हनुमान की उत्तर दिशा को प्रस्थान

श्लोक 1 (sundara.40.1)

श्रुत्वा तु वचनं तस्य वायुसूनोर्महात्मनः। उवाचात्महितं वाक्यं सीता सुरसुतोपमा ॥ 40.1 ॥

śrutvā tu vacanaṃ tasya vāyusūnormahātmanaḥ| uvācātmahitaṃ vākyaṃ sītā surasutopamā || 40.1 ||

उनके वचन सुनकर देवकन्या-सी सीता ने उस महात्मा वायुपुत्र से अपने हित की बात इस प्रकार कही।

श्लोक 2 (sundara.40.2)

त्वां दृष्ट्वा प्रियवक्तारं सम्प्रहृष्यामि वानर। अर्धसंजातसस्येव वृष्टिं प्राप्य वसुंधरा ॥ 40.2 ॥

tvāṃ dṛṣṭvā priyavaktāraṃ samprahṛṣyāmi vānara| ardhasaṃjātasasyeva vṛṣṭiṃ prāpya vasuṃdharā || 40.2 ||

"हे वानर! प्रिय वचन कहने वाले तुम्हें देखकर मैं वैसे ही हर्षित होती हूँ जैसे आधे उगे हुए धान्य वाली पृथ्वी वर्षा पाकर हर्षित होती है।"

श्लोक 3 (sundara.40.3)

यथा तं पुरुषव्याघ्रं गात्रैः शोकाभिकर्शितैः। संस्पृशेयं सकामाहं तथा कुरु दयां मयि ॥ 40.3 ॥

yathā taṃ puruṣavyāghraṃ gātraiḥ śokābhikarśitaiḥ| saṃspṛśeyaṃ sakāmāhaṃ tathā kuru dayāṃ mayi || 40.3 ||

"अतः मुझ पर ऐसी दया करो, जिससे मैं सकाम होकर शोक से क्षीण अंगों वाले उस पुरुषव्याघ्र का स्पर्श कर सकूँ।"

श्लोक 4 (sundara.40.4)

अभिज्ञानं च रामस्य दद्या हरिगणोत्तम। क्षिप्तामिषीकां काकस्य कोपादेकाक्षिशातनीम् ॥ 40.4 ॥

abhijñānaṃ ca rāmasya dadyā harigaṇottama| kṣiptāmiṣīkāṃ kākasya kopādekākṣiśātanīm || 40.4 ||

"और, हे वानरगणोत्तम! राम को यह अभिज्ञान देना — क्रोधवश काकासुर पर छोड़ी गई वह तृणसीक जिसने उसकी एक आँख नष्ट कर दी थी,"

श्लोक 5 (sundara.40.5)

मनःशिलायास्तिलको गण्डपार्श्वे निवेशितः। त्वया प्रणष्टे तिलके तं किल स्मर्तुमर्हसि ॥ 40.5 ॥

manaḥśilāyāstilako gaṇḍapārśve niveśitaḥ| tvayā praṇaṣṭe tilake taṃ kila smartumarhasi || 40.5 ||

"और मेरे कपोल पर लगाया गया वह मैनशिल का तिलक — उस तिलक के मिट जाने पर उन्हें वह घटना अवश्य स्मरण करनी चाहिए।"

श्लोक 6 (sundara.40.6)

स वीर्यवान् कथं सीतां हृतां समनुमन्यसे। वसन्तीं रक्षसां मध्ये महेन्द्रवरुणोपम ॥ 40.6 ॥

sa vīryavān kathaṃ sītāṃ hṛtāṃ samanumanyase| vasantīṃ rakṣasāṃ madhye mahendravaruṇopama || 40.6 ||

"हे महेंद्र-वरुण के समान पराक्रमी! वे वीर्यवान् यह कैसे सहन कर रहे हैं कि हरी गई सीता अभी भी राक्षसों के बीच रह रही है?"

