अग्निदेव द्वारा सीता की पुनःप्रतिष्ठा

श्लोक 1 (yuddha.118.1)

एतच्छ्रुत्वा शुभं वाक्यं पितामहसमीरितम् | अङ्केनादाय वैदेहीमुत्पपात विभावसुः ॥ 118.1 ॥

etacchrutvā śubhaṃ vākyaṃ pitāmahasamīritam | aṅkenādāya vaidehīmutpapāta vibhāvasuḥ || 118.1 ||

पितामह ब्रह्मा द्वारा कहे गए इस शुभ वचन को सुनकर अग्निदेव वैदेही को अपनी गोद में लेकर ऊपर उठे।

श्लोक 2 (yuddha.118.2)

विधूयाथ चितां तां तु वैदेहीं हव्यवाहनः | उत्तस्थौ मूर्तिमानाशु गृहीत्वा जनकात्मजाम् ॥ 118.2 ॥

vidhūyātha citāṃ tāṃ tu vaidehīṃ havyavāhanaḥ | uttasthau mūrtimānāśu gṛhītvā janakātmajām || 118.2 ||

उस चिता को झकझोरकर अग्निदेव तत्काल जनकनन्दिनी वैदेही को लेकर साक्षात् मूर्तिमान रूप में खड़े हो गए।

श्लोक 3 (yuddha.118.3)

तरुणादित्यसंकाशां तप्तकाञ्चनभूषणाम् | रक्ताम्बरधरां बालां नीलकुञ्चितमूर्धजाम् ॥ 118.3 ॥

taruṇādityasaṃkāśāṃ taptakāñcanabhūṣaṇām | raktāmbaradharāṃ bālāṃ nīlakuñcitamūrdhajām || 118.3 ||

उदीयमान सूर्य के समान कांतिमती, तपाए स्वर्ण के आभूषणों से सुसज्जित, लाल वस्त्र धारण किए हुए, नीले घुँघराले केशों वाली उस युवती को -

श्लोक 4 (yuddha.118.4)

अक्लिष्टमाल्याभरणां तथारूपामनिन्दिताम् | ददौ रामाय वैदेहीमङ्के कृत्वा विभावसुः ॥ 118.4 ॥

akliṣṭamālyābharaṇāṃ tathārūpāmaninditām | dadau rāmāya vaidehīmaṅke kṛtvā vibhāvasuḥ || 118.4 ||

जिसकी माला और आभूषण अग्नि में भी म्लान नहीं हुए थे, उस निष्कलंक वैदेही को अग्निदेव ने अपनी गोद में लेकर राम को सौंप दिया।

श्लोक 5 (yuddha.118.5)

अब्रवीत्तु तदा रामं साक्षी लोकस्य पावकः | एषा ते राम वैदेही पापमस्यां न विद्यते ॥ 118.5 ॥

abravīttu tadā rāmaṃ sākṣī lokasya pāvakaḥ | eṣā te rāma vaidehī pāpamasyāṃ na vidyate || 118.5 ||

तब संसार के साक्षी अग्निदेव ने राम से कहा - "हे राम! यह आपकी वैदेही है; इसमें कोई पाप नहीं है।

श्लोक 6 (yuddha.118.6)

नैव वाचा न मनसा नैव बुद्ध्या न चक्षुषा | सुवृत्ता वृत्तशौण्डीर्यं न त्वामत्यचरच्छुभा ॥ 118.6 ॥

naiva vācā na manasā naiva buddhyā na cakṣuṣā | suvṛttā vṛttaśauṇḍīryaṃ na tvāmatyacaracchubhā || 118.6 ||

इस शुभ, सदाचारिणी ने न वाणी से, न मन से, न बुद्धि से और न ही दृष्टि से - चरित्रवान आपसे कभी विश्वासघात नहीं किया।

श्लोक 7 (yuddha.118.7)

रावणेनापनीतैषा वीर्योत्सिक्तेन रक्षसा | त्वया विरहिता दीना विवशा निर्जनाद्वनात् ॥ 118.7 ॥

rāvaṇenāpanītaiṣā vīryotsiktena rakṣasā | tvayā virahitā dīnā vivaśā nirjanādvanāt || 118.7 ||

पराक्रम के मद में चूर उस राक्षस रावण ने आपसे विरहित, दीन और विवश इसे एकांत वन से हर लिया था।

श्लोक 8 (yuddha.118.8)

रुद्ध चान्तःपुरे गुप्ता त्वच्चित्ता त्वत्परायणा | रक्षिता राक्षसीभिश्च घोराभिर्घोरबुद्धिभिः ॥ 118.8 ॥

ruddha cāntaḥpure guptā tvaccittā tvatparāyaṇā | rakṣitā rākṣasībhiśca ghorābhirghorabuddhibhiḥ || 118.8 ||

