स्वर्ग से पिता दशरथ का आशीर्वाद

श्लोक 1 (yuddha.119.1)

एतच्छ्रुत्वा शुभं वाक्यं राघवेणानुभाषितम् | ततः शुभतरं वाक्यं व्याजहार महेश्वरः ॥ 119.1 ॥

etacchrutvā śubhaṃ vākyaṃ rāghaveṇānubhāṣitam | tataḥ śubhataraṃ vākyaṃ vyājahāra maheśvaraḥ || 119.1 ||

राघव द्वारा कहे गए इस शुभ वचन को सुनकर महेश्वर शिव ने तब उससे भी अधिक शुभ वचन कहा -

श्लोक 2 (yuddha.119.2)

पुष्कराक्ष महाबाहो महावक्षः परंतप | दिष्ट्या कृतमिदं कर्म त्वया धर्मभृतां वर ॥ 119.2 ॥

puṣkarākṣa mahābāho mahāvakṣaḥ paraṃtapa | diṣṭyā kṛtamidaṃ karma tvayā dharmabhṛtāṃ vara || 119.2 ||

"हे कमल-नेत्र, महाबाहु, विशाल-वक्ष, शत्रुतापन, धर्मधारकों में श्रेष्ठ! सौभाग्य से आपने यह कार्य संपन्न किया है।

श्लोक 3 (yuddha.119.3)

दिष्ट्या सर्वस्य लोकस्य प्रवृद्धं दारुणं तमः | अपावृत्तं त्वया सङ्ख्ये राम रावणजं भयम् ॥ 119.3 ॥

diṣṭyā sarvasya lokasya pravṛddhaṃ dāruṇaṃ tamaḥ | apāvṛttaṃ tvayā saṅkhye rāma rāvaṇajaṃ bhayam || 119.3 ||

हे राम! सौभाग्य से युद्ध में आपने संपूर्ण जगत् पर बढ़ता जा रहा वह भयंकर अंधकार, अर्थात् रावण से उत्पन्न भय, दूर कर दिया है।

श्लोक 4 (yuddha.119.4)

आश्वास्य भरतं दीनं कौसल्यां च यशस्विनीम् | कैकेयीं च सुमित्रां च दृष्ट्वा लक्ष्मणमातरम् ॥ 119.4 ॥

āśvāsya bharataṃ dīnaṃ kausalyāṃ ca yaśasvinīm | kaikeyīṃ ca sumitrāṃ ca dṛṣṭvā lakṣmaṇamātaram || 119.4 ||

दीन भरत को, यशस्विनी कौसल्या को सांत्वना देकर, कैकेयी और लक्ष्मण की माता सुमित्रा को देखकर -

श्लोक 5 (yuddha.119.5)

प्राप्य राज्यमयोध्यायां नन्दयित्वा सुहृज्जनम् | इक्ष्वाकूणां कुले वंशं स्थापयित्वा महाबल ॥ 119.5 ॥

prāpya rājyamayodhyāyāṃ nandayitvā suhṛjjanam | ikṣvākūṇāṃ kule vaṃśaṃ sthāpayitvā mahābala || 119.5 ||

हे महाबल! अयोध्या का राज्य प्राप्त करके, सुहृदजनों को आनंदित करके, इक्ष्वाकु वंश की परंपरा को स्थापित करके,

श्लोक 6 (yuddha.119.6)

इष्ट्वा तुरगमेधेन प्राप्य चानुत्तमं यशः | ब्राह्मणेभ्यो धनं दत्त्वा त्रिदिवं गन्तुमर्हसि ॥ 119.6 ॥

iṣṭvā turagamedhena prāpya cānuttamaṃ yaśaḥ | brāhmaṇebhyo dhanaṃ dattvā tridivaṃ gantumarhasi || 119.6 ||

अश्वमेध यज्ञ करके, अनुपम यश प्राप्त करके, ब्राह्मणों को धन देकर, आप स्वर्गलोक जाने के योग्य हैं।

श्लोक 7 (yuddha.119.7)

एष राजा विमानस्थः पिता दशरथस्तव | काकुत्स्थ मानुषे लोके गुरुस्तव महायशाः ॥ 119.7 ॥

eṣa rājā vimānasthaḥ pitā daśarathastava | kākutstha mānuṣe loke gurustava mahāyaśāḥ || 119.7 ||