श्लोक 7 (sundara.40.7)

एष चूडामणिर्दिव्यो मया सुपरिरक्षितः। एतं दृष्ट्वा प्रहृष्यामि व्यसने त्वामिवानघ ॥ 40.7 ॥

eṣa cūḍāmaṇirdivyo mayā suparirakṣitaḥ| etaṃ dṛṣṭvā prahṛṣyāmi vyasane tvāmivānagha || 40.7 ||

"इस दिव्य चूड़ामणि को मैंने बड़ी सावधानी से सुरक्षित रखा था; हे अनघ! इसे देखकर मैं ऐसे हर्षित होती हूँ मानो इस विपत्ति में तुम्हें ही देख रही हूँ।"

श्लोक 8 (sundara.40.8)

एष निर्यातितः श्रीमान् मया ते वारिसम्भवः। अतः परं न शक्ष्यामि जीवितुं शोकलालसा ॥ 40.8 ॥

eṣa niryātitaḥ śrīmān mayā te vārisambhavaḥ| ataḥ paraṃ na śakṣyāmi jīvituṃ śokalālasā || 40.8 ||

"यह श्रीमान् जल से उत्पन्न मणि मैंने अब तुम्हारे द्वारा भेज दिया है; इसके आगे मैं शोक-लालसा से युक्त अधिक जीवित नहीं रह सकूँगी।"

श्लोक 9 (sundara.40.9)

असह्यानि च दुःखानि वाचश्च हृदयच्छिदः। राक्षसैः सह संवासं त्वत्कृते मर्षयाम्यहम् ॥ 40.9 ॥

asahyāni ca duḥkhāni vācaśca hṛdayacchidaḥ| rākṣasaiḥ saha saṃvāsaṃ tvatkṛte marṣayāmyaham || 40.9 ||

"असह्य दुःख, हृदय को विदीर्ण करने वाले वचन, और राक्षसों के बीच यह निवास — हे वीर! केवल तुम्हारे ही निमित्त मैं यह सब सह रही हूँ।"

श्लोक 10 (sundara.40.10)

धारयिष्यामि मासं तु जीवितं शत्रुसूदन। मासादूर्ध्वं न जीविष्ये त्वया हीना नृपात्मज ॥ 40.10 ॥

dhārayiṣyāmi māsaṃ tu jīvitaṃ śatrusūdana| māsādūrdhvaṃ na jīviṣye tvayā hīnā nṛpātmaja || 40.10 ||

"हे शत्रुसूदन! मैं एक मास और अपना जीवन धारण करूँगी; उससे आगे, हे राजकुमार, तुमसे विहीन होकर मैं जीवित नहीं रहूँगी।"

श्लोक 11 (sundara.40.11)

घोरो राक्षसराजोऽयं दृष्टिश्च न सुखा मयि। त्वां च श्रुत्वा विषज्जन्तं न जीवेयमपि क्षणम् ॥ 40.11 ॥

ghoro rākṣasarājo'yaṃ dṛṣṭiśca na sukhā mayi| tvāṃ ca śrutvā viṣajjantaṃ na jīveyamapi kṣaṇam || 40.11 ||

"यह राक्षसराज घोर है, और मुझ पर उसकी दृष्टि सुखद नहीं; उसे मुझमें आसक्त सुनकर मैं क्षणभर भी जीवित न रह सकूँगी।"

श्लोक 12 (sundara.40.12)

वैदेह्या वचनं श्रुत्वा करुणं साश्रुभाषितम्। अथाब्रवीन्महातेजा हनूमान् मारुतात्मजः ॥ 40.12 ॥

vaidehyā vacanaṃ śrutvā karuṇaṃ sāśrubhāṣitam| athābravīnmahātejā hanūmān mārutātmajaḥ || 40.12 ||

वैदेही के करुण, अश्रुयुक्त वचन सुनकर महातेजस्वी वायुपुत्र हनुमान ने तब यह कहा।

श्लोक 13 (sundara.40.13)

त्वच्छोकविमुखो रामो देवि सत्येन ते शपे। रामे शोकाभिभूते तु लक्ष्मणः परितप्यते ॥ 40.13 ॥

tvacchokavimukho rāmo devi satyena te śape| rāme śokābhibhūte tu lakṣmaṇaḥ paritapyate || 40.13 ||

