कुम्भकर्ण का रोष

श्लोक 1 (yuddha.12.1)

स तां परिषदं कृत्स्नां समीक्ष्य समितिंजयः । प्रचोदयामास तदा प्रहस्तं वाहिनीपतिम् ॥ १२.१ ॥

sa tāṃ pariṣadaṃ kṛtsnāṃ samīkṣya samitiṃjayaḥ | pracodayāmāsa tadā prahastaṃ vāhinīpatim ||

सभा में सदा विजयी रहने वाला रावण उस सम्पूर्ण सभा को देखकर, उस समय सेनापति प्रहस्त को आदेश देने लगा।

श्लोक 2 (yuddha.12.2)

सेनापते यथा ते स्युः कृतविद्याश्चतुर्विधाः । योधा नगररक्षायां तथा व्यादेष्टुमर्हसि ॥ १२.२ ॥

senāpate yathā te syuḥ kṛtavidyāścaturvidhāḥ | yodhā nagararakṣāyāṃ tathā vyādeṣṭumarhasi ||

"हे सेनापति! नगर की रक्षा में चतुरंग सेना के प्रशिक्षित योद्धा जिस प्रकार सुनियोजित रहें, उसी प्रकार आदेश देने योग्य हो।"

श्लोक 3 (yuddha.12.3)

स प्रहस्तः प्रणीतात्मा चिकीर्षन् राजशासनम् । विनिक्षिपद् बलं सर्वं बहिरन्तश्च मन्दिरे ॥ १२.३ ॥

sa prahastaḥ praṇītātmā cikīrṣan rājaśāsanam | vinikṣipad balaṃ sarvaṃ bahirantaśca mandire ||

राजा की आज्ञा का पालन करने के इच्छुक तथा संयत मन वाले उस प्रहस्त ने समस्त सेना को नगर के भीतर और बाहर नियुक्त कर दिया।

श्लोक 4 (yuddha.12.4)

ततो विनिक्षिप्य बलं सर्वं नगरगुप्तये । प्रहस्तः प्रमुखे राज्ञो निषसाद जगाद च ॥ १२.४ ॥

tato vinikṣipya balaṃ sarvaṃ nagaraguptaye | prahastaḥ pramukhe rājño niṣasāda jagāda ca ||

नगर की रक्षा के लिए सम्पूर्ण सेना को नियुक्त करके प्रहस्त राजा के सम्मुख बैठ गया और बोला।

श्लोक 5 (yuddha.12.5)

विहितं बहिरन्तश्च बलं बलवतस्तव । कुरुष्वाविमनाः क्षिप्रं यदभिप्रेतमस्ति ते ॥ १२.५ ॥

vihitaṃ bahirantaśca balaṃ balavatastava | kuruṣvāvimanāḥ kṣipraṃ yadabhipretamasti te ||

"हे बलवान्! आपकी सेना नगर के बाहर और भीतर सर्वत्र नियुक्त कर दी गई है। अब निश्चिन्त होकर शीघ्र वह कीजिए जो आपको अभीष्ट है।"

श्लोक 6 (yuddha.12.6)

प्रहस्तस्य वचः श्रुत्वा राजा राज्यहितैषिणः । सुखेप्सुः सुहृदां मध्ये व्याजहार स रावणः ॥ १२.६ ॥

prahastasya vacaḥ śrutvā rājā rājyahitaiṣiṇaḥ | sukhepsuḥ suhṛdāṃ madhye vyājahāra sa rāvaṇaḥ ||

राज्य का हित चाहने वाले प्रहस्त के वचन सुनकर, सुख की कामना करने वाला राजा रावण अपने मित्रों के मध्य इस प्रकार बोला।

श्लोक 7 (yuddha.12.7)

प्रियाप्रिये सुखे दुःखे लाभालाभे हिताहिते । धर्मकामार्थकृच्छ्रेषु यूयमर्हथ वेदितुम् ॥ १२.७ ॥

priyāpriye sukhe duḥkhe lābhālābhe hitāhite | dharmakāmārthakṛcchreṣu yūyamarhatha veditum ||

"प्रिय-अप्रिय, सुख-दुःख, लाभ-हानि तथा हित-अहित के विषय में, और धर्म, अर्थ एवं काम की कठिन परिस्थितियों में भी, आप लोग ही सम्यक् निर्णय करने में समर्थ हैं।"

