ऋषियों का आगमन और राम की जिज्ञासा

श्लोक 1 (uttara.1.1)

प्राप्तराज्यस्य रामस्य राक्षसानां वधे कृते । आजग्मुर्ऋषयः सर्वे राघवं प्रतिनन्दितुम् ॥ 1.1 ॥

prāptarājyasya rāmasya rākṣasānāṃ vadhe kṛte | ājagmurṛṣayaḥ sarve rāghavaṃ pratinanditum || 1.1 ||

राज्य प्राप्त कर चुके राम के द्वारा राक्षसों का वध हो जाने पर, सभी ऋषि राघव का अभिनंदन करने आए।

श्लोक 2 (uttara.1.2)

कौशिको ऽथ यवक्रीतो गार्ग्यो गालव एव च । कण्वो मेधातिथेः पुत्रः पूर्वस्यां दिशि ये श्रिताः ॥ 1.2 ॥

kauśiko 'tha yavakrīto gārgyo gālava eva ca | kaṇvo medhātitheḥ putraḥ pūrvasyāṃ diśi ye śritāḥ || 1.2 ||

कौशिक, यवक्रीत, गार्ग्य और गालव भी, तथा मेधातिथि के पुत्र कण्व — ये सब जो पूर्व दिशा में निवास करते थे।

श्लोक 3 (uttara.1.3)

स्वस्त्यात्रेयो ऽथ भगवान्नमुचिः प्रमुचिस्तथा । आजग्मुस्ते सहागस्त्या ये श्रिता दक्षिणां दिशम् ॥ 1.3 ॥

svastyātreyo 'tha bhagavānnamuciḥ pramucistathā | ājagmuste sahāgastyā ye śritā dakṣiṇāṃ diśam || 1.3 ||

स्वस्त्यात्रेय, भगवान नमुचि और प्रमुचि भी — अगस्त्य के साथ वे सभी आए, जो दक्षिण दिशा में निवास करते थे।

श्लोक 4 (uttara.1.4)

नृषद्गुः कवषो धौम्यो रौद्रेयश्च महानृषिः । ते ऽप्याजग्मुः सशिष्या वै ये श्रिताः पश्चिमां दिशम् ॥ 1.4 ॥

nṛṣadguḥ kavaṣo dhaumyo raudreyaśca mahānṛṣiḥ | te 'pyājagmuḥ saśiṣyā vai ye śritāḥ paścimāṃ diśam || 1.4 ||

नृषद्गु, कवष, धौम्य और महर्षि रौद्रेय — वे भी अपने शिष्यों सहित आए, जो पश्चिम दिशा में निवास करते थे।

श्लोक 5 (uttara.1.5)

वसिष्ठः कश्यपो ऽथात्रिर्विश्वामित्रः सगौतमः । जमदग्निर्भरद्वाजस्ते ऽपि सप्तर्षयस्तथा ॥ 1.5 ॥

vasiṣṭhaḥ kaśyapo 'thātrirviśvāmitraḥ sagautamaḥ | jamadagnirbharadvājaste 'pi saptarṣayastathā || 1.5 ||

वसिष्ठ, कश्यप, अत्रि, गौतम सहित विश्वामित्र, जमदग्नि और भरद्वाज — ये सातों महर्षि भी आए।

श्लोक 6 (uttara.1.6)

उदीच्यां दिशि सप्तैते नित्यमेव निवासिनः ॥ 1.6 ॥

udīcyāṃ diśi saptaite nityameva nivāsinaḥ || 1.6 ||

ये सातों सदा उत्तर दिशा में निवास करने वाले हैं।

श्लोक 7 (uttara.1.7)

सम्प्राप्य ते महात्मानो राघवस्य निवेशनम् । विष्टिताः प्रतिहारार्थं हुताशनसमप्रभाः । वेदवेदाङ्गविदुषो नानाशास्त्रविशारदाः ॥ 1.7 ॥

samprāpya te mahātmāno rāghavasya niveśanam | viṣṭitāḥ pratihārārthaṃ hutāśanasamaprabhāḥ | vedavedāṅgaviduṣo nānāśāstraviśāradāḥ || 1.7 ||

वे महात्मा, जो अग्नि के समान तेजस्वी, वेद-वेदांगों के ज्ञाता और विविध शास्त्रों में निपुण थे, राघव के निवास पर पहुँचकर द्वारपाल की प्रतीक्षा में खड़े हो गए।

