हनुमान की पीठ पर जाने से सीता का इनकार

श्लोक 1 (sundara.37.1)

सा सीता वचनं श्रुत्वा पूर्णचन्द्रनिभानना। हनूमन्तमुवाचेदं धर्मार्थसहितं वचः ॥ 37.1 ॥

sā sītā vacanaṃ śrutvā pūrṇacandranibhānanā| hanūmantamuvācedaṃ dharmārthasahitaṃ vacaḥ || 37.1 ||

यह वचन सुनकर पूर्णचंद्र के समान मुखवाली सीता ने हनुमान से धर्म और अर्थ से युक्त यह वचन कहा।

श्लोक 2 (sundara.37.2)

अमृतं विषसम्पृक्तं त्वया वानर भाषितम्। यच्च नान्यमना रामो यच्च शोकपरायणः ॥ 37.2 ॥

amṛtaṃ viṣasampṛktaṃ tvayā vānara bhāṣitam| yacca nānyamanā rāmo yacca śokaparāyaṇaḥ || 37.2 ||

"हे वानर! तुमने जो कहा वह विष मिला अमृत है — कि राम अन्यमनस्क नहीं हैं, और यह भी कि वे शोक में डूबे हुए हैं।"

श्लोक 3 (sundara.37.3)

ऐश्वर्ये वा सुविस्तीर्णे व्यसने वा सुदारुणे। रज्ज्वेव पुरुषं बद्ध्वा कृतान्तः परिकर्षति ॥ 37.3 ॥

aiśvarye vā suvistīrṇe vyasane vā sudāruṇe| rajjveva puruṣaṃ bad‍dhvā kṛtāntaḥ parikarṣati || 37.3 ||

"चाहे विशाल ऐश्वर्य में हो या भीषण विपत्ति में, विधाता मनुष्य को मानो रस्सी से बाँधकर खींच ले जाता है।"

श्लोक 4 (sundara.37.4)

विधिर्नूनमसंहार्यः प्राणिनां प्लवगोत्तम। सौमित्रं मां च रामं च व्यसनैः पश्य मोहितान् ॥ 37.4 ॥

vidhirnūnamasaṃhāryaḥ prāṇināṃ plavagottama| saumitraṃ māṃ ca rāmaṃ ca vyasanaiḥ paśya mohitān || 37.4 ||

"हे वानरश्रेष्ठ! प्राणियों के लिए विधि निश्चय ही अनिवार्य है; देखो कैसे सौमित्रि, राम और मैं तीनों विपत्तियों से मोहित हैं।"

श्लोक 5 (sundara.37.5)

शोकस्यास्य कथं पारं राघवोऽधिगमिष्यति। प्लवमानः परिक्रान्तो हतनौः सागरे यथा ॥ 37.5 ॥

śokasyāsya kathaṃ pāraṃ rāghavo'dhigamiṣyati| plavamānaḥ parikrānto hatanauḥ sāgare yathā || 37.5 ||

"राघव इस शोक का अंत कब पाएँगे, जैसे जहाज़ डूब जाने पर थका हुआ पुरुष समुद्र में तैरता रहता है?"

श्लोक 6 (sundara.37.6)

राक्षसानां वधं कृत्वा सूदयित्वा च रावणम्। लङ्कामुन्मथितां कृत्वा कदा द्रक्ष्यति मां पतिः ॥ 37.6 ॥

rākṣasānāṃ vadhaṃ kṛtvā sūdayitvā ca rāvaṇam| laṅkāmunmathitāṃ kṛtvā kadā drakṣyati māṃ patiḥ || 37.6 ||

"राक्षसों का संहार करके, रावण को मारकर और लंका को जड़ से उखाड़कर मेरे पति मुझे कब देखेंगे?"

श्लोक 7 (sundara.37.7)

स वाच्यः संत्वरस्वेति यावदेव न पूर्यते। अयं संवत्सरः कालस्तावद्धि मम जीवितम् ॥ 37.7 ॥

sa vācyaḥ saṃtvarasveti yāvadeva na pūryate| ayaṃ saṃvatsaraḥ kālastāvaddhi mama jīvitam || 37.7 ||

"उनसे कहना कि वे शीघ्रता करें, इससे पहले कि यह वर्ष पूरा हो जाए; क्योंकि मेरा जीवन तभी तक है।"

श्लोक 8 (sundara.37.8)

वर्तते दशमो मासो द्वौ तु शेषौ प्लवङ्गम। रावणेन नृशंसेन समयो यः कृतो मम ॥ 37.8 ॥

vartate daśamo māso dvau tu śeṣau plavaṅgama| rāvaṇena nṛśaṃsena samayo yaḥ kṛto mama || 37.8 ||

"हे वानर! क्रूर रावण द्वारा मेरे लिए निर्धारित अवधि का दसवाँ महीना चल रहा है; केवल दो शेष हैं।"

श्लोक 9 (sundara.37.9)

विभीषणेन च भ्रात्रा मम निर्यातनं प्रति। अनुनीतः प्रयत्नेन न च तत् कुरुते मतिम् ॥ 37.9 ॥

vibhīṣaṇena ca bhrātrā mama niryātanaṃ prati| anunītaḥ prayatnena na ca tat kurute matim || 37.9 ||

