हनुमान का संदेश और सीता की क्षमाशीलता

श्लोक 1 (yuddha.113.1)

इति प्रतिसमादिष्टो हनूमान् मारुतात्मजः । प्रविवेश पुरीं लङ्कां पूज्यमानो निशाचरैः ॥ 113.1 ॥

iti pratisamādiṣṭo hanūmān mārutātmajaḥ | praviveśa purīṃ laṅkāṃ pūjyamāno niśācaraiḥ || 113.1 ||

इस प्रकार आदेश पाकर पवनपुत्र हनुमान राक्षसों द्वारा सम्मानित होते हुए लंका नगरी में प्रविष्ट हुए।

श्लोक 2 (yuddha.113.2)

प्रविश्य च पुरीं लङ्कामनुज्ञाप्य विभीषणम् । ततस्तेनाभ्यनुज्ञातो हनूमान् वृक्षवाटिकाम् ॥ 113.2 ॥

praviśya ca purīṃ laṅkāmanujñāpya vibhīṣaṇam | tatastenābhyanujñāto hanūmān vṛkṣavāṭikām || 113.2 ||

लंका नगरी में प्रवेश करके और विभीषण से अनुमति लेकर, उनकी स्वीकृति पाकर हनुमान उस वृक्षों की वाटिका में गए,

श्लोक 3 (yuddha.113.3)

सम्प्रविश्य यथान्यायं सीताया विदितो हरिः । ददर्श शशिना हीनां सातङ्कां रोहिणीमिव ॥ 113.3 ॥

sampraviśya yathānyāyaṃ sītāyā vidito hariḥ | dadarśa śaśinā hīnāṃ sātaṅkāṃ rohiṇīmiva || 113.3 ||

और उचित रीति से प्रवेश करके — सीता के लिए पहले से परिचित उस वानर ने — उन्हें चंद्रमा से बिछड़ी हुई, भयभीत रोहिणी के समान कांतिहीन देखा,

श्लोक 4 (yuddha.113.4)

वृक्षमूले निरानन्दां राक्षसीभिः परीवृताम् । निभृतः प्रणतः प्रह्वः सोऽभिगम्याभिवाद्य च ॥ 113.4 ॥

vṛkṣamūle nirānandāṃ rākṣasībhiḥ parīvṛtām | nibhṛtaḥ praṇataḥ prahvaḥ so'bhigamyābhivādya ca || 113.4 ||

वृक्ष के मूल में आनंदरहित, राक्षसियों से घिरी हुई। वे चुपचाप, विनम्रतापूर्वक झुककर उनके समीप गए और प्रणाम करके,

श्लोक 5 (yuddha.113.5)

दृष्ट्वा तमागतं देवी हनूमन्तं महाबलम् । तूष्णीमास्त तदा दृष्ट्वा स्मृत्वा हृष्टाभवत् तदा ॥ 113.5 ॥

dṛṣṭvā tamāgataṃ devī hanūmantaṃ mahābalam | tūṣṇīmāsta tadā dṛṣṭvā smṛtvā hṛṣṭābhavat tadā || 113.5 ||

मौन खड़े रहे। महाबली हनुमान को आया देखकर देवी सीता पहले तो चुप रहीं; फिर उन्हें पहचानकर वे हर्षित हो उठीं।

श्लोक 6 (yuddha.113.6)

सौम्यं तस्या मुखं दृष्ट्वा हनूमान् प्लवगोत्तमः । रामस्य वचनं सर्वमाख्यातुमुपचक्रमे ॥ 113.6 ॥

saumyaṃ tasyā mukhaṃ dṛṣṭvā hanūmān plavagottamaḥ | rāmasya vacanaṃ sarvamākhyātumupacakrame || 113.6 ||

उनके मुख को शांत होते देखकर वानरश्रेष्ठ हनुमान राम का संपूर्ण संदेश सुनाने लगे।

श्लोक 7 (yuddha.113.7)

वैदेहि कुशली रामः ससुग्रीवः सलक्ष्मणः । विभीषणसहायश्च हरीणां सहितो बलैः ॥ 113.7 ॥

vaidehi kuśalī rāmaḥ sasugrīvaḥ salakṣmaṇaḥ | vibhīṣaṇasahāyaśca harīṇāṃ sahito balaiḥ || 113.7 ||