श्लोक 8 (uttara.1.8)

द्वाःस्थं प्रोवाच धर्मात्मा अगस्त्यो मुनिसत्तमः । निवेद्यतां दाशरथेर्ऋषीनस्मान्समागतान् ॥ 1.8 ॥

dvāḥsthaṃ provāca dharmātmā agastyo munisattamaḥ | nivedyatāṃ dāśaratherṛṣīnasmānsamāgatān || 1.8 ||

धर्मात्मा मुनिश्रेष्ठ अगस्त्य ने द्वारपाल से कहा — "दशरथ-पुत्र से निवेदन करो कि हम ऋषिगण यहाँ आए हैं।"

श्लोक 9 (uttara.1.9)

प्रतीहारस्ततस्तूर्णमगस्त्यवचनाद्द्रुतम् । समीपं राघवस्याशु प्रविवेश महात्मनः ॥ 1.9 ॥

pratīhārastatastūrṇamagastyavacanāddrutam | samīpaṃ rāghavasyāśu praviveśa mahātmanaḥ || 1.9 ||

तब द्वारपाल अगस्त्य के वचन से तुरंत ही शीघ्रता से महात्मा राघव के समीप गया।

श्लोक 10 (uttara.1.10)

नयेङ्गितज्ञः सद्वृत्तो दक्षो धैर्यसमन्वितः । स रामं दृश्य सहसा पूर्णचन्द्रसमप्रभम् ॥ 1.10 ॥

nayeṅgitajñaḥ sadvṛtto dakṣo dhairyasamanvitaḥ | sa rāmaṃ dṛśya sahasā pūrṇacandrasamaprabham || 1.10 ||

नीति और संकेतों को समझने वाला, सदाचारी, कुशल और धैर्यवान वह द्वारपाल पूर्णचंद्र के समान तेजस्वी राम को देखकर।

श्लोक 11 (uttara.1.11)

अगस्त्यं कथयामास सम्प्राप्तमृषिभिः सह ॥ 1.11 ॥

agastyaṃ kathayāmāsa samprāptamṛṣibhiḥ saha || 1.11 ||

उसने राम को बताया कि अगस्त्य ऋषियों के साथ पधारे हैं।

श्लोक 12 (uttara.1.12)

श्रुत्वा प्राप्तान्मुनींस्तांस्तु बालसूर्यसमप्रभान् । प्रत्युवाच ततो द्वास्स्थं प्रवेशय यथासुखम् ॥ 1.12 ॥

śrutvā prāptānmunīṃstāṃstu bālasūryasamaprabhān | pratyuvāca tato dvāssthaṃ praveśaya yathāsukham || 1.12 ||

उन ऋषियों के आगमन का समाचार सुनकर, जो उदीयमान सूर्य के समान तेजस्वी थे, राम ने द्वारपाल से कहा — "उन्हें सुखपूर्वक भीतर आने दो।"

श्लोक 13 (uttara.1.13)

तान् सम्प्राप्तान् मुनीन् दृष्ट्वा प्रत्युत्थाय कृताञ्जलिः । पाद्यार्घ्यादिभिरानर्च गां निवेद्य च सादरम् ॥ 1.13 ॥

tān samprāptān munīn dṛṣṭvā pratyutthāya kṛtāñjaliḥ | pādyārghyādibhirānarca gāṃ nivedya ca sādaram || 1.13 ||

उन आए हुए मुनियों को देखकर राम हाथ जोड़कर खड़े हो गए और पाद्य-अर्घ्य आदि से उनका सत्कार करते हुए आदरपूर्वक गौ आदि भेंट कीं।

श्लोक 14 (uttara.1.14)

रामो ऽभिवाद्य प्रयत आसनान्यादिदेश ह । तेषु काञ्चनचित्रेषु महत्सु च वरेषु च ॥ 1.14 ॥

rāmo 'bhivādya prayata āsanānyādideśa ha | teṣu kāñcanacitreṣu mahatsu ca vareṣu ca || 1.14 ||

राम ने विनम्रता से प्रणाम कर उनके लिए स्वर्ण से सुसज्जित, विशाल और उत्तम आसन मंगवाए।

श्लोक 15 (uttara.1.15)