"यद्यपि उनके भाई विभीषण ने प्रयत्नपूर्वक मुझे लौटाने का अनुनय किया, फिर भी रावण का मन इस ओर नहीं झुकता।"

श्लोक 10 (sundara.37.10)

मम प्रतिप्रदानं हि रावणस्य न रोचते। रावणं मार्गते संख्ये मृत्युः कालवशंगतम् ॥ 37.10 ॥

mama pratipradānaṃ hi rāvaṇasya na rocate| rāvaṇaṃ mārgate saṃkhye mṛtyuḥ kālavaśaṃgatam || 37.10 ||

"मेरा लौटना रावण को नहीं भाता; परंतु उसी हठ में, काल के वशीभूत मृत्यु स्वयं रावण की प्रतीक्षा कर रही है।"

श्लोक 11 (sundara.37.11)

ज्येष्ठा कन्या कला नाम विभीषणसुता कपे। तया ममैतदाख्यातं मात्रा प्रहितया स्वयम् ॥ 37.11 ॥

jyeṣṭhā kanyā kalā nāma vibhīṣaṇasutā kape| tayā mamaitadākhyātaṃ mātrā prahitayā svayam || 37.11 ||

"हे वानर! विभीषण की ज्येष्ठ पुत्री कला ने स्वयं अपनी माता द्वारा भेजी जाकर मुझे यह बताया।"

श्लोक 12 (sundara.37.12)

अविन्ध्यो नाम मेधावी विद्वान् राक्षसपुङ्गवः। धृतिमाञ्छीलवान् वृद्धो रावणस्य सुसम्मतः ॥ 37.12 ॥

avindhyo nāma medhāvī vidvān rākṣasapuṅgavaḥ| dhṛtimāñchīlavān vṛddho rāvaṇasya susammataḥ || 37.12 ||

"राक्षसों में अविन्ध्य नामक एक बुद्धिमान और विद्वान वृद्ध है, धैर्यवान और शीलवान, रावण द्वारा भी अत्यंत सम्मानित,"

श्लोक 13 (sundara.37.13)

रामात् क्षयमनुप्राप्तं रक्षसां प्रत्यचोदयत्। न च तस्य स दुष्टात्मा शृणोति वचनं हितम् ॥ 37.13 ॥

rāmāt kṣayamanuprāptaṃ rakṣasāṃ pratyacodayat| na ca tasya sa duṣṭātmā śṛṇoti vacanaṃ hitam || 37.13 ||

"जिसने राक्षसों को बार-बार राम से आने वाले विनाश के प्रति सचेत किया; परंतु वह दुरात्मा रावण उसका हितकर वचन नहीं सुनता।"

श्लोक 14 (sundara.37.14)

आशंसेयं हरिश्रेष्ठ क्षिप्रं मां प्राप्स्यते पतिः। अन्तरात्मा हि मे शुद्धस्तस्मिंश्च बहवो गुणाः ॥ 37.14 ॥

āśaṃseyaṃ hariśreṣṭha kṣipraṃ māṃ prāpsyate patiḥ| antarātmā hi me śuddhastasmiṃśca bahavo guṇāḥ || 37.14 ||

"हे हरिश्रेष्ठ! मुझे विश्वास है कि मेरे पति शीघ्र ही मुझे पा लेंगे; क्योंकि मेरी अंतरात्मा शुद्ध है, और उनमें भी अनेक गुण हैं।"

श्लोक 15 (sundara.37.15)

उत्साहः पौरुषं सत्त्वमानृशंस्यं कृतज्ञता। विक्रमश्च प्रभावश्च सन्ति वानर राघवे ॥ 37.15 ॥

utsāhaḥ pauruṣaṃ sattvamānṛśaṃsyaṃ kṛtajñatā| vikramaśca prabhāvaśca santi vānara rāghave || 37.15 ||

"उत्साह, पौरुष, सत्त्व, आनृशंस्य, कृतज्ञता, विक्रम और प्रभाव — हे वानर! ये सब राघव में विद्यमान हैं।"

श्लोक 16 (sundara.37.16)

चतुर्दश सहस्राणि राक्षसानां जघान यः। जनस्थाने विना भ्रात्रा शत्रुः कस्तस्य नोद्विजेत् ॥ 37.16 ॥

caturdaśa sahasrāṇi rākṣasānāṃ jaghāna yaḥ| janasthāne vinā bhrātrā śatruḥ kastasya nodvijet || 37.16 ||

"जिन्होंने बिना भाई की सहायता के जनस्थान में चौदह हज़ार राक्षसों का वध किया — उनका कौन शत्रु भयभीत न होगा?"