आपमें ही चित्त लगाए, आपकी ही शरणागत यह अंतःपुर में बंद और छिपाकर रखी गई थी, और घोर बुद्धि वाली भयंकर राक्षसियों द्वारा पहरे में रखी गई थी।

श्लोक 9 (yuddha.118.9)

प्रलोभ्यमाना विविधं तर्ज्यमाना च मैथिली | नाचिन्तयत तद्रक्षस्त्वद्गतेनान्तरात्मना ॥ 118.9 ॥

pralobhyamānā vividhaṃ tarjyamānā ca maithilī | nācintayata tadrakṣastvadgatenāntarātmanā || 118.9 ||

नाना प्रकार से लोभ दिखाए जाने और धमकाए जाने पर भी मैथिली ने आप में लीन अपने अंतरात्मा से उस राक्षस की ओर कभी ध्यान नहीं दिया।

श्लोक 10 (yuddha.118.10)

विशुद्धभावां निष्पापां प्रतिगृह्णीष्व मैथिलीम् | न किंचिरभिधातव्या अहमाज्ञापयामि ते ॥ 118.10 ॥

viśuddhabhāvāṃ niṣpāpāṃ pratigṛhṇīṣva maithilīm | na kiṃcirabhidhātavyā ahamājñāpayāmi te || 118.10 ||

इस निष्पाप, विशुद्ध-हृदया मैथिली को स्वीकार कीजिए; इससे कुछ भी कठोर न कहा जाए - मैं आपको यह आज्ञा देता हूँ।"

श्लोक 11 (yuddha.118.11)

ततः प्रीतमना रामः श्रुत्वैवं वदतां वरः | दध्यौ मुहूर्तं धर्मात्मा बाष्पव्याकुललोचनः ॥ 118.11 ॥

tataḥ prītamanā rāmaḥ śrutvaivaṃ vadatāṃ varaḥ | dadhyau muhūrtaṃ dharmātmā bāṣpavyākulalocanaḥ || 118.11 ||

इस प्रकार कहे जाने पर वक्ताओं में श्रेष्ठ, धर्मात्मा राम प्रसन्न मन से कुछ क्षण के लिए विचारमग्न हो गए, उनके नेत्र हर्षाश्रुओं से भरे थे।

श्लोक 12 (yuddha.118.12)

एवमुक्तो महातेजा धृतिमानुरुविक्रमः | उवाच त्रिदशश्रेष्ठं रामो धर्मभृतां वरः ॥ 118.12 ॥

evamukto mahātejā dhṛtimānuruvikramaḥ | uvāca tridaśaśreṣṭhaṃ rāmo dharmabhṛtāṃ varaḥ || 118.12 ||

इस प्रकार कहे जाने पर महातेजस्वी, धैर्यवान, पराक्रमी और धर्मधारकों में श्रेष्ठ राम ने देवश्रेष्ठ अग्नि से यह कहा -

श्लोक 13 (yuddha.118.13)

अवश्यं चापि लोकेषु सीता पावनमर्हति | दीर्घकालोषिता हीयं रावणान्तःपुरे शुभा ॥ 118.13 ॥

avaśyaṃ cāpi lokeṣu sītā pāvanamarhati | dīrghakāloṣitā hīyaṃ rāvaṇāntaḥpure śubhā || 118.13 ||

"संसार में सीता का यह शुद्धिकरण अवश्य आवश्यक था, क्योंकि यह शुभा दीर्घकाल तक रावण के अंतःपुर में रह चुकी थी।

श्लोक 14 (yuddha.118.14)

बालिशो बत कामात्म रामो दशरथात्मजः | इति वक्ष्यति मां लोको जानकीमविशोध्य हि ॥ 118.14 ॥

bāliśo bata kāmātma rāmo daśarathātmajaḥ | iti vakṣyati māṃ loko jānakīmaviśodhya hi || 118.14 ||

बिना जानकी की परीक्षा किए यदि मैं इसे स्वीकार कर लेता, तो लोग कहते - अफसोस, दशरथ-पुत्र राम कितना मूर्ख और कामासक्त निकला!