कुशान्तर्धानदत्तेषु मृगचर्मयुतेषु च । यथार्हमुपविष्टास्ते आसनेष्वृषिपुङ्गवाः ॥ 1.15 ॥

kuśāntardhānadatteṣu mṛgacarmayuteṣu ca | yathārhamupaviṣṭāste āsaneṣvṛṣipuṅgavāḥ || 1.15 ||

कुशा के बिछौने और मृगचर्म से युक्त उन आसनों पर वे श्रेष्ठ ऋषि यथायोग्य क्रम से बैठ गए।

श्लोक 16 (uttara.1.16)

रामेण कुशलं पृष्टाः सशिष्याः सपुरोगमाः । महर्षयो वेदविदो रामं वचनमब्रुवन् ॥ 1.16 ॥

rāmeṇa kuśalaṃ pṛṣṭāḥ saśiṣyāḥ sapurogamāḥ | maharṣayo vedavido rāmaṃ vacanamabruvan || 1.16 ||

राम द्वारा कुशल पूछे जाने पर, अपने शिष्यों और अग्रणी जनों सहित वेदज्ञ महर्षियों ने राम से यह वचन कहा।

श्लोक 17 (uttara.1.17)

कुशलं नो महाबाहो सर्वत्र रघुनन्दन । त्वां तु दिष्ट्या कुशलिनं पश्यामो हतशात्रवम् ॥ 1.17 ॥

kuśalaṃ no mahābāho sarvatra raghunandana | tvāṃ tu diṣṭyā kuśalinaṃ paśyāmo hataśātravam || 1.17 ||

"हे महाबाहु रघुनंदन, हम सर्वत्र कुशल हैं। और सौभाग्य से हम तुम्हें भी कुशल तथा शत्रुओं का नाश करने वाला देख रहे हैं।"

श्लोक 18 (uttara.1.18)

दिष्ट्या त्वया हतो राजन्रावणो लोकरावणः । न हि भारः स ते राम रावणः पुत्रपौत्रवान् ॥ 1.18 ॥

diṣṭyā tvayā hato rājanrāvaṇo lokarāvaṇaḥ | na hi bhāraḥ sa te rāma rāvaṇaḥ putrapautravān || 1.18 ||

"हे राजन्, सौभाग्य से तुमने संसार को रुलाने वाले रावण का वध किया। हे राम, पुत्र-पौत्रों सहित रावण भी तुम्हारे लिए कोई भार नहीं था।"

श्लोक 19 (uttara.1.19)

सधनुस्त्वं हि लोकांस्त्रीन्विजयेथा न संशयः । दिष्ट्या त्वया हतो राम रावणो राक्षसेश्वरः ॥ 1.19 ॥

sadhanustvaṃ hi lokāṃstrīnvijayethā na saṃśayaḥ | diṣṭyā tvayā hato rāma rāvaṇo rākṣaseśvaraḥ || 1.19 ||

"अपने धनुष मात्र से तुम तीनों लोकों को जीत सकते हो, इसमें संशय नहीं। हे राम, सौभाग्य से राक्षसराज रावण तुम्हारे द्वारा मारा गया।"

श्लोक 20 (uttara.1.20)

दिष्ट्या विजयिनं त्वाद्य पश्यामः सह सीतया । लक्ष्मणेन च धर्मात्मन्भ्रात्रा त्वद्धितकारिणा ॥ 1.20 ॥

diṣṭyā vijayinaṃ tvādya paśyāmaḥ saha sītayā | lakṣmaṇena ca dharmātmanbhrātrā tvaddhitakāriṇā || 1.20 ||

"सौभाग्य से आज हम तुम्हें सीता सहित और तुम्हारे हितैषी, धर्मात्मा भाई लक्ष्मण सहित विजयी देख रहे हैं।"

श्लोक 21 (uttara.1.21)

मातृभिर्भ्रातृसहितं पश्यामो ऽद्य वयं नृप । दिष्ट्या प्रहस्तो विकटो विरूपाक्षो महोदरः । अकम्पनश्च दुर्धर्षो निहतास्ते निशाचराः ॥ 1.21 ॥

mātṛbhirbhrātṛsahitaṃ paśyāmo 'dya vayaṃ nṛpa | diṣṭyā prahasto vikaṭo virūpākṣo mahodaraḥ | akampanaśca durdharṣo nihatāste niśācarāḥ || 1.21 ||

"हे राजन्, आज हम तुम्हें माताओं और भाइयों सहित देख रहे हैं। सौभाग्य से प्रहस्त, विकट, विरूपाक्ष, महोदर और दुर्जय अकंपन जैसे निशाचर तुम्हारे द्वारा मारे गए।"

