दधिमुख का समाचार और सुग्रीव का हर्ष

श्लोक 1 (sundara.63.1)

ततो मूर्ध्ना निपतितं वानरं वानरर्षभः। दृष्ट्वैवोद्विग्नहृदयो वाक्यमेतदुवाच ह ॥ 63.1 ॥

tato mūrdhnā nipatitaṃ vānaraṃ vānararṣabhaḥ| dṛṣṭvaivodvignahṛdayo vākyametaduvāca ha || 63.1 ||

तब सिर के बल गिरे हुए उस वानर (दधिमुख) को देखकर वानरश्रेष्ठ सुग्रीव ने उद्विग्न हृदय से यह वचन कहा।

श्लोक 2 (sundara.63.2)

उत्तिष्ठोत्तिष्ठ कस्मात् त्वं पादयोः पतितो मम। अभयं ते प्रदास्यामि सत्यमेवाभिधीयताम् ॥ 63.2 ॥

uttiṣṭhottiṣṭha kasmāt tvaṃ pādayoḥ patito mama| abhayaṃ te pradāsyāmi satyamevābhidhīyatām || 63.2 ||

"उठो, उठो! तुम मेरे चरणों में क्यों गिरे हो? मैं तुम्हें अभय देता हूँ; सत्य ही कहो।"

श्लोक 3 (sundara.63.3)

किं सम्भ्रमाद्धितं कृत्स्नं ब्रूहि यद् वक्तुमर्हसि। कच्चिन्मधुवने स्वस्ति श्रोतुमिच्छामि वानर ॥ 63.3 ॥

kiṃ sambhramāddhitaṃ kṛtsnaṃ brūhi yad vaktumarhasi| kaccinmadhuvane svasti śrotumicchāmi vānara || 63.3 ||

"संभ्रम में क्या हुआ, वह सब कह डालो जो कहने योग्य हो। क्या मधुवन में कुशल है? हे वानर, मैं सुनना चाहता हूँ।"

श्लोक 4 (sundara.63.4)

स समाश्वासितस्तेन सुग्रीवेण महात्मना। उत्थाय स महाप्राज्ञो वाक्यं दधिमुखोऽब्रवीत् ॥ 63.4 ॥

sa samāśvāsitastena sugrīveṇa mahātmanā| utthāya sa mahāprājño vākyaṃ dadhimukho'bravīt || 63.4 ||

महात्मा सुग्रीव द्वारा इस प्रकार आश्वस्त किया जाकर वह महाप्राज्ञ दधिमुख उठकर यह वचन बोला --

श्लोक 5 (sundara.63.5)

नैवर्क्षरजसा राजन् न त्वया न च वालिना। वनं निसृष्टपूर्वं ते नाशितं तत्तु वानरैः ॥ 63.5 ॥

naivarkṣarajasā rājan na tvayā na ca vālinā| vanaṃ nisṛṣṭapūrvaṃ te nāśitaṃ tattu vānaraiḥ || 63.5 ||

"हे राजन्! न ऋक्षराज के समय, न आपके, न वालि के समय भी यह वन पहले कभी खुला नहीं छोड़ा गया था; किन्तु उसे इन वानरों ने नष्ट कर डाला है।"

श्लोक 6 (sundara.63.6)

न्यवारयमहं सर्वान् सहैभिर्वनचारिभिः। अचिन्तयित्वा मां हृष्टा भक्षयन्ति पिबन्ति च ॥ 63.6 ॥

nyavārayamahaṃ sarvān sahaibhirvanacāribhiḥ| acintayitvā māṃ hṛṣṭā bhakṣayanti pibanti ca || 63.6 ||

"मैंने इन सब वनचारी वानरों को इन्हीं रक्षकों के साथ रोकने का प्रयत्न किया, किन्तु मेरी परवाह न करके वे हर्षित होकर खाते और पीते रहे।"

श्लोक 7 (sundara.63.7)

एभिः प्रधर्षणायां च वारितं वनपालकैः। मामप्यचिन्तयन् देव भक्षयन्ति वनौकसः ॥ 63.7 ॥

ebhiḥ pradharṣaṇāyāṃ ca vāritaṃ vanapālakaiḥ| māmapyacintayan deva bhakṣayanti vanaukasaḥ || 63.7 ||

"इन वन-रक्षकों द्वारा रोके जाने पर भी, हे देव, मेरी भी परवाह न करते हुए वे वनवासी वानर खाते ही रहे।"

श्लोक 8 (sundara.63.8)

