हनुमान द्वारा राम को सीता का समाचार

श्लोक 1 (sundara.64.1)

सुग्रीवेणैवमुक्तस्तु हृष्टो दधिमुखः कपिः। राघवं लक्ष्मणं चैव सुग्रीवं चाभ्यवादयत् ॥ 64.1 ॥

sugrīveṇaivamuktastu hṛṣṭo dadhimukhaḥ kapiḥ| rāghavaṃ lakṣmaṇaṃ caiva sugrīvaṃ cābhyavādayat || 64.1 ||

सुग्रीव द्वारा इस प्रकार कहे जाने पर प्रसन्न हुए वानर दधिमुख ने राघव, लक्ष्मण तथा सुग्रीव को प्रणाम किया।

श्लोक 2 (sundara.64.2)

स प्रणम्य च सुग्रीवं राघवौ च महाबलौ। वानरैः सहितः शूरैर्दिवमेवोत्पपात ह ॥ 64.2 ॥

sa praṇamya ca sugrīvaṃ rāghavau ca mahābalau| vānaraiḥ sahitaḥ śūrairdivamevotpapāta ha || 64.2 ||

महाबली राघव तथा सुग्रीव को प्रणाम करके वह वीर वानरों के साथ आकाश में उड़ चला।

श्लोक 3 (sundara.64.3)

स यथैवागतः पूर्वं तथैव त्वरितं गतः। निपत्य गगनाद् भूमौ तद् वनं प्रविवेश ह ॥ 64.3 ॥

sa yathaivāgataḥ pūrvaṃ tathaiva tvaritaṃ gataḥ| nipatya gaganād bhūmau tad vanaṃ praviveśa ha || 64.3 ||

जिस प्रकार वह पहले आया था, उसी प्रकार शीघ्रता से लौटा; आकाश से भूमि पर उतरकर उसने उस वन में प्रवेश किया।

श्लोक 4 (sundara.64.4)

स प्रविष्टो मधुवनं ददर्श हरियूथपान्। विमदानुद्धतान् सर्वान् मेहमानान् मधूदकम् ॥ 64.4 ॥

sa praviṣṭo madhuvanaṃ dadarśa hariyūthapān| vimadānuddhatān sarvān mehamānān madhūdakam || 64.4 ||

वन में प्रवेश करके उसने उन सब वानरयूथपतियों को देखा, जो मद-रहित, उन्मत्त तथा मधु-मूत्र त्यागते हुए थे।

श्लोक 5 (sundara.64.5)

स तानुपागमद् वीरो बद्ध्वा करपुटाञ्जलिम्। उवाच वचनं श्लक्ष्णमिदं हृष्टवदङ्गदम् ॥ 64.5 ॥

sa tānupāgamad vīro bad‍dhvā karapuṭāñjalim| uvāca vacanaṃ ślakṣṇamidaṃ hṛṣṭavadaṅgadam || 64.5 ||

वह वीर उनके पास हाथ जोड़कर गया और हर्षपूर्वक अंगद से यह कोमल वचन कहा --

श्लोक 6 (sundara.64.6)

सौम्य रोषो न कर्तव्यो यदेभिः परिवारणम्। अज्ञानाद् रक्षिभिः क्रोधाद् भवन्तः प्रतिषेधिताः ॥ 64.6 ॥

saumya roṣo na kartavyo yadebhiḥ parivāraṇam| ajñānād rakṣibhiḥ krodhād bhavantaḥ pratiṣedhitāḥ || 64.6 ||

"हे सौम्य! आपको क्रोध नहीं करना चाहिए कि इन्होंने आपको रोका; अज्ञानवश ही रक्षकों ने क्रोध में आपको बाधा पहुँचाई।"

श्लोक 7 (sundara.64.7)

श्रान्तो दूरादनुप्राप्तो भक्षयस्व स्वकं मधु। युवराजस्त्वमीशश्च वनस्यास्य महाबल ॥ 64.7 ॥

śrānto dūrādanuprāpto bhakṣayasva svakaṃ madhu| yuvarājastvamīśaśca vanasyāsya mahābala || 64.7 ||

