महेन्द्र पर्वत पर पुनरागमन

श्लोक 1 (sundara.57.1)

आप्लुत्य च महावेगः पक्षवानिव पर्वतः। भुजङ्गयक्षगन्धर्वप्रबुद्धकमलोत्पलम् ॥ 57.1 ॥

āplutya ca mahāvegaḥ pakṣavāniva parvataḥ| bhujaṅgayakṣagandharvaprabuddhakamalotpalam || 57.1 ||

और अत्यंत वेग से, मानो पंखधारी पर्वत हो, उस [आकाश-सागर] को लाँघते हुए, जिसके कमल और नीलकमल नाग-यक्ष-गंधर्वों द्वारा खिलाए गए थे —

श्लोक 2 (sundara.57.2)

स चन्द्रकुमुदं रम्यं सार्ककारण्डवं शुभम्। तिष्यश्रवणकादम्बमभ्रशैवलशाद्वलम् ॥ 57.2 ॥

sa candrakumudaṃ ramyaṃ sārkakāraṇḍavaṃ śubham| tiṣyaśravaṇakādambamabhraśaivalaśādvalam || 57.2 ||

— उस मनोहर, मंगलमय [आकाश-सागर] में, जिसमें चंद्रमा श्वेत कुमुद-सा था, सूर्य कारण्डव पक्षी-सा; पुष्य और श्रवण नक्षत्र हंस-समूह-से, बादल शैवाल और तृण-से थे —

श्लोक 3 (sundara.57.3)

पुनर्वसुमहामीनं लोहिताङ्गमहाग्रहम्। ऐरावतमहाद्वीपं स्वातीहंसविलासितम् ॥ 57.3 ॥

punarvasumahāmīnaṃ lohitāṅgamahāgraham| airāvatamahādvīpaṃ svātīhaṃsavilāsitam || 57.3 ||

— पुनर्वसु नक्षत्र उसकी बड़ी मछली-सा, मंगल ग्रह उसके बड़े मगर-सा; ऐरावत [तारामंडल] उसके विशाल द्वीप-सा, स्वाति नक्षत्र से सुशोभित हंस-सा —

श्लोक 4 (sundara.57.4)

वातसंघातजालोर्मिचन्द्रांशुशिशिराम्बुमत्। हनूमानपरिश्रान्तः पुप्लुवे गगनार्णवम् ॥ 57.4 ॥

vātasaṃghātajālormicandrāṃśuśiśirāmbumat| hanūmānapariśrāntaḥ pupluve gaganārṇavam || 57.4 ||

— पवन के झोंकों के जाल तरंगों-से, चंद्रमा की किरणें शीतल जल-सी — उस आकाश-सागर को हनुमान बिना थके लाँघ गए।

श्लोक 5 (sundara.57.5)

ग्रसमान इवाकाशं ताराधिपमिवोल्लिखन्। हरन्निव सनक्षत्रं गगनं सार्कमण्डलम् ॥ 57.5 ॥

grasamāna ivākāśaṃ tārādhipamivollikhan| haranniva sanakṣatraṃ gaganaṃ sārkamaṇḍalam || 57.5 ||

मानो आकाश को निगलते हुए, मानो चंद्रमा को खरोंचते हुए, मानो नक्षत्रों और सूर्यमंडल सहित समूचे आकाश को हर ले जाते हुए,

श्लोक 6 (sundara.57.6)

अपारमपरिश्रान्तश्चाम्बुधिं समगाहत। हनूमान् मेघजालानि विकर्षन्निव गच्छति ॥ 57.6 ॥

apāramapariśrāntaścāmbudhiṃ samagāhata| hanūmān meghajālāni vikarṣanniva gacchati || 57.6 ||

— अपार [आकाश-सागर] में वे बिना थके प्रवेश कर गए। हनुमान मेघ-समूहों को मानो खींचते हुए आगे बढ़ रहे थे।

श्लोक 7 (sundara.57.7)

पाण्डुरारुणवर्णानि नीलमाञ्जिष्ठकानि च। हरितारुणवर्णानि महाभ्राणि चकाशिरे ॥ 57.7 ॥

pāṇḍurāruṇavarṇāni nīlamāñjiṣṭhakāni ca| haritāruṇavarṇāni mahābhrāṇi cakāśire || 57.7 ||

