सुन्दरकाण्ड · सर्ग 36
सीता का हर्ष और हनुमान का आश्वासन
श्लोक 1 (sundara.36.1)
भूय एव महातेजा हनूमान् पवनात्मजः। अब्रवीत् प्रश्रितं वाक्यं सीताप्रत्ययकारणात् ॥ 36.1 ॥
bhūya eva mahātejā hanūmān pavanātmajaḥ| abravīt praśritaṃ vākyaṃ sītāpratyayakāraṇāt || 36.1 ||
महातेजस्वी वायुपुत्र हनुमान ने सीता का विश्वास दिलाने के लिए फिर से विनम्र वचन कहे।
श्लोक 2 (sundara.36.2)
वानरोऽहं महाभागे दूतो रामस्य धीमतः। रामनामाङ्कितं चेदं पश्य देव्यङ्गुलीयकम् ॥ 36.2 ॥
vānaro'haṃ mahābhāge dūto rāmasya dhīmataḥ| rāmanāmāṅkitaṃ cedaṃ paśya devyaṅgulīyakam || 36.2 ||
"हे महाभागे! मैं एक वानर और बुद्धिमान राम का दूत हूँ। हे देवी! यह देखो, राम के नाम से अंकित यह अंगूठी भी।"
श्लोक 3 (sundara.36.3)
प्रत्ययार्थं तवानीतं तेन दत्तं महात्मना। समाश्वसिहि भद्रं ते क्षीणदुःखफला ह्यसि ॥ 36.3 ॥
pratyayārthaṃ tavānītaṃ tena dattaṃ mahātmanā| samāśvasihi bhadraṃ te kṣīṇaduḥkhaphalā hyasi || 36.3 ||
"यह उन महात्मा राम ने तुम्हारा विश्वास दिलाने के लिए दी है, और मैं इसे लेकर आया हूँ। धीरज धरो, तुम्हारा कल्याण हो; अब तुम दुःख के फल से मुक्त हो।"
श्लोक 4 (sundara.36.4)
गृहीत्वा प्रेक्षमाणा सा भर्तुः करविभूषितम्। भर्तारमिव सम्प्राप्तं जानकी मुदिताभवत् ॥ 36.4 ॥
gṛhītvā prekṣamāṇā sā bhartuḥ karavibhūṣitam| bhartāramiva samprāptaṃ jānakī muditābhavat || 36.4 ||
पति के हाथ से सुशोभित उस आभूषण को लेकर और उसे निहारते हुए जानकी ऐसे प्रसन्न हुईं मानो स्वयं अपने पति को पा लिया हो।
श्लोक 5 (sundara.36.5)
चारु तद् वदनं तस्यास्ताम्रशुक्लायतेक्षणम्। बभूव हर्षोदग्रं च राहुमुक्त इवोडुराट् ॥ 36.5 ॥
cāru tad vadanaṃ tasyāstāmraśuklāyatekṣaṇam| babhūva harṣodagraṃ ca rāhumukta ivoḍurāṭ || 36.5 ||
उसका वह मनोहर मुख, ताम्र-श्वेत विशाल नेत्रों से युक्त, राहु से मुक्त हुए नक्षत्रराज चंद्रमा के समान शोभित हुआ।
श्लोक 6 (sundara.36.6)
ततः सा ह्रीमती बाला भर्तुः संदेशहर्षिता। परितुष्टा प्रियं कृत्वा प्रशशंस महाकपिम् ॥ 36.6 ॥
tataḥ sā hrīmatī bālā bhartuḥ saṃdeśaharṣitā| parituṣṭā priyaṃ kṛtvā praśaśaṃsa mahākapim || 36.6 ||
तब वह लज्जाशील युवती, अपने पति के संदेश से हर्षित और पूर्ण संतुष्ट होकर, मधुर वचन कहती हुई उस महाकपि की प्रशंसा करने लगी।
श्लोक 7 (sundara.36.7)
विक्रान्तस्त्वं समर्थस्त्वं प्राज्ञस्त्वं वानरोत्तम। येनेदं राक्षसपदं त्वयैकेन प्रधर्षितम् ॥ 36.7 ॥