"थके हुए, दूर से आए हुए, अपना ही मधु तो खाया है। हे महाबल! आप ही तो इस वन के युवराज और स्वामी हैं।"

श्लोक 8 (sundara.64.8)

मौर्ख्यात् पूर्वं कृतो रोषस्तद् भवान् क्षन्तुमर्हति। यथैव हि पिता तेऽभूत् पूर्वं हरिगणेश्वरः ॥ 64.8 ॥

maurkhyāt pūrvaṃ kṛto roṣastad bhavān kṣantumarhati| yathaiva hi pitā te'bhūt pūrvaṃ harigaṇeśvaraḥ || 64.8 ||

"मूर्खतावश पहले जो क्रोध किया गया, उसे आप क्षमा करने योग्य हैं; जैसे आपके पिता पहले वानर-गणों के स्वामी थे,"

श्लोक 9 (sundara.64.9)

तथा त्वमपि सुग्रीवो नान्यस्तु हरिसत्तम। आख्यातं हि मया गत्वा पितृव्यस्य तवानघ ॥ 64.9 ॥

tathā tvamapi sugrīvo nānyastu harisattama| ākhyātaṃ hi mayā gatvā pitṛvyasya tavānagha || 64.9 ||

"वैसे ही आप भी सुग्रीव हैं, हे वानरश्रेष्ठ, और कोई अन्य नहीं। हे निष्पाप! मैंने जाकर आपके चाचा को यह सूचित किया कि"

श्लोक 10 (sundara.64.10)

इहोपयानं सर्वेषामेतेषां वनचारिणाम्। भवदागमनं श्रुत्वा सहैभिर्वनचारिभिः ॥ 64.10 ॥

ihopayānaṃ sarveṣāmeteṣāṃ vanacāriṇām| bhavadāgamanaṃ śrutvā sahaibhirvanacāribhiḥ || 64.10 ||

"यहाँ इन सब वनचारियों का आगमन हुआ है। आपके आगमन का समाचार इन वनचारियों सहित सुनकर"

श्लोक 11 (sundara.64.11)

प्रहृष्टो न तु रुष्टोऽसौ वनं श्रुत्वा प्रधर्षितम्। प्रहृष्टो मां पितृव्यस्ते सुग्रीवो वानरेश्वरः ॥ 64.11 ॥

prahṛṣṭo na tu ruṣṭo'sau vanaṃ śrutvā pradharṣitam| prahṛṣṭo māṃ pitṛvyaste sugrīvo vānareśvaraḥ || 64.11 ||

वे प्रसन्न हुए, क्रुद्ध नहीं, यद्यपि उन्होंने सुन लिया था कि वन को क्षति पहुँची है। हे वानरेश्वर! आपके चाचा सुग्रीव मुझसे प्रसन्न होकर बोले --

श्लोक 12 (sundara.64.12)

शीघ्रं प्रेषय सर्वांस्तानिति होवाच पार्थिवः। श्रुत्वा दधिमुखस्यैतद् वचनं श्लक्ष्णमङ्गदः ॥ 64.12 ॥

śīghraṃ preṣaya sarvāṃstāniti hovāca pārthivaḥ| śrutvā dadhimukhasyaitad vacanaṃ ślakṣṇamaṅgadaḥ || 64.12 ||

"उन सब को शीघ्र भेज दो" -- ऐसा राजा ने कहा। दधिमुख का यह कोमल वचन सुनकर अंगद ने

श्लोक 13 (sundara.64.13)

अब्रवीत् तान् हरिश्रेष्ठो वाक्यं वाक्यविशारदः। शङ्के श्रुतोऽयं वृत्तान्तो रामेण हरियूथपाः ॥ 64.13 ॥

abravīt tān hariśreṣṭho vākyaṃ vākyaviśāradaḥ| śaṅke śruto'yaṃ vṛttānto rāmeṇa hariyūthapāḥ || 64.13 ||

वाक्यविशारद वानरश्रेष्ठ अंगद ने उन (वानरों) से यह वचन कहा -- "मुझे लगता है कि राम को यह वृत्तान्त पहले ही सुनाया जा चुका होगा, हे वानरश्रेष्ठो!"