यह विमान में बैठे हुए राजा दशरथ, हे काकुत्स्थ, इस मनुष्य-लोक में आपके पिता और परम यशस्वी गुरु हैं।

श्लोक 8 (yuddha.119.8)

इन्द्रलोकं गतः श्रीमांस्त्वया पुत्रेण तारितः | लक्ष्मणेन सह भ्रात्रा त्वमेनमभिवादय ॥ 119.8 ॥

indralokaṃ gataḥ śrīmāṃstvayā putreṇa tāritaḥ | lakṣmaṇena saha bhrātrā tvamenamabhivādaya || 119.8 ||

अपने पुत्र आपके द्वारा उद्धार पाकर श्रीमान् दशरथ इंद्रलोक को प्राप्त हुए हैं; आप लक्ष्मण भाई सहित उन्हें प्रणाम कीजिए।

श्लोक 9 (yuddha.119.9)

महादेववचः श्रुत्वा काकुत्स्थः सहलक्ष्मणः | विमानशिखरस्थस्य प्रणाममकरोत्पितुः ॥ 119.9 ॥

mahādevavacaḥ śrutvā kākutsthaḥ sahalakṣmaṇaḥ | vimānaśikharasthasya praṇāmamakarotpituḥ || 119.9 ||

महादेव के इन वचनों को सुनकर लक्ष्मण सहित राघव ने विमान के शिखर पर विराजमान अपने पिता को प्रणाम किया।

श्लोक 10 (yuddha.119.10)

दीप्यमानं स्वयां लक्ष्म्या विरजोऽम्बरधारिणम् | लक्ष्मणेन सह भ्रात्रा ददर्श पितरं प्रभुः ॥ 119.10 ॥

dīpyamānaṃ svayāṃ lakṣmyā virajo'mbaradhāriṇam | lakṣmaṇena saha bhrātrā dadarśa pitaraṃ prabhuḥ || 119.10 ||

अपने ही तेज से देदीप्यमान और निर्मल वस्त्र धारण किए हुए अपने पिता को प्रभु राम ने भाई लक्ष्मण सहित देखा।

श्लोक 11 (yuddha.119.11)

हर्षेण महताविष्टो विमानस्थो महीपतिः | प्राणैः प्रियतरं दृष्ट्वा पुत्रं दशरथस्तदा ॥ 119.11 ॥

harṣeṇa mahatāviṣṭo vimānastho mahīpatiḥ | prāṇaiḥ priyataraṃ dṛṣṭvā putraṃ daśarathastadā || 119.11 ||

उस समय विमान में विराजमान राजा दशरथ प्राणों से भी अधिक प्रिय अपने पुत्र को देखकर अत्यंत हर्ष से भर उठे,

श्लोक 12 (yuddha.119.12)

आरोप्याङ्कं महाबाहुर्वरासनगतः प्रभुः | बाहुभ्यां सम्परिष्वज्य ततो वाक्यं समाददे ॥ 119.12 ॥

āropyāṅkaṃ mahābāhurvarāsanagataḥ prabhuḥ | bāhubhyāṃ sampariṣvajya tato vākyaṃ samādade || 119.12 ||

और महाबाहु प्रभु ने उसे अपनी गोद में बिठाकर, अपनी उत्तम आसन पर बैठे-बैठे ही दोनों भुजाओं से आलिंगन करके यह वचन आरंभ किया -

श्लोक 13 (yuddha.119.13)

न मे स्वर्गो बहुमतः संमानश्च सुरर्षिभिः | त्वया राम विहीनस्य सत्यं प्रतिशृणोमि ते ॥ 119.13 ॥

na me svargo bahumataḥ saṃmānaśca surarṣibhiḥ | tvayā rāma vihīnasya satyaṃ pratiśṛṇomi te || 119.13 ||

"हे राम! सत्य कहता हूँ - तुमसे विहीन होकर न तो मुझे स्वर्ग प्रिय लगता है, न ही देवर्षियों का वह सम्मान।

श्लोक 14 (yuddha.119.14)