vikrāntastvaṃ samarthastvaṃ prājñastvaṃ vānarottama| yenedaṃ rākṣasapadaṃ tvayaikena pradharṣitam || 36.7 ||
"तुम पराक्रमी हो, तुम समर्थ हो, तुम प्रज्ञावान हो, हे वानरश्रेष्ठ, क्योंकि तुमने अकेले ही इस राक्षस-नगरी को दुर्दम्य रूप से लांघ लिया।"
श्लोक 8 (sundara.36.8)
शतयोजनविस्तीर्णः सागरो मकरालयः। विक्रमश्लाघनीयेन क्रमता गोष्पदीकृतः ॥ 36.8 ॥
śatayojanavistīrṇaḥ sāgaro makarālayaḥ| vikramaślāghanīyena kramatā goṣpadīkṛtaḥ || 36.8 ||
"सौ योजन विस्तीर्ण और मगरमच्छों का आवास वह सागर, तुम्हारे सराहनीय पराक्रम से पार करते हुए, मानो एक छोटे गोखुर-गड्ढे जैसा बन गया।"
श्लोक 9 (sundara.36.9)
नहि त्वां प्राकृतं मन्ये वानरं वानरर्षभ। यस्य ते नास्ति संत्रासो रावणादपि सम्भ्रमः ॥ 36.9 ॥
nahi tvāṃ prākṛtaṃ manye vānaraṃ vānararṣabha| yasya te nāsti saṃtrāso rāvaṇādapi sambhramaḥ || 36.9 ||
"मैं तुम्हें साधारण वानर नहीं मानती, हे वानरश्रेष्ठ, क्योंकि रावण से तुम्हें न भय है और न ही किंचित् घबराहट।"
श्लोक 10 (sundara.36.10)
अर्हसे च कपिश्रेष्ठ मया समभिभाषितुम्। यद्यसि प्रेषितस्तेन रामेण विदितात्मना ॥ 36.10 ॥
arhase ca kapiśreṣṭha mayā samabhibhāṣitum| yadyasi preṣitastena rāmeṇa viditātmanā || 36.10 ||
"हे कपिश्रेष्ठ! तुम मुझसे बात करने योग्य हो, यदि तुम सचमुच उन राम द्वारा भेजे गए हो जो अपने आत्मस्वरूप को भलीभाँति जानते हैं।"
श्लोक 11 (sundara.36.11)
प्रेषयिष्यति दुर्धर्षो रामो नह्यपरीक्षितम्। पराक्रममविज्ञाय मत्सकाशं विशेषतः ॥ 36.11 ॥
preṣayiṣyati durdharṣo rāmo nahyaparīkṣitam| parākramamavijñāya matsakāśaṃ viśeṣataḥ || 36.11 ||
"दुर्धर्ष राम बिना परखे और बिना पराक्रम जाने किसी को यूँ ही, विशेषतः मेरे पास, कदापि नहीं भेजते।"
श्लोक 12 (sundara.36.12)
दिष्ट्या च कुशली रामो धर्मात्मा सत्यसंगरः। लक्ष्मणश्च महातेजाः सुमित्रानन्दवर्धनः ॥ 36.12 ॥
diṣṭyā ca kuśalī rāmo dharmātmā satyasaṃgaraḥ| lakṣmaṇaśca mahātejāḥ sumitrānandavardhanaḥ || 36.12 ||
"सौभाग्य से राम कुशल हैं, वे धर्मात्मा और धर्मपरायण हैं; और महातेजस्वी लक्ष्मण भी कुशल हैं, जो सुमित्रा के आनंद को बढ़ाते हैं।"
श्लोक 13 (sundara.36.13)
कुशली यदि काकुत्स्थः किं न सागरमेखलाम्। महीं दहति कोपेन युगान्ताग्निरिवोत्थितः ॥ 36.13 ॥
kuśalī yadi kākutsthaḥ kiṃ na sāgaramekhalām| mahīṃ dahati kopena yugāntāgnirivotthitaḥ || 36.13 ||
"यदि काकुत्स्थ सचमुच कुशल हैं, तो वे क्रोध में आकर सागर-मेखला वाली इस पृथ्वी को युगांत-अग्नि के समान भस्म क्यों नहीं कर देते?"
