विभीषण की अपशकुन-चेतावनी

श्लोक 1 (yuddha.10.1)

ततः प्रत्युषसि प्राप्ते प्राप्तधर्मार्थनिश्चयः । राक्षसाधिपतेर्वेश्म भीमकर्मा विभीषणः ॥ 10.1 ॥

tataḥ pratyuṣasi prāpte prāptadharmārthaniścayaḥ | rākṣasādhipaterveśma bhīmakarmā vibhīṣaṇaḥ || 10.1 ||

तत्पश्चात् प्रातःकाल होने पर, धर्म और अर्थ के निश्चय को प्राप्त, भीमकर्मा विभीषण राक्षसराज के भवन में गए।

श्लोक 2 (yuddha.10.2)

शैलाग्रचयसंकाशं शैलशृङ्गमिवोन्नतम् । सुविभक्तमहाकक्षं महाजनपरिग्रहम् ॥ 10.2 ॥

śailāgracayasaṃkāśaṃ śailaśṛṅgamivonnatam | suvibhaktamahākakṣaṃ mahājanaparigraham || 10.2 ||

वह भवन पर्वत-शिखरों के समूह के समान था, पर्वत के शिखर के समान ऊँचा उठा हुआ, सुविभाजित विशाल कक्षों वाला, तथा महान जनों से आबाद था।

श्लोक 3 (yuddha.10.3)

मतिमद्भिर्महामात्रैरनुरक्तैरधिष्ठितम् । राक्षसैराप्तपर्याप्तैः सर्वतः परिरक्षितम् ॥ 10.3 ॥

matimadbhirmahāmātrairanuraktairadhiṣṭhitam | rākṣasairāptaparyāptaiḥ sarvataḥ parirakṣitam || 10.3 ||

बुद्धिमान और भक्त महामात्यों से युक्त, तथा विश्वसनीय एवं समर्थ राक्षसों द्वारा चारों ओर से सुरक्षित।

श्लोक 4 (yuddha.10.4)

मत्तमातङ्गनिःश्वासैर्व्याकुलीकृतमारुतम् । शङ्खघोषमहाघोषं तूर्यसम्बाधनादितम् ॥ 10.4 ॥

mattamātaṅganiḥśvāsairvyākulīkṛtamārutam | śaṅkhaghoṣamahāghoṣaṃ tūryasambādhanāditam || 10.4 ||

मतवाले हाथियों की साँसों से वहाँ की वायु व्याकुल हो रही थी, शंखों की महाध्वनि और वाद्ययंत्रों के समूह-निनाद से वह गूँज रहा था।

श्लोक 5 (yuddha.10.5)

प्रमदाजनसम्बाधं प्रजल्पितमहापथम् । तप्तकाञ्चननिर्यूहं भूषणोत्तमभूषितम् ॥ 10.5 ॥

pramadājanasambādhaṃ prajalpitamahāpatham | taptakāñcananiryūhaṃ bhūṣaṇottamabhūṣitam || 10.5 ||

स्त्रीजनों से भरा हुआ, जिसके प्रमुख मार्गों पर बातचीत की ध्वनि गूँजती थी, तपाए हुए स्वर्ण के कँगूरों वाला, और उत्तम आभूषणों से सुशोभित।

श्लोक 6 (yuddha.10.6)

गन्धर्वाणामिवावासमालयं मरुतामिव । रत्नसंचयसम्बाधं भवनं भोगिनामिव ॥ 10.6 ॥

gandharvāṇāmivāvāsamālayaṃ marutāmiva | ratnasaṃcayasambādhaṃ bhavanaṃ bhogināmiva || 10.6 ||

वह भवन मानो गन्धर्वों का निवास, मरुद्गणों का आलय, और रत्नों के ढेर से भरा हुआ नागों का भवन-सा प्रतीत होता था।

श्लोक 7 (yuddha.10.7)