"हे वैदेही! राम कुशल हैं, सुग्रीव और लक्ष्मण के साथ, विभीषण की सहायता से तथा वानरों की सेनाओं सहित।"

श्लोक 8 (yuddha.113.8)

कुशलं चाह सिद्धार्थो हतशत्रुररिन्दमः । विभीषणसहायेन रामेण हरिभिः सह । निहतो रावणो देवि लक्ष्मणस्य नयेन च वीर्यवान् ॥ 113.8 ॥

kuśalaṃ cāha siddhārtho hataśatrurarindamaḥ | vibhīṣaṇasahāyena rāmeṇa haribhiḥ saha | nihato rāvaṇo devi lakṣmaṇasya nayena ca vīryavān || 113.8 ||

"हे देवी! शत्रु का दमन करने वाले, अपना कार्य सिद्ध कर चुके और शत्रु को मार चुके राम आपको अपनी कुशलता का समाचार भेजते हैं। विभीषण और वानरों की सहायता से तथा लक्ष्मण की नीति से पराक्रमी रावण का वध हुआ है।"

श्लोक 9 (yuddha.113.9)

प्रियमाख्यामि ते देवि भूयश्च त्वां सभाजये ॥ 113.9 ॥

priyamākhyāmi te devi bhūyaśca tvāṃ sabhājaye || 113.9 ||

"हे देवी! मैं आपको प्रिय समाचार सुनाता हूँ, और पुनः आपका सम्मान करता हूँ।

श्लोक 10 (yuddha.113.10)

तव प्रभावाद् धर्मज्ञे महान् रामेण संयुगे । लब्धोऽयं विजयः सीते स्वस्था भव गतज्वरा ॥ 113.10 ॥

tava prabhāvād dharmajñe mahān rāmeṇa saṃyuge | labdho'yaṃ vijayaḥ sīte svasthā bhava gatajvarā || 113.10 ||

हे धर्मज्ञे! आपके ही प्रभाव से राम ने युद्ध में यह महान विजय प्राप्त की है। सीते, स्वस्थ हो जाइए, आपका संताप दूर हो।"

श्लोक 11 (yuddha.113.11)

रावणश्च हतः शत्रुर्लङ्का चैव वशीकृता । मया ह्यलब्धनिद्रेण धृतेन तव निर्जये । प्रतिज्ञैषा विनिस्तीर्णा बद्ध्वा सेतुं महोदधौ ॥ 113.11 ॥

rāvaṇaśca hataḥ śatrurlaṅkā caiva vaśīkṛtā | mayā hyalabdhanidreṇa dhṛtena tava nirjaye | pratijñaiṣā vinistīrṇā baddhvā setuṃ mahodadhau || 113.11 ||

"शत्रु रावण मारा जा चुका है, और लंका भी वश में कर ली गई है। आपको पुनः प्राप्त करने के दृढ़ संकल्प से नींद त्यागकर मैंने महासागर पर सेतु बाँधकर यह प्रतिज्ञा पूर्ण कर दी है।"

श्लोक 12 (yuddha.113.12)

सम्भ्रमश्च न कर्तव्यो वर्तन्त्या रावणालये । विभीषणविधेयं हि लङ्कैश्वर्यमिदं कृतम् ॥ 113.12 ॥

sambhramaśca na kartavyo vartantyā rāvaṇālaye | vibhīṣaṇavidheyaṃ hi laṅkaiśvaryamidaṃ kṛtam || 113.12 ||

"रावण के घर में रहने के कारण अब आपको कोई भय नहीं करना चाहिए, क्योंकि यह लंका का ऐश्वर्य अब विभीषण के अधीन कर दिया गया है।"

श्लोक 13 (yuddha.113.13)

तदाश्वसिहि विस्रब्धं स्वगृहे परिवर्तसे । अयं चाभ्येति संहृष्टस्त्वद्दर्शनसमुत्सुकः ॥ 113.13 ॥

tadāśvasihi visrabdhaṃ svagṛhe parivartase | ayaṃ cābhyeti saṃhṛṣṭastvaddarśanasamutsukaḥ || 113.13 ||

"अतः निश्चिंत होकर आश्वस्त हो जाइए — आप अब मानो अपने ही घर में हैं। और यह विभीषण भी आपके दर्शन के लिए उत्सुक, हर्षित होकर आ रहे हैं।"