श्लोक 14 (sundara.36.14)
अथवा शक्तिमन्तौ तौ सुराणामपि निग्रहे। ममैव तु न दुःखानामस्ति मन्ये विपर्ययः ॥ 36.14 ॥
athavā śaktimantau tau surāṇāmapi nigrahe| mamaiva tu na duḥkhānāmasti manye viparyayaḥ || 36.14 ||
"अथवा वे दोनों देवताओं को भी दबा रखने में समर्थ हैं; परंतु मुझे लगता है कि मेरे दुखों का अंत ही नहीं है।"
श्लोक 15 (sundara.36.15)
कच्चिन्न व्यथते रामः कच्चिन्न परितप्यते। उत्तराणि च कार्याणि कुरुते पुरुषोत्तमः ॥ 36.15 ॥
kaccinna vyathate rāmaḥ kaccinna paritapyate| uttarāṇi ca kāryāṇi kurute puruṣottamaḥ || 36.15 ||
"क्या राम व्यथित होते हैं? क्या वे संतप्त नहीं होते? क्या वह पुरुषोत्तम अब भी शेष कर्तव्यों को पूरा कर रहे हैं?"
श्लोक 16 (sundara.36.16)
कच्चिन्न दीनः सम्भ्रान्तः कार्येषु च न मुह्यति। कच्चित् पुरुषकार्याणि कुरुते नृपतेः सुतः ॥ 36.16 ॥
kaccinna dīnaḥ sambhrāntaḥ kāryeṣu ca na muhyati| kaccit puruṣakāryāṇi kurute nṛpateḥ sutaḥ || 36.16 ||
"क्या राजपुत्र दीन और भ्रमित नहीं हैं, क्या वे कार्यों में मोहित नहीं होते? आशा है कि वह राजकुमार पुरुष-कर्तव्य का पालन कर रहे हैं।"
श्लोक 17 (sundara.36.17)
द्विविधं त्रिविधोपायमुपायमपि सेवते। विजिगीषुः सुहृत् कच्चिन्मित्रेषु च परंतपः ॥ 36.17 ॥
dvividhaṃ trividhopāyamupāyamapi sevate| vijigīṣuḥ suhṛt kaccinmitreṣu ca paraṃtapaḥ || 36.17 ||
"क्या विजय की इच्छा रखने वाले वे परंतप द्विविध और त्रिविध उपायों का सहारा लेते हैं, और मित्रों के प्रति सुहृद बने रहते हैं?"
श्लोक 18 (sundara.36.18)
कच्चिन्मित्राणि लभतेऽमित्रैश्चाप्यभिगम्यते। कच्चित् कल्याणमित्रश्च मित्रैश्चापि पुरस्कृतः ॥ 36.18 ॥
kaccinmitrāṇi labhate'mitraiścāpyabhigamyate| kaccit kalyāṇamitraśca mitraiścāpi puraskṛtaḥ || 36.18 ||
"क्या उन्हें मित्र प्राप्त होते हैं, और क्या मित्र भी उनके पास आते हैं? आशा है उनके पास कल्याणकारी मित्र हैं और वे मित्रों द्वारा सम्मानित भी हैं।"
श्लोक 19 (sundara.36.19)
कच्चिदाशास्ति देवानां प्रसादं पार्थिवात्मजः। कच्चित् पुरुषकारं च दैवं च प्रतिपद्यते ॥ 36.19 ॥
kaccidāśāsti devānāṃ prasādaṃ pārthivātmajaḥ| kaccit puruṣakāraṃ ca daivaṃ ca pratipadyate || 36.19 ||
"क्या राजकुमार देवताओं की कृपा चाहते हैं? क्या वे पुरुषार्थ और दैव दोनों को उचित स्थान देते हैं?"
श्लोक 20 (sundara.36.20)
कच्चिन्न विगतस्नेहो विवासान्मयि राघवः। कच्चिन्मां व्यसनादस्मान्मोक्षयिष्यति राघवः ॥ 36.20 ॥
kaccinna vigatasneho vivāsānmayi rāghavaḥ| kaccinmāṃ vyasanādasmānmokṣayiṣyati rāghavaḥ || 36.20 ||
"हे वानर! क्या मेरे विरह से राघव का स्नेह मेरे प्रति क्षीण तो नहीं हुआ? क्या वे मुझे इस विपत्ति से मुक्त करेंगे?"
श्लोक 21 (sundara.36.21)
सुखानामुचितो नित्यमसुखानामनूचितः। दुःखमुत्तरमासाद्य कच्चिद् रामो न सीदति ॥ 36.21 ॥
sukhānāmucito nityamasukhānāmanūcitaḥ| duḥkhamuttaramāsādya kaccid rāmo na sīdati || 36.21 ||
"सुखों के सदा अभ्यस्त और दुखों के अनभ्यस्त राम, इस बड़े दुःख को पाकर, कहीं उसमें डूब तो नहीं गए?"