श्लोक 8 (yuddha.12.8)

सर्वकृत्यानि युष्माभिः समारब्धानि सर्वदा । मन्त्रकर्मनियुक्तानि न जातु विफलानि मे ॥ १२.८ ॥

sarvakṛtyāni yuṣmābhiḥ samārabdhāni sarvadā | mantrakarmaniyuktāni na jātu viphalāni me ||

"आप लोगों द्वारा सदैव आरम्भ किए गए तथा सुविचारित रूप से सम्पन्न किए गए मेरे समस्त कार्य कभी निष्फल नहीं हुए।"

श्लोक 9 (yuddha.12.9)

ससोमग्रहनक्षत्रैर्मरुद्भिरिव वासवः । भवद्भिरहमत्यर्थं वृतः श्रियमवाप्नुयाम् ॥ १२.९ ॥

sasomagrahanakṣatrairmarudbhiriva vāsavaḥ | bhavadbhirahamatyarthaṃ vṛtaḥ śriyamavāpnuyām ||

"जिस प्रकार इन्द्र चन्द्रमा, ग्रहों, नक्षत्रों और मरुद्गणों से घिरा रहकर श्री प्राप्त करता है, उसी प्रकार आप लोगों से घिरा हुआ मैं भी अत्यन्त वैभव प्राप्त करूँगा।"

श्लोक 10 (yuddha.12.10)

अहं तु खलु सर्वान् वः समर्थयितुमुद्यतः । कुम्भकर्णस्य तु स्वप्नान् नेममर्थमचोदयम् ॥ १२.१० ॥

ahaṃ tu khalu sarvān vaḥ samarthayitumudyataḥ | kumbhakarṇasya tu svapnān nemamarthamacodayam ||

"मैं तो आप सबको यह बात पुनः स्मरण कराने के लिए उद्यत हूँ, किन्तु कुम्भकर्ण को उसकी निद्रा के कारण यह विषय अभी तक नहीं बता सका।"

श्लोक 11 (yuddha.12.11)

अयं हि सुप्तः षण्मासान् कुम्भकर्णो महाबलः । सर्वशस्त्रभृतां मुख्यः स इदानीं समुत्थितः ॥ १२.११ ॥

ayaṃ hi suptaḥ ṣaṇmāsān kumbhakarṇo mahābalaḥ | sarvaśastrabhṛtāṃ mukhyaḥ sa idānīṃ samutthitaḥ ||

"यह अत्यन्त बलशाली कुम्भकर्ण, जो समस्त शस्त्रधारियों में श्रेष्ठ है, छह महीने तक सोया रहा; अब वह जागा है।"

श्लोक 12 (yuddha.12.12)

इयं च दण्डकारण्याद् रामस्य महिषी प्रिया । रक्षोभिश्चरितोद्देशादानीता जनकात्मजा ॥ १२.१२ ॥

iyaṃ ca daṇḍakāraṇyād rāmasya mahiṣī priyā | rakṣobhiścaritoddeśādānītā janakātmajā ||

"और यह जनकपुत्री सीता, राम की प्रिय पत्नी, राक्षसों द्वारा विचरे गए दण्डकवन के प्रदेश से लाई गई है।"

श्लोक 13 (yuddha.12.13)

सा मे न शय्यामारोढुमिच्छत्यलसगामिनी । त्रिषु लोकेषु चान्या मे न सीतासदृशी तथा ॥ १२.१३ ॥

sā me na śayyāmāroḍhumicchatyalasagāminī | triṣu lokeṣu cānyā me na sītāsadṛśī tathā ||

"वह मन्दगामिनी सीता मेरी शय्या पर आने की इच्छा नहीं करती, और तीनों लोकों में मुझे सीता के समान कोई अन्य स्त्री दिखाई नहीं देती।"

श्लोक 14 (yuddha.12.14)

तनुमध्या पृथुश्रोणी शरदिन्दुनिभानना । हेमबिम्बनिभा सौम्या मायेव मयनिर्मिता ॥ १२.१४ ॥

tanumadhyā pṛthuśroṇī śaradindunibhānanā | hemabimbanibhā saumyā māyeva mayanirmitā ||

"उसकी कमर पतली और नितम्ब पुष्ट हैं, उसका मुख शरद्-ऋतु के चन्द्रमा जैसा है; वह स्वर्ण-प्रतिमा जैसी सौम्य है, मानो माया (दानवशिल्पी) द्वारा रची गई कोई इन्द्रजाल-मूर्ति हो।"