श्लोक 22 (uttara.1.22)

यस्य प्रमाणाद्विपुलं प्रमाणं नेह विद्यते । दिष्ट्या ते समरे राम कुम्भकर्णो निपातितः ॥ 1.22 ॥

yasya pramāṇādvipulaṃ pramāṇaṃ neha vidyate | diṣṭyā te samare rāma kumbhakarṇo nipātitaḥ || 1.22 ||

"जिसके शरीर के विस्तार से बड़ा कोई और नहीं था, हे राम, सौभाग्य से युद्ध में तुमने उस कुम्भकर्ण को गिरा दिया।"

श्लोक 23 (uttara.1.23)

त्रिशिराश्चातिकायश्च देवान्तकनरान्तकौ । दिष्ट्या ते निहता राम महावीर्या निशाचराः ॥ 1.23 ॥

triśirāścātikāyaśca devāntakanarāntakau | diṣṭyā te nihatā rāma mahāvīryā niśācarāḥ || 1.23 ||

"त्रिशिरा, अतिकाय तथा देवान्तक और नरान्तक — हे राम, सौभाग्य से ये महापराक्रमी निशाचर तुम्हारे द्वारा मारे गए।"

श्लोक 24 (uttara.1.24)

कुम्भश्चैव निकुम्भश्च राक्षसौ भीमदर्शनौ । दिष्ट्या तौ निहतौ राम कुम्भकर्णसुतौ मृधे ॥ 1.24 ॥

kumbhaścaiva nikumbhaśca rākṣasau bhīmadarśanau | diṣṭyā tau nihatau rāma kumbhakarṇasutau mṛdhe || 1.24 ||

"कुम्भ और निकुम्भ नामक भयंकर रूप वाले दोनों राक्षस — हे राम, सौभाग्य से कुम्भकर्ण के वे दोनों पुत्र युद्ध में मारे गए।"

श्लोक 25 (uttara.1.25)

युद्धोन्मत्तश्च मत्तश्च कालान्तकयमोपमौ । यज्ञकोपश्च बलवान्धूम्राक्षो नाम राक्षसः ॥ 1.25 ॥

yuddhonmattaśca mattaśca kālāntakayamopamau | yajñakopaśca balavāndhūmrākṣo nāma rākṣasaḥ || 1.25 ||

"युद्धोन्मत्त और मत्त, जो काल, अंतक और यम के समान थे, तथा बलवान यज्ञकोप और धूम्राक्ष नामक राक्षस —"

श्लोक 26 (uttara.1.26)

कुर्वन्तः कदनं घोरमेते शस्त्रास्त्रपारगाः । अन्तकप्रतिमैर्बाणैर्दिष्ट्या विनिहतास्त्वया ॥ 1.26 ॥

kurvantaḥ kadanaṃ ghoramete śastrāstrapāragāḥ | antakapratimairbāṇairdiṣṭyā vinihatāstvayā || 1.26 ||

"— शस्त्रास्त्रों में निपुण, भीषण संहार करने वाले ये सभी सौभाग्य से यमराज के समान बाणों से तुम्हारे द्वारा मारे गए।"

श्लोक 27 (uttara.1.27)

दिष्ट्या त्वं राक्षसेन्द्रेण द्वन्द्वयुद्धमुपागतः । देवतानामवध्येन विजयं प्राप्तवानसि ॥ 1.27 ॥

diṣṭyā tvaṃ rākṣasendreṇa dvandvayuddhamupāgataḥ | devatānāmavadhyena vijayaṃ prāptavānasi || 1.27 ||

"सौभाग्य से देवताओं के लिए भी अवध्य उस राक्षसराज के साथ द्वंद्वयुद्ध में उतरकर तुमने विजय प्राप्त की।"

श्लोक 28 (uttara.1.28)

सङ्ख्ये तस्य न किञ्चित्तु रावणस्य पराभवः । द्वन्द्वयुद्धमनुप्राप्तो दिष्ट्या ते रावणिर्हतः ॥ 1.28 ॥

saṅkhye tasya na kiñcittu rāvaṇasya parābhavaḥ | dvandvayuddhamanuprāpto diṣṭyā te rāvaṇirhataḥ || 1.28 ||

