रावण की युद्ध-सभा

श्लोक 1 (yuddha.11.1)

स बभूव कृशो राजा मैथिलीकाममोहितः । असन्मानाच्च सुहृदां पापः पापेन कर्मणा ॥ ११.१ ॥

sa babhūva kṛśo rājā maithilīkāmamohitaḥ | asanmānācca suhṛdāṃ pāpaḥ pāpena karmaṇā ||

सीता के प्रति कामवासना से मोहित होकर वह पापी राजा रावण अपने पापपूर्ण आचरण तथा हितैषियों के अनादर के कारण क्षीण (दुर्बल) हो गया।

श्लोक 2 (yuddha.11.2)

अतीतसमये काले तस्मिन् वै युधि रावणः । अमात्यैश्च सुहृद्भिश्च प्राप्तकालममन्यत ॥ ११.२ ॥

atītasamaye kāle tasmin vai yudhi rāvaṇaḥ | amātyaiśca suhṛdbhiśca prāptakālamamanyata ||

यद्यपि युद्ध के लिए उपयुक्त समय बीत चुका था, तथापि रावण ने उस समय को अपने मंत्रियों और हितैषियों के साथ परामर्श करने के लिए उचित समझा।

श्लोक 3 (yuddha.11.3)

स हेमजालविततं मणिविद्रुमभूषितम् । उपगम्य विनीताश्वमारुरोह महारथम् ॥ ११.३ ॥

sa hemajālavitataṃ maṇividrumabhūṣitam | upagamya vinītāśvamāruroha mahāratham ||

स्वर्ण-जाल से आच्छादित तथा मणियों और मूँगों से सुशोभित, प्रशिक्षित घोड़ों से युक्त उस विशाल रथ के पास जाकर वह उस पर आरूढ़ हुआ।

श्लोक 4 (yuddha.11.4)

तमास्थाय रथश्रेष्ठं महामेघसमस्वनम् । प्रययौ रक्षसां श्रेष्ठो दशग्रीवः सभां प्रति ॥ ११.४ ॥

tamāsthāya rathaśreṣṭhaṃ mahāmeghasamasvanam | prayayau rakṣasāṃ śreṣṭho daśagrīvaḥ sabhāṃ prati ||

उस श्रेष्ठ रथ पर सवार होकर, राक्षसों में श्रेष्ठ दशग्रीव (रावण) बड़े मेघ की गर्जना के समान ध्वनि करते हुए सभा की ओर चल पड़ा।

श्लोक 5 (yuddha.11.5)

असिचर्मधरा योधाः सर्वायुधधरास्ततः । राक्षसा राक्षसेन्द्रस्य पुरस्तात् सम्प्रतस्थिरे ॥ ११.५ ॥

asicarmadharā yodhāḥ sarvāyudhadharāstataḥ | rākṣasā rākṣasendrasya purastāt sampratasthire ||

तब तलवार और ढाल धारण किए योद्धा तथा सभी प्रकार के अस्त्र-शस्त्र लिए राक्षस उस राक्षसराज के आगे-आगे चल पड़े।

श्लोक 6 (yuddha.11.6)

नानाविकृतवेषाश्च नानाभूषणभूषिताः । पार्श्वतः पृष्ठतश्चैनं परिवार्य ययुस्तदा ॥ ११.६ ॥

nānāvikṛtaveṣāśca nānābhūṣaṇabhūṣitāḥ | pārśvataḥ pṛṣṭhataścainaṃ parivārya yayustadā ||

विचित्र वेष धारण किए और नाना प्रकार के आभूषणों से सुसज्जित राक्षस उस समय उसे दोनों ओर से तथा पीछे से घेरकर चलने लगे।

श्लोक 7 (yuddha.11.7)

रथैश्चातिरथाः शीघ्रं मत्तैश्च वरवारणैः । अनूत्पेतुर्दशग्रीवमाक्रीडद्भिश्च वाजिभिः ॥ ११.७ ॥

rathaiścātirathāḥ śīghraṃ mattaiśca varavāraṇaiḥ | anūtpeturdaśagrīvamākrīḍadbhiśca vājibhiḥ ||