श्लोक 22 (sundara.36.22)
कौसल्यायास्तथा कच्चित् सुमित्रायास्तथैव च। अभीक्ष्णं श्रूयते कच्चित् कुशलं भरतस्य च ॥ 36.22 ॥
kausalyāyāstathā kaccit sumitrāyāstathaiva ca| abhīkṣṇaṃ śrūyate kaccit kuśalaṃ bharatasya ca || 36.22 ||
"क्या तुम निरंतर कौसल्या और सुमित्रा के कुशल-समाचार सुनते रहते हो, और भरत के कुशल की भी?"
श्लोक 23 (sundara.36.23)
मन्निमित्तेन मानार्हः कच्चिच्छोकेन राघवः। कच्चिन्नान्यमना रामः कच्चिन्मां तारयिष्यति ॥ 36.23 ॥
mannimittena mānārhaḥ kaccicchokena rāghavaḥ| kaccinnānyamanā rāmaḥ kaccinmāṃ tārayiṣyati || 36.23 ||
"क्या मान्य राघव मेरे कारण शोक में हैं? क्या राम का मन कहीं और नहीं लगा है? क्या वे सचमुच मुझे तार देंगे?"
श्लोक 24 (sundara.36.24)
कच्चिदक्षौहिणीं भीमां भरतो भ्रातृवत्सलः। ध्वजिनीं मन्त्रिभिर्गुप्तां प्रेषयिष्यति मत्कृते ॥ 36.24 ॥
kaccidakṣauhiṇīṃ bhīmāṃ bharato bhrātṛvatsalaḥ| dhvajinīṃ mantribhirguptāṃ preṣayiṣyati matkṛte || 36.24 ||
"आशा है भ्रातृवत्सल भरत मेरे लिए मंत्रियों से रक्षित, ध्वजों से सुसज्जित एक भीषण अक्षौहिणी सेना भेजेंगे।"
श्लोक 25 (sundara.36.25)
वानराधिपतिः श्रीमान् सुग्रीवः कच्चिदेष्यति। मत्कृते हरिभिर्वीरैर्वृतो दन्तनखायुधैः ॥ 36.25 ॥
vānarādhipatiḥ śrīmān sugrīvaḥ kaccideṣyati| matkṛte haribhirvīrairvṛto dantanakhāyudhaiḥ || 36.25 ||
"क्या श्रीमान् वानराधिपति सुग्रीव मेरे लिए दाँत-नखों को अस्त्र बनाए वीर वानरों से घिरे होकर आएँगे?"
श्लोक 26 (sundara.36.26)
कच्चिच्च लक्ष्मणः शूरः सुमित्रानन्दवर्धनः। अस्त्रविच्छरजालेन राक्षसान् विधमिष्यति ॥ 36.26 ॥
kaccicca lakṣmaṇaḥ śūraḥ sumitrānandavardhanaḥ| astraviccharajālena rākṣasān vidhamiṣyati || 36.26 ||
"और क्या शूरवीर लक्ष्मण, जो सुमित्रा के आनंद को बढ़ाते हैं, वह अस्त्रवेत्ता, बाणों के जाल से राक्षसों का संहार करेंगे?"