"उस गणना में रावण की पराजय कोई बड़ी बात नहीं है — किंतु सौभाग्य से द्वंद्वयुद्ध में उतरा हुआ उसका पुत्र रावणि (इन्द्रजित) तुम्हारे द्वारा मारा गया।"

श्लोक 29 (uttara.1.29)

दिष्ट्या तस्य महाबाहो कालस्येवाभिधावतः । मुक्तः सुररिपोर्वीर प्राप्तश्च विजयस्त्वया ॥ 1.29 ॥

diṣṭyā tasya mahābāho kālasyevābhidhāvataḥ | muktaḥ surariporvīra prāptaśca vijayastvayā || 1.29 ||

"हे महाबाहु वीर, सौभाग्य से काल के समान झपटने वाले उस देवशत्रु से तुम मुक्त हुए और विजय प्राप्त की।"

श्लोक 30 (uttara.1.30)

अभिनन्दाम ते सर्वे संश्रुत्येन्द्रजितो वधम् । सो ऽवध्यः सर्वभूतानां महामायाधरो युधि ॥ 1.30 ॥

abhinandāma te sarve saṃśrutyendrajito vadham | so 'vadhyaḥ sarvabhūtānāṃ mahāmāyādharo yudhi || 1.30 ||

"इन्द्रजित के वध का समाचार सुनकर हम सब हर्षित हैं — वह जो समस्त प्राणियों के लिए अवध्य था और युद्ध में महामाया धारण करने वाला था।"

श्लोक 31 (uttara.1.31)

विस्मयस्त्वेष चास्माकं तच्छ्रुत्वेन्द्रजितं हतम् ॥ 1.31 ॥

vismayastveṣa cāsmākaṃ tacchrutvendrajitaṃ hatam || 1.31 ||

"इन्द्रजित के मारे जाने का यह समाचार सुनकर हमें अत्यंत आश्चर्य हो रहा है।"

श्लोक 32 (uttara.1.32)

एते चान्ये च बहवो राक्षसाः कामरूपिणः । दिष्ट्या त्वया हता वीरा रघूणां कुलवर्द्धन ॥ 1.32 ॥

ete cānye ca bahavo rākṣasāḥ kāmarūpiṇaḥ | diṣṭyā tvayā hatā vīrā raghūṇāṃ kulavarddhana || 1.32 ||

"ये और अन्य भी अनेक इच्छानुसार रूप धारण करने वाले राक्षस — हे वीर, रघुकुल को बढ़ाने वाले, सौभाग्य से तुम्हारे द्वारा मारे गए।"

श्लोक 33 (uttara.1.33)

दत्त्वा पुण्यामिमां वीर सौम्यामभयदक्षिणाम् ।। दिष्ट्या वर्धसि काकुत्स्थ जयेनामित्रकर्शन ॥ 1.33 ॥

dattvā puṇyāmimāṃ vīra saumyāmabhayadakṣiṇām || diṣṭyā vardhasi kākutstha jayenāmitrakarśana || 1.33 ||

"हे काकुत्स्थ, यह पुण्य, सौम्य अभयदान देकर, सौभाग्य से तुम इस विजय द्वारा वृद्धि को प्राप्त हो रहे हो, हे शत्रुनाशक।"

श्लोक 34 (uttara.1.34)

श्रुत्वा तु तेषां वचनमृषीणां भावितात्मनाम् । विस्मयं परमं गत्वा रामः प्राञ्जलिरब्रवीत् ॥ 1.34 ॥

śrutvā tu teṣāṃ vacanamṛṣīṇāṃ bhāvitātmanām | vismayaṃ paramaṃ gatvā rāmaḥ prāñjalirabravīt || 1.34 ||

उन शुद्धात्मा ऋषियों के वचन सुनकर राम को अत्यंत आश्चर्य हुआ और उन्होंने हाथ जोड़कर कहा।

श्लोक 35 (uttara.1.35)

भगवन्तः कुम्भकर्णं रावणं च निशाचरम् । अतिक्रम्य महावीर्यौ किं प्रशंसथ रावणिम् ॥ 1.35 ॥

bhagavantaḥ kumbhakarṇaṃ rāvaṇaṃ ca niśācaram | atikramya mahāvīryau kiṃ praśaṃsatha rāvaṇim || 1.35 ||

"हे भगवन्तो, महापराक्रमी कुम्भकर्ण और निशाचर रावण को छोड़कर, आप लोग रावणि (इन्द्रजित) की ही प्रशंसा क्यों करते हैं?"

