विभीषण का सीता को लौटाने का परामर्श

श्लोक 1 (yuddha.9.1)

ततो निकुम्भो रभसः सूर्यशत्रुर्महाबलः । सुप्तघ्नो यज्ञकोपश्च महापार्श्वमहोदरौ ॥ 9.1 ॥

tato nikumbho rabhasaḥ sūryaśatrurmahābalaḥ | suptaghno yajñakopaśca mahāpārśvamahodarau || 9.1 ||

तब निकुम्भ, रभस, महाबली सूर्यशत्रु, सुप्तघ्न, यज्ञकोप, महापार्श्व और महोदर —

श्लोक 2 (yuddha.9.2)

अग्निकेतुश्च दुर्धर्षो रश्मिकेतुश्च राक्षसः । इन्द्रजिच्च महातेजा बलवान् रावणात्मजः ॥ 9.2 ॥

agniketuśca durdharṣo raśmiketuśca rākṣasaḥ | indrajicca mahātejā balavān rāvaṇātmajaḥ || 9.2 ||

दुर्जेय अग्निकेतु, राक्षस रश्मिकेतु, तथा महातेजस्वी और बलवान रावणपुत्र इन्द्रजित् —

श्लोक 3 (yuddha.9.3)

प्रहस्तोऽथ विरूपाक्षो वज्रदंष्ट्रो महाबलः । धूम्राक्षश्चातिकायश्च दुर्मुखश्चैव राक्षसः ॥ 9.3 ॥

prahasto'tha virūpākṣo vajradaṃṣṭro mahābalaḥ | dhūmrākṣaścātikāyaśca durmukhaścaiva rākṣasaḥ || 9.3 ||

प्रहस्त, विरूपाक्ष, महाबली वज्रदंष्ट्र, धूम्राक्ष, अतिकाय, तथा दुर्मुख नामक राक्षस —

श्लोक 4 (yuddha.9.4)

परिघान् पट्टिशान् शूलान् प्रासान् शक्तिपरश्वधान् । चापानि च सुबाणानि खड्गांश्च विपुलाम्बुभान् ॥ 9.4 ॥

parighān paṭṭiśān śūlān prāsān śaktiparaśvadhān | cāpāni ca subāṇāni khaḍgāṃśca vipulāmbubhān || 9.4 ||

ये सब परिघ, पट्टिश, शूल, प्रास, शक्ति और परशु, धनुष-बाण तथा जल के समान चमकते हुए विशाल खड्ग हाथों में लेकर —

श्लोक 5 (yuddha.9.5)

प्रगृह्य परमक्रुद्धाः समुत्पत्य च राक्षसाः । अब्रुवन् रावणं सर्वे प्रदीप्ता इव तेजसा ॥ 9.5 ॥

pragṛhya paramakruddhāḥ samutpatya ca rākṣasāḥ | abruvan rāvaṇaṃ sarve pradīptā iva tejasā || 9.5 ||

अत्यन्त क्रुद्ध हुए वे सब राक्षस उछलकर खड़े हो गए, और मानो तेज से प्रज्वलित होते हुए रावण से बोले।

श्लोक 6 (yuddha.9.6)

अद्य रामं वधिष्यामः सुग्रीवं च सलक्ष्मणम् । कृपणं च हनूमन्तं लङ्का येन प्रधर्षिता ॥ 9.6 ॥

adya rāmaṃ vadhiṣyāmaḥ sugrīvaṃ ca salakṣmaṇam | kṛpaṇaṃ ca hanūmantaṃ laṅkā yena pradharṣitā || 9.6 ||

'आज ही हम राम को, लक्ष्मण सहित सुग्रीव को, तथा उस दीन हनुमान को भी मार डालेंगे, जिसने लंका पर आक्रमण किया था।'

श्लोक 7 (yuddha.9.7)

तान् गृहीतायुधान् सर्वान् वारयित्वा विभीषणः । अब्रवीत् प्राञ्जलिर्वाक्यं पुनः प्रत्युपवेश्य तान् ॥ 9.7 ॥

tān gṛhītāyudhān sarvān vārayitvā vibhīṣaṇaḥ | abravīt prāñjalirvākyaṃ punaḥ pratyupaveśya tān || 9.7 ||

शस्त्र उठाए हुए उन सबको विभीषण ने रोककर, पुनः बिठाकर, हाथ जोड़कर यह वचन कहा।

श्लोक 8 (yuddha.9.8)

अप्युपायैस्त्रिभिस्तात योऽर्थः प्राप्तुं न शक्यते । तस्य विक्रमकालांस्तान् युक्तानाहुर्मनीषिणः ॥ 9.8 ॥

apyupāyaistribhistāta yo'rthaḥ prāptuṃ na śakyate | tasya vikramakālāṃstān yuktānāhurmanīṣiṇaḥ || 9.8 ||

'हे तात, जो कार्य तीनों उपायों (साम, दाम, भेद) से भी सिद्ध नहीं हो सकता, उसी के लिए विद्वान लोग पराक्रम का समय उचित बताते हैं।'