श्लोक 14 (sundara.64.14)

अयं च हर्षादाख्याति तेन जानामि हेतुना। तत् क्षमं नेह नः स्थातुं कृते कार्ये परंतपाः ॥ 64.14 ॥

ayaṃ ca harṣādākhyāti tena jānāmi hetunā| tat kṣamaṃ neha naḥ sthātuṃ kṛte kārye paraṃtapāḥ || 64.14 ||

"और यह (दधिमुख) हर्ष से ही यह बता रहा है, उसी संकेत से मैं यह जानता हूँ। हे शत्रुतापनो! अब हमारा कार्य सिद्ध हो जाने पर यहाँ ठहरना उचित नहीं है।"

श्लोक 15 (sundara.64.15)

पीत्वा मधु यथाकामं विक्रान्ता वनचारिणः। किं शेषं गमनं तत्र सुग्रीवो यत्र वानरः ॥ 64.15 ॥

pītvā madhu yathākāmaṃ vikrāntā vanacāriṇaḥ| kiṃ śeṣaṃ gamanaṃ tatra sugrīvo yatra vānaraḥ || 64.15 ||

"मधु यथेच्छ पीकर विश्राम कर चुके ये वनचारी, अब जाने के अतिरिक्त और क्या शेष है -- वहाँ जहाँ मेरे स्वामी सुग्रीव हैं।"

श्लोक 16 (sundara.64.16)

सर्वे यथा मां वक्ष्यन्ति समेत्य हरिपुङ्गवाः। तथास्मि कर्ता कर्तव्ये भवद्भिः परवानहम् ॥ 64.16 ॥

sarve yathā māṃ vakṣyanti sametya haripuṅgavāḥ| tathāsmi kartā kartavye bhavadbhiḥ paravānaham || 64.16 ||

"जो कुछ भी सब वानरश्रेष्ठ मिलकर मुझसे कहेंगे, वैसा ही मैं करूँगा; करने योग्य कार्य में मैं आप लोगों के अधीन हूँ।"

श्लोक 17 (sundara.64.17)

नाज्ञापयितुमीशोऽहं युवराजोऽस्मि यद्यपि। अयुक्तं कृतकर्माणो यूयं धर्षयितुं बलात् ॥ 64.17 ॥

nājñāpayitumīśo'haṃ yuvarājo'smi yadyapi| ayuktaṃ kṛtakarmāṇo yūyaṃ dharṣayituṃ balāt || 64.17 ||

"यद्यपि मैं युवराज हूँ, फिर भी मैं आप पर आज्ञा चलाने का स्वामी नहीं हूँ; अपना कार्य सिद्ध कर चुके आप लोगों पर बलपूर्वक शासन करना उचित नहीं है।"

श्लोक 18 (sundara.64.18)

ब्रुवतश्चाङ्गदस्यैवं श्रुत्वा वचनमुत्तमम्। प्रहृष्टमनसो वाक्यमिदमूचुर्वनौकसः ॥ 64.18 ॥

bruvataścāṅgadasyaivaṃ śrutvā vacanamuttamam| prahṛṣṭamanaso vākyamidamūcurvanaukasaḥ || 64.18 ||

अंगद के इस उत्तम अविचल वचन को सुनकर प्रसन्न मन वाले वनवासियों ने यह वचन कहा --

श्लोक 19 (sundara.64.19)

एवं वक्ष्यति को राजन् प्रभुः सन् वानरर्षभ। ऐश्वर्यमदमत्तो हि सर्वोऽहमिति मन्यते ॥ 64.19 ॥

evaṃ vakṣyati ko rājan prabhuḥ san vānararṣabha| aiśvaryamadamatto hi sarvo'hamiti manyate || 64.19 ||

"हे राजन्, हे वानरश्रेष्ठ! प्रभु होते हुए भी ऐसा कौन कहेगा? ऐश्वर्य के मद से उन्मत्त होकर हर कोई तो 'मैं ही सब कुछ हूँ' ऐसा मानता है।"