श्लोक 36 (uttara.1.36)

महोदरं प्रहस्तं च विरूपाक्षं च राक्षसम् । मत्तोन्मत्तौ च दुर्धर्षौ देवान्तकनरान्तकौ ।। अतिक्रम्य महावीर्यान् किं प्रशंसथ रावणिम् ॥ 1.36 ॥

mahodaraṃ prahastaṃ ca virūpākṣaṃ ca rākṣasam | mattonmattau ca durdharṣau devāntakanarāntakau || atikramya mahāvīryān kiṃ praśaṃsatha rāvaṇim || 1.36 ||

"महोदर, प्रहस्त, राक्षस विरूपाक्ष तथा दुर्जय मत्त-उन्मत्त और देवान्तक-नरान्तक — इन सब महापराक्रमियों को छोड़कर आप रावणि की ही प्रशंसा क्यों करते हैं?"

श्लोक 37 (uttara.1.37)

अतिकायं त्रिशिरसं धूम्राक्षं च निशाचरम् । अतिक्रम्य महावीर्यान्किं प्रशंसथ रावणिम् ॥ 1.37 ॥

atikāyaṃ triśirasaṃ dhūmrākṣaṃ ca niśācaram | atikramya mahāvīryānkiṃ praśaṃsatha rāvaṇim || 1.37 ||

"अतिकाय, त्रिशिरा तथा निशाचर धूम्राक्ष जैसे महापराक्रमियों को छोड़कर आप रावणि की ही प्रशंसा क्यों करते हैं?"

श्लोक 38 (uttara.1.38)

कीदृशो वै प्रभावो ऽस्य किं बलं कः पराक्रमः । केन वा कारणेनैष रावणादतिरिच्यते ॥ 1.38 ॥

kīdṛśo vai prabhāvo 'sya kiṃ balaṃ kaḥ parākramaḥ | kena vā kāraṇenaiṣa rāvaṇādatiricyate || 1.38 ||

"उसका प्रभाव कैसा था? उसका बल और पराक्रम कैसा था? और किस कारण से वह रावण से भी बढ़कर था?"

श्लोक 39 (uttara.1.39)

शक्यं यदि मया श्रोतुं न खल्वाज्ञापयामि वः । यदि गुह्यं न चेद्वक्तुं श्रोतुमिच्छामि कथ्यताम् ॥ 1.39 ॥

śakyaṃ yadi mayā śrotuṃ na khalvājñāpayāmi vaḥ | yadi guhyaṃ na cedvaktuṃ śrotumicchāmi kathyatām || 1.39 ||

"यदि यह मेरे सुनने योग्य है तो मैं आपको आज्ञा नहीं दे रहा, किंतु यदि यह गोपनीय नहीं और कहने योग्य है तो मैं सुनना चाहता हूँ — कृपया कहिए।"

श्लोक 40 (uttara.1.40)

शक्रो ऽपि विजितस्तेन कथं लब्धवरश्च सः । कथं च बलवानन्पुत्रो न पिता तस्य रावणः ॥ 1.40 ॥

śakro 'pi vijitastena kathaṃ labdhavaraśca saḥ | kathaṃ ca balavānanputro na pitā tasya rāvaṇaḥ || 1.40 ||

"उसने किस प्रकार इन्द्र को भी जीत लिया और किस प्रकार वर प्राप्त किए? और कैसे उसका पिता रावण, बलवान होते हुए भी, पुत्र के समान नहीं था?"

श्लोक 41 (uttara.1.41)

कथं पितुश्चाभ्यधिको महाहवे शक्रस्य जेता हि कथं स राक्षसः । वराश्च लब्धाः कथयस्व मे ऽद्य तत्पृच्छतश्चास्य मुनीन्द्र सर्वम् ॥ 1.41 ॥

kathaṃ pituścābhyadhiko mahāhave śakrasya jetā hi kathaṃ sa rākṣasaḥ | varāśca labdhāḥ kathayasva me 'dya tatpṛcchataścāsya munīndra sarvam || 1.41 ||

"वह राक्षस महासमर में अपने पिता से भी किस प्रकार श्रेष्ठ था, और किस प्रकार वह इन्द्र का विजेता बना? तथा उसने कौन-कौन से वर प्राप्त किए — हे मुनीन्द्र, मेरे पूछने पर आज यह सब कहिए।"