शिष्टमत्रापविध्यन्ति भक्षयन्ति तथापरे। निवार्यमाणास्ते सर्वे भ्रुकुटिं दर्शयन्ति हि ॥ 63.8 ॥

śiṣṭamatrāpavidhyanti bhakṣayanti tathāpare| nivāryamāṇāste sarve bhrukuṭiṃ darśayanti hi || 63.8 ||

"शेष बचा हुआ वे यहाँ-वहाँ फेंक देते हैं, तो कुछ उसे भी खा जाते हैं; रोके जाने पर वे सब हमें भृकुटि तानकर (क्रोध से) देखते हैं।"

श्लोक 9 (sundara.63.9)

इमे हि संरब्धतरास्तदा तैः सम्प्रधर्षिताः। निवार्यन्ते वनात् तस्मात् क्रुद्धैर्वानरपुङ्गवैः ॥ 63.9 ॥

ime hi saṃrabdhatarāstadā taiḥ sampradharṣitāḥ| nivāryante vanāt tasmāt kruddhairvānarapuṅgavaiḥ || 63.9 ||

"तब उन वन-रक्षकों द्वारा वन से रोके जाने पर वे और भी अधिक उत्तेजित हो उठे और उन क्रुद्ध वानरश्रेष्ठों ने उन्हें (रक्षकों को) खदेड़ दिया।"

श्लोक 10 (sundara.63.10)

ततस्तैर्बहुभिर्वीरैर्वानरैर्वानरर्षभाः। संरक्तनयनैः क्रोधाद्धरयः सम्प्रधर्षिताः ॥ 63.10 ॥

tatastairbahubhirvīrairvānarairvānararṣabhāḥ| saṃraktanayanaiḥ krodhāddharayaḥ sampradharṣitāḥ || 63.10 ||

"तब उन बहुसंख्यक वीर वानरों ने, क्रोध से लाल नेत्र किए हुए, हे वानरश्रेष्ठ, हम रक्षकों को खदेड़ डाला।"

श्लोक 11 (sundara.63.11)

पाणिभिर्निहताः केचित् केचिज्जानुभिराहताः। प्रकृष्टाश्च तदा कामं देवमार्गं च दर्शिताः ॥ 63.11 ॥

pāṇibhirnihatāḥ kecit kecijjānubhirāhatāḥ| prakṛṣṭāśca tadā kāmaṃ devamārgaṃ ca darśitāḥ || 63.11 ||

"कुछ को हाथों से मारा गया, कुछ को घुटनों से आहत किया गया; कुछ को घसीटकर मनमाने ढंग से देवमार्ग दिखा दिया गया।"

श्लोक 12 (sundara.63.12)

एवमेते हताः शूरास्त्वयि तिष्ठति भर्तरि। कृत्स्नं मधुवनं चैव प्रकामं तैश्च भक्ष्यते ॥ 63.12 ॥

evamete hatāḥ śūrāstvayi tiṣṭhati bhartari| kṛtsnaṃ madhuvanaṃ caiva prakāmaṃ taiśca bhakṣyate || 63.12 ||

"इस प्रकार हे स्वामी, आपके रहते हुए भी वे शूरवीर (रक्षक) मार डाले गए, और वे उस समस्त मधुवन को यथेच्छ भक्षण कर रहे हैं।"

श्लोक 13 (sundara.63.13)

एवं विज्ञाप्यमानं तं सुग्रीवं वानरर्षभम्। अपृच्छत् तं महाप्राज्ञो लक्ष्मणः परवीरहा ॥ 63.13 ॥

evaṃ vijñāpyamānaṃ taṃ sugrīvaṃ vānararṣabham| apṛcchat taṃ mahāprājño lakṣmaṇaḥ paravīrahā || 63.13 ||

इस प्रकार सूचना दिए जाते हुए वानरश्रेष्ठ सुग्रीव से परवीरहन्ता महाप्राज्ञ लक्ष्मण ने पूछा --

श्लोक 14 (sundara.63.14)

किमयं वानरो राजन् वनपः प्रत्युपस्थितः। किं चार्थमभिनिर्दिश्य दुःखितो वाक्यमब्रवीत् ॥ 63.14 ॥

kimayaṃ vānaro rājan vanapaḥ pratyupasthitaḥ| kiṃ cārthamabhinirdiśya duḥkhito vākyamabravīt || 63.14 ||

"हे राजन्! यह वन-रक्षक वानर यहाँ क्यों आया है? किस विषय की ओर संकेत करके यह दुःखी होकर यह वचन बोला?"