श्लोक 20 (sundara.64.20)

तव चेदं सुसदृशं वाक्यं नान्यस्य कस्यचित्। सन्नतिर्हि तवाख्याति भविष्यच्छुभयोग्यताम् ॥ 64.20 ॥

tava cedaṃ susadṛśaṃ vākyaṃ nānyasya kasyacit| sannatirhi tavākhyāti bhaviṣyacchubhayogyatām || 64.20 ||

"यह वचन आपके ही योग्य है, किसी और के नहीं; आपकी यह विनम्रता ही आपके भावी शुभ भाग्य को बता देती है।"

श्लोक 21 (sundara.64.21)

सर्वे वयमपि प्राप्तास्तत्र गन्तुं कृतक्षणाः। स यत्र हरिवीराणां सुग्रीवः पतिरव्ययः ॥ 64.21 ॥

sarve vayamapi prāptāstatra gantuṃ kṛtakṣaṇāḥ| sa yatra harivīrāṇāṃ sugrīvaḥ patiravyayaḥ || 64.21 ||

"हम सब भी वहाँ जाने के लिए तैयार होकर पहुँच चुके हैं -- जहाँ वानरवीरों के अविनाशी स्वामी सुग्रीव हैं।"

श्लोक 22 (sundara.64.22)

त्वया ह्यनुक्तैर्हरिभिर्नैव शक्यं पदात् पदम्। क्वचिद् गन्तुं हरिश्रेष्ठ ब्रूमः सत्यमिदं तु ते ॥ 64.22 ॥

tvayā hyanuktairharibhirnaiva śakyaṃ padāt padam| kvacid gantuṃ hariśreṣṭha brūmaḥ satyamidaṃ tu te || 64.22 ||

"हे वानरश्रेष्ठ! आपके बिना कहे हम वानरों के लिए एक कदम भी कहीं जाना संभव नहीं है; यह हम आपसे सत्य कह रहे हैं।"

श्लोक 23 (sundara.64.23)

एवं तु वदतां तेषामङ्गदः प्रत्यभाषत। साधु गच्छाम इत्युक्त्वा खमुत्पेतुर्महाबलाः ॥ 64.23 ॥

evaṃ tu vadatāṃ teṣāmaṅgadaḥ pratyabhāṣata| sādhu gacchāma ityuktvā khamutpeturmahābalāḥ || 64.23 ||

इस प्रकार उनके कहने पर अंगद ने उत्तर दिया; "अच्छा, चलें" ऐसा कहकर वे महाबली आकाश में उड़ पड़े।

श्लोक 24 (sundara.64.24)

उत्पतन्तमनूत्पेतुः सर्वे ते हरियूथपाः। कृत्वाऽऽकाशं निराकाशं यन्त्रोत्क्षिप्ता इवोपलाः ॥ 64.24 ॥

utpatantamanūtpetuḥ sarve te hariyūthapāḥ| kṛtvā''kāśaṃ nirākāśaṃ yantrotkṣiptā ivopalāḥ || 64.24 ||

उड़ते हुए अंगद के पीछे वे सभी वानरयूथपति भी उड़ पड़े, मानो आकाश को ही निराकाश बनाते हुए, यन्त्र से फेंके गए पत्थरों के समान।

श्लोक 25 (sundara.64.25)

अङ्गदं पुरतः कृत्वा हनूमन्तं च वानरम्। तेऽम्बरं सहसोत्पत्य वेगवन्तः प्लवङ्गमाः ॥ 64.25 ॥

aṅgadaṃ purataḥ kṛtvā hanūmantaṃ ca vānaram| te'mbaraṃ sahasotpatya vegavantaḥ plavaṅgamāḥ || 64.25 ||

अंगद को आगे करके, तथा वानर हनुमान को भी, वे वेगवान वानर सहसा आकाश में उड़ चले,

श्लोक 26 (sundara.64.26)