महान् रथी योद्धा शीघ्रतापूर्वक रथों पर, मदमस्त श्रेष्ठ गजों पर तथा कुलाँचें भरते घोड़ों पर सवार होकर दशग्रीव के पीछे-पीछे दौड़ पड़े।

श्लोक 8 (yuddha.11.8)

गदापरिघहस्ताश्च शक्तितोमरपाणयः । परश्वधधराश्चान्ये तथान्ये शूलपाणयः ॥ ११.८ ॥

gadāparighahastāśca śaktitomarapāṇayaḥ | paraśvadhadharāścānye tathānye śūlapāṇayaḥ ||

कुछ के हाथों में गदा और परिघ थे, कुछ के हाथों में शक्ति और तोमर थे, कुछ अन्य फरसा धारण किए हुए थे, तो कुछ अन्य त्रिशूल हाथों में लिए हुए थे।

श्लोक 9 (yuddha.11.9)

ततस्तूर्यसहस्राणं संजज्ञे निःस्वनो महान् । तुमुलः शङ्खशब्दश्च सभां गच्छति रावणे ॥ ११.९ ॥

tatastūryasahasrāṇaṃ saṃjajñe niḥsvano mahān | tumulaḥ śaṅkhaśabdaśca sabhāṃ gacchati rāvaṇe ||

तत्पश्चात् जब रावण सभा की ओर जा रहा था, तब हज़ारों तुरहियों की महान् ध्वनि और शंखों का घोर घोष उत्पन्न हुआ।

श्लोक 10 (yuddha.11.10)

स नेमिघोषेण महान् सहसाभिनिनादयन् । राजमार्गं श्रिया जुष्टं प्रतिपेदे महारथः ॥ ११.१० ॥

sa nemighoṣeṇa mahān sahasābhininādayan | rājamārgaṃ śriyā juṣṭaṃ pratipede mahārathaḥ ||

वह महान् रथ अपने पहियों की घरघराहट से आकस्मात् गूँजता हुआ, शोभा से युक्त राजमार्ग पर जा पहुँचा।

श्लोक 11 (yuddha.11.11)

विमलं चातपत्रं च प्रगृहीतमशोभत । पाण्डुरं राक्षसेन्द्रस्य पूर्णस्ताराधिपो यथा ॥ ११.११ ॥

vimalaṃ cātapatraṃ ca pragṛhītamaśobhata | pāṇḍuraṃ rākṣasendrasya pūrṇastārādhipo yathā ||

उस राक्षसराज के सिर पर धारण किया गया निर्मल और श्वेत छत्र पूर्ण चन्द्रमा के समान शोभायमान हो रहा था।

श्लोक 12 (yuddha.11.12)

हेममञ्जरिगर्भे च शुद्धस्फटिकविग्रहे । चामरव्यजने तस्य रेजतुः सव्यदक्षिणे ॥ ११.१२ ॥

hemamañjarigarbhe ca śuddhasphaṭikavigrahe | cāmaravyajane tasya rejatuḥ savyadakṣiṇe ||

स्वर्णिम झालर वाले तथा शुद्ध स्फटिक की मूठ से युक्त दो चँवर उसके बाएँ और दाहिने भाग में शोभा पा रहे थे।

श्लोक 13 (yuddha.11.13)

ते कृताञ्जलयः सर्वे रथस्थं पृथिवीस्थिताः । राक्षसा राक्षसश्रेष्ठं शिरोभिस्तं ववन्दिरे ॥ ११.१३ ॥

te kṛtāñjalayaḥ sarve rathasthaṃ pṛthivīsthitāḥ | rākṣasā rākṣasaśreṣṭhaṃ śirobhistaṃ vavandire ||

पृथ्वी पर खड़े वे सभी राक्षस हाथ जोड़कर, रथ पर बैठे हुए उस राक्षसश्रेष्ठ को सिर झुकाकर प्रणाम करने लगे।

श्लोक 14 (yuddha.11.14)

राक्षसैः स्तूयमानः सञ्जयाशीर्भिररिंदमः । आससाद महातेजाः सभां विरचितां तदा ॥ ११.१४ ॥

rākṣasaiḥ stūyamānaḥ sañjayāśīrbhirariṃdamaḥ | āsasāda mahātejāḥ sabhāṃ viracitāṃ tadā ||