अद्य त्वां निहतामित्रं दृष्ट्वा संपूर्णमानसम् | निस्तीर्णवनवासं च प्रीतिरासीत्परा मम ॥ 119.14 ॥

adya tvāṃ nihatāmitraṃ dṛṣṭvā saṃpūrṇamānasam | nistīrṇavanavāsaṃ ca prītirāsītparā mama || 119.14 ||

आज शत्रुओं का संहार करने वाले, पूर्ण-मनोरथ और वनवास पूरा कर चुके तुम्हें देखकर मुझे परम प्रीति हुई है।

श्लोक 15 (yuddha.119.15)

कैकेय्या यानि चोक्तानि वाक्यानि वदतां वर | तव प्रव्राजनार्थानि स्थितानि हृदये मम ॥ 119.15 ॥

kaikeyyā yāni coktāni vākyāni vadatāṃ vara | tava pravrājanārthāni sthitāni hṛdaye mama || 119.15 ||

हे वक्ताओं में श्रेष्ठ! कैकेयी ने तुम्हें वनवास भेजने के लिए जो वचन कहे थे, वे आज भी मेरे हृदय में स्थित हैं।

श्लोक 16 (yuddha.119.16)

त्वां तु दृष्ट्वा कुशलिनं परिष्वज्य सलक्ष्मणम् | अद्य दुःखाद्विमुक्तोऽस्मि नीहारादिव भास्करः ॥ 119.16 ॥

tvāṃ tu dṛṣṭvā kuśalinaṃ pariṣvajya salakṣmaṇam | adya duḥkhādvimukto'smi nīhārādiva bhāskaraḥ || 119.16 ||

तुम्हें और लक्ष्मण को कुशलपूर्वक देखकर, आलिंगन करके, आज मैं दुःख से उसी प्रकार मुक्त हुआ हूँ जैसे कोहरे से सूर्य।

श्लोक 17 (yuddha.119.17)

तारितोऽहं त्वया पुत्र सुपुत्रेण महात्मना | अष्टावक्रेण धर्मात्मा तारितो ब्राह्मणो यथा ॥ 119.17 ॥

tārito'haṃ tvayā putra suputreṇa mahātmanā | aṣṭāvakreṇa dharmātmā tārito brāhmaṇo yathā || 119.17 ||

हे पुत्र! जैसे धर्मात्मा अष्टावक्र द्वारा ब्राह्मण कहोल का उद्धार हुआ था, वैसे ही महात्मा, सुयोग्य पुत्र, तुमने मेरा उद्धार किया है।

श्लोक 18 (yuddha.119.18)

इदानीं च विजानामि यथा सौम्य सुरेश्वरैः | वधार्थं रावणस्येह विहितं पुरुषोत्तमम् ॥ 119.18 ॥

idānīṃ ca vijānāmi yathā saumya sureśvaraiḥ | vadhārthaṃ rāvaṇasyeha vihitaṃ puruṣottamam || 119.18 ||

हे सौम्य! अब मुझे यह भी ज्ञात हो गया है कि देवेश्वरों ने रावण के वध के लिए ही तुम्हें, पुरुषोत्तम को, यहाँ नियुक्त किया था।

श्लोक 19 (yuddha.119.19)

सिद्धार्था खलु कौसल्या या त्वां राम गृहं गतम् | वनान्निवृत्तं संहृष्टा द्रक्ष्यते शत्रुसूदन ॥ 119.19 ॥

siddhārthā khalu kausalyā yā tvāṃ rāma gṛhaṃ gatam | vanānnivṛttaṃ saṃhṛṣṭā drakṣyate śatrusūdana || 119.19 ||

हे शत्रुसूदन राम! धन्य है कौसल्या, जो घर लौटे हुए, वन से मुक्त, हर्षित तुम्हें देखेगी।

श्लोक 20 (yuddha.119.20)

सिद्धार्थाः खलु ते राम नरा ये त्वां पुरीं गतम् | राज्ये चैवाभिषिक्तं च द्रक्ष्यन्ति वसुधाधिपम् ॥ 119.20 ॥

siddhārthāḥ khalu te rāma narā ye tvāṃ purīṃ gatam | rājye caivābhiṣiktaṃ ca drakṣyanti vasudhādhipam || 119.20 ||