श्लोक 14 (yuddha.113.14)

एवमुक्ता तु सा देवी सीता शशिनिभानना । प्रहर्षेणावरुद्धा सा व्याहर्तुं न शशाक ह ॥ 113.14 ॥

evamuktā tu sā devī sītā śaśinibhānanā | praharṣeṇāvaruddhā sā vyāhartuṃ na śaśāka ha || 113.14 ||

यह सुनकर चंद्रमुखी देवी सीता अत्यंत हर्ष से अभिभूत हो गईं और कुछ भी कह पाने में असमर्थ हो गईं।

श्लोक 15 (yuddha.113.15)

ततोऽब्रवीद्धरिवरः सीतामप्रतिजल्पतीम् । किं त्वं चिन्तयसे देवि किं च मां नाभिभाषसे ॥ 113.15 ॥

tato'bravīddharivaraḥ sītāmapratijalpatīm | kiṃ tvaṃ cintayase devi kiṃ ca māṃ nābhibhāṣase || 113.15 ||

तब उत्तर न दे पाती हुई सीता से वानरश्रेष्ठ हनुमान ने कहा, "हे देवी! आप क्या सोच रही हैं? आप मुझसे बात क्यों नहीं करतीं?"

श्लोक 16 (yuddha.113.16)

एवमुक्ता हनुमता सीता धर्मपथे स्थिता । अब्रवीत्परमप्रीता बाष्पगद्गदया गिरा ॥ 113.16 ॥

evamuktā hanumatā sītā dharmapathe sthitā | abravītparamaprītā bāṣpagadgadayā girā || 113.16 ||

हनुमान के इस प्रकार पूछने पर, धर्म के मार्ग पर सदा स्थिर रहने वाली सीता ने अत्यंत प्रसन्न होकर अश्रुगद्गद वाणी में कहा।

श्लोक 17 (yuddha.113.17)

प्रियमेतदुपश्रुत्य भर्तुर्विजयसंश्रितम् । प्रहर्षवशमापन्ना निर्वाक्यास्मि क्षणान्तरम् ॥ 113.17 ॥

priyametadupaśrutya bharturvijayasaṃśritam | praharṣavaśamāpannā nirvākyāsmi kṣaṇāntaram || 113.17 ||

"अपने पति की विजय का यह प्रिय समाचार सुनकर मैं इतने हर्ष से अभिभूत हो गई कि क्षण भर के लिए मौन हो गई।"

श्लोक 18 (yuddha.113.18)

न हि पश्यामि सदृशं चिन्तयन्ती प्लवंगम । मत्प्रियाख्यानकस्येह तव प्रत्यभिनन्दनम् ॥ 113.18 ॥

na hi paśyāmi sadṛśaṃ cintayantī plavaṃgama | matpriyākhyānakasyeha tava pratyabhinandanam || 113.18 ||

"हे वानर! सोच-विचार करने पर भी मुझे यहाँ कुछ ऐसा नहीं दिखता जो मुझे प्रिय समाचार सुनाने के बदले तुम्हें देने योग्य हो।"

श्लोक 19 (yuddha.113.19)

न च पश्यामि तत्सौम्य पृथिव्यामपि वानर । सदृशं यत्प्रियाख्याने तव दातुं भवेत्समम् ॥ 113.19 ॥

na ca paśyāmi tatsaumya pṛthivyāmapi vānara | sadṛśaṃ yatpriyākhyāne tava dātuṃ bhavetsamam || 113.19 ||

"हे सौम्य वानर! मुझे इस पृथ्वी पर भी कुछ ऐसा नहीं दिखता, जो तुम्हारे इस प्रिय समाचार के तुल्य होकर तुम्हें देने योग्य हो।"

श्लोक 20 (yuddha.113.20)

हिरण्यं वा सुवर्णं वा रत्नानि विविधानि च । राज्यं वा त्रिषु लोकेषु नैतदर्हति भाषितम् ॥ 113.20 ॥

hiraṇyaṃ vā suvarṇaṃ vā ratnāni vividhāni ca | rājyaṃ vā triṣu lokeṣu naitadarhati bhāṣitam || 113.20 ||

"न रजत, न स्वर्ण, न नाना प्रकार के रत्न, न तीनों लोकों का राज्य — कुछ भी इस समाचार के योग्य नहीं है।"