श्लोक 15 (sundara.63.15)

एवमुक्तस्तु सुग्रीवो लक्ष्मणेन महात्मना। लक्ष्मणं प्रत्युवाचेदं वाक्यं वाक्यविशारदः ॥ 63.15 ॥

evamuktastu sugrīvo lakṣmaṇena mahātmanā| lakṣmaṇaṃ pratyuvācedaṃ vākyaṃ vākyaviśāradaḥ || 63.15 ||

महात्मा लक्ष्मण द्वारा इस प्रकार पूछे जाने पर वाक्यविशारद सुग्रीव ने लक्ष्मण को यह उत्तर दिया --

श्लोक 16 (sundara.63.16)

आर्य लक्ष्मण सम्प्राह वीरो दधिमुखः कपिः। अङ्गदप्रमुखैर्वीरैर्भक्षितं मधु वानरैः ॥ 63.16 ॥

ārya lakṣmaṇa samprāha vīro dadhimukhaḥ kapiḥ| aṅgadapramukhairvīrairbhakṣitaṃ madhu vānaraiḥ || 63.16 ||

"हे आर्य लक्ष्मण! यह वीर वानर दधिमुख कह रहा है कि अंगद-प्रमुख वीर वानरों ने मधु का भक्षण कर लिया है,"

श्लोक 17 (sundara.63.17)

नैषामकृतकार्याणामीदृशः स्याद् व्यतिक्रमः। वनं यदभिपन्नास्ते साधितं कर्म तद् ध्रुवम् ॥ 63.17 ॥

naiṣāmakṛtakāryāṇāmīdṛśaḥ syād vyatikramaḥ| vanaṃ yadabhipannāste sādhitaṃ karma tad dhruvam || 63.17 ||

"जिन्होंने अपना कार्य पूर्ण न किया हो, उनका ऐसा व्यतिक्रम कभी नहीं होता; अवश्य ही जिस वन में वे पहुँचे, उन्होंने अपना कार्य सिद्ध कर लिया है।"

श्लोक 18 (sundara.63.18)

वारयन्तो भृशं प्राप्ताः पाला जानुभिराहताः। तथा न गणितश्चायं कपिर्दधिमुखो बली ॥ 63.18 ॥

vārayanto bhṛśaṃ prāptāḥ pālā jānubhirāhatāḥ| tathā na gaṇitaścāyaṃ kapirdadhimukho balī || 63.18 ||

"रोकने पर भी वहाँ पहुँचे हुए रक्षकों को घुटनों से आहत किया गया; इसी प्रकार बलशाली वानर दधिमुख को भी नहीं गिना गया (अर्थात उसे भी नहीं छोड़ा गया)।"

श्लोक 19 (sundara.63.19)

पतिर्मम वनस्यायमस्माभिः स्थापितः स्वयम्। दृष्टा देवी न संदेहो न चान्येन हनूमता ॥ 63.19 ॥

patirmama vanasyāyamasmābhiḥ sthāpitaḥ svayam| dṛṣṭā devī na saṃdeho na cānyena hanūmatā || 63.19 ||

"यह मेरे वन का स्वामी स्वयं मेरे द्वारा नियुक्त किया गया है; निश्चय ही सीता देख ली गई है, इसमें कोई संदेह नहीं, और वह हनुमान के अतिरिक्त किसी अन्य द्वारा नहीं देखी गई होगी।"

श्लोक 20 (sundara.63.20)

न ह्यन्यः साधने हेतुः कर्मणोऽस्य हनूमतः। कार्यसिद्धिर्हनुमति मतिश्च हरिपुङ्गवे ॥ 63.20 ॥

na hyanyaḥ sādhane hetuḥ karmaṇo'sya hanūmataḥ| kāryasiddhirhanumati matiśca haripuṅgave || 63.20 ||

"क्योंकि इस कार्य को सिद्ध करने का हेतु हनुमान के अतिरिक्त और कोई नहीं है; हनुमान में ही कार्यसिद्धि की बुद्धि तथा वानरश्रेष्ठता प्रतिष्ठित है।"

श्लोक 21 (sundara.63.21)

व्यवसायश्च वीर्यं च श्रुतं चापि प्रतिष्ठितम्। जाम्बवान् यत्र नेता स्यादङ्गदश्च महाबलः ॥ 63.21 ॥

vyavasāyaśca vīryaṃ ca śrutaṃ cāpi pratiṣṭhitam| jāmbavān yatra netā syādaṅgadaśca mahābalaḥ || 63.21 ||