श्लोक 15 (yuddha.12.15)

सुलोहिततलौ श्लक्ष्णौ चरणौ सुप्रतिष्ठितौ । दृष्ट्वा ताम्रनखौ तस्या दीप्यते मे शरीरजः ॥ १२.१५ ॥

sulohitatalau ślakṣṇau caraṇau supratiṣṭhitau | dṛṣṭvā tāmranakhau tasyā dīpyate me śarīrajaḥ ||

"उसके ईषत्-लाल तलवों वाले, मृदु, सुडौल और ताम्रवर्ण नखों वाले चरणों को देखकर मेरे भीतर काम-वासना प्रज्वलित हो उठती है।"

श्लोक 16 (yuddha.12.16)

हुताग्नेरर्चिसंकाशामेनां सौरीमिव प्रभाम् । उन्नसं विमलं वल्गु वदनं चारुलोचनम् ॥ १२.१६ ॥

hutāgnerarciḥsaṃkāśāmenāṃ saurīmiva prabhām | unnasaṃ vimalaṃ valgu vadanaṃ cārulocanam ||

"हवनाग्नि की ज्वाला के समान और सूर्य की आभा के समान उसके उस मुख को, जिसकी नासिका उन्नत, दृष्टि निर्मल-सुन्दर तथा नेत्र मनोहर हैं..."

श्लोक 17 (yuddha.12.17)

पश्यंस्तदवशस्तस्याः कामस्य वशमेयिवान् । क्रोधहर्षसमानेन दुर्वर्णकरणेन च ॥ १२.१७ ॥

paśyaṃstadavaśastasyāḥ kāmasya vaśameyivān | krodhaharṣasamānena durvarṇakaraṇena ca ||

"...उसे देखते ही मैं अपने वश में न रहकर काम के वश में हो गया, जो क्रोध और हर्ष दोनों में समान रूप से मुझे विवर्ण कर देने वाला है।"

श्लोक 18 (yuddha.12.18)

शोकसंतापनित्येन कामेन कलुषीकृतः । सा तु संवत्सरं कालं मामयाचत भामिनी ॥ १२.१८ ॥

śokasaṃtāpanityena kāmena kaluṣīkṛtaḥ | sā tu saṃvatsaraṃ kālaṃ māmayācata bhāminī ||

"सदा शोक-सन्ताप उत्पन्न करने वाली इस कामवासना से मैं कलुषित हो गया हूँ। उस सुन्दरी ने मुझसे एक वर्ष का समय माँगा था।"

श्लोक 19 (yuddha.12.19)

प्रतीक्षमाणा भर्तारं राममायतलोचना । तन्मया चारुनेत्रायाः प्रतिज्ञातं वचः शुभम् ॥ १२.१९ ॥

pratīkṣamāṇā bhartāraṃ rāmamāyatalocanā | tanmayā cārunetrāyāḥ pratijñātaṃ vacaḥ śubham ||

"वह विशाल नेत्रों वाली, अपने पति राम की प्रतीक्षा करती हुई—और मैंने उस सुन्दर नेत्रों वाली के उस शुभ वचन को स्वीकार कर लिया।"

श्लोक 20 (yuddha.12.20)

श्रान्तोऽहं सततं कामाद् यातो हय इवाध्वनि । कथं सागरमक्षोभ्यं तरिष्यन्ति वनौकसः ॥ १२.२० ॥

śrānto'haṃ satataṃ kāmād yāto haya ivādhvani | kathaṃ sāgaramakṣobhyaṃ tariṣyanti vanaukasaḥ ||

"मैं निरन्तर काम-वासना से थका हुआ हूँ, जैसे कोई घोड़ा मार्ग में लगातार दौड़ता रहे। वनवासी वानर उस अक्षोभ्य सागर को कैसे पार कर सकेंगे?"

