हनुमान का समग्र वृत्तांत

श्लोक 1 (sundara.58.1)

ततस्तस्य गिरेः शृङ्गे महेन्द्रस्य महाबलाः। हनुमत्प्रमुखाः प्रीतिं हरयो जग्मुरुत्तमाम् ॥ 58.1 ॥

tatastasya gireḥ śṛṅge mahendrasya mahābalāḥ| hanumatpramukhāḥ prītiṃ harayo jagmuruttamām || 58.1 ||

तब उस महेन्द्र पर्वत के शिखर पर, हनुमान के नेतृत्व में वे महाबली वानर परम प्रसन्नता को प्राप्त हुए।

श्लोक 2 (sundara.58.2)

प्रीतिमत्सूपविष्टेषु वानरेषु महात्मसु। तं ततः प्रतिसंहृष्टः प्रीतियुक्तं महाकपिम् ॥ 58.2 ॥

prītimatsūpaviṣṭeṣu vānareṣu mahātmasu| taṃ tataḥ pratisaṃhṛṣṭaḥ prītiyuktaṃ mahākapim || 58.2 ||

जब वे महान् वानर प्रसन्नतापूर्वक बैठ गए, तब उस समय हर्ष से पुलकित जाम्बवान ने उस प्रसन्नचित्त महाकपि से —

श्लोक 3 (sundara.58.3)

जाम्बवान् कार्यवृत्तान्तमपृच्छदनिलात्मजम्। कथं दृष्टा त्वया देवी कथं वा तत्र वर्तते ॥ 58.3 ॥

jāmbavān kāryavṛttāntamapṛcchadanilātmajam| kathaṃ dṛṣṭā tvayā devī kathaṃ vā tatra vartate || 58.3 ||

— पवनपुत्र से समूचे कार्य का वृत्तांत पूछा — "तुमने देवी को कैसे देखा? और वहाँ वे कैसी हैं?

श्लोक 4 (sundara.58.4)

तस्यां चापि कथं वृत्तः क्रूरकर्मा दशाननः। तत्त्वतः सर्वमेतन्नः प्रब्रूहि त्वं महाकपे ॥ 58.4 ॥

tasyāṃ cāpi kathaṃ vṛttaḥ krūrakarmā daśānanaḥ| tattvataḥ sarvametannaḥ prabrūhi tvaṃ mahākape || 58.4 ||

"और उस क्रूरकर्मा दशानन ने उनके साथ कैसा व्यवहार किया है? हे महाकपि! यह सब हमें सत्यरूप में बताओ।"

श्लोक 5 (sundara.58.5)

सम्मार्गिता कथं देवी किं च सा प्रत्यभाषत। श्रुतार्थाश्चिन्तयिष्यामो भूयः कार्यविनिश्चयम् ॥ 58.5 ॥

sammārgitā kathaṃ devī kiṃ ca sā pratyabhāṣata| śrutārthāścintayiṣyāmo bhūyaḥ kāryaviniścayam || 58.5 ||

"देवी किस प्रकार खोजी गईं और उन्होंने क्या उत्तर दिया? यह सुनकर हम आगे के कार्य का निर्णय करेंगे।"

श्लोक 6 (sundara.58.6)

यश्चार्थस्तत्र वक्तव्यो गतैरस्माभिरात्मवान्। रक्षितव्यं च यत्तत्र तद् भवान् व्याकरोतु नः ॥ 58.6 ॥

yaścārthastatra vaktavyo gatairasmābhirātmavān| rakṣitavyaṃ ca yattatra tad bhavān vyākarotu naḥ || 58.6 ||

"और वहाँ जाकर हमें क्या कहना चाहिए, हे बुद्धिमान, तथा वहाँ क्या गोपनीय रखना चाहिए — यह सब तुम हमें स्पष्ट बताओ।"

श्लोक 7 (sundara.58.7)

स नियुक्तस्ततस्तेन सम्प्रहृष्टतनूरुहः। नमस्यन् शिरसा देव्यै सीतायै प्रत्यभाषत ॥ 58.7 ॥

sa niyuktastatastena samprahṛṣṭatanūruhaḥ| namasyan śirasā devyai sītāyai pratyabhāṣata || 58.7 ||

इस प्रकार उनके द्वारा प्रेरित होकर, रोमांचित हनुमान ने देवी सीता को सिर झुकाकर प्रणाम करते हुए उत्तर दिया।

श्लोक 8 (sundara.58.8)

प्रत्यक्षमेव भवतां महेन्द्राग्रात् खमाप्लुतः। उदधेर्दक्षिणं पारं काङ्क्षमाणः समाहितः ॥ 58.8 ॥

pratyakṣameva bhavatāṃ mahendrāgrāt khamāplutaḥ| udadherdakṣiṇaṃ pāraṃ kāṅkṣamāṇaḥ samāhitaḥ || 58.8 ||

"तुम्हारे समक्ष ही मैं महेन्द्र पर्वत के शिखर से आकाश में कूद पड़ा, समुद्र के दक्षिणी तट की कामना करता हुआ, स्थिरचित्त होकर।

श्लोक 9 (sundara.58.9)

गच्छतश्च हि मे घोरं विघ्नरूपमिवाभवत्। काञ्चनं शिखरं दिव्यं पश्यामि सुमनोहरम् ॥ 58.9 ॥

gacchataśca hi me ghoraṃ vighnarūpamivābhavat| kāñcanaṃ śikharaṃ divyaṃ paśyāmi sumanoharam || 58.9 ||

"और जाते हुए मुझे एक भयंकर विघ्न-सा प्रतीत हुआ — मैंने एक दिव्य, अत्यंत मनोहर स्वर्णिम शिखर देखा।

श्लोक 10 (sundara.58.10)

स्थितं पन्थानमावृत्य मेने विघ्नं च तं नगम्। उपसंगम्य तं दिव्यं काञ्चनं नगमुत्तमम् ॥ 58.10 ॥

sthitaṃ panthānamāvṛtya mene vighnaṃ ca taṃ nagam| upasaṃgamya taṃ divyaṃ kāñcanaṃ nagamuttamam || 58.10 ||

"मार्ग को रोककर खड़े उस पर्वत को मैंने विघ्न समझा। उस दिव्य, उत्तम स्वर्णिम पर्वत के निकट पहुँचकर —

श्लोक 11 (sundara.58.11)

कृता मे मनसा बुद्धिर्भेत्तव्योऽयं मयेति च। प्रहतस्य मया तस्य लाङ्गूलेन महागिरेः ॥ 58.11 ॥

kṛtā me manasā buddhirbhettavyo'yaṃ mayeti ca| prahatasya mayā tasya lāṅgūlena mahāgireḥ || 58.11 ||

"— मैंने मन में निश्चय किया, 'यह मेरे द्वारा तोड़ा जाना चाहिए।' और जब मैंने उस महापर्वत को अपनी पूँछ से प्रहार किया —

श्लोक 12 (sundara.58.12)

शिखरं सूर्यसंकाशं व्यशीर्यत सहस्रधा। व्यवसायं च तं बुद्ध्वा स होवाच महागिरिः ॥ 58.12 ॥

śikharaṃ sūryasaṃkāśaṃ vyaśīryata sahasradhā| vyavasāyaṃ ca taṃ bud‍dhvā sa hovāca mahāgiriḥ || 58.12 ||

"— तो सूर्य के समान चमकता उसका शिखर सहस्र टुकड़ों में बिखर गया। और मेरे उस संकल्प को जानकर उस महापर्वत ने कहा —

श्लोक 13 (sundara.58.13)

पुत्रेति मधुरां वाणीं मनः प्रह्लादयन्निव। पितृव्यं चापि मां विद्धि सखायं मातरिश्वनः ॥ 58.13 ॥

putreti madhurāṃ vāṇīṃ manaḥ prahlādayanniva| pitṛvyaṃ cāpi māṃ viddhi sakhāyaṃ mātariśvanaḥ || 58.13 ||

"'हे पुत्र' — यह मधुर वचन कहकर मानो मेरे मन को शांत करते हुए — 'मुझे अपने पिता का भाई और वायुदेव का सखा जानो।

श्लोक 14 (sundara.58.14)

मैनाकमिति विख्यातं निवसन्तं महोदधौ। पक्षवन्तः पुरा पुत्र बभूवुः पर्वतोत्तमाः ॥ 58.14 ॥

mainākamiti vikhyātaṃ nivasantaṃ mahodadhau| pakṣavantaḥ purā putra babhūvuḥ parvatottamāḥ || 58.14 ||

"'मैं महासागर में निवास करने वाला मैनाक नाम से विख्यात हूँ। हे पुत्र, प्राचीनकाल में श्रेष्ठ पर्वतों के पंख हुआ करते थे —

श्लोक 15 (sundara.58.15)

छन्दतः पृथिवीं चेरुर्बाधमानाः समन्ततः। श्रुत्वा नगानां चरितं महेन्द्रः पाकशासनः ॥ 58.15 ॥

chandataḥ pṛthivīṃ cerurbādhamānāḥ samantataḥ| śrutvā nagānāṃ caritaṃ mahendraḥ pākaśāsanaḥ || 58.15 ||

"'— और वे इच्छानुसार पृथ्वी पर विचरण करते हुए सब ओर उपद्रव मचाते थे। पर्वतों के इस आचरण को सुनकर पाकशासन इंद्र ने —

श्लोक 16 (sundara.58.16)

वज्रेण भगवान् पक्षौ चिच्छेदैषां सहस्रशः। अहं तु मोचितस्तस्मात् तव पित्रा महात्मना ॥ 58.16 ॥

vajreṇa bhagavān pakṣau cicchedaiṣāṃ sahasraśaḥ| ahaṃ tu mocitastasmāt tava pitrā mahātmanā || 58.16 ||

"'— अपने वज्र से उनके सहस्रों पंख काट डाले। किंतु मैं उस विपत्ति से तुम्हारे महात्मा पिता द्वारा —

श्लोक 17 (sundara.58.17)

मारुतेन तदा वत्स प्रक्षिप्तो वरुणालये। राघवस्य मया साह्ये वर्तितव्यमरिंदम ॥ 58.17 ॥

mārutena tadā vatsa prakṣipto varuṇālaye| rāghavasya mayā sāhye vartitavyamariṃdama || 58.17 ||

"'— उस समय पवनदेव के द्वारा वरुण के आवास [समुद्र] में डाल दिया गया था। हे शत्रुदमन! मुझे राघव की सहायता में तत्पर रहना चाहिए,

श्लोक 18 (sundara.58.18)

रामो धर्मभृतां श्रेष्ठो महेन्द्रसमविक्रमः। एतच्छ्रुत्वा मया तस्य मैनाकस्य महात्मनः ॥ 58.18 ॥

rāmo dharmabhṛtāṃ śreṣṭho mahendrasamavikramaḥ| etacchrutvā mayā tasya mainākasya mahātmanaḥ || 58.18 ||

"'क्योंकि धर्म धारण करने वालों में श्रेष्ठ राम इंद्र के समान पराक्रमी हैं।' उस महात्मा मैनाक की यह बात सुनकर,

श्लोक 19 (sundara.58.19)

कार्यमावेद्य च गिरेरुद्धतं वै मनो मम। तेन चाहमनुज्ञातो मैनाकेन महात्मना ॥ 58.19 ॥

kāryamāvedya ca gireruddhataṃ vai mano mama| tena cāhamanujñāto mainākena mahātmanā || 58.19 ||

— और उस पर्वत को अपने कार्य की सूचना देकर, मेरा मन पुनः उत्साहित हो उठा; और उस महात्मा मैनाक ने मुझे [जाने की] अनुमति दे दी।

श्लोक 20 (sundara.58.20)

स चाप्यन्तर्हितः शैलो मानुषेण वपुष्मता। शरीरेण महाशैलः शैलेन च महोदधौ ॥ 58.20 ॥

sa cāpyantarhitaḥ śailo mānuṣeṇa vapuṣmatā| śarīreṇa mahāśailaḥ śailena ca mahodadhau || 58.20 ||

वह महापर्वत भी मनुष्य के शरीर में प्रकट होकर पुनः अंतर्धान हो गया — वह महाशैल अपने पर्वत-रूप सहित महासागर में समा गया।

श्लोक 21 (sundara.58.21)

उत्तमं जवमास्थाय शेषमध्वानमास्थितः। ततोऽहं सुचिरं कालं जवेनाभ्यगमं पथि ॥ 58.21 ॥

uttamaṃ javamāsthāya śeṣamadhvānamāsthitaḥ| tato'haṃ suciraṃ kālaṃ javenābhyagamaṃ pathi || 58.21 ||

अत्यंत वेग धारण कर मैं शेष मार्ग पर आगे बढ़ा। फिर मैं बहुत देर तक उसी वेग से मार्ग में आगे बढ़ता रहा।