शत्रुओं का दमन करने वाला महातेजस्वी रावण राक्षसों द्वारा विजय की जयकार के साथ स्तुति किया जाता हुआ, उस समय सजाई गई सभा में पहुँचा।

श्लोक 15 (yuddha.11.15)

सुवर्णरजतास्तीर्णां विशुद्धस्फटिकान्तराम् । विराजमानो वपुषा रुक्मपट्टोत्तरच्छदाम् ॥ ११.१५ ॥

suvarṇarajatāstīrṇāṃ viśuddhasphaṭikāntarām | virājamāno vapuṣā rukmapaṭṭottaracchadām ||

सोने-चाँदी से जड़ी, शुद्ध स्फटिक के भीतरी भाग वाली तथा स्वर्णिम झालरदार परदों से युक्त उस सभा में वह अपने तेज से देदीप्यमान हो रहा था।

श्लोक 16 (yuddha.11.16)

तां पिशाचशतैः षड्भिरभिगुप्तां सदाप्रभाम् । प्रविवेश महातेजाः सुकृतां विश्वकर्मणा ॥ ११.१६ ॥

tāṃ piśācaśataiḥ ṣaḍbhirabhiguptāṃ sadāprabhām | praviveśa mahātejāḥ sukṛtāṃ viśvakarmaṇā ||

विश्वकर्मा द्वारा सुनिर्मित, सदा कान्तिमान् तथा छह सौ पिशाचों द्वारा रक्षित उस सभा में वह महातेजस्वी रावण प्रविष्ट हुआ।

श्लोक 17 (yuddha.11.17)

तस्यां तु वैदूर्यमयं प्रियकाजिनसंवृतम् । महत्सोपाश्रयं भेजे रावणः परमासनम् ॥ ११.१७ ॥

tasyāṃ tu vaidūryamayaṃ priyakājinasaṃvṛtam | mahatsopāśrayaṃ bheje rāvaṇaḥ paramāsanam ||

उस सभा में रावण ने वैडूर्यमणि से जड़े, प्रियक-मृगचर्म से आच्छादित तथा तकियों से सुसज्जित विशाल एवं उत्तम आसन को ग्रहण किया।

श्लोक 18 (yuddha.11.18)

ततः शशासेश्वरवद्दूताँल्लघुपराक्रमान् । समानयत मे क्षिप्रमिहैतान् राक्षसानिति । कृत्यमस्ति महज्जाने कर्तव्यमिति शत्रुभिः ॥ ११.१८ ॥

tataḥ śaśāseśvaravaddūtāṃllaghuparākramān | samānayata me kṣipramihaitān rākṣasāniti | kṛtyamasti mahajjāne kartavyamiti śatrubhiḥ ||

तत्पश्चात् उसने स्वामी की भाँति अपने तीव्रगामी दूतों को आज्ञा दी—'इन राक्षसों को शीघ्र ही यहाँ मेरे पास ले आओ। मुझे ज्ञात है कि शत्रुओं के कारण एक महान् कार्य करणीय है।'

श्लोक 19 (yuddha.11.19)

राक्षसास्तद्वचः श्रुत्वा लङ्कायां परिचक्रमुः ॥ ११.१९ ॥

rākṣasāstadvacaḥ śrutvā laṅkāyāṃ paricakramuḥ ||

उन दूतों की बात सुनकर राक्षस लंका में इधर-उधर दौड़ने लगे।

श्लोक 20 (yuddha.11.20)

अनुगेहमवस्थाय विहारशयनेषु च । उद्यानेषु च रक्षांसि चोदयन्तो ह्यभीतवत् ॥ ११.२० ॥

anugehamavasthāya vihāraśayaneṣu ca | udyāneṣu ca rakṣāṃsi codayanto hyabhītavat ||

वे निर्भय होकर घर-घर, विहारस्थलों और शयनकक्षों में, तथा उद्यानों में जाकर राक्षसों को सभा में आने के लिए प्रेरित करने लगे।

श्लोक 21 (yuddha.11.21)

