत्पर होकर महान कर्म किया।"

श्लोक 20 (sundara.26.20)

यदि मामिह जानीयाद् वर्तमानां हि राघवः । अद्य बाणैरभिक्रुद्धः कुर्याल्लोकमराक्षसम् ॥ 26.20 ॥

yadi māmiha jānīyād vartamānāṃ hi rāghavaḥ | adya bāṇairabhikruddhaḥ kuryāllokamarākṣasam || 26.20 ||

"यदि राघव को यह ज्ञात हो जाए कि मैं यहाँ जीवित हूँ, तो वे आज ही क्रुद्ध होकर अपने बाणों से सम्पूर्ण संसार को राक्षसरहित कर देंगे।"

श्लोक 21 (sundara.26.21)

निर्दहेच्च पुरीं लङ्कां निर्दहेच्च महोदधिम् । रावणस्य च नीचस्य कीर्तिं नाम च नाशयेत् ॥ 26.21 ॥

nirdahecca purīṃ laṅkāṃ nirdahecca mahodadhim | rāvaṇasya ca nīcasya kīrtiṃ nāma ca nāśayet || 26.21 ||

"वे लंकापुरी को भस्म कर देंगे, महासागर को भी जला डालेंगे, और नीच रावण के यश और नाम दोनों का नाश कर देंगे।"

श्लोक 22 (sundara.26.22)

ततो निहतनाथानां राक्षसीनां गृहे गृहे । यथाहमेवं रुदती तथा भूयो न संशयः ॥ 26.22 ॥

tato nihatanāthānāṃ rākṣasīnāṃ gṛhe gṛhe | yathāhamevaṃ rudatī tathā bhūyo na saṃśayaḥ || 26.22 ||

"तब उन राक्षसियों के घर-घर में, जिनके स्वामी मारे जा चुके होंगे, निःसन्देह वे भी उसी प्रकार रोएँगी जैसे मैं अभी रो रही हूँ।"

श्लोक 23 (sundara.26.23)

अन्विष्य रक्षसां लङ्कां कुर्याद् रामः सलक्ष्मणः । नहि ताभ्यां रिपुर्दृष्टो मुहूर्तमपि जीवति ॥ 26.23 ॥

anviṣya rakṣasāṃ laṅkāṃ kuryād rāmaḥ salakṣmaṇaḥ | nahi tābhyāṃ ripurdṛṣṭo muhūrtamapi jīvati || 26.23 ||

"राम, लक्ष्मण के साथ, राक्षसों की इस लंका को ढूँढ़-ढूँढ़कर नष्ट कर देंगे, क्योंकि उन दोनों की दृष्टि में पड़ा शत्रु क्षणभर भी जीवित नहीं रहता।"

श्लोक 24 (sundara.26.24)

चिताधूमाकुलपथा गृध्रमण्डलमण्डिता । अचिरेणैव कालेन श्मशानसदृशी भवेत् ॥ 26.24 ॥

citādhūmākulapathā gṛdhramaṇḍalamaṇḍitā | acireṇaiva kālena śmaśānasadṛśī bhavet || 26.24 ||

"चिताओं के धुएँ से व्याकुल मार्गों वाली और गिद्धों के झुंडों से घिरी यह नगरी शीघ्र ही श्मशान के समान हो जाएगी।"

श्लोक 25 (sundara.26.25)

अचिरेणैव कालेन प्राप्स्याम्येनं मनोरथम् । दुष्प्रस्थानोऽयमाभाति सर्वेषां वो विपर्ययः ॥ 26.25 ॥

acireṇaiva kālena prāpsyāmyenaṃ manoratham | duṣprasthāno'yamābhāti sarveṣāṃ vo viparyayaḥ || 26.25 ||

"थोड़े ही समय में मैं अपनी यह मनोकामना पा लूँगी - तुम सबका यह अशुभ आरम्भ तुम्हारे सबके विनाश का ही सूचक प्रतीत हो रहा है।"

श्लोक 26 (sundara.26.26)

यादृशानि तु दृश्यन्ते लङ्कायामशुभानि तु । अचिरेणैव कालेन भविष्यति हतप्रभा ॥ 26.26 ॥

yādṛśāni tu dṛśyante laṅkāyāmaśubhāni tu | acireṇaiva kālena bhaviṣyati hataprabhā || 26.26 ||

"लंका में जैसे-जैसे अशुभ लक्षण दिखाई दे रहे हैं, उनसे शीघ्र ही यह नगरी अपनी सारी शोभा खो बैठेगी।"

श्लोक 27 (sundara.26.27)