श्लोक 27 (sundara.36.27)
रौद्रेण कच्चिदस्त्रेण रामेण निहतं रणे। द्रक्ष्याम्यल्पेन कालेन रावणं ससुहृज्जनम् ॥ 36.27 ॥
raudreṇa kaccidastreṇa rāmeṇa nihataṃ raṇe| drakṣyāmyalpena kālena rāvaṇaṃ sasuhṛjjanam || 36.27 ||
"अल्प समय में ही मैं रावण को उसके स्वजनों सहित, राम के भीषण, प्रज्वलित अस्त्रों से युद्ध में मारा गया देखूँ।"
श्लोक 28 (sundara.36.28)
कच्चिन्न तद्धेमसमानवर्णं तस्याननं पद्मसमानगन्धि। मया विना शुष्यति शोकदीनं जलक्षये पद्ममिवातपेन ॥ 36.28 ॥
kaccinna taddhemasamānavarṇaṃ tasyānanaṃ padmasamānagandhi| mayā vinā śuṣyati śokadīnaṃ jalakṣaye padmamivātapena || 36.28 ||
"स्वर्ण के समान वर्ण वाला और कमल-सुगंध लिए हुए वह मुख, मेरे बिना शोक से मलिन होकर सूख तो नहीं रहा, जैसे जल क्षीण होने पर धूप से कमल सूख जाता है।"
श्लोक 29 (sundara.36.29)
धर्मापदेशात् त्यजतः स्वराज्यं मां चाप्यरण्यं नयतः पदातेः। नासीद् यथा यस्य न भीर्न शोकः कच्चित् स धैर्यं हृदये करोति ॥ 36.29 ॥
dharmāpadeśāt tyajataḥ svarājyaṃ māṃ cāpyaraṇyaṃ nayataḥ padāteḥ| nāsīd yathā yasya na bhīrna śokaḥ kaccit sa dhairyaṃ hṛdaye karoti || 36.29 ||
"जिन्होंने धर्म के निमित्त राज्य त्यागते हुए और मुझे पैदल वन ले जाते हुए भी न व्यथा जानी, न भय, न शोक — आशा है वही राम अब भी अपने हृदय में धैर्य धारण किए हुए हैं।"
श्लोक 30 (sundara.36.30)
न चास्य माता न पिता न चान्यः स्नेहाद् विशिष्टोऽस्ति मया समो वा। तावद्ध्यहं दूत जिजीविषेयं यावत् प्रवृत्तिं शृणुयां प्रियस्य ॥ 36.30 ॥
na cāsya mātā na pitā na cānyaḥ snehād viśiṣṭo'sti mayā samo vā| tāvaddhyahaṃ dūta jijīviṣeyaṃ yāvat pravṛttiṃ śṛṇuyāṃ priyasya || 36.30 ||
"स्नेह में न उनकी माता, न पिता, न कोई अन्य मुझसे बढ़कर या मेरे समान है। हे दूत! मैं तभी तक जीवित रहना चाहती हूँ जब तक अपने प्रियतम का समाचार सुनती रहूँ।"
श्लोक 31 (sundara.36.31)
इतीव देवी वचनं महार्थं तं वानरेन्द्रं मधुरार्थमुक्त्वा। श्रोतुं पुनस्तस्य वचोऽभिरामं रामार्थयुक्तं विरराम रामा ॥ 36.31 ॥
itīva devī vacanaṃ mahārthaṃ taṃ vānarendraṃ madhurārthamuktvā| śrotuṃ punastasya vaco'bhirāmaṃ rāmārthayuktaṃ virarāma rāmā || 36.31 ||
इस प्रकार अत्यंत अर्थपूर्ण और मधुर वचन कहकर वह देवी राम-चर्चा से युक्त उसके सुंदर वचन पुनः सुनने के लिए मौन हो गई।
श्लोक 32 (sundara.36.32)
सीताया वचनं श्रुत्वा मारुतिर्भीमविक्रमः। शिरस्यञ्जलिमाधाय वाक्यमुत्तरमब्रवीत् ॥ 36.32 ॥
sītāyā vacanaṃ śrutvā mārutirbhīmavikramaḥ| śirasyañjalimādhāya vākyamuttaramabravīt || 36.32 ||
सीता के वचन सुनकर भीमपराक्रमी मारुति ने सिर पर अंजलि जोड़कर आगे यह वाक्य कहा।
श्लोक 33 (sundara.36.33)
न त्वामिहस्थां जानीते रामः कमललोचनः। तेन त्वां नानयत्याशु शचीमिव पुरंदरः ॥ 36.33 ॥
na tvāmihasthāṃ jānīte rāmaḥ kamalalocanaḥ| tena tvāṃ nānayatyāśu śacīmiva puraṃdaraḥ || 36.33 ||