"हे देवी! तुम्हारे शोक से राम अन्य सब से विमुख हो गए हैं — मैं सत्य की शपथ लेकर कहता हूँ। राम के शोकाभिभूत होने पर लक्ष्मण भी संतप्त रहते हैं।"

श्लोक 14 (sundara.40.14)

दृष्टा कथंचिद् भवती न कालः परिदेवितुम्। इमं मुहूर्तं दुःखानामन्तं द्रक्ष्यसि भामिनि ॥ 40.14 ॥

dṛṣṭā kathaṃcid bhavatī na kālaḥ paridevitum| imaṃ muhūrtaṃ duḥkhānāmantaṃ drakṣyasi bhāmini || 40.14 ||

"किसी प्रकार अब तुम पा ली गई हो — यह विलाप का समय नहीं; हे भामिनि! इसी मुहूर्त में तुम अपने दुखों का अंत देखोगी।"

श्लोक 15 (sundara.40.15)

तावुभौ पुरुषव्याघ्रौ राजपुत्रावनिन्दितौ। त्वद्दर्शनकृतोत्साहौ लङ्कां भस्मीकरिष्यतः ॥ 40.15 ॥

tāvubhau puruṣavyāghrau rājaputrāvaninditau| tvaddarśanakṛtotsāhau laṅkāṃ bhasmīkariṣyataḥ || 40.15 ||

"तुम्हारे दर्शन की उत्कंठा से भरे वे दोनों अनिन्दित पुरुषव्याघ्र राजकुमार लंका को भस्म कर देंगे।"

श्लोक 16 (sundara.40.16)

हत्वा तु समरे रक्षो रावणं सहबान्धवैः। राघवौ त्वां विशालाक्षि स्वां पुरीं प्रति नेष्यतः ॥ 40.16 ॥

hatvā tu samare rakṣo rāvaṇaṃ sahabāndhavaiḥ| rāghavau tvāṃ viśālākṣi svāṃ purīṃ prati neṣyataḥ || 40.16 ||

"हे विशालाक्षि! युद्ध में बांधवों सहित रावण राक्षस को मारकर वे दोनों राघव तुम्हें अपनी नगरी ले जाएँगे।"

श्लोक 17 (sundara.40.17)

यत्तु रामो विजानीयादभिज्ञानमनिन्दिते। प्रीतिसंजननं भूयस्तस्य त्वं दातुमर्हसि ॥ 40.17 ॥

yattu rāmo vijānīyādabhijñānamanindite| prītisaṃjananaṃ bhūyastasya tvaṃ dātumarhasi || 40.17 ||

"किंतु हे अनिन्दिते! जिस अभिज्ञान से राम और भी निश्चयपूर्वक जान सकें और जिससे उनका प्रेम और बढ़े, वह तुम्हें अवश्य देना चाहिए।"

श्लोक 18 (sundara.40.18)

साब्रवीद् दत्तमेवाहो मयाभिज्ञानमुत्तमम्। एतदेव हि रामस्य दृष्ट्वा यत्नेन भूषणम् ॥ 40.18 ॥

sābravīd dattamevāho mayābhijñānamuttamam| etadeva hi rāmasya dṛṣṭvā yatnena bhūṣaṇam || 40.18 ||

उसने कहा: "मैंने तो पहले ही सर्वोत्तम अभिज्ञान दे दिया है: यह आभूषण, जिसे देखकर राम इसे यत्नपूर्वक प्राप्त हुआ पहचान लेंगे।"

श्लोक 19 (sundara.40.19)

श्रद्धेयं हनुमन् वाक्यं तव वीर भविष्यति। स तं मणिवरं गृह्य श्रीमान् प्लवगसत्तमः ॥ 40.19 ॥

śraddheyaṃ hanuman vākyaṃ tava vīra bhaviṣyati| sa taṃ maṇivaraṃ gṛhya śrīmān plavagasattamaḥ || 40.19 ||

"हे वीर हनुमान! तुम्हारा वचन ही स्वयं में श्रद्धेय होगा।" तब वह श्रीमान वानरश्रेष्ठ उस उत्तम मणि को लेकर,

