मणि देखकर राम का विलाप

श्लोक 1 (sundara.66.1)

एवमुक्तो हनुमता रामो दशरथात्मजः। तं मणिं हृदये कृत्वा रुरोद सहलक्ष्मणः ॥ 66.1 ॥

evamukto hanumatā rāmo daśarathātmajaḥ| taṃ maṇiṃ hṛdaye kṛtvā ruroda sahalakṣmaṇaḥ || 66.1 ||

हनुमान के इस प्रकार कहने पर दशरथनन्दन राम ने उस मणि को हृदय से लगाकर लक्ष्मण सहित रुदन किया।

श्लोक 2 (sundara.66.2)

तं तु दृष्ट्वा मणिश्रेष्ठं राघवः शोककर्शितः। नेत्राभ्यामश्रुपूर्णाभ्यां सुग्रीवमिदमब्रवीत् ॥ 66.2 ॥

taṃ tu dṛṣṭvā maṇiśreṣṭhaṃ rāghavaḥ śokakarśitaḥ| netrābhyāmaśrupūrṇābhyāṃ sugrīvamidamabravīt || 66.2 ||

उस श्रेष्ठ मणि को देखकर शोक से क्षीण हुए राघव ने आँसुओं से भरे नेत्रों के साथ सुग्रीव से यह कहा।

श्लोक 3 (sundara.66.3)

यथैव धेनुः स्रवति स्नेहाद् वत्सस्य वत्सला। तथा ममापि हृदयं मणिश्रेष्ठस्य दर्शनात् ॥ 66.3 ॥

yathaiva dhenuḥ sravati snehād vatsasya vatsalā| tathā mamāpi hṛdayaṃ maṇiśreṣṭhasya darśanāt || 66.3 ||

"जैसे बछड़े को देखकर स्नेहवश वत्सला गाय का थन दूध से भर आता है, वैसे ही इस श्रेष्ठ मणि को देखकर मेरा हृदय भी पिघल उठता है।"

श्लोक 4 (sundara.66.4)

मणिरत्नमिदं दत्तं वैदेह्याः श्वशुरेण मे। वधूकाले यथा बद्धमधिकं मूर्ध्नि शोभते ॥ 66.4 ॥

maṇiratnamidaṃ dattaṃ vaidehyāḥ śvaśureṇa me| vadhūkāle yathā baddhamadhikaṃ mūrdhni śobhate || 66.4 ||

"यह रत्नमणि मेरे श्वशुर ने वैदेही को दिया था; वधू बनने के समय यह उनके मस्तक पर बाँधा गया था और वहाँ अत्यन्त शोभा पाता था।"

श्लोक 5 (sundara.66.5)

अयं हि जलसम्भूतो मणिः प्रवरपूजितः। यज्ञे परमतुष्टेन दत्तः शक्रेण धीमता ॥ 66.5 ॥

ayaṃ hi jalasambhūto maṇiḥ pravarapūjitaḥ| yajñe paramatuṣṭena dattaḥ śakreṇa dhīmatā || 66.5 ||

"यह मणि जल से उत्पन्न हुई है और अत्यन्त पूजित है; अत्यन्त प्रसन्न हुए बुद्धिमान इन्द्र ने इसे यज्ञ में दिया था।"

श्लोक 6 (sundara.66.6)

इमं दृष्ट्वा मणिश्रेष्ठं तथा तातस्य दर्शनम्। अद्यास्म्यवगतः सौम्य वैदेहस्य तथा विभोः ॥ 66.6 ॥

imaṃ dṛṣṭvā maṇiśreṣṭhaṃ tathā tātasya darśanam| adyāsmyavagataḥ saumya vaidehasya tathā vibhoḥ || 66.6 ||

"हे सौम्य! इस श्रेष्ठ मणि को देखकर आज मुझे मानो अपने पिता का, और उसी प्रकार विदेह के स्वामी जनक का भी, दर्शन प्राप्त हो गया है।"

श्लोक 7 (sundara.66.7)

अयं हि शोभते तस्याः प्रियाया मूर्ध्नि मे मणिः। अद्यास्य दर्शनेनाहं प्राप्तां तामिव चिन्तये ॥ 66.7 ॥

ayaṃ hi śobhate tasyāḥ priyāyā mūrdhni me maṇiḥ| adyāsya darśanenāhaṃ prāptāṃ tāmiva cintaye || 66.7 ||

"यह मणि मेरी प्रिया के मस्तक पर सुशोभित होती थी; आज इसे देखकर मुझे लगता है मानो उसे ही पा लिया हो।"

श्लोक 8 (sundara.66.8)