तं महाभ्रमिवादित्यस्तेजोविस्तृतरश्मिवान् । अग्रजस्यालयं वीरः प्रविवेश महाद्युतिः ॥ 10.7 ॥

taṃ mahābhramivādityastejovistṛtaraśmivān | agrajasyālayaṃ vīraḥ praviveśa mahādyutiḥ || 10.7 ||

उस महान् तेजस्वी वीर विभीषण ने, अपनी प्रसारित तेजोमय किरणों वाले सूर्य की भाँति, अपने बड़े भाई के उस भवन में — मानो विशाल मेघ में — प्रवेश किया।

श्लोक 8 (yuddha.10.8)

पुण्यान् पुण्याहघोषांश्च वेदविद्भिरुदाहृतान् । शुश्राव सुमहातेजा भ्रातुर्विजयसंश्रितान् ॥ 10.8 ॥

puṇyān puṇyāhaghoṣāṃśca vedavidbhirudāhṛtān | śuśrāva sumahātejā bhrāturvijayasaṃśritān || 10.8 ||

उस महातेजस्वी विभीषण ने वेदविदों द्वारा उच्चारित, अपने भाई की विजय-कामना से युक्त, पवित्र मंगल-पाठों की ध्वनि सुनी।

श्लोक 9 (yuddha.10.9)

पूजितान् दधिपात्रैश्च सर्पिभिः सुमनोक्षतैः । मन्त्रवेदविदो विप्रान् ददर्श स महाबलः ॥ 10.9 ॥

pūjitān dadhipātraiśca sarpibhiḥ sumanokṣataiḥ | mantravedavido viprān dadarśa sa mahābalaḥ || 10.9 ||

उस महाबली विभीषण ने मन्त्र और वेद के ज्ञाता ब्राह्मणों को देखा, जो दधि के पात्रों, घृत, फूलों और अक्षतों से पूजित थे।

श्लोक 10 (yuddha.10.10)

स पूज्यमानो रक्षोभिर्दीप्यमानं स्वतेजसा । आसनस्थं महाबाहुर्ववन्दे धनदानुजम् ॥ 10.10 ॥

sa pūjyamāno rakṣobhirdīpyamānaṃ svatejasā | āsanasthaṃ mahābāhurvavande dhanadānujam || 10.10 ||

राक्षसों द्वारा पूजित और अपने ही तेज से देदीप्यमान वह महाबाहु विभीषण, सिंहासन पर बैठे कुबेर के अनुज रावण को प्रणाम करने गया।

श्लोक 11 (yuddha.10.11)

स राजदृष्टिसम्पन्नमासनं हेमभूषितम् । जगाम समुदाचारं प्रयुज्याचारकोविदः ॥ 10.11 ॥

sa rājadṛṣṭisampannamāsanaṃ hemabhūṣitam | jagāma samudācāraṃ prayujyācārakovidaḥ || 10.11 ||

शिष्टाचार में निपुण विभीषण ने उचित शिष्टाचार का पालन करके, राजा की दृष्टि से स्वीकृत, स्वर्ण से सुसज्जित आसन ग्रहण किया।

श्लोक 12 (yuddha.10.12)

स रावणं महात्मानं विजने मन्त्रिसंनिधौ । उवाच हितमत्यर्थं वचनं हेतुनिश्चितम् ॥ 10.12 ॥

sa rāvaṇaṃ mahātmānaṃ vijane mantrisaṃnidhau | uvāca hitamatyarthaṃ vacanaṃ hetuniścitam || 10.12 ||

उसने एकान्त में, मन्त्रियों की उपस्थिति में, महात्मा रावण से अत्यन्त हितकारी और युक्तिसंगत वचन कहे।

श्लोक 13 (yuddha.10.13)