श्लोक 22 (sundara.58.22)

ततः पश्याम्यहं देवीं सुरसां नागमातरम्। समुद्रमध्ये सा देवी वचनं चेदमब्रवीत् ॥ 58.22 ॥

tataḥ paśyāmyahaṃ devīṃ surasāṃ nāgamātaram| samudramadhye sā devī vacanaṃ cedamabravīt || 58.22 ||

तब मैंने नागमाता देवी सुरसा को देखा। समुद्र के मध्य उस देवी ने मुझसे यह वचन कहा —

श्लोक 23 (sundara.58.23)

मम भक्ष्यः प्रदिष्टस्त्वममरैर्हरिसत्तम। ततस्त्वां भक्षयिष्यामि विहितस्त्वं हि मे सुरैः ॥ 58.23 ॥

mama bhakṣyaḥ pradiṣṭastvamamarairharisattama| tatastvāṃ bhakṣayiṣyāmi vihitastvaṃ hi me suraiḥ || 58.23 ||

"हे वानरश्रेष्ठ! देवताओं ने तुम्हें मेरे भक्ष्य के रूप में नियुक्त किया है। अतः मैं तुम्हें खाऊँगी, क्योंकि देवताओं ने तुम्हें मेरे लिए विहित किया है।"

श्लोक 24 (sundara.58.24)

एवमुक्तः सुरसया प्राञ्जलिः प्रणतः स्थितः। विवर्णवदनो भूत्वा वाक्यं चेदमुदीरयम् ॥ 58.24 ॥

evamuktaḥ surasayā prāñjaliḥ praṇataḥ sthitaḥ| vivarṇavadano bhūtvā vākyaṃ cedamudīrayam || 58.24 ||

सुरसा द्वारा ऐसा कहे जाने पर मैं हाथ जोड़कर, झुककर खड़ा हो गया, और मुख फीका पड़ जाने पर यह वचन कहा —

श्लोक 25 (sundara.58.25)

रामो दाशरथिः श्रीमान् प्रविष्टो दण्डकावनम्। लक्ष्मणेन सह भ्रात्रा सीतया च परंतपः ॥ 58.25 ॥

rāmo dāśarathiḥ śrīmān praviṣṭo daṇḍakāvanam| lakṣmaṇena saha bhrātrā sītayā ca paraṃtapaḥ || 58.25 ||

"दशरथ-पुत्र श्रीमान् और शत्रुतापन राम अपने भाई लक्ष्मण तथा सीता सहित दण्डक वन में प्रविष्ट हुए।

श्लोक 26 (sundara.58.26)

तस्य सीता हृता भार्या रावणेन दुरात्मना। तस्याः सकाशं दूतोऽहं गमिष्ये रामशासनात् ॥ 58.26 ॥

tasya sītā hṛtā bhāryā rāvaṇena durātmanā| tasyāḥ sakāśaṃ dūto'haṃ gamiṣye rāmaśāsanāt || 58.26 ||

"दुरात्मा रावण ने उनकी पत्नी सीता का हरण कर लिया। मैं राम की आज्ञा से दूत बनकर उन्हीं के पास जा रहा हूँ।

श्लोक 27 (sundara.58.27)

कर्तुमर्हसि रामस्य साहाय्यं विषये सती। अथवा मैथिलीं दृष्ट्वा रामं चाक्लिष्टकारिणम् ॥ 58.27 ॥

kartumarhasi rāmasya sāhāyyaṃ viṣaye satī| athavā maithilīṃ dṛṣṭvā rāmaṃ cākliṣṭakāriṇam || 58.27 ||

"तुम्हें राम के इस क्षेत्र में रहते हुए उनकी सहायता करनी चाहिए। अथवा, मैथिली और अथक कर्म करने वाले राम के दर्शन के पश्चात् —

श्लोक 28 (sundara.58.28)

आगमिष्यामि ते वक्त्रं सत्यं प्रतिशृणोमि ते। एवमुक्ता मया सा तु सुरसा कामरूपिणी ॥ 58.28 ॥

āgamiṣyāmi te vaktraṃ satyaṃ pratiśṛṇomi te| evamuktā mayā sā tu surasā kāmarūpiṇī || 58.28 ||

"— मैं तुम्हारे मुख में लौट आऊँगा; यह मैं तुमसे सत्य प्रतिज्ञा करता हूँ।" मेरे इस प्रकार कहने पर, इच्छानुसार रूप धारण करने वाली उस सुरसा ने —

श्लोक 29 (sundara.58.29)

अब्रवीन्नातिवर्तेत कश्चिदेष वरो मम। एवमुक्तः सुरसया दशयोजनमायतः ॥ 58.29 ॥

abravīnnātivarteta kaścideṣa varo mama| evamuktaḥ surasayā daśayojanamāyataḥ || 58.29 ||

— कहा: "कोई भी मुझसे आगे नहीं जा सकता — यह मेरा वरदान है।" सुरसा के ऐसा कहने पर, मैंने अपने को दस योजन विस्तृत कर लिया,

श्लोक 30 (sundara.58.30)

ततोऽर्धगुणविस्तारो बभूवाहं क्षणेन तु। मत्प्रमाणाधिकं चैव व्यादितं तु मुखं तया ॥ 58.30 ॥

tato'rdhaguṇavistāro babhūvāhaṃ kṣaṇena tu| matpramāṇādhikaṃ caiva vyāditaṃ tu mukhaṃ tayā || 58.30 ||

और फिर एक क्षण में उससे डेढ़ गुना बड़ा हो गया। किंतु उसने अपना मुख मेरे आकार से भी अधिक विस्तृत खोल दिया।

श्लोक 31 (sundara.58.31)

तद् दृष्ट्वा व्यादितं त्वास्यं ह्रस्वं ह्यकरवं पुनः। तस्मिन् मुहूर्ते च पुनर्बभूवाङ्गुष्ठसम्मितः ॥ 58.31 ॥

tad dṛṣṭvā vyāditaṃ tvāsyaṃ hrasvaṃ hyakaravaṃ punaḥ| tasmin muhūrte ca punarbabhūvāṅguṣṭhasammitaḥ || 58.31 ||

उसका मुख इस प्रकार खुला देखकर मैंने तुरंत अपने को छोटा कर लिया; और उसी क्षण मैं अंगूठे के बराबर हो गया।

श्लोक 32 (sundara.58.32)

अभिपत्याशु तद्वक्त्रं निर्गतोऽहं ततः क्षणात् । अब्रवीत् सुरसा देवी स्वेन रूपेण मां पुनः ॥ 58.32 ॥

abhipatyāśu tadvaktraṃ nirgato'haṃ tataḥ kṣaṇāt | abravīt surasā devī svena rūpeṇa māṃ punaḥ || 58.32 ||

उसके मुख में शीघ्रता से घुसकर मैं उसी क्षण बाहर निकल आया। तब देवी सुरसा ने अपने वास्तविक रूप में लौटकर मुझसे कहा —

श्लोक 33 (sundara.58.33)

अर्थसिद्धौ हरिश्रेष्ठ गच्छ सौम्य यथासुखम्। समानय च वैदेहीं राघवेण महात्मना ॥ 58.33 ॥

arthasiddhau hariśreṣṭha gaccha saumya yathāsukham| samānaya ca vaidehīṃ rāghaveṇa mahātmanā || 58.33 ||

"हे सौम्य वानरश्रेष्ठ! अपने कार्य की सिद्धि के लिए सुखपूर्वक जाओ। महात्मा राघव से वैदेही का पुनर्मिलन कराओ।"

श्लोक 34 (sundara.58.34)

सुखी भव महाबाहो प्रीतास्मि तव वानर। ततोऽहं साधुसाध्वीति सर्वभूतैः प्रशंसितः ॥ 58.34 ॥

sukhī bhava mahābāho prītāsmi tava vānara| tato'haṃ sādhusādhvīti sarvabhūtaiḥ praśaṃsitaḥ || 58.34 ||

"'हे महाबाहु! सुखी रहो, हे वानर! मैं तुमसे प्रसन्न हूँ।'" तत्पश्चात् "साधु-साधु" कहकर सभी प्राणियों द्वारा प्रशंसित होकर —

श्लोक 35 (sundara.58.35)

ततोऽन्तरिक्षं विपुलं प्लुतोऽहं गरुडो यथा। छाया मे निगृहीता च न च पश्यामि किंचन ॥ 58.35 ॥

tato'ntarikṣaṃ vipulaṃ pluto'haṃ garuḍo yathā| chāyā me nigṛhītā ca na ca paśyāmi kiṃcana || 58.35 ||

— मैं गरुड़ की भाँति विशाल आकाश में उड़ चला। [किंतु अचानक] मेरी छाया पकड़ ली गई, और मुझे कुछ भी दिखाई नहीं दिया।

श्लोक 36 (sundara.58.36)

सोऽहं विगतवेगस्तु दिशो दश विलोकयन्। न किंचित् तत्र पश्यामि येन मे विहता गतिः ॥ 58.36 ॥

so'haṃ vigatavegastu diśo daśa vilokayan| na kiṃcit tatra paśyāmi yena me vihatā gatiḥ || 58.36 ||

मेरा वेग रुक जाने पर मैंने दसों दिशाओं में देखा, किंतु वहाँ कुछ भी न दिखा जिसके कारण मेरी गति रुकी हो।

श्लोक 37 (sundara.58.37)

अथ मे बुद्धिरुत्पन्ना किंनाम गमने मम। ईदृशो विघ्न उत्पन्नो रूपमत्र न दृश्यते ॥ 58.37 ॥

atha me buddhirutpannā kiṃnāma gamane mama| īdṛśo vighna utpanno rūpamatra na dṛśyate || 58.37 ||

तब मेरे मन में यह विचार उठा — "मेरी गति में यह कैसा विघ्न उत्पन्न हुआ है? ऐसा विघ्न हुआ है, फिर भी यहाँ कोई रूप दिखाई नहीं देता।"

श्लोक 38 (sundara.58.38)

अधोभागे तु मे दृष्टिः शोचतः पतिता तदा। तत्राद्राक्षमहं भीमां राक्षसीं सलिलेशयाम् ॥ 58.38 ॥

adhobhāge tu me dṛṣṭiḥ śocataḥ patitā tadā| tatrādrākṣamahaṃ bhīmāṃ rākṣasīṃ salileśayām || 58.38 ||

इस प्रकार सोचते हुए मेरी दृष्टि नीचे की ओर पड़ी, और वहाँ मैंने जल में लेटी हुई एक भयंकर राक्षसी को देखा।

श्लोक 39 (sundara.58.39)

प्रहस्य च महानादमुक्तोऽहं भीमया तया। अवस्थितमसम्भ्रान्तमिदं वाक्यमशोभनम् ॥ 58.39 ॥

prahasya ca mahānādamukto'haṃ bhīmayā tayā| avasthitamasambhrāntamidaṃ vākyamaśobhanam || 58.39 ||

जोर से अट्टहास करते हुए उस भयंकर राक्षसी ने मुझे शांतचित्त खड़ा देखकर यह अशोभन वचन कहा —

श्लोक 40 (sundara.58.40)

क्वासि गन्ता महाकाय क्षुधिताया ममेप्सितः। भक्षः प्रीणय मे देहं चिरमाहारवर्जितम् ॥ 58.40 ॥

kvāsi gantā mahākāya kṣudhitāyā mamepsitaḥ| bhakṣaḥ prīṇaya me dehaṃ ciramāhāravarjitam || 58.40 ||

"हे विशालकाय! तुम कहाँ जा रहे हो? भूखी मुझे तुम अभीष्ट भोजन हो — मेरे इस चिरकाल से भूखे शरीर को तृप्त करो।"

श्लोक 41 (sundara.58.41)

बाढमित्येव तां वाणीं प्रत्यगृह्णामहं ततः। आस्यप्रमाणादधिकं तस्याः कायमपूरयम् ॥ 58.41 ॥

bāḍhamityeva tāṃ vāṇīṃ pratyagṛhṇāmahaṃ tataḥ| āsyapramāṇādadhikaṃ tasyāḥ kāyamapūrayam || 58.41 ||

"ऐसा ही हो" — यह कहकर मैंने उसकी बात स्वीकार कर ली; और फिर मैंने अपने शरीर को उसके मुख के आकार से भी बड़ा कर लिया।

श्लोक 42 (sundara.58.42)

तस्याश्चास्यं महद् भीमं वर्धते मम भक्षणे। न तु मां सा नु बुबुधे मम वा विकृतं कृतम् ॥ 58.42 ॥

tasyāścāsyaṃ mahad bhīmaṃ vardhate mama bhakṣaṇe| na tu māṃ sā nu bubudhe mama vā vikṛtaṃ kṛtam || 58.42 ||