विनदन्तो महानादं घना वातेरिता यथा। अङ्गदे समनुप्राप्ते सुग्रीवो वानरेश्वरः ॥ 64.26 ॥

vinadanto mahānādaṃ ghanā vāteritā yathā| aṅgade samanuprāpte sugrīvo vānareśvaraḥ || 64.26 ||

तथा मेघों की भाँति वायु से प्रेरित होकर महानाद करते हुए। अंगद के निकट पहुँचने पर वानरेश्वर सुग्रीव ने

श्लोक 27 (sundara.64.27)

उवाच शोकसंतप्तं रामं कमललोचनम्। समाश्वसिहि भद्रं ते दृष्टा देवी न संशयः ॥ 64.27 ॥

uvāca śokasaṃtaptaṃ rāmaṃ kamalalocanam| samāśvasihi bhadraṃ te dṛṣṭā devī na saṃśayaḥ || 64.27 ||

शोकसंतप्त, कमलनयन राम से कहा -- "आश्वस्त हो जाइए, आपका कल्याण हो; सीता निश्चय ही देख ली गई है, इसमें संशय नहीं।"

श्लोक 28 (sundara.64.28)

नागन्तुमिह शक्यं तैरतीतसमयैरिह। अङ्गदस्य प्रहर्षाच्च जानामि शुभदर्शन ॥ 64.28 ॥

nāgantumiha śakyaṃ tairatītasamayairiha| aṅgadasya praharṣācca jānāmi śubhadarśana || 64.28 ||

"निर्धारित समय बीत जाने पर भी उनका यहाँ न आना संभव नहीं होता (यदि सफलता न मिली होती); और अंगद के हर्ष से ही, हे शुभदर्शन, मैं यह जानता हूँ।"

श्लोक 29 (sundara.64.29)

न मत्सकाशमागच्छेत् कृत्ये हि विनिपातिते। युवराजो महाबाहुः प्लवतामङ्गदो वरः ॥ 64.29 ॥

na matsakāśamāgacchet kṛtye hi vinipātite| yuvarājo mahābāhuḥ plavatāmaṅgado varaḥ || 64.29 ||

"यदि कार्य असिद्ध रह गया होता तो युवराज महाबाहु अंगद स्वयं मेरे समक्ष न आते।"

श्लोक 30 (sundara.64.30)

यद्यप्यकृतकृत्यानामीदृशः स्यादुपक्रमः। भवेत् तु दीनवदनो भ्रान्तविप्लुतमानसः ॥ 64.30 ॥

yadyapyakṛtakṛtyānāmīdṛśaḥ syādupakramaḥ| bhavet tu dīnavadano bhrāntaviplutamānasaḥ || 64.30 ||

"यदि कार्य असिद्ध करने वालों का भी ऐसा ही आचरण हो सकता, तो भी वह दीनमुख, भ्रान्त तथा विचलित मन वाला ही होता।"

श्लोक 31 (sundara.64.31)

पितृपैतामहं चैतत् पूर्वकैरभिरक्षितम्। न मे मधुवनं हन्याददृष्ट्वा जनकात्मजाम् ॥ 64.31 ॥

pitṛpaitāmahaṃ caitat pūrvakairabhirakṣitam| na me madhuvanaṃ hanyādadṛṣṭvā janakātmajām || 64.31 ||

"यह वन जो पितृ-पितामह का है, पूर्वजों द्वारा सुरक्षित रहा है -- मेरे इस मधुवन को वह वानरेश्वर सीता को देखे बिना कभी नहीं उजाड़ता।"

श्लोक 32 (sundara.64.32)

कौसल्या सुप्रजा राम समाश्वसिहि सुव्रत। दृष्टा देवी न संदेहो न चान्येन हनूमता ॥ 64.32 ॥

kausalyā suprajā rāma samāśvasihi suvrata| dṛṣṭā devī na saṃdeho na cānyena hanūmatā || 64.32 ||

"हे सुव्रत राम, कौसल्या के सुपुत्र! आश्वस्त हो जाइए; सीता निश्चय ही देखी गई है, इसमें संशय नहीं, और हनुमान के अतिरिक्त किसी अन्य द्वारा नहीं।"