श्लोक 17 (sundara.37.17)

न स शक्यस्तुलयितुं व्यसनैः पुरुषर्षभः। अहं तस्यानुभावज्ञा शक्रस्येव पुलोमजा ॥ 37.17 ॥

na sa śakyastulayituṃ vyasanaiḥ puruṣarṣabhaḥ| ahaṃ tasyānubhāvajñā śakrasyeva pulomajā || 37.17 ||

"वह पुरुषश्रेष्ठ विपत्तियों से मापा नहीं जा सकता; मैं उनके प्रभाव को वैसे ही जानती हूँ जैसे पुलोमजा इंद्र के प्रभाव को जानती है।"

श्लोक 18 (sundara.37.18)

शरजालांशुमान् शूरः कपे रामदिवाकरः। शत्रुरक्षोमयं तोयमुपशोषं नयिष्यति ॥ 37.18 ॥

śarajālāṃśumān śūraḥ kape rāmadivākaraḥ| śatrurakṣomayaṃ toyamupaśoṣaṃ nayiṣyati || 37.18 ||

"हे वानर! बाणजाल से देदीप्यमान वह शूरवीर राम-रूपी सूर्य शत्रु-राक्षस-रूपी जल को सुखा डालेगा।"

श्लोक 19 (sundara.37.19)

इति संजल्पमानां तां रामार्थे शोककर्शिताम्। अश्रुसम्पूर्णवदनामुवाच हनुमान् कपिः ॥ 37.19 ॥

iti saṃjalpamānāṃ tāṃ rāmārthe śokakarśitām| aśrusampūrṇavadanāmuvāca hanumān kapiḥ || 37.19 ||

इस प्रकार राम के लिए शोकग्रस्त और अश्रुपूर्ण मुख वाली सीता से हनुमान वानर ने यह कहा।

श्लोक 20 (sundara.37.20)

श्रुत्वैव च वचो मह्यं क्षिप्रमेष्यति राघवः। चमूं प्रकर्षन् महतीं हर्यृक्षगणसंकुलाम् ॥ 37.20 ॥

śrutvaiva ca vaco mahyaṃ kṣiprameṣyati rāghavaḥ| camūṃ prakarṣan mahatīṃ haryṛkṣagaṇasaṃkulām || 37.20 ||

"मेरे वचन सुनते ही राघव शीघ्र आएँगे, वानरों और भालुओं से भरी विशाल सेना को साथ लेकर।"

श्लोक 21 (sundara.37.21)

अथवा मोचयिष्यामि त्वामद्यैव सराक्षसात्। अस्माद् दुःखादुपारोह मम पृष्ठमनिन्दिते ॥ 37.21 ॥

athavā mocayiṣyāmi tvāmadyaiva sarākṣasāt| asmād duḥkhādupāroha mama pṛṣṭhamanindite || 37.21 ||

"अथवा मैं आज ही तुम्हें इन राक्षसों से मुक्त कर दूँगा। हे अनिन्दिते! मेरी पीठ पर चढ़ो और इस दुःख से उबरो।"

श्लोक 22 (sundara.37.22)

त्वां तु पृष्ठगतां कृत्वा संतरिष्यामि सागरम्। शक्तिरस्ति हि मे वोढुं लङ्कामपि सरावणाम् ॥ 37.22 ॥

tvāṃ tu pṛṣṭhagatāṃ kṛtvā saṃtariṣyāmi sāgaram| śaktirasti hi me voḍhuṃ laṅkāmapi sarāvaṇām || 37.22 ||

"तुम्हें अपनी पीठ पर बिठाकर मैं समुद्र पार करूँगा; मुझमें रावण सहित लंका को भी उठाने की शक्ति है।"

श्लोक 23 (sundara.37.23)

अहं प्रस्रवणस्थाय राघवायाद्य मैथिलि। प्रापयिष्यामि शक्राय हव्यं हुतमिवानलः ॥ 37.23 ॥

ahaṃ prasravaṇasthāya rāghavāyādya maithili| prāpayiṣyāmi śakrāya havyaṃ hutamivānalaḥ || 37.23 ||

"हे मैथिली! मैं आज ही तुम्हें प्रस्रवण पर्वत पर स्थित राघव तक पहुँचा दूँगा, जैसे अग्नि हवि को इंद्र तक पहुँचाता है।"

श्लोक 24 (sundara.37.24)

द्रक्ष्यस्यद्यैव वैदेहि राघवं सहलक्ष्मणम्। व्यवसायसमायुक्तं विष्णुं दैत्यवधे यथा ॥ 37.24 ॥

drakṣyasyadyaiva vaidehi rāghavaṃ sahalakṣmaṇam| vyavasāyasamāyuktaṃ viṣṇuṃ daityavadhe yathā || 37.24 ||

"हे वैदेहि! आज ही तुम राघव को लक्ष्मण सहित देखोगी, दैत्य-वध के लिए तत्पर विष्णु के समान दृढ़-संकल्प।"

श्लोक 25 (sundara.37.25)

त्वद्दर्शनकृतोत्साहमाश्रमस्थं महाबलम्। पुरंदरमिवासीनं नगराजस्य मूर्धनि ॥ 37.25 ॥

tvaddarśanakṛtotsāhamāśramasthaṃ mahābalam| puraṃdaramivāsīnaṃ nagarājasya mūrdhani || 37.25 ||

"तुम्हारे दर्शन की उत्कंठा से भरे वह महाबली आश्रम में ऐसे विराजमान हैं जैसे पुरंदर गजराज के मस्तक पर।"

श्लोक 26 (sundara.37.26)

पृष्ठमारोह मे देवि मा विकाङ्क्षस्व शोभने। योगमन्विच्छ रामेण शशाङ्केनेव रोहिणी ॥ 37.26 ॥

pṛṣṭhamāroha me devi mā vikāṅkṣasva śobhane| yogamanviccha rāmeṇa śaśāṅkeneva rohiṇī || 37.26 ||