मुझे निगलने के लिए उसका विशाल भयंकर मुख भी बढ़ता गया; किंतु वह न तो मुझे पहचान सकी, न मेरे इस परिवर्तन को।

श्लोक 43 (sundara.58.43)

ततोऽहं विपुलं रूपं संक्षिप्य निमिषान्तरात्। तस्या हृदयमादाय प्रपतामि नभःस्थलम् ॥ 58.43 ॥

tato'haṃ vipulaṃ rūpaṃ saṃkṣipya nimiṣāntarāt| tasyā hṛdayamādāya prapatāmi nabhaḥsthalam || 58.43 ||

फिर मैंने पलक झपकते ही अपने विशाल रूप को संकुचित कर लिया, और उसका हृदय निकालकर आकाश में उड़ चला।

श्लोक 44 (sundara.58.44)

सा विसृष्टभुजा भीमा पपात लवणाम्भसि। मया पर्वतसंकाशा निकृत्तहृदया सती ॥ 58.44 ॥

sā visṛṣṭabhujā bhīmā papāta lavaṇāmbhasi| mayā parvatasaṃkāśā nikṛttahṛdayā satī || 58.44 ||

पर्वत के समान विशाल वह भयंकर राक्षसी, जिसका हृदय मैंने निकाल लिया था, भुजाएँ फैलाए हुए लवण-सागर में जा गिरी।

श्लोक 45 (sundara.58.45)

शृणोमि खगतानां च वाचः सौम्या महात्मनाम्। राक्षसी सिंहिका भीमा क्षिप्रं हनुमता हता ॥ 58.45 ॥

śṛṇomi khagatānāṃ ca vācaḥ saumyā mahātmanām| rākṣasī siṃhikā bhīmā kṣipraṃ hanumatā hatā || 58.45 ||

तब मैंने आकाश-चारी महात्माओं की मधुर वाणी सुनी — "भयंकर राक्षसी सिंहिका हनुमान द्वारा शीघ्र ही मार डाली गई।"

श्लोक 46 (sundara.58.46)

तां हत्वा पुनरेवाहं कृत्यमात्ययिकं स्मरन्। गत्वा च महदध्वानं पश्यामि नगमण्डितम् ॥ 58.46 ॥

tāṃ hatvā punarevāhaṃ kṛtyamātyayikaṃ smaran| gatvā ca mahadadhvānaṃ paśyāmi nagamaṇḍitam || 58.46 ||

उसे मारकर, अपने अत्यावश्यक कार्य का पुनः स्मरण करते हुए, मैं बहुत दूरी तय कर वृक्षों से सुशोभित [भूमि] को देखने लगा —

श्लोक 47 (sundara.58.47)

दक्षिणं तीरमुदधेर्लङ्का यत्र गता पुरी। अस्तं दिनकरे याते रक्षसां निलयं पुरीम् ॥ 58.47 ॥

dakṣiṇaṃ tīramudadherlaṅkā yatra gatā purī| astaṃ dinakare yāte rakṣasāṃ nilayaṃ purīm || 58.47 ||

— समुद्र का वह दक्षिणी तट, जहाँ लंका नगरी स्थित है। सूर्य के अस्त होने पर मैं राक्षसों के उस निवासस्थान नगरी के निकट पहुँचा।

श्लोक 48 (sundara.58.48)

प्रविष्टोऽहमविज्ञातो रक्षोभिर्भीमविक्रमैः। तत्र प्रविशतश्चापि कल्पान्तघनसप्रभा ॥ 58.48 ॥

praviṣṭo'hamavijñāto rakṣobhirbhīmavikramaiḥ| tatra praviśataścāpi kalpāntaghanasaprabhā || 58.48 ||

मैं भयंकर पराक्रमी राक्षसों की दृष्टि से अनजान होकर [नगरी में] प्रविष्ट हुआ। और जब मैं प्रवेश कर रहा था, तब प्रलयकालीन मेघ के समान तेजवाली [एक स्त्री] —

श्लोक 49 (sundara.58.49)

अट्टहासं विमुञ्चन्ती नारी काप्युत्थिता पुरः। जिघांसन्तीं ततस्तां तु ज्वलदग्निशिरोरुहाम् ॥ 58.49 ॥

aṭṭahāsaṃ vimuñcantī nārī kāpyutthitā puraḥ| jighāṃsantīṃ tatastāṃ tu jvaladagniśiroruhām || 58.49 ||

— जोर से कर्कश हँसी हँसती हुई मेरे सामने खड़ी हो गई। उसके बाल अग्नि की भाँति जल रहे थे, और वह मुझे मार डालना चाहती थी;

श्लोक 50 (sundara.58.50)

सव्यमुष्टिप्रहारेण पराजित्य सुभैरवाम्। प्रदोषकाले प्रविशं भीतयाहं तयोदितः ॥ 58.50 ॥

savyamuṣṭiprahāreṇa parājitya subhairavām| pradoṣakāle praviśaṃ bhītayāhaṃ tayoditaḥ || 58.50 ||

— किंतु मैंने अपने बाएँ मुक्के के प्रहार से उस अत्यंत भयंकर स्त्री को परास्त कर दिया, और संध्याकाल में नगरी में प्रवेश किया। भयभीत होकर उसने मुझसे कहा —

श्लोक 51 (sundara.58.51)

अहं लङ्कापुरी वीर निर्जिता विक्रमेण ते। यस्मात् तस्माद् विजेतासि सर्वरक्षांस्यशेषतः ॥ 58.51 ॥

ahaṃ laṅkāpurī vīra nirjitā vikrameṇa te| yasmāt tasmād vijetāsi sarvarakṣāṃsyaśeṣataḥ || 58.51 ||

"हे वीर! मैं स्वयं लंकापुरी हूँ; तुम्हारे पराक्रम से मैं पराजित हो गई हूँ। इसी कारण तुम समस्त राक्षसों को पूर्णतः जीत लोगे।"

श्लोक 52 (sundara.58.52)

तत्राहं सर्वरात्रं तु विचरञ्जनकात्मजाम्। रावणान्तःपुरगतो न चापश्यं सुमध्यमाम् ॥ 58.52 ॥

tatrāhaṃ sarvarātraṃ tu vicarañjanakātmajām| rāvaṇāntaḥpuragato na cāpaśyaṃ sumadhyamām || 58.52 ||

वहाँ मैं समूची रात जनकनन्दिनी को खोजते हुए रावण के अंतःपुर में विचरण करता रहा, किंतु उस सुमध्यमा को नहीं देख सका।

श्लोक 53 (sundara.58.53)

ततः सीतामपश्यंस्तु रावणस्य निवेशने। शोकसागरमासाद्य न पारमुपलक्षये ॥ 58.53 ॥

tataḥ sītāmapaśyaṃstu rāvaṇasya niveśane| śokasāgaramāsādya na pāramupalakṣaye || 58.53 ||

तब रावण के निवास में सीता को न पाकर, मैं शोक के सागर में डूब गया और उसका किनारा नहीं दिखाई दिया।

श्लोक 54 (sundara.58.54)

शोचता च मया दृष्टं प्राकारेणाभिसंवृतम्। काञ्चनेन विकृष्टेन गृहोपवनमुत्तमम् ॥ 58.54 ॥

śocatā ca mayā dṛṣṭaṃ prākāreṇābhisaṃvṛtam| kāñcanena vikṛṣṭena gṛhopavanamuttamam || 58.54 ||

इस प्रकार शोक करते हुए मुझे एक उत्तम गृहोद्यान दिखाई दिया, जो सोने से रँगी हुई एक लंबी प्राचीर से घिरा हुआ था।

श्लोक 55 (sundara.58.55)

सप्राकारमवप्लुत्य पश्यामि बहुपादपम्। अशोकवनिकामध्ये शिंशपापादपो महान् ॥ 58.55 ॥

saprākāramavaplutya paśyāmi bahupādapam| aśokavanikāmadhye śiṃśapāpādapo mahān || 58.55 ||

उस प्राचीर को भी लाँघकर मैंने देखा कि वह अनेक वृक्षों से भरा हुआ था। उस अशोकवाटिका के मध्य एक विशाल शिंशपा वृक्ष था।

श्लोक 56 (sundara.58.56)

तमारुह्य च पश्यामि काञ्चनं कदलीवनम्। अदूराच्छिंशपावृक्षात् पश्यामि वरवर्णिनीम् ॥ 58.56 ॥

tamāruhya ca paśyāmi kāñcanaṃ kadalīvanam| adūrācchiṃśapāvṛkṣāt paśyāmi varavarṇinīm || 58.56 ||

उस पर चढ़कर मैंने स्वर्णिम कदली-वन देखा; और उस शिंशपा वृक्ष से थोड़ी दूर मुझे एक सुंदर वर्ण वाली स्त्री दिखाई दी,

श्लोक 57 (sundara.58.57)

श्यामां कमलपत्राक्षीमुपवासकृशाननाम्। तदेकवासःसंवीतां रजोध्वस्तशिरोरुहाम् ॥ 58.57 ॥

śyāmāṃ kamalapatrākṣīmupavāsakṛśānanām| tadekavāsaḥsaṃvītāṃ rajodhvastaśiroruhām || 58.57 ||

— साँवले वर्ण की, कमलपत्र-सी आँखों वाली, उपवास से कृश मुख वाली, एक ही वस्त्र में लिपटी हुई, धूल से मलिन बालों वाली,

श्लोक 58 (sundara.58.58)

शोकसंतापदीनाङ्गीं सीतां भर्तृहिते स्थिताम्। राक्षसीभिर्विरूपाभिः क्रूराभिरभिसंवृताम् ॥ 58.58 ॥

śokasaṃtāpadīnāṅgīṃ sītāṃ bhartṛhite sthitām| rākṣasībhirvirūpābhiḥ krūrābhirabhisaṃvṛtām || 58.58 ||

— शोक और संताप से दीन अंगों वाली — वह सीता थीं, जो अब भी अपने पति के हित में तत्पर थीं, कुरूप और क्रूर राक्षसियों से घिरी हुई,

श्लोक 59 (sundara.58.59)

मांसशोणितभक्ष्याभिर्व्याघ्रीभिर्हरिणीं यथा। सा मया राक्षसीमध्ये तर्ज्यमाना मुहुर्मुहुः ॥ 58.59 ॥

māṃsaśoṇitabhakṣyābhirvyāghrībhirhariṇīṃ yathā| sā mayā rākṣasīmadhye tarjyamānā muhurmuhuḥ || 58.59 ||

— मांस और रक्त खाने वाली राक्षसियाँ, मानो हिरणी बाघिनों से घिरी हो। उन राक्षसियों के बीच बार-बार धमकाई जाती हुई वह,

श्लोक 60 (sundara.58.60)

एकवेणीधरा दीना भर्तृचिन्तापरायणा। भूमिशय्या विवर्णाङ्गी पद्मिनीव हिमागमे ॥ 58.60 ॥

ekaveṇīdharā dīnā bhartṛcintāparāyaṇā| bhūmiśayyā vivarṇāṅgī padminīva himāgame || 58.60 ||

— एक ही वेणी धारण किए हुए, अपने पति के विचार में लीन, दीन, भूमि को ही शय्या बनाए, हेमंत ऋतु की पद्मिनी-सी विवर्ण अंगों वाली —

श्लोक 61 (sundara.58.61)

रावणाद् विनिवृत्तार्था मर्तव्ये कृतनिश्चया। कथंचिन्मृगशावाक्षी तूर्णमासादिता मया ॥ 58.61 ॥

rāvaṇād vinivṛttārthā martavye kṛtaniścayā| kathaṃcinmṛgaśāvākṣī tūrṇamāsāditā mayā || 58.61 ||

— रावण से अपना मन हटाए हुए, मृत्यु का निश्चय किए हुए — उस मृगनयनी को मैंने बड़ी कठिनाई से शीघ्र ही खोज निकाला।

श्लोक 62 (sundara.58.62)

तां दृष्ट्वा तादृशीं नारीं रामपत्नीं यशस्विनीम्। तत्रैव शिंशपावृक्षे पश्यन्नहमवस्थितः ॥ 58.62 ॥

tāṃ dṛṣṭvā tādṛśīṃ nārīṃ rāmapatnīṃ yaśasvinīm| tatraiva śiṃśapāvṛkṣe paśyannahamavasthitaḥ || 58.62 ||

उस यशस्विनी रामपत्नी को ऐसी दशा में देखकर, मैं उसी शिंशपा वृक्ष पर बैठा उन्हें देखता रहा।

श्लोक 63 (sundara.58.63)

ततो हलहलाशब्दं काञ्चीनूपुरमिश्रितम्। शृणोम्यधिकगम्भीरं रावणस्य निवेशने ॥ 58.63 ॥

tato halahalāśabdaṃ kāñcīnūpuramiśritam| śṛṇomyadhikagambhīraṃ rāvaṇasya niveśane || 58.63 ||