हे राम! धन्य हैं वे मनुष्य भी, जो तुम्हें अयोध्यापुरी लौटते हुए और राज्य में अभिषिक्त, इस पृथ्वी के स्वामी के रूप में देखेंगे।

श्लोक 21 (yuddha.119.21)

अनुरक्तेन बलिना शुचिना धर्मचारिणा | इच्छेयं त्वामहं द्रष्टुं भरतेन समागतम् ॥ 119.21 ॥

anuraktena balinā śucinā dharmacāriṇā | iccheyaṃ tvāmahaṃ draṣṭuṃ bharatena samāgatam || 119.21 ||

मैं चाहता हूँ कि मैं तुम्हें भक्तिवान्, बलशाली, पवित्र और धर्माचारी भरत के साथ मिलकर देखूँ।

श्लोक 22 (yuddha.119.22)

चतुर्दशसमाः सौम्य वने निर्यापितास्त्वया | वसता सीतया सार्धं लक्ष्मणेन च धीमता ॥ 119.22 ॥

caturdaśasamāḥ saumya vane niryāpitāstvayā | vasatā sītayā sārdhaṃ lakṣmaṇena ca dhīmatā || 119.22 ||

हे सौम्य! तुमने चौदह वर्ष सीता और बुद्धिमान लक्ष्मण के साथ वन में निवास करते हुए पूरे किए हैं।

श्लोक 23 (yuddha.119.23)

निवृत्तवनवासोऽसि प्रतिज्ञा पूरिता त्वया | रावणं च रणे हत्वा देवताः परितोषिताः ॥ 119.23 ॥

nivṛttavanavāso'si pratijñā pūritā tvayā | rāvaṇaṃ ca raṇe hatvā devatāḥ paritoṣitāḥ || 119.23 ||

अब तुम्हारा वनवास समाप्त हो चुका है, तुमने अपनी प्रतिज्ञा पूरी कर दी है; युद्ध में रावण का वध करके तुमने देवताओं को भी संतुष्ट किया है।

श्लोक 24 (yuddha.119.24)

कृतं कर्म यशः श्लाघ्यं प्राप्तं ते शत्रुसूदन | भ्रातृभिः सह राज्यस्थो दीर्घमायुरवाप्नुहि ॥ 119.24 ॥

kṛtaṃ karma yaśaḥ ślāghyaṃ prāptaṃ te śatrusūdana | bhrātṛbhiḥ saha rājyastho dīrghamāyuravāpnuhi || 119.24 ||

हे शत्रुसूदन! तुमने प्रशंसनीय कर्म किया है, यश प्राप्त किया है; भाइयों सहित राज्य में स्थित होकर दीर्घायु प्राप्त करो।

श्लोक 25 (yuddha.119.25)

इति ब्रुवाणं राजानं रामः प्राञ्जलिरब्रवीत् | कुरु प्रसादं धर्मज्ञ कैकेय्या भरतस्य च ॥ 119.25 ॥

iti bruvāṇaṃ rājānaṃ rāmaḥ prāñjalirabravīt | kuru prasādaṃ dharmajña kaikeyyā bharatasya ca || 119.25 ||

इस प्रकार कहते हुए राजा से हाथ जोड़कर राम ने कहा - "हे धर्मज्ञ! कैकेयी और भरत पर कृपा कीजिए।

श्लोक 26 (yuddha.119.26)

सपुत्रां त्वां त्यजामीति यदुक्ता कैकयी त्वया | स शापः कैकयीं घोरः सपुत्रां न स्पृशेत्प्रभो ॥ 119.26 ॥

saputrāṃ tvāṃ tyajāmīti yaduktā kaikayī tvayā | sa śāpaḥ kaikayīṃ ghoraḥ saputrāṃ na spṛśetprabho || 119.26 ||

आपने जो यह कहा था - 'मैं तुम्हें पुत्र सहित त्यागता हूँ' - वह भयंकर शाप कैकेयी और उसके पुत्र भरत को स्पर्श न करे, हे प्रभु!"