श्वेत-अरुण वर्ण के, नीले और मंजिष्ठा-रंग के, तथा हरित-अरुण वर्ण के विशाल मेघ [उनके चारों ओर] चमक रहे थे।

श्लोक 8 (sundara.57.8)

प्रविशन्नभ्रजालानि निष्क्रमंश्च पुनः पुनः। प्रकाशश्चाप्रकाशश्च चन्द्रमा इव दृश्यते ॥ 57.8 ॥

praviśannabhrajālāni niṣkramaṃśca punaḥ punaḥ| prakāśaścāprakāśaśca candramā iva dṛśyate || 57.8 ||

बार-बार मेघ-समूहों में प्रवेश करते और निकलते हुए, वे कभी प्रकट, कभी अप्रकट होते चंद्रमा के समान दिखाई देते थे।

श्लोक 9 (sundara.57.9)

विविधाभ्रघनापन्नगोचरो धवलाम्बरः। दृश्यादृश्यतनुर्वीरस्तथा चन्द्रायतेऽम्बरे ॥ 57.9 ॥

vividhābhraghanāpannagocaro dhavalāmbaraḥ| dṛśyādṛśyatanurvīrastathā candrāyate'mbare || 57.9 ||

विविध घने मेघों में अपना मार्ग खोजते हुए, श्वेत वस्त्रधारी, कभी दिखता कभी अदृश्य होता वह वीर आकाश में चंद्रमा-सा शोभित हो रहा था।

श्लोक 10 (sundara.57.10)

तार्क्ष््यायमाणो गगने स बभौ वायुनन्दनः। दारयन् मेघवृन्दानि निष्पतंश्च पुनः पुनः ॥ 57.10 ॥

tārkṣyāyamāṇo gagane sa babhau vāyunandanaḥ| dārayan meghavṛndāni niṣpataṃśca punaḥ punaḥ || 57.10 ||

आकाश में गरुड़-सा प्रतीत होता हुआ वह पवनपुत्र मेघ-समूहों को चीरता और बार-बार झपटता हुआ शोभित हो रहा था।

श्लोक 11 (sundara.57.11)

नदन् नादेन महता मेघस्वनमहास्वनः। प्रवरान् राक्षसान् हत्वा नाम विश्राव्य चात्मनः ॥ 57.11 ॥

nadan nādena mahatā meghasvanamahāsvanaḥ| pravarān rākṣasān hatvā nāma viśrāvya cātmanaḥ || 57.11 ||

बड़े मेघ-गर्जन-सी ऊँची ध्वनि से गरजते हुए — उस [हनुमान] ने श्रेष्ठ राक्षसों का वध कर, अपना नाम प्रकट कर,

श्लोक 12 (sundara.57.12)

आकुलां नगरीं कृत्वा व्यथयित्वा च रावणम्। अर्दयित्वा महावीरान् वैदेहीमभिवाद्य च ॥ 57.12 ॥

ākulāṃ nagarīṃ kṛtvā vyathayitvā ca rāvaṇam| ardayitvā mahāvīrān vaidehīmabhivādya ca || 57.12 ||

— नगरी को व्याकुल कर, रावण को व्यथित कर, महावीरों को पीड़ित कर और वैदेही को प्रणाम कर —

श्लोक 13 (sundara.57.13)

आजगाम महातेजाः पुनर्मध्येन सागरम्। पर्वतेन्द्रं सुनाभं च समुपस्पृश्य वीर्यवान् ॥ 57.13 ॥

ājagāma mahātejāḥ punarmadhyena sāgaram| parvatendraṃ sunābhaṃ ca samupaspṛśya vīryavān || 57.13 ||

— वह महातेजस्वी पुनः सागर के मध्य से लौट आया; और सुनाभ नामक पर्वतराज का स्पर्श कर वह पराक्रमी,

श्लोक 14 (sundara.57.14)