श्लोक 15 (yuddha.118.15)

अनन्यहृदयां भक्तां मच्चित्तपरिवर्तिनीम् | अहमप्यवगच्छामि मैथिलीं जनकात्मजाम् ॥ 118.15 ॥

ananyahṛdayāṃ bhaktāṃ maccittaparivartinīm | ahamapyavagacchāmi maithilīṃ janakātmajām || 118.15 ||

मैं भी जानता हूँ कि जनकनन्दिनी मैथिली का हृदय अनन्य है, वह मेरे ही चित्त में सदा रमण करने वाली और मुझमें ही भक्ति रखने वाली है।

श्लोक 16 (yuddha.118.16)

इमामपि विशालाक्षीं रक्षितां स्वेन तेजसा | रावणो नातिवर्तेत वेल मिव महोदधिः ॥ 118.16 ॥

imāmapi viśālākṣīṃ rakṣitāṃ svena tejasā | rāvaṇo nātivarteta vela miva mahodadhiḥ || 118.16 ||

अपने ही तेज से रक्षित इस विशाल-नेत्रा को रावण उसी प्रकार लांघ नहीं सका, जैसे समुद्र अपनी तट-रेखा को नहीं लांघता।

श्लोक 17 (yuddha.118.17)

प्रत्ययार्थं तु लोकानां त्रयाणाम् सत्यसंश्रयः | उपेक्षे चापि वैदेहीं प्रविशन्तीं हुताशनम् ॥ 118.17 ॥

pratyayārthaṃ tu lokānāṃ trayāṇām satyasaṃśrayaḥ | upekṣe cāpi vaidehīṃ praviśantīṃ hutāśanam || 118.17 ||

सत्य के आश्रयभूत मैंने तीनों लोकों को विश्वास दिलाने के लिए ही वैदेही को अग्नि में प्रवेश करते हुए उपेक्षित किया था।

श्लोक 18 (yuddha.118.18)

न च शक्तः सुदुष्टत्मा मनसापि हि मैथिलीम् | प्रधर्षयितुमप्राप्यां दीप्तामग्निशिखामिव ॥ 118.18 ॥

na ca śaktaḥ suduṣṭatmā manasāpi hi maithilīm | pradharṣayitumaprāpyāṃ dīptāmagniśikhāmiva || 118.18 ||

प्रज्वलित अग्निशिखा के समान अप्राप्य मैथिली को वह दुष्टात्मा मन से भी छूने में समर्थ नहीं था।

श्लोक 19 (yuddha.118.19)

नेय मर्हति चैश्वर्यं रावणान्तःपुरे शुभा | अनन्या हि मया सीता भास्करेण प्रभा यथा ॥ 118.19 ॥

neya marhati caiśvaryaṃ rāvaṇāntaḥpure śubhā | ananyā hi mayā sītā bhāskareṇa prabhā yathā || 118.19 ||

यह शुभा रावण के अंतःपुर में रहकर भी वैभव को प्राप्त होने योग्य नहीं थी, क्योंकि सीता मुझसे उसी प्रकार अभिन्न है जैसे सूर्य से उसकी प्रभा।

श्लोक 20 (yuddha.118.20)

विशुद्धा त्रिषु लोकेषु मैथिली जनकात्मजा | न विहातुं मया शक्या कीर्तिरात्मवता यथा ॥ 118.20 ॥

viśuddhā triṣu lokeṣu maithilī janakātmajā | na vihātuṃ mayā śakyā kīrtirātmavatā yathā || 118.20 ||

जनकनन्दिनी मैथिली तीनों लोकों में विशुद्ध है; उसे मेरे द्वारा त्यागा जाना उतना ही असंभव है जितना एक विवेकशील पुरुष के लिए अपनी कीर्ति का त्याग।

श्लोक 21 (yuddha.118.21)

अवश्यं च मया कार्यं सर्वेषां वो वचो हितम् | स्निग्धानां लोकनाथानामेवं च वदतां हितम् ॥ 118.21 ॥

avaśyaṃ ca mayā kāryaṃ sarveṣāṃ vo vaco hitam | snigdhānāṃ lokanāthānāmevaṃ ca vadatāṃ hitam || 118.21 ||

आप सबका, स्नेहवान् लोकनाथों का यह हितकारी वचन मुझे अवश्य ही मानना होगा, जैसा आपने कहा है।"

श्लोक 22 (yuddha.118.22)

इत्येवमुक्त्वा विजयी महाबलः | प्रशस्यमानह् स्वकृतेन कर्मणा | समेत्य रामः प्रियया महायशाः | सुखं सुखार्होऽनुबभूव राघवः ॥ 118.22 ॥

ityevamuktvā vijayī mahābalaḥ | praśasyamānah svakṛtena karmaṇā | sametya rāmaḥ priyayā mahāyaśāḥ | sukhaṃ sukhārho'nubabhūva rāghavaḥ || 118.22 ||

इस प्रकार कहकर, महाबली, विजयी, अपने ही किए हुए कर्मों से प्रशंसित, महायशस्वी राघव राम अपनी प्रियतमा से मिलकर उस सुख के योग्य सुख का अनुभव करने लगे।