विभीषण-विलाप

श्लोक 1 (yuddha.109.1)

भ्रातरं निहतं दृष्ट्वा शयानं निर्जितं रणे। शोकवेगपरीतात्मा विललाप विभीषणः॥॥ 109.1 ॥

bhrātaraṃ nihataṃ dṛṣṭvā śayānaṃ nirjitaṃ raṇe| śokavegaparītātmā vilalāpa vibhīṣaṇaḥ|||| 109.1 ||

अपने भाई को युद्ध में परास्त हुआ, मृत पड़ा देखकर, शोक के वेग से व्याकुल विभीषण विलाप करने लगे।

श्लोक 2 (yuddha.109.2)

वीरविक्रान्त विख्यात प्रवीण नयकोविद। महार्हशयनोपेत किं शेषे निहतो भुवि॥॥ 109.2 ॥

vīravikrānta vikhyāta pravīṇa nayakovida| mahārhaśayanopeta kiṃ śeṣe nihato bhuvi|||| 109.2 ||

हे वीर, हे पराक्रमी, हे विख्यात, नीति में निपुण और कुशल! श्रेष्ठतम शय्या के योग्य होकर भी तुम आज भूमि पर मृत क्यों पड़े हो?

श्लोक 3 (yuddha.109.3)

निक्षिप्य दीर्घौ निश्चेष्टौ भुजावङ्गदभूषितौ। मुकुटेनापवृत्तेन भास्कराकारवर्चसा॥॥ 109.3 ॥

nikṣipya dīrghau niśceṣṭau bhujāvaṅgadabhūṣitau| mukuṭenāpavṛttena bhāskarākāravarcasā|||| 109.3 ||

अपनी अंगद-भूषित दीर्घ भुजाओं को निश्चेष्ट फैलाए हुए, और सूर्य के समान तेजस्वी अपने मुकुट को गिरा हुआ पाकर —

श्लोक 4 (yuddha.109.4)

तदिदं वीर सम्प्राप्तं यन्मया पूर्वमीरितम्। काममोहपरीतस्य यत् तन्न रुचितं तव॥॥ 109.4 ॥

tadidaṃ vīra samprāptaṃ yanmayā pūrvamīritam| kāmamohaparītasya yat tanna rucitaṃ tava|||| 109.4 ||

हे वीर! वही परिणाम आज तुम्हें प्राप्त हुआ है जिसकी चेतावनी मैंने पहले ही दी थी — जो काम और मोह से ग्रस्त होकर तुम्हें रुचिकर नहीं लगी थी।

श्लोक 5 (yuddha.109.5)

यन्न दर्पात् प्रहस्तो वा नेन्द्रजिन्नापरे जनाः। न कुम्भकर्णोऽतिरथो नातिकायो नरान्तकः। न स्वयं बहु मन्येथास्तस्योदर्कोऽयमागतः॥॥ 109.5 ॥

yanna darpāt prahasto vā nendrajinnāpare janāḥ| na kumbhakarṇo'tiratho nātikāyo narāntakaḥ| na svayaṃ bahu manyethāstasyodarko'yamāgataḥ|||| 109.5 ||

जिस बात को अहंकारवश न तो प्रहस्त ने माना, न इन्द्रजित ने, न ही अन्य किसी ने — न कुम्भकर्ण ने, न अतिकाय ने, न नरान्तक ने, और न स्वयं तुमने ही उसे महत्त्व दिया — उसी का यह परिणाम आज सामने आया है।

श्लोक 6 (yuddha.109.6)

गतः सेतुः सुनीतीनां गतो धर्मस्य विग्रहः। गतः सत्त्वस्य संक्षेपः प्रस्तावानां गतिर्गता॥॥ 109.6 ॥

gataḥ setuḥ sunītīnāṃ gato dharmasya vigrahaḥ| gataḥ sattvasya saṃkṣepaḥ prastāvānāṃ gatirgatā|||| 109.6 ||

सुनीति का सेतु चला गया, धर्म का साक्षात् स्वरूप चला गया, सामर्थ्य का सार चला गया, प्रशंसाओं का आश्रय भी जाता रहा।

श्लोक 7 (yuddha.109.7)

आदित्यः पतितो भूमौ मग्नस्तमसि चन्द्रमाः। चित्रभानुः प्रशान्तार्चिर्व्यवसायो निरुद्यमः। अस्मिन् निपतिते वीरे भूमौ शस्त्रभृतां वरे॥॥ 109.7 ॥

ādityaḥ patito bhūmau magnastamasi candramāḥ| citrabhānuḥ praśāntārcirvyavasāyo nirudyamaḥ| asmin nipatite vīre bhūmau śastrabhṛtāṃ vare|||| 109.7 ||