ज्यामुक्त इव नाराचो महावेगोऽभ्युपागमत्। स किंचिदारात् सम्प्राप्तः समालोक्य महागिरिम् ॥ 57.14 ॥

jyāmukta iva nārāco mahāvego'bhyupāgamat| sa kiṃcidārāt samprāptaḥ samālokya mahāgirim || 57.14 ||

— धनुष से छूटे बाण के समान महावेग से आगे बढ़ा। कुछ समीप पहुँचकर उस महापर्वत को देखकर —

श्लोक 15 (sundara.57.15)

महेन्द्रं मेघसंकाशं ननाद स महाकपिः। स पूरयामास कपिर्दिशो दश समन्ततः ॥ 57.15 ॥

mahendraṃ meghasaṃkāśaṃ nanāda sa mahākapiḥ| sa pūrayāmāsa kapirdiśo daśa samantataḥ || 57.15 ||

— मेघ के समान दिखने वाले महेंद्र पर्वत को देखकर, उस महाकपि ने गर्जना की। उस वानर ने अपनी गर्जना से चारों ओर दसों दिशाओं को भर दिया।

श्लोक 16 (sundara.57.16)

नदन् नादेन महता मेघस्वनमहास्वनः। स तं देशमनुप्राप्तः सुहृद्दर्शनलालसः ॥ 57.16 ॥

nadan nādena mahatā meghasvanamahāsvanaḥ| sa taṃ deśamanuprāptaḥ suhṛddarśanalālasaḥ || 57.16 ||

बड़े मेघ-गर्जन-सी ऊँची ध्वनि से गरजते हुए, वह अपने मित्रों को देखने के लिए उत्सुक होकर उस प्रदेश में पहुँच गया,

श्लोक 17 (sundara.57.17)

ननाद सुमहानादं लाङ्गूलं चाप्यकम्पयत्। तस्य नानद्यमानस्य सुपर्णाचरिते पथि ॥ 57.17 ॥

nanāda sumahānādaṃ lāṅgūlaṃ cāpyakampayat| tasya nānadyamānasya suparṇācarite pathi || 57.17 ||

— उसने अत्यंत ऊँची गर्जना की और अपनी पूँछ को भी हिलाया। गरुड़ द्वारा विचरे गए उस आकाश-मार्ग में बार-बार गरजते हुए उसके,

श्लोक 18 (sundara.57.18)

फलतीवास्य घोषेण गगनं सार्कमण्डलम्। ये तु तत्रोत्तरे कूले समुद्रस्य महाबलाः ॥ 57.18 ॥

phalatīvāsya ghoṣeṇa gaganaṃ sārkamaṇḍalam| ye tu tatrottare kūle samudrasya mahābalāḥ || 57.18 ||

— उस गर्जन से सूर्यमंडल सहित आकाश मानो फटा जा रहा था। और वहाँ समुद्र के उत्तरी तट पर जो महाबली वानर —

श्लोक 19 (sundara.57.19)

पूर्वं संविष्ठिताः शूरा वायुपुत्रदिदृक्षवः। महतो वायुनुन्नस्य तोयदस्येव निःस्वनम्। शुश्रुवुस्ते तदा घोषमूरुवेगं हनूमतः ॥ 57.19 ॥

pūrvaṃ saṃviṣṭhitāḥ śūrā vāyuputradidṛkṣavaḥ| mahato vāyununnasya toyadasyeva niḥsvanam| śuśruvuste tadā ghoṣamūruvegaṃ hanūmataḥ || 57.19 ||

— पहले से ही पवनपुत्र को देखने के लिए उत्सुक होकर वहाँ स्थित थे, उन्होंने उस समय वायु से प्रेरित विशाल मेघ की गर्जना-सी हनुमान की जाँघों के प्रचंड वेग की ध्वनि सुनी।

श्लोक 20 (sundara.57.20)

ते दीनमनसः सर्वे शुश्रुवुः काननौकसः। वानरेन्द्रस्य निर्घोषं पर्जन्यनिनदोपमम् ॥ 57.20 ॥

te dīnamanasaḥ sarve śuśruvuḥ kānanaukasaḥ| vānarendrasya nirghoṣaṃ parjanyaninadopamam || 57.20 ||