श्लोक 27 (yuddha.119.27)

तथेति महाराजो राममुक्त्वा कृताञ्जलिम् | लक्ष्मणं च परिष्वज्य पुनर्वाक्यमुवाच ह ॥ 119.27 ॥

tatheti mahārājo rāmamuktvā kṛtāñjalim | lakṣmaṇaṃ ca pariṣvajya punarvākyamuvāca ha || 119.27 ||

"ऐसा ही होगा" कहकर महाराज दशरथ ने हाथ जोड़े खड़े राम को यह वचन देकर, लक्ष्मण का आलिंगन करके पुनः यह वचन कहा -

श्लोक 28 (yuddha.119.28)

रामं शुश्रूषता भक्त्या वैदेह्या सह सीतया | कृता मम महाप्रीतिः प्राप्तं धर्मफलं च ते ॥ 119.28 ॥

rāmaṃ śuśrūṣatā bhaktyā vaidehyā saha sītayā | kṛtā mama mahāprītiḥ prāptaṃ dharmaphalaṃ ca te || 119.28 ||

"भक्तिपूर्वक वैदेही सीता सहित राम की सेवा करके तुमने मुझे महान प्रसन्नता दी है, और तुमने धर्म का फल भी प्राप्त किया है।

श्लोक 29 (yuddha.119.29)

धर्मं प्राप्स्यसि धर्मज्ञ यशश्च विपुलं भुवि | रामे प्रसन्ने स्वर्गं च महिमानं तथैव च ॥ 119.29 ॥

dharmaṃ prāpsyasi dharmajña yaśaśca vipulaṃ bhuvi | rāme prasanne svargaṃ ca mahimānaṃ tathaiva ca || 119.29 ||

हे धर्मज्ञ! राम के प्रसन्न होने पर तुम इस पृथ्वी पर धर्म और विशाल यश प्राप्त करोगे, और उसी प्रकार स्वर्ग तथा महिमा भी प्राप्त करोगे।

श्लोक 30 (yuddha.119.30)

रामं शुश्रूष भद्रं ते सुमित्रानन्दवर्धन | रामः सर्वस्य लोकस्य शुभेष्वभिरतः सदा ॥ 119.30 ॥

rāmaṃ śuśrūṣa bhadraṃ te sumitrānandavardhana | rāmaḥ sarvasya lokasya śubheṣvabhirataḥ sadā || 119.30 ||

हे सुमित्रा के आनंद को बढ़ाने वाले! राम की सेवा करो, तुम्हारा कल्याण हो; राम सदैव संपूर्ण जगत् के हित में ही रत रहते हैं।

श्लोक 31 (yuddha.119.31)

एते सेन्द्रास्त्रयो लोकाः सिद्धाश्च परमर्षयः | अभिगम्य महात्मानमर्चन्ति पुरुषोत्तमम् ॥ 119.31 ॥

ete sendrāstrayo lokāḥ siddhāśca paramarṣayaḥ | abhigamya mahātmānamarcanti puruṣottamam || 119.31 ||

इंद्र सहित ये तीनों लोक, सिद्धगण और परम ऋषिगण भी उस महात्मा पुरुषोत्तम राम के पास जाकर उनकी पूजा करते हैं।

श्लोक 32 (yuddha.119.32)

एतत्तदुक्तमव्यक्तमक्षरं ब्रह्मनिर्मितम् | देवानां हृदयं सौम्य गुह्यं रामः परन्तपः ॥ 119.32 ॥

etattaduktamavyaktamakṣaraṃ brahmanirmitam | devānāṃ hṛdayaṃ saumya guhyaṃ rāmaḥ parantapaḥ || 119.32 ||

हे सौम्य, शत्रुतापन! यह वही अव्यक्त, अक्षर, ब्रह्मा द्वारा निर्मित, देवताओं का हृदय और गुह्य रहस्य है, जो साक्षात् राम हैं।

श्लोक 33 (yuddha.119.33)

अवाप्तं धर्मचरणं यशश्च विपुलं त्वया | एनं शुश्रूषता भक्त्या वैदेह्या सह सीतया ॥ 119.33 ॥

avāptaṃ dharmacaraṇaṃ yaśaśca vipulaṃ tvayā | enaṃ śuśrūṣatā bhaktyā vaidehyā saha sītayā || 119.33 ||

वैदेही सीता सहित इस राम की भक्तिपूर्वक सेवा करके तुमने धर्माचरण का फल और विशाल यश दोनों ही प्राप्त कर लिए हैं।