प्रसाद्य भ्रातरं ज्येष्ठं सान्त्वेनोपस्थितक्रमः । देशकालार्थसंवादि दृष्टलोकपरावरः ॥ 10.13 ॥

prasādya bhrātaraṃ jyeṣṭhaṃ sāntvenopasthitakramaḥ | deśakālārthasaṃvādi dṛṣṭalokaparāvaraḥ || 10.13 ||

लोक के भले-बुरे को देखने वाले विभीषण ने अपने बड़े भाई को सान्त्वना के वचनों से प्रसन्न करते हुए, क्रमबद्ध होकर, देश, काल और प्रयोजन के अनुरूप बात कही।

श्लोक 14 (yuddha.10.14)

यदाप्रभृति वैदेही सम्प्राप्तेह परंतप । तदाप्रभृति दृश्यन्ते निमित्तान्यशुभानि नः ॥ 10.14 ॥

yadāprabhṛti vaidehī samprāpteha paraṃtapa | tadāprabhṛti dṛśyante nimittānyaśubhāni naḥ || 10.14 ||

हे परंतप, जब से वैदेही यहाँ आई है, तभी से हमें अशुभ लक्षण दिखाई दे रहे हैं।

श्लोक 15 (yuddha.10.15)

सस्फुलिङ्गः सधूमार्चिः सधूमकलुषोदयः । मन्त्रसंधुक्षितोऽप्यग्निर्न सम्यगभिवर्धते ॥ 10.15 ॥

sasphuliṅgaḥ sadhūmārciḥ sadhūmakaluṣodayaḥ | mantrasaṃdhukṣito'pyagnirna samyagabhivardhate || 10.15 ||

मन्त्रों से प्रज्वलित किया गया अग्नि भी भलीभाँति नहीं बढ़ता — चिंगारियाँ छोड़ता, धुएँ से भरी लपटों वाला, तथा धूम से मलिन उठता हुआ।

श्लोक 16 (yuddha.10.16)

अग्निष्टेष्वग्निशालासु तथा ब्रह्मस्थलीषु च । सरीसृपाणि दृश्यन्ते हव्येषु च पिपीलिकाः ॥ 10.16 ॥

agniṣṭeṣvagniśālāsu tathā brahmasthalīṣu ca | sarīsṛpāṇi dṛśyante havyeṣu ca pipīlikāḥ || 10.16 ||

अग्निकुण्ड के समीप, अग्निशालाओं में, तथा ब्राह्मणों के अध्ययन-स्थलों में सरीसृप दिखाई देते हैं, और हवन-सामग्री में चींटियाँ दिखाई देती हैं।

श्लोक 17 (yuddha.10.17)

गवां पयांसि स्कन्नानि विमदा वरकुञ्जराः । दीनमश्वाः प्रहेषन्ते नवग्रासाभिनन्दिनः ॥ 10.17 ॥

gavāṃ payāṃsi skannāni vimadā varakuñjarāḥ | dīnamaśvāḥ praheṣante navagrāsābhinandinaḥ || 10.17 ||

गायों का दूध फट रहा है, उत्तम गजराज मद-रहित हो गए हैं, और नए चारे से प्रसन्न होने वाले घोड़े भी दीनतापूर्वक हिनहिना रहे हैं।

श्लोक 18 (yuddha.10.18)

खरोष्ट्राश्वतरा राजन् भिन्नरोमाः स्रवन्ति च । न स्वभावेऽवतिष्ठन्ते विधानैरपि चिन्तिताः ॥ 10.18 ॥

kharoṣṭrāśvatarā rājan bhinnaromāḥ sravanti ca | na svabhāve'vatiṣṭhante vidhānairapi cintitāḥ || 10.18 ||

हे राजन्, गधे, ऊँट और खच्चर अपने रोमों को झड़ाते हुए आँसू बहा रहे हैं, और उचित उपचार करने पर भी अपनी स्वाभाविक स्थिति में नहीं रह रहे।

श्लोक 19 (yuddha.10.19)