"हे देवी! मेरी पीठ पर चढ़ो, संकोच मत करो, हे शोभने! रोहिणी की भाँति राम से मिलन की इच्छा करो।"

श्लोक 27 (sundara.37.27)

कथयन्तीव शशिना संगमिष्यसि रोहिणी। मत्पृष्ठमधिरोह त्वं तराकाशं महार्णवम् ॥ 37.27 ॥

kathayantīva śaśinā saṃgamiṣyasi rohiṇī| matpṛṣṭhamadhiroha tvaṃ tarākāśaṃ mahārṇavam || 37.27 ||

"मानो सूर्य और तेजस्वी चंद्रमा से बात करते हुए, मेरी पीठ पर चढ़कर आकाश-मार्ग से इस महासागर को पार करो।"

श्लोक 28 (sundara.37.28)

नहि मे सम्प्रयातस्य त्वामितो नयतोऽङ्गने। अनुगन्तुं गतिं शक्ताः सर्वे लङ्कानिवासिनः ॥ 37.28 ॥

nahi me samprayātasya tvāmito nayato'ṅgane| anugantuṃ gatiṃ śaktāḥ sarve laṅkānivāsinaḥ || 37.28 ||

"हे अंगने! जब मैं तुम्हें यहाँ से ले जाऊँगा, तब लंका का कोई भी निवासी मेरा पीछा करने में समर्थ नहीं होगा।"

श्लोक 29 (sundara.37.29)

यथैवाहमिह प्राप्तस्तथैवाहमसंशयम्। यास्यामि पश्य वैदेहि त्वामुद्यम्य विहायसम् ॥ 37.29 ॥

yathaivāhamiha prāptastathaivāhamasaṃśayam| yāsyāmi paśya vaidehi tvāmudyamya vihāyasam || 37.29 ||

"जैसे मैं यहाँ आया हूँ, वैसे ही निःसंदेह मैं जाऊँगा, हे वैदेहि — देखो, तुम्हें आकाश में लेकर।"

श्लोक 30 (sundara.37.30)

मैथिली तु हरिश्रेष्ठाच्छ्रुत्वा वचनमद्भुतम्। हर्षविस्मितसर्वाङ्गी हनूमन्तमथाब्रवीत् ॥ 37.30 ॥

maithilī tu hariśreṣṭhācchrutvā vacanamadbhutam| harṣavismitasarvāṅgī hanūmantamathābravīt || 37.30 ||

वानरश्रेष्ठ के इस अद्भुत वचन को सुनकर हर्ष और विस्मय से रोमांचित हुई मैथिली ने हनुमान से कहा।

श्लोक 31 (sundara.37.31)

हनूमन् दूरमध्वानं कथं मां नेतुमिच्छसि। तदेव खलु ते मन्ये कपित्वं हरियूथप ॥ 37.31 ॥

hanūman dūramadhvānaṃ kathaṃ māṃ netumicchasi| tadeva khalu te manye kapitvaṃ hariyūthapa || 37.31 ||

"हे हनुमान! तुम मुझे इतनी दूर कैसे ले जाना चाहते हो? हे हरियूथप! यह तो मुझे तुम्हारा वानर-स्वभाव ही लगता है।"

श्लोक 32 (sundara.37.32)

कथं चाल्पशरीरस्त्वं मामितो नेतुमिच्छसि। सकाशं मानवेन्द्रस्य भर्तुर्मे प्लवगर्षभ ॥ 37.32 ॥

kathaṃ cālpaśarīrastvaṃ māmito netumicchasi| sakāśaṃ mānavendrasya bharturme plavagarṣabha || 37.32 ||

"और इतने छोटे शरीर से तुम मुझे यहाँ से मेरे स्वामी, नरेंद्र के पास कैसे ले जाना चाहते हो?"

श्लोक 33 (sundara.37.33)

सीतायास्तु वचः श्रुत्वा हनूमान् मारुतात्मजः। चिन्तयामास लक्ष्मीवान् नवं परिभवं कृतम् ॥ 37.33 ॥

sītāyāstu vacaḥ śrutvā hanūmān mārutātmajaḥ| cintayāmāsa lakṣmīvān navaṃ paribhavaṃ kṛtam || 37.33 ||

सीता के वचन सुनकर लक्ष्मीवान् वायुपुत्र हनुमान ने सोचा कि यह उनका एक नया अनादर हुआ है।

श्लोक 34 (sundara.37.34)

न मे जानाति सत्त्वं वा प्रभावं वासितेक्षणा। तस्मात् पश्यतु वैदेही यद् रूपं मम कामतः ॥ 37.34 ॥

na me jānāti sattvaṃ vā prabhāvaṃ vāsitekṣaṇā| tasmāt paśyatu vaidehī yad rūpaṃ mama kāmataḥ || 37.34 ||

"यह असितनयना मेरे बल और प्रभाव को नहीं जानती; अतः वैदेही मेरे इच्छानुसार धारण किया हुआ रूप देख ले।"

श्लोक 35 (sundara.37.35)

इति संचिन्त्य हनुमांस्तदा प्लवगसत्तमः। दर्शयामास सीतायाः स्वरूपमरिमर्दनः ॥ 37.35 ॥

iti saṃcintya hanumāṃstadā plavagasattamaḥ| darśayāmāsa sītāyāḥ svarūpamarimardanaḥ || 37.35 ||