श्लोक 21 (yuddha.113.21)

एवमुक्तस्तु वैदेह्या प्रत्युवाच प्लवंगमः । प्रगृहीताञ्जलिर्हर्षात् सीतायाः प्रमुखे स्थितः ॥ 113.21 ॥

evamuktastu vaidehyā pratyuvāca plavaṃgamaḥ | pragṛhītāñjalirharṣāt sītāyāḥ pramukhe sthitaḥ || 113.21 ||

वैदेही के इस प्रकार कहने पर वह वानर हर्षपूर्वक हाथ जोड़कर सीता के समक्ष खड़े होकर बोला।

श्लोक 22 (yuddha.113.22)

भर्तुः प्रियहिते युक्ते भर्तुर्विजयकांक्षिणि । स्निग्धमेवंविधं वाक्यं त्वमेवार्हसि भाषितम् ॥ 113.22 ॥

bhartuḥ priyahite yukte bharturvijayakāṃkṣiṇi | snigdhamevaṃvidhaṃ vākyaṃ tvamevārhasi bhāṣitam || 113.22 ||

"हे अपने पति के प्रिय और हित में सदा तत्पर, उनकी विजय की कामना करने वाली! ऐसे स्नेहपूर्ण वचन केवल आप ही कह सकती हैं।"

श्लोक 23 (yuddha.113.23)

तवैतद्वचनं सौम्ये सारवत् स्निग्धमेव च । रत्नौघाद् विविधाच्चापि देवराज्याद् विशिष्यते ॥ 113.23 ॥

tavaitadvacanaṃ saumye sāravat snigdhameva ca | ratnaughād vividhāccāpi devarājyād viśiṣyate || 113.23 ||

"हे सौम्ये! आपके ये सारगर्भित और स्नेहपूर्ण वचन नाना प्रकार के रत्नों की राशि से भी और देवराज्य से भी श्रेष्ठ हैं।"

श्लोक 24 (yuddha.113.24)

अर्थतश्च मया प्राप्ता देवराज्यादयो गुणाः । हतशत्रुं विजयिनं रामं पश्यामि सुस्थितम् ॥ 113.24 ॥

arthataśca mayā prāptā devarājyādayo guṇāḥ | hataśatruṃ vijayinaṃ rāmaṃ paśyāmi susthitam || 113.24 ||

"वास्तव में मुझे देवराज्य आदि सभी गुण प्राप्त हो चुके हैं, क्योंकि मैं शत्रु का वध करने वाले, विजयी राम को कुशलतापूर्वक देख रहा हूँ।"

श्लोक 25 (yuddha.113.25)

तस्य तद् वचनं श्रुत्वा मैथिली जनकात्मजा । ततः शुभतरं वाक्यमुवाच पवनात्मजम् ॥ 113.25 ॥

tasya tad vacanaṃ śrutvā maithilī janakātmajā | tataḥ śubhataraṃ vākyamuvāca pavanātmajam || 113.25 ||

उनके इस वचन को सुनकर जनकनन्दिनी मैथिली ने तत्पश्चात् पवनपुत्र से और भी शुभ वचन कहे।

श्लोक 26 (yuddha.113.26)

अतिलक्षणसम्पन्नं माधुर्यगुणभूषणम् । बुद्ध्या ह्यष्टाङ्गया युक्तं त्वमेवार्हसि भाषितम् ॥ 113.26 ॥

atilakṣaṇasampannaṃ mādhuryaguṇabhūṣaṇam | buddhyā hyaṣṭāṅgayā yuktaṃ tvamevārhasi bhāṣitam || 113.26 ||

"अत्यंत उत्तम लक्षणों से युक्त, माधुर्य गुण से अलंकृत और अष्टांग बुद्धि से संपन्न ऐसे वचन केवल तुम ही कह सकते हो।"

श्लोक 27 (yuddha.113.27)

श्लाघनीयोऽनिलस्य त्वं सुतः परमधार्मिकः ॥ 113.27 ॥

ślāghanīyo'nilasya tvaṃ sutaḥ paramadhārmikaḥ || 113.27 ||

"तुम वायुदेव के प्रशंसनीय और परम धर्मात्मा पुत्र हो।

श्लोक 28 (yuddha.113.28)