इस वीर के, शस्त्रधारियों में श्रेष्ठ के, भूमि पर गिर जाने से — मानो सूर्य पृथ्वी पर गिर पड़ा हो, चन्द्रमा अंधकार में डूब गया हो, अग्नि की ज्वाला शांत हो गई हो, और उद्यम स्वयं निरुद्यम हो गया हो।

श्लोक 8 (yuddha.109.8)

किं शेषमिहलोकस्य गतसत्त्वस्य सम्प्रति। रणे राक्षसशार्दूले प्रसुप्त इव पांसुषु॥॥ 109.8 ॥

kiṃ śeṣamihalokasya gatasattvasya samprati| raṇe rākṣasaśārdūle prasupta iva pāṃsuṣu|||| 109.8 ||

अब इस संसार के लिए क्या शेष रह गया है, जब वह राक्षस-श्रेष्ठ, अपने प्राणों से रहित होकर, रणभूमि की धूल में मानो सोया हुआ पड़ा है?

श्लोक 9 (yuddha.109.9)

धृतिप्रवालः प्रसभाग्र्यपुष्प- स्तपोबलः शौर्यनिबद्धमूलः। रणे महान् राक्षसराजवृक्षः सम्मर्दितो राघवमारुतेन॥॥ 109.9 ॥

dhṛtipravālaḥ prasabhāgryapuṣpa- stapobalaḥ śauryanibaddhamūlaḥ| raṇe mahān rākṣasarājavṛkṣaḥ sammardito rāghavamārutena|||| 109.9 ||

जिसकी कोंपलें धैर्य थीं, जिसके उत्तम पुष्प बलपूर्वक पराक्रम थे, जिसका बल तप था और जिसकी जड़ें शौर्य से बँधी थीं — वह राक्षसराज-रूपी विशाल वृक्ष रणभूमि में राघव-रूपी आँधी से उखड़ गया।

श्लोक 10 (yuddha.109.10)

तेजोविषाणः कुलवंशवंशः कोपप्रसादापरगात्रहस्तः। इक्ष्वाकुसिंहावगृहीतदेहः सुप्तः क्षितौ रावणगन्धहस्ती॥॥ 109.10 ॥

tejoviṣāṇaḥ kulavaṃśavaṃśaḥ kopaprasādāparagātrahastaḥ| ikṣvākusiṃhāvagṛhītadehaḥ suptaḥ kṣitau rāvaṇagandhahastī|||| 109.10 ||

जिसके दाँत तेज थे, जिसकी रीढ़ कुल-वंश-परम्परा थी, जिसके पिछले अंग और सूँड़ क्रोध और प्रसाद थे — वह रावण-रूपी मदमस्त गजराज, इक्ष्वाकु-वंशी सिंह द्वारा पकड़े जाने पर, आज भूमि पर सोया हुआ पड़ा है।

श्लोक 11 (yuddha.109.11)

पराक्रमोत्साहविजृम्भितार्चि- र्निःश्वासधूमः स्वबलप्रतापः। प्रतापवान् संयति राक्षसाग्नि- र्निर्वापितो रामपयोधरेण॥॥ 109.11 ॥

parākramotsāhavijṛmbhitārci- rniḥśvāsadhūmaḥ svabalapratāpaḥ| pratāpavān saṃyati rākṣasāgni- rnirvāpito rāmapayodhareṇa|||| 109.11 ||

जिसकी ज्वालाएँ पराक्रम और उत्साह से भड़की थीं, जिसका धुआँ उसकी साँसें थीं, जिसका ताप उसका ही बल था — वह तेजस्वी रावण-रूपी अग्नि युद्ध में राम-रूपी मेघ द्वारा बुझा दी गई।

श्लोक 12 (yuddha.109.12)

सिंहर्क्षलाङ्गूलककुद्विषाणः पराभिजिद्गन्धनगन्धवाहः। रक्षोवृषश्चापलकर्णचक्षुः क्षितीश्वरव्याघ्रहतोऽवसन्नः॥॥ 109.12 ॥

siṃharkṣalāṅgūlakakudviṣāṇaḥ parābhijidgandhanagandhavāhaḥ| rakṣovṛṣaścāpalakarṇacakṣuḥ kṣitīśvaravyāghrahato'vasannaḥ|||| 109.12 ||

जिसकी पूँछ, कूबड़ और सींग स्वयं उसके राक्षस-गण थे, जिसके कान और नेत्र चंचलता थे, जो शत्रुओं पर सदा विजयी और वायु के समान वेगवान था — वह रावण-रूपी वृषभ, पृथ्वीपति राम-रूपी व्याघ्र द्वारा मारा जाकर आज ढह गया।