"कमल-लोचन राम को यह ज्ञात नहीं कि तुम यहाँ हो; इसीलिए वे तुम्हें शीघ्र वापस नहीं ले गए, जैसे इंद्र ने शची को शीघ्र वापस नहीं लिया।"
श्लोक 34 (sundara.36.34)
श्रुत्वैव च वचो मह्यं क्षिप्रमेष्यति राघवः। चमूं प्रकर्षन् महतीं हर्यृक्षगणसंयुताम् ॥ 36.34 ॥
śrutvaiva ca vaco mahyaṃ kṣiprameṣyati rāghavaḥ| camūṃ prakarṣan mahatīṃ haryṛkṣagaṇasaṃyutām || 36.34 ||
"मुझसे यह वचन सुनते ही राघव शीघ्र आएँगे, वानरों और भालुओं से भरी विशाल सेना को आगे बढ़ाते हुए।"
श्लोक 35 (sundara.36.35)
विष्टम्भयित्वा बाणौघैरक्षोभ्यं वरुणालयम्। करिष्यति पुरीं लङ्कां काकुत्स्थः शान्तराक्षसाम् ॥ 36.35 ॥
viṣṭambhayitvā bāṇaughairakṣobhyaṃ varuṇālayam| kariṣyati purīṃ laṅkāṃ kākutsthaḥ śāntarākṣasām || 36.35 ||
"बाणों की बाढ़ से अक्षोभ्य समुद्र को रोककर काकुत्स्थ लंकापुरी को राक्षसों से रहित कर देंगे।"
श्लोक 36 (sundara.36.36)
तत्र यद्यन्तरा मृत्युर्यदि देवा महासुराः। स्थास्यन्ति पथि रामस्य स तानपि वधिष्यति ॥ 36.36 ॥
tatra yadyantarā mṛtyuryadi devā mahāsurāḥ| sthāsyanti pathi rāmasya sa tānapi vadhiṣyati || 36.36 ||
"वहाँ यदि मृत्यु स्वयं, अथवा देवता और असुर मिलकर भी राम के मार्ग में खड़े हों, तो वे उन्हें भी मार डालेंगे।"
श्लोक 37 (sundara.36.37)
तवादर्शनजेनार्ये शोकेन परिपूरितः। न शर्म लभते रामः सिंहार्दित इव द्विपः ॥ 36.37 ॥
tavādarśanajenārye śokena paripūritaḥ| na śarma labhate rāmaḥ siṃhārdita iva dvipaḥ || 36.37 ||
"हे आर्ये! तुम्हारे अदर्शन के शोक में डूबे हुए राम को कोई सुख नहीं मिलता, जैसे सिंह से पीड़ित हाथी को।"
श्लोक 38 (sundara.36.38)
मन्दरेण च ते देवि शपे मूलफलेन च। मलयेन च विन्ध्येन मेरुणा दर्दुरेण च ॥ 36.38 ॥
mandareṇa ca te devi śape mūlaphalena ca| malayena ca vindhyena meruṇā dardureṇa ca || 36.38 ||
"हे देवी! मैं तुमसे मंदराचल की, हमारे कंद-मूल-फल के भोजन की, मलय, विंध्य, मेरु और दर्दुर पर्वतों की शपथ लेकर कहता हूँ,"
श्लोक 39 (sundara.36.39)
यथा सुनयनं वल्गु बिम्बोष्ठं चारुकुण्डलम्। मुखं द्रक्ष्यसि रामस्य पूर्णचन्द्रमिवोदितम् ॥ 36.39 ॥
yathā sunayanaṃ valgu bimboṣṭhaṃ cārukuṇḍalam| mukhaṃ drakṣyasi rāmasya pūrṇacandramivoditam || 36.39 ||
"कि तुम शीघ्र ही राम का मुख देखोगी — सुनयन, सुंदर, बिंबफल-सी लालिमा वाले होठों से युक्त, सुंदर कुंडलों से शोभित, उदित पूर्णचंद्र के समान तेजस्वी।"
श्लोक 40 (sundara.36.40)
क्षिप्रं द्रक्ष्यसि वैदेहि रामं प्रस्रवणे गिरौ। शतक्रतुमिवासीनं नागपृष्ठस्य मूर्धनि ॥ 36.40 ॥
kṣipraṃ drakṣyasi vaidehi rāmaṃ prasravaṇe girau| śatakratumivāsīnaṃ nāgapṛṣṭhasya mūrdhani || 36.40 ||
"हे वैदेही! शीघ्र ही तुम राम को प्रस्रवण पर्वत पर देखोगी, मानो शतक्रतु इंद्र नागराज ऐरावत के मस्तक पर विराजमान हों।"
श्लोक 41 (sundara.36.41)