तभी मैंने रावण के निवास से एक अत्यंत गंभीर कोलाहल सुना, जो करधनियों और नूपुरों की ध्वनि से मिश्रित था।

श्लोक 64 (sundara.58.64)

ततोऽहं परमोद्विग्नः स्वरूपं प्रत्यसंहरम्। अहं च शिंशपावृक्षे पक्षीव गहने स्थितः ॥ 58.64 ॥

tato'haṃ paramodvignaḥ svarūpaṃ pratyasaṃharam| ahaṃ ca śiṃśapāvṛkṣe pakṣīva gahane sthitaḥ || 58.64 ||

तब मैं अत्यंत विचलित होकर अपने रूप को छोटा कर, उस शिंशपा वृक्ष के घने पत्तों में पक्षी की भाँति छिपकर बैठ गया।

श्लोक 65 (sundara.58.65)

ततो रावणदाराश्च रावणश्च महाबलः। तं देशमनुसम्प्राप्तो यत्र सीताभवत् स्थिता ॥ 58.65 ॥

tato rāvaṇadārāśca rāvaṇaśca mahābalaḥ| taṃ deśamanusamprāpto yatra sītābhavat sthitā || 58.65 ||

तब रावण की पत्नियाँ और महाबली रावण स्वयं, उस स्थान पर आ पहुँचे जहाँ सीता विद्यमान थीं।

श्लोक 66 (sundara.58.66)

तं दृष्ट्वाथ वरारोहा सीता रक्षोगणेश्वरम्। संकुच्योरू स्तनौ पीनौ बाहुभ्यां परिरभ्य च ॥ 58.66 ॥

taṃ dṛṣṭvātha varārohā sītā rakṣogaṇeśvaram| saṃkucyorū stanau pīnau bāhubhyāṃ parirabhya ca || 58.66 ||

उस राक्षसगणों के स्वामी को देखकर, सुंदरांगी सीता ने अपनी जाँघें सिकोड़ लीं और अपनी भुजाओं से अपने वक्षस्थल को ढँक लिया,

श्लोक 67 (sundara.58.67)

वित्रस्तां परमोद्विग्नां वीक्ष्यमाणामितस्ततः। त्राणं कंचिदपश्यन्तीं वेपमानां तपस्विनीम् ॥ 58.67 ॥

vitrastāṃ paramodvignāṃ vīkṣyamāṇāmitastataḥ| trāṇaṃ kaṃcidapaśyantīṃ vepamānāṃ tapasvinīm || 58.67 ||

— भयभीत, अत्यंत व्याकुल, इधर-उधर देखती हुई, कहीं कोई रक्षक न पाती हुई, वह दयनीय स्त्री काँपती रही —

श्लोक 68 (sundara.58.68)

तामुवाच दशग्रीवः सीतां परमदुःखिताम्। अवाक्शिराः प्रपतितो बहुमन्यस्व मामिति ॥ 58.68 ॥

tāmuvāca daśagrīvaḥ sītāṃ paramaduḥkhitām| avākśirāḥ prapatito bahumanyasva māmiti || 58.68 ||

— अत्यंत दुःखित उस सीता से दशग्रीव ने कहा, सिर नीचा किए हुए गिरते हुए — "मुझे आदर की दृष्टि से देखो," यह कहा।

श्लोक 69 (sundara.58.69)

यदि चेत्त्वं तु मां दर्पान्नाभिनन्दसि गर्विते। द्विमासानन्तरं सीते पास्यामि रुधिरं तव ॥ 58.69 ॥

yadi cettvaṃ tu māṃ darpānnābhinandasi garvite| dvimāsānantaraṃ sīte pāsyāmi rudhiraṃ tava || 58.69 ||

"और यदि हे गर्विता! तुम अपने अभिमान से मुझे स्वीकार नहीं करती, तो हे सीते, दो मास के पश्चात् मैं तुम्हारा रक्त पी जाऊँगा।"

श्लोक 70 (sundara.58.70)

एतच्छ्रुत्वा वचस्तस्य रावणस्य दुरात्मनः। उवाच परमक्रुद्धा सीता वचनमुत्तमम् ॥ 58.70 ॥

etacchrutvā vacastasya rāvaṇasya durātmanaḥ| uvāca paramakruddhā sītā vacanamuttamam || 58.70 ||

उस दुरात्मा रावण के इन वचनों को सुनकर, अत्यंत क्रुद्ध सीता ने यह उत्तम वचन कहा —

श्लोक 71 (sundara.58.71)

राक्षसाधम रामस्य भार्याममिततेजसः। इक्ष्वाकुवंशनाथस्य स्नुषां दशरथस्य च ॥ 58.71 ॥

rākṣasādhama rāmasya bhāryāmamitatejasaḥ| ikṣvākuvaṃśanāthasya snuṣāṃ daśarathasya ca || 58.71 ||

"हे राक्षसाधम! राम की, जो अपार तेजस्वी हैं, पत्नी से — तथा इक्ष्वाकुवंश के स्वामी दशरथ की पुत्रवधू से —

श्लोक 72 (sundara.58.72)

अवाच्यं वदतो जिह्वा कथं न पतिता तव। किंस्विद्वीर्य तवानार्य यो मां भर्तुरसंनिधौ ॥ 58.72 ॥

avācyaṃ vadato jihvā kathaṃ na patitā tava| kiṃsvidvīrya tavānārya yo māṃ bharturasaṃnidhau || 58.72 ||

"— ऐसे अवाच्य वचन कहती हुई तुम्हारी जिह्वा कैसे नहीं गिर पड़ी? हे अनार्य! यह कैसा तुम्हारा पराक्रम है, कि पति की अनुपस्थिति में —

श्लोक 73 (sundara.58.73)

अपहृत्यागतः पाप तेनादृष्टो महात्मना। न त्वं रामस्य सदृशो दास्येऽप्यस्य न युज्यसे ॥ 58.73 ॥

apahṛtyāgataḥ pāpa tenādṛṣṭo mahātmanā| na tvaṃ rāmasya sadṛśo dāsye'pyasya na yujyase || 58.73 ||

"— हे पापी! उस महात्मा से अदृश्य रहकर तुमने मेरा हरण किया। तुम राम के समान तो नहीं ही हो, उनकी दासता के भी योग्य नहीं हो।

श्लोक 74 (sundara.58.74)

अजेयः सत्यवाक् शूरो रणश्लाघी च राघवः। जानक्या परुषं वाक्यमेवमुक्तो दशाननः ॥ 58.74 ॥

ajeyaḥ satyavāk śūro raṇaślāghī ca rāghavaḥ| jānakyā paruṣaṃ vākyamevamukto daśānanaḥ || 58.74 ||

"'राघव अजेय, सत्यवादी, शूरवीर और युद्ध में गौरवशाली हैं।'" जानकी द्वारा इस प्रकार कठोर वचन कहे जाने पर, वह दशानन —

श्लोक 75 (sundara.58.75)

जज्वाल सहसा कोपाच्चितास्थ इव पावकः। विवृत्य नयने क्रूरे मुष्टिमुद्यम्य दक्षिणम् ॥ 58.75 ॥

jajvāla sahasā kopāccitāstha iva pāvakaḥ| vivṛtya nayane krūre muṣṭimudyamya dakṣiṇam || 58.75 ||

— अचानक क्रोध से चिता की अग्नि की भाँति भड़क उठा। अपनी क्रूर आँखें घुमाकर और दाहिना मुक्का उठाकर,

श्लोक 76 (sundara.58.76)

मैथिलीं हन्तुमारब्धः स्त्रीभिर्हाहाकृतं तदा। स्त्रीणां मध्यात् समुत्पत्य तस्य भार्या दुरात्मनः ॥ 58.76 ॥

maithilīṃ hantumārabdhaḥ strībhirhāhākṛtaṃ tadā| strīṇāṃ madhyāt samutpatya tasya bhāryā durātmanaḥ || 58.76 ||

— वह मैथिली को मार डालने को उद्यत हुआ, जिस पर स्त्रियों ने हाहाकार मचा दिया। तभी स्त्रियों के बीच से उठकर उस दुरात्मा की पत्नी,

श्लोक 77 (sundara.58.77)

वरा मन्दोदरी नाम तया स प्रतिषेधितः। उक्तश्च मधुरां वाणीं तया स मदनार्दितः ॥ 58.77 ॥

varā mandodarī nāma tayā sa pratiṣedhitaḥ| uktaśca madhurāṃ vāṇīṃ tayā sa madanārditaḥ || 58.77 ||

— सुंदरी मंदोदरी ने उसे रोका। और काम-पीड़ित उस रावण से उसने मधुर वाणी में कहा —

श्लोक 78 (sundara.58.78)

सीतया तव किं कार्यं महेन्द्रसमविक्रम। मया सह रमस्वाद्य मद्विशिष्टा न जानकी ॥ 58.78 ॥

sītayā tava kiṃ kāryaṃ mahendrasamavikrama| mayā saha ramasvādya madviśiṣṭā na jānakī || 58.78 ||

"हे इंद्रतुल्य पराक्रमी! तुम्हें सीता से क्या प्रयोजन है? आज मेरे साथ रमण करो — जानकी मुझसे श्रेष्ठ नहीं है।

श्लोक 79 (sundara.58.79)

देवगन्धर्वकन्याभिर्यक्षकन्याभिरेव च। सार्धं प्रभो रमस्वेति सीतया किं करिष्यसि ॥ 58.79 ॥

devagandharvakanyābhiryakṣakanyābhireva ca| sārdhaṃ prabho ramasveti sītayā kiṃ kariṣyasi || 58.79 ||

"हे प्रभु! देव-गंधर्व-यक्ष-कन्याओं के साथ रमण करो — सीता से तुम्हें क्या करना है?'

श्लोक 80 (sundara.58.80)

ततस्ताभिः समेताभिर्नारीभिः स महाबलः। उत्थाप्य सहसा नीतो भवनं स्वं निशाचरः ॥ 58.80 ॥

tatastābhiḥ sametābhirnārībhiḥ sa mahābalaḥ| utthāpya sahasā nīto bhavanaṃ svaṃ niśācaraḥ || 58.80 ||

तब उन सभी स्त्रियों ने मिलकर उस महाबली निशाचर को उठाकर सहसा उसके अपने भवन में ले जाया।

श्लोक 81 (sundara.58.81)

याते तस्मिन् दशग्रीवे राक्षस्यो विकृताननाः। सीतां निर्भर्त्सयामासुर्वाक्यैः क्रूरैः सुदारुणैः ॥ 58.81 ॥

yāte tasmin daśagrīve rākṣasyo vikṛtānanāḥ| sītāṃ nirbhartsayāmāsurvākyaiḥ krūraiḥ sudāruṇaiḥ || 58.81 ||

उस दशग्रीव के चले जाने पर, विकृत मुख वाली राक्षसियों ने सीता को क्रूर और अत्यंत भयंकर वचनों से धमकाया।

श्लोक 82 (sundara.58.82)

तृणवद् भाषितं तासां गणयामास जानकी। गर्जितं च तथा तासां सीतां प्राप्य निरर्थकम् ॥ 58.82 ॥

tṛṇavad bhāṣitaṃ tāsāṃ gaṇayāmāsa jānakī| garjitaṃ ca tathā tāsāṃ sītāṃ prāpya nirarthakam || 58.82 ||

जानकी ने उनके वचनों को तिनके के समान तुच्छ समझा। इस प्रकार सीता पर की गई उनकी गर्जना निष्फल हो गई।

श्लोक 83 (sundara.58.83)

वृथा गर्जितनिश्चेष्टा राक्षस्यः पिशिताशनाः। रावणाय शशंसुस्ताः सीताव्यवसितं महत् ॥ 58.83 ॥

vṛthā garjitaniśceṣṭā rākṣasyaḥ piśitāśanāḥ| rāvaṇāya śaśaṃsustāḥ sītāvyavasitaṃ mahat || 58.83 ||

व्यर्थ गर्जना कर चेष्टारहित हुई वे मांसभक्षी राक्षसियाँ, रावण को सीता के उस महान संकल्प की सूचना देने गईं।

श्लोक 84 (sundara.58.84)

ततस्ताः सहिताः सर्वा विहताशा निरुद्यमाः। परिक्लिश्य समस्तास्ता निद्रावशमुपागताः ॥ 58.84 ॥

tatastāḥ sahitāḥ sarvā vihatāśā nirudyamāḥ| parikliśya samastāstā nidrāvaśamupāgatāḥ || 58.84 ||

तब वे सभी मिलकर, आशा खोकर, प्रयास त्यागकर, पूर्णतः थककर निद्रा के अधीन हो गईं।

श्लोक 85 (sundara.58.85)