बलं शौर्यं श्रुतं सत्त्वं विक्रमो दाक्ष्यमुत्तमम् । तेजः क्षमा धृतिः स्थैर्यं विनीतत्वं न संशयः ॥ 113.28 ॥

balaṃ śauryaṃ śrutaṃ sattvaṃ vikramo dākṣyamuttamam | tejaḥ kṣamā dhṛtiḥ sthairyaṃ vinītatvaṃ na saṃśayaḥ || 113.28 ||

बल, शौर्य, शास्त्रज्ञान, सत्त्व, पराक्रम, उत्तम दक्षता, तेज, क्षमा, धैर्य, स्थिरता और विनम्रता — इसमें कोई संशय नहीं कि ये सब गुण तुममें विद्यमान हैं।"

श्लोक 29 (yuddha.113.29)

अथोवाच पुनः सीतामसम्भ्रान्तो विनीतवत् । प्रगृहीताञ्जलिर्हर्षात् सीतायाः प्रमुखे स्थितः ॥ 113.29 ॥

athovāca punaḥ sītāmasambhrānto vinītavat | pragṛhītāñjalirharṣāt sītāyāḥ pramukhe sthitaḥ || 113.29 ||

तब अविचलित और विनम्र भाव से, हर्षपूर्वक हाथ जोड़े सीता के समक्ष खड़े होकर उन्होंने पुनः कहा।

श्लोक 30 (yuddha.113.30)

इमास्तु खलु राक्षस्यो यदि त्वमनुमन्यसे । हन्तुमिच्छामि ताः सर्वा याभिस्त्वं तर्जिता पुरा ॥ 113.30 ॥

imāstu khalu rākṣasyo yadi tvamanumanyase | hantumicchāmi tāḥ sarvā yābhistvaṃ tarjitā purā || 113.30 ||

"यदि आप अनुमति दें, तो मैं इन सभी राक्षसियों को मार डालना चाहता हूँ, जिन्होंने पहले आपको धमकाया था।"

श्लोक 31 (yuddha.113.31)

क्लिश्यन्तीं पतिदेवां त्वामशोकवनिकां गताम् ॥ 113.31 ॥

kliśyantīṃ patidevāṃ tvāmaśokavanikāṃ gatām || 113.31 ||

"...जो अपने पति को ही देवता मानने वाली आपको, इस अशोक वाटिका में, सताती रही हैं।

श्लोक 32 (yuddha.113.32)

घोररूपसमाचाराः क्रूराः क्रूरतरेक्षणाः । इह श्रुता मया देवि राक्षस्यो विकृताननाः । असकृत्परुषैर्वाक्यैर्वदन्त्यो रावणाज्ञया ॥ 113.32 ॥

ghorarūpasamācārāḥ krūrāḥ krūratarekṣaṇāḥ | iha śrutā mayā devi rākṣasyo vikṛtānanāḥ | asakṛtparuṣairvākyairvadantyo rāvaṇājñayā || 113.32 ||

हे देवी! मैंने यहाँ इन भयंकर रूप और आचरण वाली, क्रूर, अत्यंत क्रूर नेत्रों वाली, विकृत मुख वाली राक्षसियों को रावण की आज्ञा से बार-बार आपसे कठोर वचन कहते हुए सुना है।"

श्लोक 33 (yuddha.113.33)

विकृता विकृताकाराः क्रूराः क्रूरकचेक्षणाः ॥ 113.33 ॥

vikṛtā vikṛtākārāḥ krūrāḥ krūrakacekṣaṇāḥ || 113.33 ||

"विकृत, कुरूप, क्रूर, भयानक बाल और नेत्रों वाली —

श्लोक 34 (yuddha.113.34)

इच्छामि विविधैर्घातैर्हन्तुमेताः सुदारुणाः । राक्षस्यो दारुणकथा वरमेतत् प्रयच्छ मे ॥ 113.34 ॥

icchāmi vividhairghātairhantumetāḥ sudāruṇāḥ | rākṣasyo dāruṇakathā varametat prayaccha me || 113.34 ||

इन भयंकर, कठोर बोलने वाली राक्षसियों को मैं नाना प्रकार के प्रहारों से मार डालना चाहता हूँ। मुझे यह वर दीजिए।"

श्लोक 35 (yuddha.113.35)