ऐसा विचार कर वह वानरश्रेष्ठ, शत्रुमर्दन हनुमान, सीता के सम्मुख अपना स्वरूप प्रकट करने लगे।

श्लोक 36 (sundara.37.36)

स तस्मात् पादपाद् धीमानाप्लुत्य प्लवगर्षभः। ततो वर्धितुमारेभे सीताप्रत्ययकारणात् ॥ 37.36 ॥

sa tasmāt pādapād dhīmānāplutya plavagarṣabhaḥ| tato vardhitumārebhe sītāpratyayakāraṇāt || 37.36 ||

वह बुद्धिमान वानरश्रेष्ठ उस वृक्ष से कूद पड़े, और फिर सीता का विश्वास दृढ़ करने के लिए अपना शरीर बढ़ाने लगे।

श्लोक 37 (sundara.37.37)

मेरुमन्दरसंकाशो बभौ दीप्तानलप्रभः। अग्रतो व्यवतस्थे च सीताया वानरर्षभः ॥ 37.37 ॥

merumandarasaṃkāśo babhau dīptānalaprabhaḥ| agrato vyavatasthe ca sītāyā vānararṣabhaḥ || 37.37 ||

मेरु और मंदराचल के समान शोभित, प्रज्वलित अग्नि के तेज से युक्त, वह वानरश्रेष्ठ सीता के सम्मुख जा खड़े हुए।

श्लोक 38 (sundara.37.38)

हरिः पर्वतसंकाशस्ताम्रवक्त्रो महाबलः। वज्रदंष्ट्रनखो भीमो वैदेहीमिदमब्रवीत् ॥ 37.38 ॥

hariḥ parvatasaṃkāśastāmravaktro mahābalaḥ| vajradaṃṣṭranakho bhīmo vaidehīmidamabravīt || 37.38 ||

पर्वत के समान वह महाबली वानर, ताम्रवर्ण मुख वाला, वज्र-सी दाढ़ों और नखों वाला, भयानक रूप में वैदेही से यह बोला।

श्लोक 39 (sundara.37.39)

सपर्वतवनोद्देशां साट्टप्राकारतोरणाम्। लङ्कामिमां सनाथां वा नयितुं शक्तिरस्ति मे ॥ 37.39 ॥

saparvatavanoddeśāṃ sāṭṭaprākāratoraṇām| laṅkāmimāṃ sanāthāṃ vā nayituṃ śaktirasti me || 37.39 ||

"मुझमें इस लंका को, उसके पर्वतों, वनों, प्राकारों और तोरणों सहित, उसके स्वामी समेत भी उठा ले जाने की शक्ति है।"

श्लोक 40 (sundara.37.40)

तदवस्थाप्यतां बुद्धिरलं देवि विकाङ्क्षया। विशोकं कुरु वैदेहि राघवं सहलक्ष्मणम् ॥ 37.40 ॥

tadavasthāpyatāṃ buddhiralaṃ devi vikāṅkṣayā| viśokaṃ kuru vaidehi rāghavaṃ sahalakṣmaṇam || 37.40 ||

"अतः हे देवी! अपने मन को स्थिर करो, संदेह त्याग दो। हे वैदेहि! चलो और राम-लक्ष्मण को शोक से मुक्त करो।"

श्लोक 41 (sundara.37.41)

तं दृष्ट्वाचलसंकाशमुवाच जनकात्मजा। पद्मपत्रविशालाक्षी मारुतस्यौरसं सुतम् ॥ 37.41 ॥

taṃ dṛṣṭvācalasaṃkāśamuvāca janakātmajā| padmapatraviśālākṣī mārutasyaurasaṃ sutam || 37.41 ||

पर्वत के समान उस रूप को देखकर कमल-पत्र जैसे विशाल नेत्रों वाली जनकपुत्री ने उस वायु के औरस पुत्र से कहा।

श्लोक 42 (sundara.37.42)

तव सत्त्वं बलं चैव विजानामि महाकपे। वायोरिव गतिश्चापि तेजश्चाग्नेरिवाद्भुतम् ॥ 37.42 ॥

tava sattvaṃ balaṃ caiva vijānāmi mahākape| vāyoriva gatiścāpi tejaścāgnerivādbhutam || 37.42 ||

"हे महाकपि! मैं तुम्हारे सत्त्व और बल को भली-भाँति जानती हूँ, वायु के समान तुम्हारी गति और अग्नि के समान तुम्हारा अद्भुत तेज भी।"

श्लोक 43 (sundara.37.43)

प्राकृतोऽन्यः कथं चेमां भूमिमागन्तुमर्हति। उदधेरप्रमेयस्य पारं वानरयूथप ॥ 37.43 ॥

prākṛto'nyaḥ kathaṃ cemāṃ bhūmimāgantumarhati| udadheraprameyasya pāraṃ vānarayūthapa || 37.43 ||

"हे वानरपुंगव! कोई साधारण प्राणी इस अपरिमेय सागर को पार कर यहाँ कैसे पहुँच सकता है?"