तासु चैव प्रसुप्तासु सीता भर्तृहिते रता। विलप्य करुणं दीना प्रशुशोच सुदुःखिता ॥ 58.85 ॥

tāsu caiva prasuptāsu sītā bhartṛhite ratā| vilapya karuṇaṃ dīnā praśuśoca suduḥkhitā || 58.85 ||

और उनके सो जाने पर, अपने पति के हित में लीन सीता ने करुणतापूर्वक विलाप किया और अत्यंत दुःखित होकर दीन भाव से शोक किया।

श्लोक 86 (sundara.58.86)

तासां मध्यात् समुत्थाय त्रिजटा वाक्यमब्रवीत्। आत्मानं खादत क्षिप्रं न सीतामसितेक्षणाम् ॥ 58.86 ॥

tāsāṃ madhyāt samutthāya trijaṭā vākyamabravīt| ātmānaṃ khādata kṣipraṃ na sītāmasitekṣaṇām || 58.86 ||

तब उनमें से उठकर त्रिजटा ने यह वचन कहा — "तुम लोग शीघ्र अपने आपको खा जाओ, इस श्यामनयना सीता को नहीं —

श्लोक 87 (sundara.58.87)

जनकस्यात्मजां साध्वीं स्नुषां दशरथस्य च। स्वप्नो ह्यद्य मया दृष्टो दारुणो रोमहर्षणः ॥ 58.87 ॥

janakasyātmajāṃ sādhvīṃ snuṣāṃ daśarathasya ca| svapno hyadya mayā dṛṣṭo dāruṇo romaharṣaṇaḥ || 58.87 ||

"— जनक की साध्वी पुत्री और दशरथ की पुत्रवधू को नहीं। क्योंकि आज मैंने एक भयंकर, रोंगटे खड़े कर देने वाला स्वप्न देखा है,

श्लोक 88 (sundara.58.88)

रक्षसां च विनाशाय भर्तुरस्या जयाय च। अलमस्मान् परित्रातुं राघवाद् राक्षसीगणम् ॥ 58.88 ॥

rakṣasāṃ ca vināśāya bharturasyā jayāya ca| alamasmān paritrātuṃ rāghavād rākṣasīgaṇam || 58.88 ||

"— जो राक्षसों के विनाश और इनके पति की विजय का सूचक है। यह अकेली ही हम राक्षसी समूह को राघव से बचा सकती है।

श्लोक 89 (sundara.58.89)

अभियाचाम वैदेहीमेतद्धि मम रोचते। यदि ह्येवंविधः स्वप्नो दुःखितायाः प्रदृश्यते ॥ 58.89 ॥

abhiyācāma vaidehīmetaddhi mama rocate| yadi hyevaṃvidhaḥ svapno duḥkhitāyāḥ pradṛśyate || 58.89 ||

"हम वैदेही से क्षमा-याचना करें — मुझे यही उचित लगता है। क्योंकि यदि दुःखी व्यक्ति को ऐसा स्वप्न दिखाई देता है,

श्लोक 90 (sundara.58.90)

सा दुःखैर्विविधैर्मुक्ता सुखमाप्नोत्यनुत्तमम्। प्रणिपातप्रसन्ना हि मैथिली जनकात्मजा ॥ 58.90 ॥

sā duḥkhairvividhairmuktā sukhamāpnotyanuttamam| praṇipātaprasannā hi maithilī janakātmajā || 58.90 ||

"— तो वह अपने विविध दुःखों से मुक्त होकर सर्वोत्तम सुख प्राप्त करती है। जनकनन्दिनी मैथिली प्रणिपात से अवश्य प्रसन्न हो जाएँगी,

श्लोक 91 (sundara.58.91)

अलमेषा परित्रातुं राक्षस्यो महतो भयात्। ततः सा ह्रीमती बाला भर्तुर्विजयहर्षिता ॥ 58.91 ॥

alameṣā paritrātuṃ rākṣasyo mahato bhayāt| tataḥ sā hrīmatī bālā bharturvijayaharṣitā || 58.91 ||

"— और यही हम राक्षसियों को महान भय से बचाने में समर्थ है।'" तब उस लज्जाशील बाला ने, अपने पति की विजय से हर्षित होकर,

श्लोक 92 (sundara.58.92)

अवोचद् यदि तत् तथ्यं भवेयं शरणं हि वः। तां चाहं तादृशीं दृष्ट्वा सीताया दारुणां दशाम् ॥ 58.92 ॥

avocad yadi tat tathyaṃ bhaveyaṃ śaraṇaṃ hi vaḥ| tāṃ cāhaṃ tādṛśīṃ dṛṣṭvā sītāyā dāruṇāṃ daśām || 58.92 ||

— कहा: "यदि यह सत्य हो, तो मैं तुम्हारा शरणस्थान बनूँगी।" और सीता की उस भयंकर दशा को इस प्रकार देखकर,

श्लोक 93 (sundara.58.93)

चिन्तयामास विश्रान्तो न च मे निर्वृतं मनः। सम्भाषणार्थे च मया जानक्याश्चिन्तितो विधिः ॥ 58.93 ॥

cintayāmāsa viśrānto na ca me nirvṛtaṃ manaḥ| sambhāṣaṇārthe ca mayā jānakyāścintito vidhiḥ || 58.93 ||

— मैं, ठहरकर विचार करने लगा, किंतु मेरे मन को शांति न मिली। तब मैंने जानकी से बात करने का एक उपाय सोचा।

श्लोक 94 (sundara.58.94)

इक्ष्वाकुकुलवंशस्तु स्तुतो मम पुरस्कृतः। श्रुत्वा तु गदितां वाचं राजर्षिगणभूषिताम् ॥ 58.94 ॥

ikṣvākukulavaṃśastu stuto mama puraskṛtaḥ| śrutvā tu gaditāṃ vācaṃ rājarṣigaṇabhūṣitām || 58.94 ||

मैंने इक्ष्वाकु वंश की स्तुति करते हुए उसे पहले रखा। राजर्षियों के नामों से अलंकृत मेरे उन वचनों को सुनकर,

श्लोक 95 (sundara.58.95)

प्रत्यभाषत मां देवी बाष्पैः पिहितलोचना। कस्त्वं केन कथं चेह प्राप्तो वानरपुङ्गव ॥ 58.95 ॥

pratyabhāṣata māṃ devī bāṣpaiḥ pihitalocanā| kastvaṃ kena kathaṃ ceha prāpto vānarapuṅgava || 58.95 ||

— देवी ने अश्रुओं से भरी आँखों के साथ मुझसे कहा — "हे वानरश्रेष्ठ! तुम कौन हो? किसके द्वारा भेजे गए, और कैसे यहाँ पहुँचे?

श्लोक 96 (sundara.58.96)

का च रामेण ते प्रीतिस्तन्मे शंसितुमर्हसि। तस्यास्तद् वचनं श्रुत्वा अहमप्यब्रुवं वचः ॥ 58.96 ॥

kā ca rāmeṇa te prītistanme śaṃsitumarhasi| tasyāstad vacanaṃ śrutvā ahamapyabruvaṃ vacaḥ || 58.96 ||

"और राम से तुम्हारी क्या मित्रता है? यह मुझे बताओ।'" उनके इस वचन को सुनकर मैंने भी यह कहा —

श्लोक 97 (sundara.58.97)

देवि रामस्य भर्तुस्ते सहायो भीमविक्रमः। सुग्रीवो नाम विक्रान्तो वानरेन्द्रो महाबलः ॥ 58.97 ॥

devi rāmasya bhartuste sahāyo bhīmavikramaḥ| sugrīvo nāma vikrānto vānarendro mahābalaḥ || 58.97 ||

"हे देवी! तुम्हारे पति राम का एक भयंकर पराक्रमी सहायक है, जिसका नाम सुग्रीव है — वह पराक्रमी, महाबली वानरराज है।

श्लोक 98 (sundara.58.98)

तस्य मां विद्धि भृत्यं त्वं हनूमन्तमिहागतम्। भर्त्रा सम्प्रहितस्तुभ्यं रामेणाक्लिष्टकर्मणा ॥ 58.98 ॥

tasya māṃ viddhi bhṛtyaṃ tvaṃ hanūmantamihāgatam| bhartrā samprahitastubhyaṃ rāmeṇākliṣṭakarmaṇā || 58.98 ||

"मुझे उन्हीं का सेवक हनुमान जानो, जो यहाँ आया है, तुम्हारे पति अक्लिष्टकर्मा राम द्वारा तुम्हारे पास भेजा गया।'

श्लोक 99 (sundara.58.99)

इदं तु पुरुषव्याघ्रः श्रीमान् दाशरथिः स्वयम्। अङ्गुलीयमभिज्ञानमदात् तुभ्यं यशस्विनि ॥ 58.99 ॥

idaṃ tu puruṣavyāghraḥ śrīmān dāśarathiḥ svayam| aṅgulīyamabhijñānamadāt tubhyaṃ yaśasvini || 58.99 ||

"हे यशस्विनी! यह अँगूठी, स्वयं वह पुरुषश्रेष्ठ श्रीमान् दशरथनंदन ने तुम्हारे लिए पहचान-चिह्न स्वरूप मुझे दी है।'

श्लोक 100 (sundara.58.100)

तदिच्छामि त्वयाज्ञप्तं देवि किं करवाण्यहम्। रामलक्ष्मणयोः पार्श्वं नयामि त्वां किमुत्तरम् ॥ 58.100 ॥

tadicchāmi tvayājñaptaṃ devi kiṃ karavāṇyaham| rāmalakṣmaṇayoḥ pārśvaṃ nayāmi tvāṃ kimuttaram || 58.100 ||

"अब हे देवी! मैं तुम्हारी आज्ञा चाहता हूँ — मुझे क्या करना चाहिए? क्या मैं तुम्हें राम-लक्ष्मण के पास ले चलूँ? इसका क्या उत्तर है?'

श्लोक 101 (sundara.58.101)

एतच्छ्रुत्वा विदित्वा च सीता जनकनन्दिनी। आह रावणमुत्पाट्य राघवो मां नयत्विति ॥ 58.101 ॥

etacchrutvā viditvā ca sītā janakanandinī| āha rāvaṇamutpāṭya rāghavo māṃ nayatviti || 58.101 ||

यह सुनकर और समझकर जनकनन्दिनी सीता ने कहा — "राघव स्वयं रावण को उखाड़कर मुझे ले जाएँ।"

श्लोक 102 (sundara.58.102)

प्रणम्य शिरसा देवीमहमार्यामनिन्दिताम्। राघवस्य मनोह्लादमभिज्ञानमयाचिषम् ॥ 58.102 ॥

praṇamya śirasā devīmahamāryāmaninditām| rāghavasya manohlādamabhijñānamayāciṣam || 58.102 ||

उस आर्या, निष्कलंक देवी को सिर झुकाकर प्रणाम कर, मैंने राघव के मन को हर्षित करने वाला एक अभिज्ञान माँगा।

श्लोक 103 (sundara.58.103)

अथ मामब्रवीत् सीता गृह्यतामयमुत्तमः। मणिर्येन महाबाहू रामस्त्वां बहु मन्यते ॥ 58.103 ॥

atha māmabravīt sītā gṛhyatāmayamuttamaḥ| maṇiryena mahābāhū rāmastvāṃ bahu manyate || 58.103 ||

तब सीता ने मुझसे कहा — "यह उत्तम मणि ले लो, जिससे महाबाहु राम तुम्हारा बहुत सम्मान करेंगे।"

श्लोक 104 (sundara.58.104)

इत्युक्त्वा तु वरारोहा मणिप्रवरमुत्तमम्। प्रायच्छत् परमोद्विग्ना वाचा मां संदिदेश ह ॥ 58.104 ॥

ityuktvā tu varārohā maṇipravaramuttamam| prāyacchat paramodvignā vācā māṃ saṃdideśa ha || 58.104 ||

ऐसा कहकर, उस सुंदरांगी ने वह उत्तम श्रेष्ठ मणि मुझे दी; और अत्यंत व्याकुल होकर उन्होंने मुझे वाणी द्वारा भी संदेश दिया।

श्लोक 105 (sundara.58.105)

ततस्तस्यै प्रणम्याहं राजपुत्र्यै समाहितः। प्रदक्षिणं परिक्राममिहाभ्युद्गतमानसः ॥ 58.105 ॥

tatastasyai praṇamyāhaṃ rājaputryai samāhitaḥ| pradakṣiṇaṃ parikrāmamihābhyuda‍gatamānasaḥ || 58.105 ||

तब उस राजकुमारी को प्रणाम कर, स्थिरचित्त होकर, मैंने उनकी प्रदक्षिणा की, और मेरा मन यहाँ लौट आने के लिए पहले से ही उत्सुक था।

श्लोक 106 (sundara.58.106)