श्लोक 21 (yuddha.12.21)

बहुसत्त्वझषाकीर्णं तौ वा दशरथात्मजौ । अथवा कपिनैकेन कृतं नः कदनं महत् ॥ १२.२१ ॥

bahusattvajhaṣākīrṇaṃ tau vā daśarathātmajau | athavā kapinaikena kṛtaṃ naḥ kadanaṃ mahat ||

"वह सागर अनेक जलचर जीवों और मत्स्यों से भरा हुआ है—उसे वे दोनों दशरथ-पुत्र कैसे पार करेंगे? फिर भी, एक ही वानर ने हमारा इतना बड़ा विनाश कर डाला था।"

श्लोक 22 (yuddha.12.22)

दुर्ज्ञेयाः कार्यगतयो ब्रूत यस्य यथामति । मानुषान्नो भयं नास्ति तथापि तु विमृश्यताम् ॥ १२.२२ ॥

durjñeyāḥ kāryagatayo brūta yasya yathāmati | mānuṣānno bhayaṃ nāsti tathāpi tu vimṛśyatām ||

"कार्यों की गति जानना कठिन है; प्रत्येक अपनी-अपनी बुद्धि के अनुसार कहे। मुझे मनुष्यों से कोई भय नहीं है, फिर भी इस विषय पर विचार किया जाए।"

श्लोक 23 (yuddha.12.23)

तदा देवासुरे युद्धे युष्माभिः सहितोऽजयम् । ते मे भवन्तश्च तथा सुग्रीवप्रमुखान् हरीन् ॥ १२.२३ ॥

tadā devāsure yuddhe yuṣmābhiḥ sahito'jayam | te me bhavantaśca tathā sugrīvapramukhān harīn ||

"उस समय देवासुर-संग्राम में मैंने आप लोगों के साथ मिलकर विजय पाई थी। आप वे ही लोग हैं—और उसी प्रकार सुग्रीव-प्रमुख उन वानरों ने भी..."

श्लोक 24 (yuddha.12.24)

परे पारे समुद्रस्य पुरस्कृत्य नृपात्मजौ । सीतायाः पदवीं प्राप्य सम्प्राप्तौ वरुणालयम् ॥ १२.२४ ॥

pare pāre samudrasya puraskṛtya nṛpātmajau | sītāyāḥ padavīṃ prāpya samprāptau varuṇālayam ||

"...उन दोनों राजकुमारों को आगे करके तथा सीता के मार्ग का पता पाकर, समुद्र के इस पार तक पहुँचकर वरुणालय (सागर-तट) तक जा पहुँचे हैं।"

श्लोक 25 (yuddha.12.25)

अदेया च यथा सीता वध्यौ दशरथात्मजौ । भवद्भिर्मन्त्र्यतां मन्त्रः सुनीतं चाभिधीयताम् ॥ १२.२५ ॥

adeyā ca yathā sītā vadhyau daśarathātmajau | bhavadbhirmantryatāṃ mantraḥ sunītaṃ cābhidhīyatām ||

"सीता किसी प्रकार से भी न दी जाए और दशरथ के दोनों पुत्र वध्य हों—इस विषय में आप लोग विचार करें और उचित सम्मति दें।"

श्लोक 26 (yuddha.12.26)

नहि शक्तिं प्रपश्यामि जगत्यन्यस्य कस्यचित् । सागरं वानरैस्तीर्त्वा निश्चयेन जयो मम ॥ १२.२६ ॥

nahi śaktiṃ prapaśyāmi jagatyanyasya kasyacit | sāgaraṃ vānaraistīrtvā niścayena jayo mama ||

"इस जगत् में मुझे किसी अन्य में ऐसी शक्ति नहीं दिखती कि वह वानरों के साथ सागर को पार कर सके; निश्चय ही विजय मेरी ही है।"

श्लोक 27 (yuddha.12.27)

तस्य कामपरीतस्य निशम्य परिदेवितम् । कुम्भकर्णः प्रचुक्रोध वचनं चेदमब्रवीत् ॥ १२.२७ ॥

tasya kāmaparītasya niśamya paridevitam | kumbhakarṇaḥ pracukrodha vacanaṃ cedamabravīt ||

काम-वासना से आविष्ट उस रावण के इस विलाप को सुनकर कुम्भकर्ण अत्यन्त क्रुद्ध हो उठा और यह वचन बोला।

श्लोक 28 (yuddha.12.28)

यदा तु रामस्य सलक्ष्मणस्य प्रसह्य सीता खलु सा इहाहृता । सकृत् समीक्ष्यैव सुनिश्चितं तदा भजेत चित्तं यमुनेव यामुनम् ॥ १२.२८ ॥

yadā tu rāmasya salakṣmaṇasya prasahya sītā khalu sā ihāhṛtā | sakṛt samīkṣyaiva suniścitaṃ tadā bhajeta cittaṃ yamuneva yāmunam ||