श्लोक 44 (sundara.37.44)

जानामि गमने शक्तिं नयने चापि ते मम। अवश्यं सम्प्रधार्याशु कार्यसिद्धिरिवात्मनः ॥ 37.44 ॥

jānāmi gamane śaktiṃ nayane cāpi te mama| avaśyaṃ sampradhāryāśu kāryasiddhirivātmanaḥ || 37.44 ||

"मैं जानती हूँ कि तुम मुझे यहाँ से ले जाने में सक्षम हो; परंतु हमें शीघ्र विचार करना चाहिए कि कहीं इससे उन महात्मा के अपने कार्य की सिद्धि में बाधा तो न पड़ जाए।"

श्लोक 45 (sundara.37.45)

अयुक्तं तु कपिश्रेष्ठ मया गन्तुं त्वया सह। वायुवेगसवेगस्य वेगो मां मोहयेत् तव ॥ 37.45 ॥

ayuktaṃ tu kapiśreṣṭha mayā gantuṃ tvayā saha| vāyuvegasavegasya vego māṃ mohayet tava || 37.45 ||

"किंतु हे कपिश्रेष्ठ! तुम्हारे साथ जाना मेरे लिए उचित नहीं; वायु-वेग जैसा तुम्हारा वेग मुझे मूर्च्छित कर सकता है।"

श्लोक 46 (sundara.37.46)

अहमाकाशमासक्ता उपर्युपरि सागरम्। प्रपतेयं हि ते पृष्ठाद् भूयो वेगेन गच्छतः ॥ 37.46 ॥

ahamākāśamāsaktā uparyupari sāgaram| prapateyaṃ hi te pṛṣṭhād bhūyo vegena gacchataḥ || 37.46 ||

"सागर के ऊपर आकाश में उठी हुई, तुम्हारे इतने वेग से जाते समय भय के कारण मैं तुम्हारी पीठ से गिर सकती हूँ।"

श्लोक 47 (sundara.37.47)

पतिता सागरे चाहं तिमिनक्रझषाकुले। भवेयमाशु विवशा यादसामन्नमुत्तमम् ॥ 37.47 ॥

patitā sāgare cāhaṃ timinakrajhaṣākule| bhaveyamāśu vivaśā yādasāmannamuttamam || 37.47 ||

"मगर, नक्र और मत्स्यों से भरे सागर में गिरकर मैं शीघ्र ही विवश होकर उन जलचरों का उत्तम भोजन बन सकती हूँ।"

श्लोक 48 (sundara.37.48)

न च शक्ष्ये त्वया सार्धं गन्तुं शत्रुविनाशन। कलत्रवति संदेहस्त्वयि स्यादप्यसंशयम् ॥ 37.48 ॥

na ca śakṣye tvayā sārdhaṃ gantuṃ śatruvināśana| kalatravati saṃdehastvayi syādapyasaṃśayam || 37.48 ||

"हे शत्रुविनाशन! मैं तुम्हारे साथ जा भी नहीं सकूँगी; और निःसंदेह स्त्री-रक्षा के भार से तुम्हारे लिए भी संशय उत्पन्न होगा।"

श्लोक 49 (sundara.37.49)

ह्रियमाणां तु मां दृष्ट्वा राक्षसा भीमविक्रमाः। अनुगच्छेयुरादिष्टा रावणेन दुरात्मना ॥ 37.49 ॥

hriyamāṇāṃ tu māṃ dṛṣṭvā rākṣasā bhīmavikramāḥ| anugaccheyurādiṣṭā rāvaṇena durātmanā || 37.49 ||

"मुझे इस प्रकार ले जाते देख, दुरात्मा रावण द्वारा आदिष्ट भीमपराक्रमी राक्षस अवश्य तुम्हारा पीछा करेंगे।"

श्लोक 50 (sundara.37.50)

तैस्त्वं परिवृतः शूरैः शूलमुद्गरपाणिभिः। भवेस्त्वं संशयं प्राप्तो मया वीर कलत्रवान् ॥ 37.50 ॥

taistvaṃ parivṛtaḥ śūraiḥ śūlamuda‍garapāṇibhiḥ| bhavestvaṃ saṃśayaṃ prāpto mayā vīra kalatravān || 37.50 ||

"शूल और गदा धारण करने वाले उन शूरवीरों से घिरकर, हे वीर! मुझ जैसी स्त्री के भार सहित तुम संकट में पड़ जाओगे।"

श्लोक 51 (sundara.37.51)

सायुधा बहवो व्योम्नि राक्षसास्त्वं निरायुधः। कथं शक्ष्यसि संयातुं मां चैव परिरक्षितुम् ॥ 37.51 ॥

sāyudhā bahavo vyomni rākṣasāstvaṃ nirāyudhaḥ| kathaṃ śakṣyasi saṃyātuṃ māṃ caiva parirakṣitum || 37.51 ||

"आकाश में अनेक सशस्त्र राक्षस, और तुम निरायुध — तब तुम कैसे युद्ध करते हुए मेरी भी रक्षा कर सकोगे?"

