विभीषण से विदा

श्लोक 1 (yuddha.121.1)

तां रात्रिमुषितं रामं सुखोदितमरिंदमम्। अब्रवीत् प्राञ्जलिर्वाक्यं जयं पृष्ट्वा विभीषणः॥ 121.1 ॥

tāṃ rātrimuṣitaṃ rāmaṃ sukhoditamariṃdamam| abravīt prāñjalirvākyaṃ jayaṃ pṛṣṭvā vibhīṣaṇaḥ|| 121.1 ||

उस रात्रि को सुखपूर्वक विश्राम कर उठे हुए शत्रुदमन राम से, विजय की कामना करते हुए विभीषण ने हाथ जोड़कर यह वचन कहा।

श्लोक 2 (yuddha.121.2)

स्नानानि चाङ्गरागाणि वस्त्राण्याभरणानि च। चन्दनानि च माल्यानि दिव्यानि विविधानि च॥ 121.2 ॥

snānāni cāṅgarāgāṇi vastrāṇyābharaṇāni ca| candanāni ca mālyāni divyāni vividhāni ca|| 121.2 ||

"स्नान की सामग्री, उबटन, वस्त्र और आभूषण, तथा चन्दन और नाना प्रकार की दिव्य मालाएँ,

श्लोक 3 (yuddha.121.3)

अलंकारविदश्चैता नार्यः पद्मनिभेक्षणाः। उपस्थितास्त्वां विधिवत् स्नापयिष्यन्ति राघव॥ 121.3 ॥

alaṃkāravidaścaitā nāryaḥ padmanibhekṣaṇāḥ| upasthitāstvāṃ vidhivat snāpayiṣyanti rāghava|| 121.3 ||

अलंकार-विद्या में निपुण, कमल के समान नेत्रों वाली ये स्त्रियाँ उपस्थित हैं, हे राघव, ये विधिपूर्वक आपको स्नान कराएँगी।"

श्लोक 4 (yuddha.121.4)

एवमुक्तस्तु काकुत्स्थः प्रत्युवाच विभीषणम्। हरीन् सुग्रीवमुख्यांस्त्वं स्नानेनोपनिमन्त्रय॥ 121.4 ॥

evamuktastu kākutsthaḥ pratyuvāca vibhīṣaṇam| harīn sugrīvamukhyāṃstvaṃ snānenopanimantraya|| 121.4 ||

इस प्रकार कहे जाने पर काकुत्स्थ राम ने विभीषण को उत्तर दिया, "तुम सुग्रीव आदि प्रमुख वानरों को भी स्नान के लिए आमन्त्रित करो।

श्लोक 5 (yuddha.121.5)

स तु ताम्यति धर्मात्मा मम हेतोः सुखोचितः। सुकुमारो महाबाहुर्भरतः सत्यसंश्रयः॥ 121.5 ॥

sa tu tāmyati dharmātmā mama hetoḥ sukhocitaḥ| sukumāro mahābāhurbharataḥ satyasaṃśrayaḥ|| 121.5 ||

मेरे कारण वह धर्मात्मा, सुख का अभ्यस्त, सुकुमार, महाबाहु और सत्यनिष्ठ भरत दुःखी हो रहा है।

श्लोक 6 (yuddha.121.6)

तं विना कैकयीपुत्रं भरतं धर्मचारिणम्। न मे स्नानं बहु मतं वस्त्राण्याभरणानि च॥ 121.6 ॥

taṃ vinā kaikayīputraṃ bharataṃ dharmacāriṇam| na me snānaṃ bahu mataṃ vastrāṇyābharaṇāni ca|| 121.6 ||

उस धर्माचारी कैकेयीपुत्र भरत के बिना मुझे स्नान अच्छा नहीं लगता, न वस्त्र और न आभूषण।

श्लोक 7 (yuddha.121.7)

एतत् पश्य यथा क्षिप्रं प्रतिगच्छाम तां पुरीम्। अयोध्यां गच्छतो ह्येष पन्थाः परमदुर्गमः॥ 121.7 ॥

etat paśya yathā kṣipraṃ pratigacchāma tāṃ purīm| ayodhyāṃ gacchato hyeṣa panthāḥ paramadurgamaḥ|| 121.7 ||