उत्तरं पुनरेवाह निश्चित्य मनसा तदा। हनूमन् मम वृत्तान्तं वक्तुमर्हसि राघवे ॥ 58.106 ॥

uttaraṃ punarevāha niścitya manasā tadā| hanūman mama vṛttāntaṃ vaktumarhasi rāghave || 58.106 ||

तब मन में कुछ निश्चय करके उन्होंने फिर उत्तर दिया — "हे हनुमान! तुम राघव को मेरी यह दशा अवश्य बताना,

श्लोक 107 (sundara.58.107)

यथा श्रुत्वैव नचिरात् तावुभौ रामलक्ष्मणौ। सुग्रीवसहितौ वीरावुपेयातां तथा कुरु ॥ 58.107 ॥

yathā śrutvaiva nacirāt tāvubhau rāmalakṣmaṇau| sugrīvasahitau vīrāvupeyātāṃ tathā kuru || 58.107 ||

"— जिससे इसे सुनते ही शीघ्र वे दोनों वीर राम-लक्ष्मण, सुग्रीव सहित यहाँ आ पहुँचें। ऐसा ही प्रयत्न करना।

श्लोक 108 (sundara.58.108)

यदन्यथा भवेदेतद् द्वौ मासौ जीवितं मम। न मां द्रक्ष्यति काकुत्स्थो म्रिये साहमनाथवत् ॥ 58.108 ॥

yadanyathā bhavedetad dvau māsau jīvitaṃ mama| na māṃ drakṣyati kākutstho mriye sāhamanāthavat || 58.108 ||

"यदि ऐसा न हुआ तो मेरा जीवन बस दो मास का ही शेष है; काकुत्स्थ मुझे फिर न देख पाएँगे, और मैं अनाथ की भाँति मर जाऊँगी।'

श्लोक 109 (sundara.58.109)

तच्छ्रुत्वा करुणं वाक्यं क्रोधो मामभ्यवर्तत। उत्तरं च मया दृष्टं कार्यशेषमनन्तरम् ॥ 58.109 ॥

tacchrutvā karuṇaṃ vākyaṃ krodho māmabhyavartata| uttaraṃ ca mayā dṛṣṭaṃ kāryaśeṣamanantaram || 58.109 ||

उस करुण वचन को सुनकर मुझमें क्रोध उत्पन्न हुआ; और तब मुझे अपने शेष कार्य का बोध हुआ।

श्लोक 110 (sundara.58.110)

ततोऽवर्धत मे कायस्तदा पर्वतसंनिभः। युद्धाकाङ्क्षी वनं तस्य विनाशयितुमारभे ॥ 58.110 ॥

tato'vardhata me kāyastadā parvatasaṃnibhaḥ| yuddhākāṅkṣī vanaṃ tasya vināśayitumārabhe || 58.110 ||

तब मेरा शरीर बढ़कर पर्वत के समान विशाल हो गया; और युद्ध की कामना करते हुए मैंने उस वाटिका को नष्ट करना आरंभ किया।

श्लोक 111 (sundara.58.111)

तद् भग्नं वनखण्डं तु भ्रान्तत्रस्तमृगद्विजम्। प्रतिबुद्ध्य निरीक्षन्ते राक्षस्यो विकृताननाः ॥ 58.111 ॥

tad bhagnaṃ vanakhaṇḍaṃ tu bhrāntatrastamṛgadvijam| pratibuddhya nirīkṣante rākṣasyo vikṛtānanāḥ || 58.111 ||

उस वाटिका के टूट जाने पर, उसके मृग-पक्षी भयभीत होकर भागने लगे; और विकृत मुख वाली राक्षसियाँ जागकर यह देखने लगीं।

श्लोक 112 (sundara.58.112)

मां च दृष्ट्वा वने तस्मिन् समागम्य ततस्ततः। ताः समभ्यागताः क्षिप्रं रावणायाचचक्षिरे ॥ 58.112 ॥

māṃ ca dṛṣṭvā vane tasmin samāgamya tatastataḥ| tāḥ samabhyāgatāḥ kṣipraṃ rāvaṇāyācacakṣire || 58.112 ||

उस वाटिका में मुझे देखकर, चारों ओर से एकत्र होकर, वे शीघ्र ही रावण के पास जाकर सब बताने लगीं।

श्लोक 113 (sundara.58.113)

राजन् वनमिदं दुर्गं तव भग्नं दुरात्मना। वानरेण ह्यविज्ञाय तव वीर्यं महाबल ॥ 58.113 ॥

rājan vanamidaṃ durgaṃ tava bhagnaṃ durātmanā| vānareṇa hyavijñāya tava vīryaṃ mahābala || 58.113 ||

"हे राजन्! एक दुरात्मा वानर ने, हे महाबल, तुम्हारे पराक्रम को न जानते हुए, तुम्हारी इस दुर्गम वाटिका को नष्ट कर दिया है।

श्लोक 114 (sundara.58.114)

तस्य दुर्बुद्धिता राजंस्तव विप्रियकारिणः। वधमाज्ञापय क्षिप्रं यथासौ न पुनर्व्रजेत् ॥ 58.114 ॥

tasya durbuddhitā rājaṃstava vipriyakāriṇaḥ| vadhamājñāpaya kṣipraṃ yathāsau na punarvrajet || 58.114 ||

"हे राजन्! तुम्हारा अहित करने वाले उसकी यही दुर्बुद्धि है। शीघ्र उसके वध की आज्ञा दो, जिससे वह फिर लौट न सके।'

श्लोक 115 (sundara.58.115)

तच्छ्रुत्वा राक्षसेन्द्रेण विसृष्टा बहुदुर्जयाः। राक्षसाः किंकरा नाम रावणस्य मनोऽनुगाः ॥ 58.115 ॥

tacchrutvā rākṣasendreṇa visṛṣṭā bahudurjayāḥ| rākṣasāḥ kiṃkarā nāma rāvaṇasya mano'nugāḥ || 58.115 ||

यह सुनकर राक्षसराज ने किंकर नामक अनेक दुर्जय राक्षसों को भेजा, जो रावण की इच्छा के अनुगामी थे।

श्लोक 116 (sundara.58.116)

तेषामशीतिसाहस्रं शूलमुद्गरपाणिनाम्। मया तस्मिन् वनोद्देशे परिघेण निषूदितम् ॥ 58.116 ॥

teṣāmaśītisāhasraṃ śūlamuda‍garapāṇinām| mayā tasmin vanoddeśe parigheṇa niṣūditam || 58.116 ||

उनमें से त्रिशूल और मुद्गर धारण किए अस्सी हजार राक्षसों को मैंने उस वाटिका के प्रदेश में एक लौह-दंड से मार डाला।

श्लोक 117 (sundara.58.117)

तेषां तु हतशिष्टा ये ते गता लघुविक्रमाः। निहतं च मया सैन्यं रावणायाचचक्षिरे ॥ 58.117 ॥

teṣāṃ tu hataśiṣṭā ye te gatā laghuvikramāḥ| nihataṃ ca mayā sainyaṃ rāvaṇāyācacakṣire || 58.117 ||

उनमें से जो थोड़े शीघ्रगामी राक्षस बच रहे थे, उन्होंने जाकर रावण को सूचित किया कि उनकी सेना मेरे द्वारा मार डाली गई है।

श्लोक 118 (sundara.58.118)

ततो मे बुद्धिरुत्पन्ना चैत्यप्रासादमुत्तमम्। तत्रस्थान् राक्षसान् हत्वा शतं स्तम्भेन वै पुनः ॥ 58.118 ॥

tato me buddhirutpannā caityaprāsādamuttamam| tatrasthān rākṣasān hatvā śataṃ stambhena vai punaḥ || 58.118 ||

तब मुझे उस उत्तम चैत्य-प्रासाद पर चढ़ने की सूझी; वहाँ खड़े सौ राक्षसों को एक स्तंभ से मारकर,

श्लोक 119 (sundara.58.119)

ललामभूतो लङ्काया मया विध्वंसितो रुषा। ततः प्रहस्तस्य सुतं जम्बुमालिनमादिशत् ॥ 58.119 ॥

lalāmabhūto laṅkāyā mayā vidhvaṃsito ruṣā| tataḥ prahastasya sutaṃ jambumālinamādiśat || 58.119 ||

— क्रोधवश मैंने लंका के उस आभूषण-स्वरूप भवन को ध्वस्त कर दिया। तब रावण ने प्रहस्त के पुत्र जम्बुमाली को भेजा,

श्लोक 120 (sundara.58.120)

राक्षसैर्बहुभिः सार्धं घोररूपैर्भयानकैः। तमहं बलसम्पन्नं राक्षसं रणकोविदम् ॥ 58.120 ॥

rākṣasairbahubhiḥ sārdhaṃ ghorarūpairbhayānakaiḥ| tamahaṃ balasampannaṃ rākṣasaṃ raṇakovidam || 58.120 ||

— अनेक भयंकर, डरावने रूप वाले राक्षसों के साथ। उस बलसम्पन्न, युद्धकुशल राक्षस को,

श्लोक 121 (sundara.58.121)

परिघेणातिघोरेण सूदयामि सहानुगम्। तच्छ्रुत्वा राक्षसेन्द्रस्तु मन्त्रिपुत्रान् महाबलान् ॥ 58.121 ॥

parigheṇātighoreṇa sūdayāmi sahānugam| tacchrutvā rākṣasendrastu mantriputrān mahābalān || 58.121 ||

— मैंने अपने अत्यंत भयंकर लौह-दंड से उसके अनुचरों सहित मार डाला। यह सुनकर राक्षसराज ने मंत्रियों के महाबली पुत्रों को,

श्लोक 122 (sundara.58.122)

पदातिबलसम्पन्नान् प्रेषयामास रावणः। परिघेणैव तान् सर्वान् नयामि यमसादनम् ॥ 58.122 ॥

padātibalasampannān preṣayāmāsa rāvaṇaḥ| parigheṇaiva tān sarvān nayāmi yamasādanam || 58.122 ||

— पैदल सेना से युक्त होकर भेजा। उन सभी को भी मैंने उसी लौह-दंड से यमलोक भेज दिया।

श्लोक 123 (sundara.58.123)

मन्त्रिपुत्रान् हतान् श्रुत्वा समरे लघुविक्रमान्। पञ्च सेनाग्रगान् शूरान् प्रेषयामास रावणः ॥ 58.123 ॥

mantriputrān hatān śrutvā samare laghuvikramān| pañca senāgragān śūrān preṣayāmāsa rāvaṇaḥ || 58.123 ||

युद्ध में शीघ्रविक्रमी मंत्रि-पुत्रों के मारे जाने का समाचार सुनकर, रावण ने पाँच शूरवीर सेनानायकों को भेजा।

श्लोक 124 (sundara.58.124)

तानहं सहसैन्यान् वै सर्वानेवाभ्यसूदयम्। ततः पुनर्दशग्रीवः पुत्रमक्षं महाबलम् ॥ 58.124 ॥

tānahaṃ sahasainyān vai sarvānevābhyasūdayam| tataḥ punardaśagrīvaḥ putramakṣaṃ mahābalam || 58.124 ||

उन सबको भी उनकी सेनाओं सहित मैंने मार डाला। तब पुनः दशग्रीव ने अपने महाबली पुत्र अक्ष को,

श्लोक 125 (sundara.58.125)

बहुभी राक्षसैः सार्धं प्रेषयामास संयुगे। तं तु मन्दोदरीपुत्रं कुमारं रणपण्डितम् ॥ 58.125 ॥

bahubhī rākṣasaiḥ sārdhaṃ preṣayāmāsa saṃyuge| taṃ tu mandodarīputraṃ kumāraṃ raṇapaṇḍitam || 58.125 ||

— अनेक राक्षसों के साथ युद्ध में भेजा। उस मंदोदरी-पुत्र, युद्धकुशल राजकुमार को,

श्लोक 126 (sundara.58.126)

सहसा खं समुद्यन्तं पादयोश्च गृहीतवान्। तमासीनं शतगुणं भ्रामयित्वा व्यपेषयम् ॥ 58.126 ॥

sahasā khaṃ samudyantaṃ pādayośca gṛhītavān| tamāsīnaṃ śataguṇaṃ bhrāmayitvā vyapeṣayam || 58.126 ||

— जब वह सहसा आकाश में उछला, मैंने उसके पैर पकड़ लिए; और सौ बार घुमाकर उसे पटककर चूर-चूर कर दिया।

श्लोक 127 (sundara.58.127)

तमक्षमागतं भग्नं निशम्य स दशाननः। ततश्चेन्द्रजितं नाम द्वितीयं रावणः सुतम् ॥ 58.127 ॥

tamakṣamāgataṃ bhagnaṃ niśamya sa daśānanaḥ| tataścendrajitaṃ nāma dvitīyaṃ rāvaṇaḥ sutam || 58.127 ||