श्लोक 52 (sundara.37.52)

युध्यमानस्य रक्षोभिस्ततस्तैः क्रूरकर्मभिः। प्रपतेयं हि ते पृष्ठाद् भयार्ता कपिसत्तम ॥ 37.52 ॥

yudhyamānasya rakṣobhistatastaiḥ krūrakarmabhiḥ| prapateyaṃ hi te pṛṣṭhād bhayārtā kapisattama || 37.52 ||

"हे कपिसत्तम! उन क्रूरकर्मा राक्षसों से युद्ध करते समय भय से आर्त होकर मैं तुम्हारी पीठ से गिर सकती हूँ।"

श्लोक 53 (sundara.37.53)

अथ रक्षांसि भीमानि महान्ति बलवन्ति च। कथंचित् साम्पराये त्वां जयेयुः कपिसत्तम ॥ 37.53 ॥

atha rakṣāṃsi bhīmāni mahānti balavanti ca| kathaṃcit sāmparāye tvāṃ jayeyuḥ kapisattama || 37.53 ||

"तब वे भीषण, बलवान राक्षस युद्ध में किसी प्रकार तुम्हें भी पराजित कर सकते हैं, हे कपिसत्तम!"

श्लोक 54 (sundara.37.54)

अथवा युध्यमानस्य पतेयं विमुखस्य ते। पतितां च गृहीत्वा मां नयेयुः पापराक्षसाः ॥ 37.54 ॥

athavā yudhyamānasya pateyaṃ vimukhasya te| patitāṃ ca gṛhītvā māṃ nayeyuḥ pāparākṣasāḥ || 37.54 ||

"अथवा तुम्हारे युद्धरत होने पर यदि मैं गिर पड़ूँ, तो वे पापी राक्षस गिरी हुई मुझे पकड़कर पुनः ले जा सकते हैं।"

श्लोक 55 (sundara.37.55)

मां वा हरेयुस्त्वद्धस्ताद् विशसेयुरथापि वा। अनवस्थौ हि दृश्येते युद्धे जयपराजयौ ॥ 37.55 ॥

māṃ vā hareyustvaddhastād viśaseyurathāpi vā| anavasthau hi dṛśyete yuddhe jayaparājayau || 37.55 ||

"अथवा वे मुझे तुम्हारे हाथों से छीन लें, या मार भी डालें — क्योंकि युद्ध में जय-पराजय अनिश्चित ही होते हैं।"

श्लोक 56 (sundara.37.56)

अहं वापि विपद्येयं रक्षोभिरभितर्जिता। त्वत्प्रयत्नो हरिश्रेष्ठ भवेन्निष्फल एव तु ॥ 37.56 ॥

ahaṃ vāpi vipadyeyaṃ rakṣobhirabhitarjitā| tvatprayatno hariśreṣṭha bhavenniṣphala eva tu || 37.56 ||

"अथवा राक्षसों से भयभीत होकर मैं स्वयं ही नष्ट हो जाऊँ — और तब, हे हरिश्रेष्ठ! तुम्हारा सारा प्रयत्न निष्फल हो जाएगा।"

श्लोक 57 (sundara.37.57)

कामं त्वमपि पर्याप्तो निहन्तुं सर्वराक्षसान्। राघवस्य यशो हीयेत् त्वया शस्तैस्तु राक्षसैः ॥ 37.57 ॥

kāmaṃ tvamapi paryāpto nihantuṃ sarvarākṣasān| rāghavasya yaśo hīyet tvayā śastaistu rākṣasaiḥ || 37.57 ||

"तुम अकेले ही, हे परवीरघ्न! सभी राक्षसों के नाश के लिए समर्थ हो — किंतु उसका यश तुम्हें ही मिलेगा, राघव को नहीं।"

श्लोक 58 (sundara.37.58)

अथवाऽऽदाय रक्षांसि न्यसेयुः संवृते हि माम्। यत्र ते नाभिजानीयुर्हरयो नापि राघवः ॥ 37.58 ॥

athavā''dāya rakṣāṃsi nyaseyuḥ saṃvṛte hi mām| yatra te nābhijānīyurharayo nāpi rāghavaḥ || 37.58 ||

"यदि पूर्ण सेना के साथ युद्ध में रावण को जीतकर विजयी राघव मुझे स्वयं अपने नगर ले जाएँ, तो वही उनके अनुरूप होगा।"

श्लोक 59 (sundara.37.59)

आरम्भस्तु मदर्थोऽयं ततस्तव निरर्थकः। त्वया हि सह रामस्य महानागमने गुणः ॥ 37.59 ॥

ārambhastu madartho'yaṃ tatastava nirarthakaḥ| tvayā hi saha rāmasya mahānāgamane guṇaḥ || 37.59 ||

"यदि काकुत्स्थ अपनी सेनाओं से लंका को भरकर, शत्रुसेना का मर्दन कर, मुझे ले जाएँ, तो वह उनके योग्य होगा।"

श्लोक 60 (sundara.37.60)

मयि जीवितमायत्तं राघवस्यामितौजसः। भ्रातॄणां च महाबाहो तव राजकुलस्य च ॥ 37.60 ॥

mayi jīvitamāyattaṃ rāghavasyāmitaujasaḥ| bhrātṝṇāṃ ca mahābāho tava rājakulasya ca || 37.60 ||

"अतः वैसा ही प्रबंध करो जो उस युद्धशूर महात्मा के पराक्रम के अनुरूप हो।"

श्लोक 61 (sundara.37.61)