श्लोक 33 (sundara.64.33)

नह्यन्यः कर्मणो हेतुः साधनेऽस्य हनूमतः। हनूमतीह सिद्धिश्च मतिश्च मतिसत्तम ॥ 64.33 ॥

nahyanyaḥ karmaṇo hetuḥ sādhane'sya hanūmataḥ| hanūmatīha siddhiśca matiśca matisattama || 64.33 ||

"क्योंकि इस कार्य की सिद्धि के लिए हनुमान के अतिरिक्त और कोई हेतु नहीं है; हे बुद्धिमानों में श्रेष्ठ, हनुमान में ही यह सफलता और बुद्धि है।"

श्लोक 34 (sundara.64.34)

व्यवसायश्च शौर्यं च श्रुतं चापि प्रतिष्ठितम्। जाम्बवान् यत्र नेता स्यादङ्गदश्च हरीश्वरः ॥ 64.34 ॥

vyavasāyaśca śauryaṃ ca śrutaṃ cāpi pratiṣṭhitam| jāmbavān yatra netā syādaṅgadaśca harīśvaraḥ || 64.34 ||

"जहाँ प्रयत्न, शौर्य और शास्त्रज्ञान भी प्रतिष्ठित हों, और जहाँ जाम्बवान नेता हों तथा वानरेश्वर अंगद हों,"

श्लोक 35 (sundara.64.35)

हनूमांश्चाप्यधिष्ठाता न तत्र गतिरन्यथा। मा भूश्चिन्तासमायुक्तः सम्प्रत्यमितविक्रम ॥ 64.35 ॥

hanūmāṃścāpyadhiṣṭhātā na tatra gatiranyathā| mā bhūścintāsamāyuktaḥ sampratyamitavikrama || 64.35 ||

"तथा हनुमान भी अधिष्ठाता हों, वहाँ उस कार्य की गति अन्यथा नहीं हो सकती। हे अमितविक्रम! अब आप चिन्तायुक्त न हों।"

श्लोक 36 (sundara.64.36)

यदा हि दर्पितोदग्राः संगताः काननौकसः। नैषामकृतकार्याणामीदृशः स्यादुपक्रमः ॥ 64.36 ॥

yadā hi darpitodagrāḥ saṃgatāḥ kānanaukasaḥ| naiṣāmakṛtakāryāṇāmīdṛśaḥ syādupakramaḥ || 64.36 ||

"क्योंकि जब वे गर्वित और उत्साहित वनवासी एकत्र हुए, तो जिन्होंने अपना कार्य पूर्ण न किया हो, उनका ऐसा उपक्रम कभी नहीं होता।"

श्लोक 37 (sundara.64.37)

वनभङ्गेन जानामि मधूनां भक्षणेन च। ततः किलकिलाशब्दं शुश्रावासन्नमम्बरे ॥ 64.37 ॥

vanabhaṅgena jānāmi madhūnāṃ bhakṣaṇena ca| tataḥ kilakilāśabdaṃ śuśrāvāsannamambare || 64.37 ||

"वन के उजड़ने और मधु के भक्षण से ही मैं यह जानता हूँ।" इसी बीच सुग्रीव ने आकाश में समीप से किलकिला-शब्द सुना,

श्लोक 38 (sundara.64.38)

हनूमत्कर्मदृप्तानां नदतां काननौकसाम्। किष्किन्धामुपयातानां सिद्धिं कथयतामिव ॥ 64.38 ॥

hanūmatkarmadṛptānāṃ nadatāṃ kānanaukasām| kiṣkindhāmupayātānāṃ siddhiṃ kathayatāmiva || 64.38 ||

हनुमान के कार्य से उन्मत्त, गर्जते हुए वनवासियों का, जो किष्किन्धा की ओर आते हुए मानो अपनी सफलता की घोषणा कर रहे थे।

श्लोक 39 (sundara.64.39)