मुष्टिभिः पाणिभिश्चैव चरणैश्चैव शोभने । जङ्घाजानुप्रहारैश्च दन्तानां चैव पीडनैः ॥ 113.35 ॥

muṣṭibhiḥ pāṇibhiścaiva caraṇaiścaiva śobhane | jaṅghājānuprahāraiśca dantānāṃ caiva pīḍanaiḥ || 113.35 ||

"हे शोभने! मुक्कों से, हाथों के प्रहारों से, पैरों से, पिंडली और घुटनों की चोटों से, दाँतों को कुचलकर,

श्लोक 36 (yuddha.113.36)

भक्षणैः कर्णनासानां केशानां लुञ्चनैस्तथा । भृशं शुष्कमुखीभिश्च दारुणैर्लङ्घनैर्हतैः ॥ 113.36 ॥

bhakṣaṇaiḥ karṇanāsānāṃ keśānāṃ luñcanaistathā | bhṛśaṃ śuṣkamukhībhiśca dāruṇairlaṅghanairhataiḥ || 113.36 ||

कान और नाक को काटकर, बाल नोचकर, उन्हें पूर्णतः शुष्कमुख कर देने तक, भयंकर आघातों और रौंदने से —

श्लोक 37 (yuddha.113.37)

विभिन्नशङ्कुग्रीवांशपार्श्वकैश्च कलेवरैः । निपात्य हन्तुमिच्छामि तव विप्रियकारिणीः ॥ 113.37 ॥

vibhinnaśaṅkugrīvāṃśapārśvakaiśca kalevaraiḥ | nipātya hantumicchāmi tava vipriyakāriṇīḥ || 113.37 ||

उनकी गर्दन, कंधों और पार्श्वों को खंडित शंकु के समान तोड़कर, शरीरों को गिराकर, मैं आपको कष्ट देने वाली इन राक्षसियों को मार डालना चाहता हूँ।"

श्लोक 38 (yuddha.113.38)

एवम्प्रकारैर्बहुभिर्विप्रकारैर्यशस्विनि । घातये तीव्ररूपाभिर्याभिस्त्वं तर्जिता पुरा ॥ 113.38 ॥

evamprakārairbahubhirviprakārairyaśasvini | ghātaye tīvrarūpābhiryābhistvaṃ tarjitā purā || 113.38 ||

"हे यशस्विनी! इस प्रकार और अन्य अनेक प्रकार से मैं उन भयंकर राक्षसियों का वध करूँगा, जिन्होंने पहले आपको धमकाया था।"

श्लोक 39 (yuddha.113.39)

इत्युक्ता सा हनुमता कृपणा दीनवत्सला । हनूमन्तमुवाचेदं चिन्तयित्वा विमृश्य च ॥ 113.39 ॥

ityuktā sā hanumatā kṛpaṇā dīnavatsalā | hanūmantamuvācedaṃ cintayitvā vimṛśya ca || 113.39 ||

हनुमान द्वारा इस प्रकार कहे जाने पर, दीनों पर दया करने वाली वह करुणामयी सीता कुछ सोच-विचार करके हनुमान से बोलीं।

श्लोक 40 (yuddha.113.40)

राजसंश्रयवश्यानां कुर्वतीनां पराज्ञया । विधेयानां च दासीनां कः कुप्येद्वानरोत्तम ॥ 113.40 ॥

rājasaṃśrayavaśyānāṃ kurvatīnāṃ parājñayā | vidheyānāṃ ca dāsīnāṃ kaḥ kupyedvānarottama || 113.40 ||

"हे वानरश्रेष्ठ! जो अपने स्वामी के अधीन हैं और दूसरे की आज्ञा से कार्य करने वाली सेविकाएँ मात्र हैं, उन पर कौन क्रोध करेगा?"

श्लोक 41 (yuddha.113.41)

भाग्यवैषम्य योगेन पुरा दुश्चरितेन च । मयैतेत्प्राप्यते सर्वं स्वकृतं ह्युपभुज्यते ॥ 113.41 ॥

bhāgyavaiṣamya yogena purā duścaritena ca | mayaitetprāpyate sarvaṃ svakṛtaṃ hyupabhujyate || 113.41 ||

"यह सब मुझे अपने ही भाग्य की विषमता और पूर्वजन्म के दुष्कर्मों के कारण प्राप्त हो रहा है — क्योंकि अपना किया हुआ ही भोगना पड़ता है।"

श्लोक 42 (yuddha.113.42)

