हनुमान द्वारा सीता-सन्देश निवेदन

श्लोक 1 (sundara.65.1)

ततः प्रस्रवणं शैलं ते गत्वा चित्रकाननम्। प्रणम्य शिरसा रामं लक्ष्मणं च महाबलम् ॥ 65.1 ॥

tataḥ prasravaṇaṃ śailaṃ te gatvā citrakānanam| praṇamya śirasā rāmaṃ lakṣmaṇaṃ ca mahābalam || 65.1 ||

तब वे विचित्र वनों वाले प्रस्रवण पर्वत पर जाकर, राम तथा महाबली लक्ष्मण को सिर से प्रणाम करके,

श्लोक 2 (sundara.65.2)

युवराजं पुरस्कृत्य सुग्रीवमभिवाद्य च। प्रवृत्तिमथ सीतायाः प्रवक्तुमुपचक्रमुः ॥ 65.2 ॥

yuvarājaṃ puraskṛtya sugrīvamabhivādya ca| pravṛttimatha sītāyāḥ pravaktumupacakramuḥ || 65.2 ||

युवराज अंगद को आगे करके तथा सुग्रीव का अभिवादन करके, वे सीता का समाचार कहना आरम्भ करने लगे।

श्लोक 3 (sundara.65.3)

रावणान्तःपुरे रोधं राक्षसीभिश्च तर्जनम्। रामे समनुरागं च यथा च नियमः कृतः ॥ 65.3 ॥

rāvaṇāntaḥpure rodhaṃ rākṣasībhiśca tarjanam| rāme samanurāgaṃ ca yathā ca niyamaḥ kṛtaḥ || 65.3 ||

रावण के अन्तःपुर में उसका बन्दी बनाया जाना, राक्षसियों द्वारा दी गई धमकी, राम के प्रति उसका अनुराग, तथा जो अवधि निश्चित की गई थी --

श्लोक 4 (sundara.65.4)

एतदाख्याय ते सर्वं हरयो रामसंनिधौ। वैदेहीमक्षतां श्रुत्वा रामस्तूत्तरमब्रवीत् ॥ 65.4 ॥

etadākhyāya te sarvaṃ harayo rāmasaṃnidhau| vaidehīmakṣatāṃ śrutvā rāmastūttaramabravīt || 65.4 ||

यह सब उन्होंने राम के समक्ष कह सुनाया। वैदेही को सुरक्षित सुनकर राम ने यह उत्तर दिया --

श्लोक 5 (sundara.65.5)

क्व सीता वर्तते देवी कथं च मयि वर्तते। एतन्मे सर्वमाख्यात वैदेहीं प्रति वानराः ॥ 65.5 ॥

kva sītā vartate devī kathaṃ ca mayi vartate| etanme sarvamākhyāta vaidehīṃ prati vānarāḥ || 65.5 ||

"सीता देवी कहाँ हैं? वह मेरे प्रति कैसी है? हे वानरो! यह सब मुझे वैदेही के विषय में बताओ।"

श्लोक 6 (sundara.65.6)

रामस्य गदितं श्रुत्वा हरयो रामसंनिधौ। चोदयन्ति हनूमन्तं सीतावृत्तान्तकोविदम् ॥ 65.6 ॥

rāmasya gaditaṃ śrutvā harayo rāmasaṃnidhau| codayanti hanūmantaṃ sītāvṛttāntakovidam || 65.6 ||

राम के इस कथन को सुनकर, राम के समक्ष वे वानर सीता के वृत्तान्त में निपुण हनुमान को प्रेरित करने लगे।

श्लोक 7 (sundara.65.7)

श्रुत्वा तु वचनं तेषां हनूमान् मारुतात्मजः। प्रणम्य शिरसा देव्यै सीतायै तां दिशं प्रति ॥ 65.7 ॥

śrutvā tu vacanaṃ teṣāṃ hanūmān mārutātmajaḥ| praṇamya śirasā devyai sītāyai tāṃ diśaṃ prati || 65.7 ||

उनके वचन को सुनकर वायुपुत्र हनुमान ने सिर झुकाकर सीता देवी की उस दिशा को प्रणाम किया,

श्लोक 8 (sundara.65.8)

उवाच वाक्यं वाक्यज्ञः सीताया दर्शनं यथा। तं मणिं काञ्चनं दिव्यं दीप्यमानं स्वतेजसा ॥ 65.8 ॥

uvāca vākyaṃ vākyajñaḥ sītāyā darśanaṃ yathā| taṃ maṇiṃ kāñcanaṃ divyaṃ dīpyamānaṃ svatejasā || 65.8 ||