ततः श्रुत्वा निनादं तं कपीनां कपिसत्तमः। आयताञ्चितलाङ्गूलः सोऽभवद्हृष्टमानसः ॥ 64.39 ॥

tataḥ śrutvā ninādaṃ taṃ kapīnāṃ kapisattamaḥ| āyatāñcitalāṅgūlaḥ so'bhavadhṛṣṭamānasaḥ || 64.39 ||

उन वानरों की उस ध्वनि को सुनकर वानरश्रेष्ठ सुग्रीव का मन प्रसन्न हो उठा, और उन्होंने अपनी लंबी, मुड़ी हुई पूँछ को फैला लिया।

श्लोक 40 (sundara.64.40)

आजग्मुस्तेऽपि हरयो रामदर्शनकाङ्क्षिणः। अङ्गदं पुरतः कृत्वा हनूमन्तं च वानरम् ॥ 64.40 ॥

ājagmuste'pi harayo rāmadarśanakāṅkṣiṇaḥ| aṅgadaṃ purataḥ kṛtvā hanūmantaṃ ca vānaram || 64.40 ||

राम-दर्शन की उत्कण्ठा से वे वानर भी आ पहुँचे, अंगद को तथा वानर हनुमान को आगे करके,

श्लोक 41 (sundara.64.41)

तेऽङ्गदप्रमुखा वीराः प्रहृष्टाश्च मुदान्विताः। निपेतुर्हरिराजस्य समीपे राघवस्य च ॥ 64.41 ॥

te'ṅgadapramukhā vīrāḥ prahṛṣṭāśca mudānvitāḥ| nipeturharirājasya samīpe rāghavasya ca || 64.41 ||

अंगद-प्रधान वे वीर, हर्ष और आनन्द से युक्त होकर, वानरराज सुग्रीव तथा राघव के समीप आ गिरे (चरणों में)।

श्लोक 42 (sundara.64.42)

हनूमांश्च महाबाहुः प्रणम्य शिरसा ततः। नियतामक्षतां देवीं राघवाय न्यवेदयत् ॥ 64.42 ॥

hanūmāṃśca mahābāhuḥ praṇamya śirasā tataḥ| niyatāmakṣatāṃ devīṃ rāghavāya nyavedayat || 64.42 ||

तब महाबाहु हनुमान ने सिर झुकाकर प्रणाम करते हुए राघव को यह सूचित किया कि सीता देवी सुरक्षित तथा अक्षत हैं।

श्लोक 43 (sundara.64.43)

दृष्टा देवीति हनुमद्वदनादमृतोपमम्। आकर्ण्य वचनं रामो हर्षमाप सलक्ष्मणः ॥ 64.43 ॥

dṛṣṭā devīti hanumadvadanādamṛtopamam| ākarṇya vacanaṃ rāmo harṣamāpa salakṣmaṇaḥ || 64.43 ||

हनुमान के मुख से "सीता देखी गई" यह अमृत-तुल्य वचन सुनकर राम लक्ष्मण सहित हर्षित हो उठे।

श्लोक 44 (sundara.64.44)

निश्चितार्थं ततस्तस्मिन् सुग्रीवं पवनात्मजे। लक्ष्मणः प्रीतिमान् प्रीतं बहुमानादवैक्षत ॥ 64.44 ॥

niścitārthaṃ tatastasmin sugrīvaṃ pavanātmaje| lakṣmaṇaḥ prītimān prītaṃ bahumānādavaikṣata || 64.44 ||

तब कार्य के निश्चित होने पर प्रीतियुक्त लक्ष्मण ने वायुपुत्र हनुमान द्वारा प्रसन्न किए गए सुग्रीव को अत्यन्त आदर से देखा,

श्लोक 45 (sundara.64.45)

प्रीत्या च परयोपेतो राघवः परवीरहा। बहुमानेन महता हनूमन्तमवैक्षत ॥ 64.45 ॥

prītyā ca parayopeto rāghavaḥ paravīrahā| bahumānena mahatā hanūmantamavaikṣata || 64.45 ||

तथा परम प्रीति से युक्त राघव, शत्रुवीरों के संहारक, ने भी हनुमान को अत्यन्त आदर की दृष्टि से देखा।