वे सभी वन में रहने वाले उदास-मन वानर, उस वानरेन्द्र की मेघगर्जन-सी ध्वनि को सुनते रहे।

श्लोक 21 (sundara.57.21)

निशम्य नदतो नादं वानरास्ते समन्ततः। बभूवुरुत्सुकाः सर्वे सुहृद्दर्शनकाङ्क्षिणः ॥ 57.21 ॥

niśamya nadato nādaṃ vānarāste samantataḥ| babhūvurutsukāḥ sarve suhṛddarśanakāṅkṣiṇaḥ || 57.21 ||

उस गरजते हुए [हनुमान] की गर्जना सुनकर, चारों ओर के वे सभी वानर अपने मित्र को देखने की उत्कंठा से उत्सुक हो गए।

श्लोक 22 (sundara.57.22)

जाम्बवान् स हरिश्रेष्ठः प्रीतिसंहृष्टमानसः। उपामन्त्र्य हरीन् सर्वानिदं वचनमब्रवीत् ॥ 57.22 ॥

jāmbavān sa hariśreṣṭhaḥ prītisaṃhṛṣṭamānasaḥ| upāmantrya harīn sarvānidaṃ vacanamabravīt || 57.22 ||

वानरश्रेष्ठ जाम्बवान ने प्रसन्नता से पुलकित मन होकर, सभी वानरों को बुलाकर यह वचन कहा।

श्लोक 23 (sundara.57.23)

सर्वथा कृतकार्योऽसौ हनूमान् नात्र संशयः। न ह्यस्याकृतकार्यस्य नाद एवंविधो भवेत् ॥ 57.23 ॥

sarvathā kṛtakāryo'sau hanūmān nātra saṃśayaḥ| na hyasyākṛtakāryasya nāda evaṃvidho bhavet || 57.23 ||

"इसमें कोई संदेह नहीं कि हनुमान ने हर प्रकार से अपना कार्य पूर्ण कर लिया है; क्योंकि यदि इसका कार्य अपूर्ण होता तो इस प्रकार की गर्जना न होती।"

श्लोक 24 (sundara.57.24)

तस्य बाहूरुवेगं च निनादं च महात्मनः। निशम्य हरयो हृष्टाः समुत्पेतुर्यतस्ततः ॥ 57.24 ॥

tasya bāhūruvegaṃ ca ninādaṃ ca mahātmanaḥ| niśamya harayo hṛṣṭāḥ samutpeturyatastataḥ || 57.24 ||

उस महात्मा की भुजाओं और जाँघों के वेग तथा उसकी गर्जना को सुनकर, हर्षित वानर इधर-उधर से उछल पड़े।

श्लोक 25 (sundara.57.25)

ते नगाग्रान्नगाग्राणि शिखराच्छिखराणि च। प्रहृष्टाः समपद्यन्त हनूमन्तं दिदृक्षवः ॥ 57.25 ॥

te nagāgrānnagāgrāṇi śikharācchikharāṇi ca| prahṛṣṭāḥ samapadyanta hanūmantaṃ didṛkṣavaḥ || 57.25 ||

हनुमान को देखने के लिए उत्सुक और अत्यंत हर्षित वे वानर एक वृक्षशिखर से दूसरे वृक्षशिखर पर, एक पर्वतशिखर से दूसरे पर्वतशिखर पर कूदने लगे।

श्लोक 26 (sundara.57.26)

ते प्रीताः पादपाग्रेषु गृह्य शाखामवस्थिताः। वासांसि च प्रकाशानि समाविध्यन्त वानराः ॥ 57.26 ॥

te prītāḥ pādapāgreṣu gṛhya śākhāmavasthitāḥ| vāsāṃsi ca prakāśāni samāvidhyanta vānarāḥ || 57.26 ||

वे प्रसन्न वानर वृक्षों की चोटियों पर शाखा पकड़े खड़े होकर अपने चमकीले वस्त्रों को हिलाने लगे।

श्लोक 27 (sundara.57.27)