श्लोक 9 (yuddha.9.9)

प्रमत्तेष्वभियुक्तेषु दैवेन प्रहतेषु च । विक्रमास्तात सिद्ध्यन्ति परीक्ष्य विधिना कृताः ॥ 9.9 ॥

pramatteṣvabhiyukteṣu daivena prahateṣu ca | vikramāstāta siddhyanti parīkṣya vidhinā kṛtāḥ || 9.9 ||

'हे तात, पराक्रम भी विधिपूर्वक और भलीभाँति परखकर किए जाने पर तभी सफल होते हैं, जब शत्रु प्रमादी हों, पहले से ही आक्रान्त हों, या भाग्य द्वारा पहले से आहत हों।'

श्लोक 10 (yuddha.9.10)

अप्रमत्तं कथं तं तु विजिगीषुं बले स्थितम् । जितरोषं दुराधर्षं तं धर्षयितुमिच्छथ ॥ 9.10 ॥

apramattaṃ kathaṃ taṃ tu vijigīṣuṃ bale sthitam | jitaroṣaṃ durādharṣaṃ taṃ dharṣayitumicchatha || 9.10 ||

फिर आप उस राम पर आक्रमण करना कैसे चाहते हैं, जो सतर्क है, विजय की इच्छा से युक्त है, बल में स्थित है, जिसने क्रोध को जीत लिया है, और जो दुर्जेय है?

श्लोक 11 (yuddha.9.11)

समुद्रं लङ्घयित्वा तु घोरं नदनदीपतिम् । गतिं हनूमतो लोके को विद्यात् तर्कयेत वा ॥ 9.11 ॥

samudraṃ laṅghayitvā tu ghoraṃ nadanadīpatim | gatiṃ hanūmato loke ko vidyāt tarkayeta vā || 9.11 ||

नदी-नदों के स्वामी उस भयंकर समुद्र को लांघकर गति करने वाले हनुमान की गति को इस संसार में कौन जान सकता है, या कल्पना भी कर सकता है?

श्लोक 12 (yuddha.9.12)

बलान्यपरिमेयानि वीर्याणि च निशाचराः । परेषां सहसावज्ञा न कर्तव्या कथंचन ॥ 9.12 ॥

balānyaparimeyāni vīryāṇi ca niśācarāḥ | pareṣāṃ sahasāvajñā na kartavyā kathaṃcana || 9.12 ||

हे निशाचरो, शत्रुओं के बल और पराक्रम अपरिमेय होते हैं; उन्हें किसी भी प्रकार जल्दबाजी में तुच्छ नहीं समझना चाहिए।

श्लोक 13 (yuddha.9.13)

किं च राक्षसराजस्य रामेणापकृतं पुरा । आजहार जनस्थानाद् यस्य भार्यां यशस्विनः ॥ 9.13 ॥

kiṃ ca rākṣasarājasya rāmeṇāpakṛtaṃ purā | ājahāra janasthānād yasya bhāryāṃ yaśasvinaḥ || 9.13 ||

और यह भी सोचिए — पहले राक्षसराज का उस यशस्वी राम ने क्या अपराध किया था, जिसकी पत्नी को जनस्थान से हर लिया गया?

श्लोक 14 (yuddha.9.14)

खरो यद्यतिवृत्तस्तु स रामेण हतो रणे । अवश्यं प्राणिनां प्राणा रक्षितव्या यथाबलम् ॥ 9.14 ॥

kharo yadyativṛttastu sa rāmeṇa hato raṇe | avaśyaṃ prāṇināṃ prāṇā rakṣitavyā yathābalam || 9.14 ||

यदि खर ने सीमा का उल्लंघन किया था और इसलिए राम ने युद्ध में उसका वध कर दिया, तो प्राणियों को अपने प्राणों की रक्षा अपनी शक्ति के अनुसार अवश्य करनी चाहिए।

श्लोक 15 (yuddha.9.15)

एतन्निमित्तं वैदेही भयं नः सुमहद् भवेत् । आहृता सा परित्याज्या कलहार्थे कृते नु किम् ॥ 9.15 ॥

etannimittaṃ vaidehī bhayaṃ naḥ sumahad bhavet | āhṛtā sā parityājyā kalahārthe kṛte nu kim || 9.15 ||

इसी कारण वैदेही के लिए हमें बड़ा भय है; जो लाई गई है, उसे त्याग देना ही उचित है — व्यर्थ के कलह से क्या लाभ?