इसलिए देखो कि हम उस नगरी में शीघ्र किस प्रकार लौट सकें, क्योंकि अयोध्या जाने का यह मार्ग जाने वाले के लिए अत्यन्त दुर्गम है।"

श्लोक 8 (yuddha.121.8)

एवमुक्तस्तु काकुत्स्थं प्रत्युवाच विभीषणः। अह्ना त्वां प्रापयिष्यामि तां पुरीं पार्थिवात्मज॥ 121.8 ॥

evamuktastu kākutsthaṃ pratyuvāca vibhīṣaṇaḥ| ahnā tvāṃ prāpayiṣyāmi tāṃ purīṃ pārthivātmaja|| 121.8 ||

इस प्रकार कहे जाने पर विभीषण ने काकुत्स्थ को उत्तर दिया, "हे राजकुमार, मैं आपको एक ही दिन में उस नगरी में पहुँचा दूँगा।

श्लोक 9 (yuddha.121.9)

पुष्पकं नाम भद्रं ते विमानं सूर्यसंनिभम्। मम भ्रातुः कुबेरस्य रावणेन बलीयसा॥ 121.9 ॥

puṣpakaṃ nāma bhadraṃ te vimānaṃ sūryasaṃnibham| mama bhrātuḥ kuberasya rāvaṇena balīyasā|| 121.9 ||

मेरे भाई कुबेर का, सूर्य के समान तेजस्वी, इच्छानुसार गमन करने वाला, दिव्य और श्रेष्ठ पुष्पक नामक विमान — तुम्हारा कल्याण हो —

श्लोक 10 (yuddha.121.10)

हृतं निर्जित्य संग्रामे कामगं दिव्यमुत्तमम्। त्वदर्थं पालितं चेदं तिष्ठत्यतुलविक्रम॥ 121.10 ॥

hṛtaṃ nirjitya saṃgrāme kāmagaṃ divyamuttamam| tvadarthaṃ pālitaṃ cedaṃ tiṣṭhatyatulavikrama|| 121.10 ||

बलशाली रावण के द्वारा युद्ध में जीतकर हर लिया गया था, वह हे अतुल पराक्रमी राम, तुम्हारे ही लिए सुरक्षित रखा हुआ यहीं खड़ा है।

श्लोक 11 (yuddha.121.11)

तदिदं मेघसंकाशं विमानमिह तिष्ठति। येन यास्यसि यानेन त्वमयोध्यां गतज्वरः॥ 121.11 ॥

tadidaṃ meghasaṃkāśaṃ vimānamiha tiṣṭhati| yena yāsyasi yānena tvamayodhyāṃ gatajvaraḥ|| 121.11 ||

मेघ के समान वह विमान यहीं खड़ा है, जिस वाहन से तुम बिना किसी कष्ट के अयोध्या जा सकोगे।

श्लोक 12 (yuddha.121.12)

अहं ते यद्यनुग्राह्यो यदि स्मरसि मे गुणान्। वस तावदिह प्राज्ञ यद्यस्ति मयि सौहृदम्॥ 121.12 ॥

ahaṃ te yadyanugrāhyo yadi smarasi me guṇān| vasa tāvadiha prājña yadyasti mayi sauhṛdam|| 121.12 ||

हे प्राज्ञ, यदि मैं तुम्हारे अनुग्रह के योग्य हूँ, यदि तुम मेरे गुणों का स्मरण करते हो और यदि मुझमें तुम्हारा स्नेह है, तो कुछ समय और यहीं ठहर जाओ।

श्लोक 13 (yuddha.121.13)

लक्ष्मणेन सह भ्रात्रा वैदेह्या भार्यया सह। अर्चितः सर्वकामैस्त्वं ततो राम गमिष्यसि॥ 121.13 ॥

lakṣmaṇena saha bhrātrā vaidehyā bhāryayā saha| arcitaḥ sarvakāmaistvaṃ tato rāma gamiṣyasi|| 121.13 ||