"जहाँ प्रयत्न, पराक्रम तथा शास्त्रज्ञान भी प्रतिष्ठित हों, और जहाँ जाम्बवान नेता हों तथा महाबली अंगद हों,"

श्लोक 22 (sundara.63.22)

हनूमांश्चाप्यधिष्ठाता न तत्र गतिरन्यथा। अङ्गदप्रमुखैर्वीरैर्हतं मधुवनं किल ॥ 63.22 ॥

hanūmāṃścāpyadhiṣṭhātā na tatra gatiranyathā| aṅgadapramukhairvīrairhataṃ madhuvanaṃ kila || 63.22 ||

"और हनुमान अधिष्ठाता हों, वहाँ उस कार्य की गति अन्यथा नहीं हो सकती। यह भी सुना गया है कि अंगद-प्रधान वीरों द्वारा मधुवन नष्ट किया गया है।"

श्लोक 23 (sundara.63.23)

विचित्य दक्षिणामाशामागतैर्हरिपुङ्गवैः। आगतैश्चाप्रधृष्यं तद्धतं मधुवनं हि तैः ॥ 63.23 ॥

vicitya dakṣiṇāmāśāmāgatairharipuṅgavaiḥ| āgataiścāpradhṛṣyaṃ taddhataṃ madhuvanaṃ hi taiḥ || 63.23 ||

"दक्षिण दिशा में खोजकर लौटे हुए उन वानरश्रेष्ठों ने ऐसा किया है कि वह मधुवन, जिसे वे अजेय मानते थे, आते ही उन्होंने नष्ट कर डाला।"

श्लोक 24 (sundara.63.24)

धर्षितं च वनं कृत्स्नमुपयुक्तं तु वानरैः। पातिता वनपालास्ते तदा जानुभिराहताः ॥ 63.24 ॥

dharṣitaṃ ca vanaṃ kṛtsnamupayuktaṃ tu vānaraiḥ| pātitā vanapālāste tadā jānubhirāhatāḥ || 63.24 ||

"उन वानरों द्वारा समस्त वन को उजाड़ा और उपयोग में लाया गया; वन-रक्षकों को गिराया गया और घुटनों से आहत किया गया।"

श्लोक 25 (sundara.63.25)

एतदर्थमयं प्राप्तो वक्तुं मधुरवागिह। नाम्ना दधिमुखो नाम हरिः प्रख्यातविक्रमः ॥ 63.25 ॥

etadarthamayaṃ prāpto vaktuṃ madhuravāgiha| nāmnā dadhimukho nāma hariḥ prakhyātavikramaḥ || 63.25 ||

"इसी बात को कहने के लिए, प्रख्यात पराक्रम वाला यह मधुरभाषी वानर, जिसका नाम दधिमुख है, यहाँ आया है।"

श्लोक 26 (sundara.63.26)

दृष्टा सीता महाबाहो सौमित्रे पश्य तत्त्वतः। अभिगम्य यथा सर्वे पिबन्ति मधु वानराः ॥ 63.26 ॥

dṛṣṭā sītā mahābāho saumitre paśya tattvataḥ| abhigamya yathā sarve pibanti madhu vānarāḥ || 63.26 ||

"हे महाबाहु सौमित्रे! जान लो कि सीता वास्तव में देख ली गई है, क्योंकि सभी वानर एकत्र होकर मधुपान कर रहे हैं।"

श्लोक 27 (sundara.63.27)

न चाप्यदृष्ट्वा वैदेहीं विश्रुताः पुरुषर्षभ। वनं दत्तवरं दिव्यं धर्षयेयुर्वनौकसः ॥ 63.27 ॥

na cāpyadṛṣṭvā vaidehīṃ viśrutāḥ puruṣarṣabha| vanaṃ dattavaraṃ divyaṃ dharṣayeyurvanaukasaḥ || 63.27 ||

"हे पुरुषश्रेष्ठ, वैदेही को देखे बिना वे प्रख्यात वानर उस दिव्य, वरदान-स्वरूप वन के रक्षकों को कदापि नहीं सताते।"

श्लोक 28 (sundara.63.28)

ततः प्रहृष्टो धर्मात्मा लक्ष्मणः सहराघवः। श्रुत्वा कर्णसुखां वाणीं सुग्रीववदनाच्च्युताम् ॥ 63.28 ॥

tataḥ prahṛṣṭo dharmātmā lakṣmaṇaḥ saharāghavaḥ| śrutvā karṇasukhāṃ vāṇīṃ sugrīvavadanāccyutām || 63.28 ||