वायसाः संघशः क्रूरा व्याहरन्ति समन्ततः । समवेताश्च दृश्यन्ते विमानाग्रेषु संघशः ॥ 10.19 ॥

vāyasāḥ saṃghaśaḥ krūrā vyāharanti samantataḥ | samavetāśca dṛśyante vimānāgreṣu saṃghaśaḥ || 10.19 ||

कौवे झुंड बनाकर चारों ओर से कठोर स्वर में बोल रहे हैं, और विमानों की छतों पर झुंडों में इकट्ठे होकर दिखाई दे रहे हैं।

श्लोक 20 (yuddha.10.20)

गृध्राश्च परिलीयन्ते पुरीमुपरि पिण्डिताः । उपपन्नाश्च संध्ये द्वे व्याहरन्त्यशिवं शिवाः ॥ 10.20 ॥

gṛdhrāśca parilīyante purīmupari piṇḍitāḥ | upapannāśca saṃdhye dve vyāharantyaśivaṃ śivāḥ || 10.20 ||

गिद्ध झुंड बनाकर नगरी के ऊपर मंडरा रहे हैं, और सन्ध्या तथा प्रातः दोनों समय गीदड़ अशुभ स्वर में बोल रहे हैं।

श्लोक 21 (yuddha.10.21)

क्रव्यादानां मृगाणां च पुरीद्वारेषु संघशः । श्रूयन्ते विपुला घोषाः सविस्फूर्जितनिःस्वनाः ॥ 10.21 ॥

kravyādānāṃ mṛgāṇāṃ ca purīdvāreṣu saṃghaśaḥ | śrūyante vipulā ghoṣāḥ savisphūrjitaniḥsvanāḥ || 10.21 ||

नगर के द्वारों पर मांसाहारी पशुओं के झुंडों की गर्जना के साथ मिली हुई तेज़ चीत्कारें सुनाई देती हैं।

श्लोक 22 (yuddha.10.22)

तदेवं प्रस्तुते कार्ये प्रायश्चित्तमिदं क्षमम् । रोचये वीर वैदेही राघवाय प्रदीयताम् ॥ 10.22 ॥

tadevaṃ prastute kārye prāyaścittamidaṃ kṣamam | rocaye vīra vaidehī rāghavāya pradīyatām || 10.22 ||

हे वीर, इसलिए इस स्थिति में यही उचित प्रायश्चित्त है — मैं यही चाहता हूँ कि वैदेही राघव को लौटा दी जाए।

श्लोक 23 (yuddha.10.23)

इदं च यदि वा मोहाल्लोभाद् वा व्याहृतं मया । तत्रापि च महाराज न दोषं कर्तुमर्हसि ॥ 10.23 ॥

idaṃ ca yadi vā mohāllobhād vā vyāhṛtaṃ mayā | tatrāpi ca mahārāja na doṣaṃ kartumarhasi || 10.23 ||

हे महाराज, यदि मैंने यह बात मोहवश या लोभवश कही हो, तो भी आपको इसमें दोष नहीं निकालना चाहिए।

श्लोक 24 (yuddha.10.24)

अयं हि दोषः सर्वस्य जनस्यास्योपलक्ष्यते । रक्षसां राक्षसीनां च पुरस्यान्तःपुरस्य च ॥ 10.24 ॥

ayaṃ hi doṣaḥ sarvasya janasyāsyopalakṣyate | rakṣasāṃ rākṣasīnāṃ ca purasyāntaḥpurasya ca || 10.24 ||

यह अशुभ लक्षण तो नगर और अन्तःपुर के सभी राक्षसों, राक्षसियों तथा समस्त प्रजा द्वारा भी देखा जा रहा है।

श्लोक 25 (yuddha.10.25)