ते रथान् रुचिरानेके दृप्तानेके दृढान् हयान् । नागानेकेऽधिरुरुहुर्जग्मुश्चैके पदातयः ॥ ११.२१ ॥

te rathān rucirāneke dṛptāneke dṛḍhān hayān | nāgāneke'dhiruruhurjagmuścaike padātayaḥ ||

उनमें से कुछ सुन्दर रथों पर, कुछ मदमस्त और बलवान् घोड़ों पर सवार हुए, कुछ हाथियों पर चढ़े और कुछ पैदल ही चल दिए।

श्लोक 22 (yuddha.11.22)

सा पुरी परमाकीर्णा रथकुञ्जरवाजिभिः । सम्पतद्भिर्विरुरुचे गरुत्मद्भिरिवाम्बरम् ॥ ११.२२ ॥

sā purī paramākīrṇā rathakuñjaravājibhiḥ | sampatadbhirviruruce garutmadbhirivāmbaram ||

रथों, हाथियों और घोड़ों से अत्यन्त भरी हुई वह नगरी वेगपूर्वक दौड़ते हुए पक्षियों से भरे आकाश के समान शोभित हो रही थी।

श्लोक 23 (yuddha.11.23)

ते वाहनान्यवस्थाय यानानि विविधानि च । सभां पद्भिः प्रविविशुः सिंहा गिरिगुहामिव ॥ ११.२३ ॥

te vāhanānyavasthāya yānāni vividhāni ca | sabhāṃ padbhiḥ praviviśuḥ siṃhā giriguhāmiva ||

वे अपने-अपने वाहनों तथा नाना प्रकार की सवारियों को बाहर ही ठहराकर, पैदल ही सभा में इस प्रकार प्रविष्ट हुए जैसे सिंह पर्वत की गुफा में प्रवेश करते हैं।

श्लोक 24 (yuddha.11.24)

राज्ञः पादौ गृहीत्वा तु राज्ञा ते प्रतिपूजिताः । पीठेष्वन्ये बृसीष्वन्ये भूमौ केचिदुपाविशन् ॥ ११.२४ ॥

rājñaḥ pādau gṛhītvā tu rājñā te pratipūjitāḥ | pīṭheṣvanye bṛsīṣvanye bhūmau kecidupāviśan ||

राजा के चरण छूकर तथा राजा द्वारा यथोचित सम्मानित होकर, उनमें से कुछ आसनों पर, कुछ कुश की चटाइयों पर और कुछ भूमि पर बैठ गए।

श्लोक 25 (yuddha.11.25)

ते समेत्य सभायां वै राक्षसा राजशासनात् । यथार्हमुपतस्थुस्ते रावणं राक्षसाधिपम् ॥ ११.२५ ॥

te sametya sabhāyāṃ vai rākṣasā rājaśāsanāt | yathārhamupatasthuste rāvaṇaṃ rākṣasādhipam ||

राजा की आज्ञा से सभा में एकत्र हुए वे राक्षस अपने-अपने पद के अनुसार राक्षसाधिपति रावण के चारों ओर बैठ गए।

श्लोक 26 (yuddha.11.26)

मन्त्रिणश्च यथामुख्या निश्चितार्थेषु पण्डिताः । अमात्याश्च गुणोपेताः सर्वज्ञा बुद्धिदर्शनाः ॥ ११.२६ ॥

mantriṇaśca yathāmukhyā niścitārtheṣu paṇḍitāḥ | amātyāśca guṇopetāḥ sarvajñā buddhidarśanāḥ ||

निश्चित विषयों में निपुण प्रमुख मंत्रीगण, तथा गुणसम्पन्न और बुद्धि से सब कुछ जान लेने वाले सर्वज्ञ अमात्य वहाँ उपस्थित थे।

श्लोक 27 (yuddha.11.27)

समीयुस्तत्र शतशः शूराश्च बहवस्तथा । सभायां हेमवर्णायां सर्वार्थस्य सुखाय वै ॥ ११.२७ ॥

samīyustatra śataśaḥ śūrāśca bahavastathā | sabhāyāṃ hemavarṇāyāṃ sarvārthasya sukhāya vai ||

उस स्वर्णवर्णी सभा में सैकड़ों की संख्या में अनेक शूरवीर भी सभी कार्यों की सिद्धि और सुख के लिए वहाँ एकत्र हुए।