नूनं लङ्का हते पापे रावणे राक्षसाधिपे । शोषमेष्यति दुर्धर्षा प्रमदा विधवा यथा ॥ 26.27 ॥

nūnaṃ laṅkā hate pāpe rāvaṇe rākṣasādhipe | śoṣameṣyati durdharṣā pramadā vidhavā yathā || 26.27 ||

"निश्चय ही जब पापी राक्षसाधिपति रावण मारा जाएगा, तब यह दुर्धर्ष लंका उसी प्रकार क्षीण हो जाएगी जैसे कोई विधवा स्त्री।"

श्लोक 28 (sundara.26.28)

पुण्योत्सवसमृद्धा च नष्टभर्त्री सराक्षसा । भविष्यति पुरी लङ्का नष्टभर्त्री यथांगना ॥ 26.28 ॥

puṇyotsavasamṛddhā ca naṣṭabhartrī sarākṣasā | bhaviṣyati purī laṅkā naṣṭabhartrī yathāṃganā || 26.28 ||

"पुण्य-उत्सवों से समृद्ध यह लंकापुरी अपने राक्षसों सहित स्वामी-विहीन होकर उसी प्रकार हो जाएगी जैसे पति-विहीन कोई स्त्री।"

श्लोक 29 (sundara.26.29)

नूनं राक्षसकन्यानां रुदतीनां गृहे गृहे । श्रोष्यामि नचिरादेव दुःखार्तानामिह ध्वनिम् ॥ 26.29 ॥

nūnaṃ rākṣasakanyānāṃ rudatīnāṃ gṛhe gṛhe | śroṣyāmi nacirādeva duḥkhārtānāmiha dhvanim || 26.29 ||

"निश्चय ही शीघ्र ही मैं यहाँ घर-घर में दुःख से पीड़ित रोती हुई राक्षस-कन्याओं का करुण स्वर सुनूँगी।"

श्लोक 30 (sundara.26.30)

सान्धकारा हतद्योता हतराक्षसपुंगवा । भविष्यति पुरी लङ्का निर्दग्धा रामसायकैः ॥ 26.30 ॥

sāndhakārā hatadyotā hatarākṣasapuṃgavā | bhaviṣyati purī laṅkā nirdagdhā rāmasāyakaiḥ || 26.30 ||

"अन्धकार से घिरी, अपनी सारी चमक खोई हुई, अपने श्रेष्ठ राक्षसों को खोए हुए यह लंकापुरी राम के बाणों से दग्ध हो जाएगी।"

श्लोक 31 (sundara.26.31)

यदि नाम स शूरो मां रामो रक्तान्तलोचनः । जानीयाद् वर्तमानां यां राक्षसस्य निवेशने ॥ 26.31 ॥

yadi nāma sa śūro māṃ rāmo raktāntalocanaḥ | jānīyād vartamānāṃ yāṃ rākṣasasya niveśane || 26.31 ||

"यदि वे शूरवीर, रक्ताभ नेत्रों वाले राम यह जान पाते कि मैं इस राक्षस के निवास में रह रही हूँ।"

श्लोक 32 (sundara.26.32)

अनेन तु नृशंसेन रावणेनाधमेन मे । समयो यस्तु निर्दिष्टस्तस्य कालोऽयमागतः ॥ 26.32 ॥

anena tu nṛśaṃsena rāvaṇenādhamena me | samayo yastu nirdiṣṭastasya kālo'yamāgataḥ || 26.32 ||

"इस क्रूर और नीच रावण ने मेरे लिए जो समय-सीमा निर्धारित की थी, वह घड़ी अब आ पहुँची है।"

श्लोक 33 (sundara.26.33)

स च मे विहितो मृत्युरस्मिन् दुष्टेन वर्तते । अकार्यं ये न जानन्ति नैर्ऋताः पापकारिणः ॥ 26.33 ॥

sa ca me vihito mṛtyurasmin duṣṭena vartate | akāryaṃ ye na jānanti nairṛtāḥ pāpakāriṇaḥ || 26.33 ||

"और मेरे लिए नियत मृत्यु अब इस दुष्ट के हाथ में है; ये पापी राक्षस यह भी नहीं जानते कि क्या करने योग्य नहीं है।"

श्लोक 34 (sundara.26.34)

अधर्मात् तु महोत्पातो भविष्यति हि साम्प्रतम् । नैते धर्मं विजानन्ति राक्षसाः पिशिताशनाः ॥ 26.34 ॥

adharmāt tu mahotpāto bhaviṣyati hi sāmpratam | naite dharmaṃ vijānanti rākṣasāḥ piśitāśanāḥ || 26.34 ||

"इस अधर्म के कारण ही अब शीघ्र एक महान उत्पात होने वाला है - ये मांसभक्षी राक्षस धर्म को बिलकुल नहीं जानते।"

श्लोक 35 (sundara.26.35)

ध्रुवं मां प्रातराशार्थं राक्षसः कल्पयिष्यति । साहं कथं करिष्यामि तं विना प्रियदर्शनम् ॥ 26.35 ॥

dhruvaṃ māṃ prātarāśārthaṃ rākṣasaḥ kalpayiṣyati | sāhaṃ kathaṃ kariṣyāmi taṃ vinā priyadarśanam || 26.35 ||

"निश्चय ही यह राक्षस मुझे अपने प्रातराश के लिए तैयार कर लेगा। अपने प्रियदर्शन के बिना मैं ऐसी अवस्था में क्या करूँ?"