"जब लक्ष्मण-सहित राम की वह सीता बलपूर्वक यहाँ लाई गई, तभी एक ही बार भलीभाँति विचार करके तुम्हें दृढ़-निश्चय कर लेना चाहिए था—जैसे यमुना अपने उद्गम-स्थल के गड्ढे को एक ही बार में भर देती है।"

श्लोक 29 (yuddha.12.29)

सर्वमेतन्महाराज कृतमप्रतिमं तव । विधीयेत सहास्माभिरादावेवास्य कर्मणः ॥ १२.२९ ॥

sarvametanmahārāja kṛtamapratimaṃ tava | vidhīyeta sahāsmābhirādāvevāsya karmaṇaḥ ||

"हे महाराज! यह सम्पूर्ण अद्वितीय कार्य आपने कर तो डाला, किन्तु यदि इस कार्य के आरम्भ में ही हम लोगों के साथ इस पर विचार-विमर्श कर लिया जाता तो अधिक उचित होता।"

श्लोक 30 (yuddha.12.30)

न्यायेन राजकार्याणि यः करोति दशानन । न स संतप्यते पश्चान्निश्चितार्थमतिर्नृपः ॥ १२.३० ॥

nyāyena rājakāryāṇi yaḥ karoti daśānana | na sa saṃtapyate paścānniścitārthamatirnṛpaḥ ||

"हे दशानन! जो राजा न्यायपूर्वक राजकार्य करता है और जिसकी बुद्धि सुनिश्चित रहती है, वह बाद में पश्चात्ताप नहीं करता।"

श्लोक 31 (yuddha.12.31)

अनुपायेन कर्माणि विपरीतानि यानि च । क्रियमाणानि दुष्यन्ति हवींष्यप्रयतेष्विव ॥ १२.३१ ॥

anupāyena karmāṇi viparītāni yāni ca | kriyamāṇāni duṣyanti havīṃṣyaprayateṣviva ||

"जो कार्य उपाय के बिना और विपरीत ढंग से किए जाते हैं, वे उसी प्रकार दूषित हो जाते हैं जैसे अशुद्ध ऋत्विजों द्वारा किए गए हवन की आहुतियाँ दूषित हो जाती हैं।"

श्लोक 32 (yuddha.12.32)

यः पश्चात् पूर्वकार्याणि कर्माण्यभिचिकीर्षति । पूर्वं चापरकार्याणि स न वेद नयानयौ ॥ १२.३२ ॥

yaḥ paścāt pūrvakāryāṇi karmāṇyabhicikīrṣati | pūrvaṃ cāparakāryāṇi sa na veda nayānayau ||

"जो व्यक्ति पहले किए जाने योग्य कार्यों को बाद में और बाद में किए जाने योग्य कार्यों को पहले करना चाहता है, वह नीति और अनीति के भेद को नहीं जानता।"

श्लोक 33 (yuddha.12.33)

चपलस्य तु कृत्येषु प्रसमीक्ष्याधिकं बलम् । छिद्रमन्ये प्रपद्यन्ते क्रौञ्चस्य खमिव द्विजाः ॥ १२.३३ ॥

capalasya tu kṛtyeṣu prasamīkṣyādhikaṃ balam | chidramanye prapadyante krauñcasya khamiva dvijāḥ ||

"किसी उतावले शत्रु के कार्यों में उसकी बड़ी शक्ति को देखकर भी चतुर लोग उसकी दुर्बलता ढूँढ लेते हैं, जैसे पक्षी क्रौञ्च पर्वत के छिद्र-मार्ग को खोज लेते हैं।"

श्लोक 34 (yuddha.12.34)

त्वयेदं महदारब्धं कार्यमप्रतिचिन्तितम् । दिष्ट्या त्वां नावधीद् रामो विषमिश्रमिवामिषम् ॥ १२.३४ ॥

tvayedaṃ mahadārabdhaṃ kāryamapraticintitam | diṣṭyā tvāṃ nāvadhīd rāmo viṣamiśramivāmiṣam ||

"यह महान् कार्य आपने बिना सोचे-विचारे आरम्भ कर दिया। सौभाग्य से राम ने आपको उसी प्रकार नहीं मारा जैसे विष मिला हुआ मांस अपने भक्षक को तुरन्त नहीं मार पाता।"