श्लोक 34 (yuddha.119.34)

इत्युक्त्वा लक्ष्मणं राजा स्नुषां बद्धाञ्जलिं स्थिताम् | पुत्रीत्याभाष्य मधुरं शनैरेनामुवाच ह ॥ 119.34 ॥

ityuktvā lakṣmaṇaṃ rājā snuṣāṃ baddhāñjaliṃ sthitām | putrītyābhāṣya madhuraṃ śanairenāmuvāca ha || 119.34 ||

लक्ष्मण से इस प्रकार कहकर राजा दशरथ ने हाथ जोड़े खड़ी अपनी पुत्रवधू सीता को "पुत्री" कहकर संबोधित करते हुए धीरे-धीरे मधुर वाणी में यह कहा -

श्लोक 35 (yuddha.119.35)

कर्तव्यो न तु वैदेहि मन्युस्त्यागमिमं प्रति | रामेण त्वद्विशुद्ध्यर्थं कृतमेतद्धितैषिणा ॥ 119.35 ॥

kartavyo na tu vaidehi manyustyāgamimaṃ prati | rāmeṇa tvadviśuddhyarthaṃ kṛtametaddhitaiṣiṇā || 119.35 ||

"हे वैदेही! राम द्वारा तुम्हारे इस त्याग को लेकर तुम्हें कोई क्रोध नहीं करना चाहिए; तुम्हारे हित की कामना करने वाले राम ने यह केवल तुम्हारी शुद्धि के लिए ही किया है।

श्लोक 36 (yuddha.119.36)

सुदुष्करमिदं पुत्रि तव चारित्रलक्षणम् | कृतं यत्तेऽन्यनारीणां यशो ह्यभिभविष्यति ॥ 119.36 ॥

suduṣkaramidaṃ putri tava cāritralakṣaṇam | kṛtaṃ yatte'nyanārīṇāṃ yaśo hyabhibhaviṣyati || 119.36 ||

हे पुत्री! तुमने जो यह अत्यंत दुष्कर आचरण दिखाया है, वह तुम्हारे चरित्र का सच्चा प्रमाण है, और यह अन्य स्त्रियों के यश को भी फीका कर देगा।

श्लोक 37 (yuddha.119.37)

न त्वं सुभ्रु समाधेया पतिशुश्रूवणं प्रति | अवश्यं तु मया वाच्यमेष ते दैवतं परम् ॥ 119.37 ॥

na tvaṃ subhru samādheyā patiśuśrūvaṇaṃ prati | avaśyaṃ tu mayā vācyameṣa te daivataṃ param || 119.37 ||

हे सुभ्रु! पति की सेवा के विषय में तुम्हें उपदेश देने की आवश्यकता नहीं है; फिर भी मुझे अवश्य ही यह कहना है - यही राम तुम्हारे लिए परम देवता हैं।"

श्लोक 38 (yuddha.119.38)

इति प्रतिसमादिश्य पुत्रौ सीतां च राघवः | इन्द्रलोकं विमानेन ययौ दशरथो नृपः ॥ 119.38 ॥

iti pratisamādiśya putrau sītāṃ ca rāghavaḥ | indralokaṃ vimānena yayau daśaratho nṛpaḥ || 119.38 ||

इस प्रकार अपने दोनों पुत्रों और सीता को यह उपदेश देकर राजा दशरथ विमान द्वारा इंद्रलोक को चले गए।

श्लोक 39 (yuddha.119.39)

विमानमास्थाय महानुभावः | श्रिया च संहृष्टतनुर्नृपोत्तमः | आमन्त्र्य पुत्रौ सह सीतया च | जगाम देवप्रवरस्य लोकम् ॥ 119.39 ॥

vimānamāsthāya mahānubhāvaḥ | śriyā ca saṃhṛṣṭatanurnṛpottamaḥ | āmantrya putrau saha sītayā ca | jagāma devapravarasya lokam || 119.39 ||

उस महानुभाव, कांतिमान् नृपश्रेष्ठ ने विमान पर आरूढ़ होकर, अपने दोनों पुत्रों और सीता से विदा लेकर, देवताओं में श्रेष्ठ इंद्र के लोक को प्रस्थान किया।