प्रापणे चास्य मन्त्रस्य निवृत्ताः सर्वमन्त्रिणः । अवश्यं च मया वाच्यं यद् दृष्टमथवा श्रुतम् । सम्प्रधार्य यथान्यायं तद् भवान् कर्तुमर्हति ॥ 10.25 ॥

prāpaṇe cāsya mantrasya nivṛttāḥ sarvamantriṇaḥ | avaśyaṃ ca mayā vācyaṃ yad dṛṣṭamathavā śrutam | sampradhārya yathānyāyaṃ tad bhavān kartumarhati || 10.25 ||

आपके सभी मन्त्री यह परामर्श देने से हिचक रहे हैं; किन्तु जो मैंने देखा या सुना है, उसे मुझे अवश्य कहना ही चाहिए। अतः आप भलीभाँति विचार करके जो न्यायसंगत हो, वही करें।

श्लोक 26 (yuddha.10.26)

इति स्वमन्त्रिणां मध्ये भ्राता भ्रातरमूचिवान् । रावणं रक्षसां श्रेष्ठं पथ्यमेतद् विभीषणः ॥ 10.26 ॥

iti svamantriṇāṃ madhye bhrātā bhrātaramūcivān | rāvaṇaṃ rakṣasāṃ śreṣṭhaṃ pathyametad vibhīṣaṇaḥ || 10.26 ||

इस प्रकार भाई विभीषण ने राक्षसों में श्रेष्ठ अपने भाई रावण से, उसके ही मन्त्रियों के बीच, यह हितकर बात कही।

श्लोक 27 (yuddha.10.27)

हितं महार्थं मृदु हेतुसंहितं व्यतीतकालायतिसम्प्रतिक्षमम् । निशम्य तद्वाक्यमुपस्थितज्वरः प्रसङ्गवानुत्तरमेतदब्रवीत् ॥ 10.27 ॥

hitaṃ mahārthaṃ mṛdu hetusaṃhitaṃ vyatītakālāyatisampratikṣamam | niśamya tadvākyamupasthitajvaraḥ prasaṅgavānuttarametadabravīt || 10.27 ||

उस हितकर, महान् अर्थ से युक्त, कोमल, युक्तिसंगत, तथा भूत-भविष्य-वर्तमान तीनों कालों के लिए उपयुक्त वचन को सुनकर, दुष्ट-प्रवृत्ति वाला रावण क्रोध से जल उठा और यह उत्तर दिया।

श्लोक 28 (yuddha.10.28)

भयं न पश्यामि कुतश्चिदप्यहं न राघवः प्राप्स्यति जातु मैथिलीम् । सुरैः सहेन्द्रैरपि संगरे कथं ममाग्रतः स्थास्यति लक्ष्मणाग्रजः ॥ 10.28 ॥

bhayaṃ na paśyāmi kutaścidapyahaṃ na rāghavaḥ prāpsyati jātu maithilīm | suraiḥ sahendrairapi saṃgare kathaṃ mamāgrataḥ sthāsyati lakṣmaṇāgrajaḥ || 10.28 ||

मुझे किसी से भी कोई भय नहीं दिखता; राघव किसी भी उपाय से मैथिली को कभी नहीं पा सकेगा। इन्द्र सहित देवताओं के साथ मिलकर भी लक्ष्मण का बड़ा भाई युद्ध में मेरे सामने कैसे टिक सकेगा?

श्लोक 29 (yuddha.10.29)

इत्येवमुक्त्वा सुरसैन्यनाशनो महाबलः संयति चण्डविक्रमः । दशाननो भ्रातरमाप्तवादिनं विसर्जयामास तदा विभीषणम् ॥ 10.29 ॥

ityevamuktvā surasainyanāśano mahābalaḥ saṃyati caṇḍavikramaḥ | daśānano bhrātaramāptavādinaṃ visarjayāmāsa tadā vibhīṣaṇam || 10.29 ||

देवताओं की सेना का संहार करने वाला, महाबली और युद्ध में उग्र पराक्रम रखने वाला दशानन, इस प्रकार कहकर, सच्ची बात कहने वाले अपने भाई विभीषण को उस समय विदा कर दिया।