श्लोक 35 (yuddha.12.35)

तस्मात् त्वया समारब्धं कर्म ह्यप्रतिमं परैः । अहं समीकरिष्यामि हत्वा शत्रूंस्तवानघ ॥ १२.३५ ॥

tasmāt tvayā samārabdhaṃ karma hyapratimaṃ paraiḥ | ahaṃ samīkariṣyāmi hatvā śatrūṃstavānagha ||

"इसलिए, हे निष्पाप भाई! आपके द्वारा आरम्भ किए गए इस अतुलनीय कार्य को मैं आपके शत्रुओं का वध करके सम्यक् कर दूँगा।"

श्लोक 36 (yuddha.12.36)

अहमुत्सादयिष्यामि शत्रूंस्तव निशाचर । यदि शक्रविवस्वन्तौ यदि पावकमारुतौ । तावहं योधयिष्यामि कुबेरवरुणावपि ॥ १२.३६ ॥

ahamutsādayiṣyāmi śatrūṃstava niśācara | yadi śakravivasvantau yadi pāvakamārutau | tāvahaṃ yodhayiṣyāmi kuberavaruṇāvapi ||

"हे निशाचर! मैं आपके शत्रुओं का समूल नाश कर दूँगा। यदि वे इन्द्र और सूर्य हों, अथवा अग्नि और वायु हों, अथवा कुबेर और वरुण भी हों, तो भी मैं उन दोनों से युद्ध करूँगा।"

श्लोक 37 (yuddha.12.37)

गिरिमात्रशरीरस्य महापरिघयोधिनः । नर्दतस्तीक्ष्णदंष्ट्रस्य बिभीयाद् वै पुरंदरः ॥ १२.३७ ॥

girimātraśarīrasya mahāparighayodhinaḥ | nardatastīkṣṇadaṃṣṭrasya bibhīyād vai puraṃdaraḥ ||

"पर्वत के समान विशाल शरीर वाले, विशाल परिघ से युद्ध करने वाले, गर्जना करते हुए तीक्ष्ण दाढ़ों वाले मुझसे तो स्वयं इन्द्र भी भयभीत हो जाएगा।"

श्लोक 38 (yuddha.12.38)

पुनर्मां स द्वितीयेन शरेण निहनिष्यति । ततोऽहं तस्य पास्यामि रुधिरं काममाश्वस ॥ १२.३८ ॥

punarmāṃ sa dvitīyena śareṇa nihaniṣyati | tato'haṃ tasya pāsyāmi rudhiraṃ kāmamāśvasa ||

"इससे पहले कि वह मुझे दूसरे बाण से मार डाले, मैं उसका रक्त इच्छानुसार पी जाऊँगा। आप निश्चिन्त होइए।"

श्लोक 39 (yuddha.12.39)

वधेन वै दाशरथेः सुखावहं जयं तवाहर्तुमहं यतिष्ये । हत्वा च रामं सह लक्ष्मणेन खादामि सर्वान् हरियूथमुख्यान् ॥ १२.३९ ॥

vadhena vai dāśaratheḥ sukhāvahaṃ jayaṃ tavāhartumahaṃ yatiṣye | hatvā ca rāmaṃ saha lakṣmaṇena khādāmi sarvān hariyūthamukhyān ||

"दशरथ-पुत्र राम का वध करके ही मैं आपके लिए सुखदायी विजय लाने का प्रयत्न करूँगा; और लक्ष्मण-सहित राम को मारकर वानर-सेना के समस्त प्रमुखों को भी खा जाऊँगा।"

श्लोक 40 (yuddha.12.40)

रमस्व कामं पिब चाग्र्यवारुणीं कुरुष्व कार्याणि हितानि विज्वरः । मया तु रामे गमिते यमक्षयं चिराय सीता वशगा भविष्यति ॥ १२.४० ॥

ramasva kāmaṃ piba cāgryavāruṇīṃ kuruṣva kāryāṇi hitāni vijvaraḥ | mayā tu rāme gamite yamakṣayaṃ cirāya sītā vaśagā bhaviṣyati ||

"आप इच्छानुसार आनन्द कीजिए, उत्तम मदिरा का पान कीजिए, निश्चिन्त होकर अपने हितकारी कार्य कीजिए। जब मैं राम को यमलोक भेज दूँगा, तब सीता सदा के लिए आपके अधीन हो जाएगी।"