श्लोक 20 (sundara.40.20)

प्रणम्य शिरसा देवीं गमनायोपचक्रमे। तमुत्पातकृतोत्साहमवेक्ष्य हरियूथपम् ॥ 40.20 ॥

praṇamya śirasā devīṃ gamanāyopacakrame| tamutpātakṛtotsāhamavekṣya hariyūthapam || 40.20 ||

देवी को सिर झुकाकर प्रणाम कर, प्रस्थान के लिए उद्यत हुए। उस उत्पात के लिए उत्साहित हरियूथप को देखकर,

श्लोक 21 (sundara.40.21)

वर्धमानं महावेगमुवाच जनकात्मजा। अश्रुपूर्णमुखी दीना बाष्पगद्गदया गिरा ॥ 40.21 ॥

vardhamānaṃ mahāvegamuvāca janakātmajā| aśrupūrṇamukhī dīnā bāṣpagada‍gadayā girā || 40.21 ||

बढ़ते हुए और महान वेग से युक्त उन्हें देखकर, अश्रुपूर्ण मुख वाली दीन जनकसुता ने गद्गद वाणी में यह कहा।

श्लोक 22 (sundara.40.22)

हनूमन् सिंहसंकाशौ भ्रातरौ रामलक्ष्मणौ। सुग्रीवं च सहामात्यं सर्वान् ब्रूया अनामयम् ॥ 40.22 ॥

hanūman siṃhasaṃkāśau bhrātarau rāmalakṣmaṇau| sugrīvaṃ ca sahāmātyaṃ sarvān brūyā anāmayam || 40.22 ||

"हे हनुमान! सिंह के समान उन दोनों भाइयों राम-लक्ष्मण को, मंत्रियों सहित सुग्रीव को, और सबको मेरा कुशल-कल्याण कहना।"

श्लोक 23 (sundara.40.23)

यथा च स महाबाहुर्मां तारयति राघवः। अस्माद् दुःखाम्बुसंरोधात् त्वं समाधातुमर्हसि ॥ 40.23 ॥

yathā ca sa mahābāhurmāṃ tārayati rāghavaḥ| asmād duḥkhāmbusaṃrodhāt tvaṃ samādhātumarhasi || 40.23 ||

"और जिस प्रकार वह महाबाहु राघव मुझे इस दुःखरूपी जलनिधि के रोध से पार कराएँ, उस उपाय को तुम सिद्ध करो।"

श्लोक 24 (sundara.40.24)

इदं च तीव्रं मम शोकवेगं रक्षोभिरेभिः परिभर्त्सनं च। ब्रूयास्तु रामस्य गतः समीपं शिवश्च तेऽध्वास्तु हरिप्रवीर ॥ 40.24 ॥

idaṃ ca tīvraṃ mama śokavegaṃ rakṣobhirebhiḥ paribhartsanaṃ ca| brūyāstu rāmasya gataḥ samīpaṃ śivaśca te'dhvāstu haripravīra || 40.24 ||

"और मेरे इस तीव्र शोकवेग और इन राक्षसों द्वारा दी जा रही धमकियों के विषय में भी उनसे कहना; और हे हरिप्रवीर! राम के समीप जाने वाला तुम्हारा यह मार्ग मंगलमय हो।"

श्लोक 25 (sundara.40.25)

स राजपुत्र्या प्रतिवेदितार्थः कपिः कृतार्थः परिहृष्टचेताः। तदल्पशेषं प्रसमीक्ष्य कार्यं दिशं ह्युदीचीं मनसा जगाम ॥ 40.25 ॥

sa rājaputryā prativeditārthaḥ kapiḥ kṛtārthaḥ parihṛṣṭacetāḥ| tadalpaśeṣaṃ prasamīkṣya kāryaṃ diśaṃ hyudīcīṃ manasā jagāma || 40.25 ||

वह वानर, राजकुमारी द्वारा अपने प्रयोजन का उत्तर पाकर कृतार्थ और अत्यंत हर्षित हुआ, और शेष कार्य को अल्प जानकर मन ही मन उत्तर दिशा की ओर चल पड़ा।