किमाह सीता वैदेही ब्रूहि सौम्य पुनः पुनः। परासुमिव तोयेन सिञ्चन्ती वाक्यवारिणा ॥ 66.8 ॥

kimāha sītā vaidehī brūhi saumya punaḥ punaḥ| parāsumiva toyena siñcantī vākyavāriṇā || 66.8 ||

"हे सौम्य! विदेहनन्दिनी सीता ने क्या कहा, वह बार-बार कहो; मानो प्राणहीन को जल से सींचकर जिलाने के समान अपने वचन-रूपी जल से मुझे सींचो।"

श्लोक 9 (sundara.66.9)

इतस्तु किं दुःखतरं यदिमं वारिसम्भवम्। मणिं पश्यामि सौमित्रे वैदेहीमागतां विना ॥ 66.9 ॥

itastu kiṃ duḥkhataraṃ yadimaṃ vārisambhavam| maṇiṃ paśyāmi saumitre vaidehīmāgatāṃ vinā || 66.9 ||

"हे सौमित्रे! इससे बढ़कर दुःख की बात और क्या होगी कि मैं जल से उत्पन्न इस मणि को तो देख रहा हूँ, पर वैदेही स्वयं नहीं आई?"

श्लोक 10 (sundara.66.10)

चिरं जीवति वैदेही यदि मासं धरिष्यति। क्षणं वीर न जीवेयं विना तामसितेक्षणाम् ॥ 66.10 ॥

ciraṃ jīvati vaidehī yadi māsaṃ dhariṣyati| kṣaṇaṃ vīra na jīveyaṃ vinā tāmasitekṣaṇām || 66.10 ||

"हे वीर! यदि वैदेही एक महीना भी जीवित रह सकीं, तो यही उनका दीर्घजीवन मानूँगा; परन्तु मैं उस कजरारे नेत्रोंवाली के बिना क्षणभर भी नहीं जी सकता।"

श्लोक 11 (sundara.66.11)

नय मामपि तं देशं यत्र दृष्टा मम प्रिया। न तिष्ठेयं क्षणमपि प्रवृत्तिमुपलभ्य च ॥ 66.11 ॥

naya māmapi taṃ deśaṃ yatra dṛṣṭā mama priyā| na tiṣṭheyaṃ kṣaṇamapi pravṛttimupalabhya ca || 66.11 ||

"मुझे भी उस स्थान पर ले चलो जहाँ मेरी प्रिया देखी गई है; उनका समाचार पाकर अब मैं क्षणभर भी नहीं रुक सकता।"

श्लोक 12 (sundara.66.12)

कथं सा मम सुश्रोणी भीरुभीरुः सती तदा। भयावहानां घोराणां मध्ये तिष्ठति रक्षसाम् ॥ 66.12 ॥

kathaṃ sā mama suśroṇī bhīrubhīruḥ satī tadā| bhayāvahānāṃ ghorāṇāṃ madhye tiṣṭhati rakṣasām || 66.12 ||

"मेरी वह सुन्दरी, सती पत्नी, जो स्वभाव से अत्यन्त भीरु है, उन भयंकर और घोर राक्षसों के बीच किस प्रकार रहती होगी?"

श्लोक 13 (sundara.66.13)

शारदस्तिमिरोन्मुक्तो नूनं चन्द्र इवाम्बुदैः। आवृतो वदनं तस्या न विराजति साम्प्रतम् ॥ 66.13 ॥

śāradastimironmukto nūnaṃ candra ivāmbudaiḥ| āvṛto vadanaṃ tasyā na virājati sāmpratam || 66.13 ||

"निश्चय ही, अन्धकार से मुक्त शरद्-चन्द्रमा के समान उसका मुख, बादलों से ढका हुआ-सा, इस समय शोभा नहीं पा रहा होगा।"

श्लोक 14 (sundara.66.14)

किमाह सीता हनुमंस्तत्त्वतः कथयस्व मे। एतेन खलु जीविष्ये भेषजेनातुरो यथा ॥ 66.14 ॥

kimāha sītā hanumaṃstattvataḥ kathayasva me| etena khalu jīviṣye bheṣajenāturo yathā || 66.14 ||

"हे हनुमान! सीता ने वास्तव में क्या कहा, यह मुझे बताओ; जैसे रोगी औषधि से जीवित हो उठता है, वैसे ही मैं इसे सुनकर जी उठूँगा।"

श्लोक 15 (sundara.66.15)

मधुरा मधुरालापा किमाह मम भामिनी। मद्विहीना वरारोहा हनुमन् कथयस्व मे ॥ 66.15 ॥

madhurā madhurālāpā kimāha mama bhāminī| madvihīnā varārohā hanuman kathayasva me || 66.15 ||

"हे हनुमान! मेरी मधुर स्वभाव वाली, मधुर बोलने वाली, सुन्दरांगी प्रिया ने, मुझसे बिछुड़कर, क्या कहा — यह मुझे बताओ।"