श्लोक 36 (sundara.26.36)

रामं रक्तान्तनयनमपश्यन्ती सुदुःखिता । क्षिप्रं वैवस्वतं देवं पश्येयं पतिना विना ॥ 26.36 ॥

rāmaṃ raktāntanayanamapaśyantī suduḥkhitā | kṣipraṃ vaivasvataṃ devaṃ paśyeyaṃ patinā vinā || 26.36 ||

"रक्तनयन राम को न देख पाने से अत्यन्त दुःखी होकर, मैं अपने पति के बिना ही शीघ्र यमराज का दर्शन कर लूँ, यही श्रेयस्कर है।"

श्लोक 37 (sundara.26.37)

नाजानाज्जीवतीं रामः स मां भरतपूर्वजः । जानन्तौ तु न कुर्यातां नोर्व्यां हि परिमार्गणम् ॥ 26.37 ॥

nājānājjīvatīṃ rāmaḥ sa māṃ bharatapūrvajaḥ | jānantau tu na kuryātāṃ norvyāṃ hi parimārgaṇam || 26.37 ||

"शायद भरत के बड़े भाई राम यह नहीं जानते कि मैं जीवित हूँ; क्योंकि जान लेने पर वे दोनों इस पृथ्वी पर मेरी खोज किए बिना कदापि न रहते।"

श्लोक 38 (sundara.26.38)

नूनं ममैव शोकेन स वीरो लक्ष्मणाग्रजः । देवलोकमितो यातस्त्यक्त्वा देहं महीतले ॥ 26.38 ॥

nūnaṃ mamaiva śokena sa vīro lakṣmaṇāgrajaḥ | devalokamito yātastyaktvā dehaṃ mahītale || 26.38 ||

"निश्चय ही वे वीर लक्ष्मणाग्रज मेरे ही शोक में पृथ्वी पर अपना शरीर त्यागकर देवलोक चले गए हैं।"

श्लोक 39 (sundara.26.39)

धन्या देवाः सगन्धर्वाः सिद्धाश्च परमर्षयः । मम पश्यन्ति ये वीरं रामं राजीवलोचनम् ॥ 26.39 ॥

dhanyā devāḥ sagandharvāḥ siddhāśca paramarṣayaḥ | mama paśyanti ye vīraṃ rāmaṃ rājīvalocanam || 26.39 ||

"धन्य हैं वे देव, गन्धर्व, सिद्ध और महर्षिगण, जो अब मेरे उन वीर कमलनयन राम का दर्शन कर रहे हैं।"

श्लोक 40 (sundara.26.40)

अथवा नहि तस्यार्थो धर्मकामस्य धीमतः । मया रामस्य राजर्षेर्भार्यया परमात्मनः ॥ 26.40 ॥

athavā nahi tasyārtho dharmakāmasya dhīmataḥ | mayā rāmasya rājarṣerbhāryayā paramātmanaḥ || 26.40 ||

"अथवा शायद उन धर्मपरायण, बुद्धिमान, राजर्षि और परमात्मा राम को अब अपनी पत्नी के रूप में मेरी कोई आवश्यकता नहीं रह गई।"

श्लोक 41 (sundara.26.41)

दृश्यमाने भवेत् प्रीतिः सौहृदं नास्त्यदृश्यतः । नाशयन्ति कृतघ्नास्तु न रामो नाशयिष्यति ॥ 26.41 ॥

dṛśyamāne bhavet prītiḥ sauhṛdaṃ nāstyadṛśyataḥ | nāśayanti kṛtaghnāstu na rāmo nāśayiṣyati || 26.41 ||

"दिखाई देने पर ही प्रेम बना रहता है, न दिखने वाले के प्रति सौहार्द नहीं टिकता। परन्तु कृतघ्न ही स्नेह नष्ट करते हैं, राम कभी नष्ट नहीं करेंगे।"

श्लोक 42 (sundara.26.42)

किं वा मय्यगुणाः केचित् किं वा भाग्यक्षयो हि मे । या हि सीता वरार्हेण हीना रामेण भामिनी ॥ 26.42 ॥

kiṃ vā mayyaguṇāḥ kecit kiṃ vā bhāgyakṣayo hi me | yā hi sītā varārheṇa hīnā rāmeṇa bhāminī || 26.42 ||

"क्या मुझमें ही कोई दोष हैं, या मेरा भाग्य ही क्षीण हो गया है, कि श्रेष्ठतम के योग्य यह सीता आज राम से वंचित है?"