तब कानों को सुखद लगने वाली, सुग्रीव के मुख से निकली हुई वाणी सुनकर धर्मात्मा लक्ष्मण राघव के साथ अत्यन्त प्रसन्न हुए,

श्लोक 29 (sundara.63.29)

प्राहृष्यत भृशं रामो लक्ष्मणश्च महायशाः। श्रुत्वा दधिमुखस्यैवं सुग्रीवस्तु प्रहृष्य च ॥ 63.29 ॥

prāhṛṣyata bhṛśaṃ rāmo lakṣmaṇaśca mahāyaśāḥ| śrutvā dadhimukhasyaivaṃ sugrīvastu prahṛṣya ca || 63.29 ||

अत्यन्त यशस्वी राम तथा लक्ष्मण अत्यन्त हर्षित हुए। दधिमुख का यह वचन सुनकर सुग्रीव भी अत्यन्त प्रसन्न हुए,

श्लोक 30 (sundara.63.30)

वनपालं पुनर्वाक्यं सुग्रीवः प्रत्यभाषत। प्रीतोऽस्मि सोऽहं यद्भुक्तं वनं तैः कृतकर्मभिः ॥ 63.30 ॥

vanapālaṃ punarvākyaṃ sugrīvaḥ pratyabhāṣata| prīto'smi so'haṃ yadbhuktaṃ vanaṃ taiḥ kṛtakarmabhiḥ || 63.30 ||

और उन्होंने वन-रक्षक दधिमुख से पुनः यह वचन कहा -- "मैं प्रसन्न हूँ कि कार्य सिद्ध करने वाले उन वानरों ने वह वन भोगा है।"

श्लोक 31 (sundara.63.31)

धर्षितं मर्षणीयं च चेष्टितं कृतकर्मणाम्। गच्छ शीघ्रं मधुवनं संरक्षस्व त्वमेव हि। शीघ्रं प्रेषय सर्वांस्तान् हनूमत्प्रमुखान् कपीन् ॥ 63.31 ॥

dharṣitaṃ marṣaṇīyaṃ ca ceṣṭitaṃ kṛtakarmaṇām| gaccha śīghraṃ madhuvanaṃ saṃrakṣasva tvameva hi| śīghraṃ preṣaya sarvāṃstān hanūmatpramukhān kapīn || 63.31 ||

"कार्यसिद्ध वानरों द्वारा किया गया वह उत्पात क्षम्य है, क्षमा करने योग्य है। तुम शीघ्र जाकर स्वयं मधुवन की रक्षा करो, और हनुमान-प्रमुख उन सब वानरों को शीघ्र यहाँ भेज दो।"

श्लोक 32 (sundara.63.32)

इच्छामि शीघ्रं हनुमत्प्रधानान्शाखामृगांस्तान् मृगराजदर्पान्। प्रष्टुं कृतार्थान् सह राघवाभ्यां श्रोतुं च सीताधिगमे प्रयत्नम् ॥ 63.32 ॥

icchāmi śīghraṃ hanumatpradhānānśākhāmṛgāṃstān mṛgarājadarpān| praṣṭuṃ kṛtārthān saha rāghavābhyāṃ śrotuṃ ca sītādhigame prayatnam || 63.32 ||

"मैं शीघ्र ही उन प्रमुख शाखामृगों को, जो मृगराज के समान गर्व वाले तथा कार्यसिद्ध हैं, राघव-द्वय के साथ देखना चाहता हूँ, और सीता की खोज में किए गए उनके प्रयत्न को सुनना चाहता हूँ।"

श्लोक 33 (sundara.63.33)

प्रीतिस्फीताक्षौ सम्प्रहृष्टौ कुमारौ दृष्ट्वा सिद्धार्थौ वानराणां च राजा। अङ्गैः प्रहृष्टैः कार्यसिद्धिं विदित्वा बाह्वोरासन्नामतिमात्रं ननन्द ॥ 63.33 ॥

prītisphītākṣau samprahṛṣṭau kumārau dṛṣṭvā siddhārthau vānarāṇāṃ ca rājā| aṅgaiḥ prahṛṣṭaiḥ kāryasiddhiṃ viditvā bāhvorāsannāmatimātraṃ nananda || 63.33 ||

हर्ष से खिले हुए नेत्रों वाले, अत्यन्त प्रसन्न उन दोनों राजकुमारों को कार्यसिद्ध देखकर, तथा अपने रोमांचित अंगों से कार्यसिद्धि जानकर, वानरराज सुग्रीव अत्यधिक आनन्दित हुए, उनकी दोनों भुजाएँ हर्ष से रोमांचित हो उठीं।