तौ निराशौ मदर्थं च शोकसंतापकर्शितौ। सह सर्वर्क्षहरिभिस्त्यक्ष्यतः प्राणसंग्रहम् ॥ 37.61 ॥

tau nirāśau madarthaṃ ca śokasaṃtāpakarśitau| saha sarvarkṣaharibhistyakṣyataḥ prāṇasaṃgraham || 37.61 ||

इस अर्थयुक्त, विनम्र और युक्तिसंगत वचन को सुनकर हनुमान ने यह अंतिम उत्तर दिया।

श्लोक 62 (sundara.37.62)

भर्तुर्भक्तिं पुरस्कृत्य रामादन्यस्य वानर। नाहं स्प्रष्टुं स्वतो गात्रमिच्छेयं वानरोत्तम ॥ 37.62 ॥

bharturbhaktiṃ puraskṛtya rāmādanyasya vānara| nāhaṃ spraṣṭuṃ svato gātramiccheyaṃ vānarottama || 37.62 ||

"हे देवी! वानर-भालुओं के स्वामी सुग्रीव, जो सत्यनिष्ठ हैं, तुम्हारे उद्धार के लिए पूर्णतः कृतनिश्चय हैं।"

श्लोक 63 (sundara.37.63)

यदहं गात्रसंस्पर्शं रावणस्य गता बलात्। अनीशा किं करिष्यामि विनाथा विवशा सती ॥ 37.63 ॥

yadahaṃ gātrasaṃsparśaṃ rāvaṇasya gatā balāt| anīśā kiṃ kariṣyāmi vināthā vivaśā satī || 37.63 ||

"करोड़ों वानरों से घिरे हुए वे राक्षसनाशक सुग्रीव शीघ्र ही आएँगे, हे वैदेहि!"

श्लोक 64 (sundara.37.64)

यदि रामो दशग्रीवमिह हत्वा सराक्षसम्। मामितो गृह्य गच्छेत तत् तस्य सदृशं भवेत् ॥ 37.64 ॥

yadi rāmo daśagrīvamiha hatvā sarākṣasam| māmito gṛhya gaccheta tat tasya sadṛśaṃ bhavet || 37.64 ||

"उनके वे विक्रमशाली, महाबली वानर, संकल्प के समान वेगवान्, आदेश पर तत्पर खड़े हैं।"

श्लोक 65 (sundara.37.65)

श्रुताश्च दृष्टा हि मया पराक्रमा महात्मनस्तस्य रणावमर्दिनः। न देवगन्धर्वभुजङ्गराक्षसा भवन्ति रामेण समा हि संयुगे ॥ 37.65 ॥

śrutāśca dṛṣṭā hi mayā parākramā mahātmanastasya raṇāvamardinaḥ| na devagandharvabhujaṅgarākṣasā bhavanti rāmeṇa samā hi saṃyuge || 37.65 ||

"न ऊपर, न नीचे, न तिरछे उनकी गति कहीं रुकती है; और अमित तेजस्वी वे बड़े कार्यों में भी कभी शिथिल नहीं पड़ते।"

श्लोक 66 (sundara.37.66)

समीक्ष्य तं संयति चित्रकार्मुकं महाबलं वासवतुल्यविक्रमम्। सलक्ष्मणं को विषहेत राघवं हुताशनं दीप्तमिवानिलेरितम् ॥ 37.66 ॥

samīkṣya taṃ saṃyati citrakārmukaṃ mahābalaṃ vāsavatulyavikramam| salakṣmaṇaṃ ko viṣaheta rāghavaṃ hutāśanaṃ dīptamivānileritam || 37.66 ||

"वे महोत्साही वानर वायु-मार्ग का अनुसरण करते हुए बार-बार समुद्र और पर्वतों सहित पृथ्वी की परिक्रमा कर चुके हैं।"

श्लोक 67 (sundara.37.67)

सलक्ष्मणं राघवमाजिमर्दनं दिशागजं मत्तमिव व्यवस्थितम्। सहेत को वानरमुख्य संयुगे युगान्तसूर्यप्रतिमं शरार्चिषम् ॥ 37.67 ॥

salakṣmaṇaṃ rāghavamājimardanaṃ diśāgajaṃ mattamiva vyavasthitam| saheta ko vānaramukhya saṃyuge yugāntasūryapratimaṃ śarārciṣam || 37.67 ||

"वहाँ मुझसे श्रेष्ठ और मेरे समान भी अनेक वनवासी वानर हैं; सुग्रीव के पास मुझसे न्यून कोई नहीं है।"

श्लोक 68 (sundara.37.68)

स मे कपिश्रेष्ठ सलक्ष्मणं प्रियं सयूथपं क्षिप्रमिहोपपादय। चिराय रामं प्रति शोककर्शितां कुरुष्व मां वानरवीर हर्षिताम् ॥ 37.68 ॥

sa me kapiśreṣṭha salakṣmaṇaṃ priyaṃ sayūthapaṃ kṣipramihopapādaya| cirāya rāmaṃ prati śokakarśitāṃ kuruṣva māṃ vānaravīra harṣitām || 37.68 ||

"जब मैं अकेला यहाँ तक पहुँच गया, तो वे महाबली वानर तो और भी सक्षम हैं! क्योंकि श्रेष्ठतम को कभी दूत बनाकर नहीं भेजा जाता — भेजे तो अन्य ही जाते हैं।"