गिरिगह्वरसंलीनो यथा गर्जति मारुतः। एवं जगर्ज बलवान् हनूमान् मारुतात्मजः ॥ 57.27 ॥

girigahvarasaṃlīno yathā garjati mārutaḥ| evaṃ jagarja balavān hanūmān mārutātmajaḥ || 57.27 ||

जैसे पर्वत की गुफा में समाया हुआ पवन गरजता है, वैसे ही बलवान पवनपुत्र हनुमान गरज उठे।

श्लोक 28 (sundara.57.28)

तमभ्रघनसंकाशमापतन्तं महाकपिम्। दृष्ट्वा ते वानराः सर्वे तस्थुः प्राञ्जलयस्तदा ॥ 57.28 ॥

tamabhraghanasaṃkāśamāpatantaṃ mahākapim| dṛṣṭvā te vānarāḥ sarve tasthuḥ prāñjalayastadā || 57.28 ||

घने मेघ के समान उतरते हुए उस महाकपि को देखकर, वे सभी वानर तब हाथ जोड़कर खड़े हो गए।

श्लोक 29 (sundara.57.29)

ततस्तु वेगवान् वीरो गिरेर्गिरिनिभः कपिः। निपपात गिरेस्तस्य शिखरे पादपाकुले ॥ 57.29 ॥

tatastu vegavān vīro girergirinibhaḥ kapiḥ| nipapāta girestasya śikhare pādapākule || 57.29 ||

तब वह वेगवान वीर, पर्वत के समान विशालकाय वानर, वृक्षों से भरे उस पर्वत के शिखर पर उतर आया।

श्लोक 30 (sundara.57.30)

हर्षेणापूर्यमाणोऽसौ रम्ये पर्वतनिर्झरे। छिन्नपक्ष इवाकाशात् पपात धरणीधरः ॥ 57.30 ॥

harṣeṇāpūryamāṇo'sau ramye parvatanirjhare| chinnapakṣa ivākāśāt papāta dharaṇīdharaḥ || 57.30 ||

हर्ष से भरा हुआ वह, मानो कटे पंखों वाला कोई पर्वत हो, आकाश से उस रमणीय पर्वत-निर्झर में जा गिरा।

श्लोक 31 (sundara.57.31)

ततस्ते प्रीतमनसः सर्वे वानरपुङ्गवाः। हनूमन्तं महात्मानं परिवार्योपतस्थिरे ॥ 57.31 ॥

tataste prītamanasaḥ sarve vānarapuṅgavāḥ| hanūmantaṃ mahātmānaṃ parivāryopatasthire || 57.31 ||

तब वे सभी प्रसन्नचित्त श्रेष्ठ वानर, महात्मा हनुमान को घेरकर उनके समीप जा खड़े हुए।

श्लोक 32 (sundara.57.32)

परिवार्य च ते सर्वे परां प्रीतिमुपागताः। प्रहृष्टवदनाः सर्वे तमागतमुपागमन् ॥ 57.32 ॥

parivārya ca te sarve parāṃ prītimupāgatāḥ| prahṛṣṭavadanāḥ sarve tamāgatamupāgaman || 57.32 ||

उन्हें घेरकर, वे सभी अत्यंत प्रसन्नता से भर गए; प्रसन्न मुख वाले वे सब लौटे हुए हनुमान के पास आए।

श्लोक 33 (sundara.57.33)

उपायनानि चादाय मूलानि च फलानि च। प्रत्यर्चयन् हरिश्रेष्ठं हरयो मारुतात्मजम् ॥ 57.33 ॥

upāyanāni cādāya mūlāni ca phalāni ca| pratyarcayan hariśreṣṭhaṃ harayo mārutātmajam || 57.33 ||

भेंट-स्वरूप मूल और फल लेकर, वानरों ने वानरश्रेष्ठ पवनपुत्र का पूजन किया।

श्लोक 34 (sundara.57.34)

विनेदुर्मुदिताः केचित् केचित् किलकिलां तथा। हृष्टाः पादपशाखाश्च आनिन्युर्वानरर्षभाः ॥ 57.34 ॥

vinedurmuditāḥ kecit kecit kilakilāṃ tathā| hṛṣṭāḥ pādapaśākhāśca āninyurvānararṣabhāḥ || 57.34 ||