श्लोक 13 (yuddha.109.13)

वदन्तं हेतुमद्वाक्यं परिदृष्टार्थनिश्चयम्। रामः शोकसमाविष्टमित्युवाच विभीषणम्॥॥ 109.13 ॥

vadantaṃ hetumadvākyaṃ paridṛṣṭārthaniścayam| rāmaḥ śokasamāviṣṭamityuvāca vibhīṣaṇam|||| 109.13 ||

इस प्रकार शोक-विह्वल होकर तर्कयुक्त वचन बोलते विभीषण से राम ने अपने निश्चित विचार को प्रकट करते हुए यह कहा —

श्लोक 14 (yuddha.109.14)

नायं विनष्टो निश्चेष्टः समरे चण्डविक्रमः। अत्युन्नतमहोत्साहः पतितोऽयमशङ्कितः॥॥ 109.14 ॥

nāyaṃ vinaṣṭo niśceṣṭaḥ samare caṇḍavikramaḥ| atyunnatamahotsāhaḥ patito'yamaśaṅkitaḥ|||| 109.14 ||

'यह वीर युद्ध में निष्क्रिय होकर नहीं मरा; अत्यंत प्रचंड पराक्रमी और उत्तुंग उत्साह वाला यह निर्भय होकर ही गिरा है।

श्लोक 15 (yuddha.109.15)

नैवं विनष्टाः शोच्यन्ते क्षत्रधर्मव्यवस्थिताः। वृद्धिमाशंसमाना ये निपतन्ति रणाजिरे॥॥ 109.15 ॥

naivaṃ vinaṣṭāḥ śocyante kṣatradharmavyavasthitāḥ| vṛddhimāśaṃsamānā ye nipatanti raṇājire|||| 109.15 ||

क्षत्रिय-धर्म में स्थिर रहकर, अपनी उन्नति की आशा रखते हुए जो रणभूमि में गिर जाते हैं, ऐसे मृतकों का शोक नहीं किया जाता।

श्लोक 16 (yuddha.109.16)

येन सेन्द्रास्त्रयो लोकास्त्रासिता युधि धीमता। तस्मिन् कालसमायुक्ते न कालः परिशोचितुम्॥॥ 109.16 ॥

yena sendrāstrayo lokāstrāsitā yudhi dhīmatā| tasmin kālasamāyukte na kālaḥ pariśocitum|||| 109.16 ||

जिस बुद्धिमान ने इन्द्र-सहित तीनों लोकों को युद्ध में भयभीत कर दिया था, आज काल के अधीन हो जाने पर उसके लिए शोक करने का समय नहीं है।

श्लोक 17 (yuddha.109.17)

नैकान्तविजयो युद्धे भूतपूर्वः कदाचन। परैर्वा हन्यते वीरः परान् वा हन्ति संयुगे॥॥ 109.17 ॥

naikāntavijayo yuddhe bhūtapūrvaḥ kadācana| parairvā hanyate vīraḥ parān vā hanti saṃyuge|||| 109.17 ||

युद्ध में अब तक कभी भी विजय पूर्णतः किसी एक पक्ष की नहीं रही है — वीर या तो शत्रुओं द्वारा मारा जाता है, या स्वयं शत्रुओं को युद्ध में मार गिराता है।

श्लोक 18 (yuddha.109.18)

इयं हि पूर्वैः संदिष्टा गतिः क्षत्रियसम्मता। क्षत्रियो निहतः संख्ये न शोच्य इति निश्चयः॥॥ 109.18 ॥

iyaṃ hi pūrvaiḥ saṃdiṣṭā gatiḥ kṣatriyasammatā| kṣatriyo nihataḥ saṃkhye na śocya iti niścayaḥ|||| 109.18 ||

यही वह मार्ग है जो पूर्वजों ने बताया है और जो क्षत्रियों को मान्य है — युद्ध में मारा गया क्षत्रिय शोक के योग्य नहीं है, यही निश्चित सिद्धांत है।

श्लोक 19 (yuddha.109.19)

तदेवं निश्चयं दृष्ट्वा तत्त्वमास्थाय विज्वरः। यदिहानन्तरं कार्यं कल्प्यं तदनुचिन्तय॥॥ 109.19 ॥

tadevaṃ niścayaṃ dṛṣṭvā tattvamāsthāya vijvaraḥ| yadihānantaraṃ kāryaṃ kalpyaṃ tadanucintaya|||| 109.19 ||

अतः इस निश्चित सत्य को देखकर, इसी तत्त्व का आश्रय लेकर, व्यथा त्यागकर, अब जो कर्तव्य आगे करने योग्य है, उसका विचार करो।