श्लोक 43 (sundara.26.43)

श्रेयो मे जीवितान्मर्तुं विहीनाया महात्मना । रामादक्लिष्टचारित्राच्छूराच्छत्रुनिबर्हणात् ॥ 26.43 ॥

śreyo me jīvitānmartuṃ vihīnāyā mahātmanā | rāmādakliṣṭacāritrācchūrācchatrunibarhaṇāt || 26.43 ||

"उन महात्मा, निर्मल चरित्र वाले, शूरवीर और शत्रुनाशक राम से विहीन होकर जीने से तो मेरा मर जाना ही श्रेयस्कर है।"

श्लोक 44 (sundara.26.44)

अथवा न्यस्तशस्त्रौ तौ वने मूलफलाशनौ । भ्रातरौ हि नरश्रेष्ठौ चरन्तौ वनगोचरौ ॥ 26.44 ॥

athavā nyastaśastrau tau vane mūlaphalāśanau | bhrātarau hi naraśreṣṭhau carantau vanagocarau || 26.44 ||

"अथवा शायद वे दोनों नरश्रेष्ठ भाई शस्त्र त्यागकर वन में कन्द-मूल-फल खाते हुए वनवासी के रूप में विचरण कर रहे हैं।"

श्लोक 45 (sundara.26.45)

अथवा राक्षसेन्द्रेण रावणेन दुरात्मना । छद्मना घातितौ शूरौ भ्रातरौ रामलक्ष्मणौ ॥ 26.45 ॥

athavā rākṣasendreṇa rāvaṇena durātmanā | chadmanā ghātitau śūrau bhrātarau rāmalakṣmaṇau || 26.45 ||

"अथवा शायद उन शूरवीर भाइयों राम और लक्ष्मण को दुरात्मा राक्षसराज रावण ने छल से मरवा डाला है।"

श्लोक 46 (sundara.26.46)

साहमेवंविधे काले मर्तुमिच्छामि सर्वतः । न च मे विहितो मृत्युरस्मिन् दुःखेऽतिवर्तति ॥ 26.46 ॥

sāhamevaṃvidhe kāle martumicchāmi sarvataḥ | na ca me vihito mṛtyurasmin duḥkhe'tivartati || 26.46 ||

"ऐसी परिस्थिति में अब मैं हर प्रकार से मर जाना चाहती हूँ - फिर भी इस दुःख में मेरे लिए नियत मृत्यु नहीं आ रही।"

श्लोक 47 (sundara.26.47)

धन्याः खलु महात्मानो मुनयः सत्यसम्मताः । जितात्मानो महाभागा येषां न स्तः प्रियाप्रिये ॥ 26.47 ॥

dhanyāḥ khalu mahātmāno munayaḥ satyasammatāḥ | jitātmāno mahābhāgā yeṣāṃ na staḥ priyāpriye || 26.47 ||

"धन्य हैं वे महात्मा, सत्यनिष्ठ, जितात्मा और परम सौभाग्यशाली मुनिजन, जिनके लिए प्रिय और अप्रिय कुछ भी शेष नहीं रह जाता।"

श्लोक 48 (sundara.26.48)

प्रियान्न सम्भवेद् दुःखमप्रियादधिकं भवेत् । ताभ्यां हि ते वियुज्यन्ते नमस्तेषां महात्मनाम् ॥ 26.48 ॥

priyānna sambhaved duḥkhamapriyādadhikaṃ bhavet | tābhyāṃ hi te viyujyante namasteṣāṃ mahātmanām || 26.48 ||

"उनके लिए न प्रिय से दुःख उत्पन्न होता है और न अप्रिय से अधिक भय होता है, क्योंकि वे दोनों से मुक्त हैं - ऐसे महात्माओं को नमस्कार है।"

श्लोक 49 (sundara.26.49)

साहं त्यक्ता प्रियेणैव रामेण विदितात्मना । प्राणांस्त्यक्ष्यामि पापस्य रावणस्य गता वशम् ॥ 26.49 ॥

sāhaṃ tyaktā priyeṇaiva rāmeṇa viditātmanā | prāṇāṃstyakṣyāmi pāpasya rāvaṇasya gatā vaśam || 26.49 ||

"इस प्रकार मैं, अपने ही प्रिय और विदितात्मा राम द्वारा त्यागी हुई, पापी रावण के वश में पड़ी हुई, अब अपने प्राण त्याग दूँगी।"