कुछ हर्षित होकर चिल्लाए, कुछ ने किलकिलाहट की; वे प्रसन्न वानरश्रेष्ठ वृक्षों की डालियाँ भी ले आए।

श्लोक 35 (sundara.57.35)

हनूमांस्तु गुरून् वृद्धाञ्जाम्बवत्प्रमुखांस्तदा। कुमारमङ्गदं चैव सोऽवन्दत महाकपिः ॥ 57.35 ॥

hanūmāṃstu gurūn vṛddhāñjāmbavatpramukhāṃstadā| kumāramaṅgadaṃ caiva so'vandata mahākapiḥ || 57.35 ||

तब उस महाकपि हनुमान ने जाम्बवान आदि गुरुजनों और वृद्धों को, तथा राजकुमार अंगद को भी प्रणाम किया।

श्लोक 36 (sundara.57.36)

स ताभ्यां पूजितः पूज्यः कपिभिश्च प्रसादितः। दृष्टा देवीति विक्रान्तः संक्षेपेण न्यवेदयत् ॥ 57.36 ॥

sa tābhyāṃ pūjitaḥ pūjyaḥ kapibhiśca prasāditaḥ| dṛṣṭā devīti vikrāntaḥ saṃkṣepeṇa nyavedayat || 57.36 ||

उन दोनों द्वारा सम्मानित और अन्य वानरों द्वारा प्रसन्नतापूर्वक सत्कृत, आदरणीय हनुमान ने संक्षेप में सूचित किया — "देवी सीता दिखाई दे गईं।"

श्लोक 37 (sundara.57.37)

निषसाद च हस्तेन गृहीत्वा वालिनः सुतम्। रमणीये वनोद्देशे महेन्द्रस्य गिरेस्तदा ॥ 57.37 ॥

niṣasāda ca hastena gṛhītvā vālinaḥ sutam| ramaṇīye vanoddeśe mahendrasya girestadā || 57.37 ||

तब उन्होंने वालि-पुत्र अंगद का हाथ पकड़कर, महेंद्र पर्वत के रमणीय वनप्रदेश में जा बैठे।

श्लोक 38 (sundara.57.38)

हनूमानब्रवीत् पृष्टस्तदा तान् वानरर्षभान्। अशोकवनिकासंस्था दृष्टा सा जनकात्मजा ॥ 57.38 ॥

hanūmānabravīt pṛṣṭastadā tān vānararṣabhān| aśokavanikāsaṃsthā dṛṣṭā sā janakātmajā || 57.38 ||

पूछे जाने पर हनुमान ने उन श्रेष्ठ वानरों से कहा — "अशोकवाटिका में स्थित वह जानकी मुझे दिखाई दी,"

श्लोक 39 (sundara.57.39)

रक्ष्यमाणा सुघोराभी राक्षसीभिरनिन्दिता। एकवेणीधरा बाला रामदर्शनलालसा ॥ 57.39 ॥

rakṣyamāṇā sughorābhī rākṣasībhiraninditā| ekaveṇīdharā bālā rāmadarśanalālasā || 57.39 ||

"— अत्यंत भयंकर राक्षसियों द्वारा रक्षित, निष्कलंक, एक वेणी धारण किए हुए वह बाला, राम-दर्शन की लालसा से युक्त,"

श्लोक 40 (sundara.57.40)

उपवासपरिश्रान्ता मलिना जटिला कृशा। ततो दृष्टेति वचनं महार्थममृतोपमम् ॥ 57.40 ॥

upavāsapariśrāntā malinā jaṭilā kṛśā| tato dṛṣṭeti vacanaṃ mahārthamamṛtopamam || 57.40 ||

"— उपवास से थकी हुई, मलिन, जटाधारी और कृश।" फिर 'देखी गई' — यह महान अर्थ वाला, अमृत के समान वचन सुनकर,

श्लोक 41 (sundara.57.41)

निशम्य मारुतेः सर्वे मुदिता वानराभवन्। क्ष्वेडन्त्यन्ये नदन्त्यन्ये गर्जन्त्यन्ये महाबलाः ॥ 57.41 ॥

niśamya māruteḥ sarve muditā vānarābhavan| kṣveḍantyanye nadantyanye garjantyanye mahābalāḥ || 57.41 ||