मैवं वद महाबाहो दैवी ह्येषा परा गतिः । प्राप्तव्यं तु दशायोगान्मयैतदिति निश्चितम् । दासीनां रावणस्याहं मर्षयामीह दुर्बला ॥ 113.42 ॥

maivaṃ vada mahābāho daivī hyeṣā parā gatiḥ | prāptavyaṃ tu daśāyogānmayaitaditi niścitam | dāsīnāṃ rāvaṇasyāhaṃ marṣayāmīha durbalā || 113.42 ||

"हे महाबाहो! ऐसा मत कहो — यह तो एक उच्चतर दैवी व्यवस्था है। यह निश्चित था कि मुझे भाग्य के फेर से यह दशा प्राप्त होगी। दुर्बल होते हुए भी मैं रावण की इन दासियों को क्षमा करती हूँ।"

श्लोक 43 (yuddha.113.43)

आज्ञप्ता रावणेनैता राक्षस्यो माम् अतर्जयन् । हते तस्मिन्न कुर्युर्हि तर्जनं वानरोत्तम ॥ 113.43 ॥

ājñaptā rāvaṇenaitā rākṣasyo mām atarjayan | hate tasminna kuryurhi tarjanaṃ vānarottama || 113.43 ||

"हे वानरश्रेष्ठ! रावण की आज्ञा से ही इन राक्षसियों ने मुझे धमकाया था; अब उसके मारे जाने पर ये फिर कभी धमकी नहीं देंगी।"

श्लोक 44 (yuddha.113.44)

अयं व्याघ्रसमीपे तु पुराणो धर्मसंहितः । ऋक्षेण गीतः श्लोको मे तं निबोध प्लवंगम ॥ 113.44 ॥

ayaṃ vyāghrasamīpe tu purāṇo dharmasaṃhitaḥ | ṛkṣeṇa gītaḥ śloko me taṃ nibodha plavaṃgama || 113.44 ||

"हे वानर! एक प्राचीन, धर्मयुक्त श्लोक है, जो एक रीछ ने बाघ के समक्ष गाया था। उसे मुझसे सुनो।"

श्लोक 45 (yuddha.113.45)

न परः पापमादत्ते परेषां पापकर्मणाम् । समयो रक्षितव्यस्तु सन्तश्चारित्रभूषणाः ॥ 113.45 ॥

na paraḥ pāpamādatte pareṣāṃ pāpakarmaṇām | samayo rakṣitavyastu santaścāritrabhūṣaṇāḥ || 113.45 ||

"श्रेष्ठ पुरुष दूसरों के पापकर्मों का पाप स्वयं ग्रहण नहीं करता; संधि-वचन का पालन अवश्य करना चाहिए — क्योंकि सज्जन सदाचार को ही अपना आभूषण मानते हैं।"

श्लोक 46 (yuddha.113.46)

पापानां वा शुभानां वा वधार्हाणां प्लवंगम । कार्यं कारुण्यमार्येण न कश्चिन्नापराध्यति ॥ 113.46 ॥

pāpānāṃ vā śubhānāṃ vā vadhārhāṇāṃ plavaṃgama | kāryaṃ kāruṇyamāryeṇa na kaścinnāparādhyati || 113.46 ||

"हे वानर! पापियों के प्रति हो या पुण्यात्माओं के प्रति, अथवा वध के योग्य लोगों के प्रति भी, श्रेष्ठ पुरुष को करुणा दिखानी चाहिए — क्योंकि ऐसा कोई नहीं जो कभी अपराध न करे।"

श्लोक 47 (yuddha.113.47)

लोकहिंसाविहाराणां रक्षसां कामरूपिणम् । कुर्वतामपि पापानि नैव कार्यमशोभनम् ॥ 113.47 ॥

lokahiṃsāvihārāṇāṃ rakṣasāṃ kāmarūpiṇam | kurvatāmapi pāpāni naiva kāryamaśobhanam || 113.47 ||

"लोगों को कष्ट पहुँचाने में रत, इच्छानुसार रूप धारण करने वाले तथा पाप करने वाले राक्षसों के प्रति भी अशोभनीय कार्य नहीं करना चाहिए।"

श्लोक 48 (yuddha.113.48)