और वाक्यों के मर्मज्ञ हनुमान ने सीता के दर्शन का वृत्तान्त कहना आरम्भ किया -- उस दिव्य, स्वर्णिम, अपने ही तेज से चमकते हुए मणि को,

श्लोक 9 (sundara.65.9)

दत्त्वा रामाय हनुमांस्ततः प्राञ्जलिरब्रवीत्। समुद्रं लङ्घयित्वाहं शतयोजनमायतम् ॥ 65.9 ॥

dattvā rāmāya hanumāṃstataḥ prāñjalirabravīt| samudraṃ laṅghayitvāhaṃ śatayojanamāyatam || 65.9 ||

राम को देकर हनुमान ने हाथ जोड़कर कहा -- "मैंने सौ योजन विस्तृत समुद्र को लाँघकर"

श्लोक 10 (sundara.65.10)

अगच्छं जानकीं सीतां मार्गमाणो दिदृक्षया। तत्र लङ्केति नगरी रावणस्य दुरात्मनः ॥ 65.10 ॥

agacchaṃ jānakīṃ sītāṃ mārgamāṇo didṛkṣayā| tatra laṅketi nagarī rāvaṇasya durātmanaḥ || 65.10 ||

"जानकी सीता को देखने की इच्छा से उन्हें खोजते हुए मैं गया। वहाँ दुरात्मा रावण की लंका नामक नगरी है,"

श्लोक 11 (sundara.65.11)

दक्षिणस्य समुद्रस्य तीरे वसति दक्षिणे। तत्र सीता मया दृष्टा रावणान्तःपुरे सती ॥ 65.11 ॥

dakṣiṇasya samudrasya tīre vasati dakṣiṇe| tatra sītā mayā dṛṣṭā rāvaṇāntaḥpure satī || 65.11 ||

"जो दक्षिण समुद्र के दक्षिणी तट पर बसी हुई है। वहाँ रावण के अन्तःपुर में मैंने सती सीता को देखा,"

श्लोक 12 (sundara.65.12)

त्वयि संन्यस्य जीवन्ती रामा राम मनोरथम्। दृष्टा मे राक्षसीमध्ये तर्ज्यमाना मुहुर्मुहुः ॥ 65.12 ॥

tvayi saṃnyasya jīvantī rāmā rāma manoratham| dṛṣṭā me rākṣasīmadhye tarjyamānā muhurmuhuḥ || 65.12 ||

"जो आपके ही मनोरथ में जीवित रहकर आपको समर्पित हैं। मैंने उन्हें राक्षसियों के बीच बार-बार धमकाई जाती हुई देखा,"

श्लोक 13 (sundara.65.13)

राक्षसीभिर्विरूपाभी रक्षिता प्रमदावने। दुःखमापद्यते देवी त्वया वीर सुखोचिता ॥ 65.13 ॥

rākṣasībhirvirūpābhī rakṣitā pramadāvane| duḥkhamāpadyate devī tvayā vīra sukhocitā || 65.13 ||

"विकृत रूप वाली राक्षसियों द्वारा उस प्रमदावन में रखी हुई। हे वीर, वह देवी जो सुख की अधिकारिणी है, दुःख भोग रही है।"

श्लोक 14 (sundara.65.14)

रावणान्तःपुरे रुद्धा राक्षसीभिः सुरक्षिता। एकवेणीधरा दीना त्वयि चिन्तापरायणा ॥ 65.14 ॥

rāvaṇāntaḥpure ruddhā rākṣasībhiḥ surakṣitā| ekaveṇīdharā dīnā tvayi cintāparāyaṇā || 65.14 ||

"रावण के अन्तःपुर में बन्दी बनाई गई, राक्षसियों द्वारा कड़ी निगरानी में रखी गई, एक ही वेणी धारण किए दीन तथा सदा आपकी ही चिन्ता में लीन,"

श्लोक 15 (sundara.65.15)

अधःशय्या विवर्णाङ्गी पद्मिनीव हिमागमे। रावणाद् विनिवृत्तार्था मर्तव्यकृतनिश्चया ॥ 65.15 ॥

adhaḥśayyā vivarṇāṅgī padminīva himāgame| rāvaṇād vinivṛttārthā martavyakṛtaniścayā || 65.15 ||