— पवनपुत्र से यह सुनकर सभी वानर हर्षित हो उठे। कुछ महाबली सीटी बजाने लगे, कुछ चिल्लाने लगे, कुछ गरजने लगे,

श्लोक 42 (sundara.57.42)

चक्रुः किलकिलामन्ये प्रतिगर्जन्ति चापरे। केचिदुच्छ्रितलाङ्गूलाः प्रहृष्टाः कपिकुञ्जराः ॥ 57.42 ॥

cakruḥ kilakilāmanye pratigarjanti cāpare| keciducchritalāṅgūlāḥ prahṛṣṭāḥ kapikuñjarāḥ || 57.42 ||

कुछ ने किलकिलाहट की, कुछ ने प्रत्युत्तर में गर्जना की; कुछ गजराज-सम वानर हर्षित होकर पूँछ ऊँची उठाए,

श्लोक 43 (sundara.57.43)

आयताञ्चितदीर्घाणि लाङ्गूलानि प्रविव्यधुः। अपरे तु हनूमन्तं श्रीमन्तं वानरोत्तमम् ॥ 57.43 ॥

āyatāñcitadīrghāṇi lāṅgūlāni pravivyadhuḥ| apare tu hanūmantaṃ śrīmantaṃ vānarottamam || 57.43 ||

अपनी लंबी, फैली हुई और मुड़ी हुई पूँछों को पटकने लगे; और अन्य वानर श्रीमान वानरश्रेष्ठ हनुमान को,

श्लोक 44 (sundara.57.44)

आप्लुत्य गिरिशृङ्गेषु संस्पृशन्ति स्म हर्षिताः। उक्तवाक्यं हनूमन्तमङ्गदस्तु तदाब्रवीत् ॥ 57.44 ॥

āplutya giriśṛṅgeṣu saṃspṛśanti sma harṣitāḥ| uktavākyaṃ hanūmantamaṅgadastu tadābravīt || 57.44 ||

पर्वत-शिखरों पर उछलकर हर्षपूर्वक स्पर्श करने लगे। तब अंगद ने अपनी बात कह चुके हनुमान से यह कहा,

श्लोक 45 (sundara.57.45)

सर्वेषां हरिवीराणां मध्ये वाचमनुत्तमाम्। सत्त्वे वीर्ये न ते कश्चित् समो वानर विद्यते ॥ 57.45 ॥

sarveṣāṃ harivīrāṇāṃ madhye vācamanuttamām| sattve vīrye na te kaścit samo vānara vidyate || 57.45 ||

— सभी वानरवीरों के बीच यह अत्यंत उत्तम वाणी — "हे वानर! बल और पराक्रम में तुम्हारे समान कोई नहीं है,"

श्लोक 46 (sundara.57.46)

यदवप्लुत्य विस्तीर्णं सागरं पुनरागतः। जीवितस्य प्रदाता नस्त्वमेको वानरोत्तम ॥ 57.46 ॥

yadavaplutya vistīrṇaṃ sāgaraṃ punarāgataḥ| jīvitasya pradātā nastvameko vānarottama || 57.46 ||

"क्योंकि विस्तीर्ण सागर को लाँघकर पुनः लौटे हुए तुम ही, हे वानरश्रेष्ठ, हम सबके लिए मानो जीवनदाता हो।"

श्लोक 47 (sundara.57.47)

त्वत्प्रसादात् समेष्यामः सिद्धार्था राघवेण ह। अहो स्वामिनि ते भक्तिरहो वीर्यमहो धृतिः ॥ 57.47 ॥

tvatprasādāt sameṣyāmaḥ siddhārthā rāghaveṇa ha| aho svāmini te bhaktiraho vīryamaho dhṛtiḥ || 57.47 ||

"तुम्हारी कृपा से हम सिद्धार्थ होकर राघव से मिलेंगे। अहा, हे स्वामिभक्त! तुम्हारी यह भक्ति! अहा, यह पराक्रम! अहा, यह धैर्य!"