न मांसं राघवो भुङ्क्ते न चैव मधु सेवते। वन्यं सुविहितं नित्यं भक्तमश्नाति पञ्चमम् ॥ 36.41 ॥
na māṃsaṃ rāghavo bhuṅkte na caiva madhu sevate| vanyaṃ suvihitaṃ nityaṃ bhaktamaśnāti pañcamam || 36.41 ||
"राघव न मांस खाते हैं, न कभी मधु का सेवन करते हैं; प्रतिदिन संध्या समय वे केवल वन में विधिपूर्वक तैयार किया गया आहार ग्रहण करते हैं।"
श्लोक 42 (sundara.36.42)
नैव दंशान् न मशकान् न कीटान् न सरीसृपान्। राघवोऽपनयेद् गात्रात् त्वद्गतेनान्तरात्मना ॥ 36.42 ॥
naiva daṃśān na maśakān na kīṭān na sarīsṛpān| rāghavo'panayed gātrāt tvadagatenāntarātmanā || 36.42 ||
"तुम्हारे ही ध्यान में लीन अंतरात्मा वाले राघव अपने शरीर से डांस, मच्छर, कीट या रेंगने वाले जीव तक को नहीं हटाते।"
श्लोक 43 (sundara.36.43)
नित्यं ध्यानपरो रामो नित्यं शोकपरायणः। नान्यच्चिन्तयते किंचित् स तु कामवशं गतः ॥ 36.43 ॥
nityaṃ dhyānaparo rāmo nityaṃ śokaparāyaṇaḥ| nānyaccintayate kiṃcit sa tu kāmavaśaṃ gataḥ || 36.43 ||
"राम सदा ध्यानमग्न और सदा शोक में डूबे रहते हैं; वे और कुछ नहीं सोचते, इतने वे तुम्हारी विरह-वेदना से आक्रांत हैं।"
श्लोक 44 (sundara.36.44)
अनिद्रः सततं रामः सुप्तोऽपि च नरोत्तमः। सीतेति मधुरां वाणीं व्याहरन् प्रतिबुध्यते ॥ 36.44 ॥
anidraḥ satataṃ rāmaḥ supto'pi ca narottamaḥ| sīteti madhurāṃ vāṇīṃ vyāharan pratibudhyate || 36.44 ||
"राम निरंतर अनिद्रित रहते हैं; और यदि वह नरोत्तम कदाचित् सो भी जाएँ, तो 'सीता' का मधुर नाम पुकारते हुए ही जाग उठते हैं।"
श्लोक 45 (sundara.36.45)
दृष्ट्वा फलं वा पुष्पं वा यच्चान्यत् स्त्रीमनोहरम्। बहुशो हा प्रियेत्येवं श्वसंस्त्वामभिभाषते ॥ 36.45 ॥
dṛṣṭvā phalaṃ vā puṣpaṃ vā yaccānyat strīmanoharam| bahuśo hā priyetyevaṃ śvasaṃstvāmabhibhāṣate || 36.45 ||
"किसी फल, फूल या स्त्री-मन को हरने वाली किसी अन्य वस्तु को देखकर वे बार-बार दीर्घ श्वास लेते हुए तुम्हें 'हे प्रिये' कहकर पुकारते हैं।"
श्लोक 46 (sundara.36.46)
स देवि नित्यं परितप्यमान- स्त्वामेव सीतेत्यभिभाषमाणः। धृतव्रतो राजसुतो महात्मा तवैव लाभाय कृतप्रयत्नः ॥ 36.46 ॥
sa devi nityaṃ paritapyamāna- stvāmeva sītetyabhibhāṣamāṇaḥ| dhṛtavrato rājasuto mahātmā tavaiva lābhāya kṛtaprayatnaḥ || 36.46 ||
"हे देवी! वह महात्मा राजकुमार सदा संतप्त रहते हुए और केवल 'सीता, सीता' कहते हुए, अपने व्रत में दृढ़, केवल तुम्हें पुनः पाने के प्रयत्न में लगे हैं।"
श्लोक 47 (sundara.36.47)
सा रामसंकीर्तनवीतशोका रामस्य शोकेन समानशोका। शरन्मुखेनाम्बुदशेषचन्द्रा निशेव वैदेहसुता बभूव ॥ 36.47 ॥
sā rāmasaṃkīrtanavītaśokā rāmasya śokena samānaśokā| śaranmukhenāmbudaśeṣacandrā niśeva vaidehasutā babhūva || 36.47 ||
राम की इस प्रकार प्रशंसा सुनकर जिसका शोक कुछ हल्का हुआ, फिर भी राम के समान ही शोक से युक्त वह वैदेहसुता, शरद ऋतु के आरंभ में शेष बादलों से आच्छादित चंद्रमा वाली रात्रि के समान हो गई।