श्लोक 20 (yuddha.109.20)

तमुक्तवाक्यं विक्रान्तं राजपुत्रं विभीषणः। उवाच शोकसंतप्तो भ्रातुर्हितमनन्तरम्॥॥ 109.20 ॥

tamuktavākyaṃ vikrāntaṃ rājaputraṃ vibhīṣaṇaḥ| uvāca śokasaṃtapto bhrāturhitamanantaram|||| 109.20 ||

इस प्रकार कहने वाले उस पराक्रमी राजकुमार से, शोक-संतप्त विभीषण ने तुरंत अपने भाई के हित की बात कही —

श्लोक 21 (yuddha.109.21)

योऽयं विमर्देष्वविभग्नपूर्वः सुरैः समस्तैरपि वासवेन। भवन्तमासाद्य रणे विभग्नो वेलामिवासाद्य यथा समुद्रः॥॥ 109.21 ॥

yo'yaṃ vimardeṣvavibhagnapūrvaḥ suraiḥ samastairapi vāsavena| bhavantamāsādya raṇe vibhagno velāmivāsādya yathā samudraḥ|||| 109.21 ||

'यह वह है जो पहले कभी युद्धों में पराजित नहीं हुआ, न समस्त देवताओं द्वारा और न स्वयं इन्द्र द्वारा भी; परन्तु युद्ध में आपसे टकराकर यह वैसे ही टूट गया जैसे समुद्र तट से टकराकर टूट जाता है।

श्लोक 22 (yuddha.109.22)

अनेन दत्तानि वनीपकेषु भुक्ताश्च भोगा निभृताश्च भृत्याः। धनानि मित्रेषु समर्पितानि वैराण्यमित्रेषु निपातितानि॥॥ 109.22 ॥

anena dattāni vanīpakeṣu bhuktāśca bhogā nibhṛtāśca bhṛtyāḥ| dhanāni mitreṣu samarpitāni vairāṇyamitreṣu nipātitāni|||| 109.22 ||

इसने याचकों को दान दिया, भोगों को भोगा, सेवकों का पालन किया, मित्रों को धन अर्पित किया, और शत्रुओं पर वैर का प्रहार किया।

श्लोक 23 (yuddha.109.23)

एषोऽहिताग्निश्च महातपाश्च वेदान्तगः कर्मसु चाग्र्यशूरः। एतस्य यत् प्रेतगतस्य कृत्यं तत् कर्तुमिच्छामि तव प्रसादात्॥॥ 109.23 ॥

eṣo'hitāgniśca mahātapāśca vedāntagaḥ karmasu cāgryaśūraḥ| etasya yat pretagatasya kṛtyaṃ tat kartumicchāmi tava prasādāt|||| 109.23 ||

इसने अग्नि की स्थापना की, महान तप किया, वेदान्त का ज्ञान प्राप्त किया और कर्मों में अग्रगण्य वीर था; अब जो कृत्य इस प्रेतगत के लिए करणीय है, वह मैं आपकी कृपा से करना चाहता हूँ।'

श्लोक 24 (yuddha.109.24)

स तस्य वाक्यैः करुणैर्महात्मा सम्बोधितः साधु विभीषणेन। आज्ञापयामास नरेन्द्रसूनुः स्वर्गीयमाधानमदीनसत्त्वः॥॥ 109.24 ॥

sa tasya vākyaiḥ karuṇairmahātmā sambodhitaḥ sādhu vibhīṣaṇena| ājñāpayāmāsa narendrasūnuḥ svargīyamādhānamadīnasattvaḥ|||| 109.24 ||

विभीषण के इन करुणापूर्ण वचनों से भली प्रकार अवगत हुए वे महात्मा नरेन्द्र-पुत्र राम, जिनका सत्त्व तनिक भी दीन नहीं हुआ था, ने स्वर्गदायक अंत्येष्टि-संस्कार करने की आज्ञा दे दी।

श्लोक 25 (yuddha.109.25)

मरणान्तानि वैराणि निर्वृत्तं नः प्रयोजनम्। क्रियतामस्य संस्कारो ममाप्येष यथा तव॥॥ 109.25 ॥

maraṇāntāni vairāṇi nirvṛttaṃ naḥ prayojanam| kriyatāmasya saṃskāro mamāpyeṣa yathā tava|||| 109.25 ||

'वैर मृत्यु के साथ ही समाप्त हो जाते हैं; हमारा प्रयोजन पूर्ण हो चुका है। अब इसका संस्कार किया जाए — यह जितना तुम्हारा है, उतना ही मेरा भी है।'