"भूमि पर शय्या लगाए, हेमन्त की कमलिनी के समान विवर्ण अंगों वाली, रावण से विमुख, मृत्यु का निश्चय किए हुए,"

श्लोक 16 (sundara.65.16)

देवी कथंचित् काकुत्स्थ त्वन्मना मार्गिता मया। इक्ष्वाकुवंशविख्यातिं शनैः कीर्तयतानघ ॥ 65.16 ॥

devī kathaṃcit kākutstha tvanmanā mārgitā mayā| ikṣvākuvaṃśavikhyātiṃ śanaiḥ kīrtayatānagha || 65.16 ||

"हे काकुत्स्थ! उस देवी को मैंने किसी प्रकार आपके प्रति समर्पित मन वाली पाया। हे निष्पाप! मैंने धीरे-धीरे इक्ष्वाकु वंश की कीर्ति सुनाई,"

श्लोक 17 (sundara.65.17)

सा मया नरशार्दूल शनैर्विश्वासिता तदा। ततः सम्भाषिता देवी सर्वमर्थं च दर्शिता ॥ 65.17 ॥

sā mayā naraśārdūla śanairviśvāsitā tadā| tataḥ sambhāṣitā devī sarvamarthaṃ ca darśitā || 65.17 ||

"हे पुरुषश्रेष्ठ! और मैंने धीरे-धीरे उनका विश्वास प्राप्त किया। तब उस देवी से बातचीत की और सारा वृत्तान्त उन्हें बताया।"

श्लोक 18 (sundara.65.18)

रामसुग्रीवसख्यं च श्रुत्वा हर्षमुपागता। नियतः समुदाचारो भक्तिश्चास्याः सदा त्वयि ॥ 65.18 ॥

rāmasugrīvasakhyaṃ ca śrutvā harṣamupāgatā| niyataḥ samudācāro bhaktiścāsyāḥ sadā tvayi || 65.18 ||

"राम-सुग्रीव की मैत्री का समाचार सुनकर वह हर्षित हुईं। उनका आचरण सदा नियमबद्ध है, और आपके प्रति उनकी भक्ति सदा अटल है।"

श्लोक 19 (sundara.65.19)

एवं मया महाभाग दृष्टा जनकनन्दिनी। उग्रेण तपसा युक्ता त्वद्भक्त्या पुरुषर्षभ ॥ 65.19 ॥

evaṃ mayā mahābhāga dṛṣṭā janakanandinī| ugreṇa tapasā yuktā tvadbhaktyā puruṣarṣabha || 65.19 ||

"हे महाभाग पुरुषश्रेष्ठ! इस प्रकार मैंने उग्र तप में लीन तथा आपकी भक्ति से युक्त जनकनन्दिनी को देखा।"

श्लोक 20 (sundara.65.20)

अभिज्ञानं च मे दत्तं यथावृत्तं तवान्तिके। चित्रकूटे महाप्राज्ञ वायसं प्रति राघव ॥ 65.20 ॥

abhijñānaṃ ca me dattaṃ yathāvṛttaṃ tavāntike| citrakūṭe mahāprājña vāyasaṃ prati rāghava || 65.20 ||

"हे महाप्राज्ञ राघव! उन्होंने मुझे पहचान-चिह्न के रूप में चित्रकूट में आपके निकट घटी हुई कौवे की घटना सुनाई,"

श्लोक 21 (sundara.65.21)

विज्ञाप्यः पुनरप्येष रामो वायुसुत त्वया। अखिलेन यथा दृष्टमिति मामाह जानकी ॥ 65.21 ॥

vijñāpyaḥ punarapyeṣa rāmo vāyusuta tvayā| akhilena yathā dṛṣṭamiti māmāha jānakī || 65.21 ||

"और सीता ने मुझसे कहा कि हे वायुसुत, तुम राम को यह भी सूचित करना कि जो कुछ मैंने यहाँ देखा है, वह सब यथावत कह देना।"

श्लोक 22 (sundara.65.22)

अयं चास्मै प्रदातव्यो यत्नात् सुपरिरक्षितः। ब्रुवता वचनान्येवं सुग्रीवस्योपशृण्वतः ॥ 65.22 ॥

ayaṃ cāsmai pradātavyo yatnāt suparirakṣitaḥ| bruvatā vacanānyevaṃ sugrīvasyopaśṛṇvataḥ || 65.22 ||