श्लोक 28 (yuddha.11.28)

ततो महात्मा विपुलं सुयुग्यं रथं वरं हेमविचित्रिताङ्गम् । शुभं समास्थाय ययौ यशस्वी विभीषणः संसदमग्रजस्य ॥ ११.२८ ॥

tato mahātmā vipulaṃ suyugyaṃ rathaṃ varaṃ hemavicitritāṅgam | śubhaṃ samāsthāya yayau yaśasvī vibhīṣaṇaḥ saṃsadamagrajasya ||

तत्पश्चात् महात्मा और यशस्वी विभीषण, सोने से विचित्रित अंगों वाले, उत्तम घोड़ों से जुते हुए विशाल और मंगलमय श्रेष्ठ रथ पर सवार होकर, अपने बड़े भाई रावण की सभा की ओर चले।

श्लोक 29 (yuddha.11.29)

स पूर्वजायावरजः शशंस नामाथ पश्चाच्चरणौ ववन्दे । शुकः प्रहस्तश्च तथैव तेभ्यो ददौ यथार्हं पृथगासनानि ॥ ११.२९ ॥

sa pūrvajāyāvarajaḥ śaśaṃsa nāmātha paścāccaraṇau vavande | śukaḥ prahastaśca tathaiva tebhyo dadau yathārhaṃ pṛthagāsanāni ||

उस छोटे भाई ने पहले अपने बड़े भाई को अपना नाम बताया और फिर उसके चरणों में प्रणाम किया; शुक और प्रहस्त ने भी उसी प्रकार किया। रावण ने उन सबको यथोचित पृथक्-पृथक् आसन प्रदान किए।

श्लोक 30 (yuddha.11.30)

सुवर्णनानामणिभूषणानां सुवाससां संसदि राक्षसानाम् । तेषां परार्घ्यागुरुचन्दनानां स्रजां च गन्धाः प्रववुः समन्तात् ॥ ११.३० ॥

suvarṇanānāmaṇibhūṣaṇānāṃ suvāsasāṃ saṃsadi rākṣasānām | teṣāṃ parārghyāgurucandanānāṃ srajāṃ ca gandhāḥ pravavuḥ samantāt ||

सोने और नाना रत्नों के आभूषणों से युक्त तथा सुन्दर वस्त्र पहने उन राक्षसों के शरीर पर लगे बहुमूल्य अगर-चन्दन तथा उनकी मालाओं की सुगन्ध उस सभा में चारों ओर फैलने लगी।

श्लोक 31 (yuddha.11.31)

न चुक्रुशुर्नानृतमाह कश्चित् सभासदो नापि जजल्पुरुच्चैः । संसिद्धार्थाः सर्व एवोग्रवीर्या भर्तुः सर्वे ददृशुश्चाननं ते ॥ ११.३१ ॥

na cukruśurnānṛtamāha kaścit sabhāsado nāpi jajalpuruccaiḥ | saṃsiddhārthāḥ sarva evogravīryā bhartuḥ sarve dadṛśuścānanaṃ te ||

वहाँ कोई भी चिल्लाया नहीं, किसी ने असत्य नहीं बोला, सभासद ऊँची आवाज़ में बकवास भी नहीं करते थे; अत्यन्त पराक्रमी और अपने-अपने कार्य में सिद्ध वे सब केवल अपने स्वामी का मुख निहार रहे थे।

श्लोक 32 (yuddha.11.32)

स रावणः शस्त्रभृतां मनस्विनां महाबलानां समितौ मनस्वी । तस्यां सभायां प्रभया चकाशे मध्ये वसूनामिव वज्रहस्तः ॥ ११.३२ ॥

sa rāvaṇaḥ śastrabhṛtāṃ manasvināṃ mahābalānāṃ samitau manasvī | tasyāṃ sabhāyāṃ prabhayā cakāśe madhye vasūnāmiva vajrahastaḥ ||

उस सभा में शस्त्रधारी और महाबली मनस्वी राक्षसों के मध्य वह मनस्वी रावण अपने तेज से उसी प्रकार देदीप्यमान हो रहा था, जैसे वसुओं के बीच वज्रधारी इन्द्र सुशोभित होता है।