एवमुक्तस्तु हनुमान् सीतया वाक्यकोविदः । प्रत्युवाच ततः सीतां रामपत्नीं यशस्विनीम् ॥ 113.48 ॥

evamuktastu hanumān sītayā vākyakovidaḥ | pratyuvāca tataḥ sītāṃ rāmapatnīṃ yaśasvinīm || 113.48 ||

सीता के इस प्रकार कहने पर वाणी में कुशल हनुमान ने राम की यशस्विनी पत्नी सीता को उत्तर दिया।

श्लोक 49 (yuddha.113.49)

युक्ता रामस्य भवती धर्मपत्नी यशस्विनी । प्रतिसंदिश मां देवि गमिष्ये यत्र राघवः ॥ 113.49 ॥

yuktā rāmasya bhavatī dharmapatnī yaśasvinī | pratisaṃdiśa māṃ devi gamiṣye yatra rāghavaḥ || 113.49 ||

"हे देवी! आप वास्तव में राम की योग्य, यशस्विनी और धर्मपत्नी हैं। मुझे अपना संदेश दीजिए — मैं वहीं जाऊँगा जहाँ राघव हैं।"

श्लोक 50 (yuddha.113.50)

एवमुक्ता हनुमता वैदेही जनकात्मजा । अब्रवीद्द्रष्टुमिच्छामि भर्तारं वानरोत्तम ॥ 113.50 ॥

evamuktā hanumatā vaidehī janakātmajā | abravīddraṣṭumicchāmi bhartāraṃ vānarottama || 113.50 ||

हनुमान के इस प्रकार कहने पर जनकनन्दिनी वैदेही ने कहा: "हे वानरश्रेष्ठ! मैं अपने पति को देखना चाहती हूँ।"

श्लोक 51 (yuddha.113.51)

तस्यास्तद्वचनं श्रुत्वा हनुमान्पवनात्मजः । हर्षयन्मैथिलीं वाक्यमुवाचेदं महाद्युतिः ॥ 113.51 ॥

tasyāstadvacanaṃ śrutvā hanumānpavanātmajaḥ | harṣayanmaithilīṃ vākyamuvācedaṃ mahādyutiḥ || 113.51 ||

उनके इस वचन को सुनकर तेजस्वी पवनपुत्र हनुमान ने मैथिली को प्रसन्न करते हुए यह वचन कहा।

श्लोक 52 (yuddha.113.52)

पूर्णचन्द्रमुखं रामं द्रक्ष्यस्यद्य सलक्ष्मणम् । स्थितमित्रं हतामित्रं शचीव त्रिदशेश्वरम् ॥ 113.52 ॥

pūrṇacandramukhaṃ rāmaṃ drakṣyasyadya salakṣmaṇam | sthitamitraṃ hatāmitraṃ śacīva tridaśeśvaram || 113.52 ||

"आज आप लक्ष्मण सहित, मित्रों से युक्त और शत्रुओं का नाश करने वाले, पूर्णचंद्र के समान मुख वाले राम को वैसे ही देखेंगी, जैसे शची त्रिदशेश्वर इंद्र को देखती हैं।"

श्लोक 53 (yuddha.113.53)

तामेवमुक्त्वा भ्राजन्तीं सीतां साक्षादिव श्रियम् । आजगाम महावेगो हनूमान्यत्र राघवः ॥ 113.53 ॥

tāmevamuktvā bhrājantīṃ sītāṃ sākṣādiva śriyam | ājagāma mahāvego hanūmānyatra rāghavaḥ || 113.53 ||

साक्षात् श्री के समान देदीप्यमान सीता से यह कहकर, महावेगशाली हनुमान वहाँ गए जहाँ राघव थे।

श्लोक 54 (yuddha.113.54)

सपदि हरिवरस्ततो हनूमान् । प्रतिवचनं जनकेश्वरात्मजायाः । कथितमकथयद् यथाक्रमेण । त्रिदशवरप्रतिमाय राघवाय ॥ 113.54 ॥

sapadi harivarastato hanūmān | prativacanaṃ janakeśvarātmajāyāḥ | kathitamakathayad yathākrameṇa | tridaśavarapratimāya rāghavāya || 113.54 ||

तब उस श्रेष्ठ वानर हनुमान ने तत्काल ही जनकनन्दिनी सीता के उत्तर को, देवश्रेष्ठ के समान राघव को, क्रमपूर्वक कह सुनाया।