"और यह भी उन्होंने कहा -- सुग्रीव के भी सुनते हुए इन वचनों को कहते हुए, यह मणि, जिसे मैंने यत्नपूर्वक सुरक्षित रखा है, उन्हें दे देना।"

श्लोक 23 (sundara.65.23)

एष चूडामणिः श्रीमान् मया ते यत्नरक्षितः। मनःशिलायास्तिलकं तत् स्मरस्वेति चाब्रवीत् ॥ 65.23 ॥

eṣa cūḍāmaṇiḥ śrīmān mayā te yatnarakṣitaḥ| manaḥśilāyāstilakaṃ tat smarasveti cābravīt || 65.23 ||

"यह श्रीमान चूड़ामणि है, जिसे मैंने यत्नपूर्वक तुम्हारे लिए सुरक्षित रखा है; इसे और मनःशिला के तिलक को भी याद करना, ऐसा उन्होंने कहा।"

श्लोक 24 (sundara.65.24)

एष निर्यातितः श्रीमान् मया ते वारिसम्भवः। एनं दृष्ट्वा प्रमोदिष्ये व्यसने त्वामिवानघ ॥ 65.24 ॥

eṣa niryātitaḥ śrīmān mayā te vārisambhavaḥ| enaṃ dṛṣṭvā pramodiṣye vyasane tvāmivānagha || 65.24 ||

"यह श्रीमान, समुद्र के जल से उत्पन्न मणि मैंने तुम्हें भेजा है; इसे देखकर मैं ऐसे प्रसन्न हो उठूँगी, हे निष्पाप, मानो तुम्हें ही देख रही होऊँ।"

श्लोक 25 (sundara.65.25)

जीवितं धारयिष्यामि मासं दशरथात्मज। ऊर्ध्वं मासान्न जीवेयं रक्षसां वशमागता ॥ 65.25 ॥

jīvitaṃ dhārayiṣyāmi māsaṃ daśarathātmaja| ūrdhvaṃ māsānna jīveyaṃ rakṣasāṃ vaśamāgatā || 65.25 ||

"हे दशरथनन्दन! मैं एक मास तक अपने जीवन को धारण किए रखूँगी; उससे आगे एक मास भी मैं राक्षसों के वश में पड़ी हुई जीवित नहीं रह सकूँगी।"

श्लोक 26 (sundara.65.26)

इति मामब्रवीत् सीता कृशाङ्गी धर्मचारिणी। रावणान्तःपुरे रुद्धा मृगीवोत्फुल्ललोचना ॥ 65.26 ॥

iti māmabravīt sītā kṛśāṅgī dharmacāriṇī| rāvaṇāntaḥpure ruddhā mṛgīvotphullalocanā || 65.26 ||

इस प्रकार वह क्षीणांगी, धर्मपरायण सीता, रावण के अन्तःपुर में बन्दी, हरिणी के समान चंचल नेत्रों वाली, मुझसे बोलीं।

श्लोक 27 (sundara.65.27)

एतदेव मयाऽऽख्यातं सर्वं राघव यद् यथा। सर्वथा सागरजले संतारः प्रविधीयताम् ॥ 65.27 ॥

etadeva mayā''khyātaṃ sarvaṃ rāghava yad yathā| sarvathā sāgarajale saṃtāraḥ pravidhīyatām || 65.27 ||

"हे राघव! मैंने यह सब जैसा घटित हुआ, ज्यों का त्यों आपसे कह दिया है। अब हर प्रकार से समुद्र के जल पर सेतु का निर्माण किया जाए।"

श्लोक 28 (sundara.65.28)

तौ जाताश्वासौ राजपुत्रौ विदित्वा तच्चाभिज्ञानं राघवाय प्रदाय। देव्या चाख्यातं सर्वमेवानुपूर्व्याद् वाचा सम्पूर्णं वायुपुत्रः शशंस ॥ 65.28 ॥

tau jātāśvāsau rājaputrau viditvā taccābhijñānaṃ rāghavāya pradāya| devyā cākhyātaṃ sarvamevānupūrvyād vācā sampūrṇaṃ vāyuputraḥ śaśaṃsa || 65.28 ||

इस प्रकार उन दोनों राजकुमारों को आश्वस्त हुआ जानकर, तथा वह पहचान-चिह्न राघव को देकर, वायुपुत्र हनुमान ने देवी द्वारा कहा गया सब कुछ क्रमशः पूर्ण वाणी में सुना दिया।