श्लोक 48 (sundara.57.48)

दिष्ट्या दृष्टा त्वया देवी रामपत्नी यशस्विनी। दिष्ट्या त्यक्ष्यति काकुत्स्थः शोकं सीतावियोगजम् ॥ 57.48 ॥

diṣṭyā dṛṣṭā tvayā devī rāmapatnī yaśasvinī| diṣṭyā tyakṣyati kākutsthaḥ śokaṃ sītāviyogajam || 57.48 ||

"सौभाग्य से तुमने राम की यशस्विनी पत्नी देवी सीता को देख लिया; सौभाग्य से अब काकुत्स्थ सीता-वियोग से उत्पन्न शोक को त्याग सकेंगे।"

श्लोक 49 (sundara.57.49)

ततोऽङ्गदं हनूमन्तं जाम्बवन्तं च वानराः। परिवार्य प्रमुदिता भेजिरे विपुलाः शिलाः ॥ 57.49 ॥

tato'ṅgadaṃ hanūmantaṃ jāmbavantaṃ ca vānarāḥ| parivārya pramuditā bhejire vipulāḥ śilāḥ || 57.49 ||

तब वानरों ने अंगद, हनुमान और जाम्बवान को घेरकर, अत्यंत प्रसन्न होकर विशाल शिलाओं का आश्रय लिया।

श्लोक 50 (sundara.57.50)

उपविष्टा गिरेस्तस्य शिलासु विपुलासु ते। श्रोतुकामाः समुद्रस्य लङ्घनं वानरोत्तमाः ॥ 57.50 ॥

upaviṣṭā girestasya śilāsu vipulāsu te| śrotukāmāḥ samudrasya laṅghanaṃ vānarottamāḥ || 57.50 ||

उस पर्वत की उन विशाल शिलाओं पर बैठे हुए वे वानरश्रेष्ठ, समुद्र-लंघन का वृत्तांत सुनने की इच्छा रखते थे,

श्लोक 51 (sundara.57.51)

दर्शनं चापि लङ्कायाः सीताया रावणस्य च। तस्थुः प्राञ्जलयः सर्वे हनूमद्वदनोन्मुखाः ॥ 57.51 ॥

darśanaṃ cāpi laṅkāyāḥ sītāyā rāvaṇasya ca| tasthuḥ prāñjalayaḥ sarve hanūmadvadanonmukhāḥ || 57.51 ||

और लंका, सीता तथा रावण के दर्शन का वृत्तांत भी। वे सब हाथ जोड़े हुए, हनुमान के मुख की ओर उन्मुख होकर बैठे रहे।

श्लोक 52 (sundara.57.52)

तस्थौ तत्राङ्गदः श्रीमान् वानरैर्बहुभिर्वृतः। उपास्यमानो विबुधैर्दिवि देवपतिर्यथा ॥ 57.52 ॥

tasthau tatrāṅgadaḥ śrīmān vānarairbahubhirvṛtaḥ| upāsyamāno vibudhairdivi devapatiryathā || 57.52 ||

वहाँ श्रीमान अंगद अनेक वानरों से घिरे हुए विराजमान थे, जैसे स्वर्ग में विद्वानों द्वारा सेवित देवराज इंद्र शोभा पाते हैं।

श्लोक 53 (sundara.57.53)

हनूमता कीर्तिमता यशस्विना तथाङ्गदेनाङ्गदनद्धबाहुना। मुदा तदाध्यासितमुन्नतं मह- न्महीधराग्रं ज्वलितं श्रियाभवत् ॥ 57.53 ॥

hanūmatā kīrtimatā yaśasvinā tathāṅgadenāṅgadanaddhabāhunā| mudā tadādhyāsitamunnataṃ maha- nmahīdharāgraṃ jvalitaṃ śriyābhavat || 57.53 ||

कीर्तिमान और यशस्वी हनुमान के, तथा भुजाओं पर अंगद धारण किए हुए राजकुमार अंगद के हर्षपूर्वक विराजने से, वह ऊँचा और विशाल पर्वतशिखर मानो शोभा से जगमगा उठा।