अक्ष के इस प्रकार मारे जाने का समाचार सुनकर, उस दशानन ने अपने दूसरे पुत्र इंद्रजित को,

श्लोक 128 (sundara.58.128)

व्यादिदेश सुसंक्रुद्धो बलिनं युद्धदुर्मदम्। तच्चाप्यहं बलं सर्वं तं च राक्षसपुङ्गवम् ॥ 58.128 ॥

vyādideśa susaṃkruddho balinaṃ yuddhadurmadam| taccāpyahaṃ balaṃ sarvaṃ taṃ ca rākṣasapuṅgavam || 58.128 ||

— अत्यंत क्रुद्ध होकर आज्ञा दी, जो बलवान् और युद्ध में उन्मत्त था। और मैंने भी उस सारी सेना को तथा उस राक्षसश्रेष्ठ को,

श्लोक 129 (sundara.58.129)

नष्टौजसं रणे कृत्वा परं हर्षमुपागतः। महतापि महाबाहुः प्रत्ययेन महाबलः ॥ 58.129 ॥

naṣṭaujasaṃ raṇe kṛtvā paraṃ harṣamupāgataḥ| mahatāpi mahābāhuḥ pratyayena mahābalaḥ || 58.129 ||

— युद्ध में तेजहीन कर दिया, और मुझे परम हर्ष प्राप्त हुआ। तथापि वह महाबाहु, महाबली, पूर्ण विश्वास के साथ —

श्लोक 130 (sundara.58.130)

प्रहितो रावणेनैष सह वीरैर्मदोद्धतैः। सोऽविषह्यं हि मां बुद्ध्वा स्वसैन्यं चावमर्दितम् ॥ 58.130 ॥

prahito rāvaṇenaiṣa saha vīrairmadoddhataiḥ| so'viṣahyaṃ hi māṃ bud‍dhvā svasainyaṃ cāvamarditam || 58.130 ||

— रावण द्वारा मद में उन्मत्त वीरों के साथ भेजा गया था — वह, मुझे अजेय जानकर और अपनी सेना को कुचला हुआ देखकर,

श्लोक 131 (sundara.58.131)

ब्रह्मणोऽस्त्रेण स तु मां प्रबद्ध्वा चातिवेगिनः। रज्जुभिश्चापि बध्नन्ति ततो मां तत्र राक्षसाः ॥ 58.131 ॥

brahmaṇo'streṇa sa tu māṃ prabad‍dhvā cātiveginaḥ| rajjubhiścāpi badhnanti tato māṃ tatra rākṣasāḥ || 58.131 ||

— ब्रह्मास्त्र से मुझे बाँध दिया। और फिर उन अत्यंत वेगवान् राक्षसों ने वहाँ मुझे रस्सियों से भी बाँध दिया।

श्लोक 132 (sundara.58.132)

रावणस्य समीपं च गृहीत्वा मामुपागमन्। दृष्ट्वा सम्भाषितश्चाहं रावणेन दुरात्मना ॥ 58.132 ॥

rāvaṇasya samīpaṃ ca gṛhītvā māmupāgaman| dṛṣṭvā sambhāṣitaścāhaṃ rāvaṇena durātmanā || 58.132 ||

फिर मुझे पकड़कर वे रावण के समीप ले गए। मुझे देखकर उस दुरात्मा रावण ने मुझसे बातचीत की,

श्लोक 133 (sundara.58.133)

पृष्टश्च लङ्कागमनं राक्षसानां च तं वधम्। तत्सर्वं च रणे तत्र सीतार्थमुपजल्पितम् ॥ 58.133 ॥

pṛṣṭaśca laṅkāgamanaṃ rākṣasānāṃ ca taṃ vadham| tatsarvaṃ ca raṇe tatra sītārthamupajalpitam || 58.133 ||

— और मुझसे लंका में आने तथा राक्षसों के वध के विषय में पूछा। यह सब मैंने उस सभा में सीता के निमित्त हुआ बताया।

श्लोक 134 (sundara.58.134)

तस्यास्तु दर्शनाकाङ्क्षी प्राप्तस्त्वद्भवनं विभो। मारुतस्यौरसः पुत्रो वानरो हनुमानहम् ॥ 58.134 ॥

tasyāstu darśanākāṅkṣī prāptastvadbhavanaṃ vibho| mārutasyaurasaḥ putro vānaro hanumānaham || 58.134 ||

"हे विभो! उन्हें देखने की इच्छा से मैं तुम्हारे भवन में आया। मैं वायुदेव का औरस पुत्र, वानर हनुमान हूँ।

श्लोक 135 (sundara.58.135)

रामदूतं च मां विद्धि सुग्रीवसचिवं कपिम्। सोऽहं दौत्येन रामस्य त्वत्सकाशमिहागतः ॥ 58.135 ॥

rāmadūtaṃ ca māṃ viddhi sugrīvasacivaṃ kapim| so'haṃ dautyena rāmasya tvatsakāśamihāgataḥ || 58.135 ||

"मुझे राम का दूत, सुग्रीव का सचिव वानर जानो। मैं राम के दौत्य से यहाँ तुम्हारे पास आया हूँ।'

श्लोक 136 (sundara.58.136)

शृणु चापि समादेशं यदहं प्रब्रवीमि ते। राक्षसेश हरीशस्त्वां वाक्यमाह समाहितम् ॥ 58.136 ॥

śṛṇu cāpi samādeśaṃ yadahaṃ prabravīmi te| rākṣaseśa harīśastvāṃ vākyamāha samāhitam || 58.136 ||

"और हे राक्षसेश! जो आदेश मैं तुम्हें सुनाता हूँ, उसे भी सुनो — वानरराज ने तुम्हें यह विचारपूर्ण संदेश भेजा है —

श्लोक 137 (sundara.58.137)

सुग्रीवश्च महाभागः स त्वां कौशलमब्रवीत्। धर्मार्थकामसहितं हितं पथ्यमुवाच ह ॥ 58.137 ॥

sugrīvaśca mahābhāgaḥ sa tvāṃ kauśalamabravīt| dharmārthakāmasahitaṃ hitaṃ pathyamuvāca ha || 58.137 ||

"— महाभाग सुग्रीव ने तुम्हारा कुशल-क्षेम पूछा है, और धर्म, अर्थ, काम से युक्त हितकर तथा पथ्य वचन कहा है —

श्लोक 138 (sundara.58.138)

वसतो ऋष्यमूके मे पर्वते विपुलद्रुमे। राघवो रणविक्रान्तो मित्रत्वं समुपागतः ॥ 58.138 ॥

vasato ṛṣyamūke me parvate vipuladrume| rāghavo raṇavikrānto mitratvaṃ samupāgataḥ || 58.138 ||

"— विशाल वृक्षों वाले ऋष्यमूक पर्वत पर रहते हुए मुझे, युद्ध में पराक्रमी राघव मित्रता को प्राप्त हुए।

श्लोक 139 (sundara.58.139)

तेन मे कथितं राजन् भार्या मे रक्षसा हृता। तत्र साहाय्यहेतोर्मे समयं कर्तुमर्हसि ॥ 58.139 ॥

tena me kathitaṃ rājan bhāryā me rakṣasā hṛtā| tatra sāhāyyahetorme samayaṃ kartumarhasi || 58.139 ||

"उन्होंने मुझसे कहा, हे राजन्, 'मेरी पत्नी का एक राक्षस ने हरण किया है, तुम मेरी सहायता के लिए मुझसे प्रतिज्ञा करो' —

श्लोक 140 (sundara.58.140)

वालिना हृतराज्येन सुग्रीवेण सह प्रभुः। चक्रेऽग्निसाक्षिकं सख्यं राघवः सहलक्ष्मणः ॥ 58.140 ॥

vālinā hṛtarājyena sugrīveṇa saha prabhuḥ| cakre'gnisākṣikaṃ sakhyaṃ rāghavaḥ sahalakṣmaṇaḥ || 58.140 ||

"— और लक्ष्मण सहित राघव प्रभु ने, वालि द्वारा राज्य से वंचित सुग्रीव के साथ अग्नि को साक्षी मानकर मित्रता की।

श्लोक 141 (sundara.58.141)

तेन वालिनमाहत्य शरेणैकेन संयुगे। वानराणां महाराजः कृतः सम्प्लवतां प्रभुः ॥ 58.141 ॥

tena vālinamāhatya śareṇaikena saṃyuge| vānarāṇāṃ mahārājaḥ kṛtaḥ samplavatāṃ prabhuḥ || 58.141 ||

"उन्होंने एक ही बाण से युद्ध में वालि का वध किया, और सुग्रीव को वानरों का महाराज, वानरजाति का स्वामी बना दिया।

श्लोक 142 (sundara.58.142)

तस्य साहाय्यमस्माभिः कार्यं सर्वात्मना त्विह। तेन प्रस्थापितस्तुभ्यं समीपमिह धर्मतः ॥ 58.142 ॥

tasya sāhāyyamasmābhiḥ kāryaṃ sarvātmanā tviha| tena prasthāpitastubhyaṃ samīpamiha dharmataḥ || 58.142 ||

"उनकी सहायता हमें यहाँ अपने संपूर्ण सामर्थ्य से करनी है। उन्हीं के द्वारा मैं धर्मपूर्वक तुम्हारे पास यहाँ भेजा गया हूँ —

श्लोक 143 (sundara.58.143)

क्षिप्रमानीयतां सीता दीयतां राघवस्य च। यावन्न हरयो वीरा विधमन्ति बलं तव ॥ 58.143 ॥

kṣipramānīyatāṃ sītā dīyatāṃ rāghavasya ca| yāvanna harayo vīrā vidhamanti balaṃ tava || 58.143 ||

"'शीघ्र सीता को लाकर राघव को सौंप दो, इससे पहले कि वीर वानर तुम्हारे समस्त बल को नष्ट कर दें।'

श्लोक 144 (sundara.58.144)

वानराणां प्रभावोऽयं न केन विदितः पुरा। देवतानां सकाशं च ये गच्छन्ति निमन्त्रिताः ॥ 58.144 ॥

vānarāṇāṃ prabhāvo'yaṃ na kena viditaḥ purā| devatānāṃ sakāśaṃ ca ye gacchanti nimantritāḥ || 58.144 ||

"'वानरों का यह प्रभाव किसे पहले से ज्ञात नहीं है — जो देवताओं के पास भी निमंत्रित होकर जाते हैं?'"

श्लोक 145 (sundara.58.145)

इति वानरराजस्त्वामाहेत्यभिहितो मया। मामैक्षत ततो रुष्टश्चक्षुषा प्रदहन्निव ॥ 58.145 ॥

iti vānararājastvāmāhetyabhihito mayā| māmaikṣata tato ruṣṭaścakṣuṣā pradahanniva || 58.145 ||

"इस प्रकार वानरराज तुमसे कहते हैं" — यह कहने पर, तब उसने क्रुद्ध होकर मुझे मानो अपनी दृष्टि से जलाते हुए देखा।

श्लोक 146 (sundara.58.146)

तेन वध्योऽहमाज्ञप्तो रक्षसा रौद्रकर्मणा। मत्प्रभावमविज्ञाय रावणेन दुरात्मना ॥ 58.146 ॥

tena vadhyo'hamājñapto rakṣasā raudrakarmaṇā| matprabhāvamavijñāya rāvaṇena durātmanā || 58.146 ||

उस भयंकर कर्म करने वाले राक्षस ने मेरे वध की आज्ञा दे दी — उस दुरात्मा रावण ने मेरे प्रभाव को न जानते हुए।

श्लोक 147 (sundara.58.147)

ततो विभीषणो नाम तस्य भ्राता महामतिः। तेन राक्षसराजश्च याचितो मम कारणात् ॥ 58.147 ॥

tato vibhīṣaṇo nāma tasya bhrātā mahāmatiḥ| tena rākṣasarājaśca yācito mama kāraṇāt || 58.147 ||

तब उसके भाई, महामति विभीषण ने, मेरे निमित्त उस राक्षसराज से प्रार्थना की —

श्लोक 148 (sundara.58.148)

नैवं राक्षसशार्दूल त्यज्यतामेष निश्चयः। राजशास्त्रव्यपेतो हि मार्गः संलक्ष्यते त्वया ॥ 58.148 ॥

naivaṃ rākṣasaśārdūla tyajyatāmeṣa niścayaḥ| rājaśāstravyapeto hi mārgaḥ saṃlakṣyate tvayā || 58.148 ||

"हे राक्षसशार्दूल! ऐसा नहीं होना चाहिए; इस निश्चय को त्याग दो। तुम जो मार्ग अपना रहे हो, वह राजशास्त्र से हटा हुआ प्रतीत होता है।

श्लोक 149 (sundara.58.149)