श्लोक 16 (yuddha.9.16)

न तु क्षमं वीर्यवता तेन धर्मानुवर्तिना । वैरं निरर्थकं कर्तुं दीयतामस्य मैथिली ॥ 9.16 ॥

na tu kṣamaṃ vīryavatā tena dharmānuvartinā | vairaṃ nirarthakaṃ kartuṃ dīyatāmasya maithilī || 9.16 ||

पराक्रमी और धर्म का अनुसरण करने वाले उस राम से व्यर्थ वैर करना उचित नहीं है; उसे मैथिली सौंप दी जाए।

श्लोक 17 (yuddha.9.17)

यावन्न सगजां साश्वां बहुरत्नसमाकुलाम् । पुरीं दारयते बाणैर्दीयतामस्य मैथिली ॥ 9.17 ॥

yāvanna sagajāṃ sāśvāṃ bahuratnasamākulām | purīṃ dārayate bāṇairdīyatāmasya maithilī || 9.17 ||

जब तक वह हाथियों, घोड़ों और अनेक रत्नों से भरी हुई इस नगरी को अपने बाणों से विदीर्ण न कर दे, तब तक ही उसे मैथिली सौंप दी जाए।

श्लोक 18 (yuddha.9.18)

यावत् सुघोरा महती दुर्धर्षा हरिवाहिनी । नावस्कन्दति नो लङ्कां तावत् सीता प्रदीयताम् ॥ 9.18 ॥

yāvat sughorā mahatī durdharṣā harivāhinī | nāvaskandati no laṅkāṃ tāvat sītā pradīyatām || 9.18 ||

जब तक वह अत्यन्त भयंकर, विशाल और दुर्जेय वानर-सेना हमारी लंका पर टूट न पड़े, तब तक ही सीता को लौटा दिया जाए।

श्लोक 19 (yuddha.9.19)

विनश्येद्धि पुरी लङ्का शूराः सर्वे च राक्षसाः । रामस्य दयिता पत्नी न स्वयं यदि दीयते ॥ 9.19 ॥

vinaśyeddhi purī laṅkā śūrāḥ sarve ca rākṣasāḥ | rāmasya dayitā patnī na svayaṃ yadi dīyate || 9.19 ||

यदि राम की प्रिय पत्नी को स्वयं ही न लौटाया गया, तो लंकापुरी और समस्त शूरवीर राक्षस निश्चय ही नष्ट हो जाएँगे।

श्लोक 20 (yuddha.9.20)

प्रसादये त्वां बन्धुत्वात् कुरुष्व वचनं मम । हितं तथ्यं त्वहं ब्रूमि दीयतामस्य मैथिली ॥ 9.20 ॥

prasādaye tvāṃ bandhutvāt kuruṣva vacanaṃ mama | hitaṃ tathyaṃ tvahaṃ brūmi dīyatāmasya maithilī || 9.20 ||

भाई होने के नाते मैं आपसे विनती करता हूँ — मेरी बात मानिए; मैं आपसे जो कह रहा हूँ वह हितकर भी है और सत्य भी — मैथिली उसे लौटा दी जाए।

श्लोक 21 (yuddha.9.21)

पुरा शरत्सूर्यमरीचिसंनिभान् नवाग्रपुङ्खान् सुदृढान् नृपात्मजः । सृजत्यमोघान् विशिखान् वधाय ते प्रदीयतां दाशरथाय मैथिली ॥ 9.21 ॥

purā śaratsūryamarīcisaṃnibhān navāgrapuṅkhān sudṛḍhān nṛpātmajaḥ | sṛjatyamoghān viśikhān vadhāya te pradīyatāṃ dāśarathāya maithilī || 9.21 ||

इससे पहले कि वह राजपुत्र राम, शरद ऋतु के सूर्य की किरणों के समान, नए फल और पंखों वाले, अत्यन्त दृढ़ और अमोघ बाणों को आपके वध के लिए छोड़े, दशरथ-पुत्र को मैथिली सौंप दी जाए।

श्लोक 22 (yuddha.9.22)

त्यजाशु कोपं सुखधर्मनाशनं भजस्व धर्मं रतिकीर्तिवर्धनम् । प्रसीद जीवेम सपुत्रबान्धवाः प्रदीयतां दाशरथाय मैथिली ॥ 9.22 ॥

tyajāśu kopaṃ sukhadharmanāśanaṃ bhajasva dharmaṃ ratikīrtivardhanam | prasīda jīvema saputrabāndhavāḥ pradīyatāṃ dāśarathāya maithilī || 9.22 ||

सुख और धर्म दोनों का नाश करने वाले क्रोध को शीघ्र त्याग दीजिए; आनन्द और कीर्ति बढ़ाने वाले धर्म का आश्रय लीजिए; प्रसन्न होइए, जिससे हम अपने पुत्रों और बन्धुओं सहित जीवित रह सकें — दशरथ-पुत्र को मैथिली सौंप दी जाए।

श्लोक 23 (yuddha.9.23)

विभीषणवचः श्रुत्वा रावणो राक्षसेश्वरः । विसर्जयित्वा तान् सर्वान् प्रविवेश स्वकं गृहम् ॥ 9.23 ॥

vibhīṣaṇavacaḥ śrutvā rāvaṇo rākṣaseśvaraḥ | visarjayitvā tān sarvān praviveśa svakaṃ gṛham || 9.23 ||

विभीषण के इस वचन को सुनकर राक्षसराज रावण ने उन सबको विदा कर दिया और स्वयं अपने भवन में चला गया।