दूतवध्या न दृष्टा हि राजशास्त्रेषु राक्षस। दूतेन वेदितव्यं च यथाभिहितवादिना ॥ 58.149 ॥

dūtavadhyā na dṛṣṭā hi rājaśāstreṣu rākṣasa| dūtena veditavyaṃ ca yathābhihitavādinā || 58.149 ||

"हे राक्षस! राजशास्त्रों में दूत-वध कहीं नहीं देखा गया है; और जैसा कहा गया हो वैसा ही कहने वाले दूत से तो केवल यह जानना चाहिए —

श्लोक 150 (sundara.58.150)

सुमहत्यपराधेऽपि दूतस्यातुलविक्रम। विरूपकरणं दृष्टं न वधोऽस्ति हि शास्त्रतः ॥ 58.150 ॥

sumahatyaparādhe'pi dūtasyātulavikrama| virūpakaraṇaṃ dṛṣṭaṃ na vadho'sti hi śāstrataḥ || 58.150 ||

"— हे अतुल पराक्रमी! अत्यंत बड़े अपराध पर भी दूत के लिए केवल विरूपण का विधान है, शास्त्रानुसार वध का नहीं।'

श्लोक 151 (sundara.58.151)

विभीषणेनैवमुक्तो रावणः संदिदेश तान्। राक्षसानेतदेवाद्य लाङ्गूलं दह्यतामिति ॥ 58.151 ॥

vibhīṣaṇenaivamukto rāvaṇaḥ saṃdideśa tān| rākṣasānetadevādya lāṅgūlaṃ dahyatāmiti || 58.151 ||

विभीषण द्वारा इस प्रकार कहे जाने पर, रावण ने उन राक्षसों को आज्ञा दी — "इसकी पूँछ को ही आज जला दिया जाए।"

श्लोक 152 (sundara.58.152)

ततस्तस्य वचः श्रुत्वा मम पुच्छं समन्ततः। वेष्टितं शणवल्कैश्च पट्टैः कार्पासकैस्तथा ॥ 58.152 ॥

tatastasya vacaḥ śrutvā mama pucchaṃ samantataḥ| veṣṭitaṃ śaṇavalkaiśca paṭṭaiḥ kārpāsakaistathā || 58.152 ||

तब उसके वचन सुनकर, उन्होंने मेरी पूँछ को सब ओर से सन के रेशों, पट्टियों और रुई से लपेट दिया।

श्लोक 153 (sundara.58.153)

राक्षसाः सिद्धसंनाहास्ततस्ते चण्डविक्रमाः। तदादीप्यन्त मे पुच्छं हनन्तः काष्ठमुष्टिभिः ॥ 58.153 ॥

rākṣasāḥ siddhasaṃnāhāstataste caṇḍavikramāḥ| tadādīpyanta me pucchaṃ hanantaḥ kāṣṭhamuṣṭibhiḥ || 58.153 ||

तब वे उग्र पराक्रमी राक्षस सन्नद्ध होकर, लाठियों और मुक्कों से मुझे मारते हुए मेरी पूँछ में आग लगा दी।

श्लोक 154 (sundara.58.154)

बद्धस्य बहुभिः पाशैर्यन्त्रितस्य च राक्षसैः। न मे पीडाभवत् काचिद् दिदृक्षोर्नगरीं दिवा ॥ 58.154 ॥

baddhasya bahubhiḥ pāśairyantritasya ca rākṣasaiḥ| na me pīḍābhavat kācid didṛkṣornagarīṃ divā || 58.154 ||

अनेक रस्सियों से बँधे और राक्षसों द्वारा जकड़े जाने पर भी मुझे कोई पीड़ा न हुई, क्योंकि मैं दिन के उजाले में नगरी देखने का इच्छुक था।

श्लोक 155 (sundara.58.155)

ततस्ते राक्षसाः शूरा बद्धं मामग्निसंवृतम्। अघोषयन् राजमार्गे नगरद्वारमागताः ॥ 58.155 ॥

tataste rākṣasāḥ śūrā baddhaṃ māmagnisaṃvṛtam| aghoṣayan rājamārge nagaradvāramāgatāḥ || 58.155 ||

तब वे शूरवीर राक्षस, नगर-द्वार पर पहुँचकर, बंधे हुए और अग्नि से घिरे हुए मुझे राजमार्ग पर घोषित करने लगे।

श्लोक 156 (sundara.58.156)

ततोऽहं सुमहद्रूपं संक्षिप्य पुनरात्मनः। विमोचयित्वा तं बन्धं प्रकृतिस्थः स्थितः पुनः ॥ 58.156 ॥

tato'haṃ sumahadrūpaṃ saṃkṣipya punarātmanaḥ| vimocayitvā taṃ bandhaṃ prakṛtisthaḥ sthitaḥ punaḥ || 58.156 ||

तब मैंने अपने विशाल रूप को पुनः संकुचित कर, उन बंधनों से मुक्त होकर, अपने स्वाभाविक रूप में पुनः खड़ा हो गया।

श्लोक 157 (sundara.58.157)

आयसं परिघं गृह्य तानि रक्षांस्यसूदयम्। ततस्तन्नगरद्वारं वेगेन प्लुतवानहम् ॥ 58.157 ॥

āyasaṃ parighaṃ gṛhya tāni rakṣāṃsyasūdayam| tatastannagaradvāraṃ vegena plutavānaham || 58.157 ||

एक लौह-दंड लेकर मैंने उन राक्षसों का वध किया; फिर तेजी से उछलकर मैं उस नगर-द्वार पर जा पहुँचा।

श्लोक 158 (sundara.58.158)

पुच्छेन च प्रदीप्तेन तां पुरीं साट्टगोपुराम्। दहाम्यहमसम्भ्रान्तो युगान्ताग्निरिव प्रजाः ॥ 58.158 ॥

pucchena ca pradīptena tāṃ purīṃ sāṭṭagopurām| dahāmyahamasambhrānto yugāntāgniriva prajāḥ || 58.158 ||

और अपनी जलती हुई पूँछ से मैंने उस अट्टालिकाओं और द्वार-गोपुरों सहित नगरी को जला डाला, अविचलित होकर, मानो प्रलयकाल की अग्नि प्राणियों को जला रही हो।

श्लोक 159 (sundara.58.159)

विनष्टा जानकी व्यक्तं न ह्यदग्धः प्रदृश्यते। लङ्कायाः कश्चिदुद्देशः सर्वा भस्मीकृता पुरी ॥ 58.159 ॥

vinaṣṭā jānakī vyaktaṃ na hyadagdhaḥ pradṛśyate| laṅkāyāḥ kaściduddeśaḥ sarvā bhasmīkṛtā purī || 58.159 ||

"निश्चय ही जानकी नष्ट हो गई होंगी — क्योंकि लंका का कोई भी स्थान बिना जले दिखाई नहीं देता; समूची नगरी भस्म हो गई है" —

श्लोक 160 (sundara.58.160)

दहता च मया लङ्कां दग्धा सीता न संशयः। रामस्य च महत्कार्यं मयेदं विफलीकृतम् ॥ 58.160 ॥

dahatā ca mayā laṅkāṃ dagdhā sītā na saṃśayaḥ| rāmasya ca mahatkāryaṃ mayedaṃ viphalīkṛtam || 58.160 ||

— ऐसा सोचते हुए लंका को जलाते समय मुझे भय हुआ कि "सीता भी निःसंदेह जल गई होंगी, और मैंने राम के इस महान कार्य को विफल कर दिया है।"

श्लोक 161 (sundara.58.161)

इति शोकसमाविष्टश्चिन्तामहमुपागतः। ततोऽहं वाचमश्रौषं चारणानां शुभाक्षराम् ॥ 58.161 ॥

iti śokasamāviṣṭaścintāmahamupāgataḥ| tato'haṃ vācamaśrauṣaṃ cāraṇānāṃ śubhākṣarām || 58.161 ||

इस प्रकार शोक से व्याकुल होकर मैं चिंता में डूब गया। तभी मैंने चारणों की मंगलमय वाणी सुनी,

श्लोक 162 (sundara.58.162)

जानकी न च दग्धेति विस्मयोदन्तभाषिणाम्। ततो मे बुद्धिरुत्पन्ना श्रुत्वा तामद्भुतां गिरम् ॥ 58.162 ॥

jānakī na ca dagdheti vismayodantabhāṣiṇām| tato me buddhirutpannā śrutvā tāmadbhutāṃ giram || 58.162 ||

— जो इस आश्चर्यजनक समाचार को कह रही थी कि "जानकी नहीं जली हैं।" उस अद्भुत वाणी को सुनकर तब मुझे यह विचार उत्पन्न हुआ —

श्लोक 163 (sundara.58.163)

अदग्धा जानकीत्येव निमित्तैश्चोपलक्षितम्। दीप्यमाने तु लाङ्गूले न मां दहति पावकः ॥ 58.163 ॥

adagdhā jānakītyeva nimittaiścopalakṣitam| dīpyamāne tu lāṅgūle na māṃ dahati pāvakaḥ || 58.163 ||

"जानकी अवश्य ही नहीं जली हैं" — यह शकुनों से भी सिद्ध हुआ: क्योंकि पूँछ के जलते रहते भी अग्नि ने मुझे नहीं जलाया,

श्लोक 164 (sundara.58.164)

हृदयं च प्रहृष्टं मे वाताः सुरभिगन्धिनः। तैर्निमित्तैश्च दृष्टार्थैः कारणैश्च महागुणैः ॥ 58.164 ॥

hṛdayaṃ ca prahṛṣṭaṃ me vātāḥ surabhigandhinaḥ| tairnimittaiśca dṛṣṭārthaiḥ kāraṇaiśca mahāguṇaiḥ || 58.164 ||

— मेरा हृदय प्रसन्न था, और वायु सुगंधित बह रही थी। इन शकुनों से, जिनका अर्थ स्पष्ट था, और इन महान गुण वाले कारणों से,

श्लोक 165 (sundara.58.165)

ऋषिवाक्यैश्च दृष्टार्थैरभवं हृष्टमानसः। पुनर्दृष्टा च वैदेही विसृष्टश्च तया पुनः ॥ 58.165 ॥

ṛṣivākyaiśca dṛṣṭārthairabhavaṃ hṛṣṭamānasaḥ| punardṛṣṭā ca vaidehī visṛṣṭaśca tayā punaḥ || 58.165 ||

— तथा स्पष्ट अर्थ वाले ऋषियों के वचनों से, मेरा मन प्रसन्न हो गया। मैंने वैदेही को पुनः देखा, और उन्होंने मुझे पुनः विदा किया,

श्लोक 166 (sundara.58.166)

ततः पर्वतमासाद्य तत्रारिष्टमहं पुनः। प्रतिप्लवनमारेभे युष्मद्दर्शनकाङ्क्षया ॥ 58.166 ॥

tataḥ parvatamāsādya tatrāriṣṭamahaṃ punaḥ| pratiplavanamārebhe yuṣmaddarśanakāṅkṣayā || 58.166 ||

— और फिर उस अरिष्ट पर्वत पर पुनः पहुँचकर, मैंने तुम सबको देखने की उत्कंठा से लौटने की छलांग आरंभ की।

श्लोक 167 (sundara.58.167)

ततः श्वसनचन्द्रार्कसिद्धगन्धर्वसेवितम्। पन्थानमहमाक्रम्य भवतो दृष्टवानिह ॥ 58.167 ॥

tataḥ śvasanacandrārkasiddhagandharvasevitam| panthānamahamākramya bhavato dṛṣṭavāniha || 58.167 ||

फिर वायु, चंद्रमा, सूर्य, सिद्धों और गंधर्वों द्वारा सेवित उस मार्ग को तय कर, अब मैंने यहाँ तुम सबको देखा है।

श्लोक 168 (sundara.58.168)

राघवस्य प्रसादेन भवतां चैव तेजसा। सुग्रीवस्य च कार्यार्थं मया सर्वमनुष्ठितम् ॥ 58.168 ॥

rāghavasya prasādena bhavatāṃ caiva tejasā| sugrīvasya ca kāryārthaṃ mayā sarvamanuṣṭhitam || 58.168 ||

राघव की कृपा से और तुम्हारे ही तेज से, सुग्रीव के कार्य की सिद्धि के लिए मैंने यह सब कुछ संपन्न किया है।

श्लोक 169 (sundara.58.169)

एतत् सर्वं मया तत्र यथावदुपपादितम्। तत्र यन्न कृतं शेषं तत् सर्वं क्रियतामिति ॥ 58.169 ॥

etat sarvaṃ mayā tatra yathāvadupapāditam| tatra yanna kṛtaṃ śeṣaṃ tat sarvaṃ kriyatāmiti || 58.169 ||

यह सब कुछ मैंने वहाँ यथोचित रूप से संपन्न किया है। अब जो शेष कार्य बचा हो, वह सब किया जाए।