हे राम, भाई लक्ष्मण और पत्नी वैदेही सहित सब प्रकार की अभिलषित वस्तुओं से सत्कारपूर्वक पूजित होकर ही तुम यहाँ से जाना।

श्लोक 14 (yuddha.121.14)

प्रीतियुक्तस्य विहितां ससैन्यः ससुहृद्गणः। सत्क्रियां राम मे तावद् गृहाण त्वं मयोद्यताम्॥ 121.14 ॥

prītiyuktasya vihitāṃ sasainyaḥ sasuhṛda‍gaṇaḥ| satkriyāṃ rāma me tāvad gṛhāṇa tvaṃ mayodyatām|| 121.14 ||

हे राम, सेना और सुहृदों सहित, मेरे द्वारा प्रेमपूर्वक की गई और तैयार रखी गई इस सत्कार-व्यवस्था को स्वीकार करो।

श्लोक 15 (yuddha.121.15)

प्रणयाद् बहुमानाच्च सौहार्देन च राघव। प्रसादयामि प्रेष्योऽहं न खल्वाज्ञापयामि ते॥ 121.15 ॥

praṇayād bahumānācca sauhārdena ca rāghava| prasādayāmi preṣyo'haṃ na khalvājñāpayāmi te|| 121.15 ||

हे राघव, स्नेह, आदर और सौहार्द के कारण मैं तुमसे प्रार्थना कर रहा हूँ, मैं तुम्हारा सेवक हूँ, यह कोई आज्ञा नहीं है।"

श्लोक 16 (yuddha.121.16)

एवमुक्तस्ततो रामः प्रत्युवाच विभीषणम्। रक्षसां वानराणां च सर्वेषामेव शृण्वताम्॥ 121.16 ॥

evamuktastato rāmaḥ pratyuvāca vibhīṣaṇam| rakṣasāṃ vānarāṇāṃ ca sarveṣāmeva śṛṇvatām|| 121.16 ||

इस प्रकार कहे जाने पर राम ने राक्षसों और वानरों सहित सबके सुनते हुए विभीषण को उत्तर दिया —

श्लोक 17 (yuddha.121.17)

पूजितोऽस्मि त्वया वीर साचिव्येन परेण च। सर्वात्मना च चेष्टाभिः सौहार्देन परेण च॥ 121.17 ॥

pūjito'smi tvayā vīra sācivyena pareṇa ca| sarvātmanā ca ceṣṭābhiḥ sauhārdena pareṇa ca|| 121.17 ||

"हे वीर, हे परन्तप, तुम्हारे मन्त्रणा-कौशल से, सर्वात्मना किए गए प्रयत्नों से और परम सौहार्द से मैं सम्मानित हुआ हूँ।

श्लोक 18 (yuddha.121.18)

न खल्वेतन्न कुर्यां ते वचनं राक्षसेश्वर। तं तु मे भ्रातरं द्रष्टुं भरतं त्वरते मनः॥ 121.18 ॥

na khalvetanna kuryāṃ te vacanaṃ rākṣaseśvara| taṃ tu me bhrātaraṃ draṣṭuṃ bharataṃ tvarate manaḥ|| 121.18 ||

हे राक्षसेश्वर, यह नहीं कि मैं तुम्हारे इस वचन का पालन नहीं करूँगा, किन्तु मेरा मन अपने भाई भरत से मिलने के लिए व्याकुल हो रहा है।

श्लोक 19 (yuddha.121.19)

मां निवर्तयितुं योऽसौ चित्रकूटमुपागतः। शिरसा याचतो यस्य वचनं न कृतं मया॥ 121.19 ॥

māṃ nivartayituṃ yo'sau citrakūṭamupāgataḥ| śirasā yācato yasya vacanaṃ na kṛtaṃ mayā|| 121.19 ||

जो मुझे लौटाने के लिए चित्रकूट तक आया था और सिर झुकाकर याचना करने पर भी जिसका वचन मैंने नहीं माना,

श्लोक 20 (yuddha.121.20)

कौसल्यां च सुमित्रां च कैकेयीं च यशस्विनीम्। गुहं च सुहृदं चैव पौराञ्जानपदैः सह॥ 121.20 ॥

kausalyāṃ ca sumitrāṃ ca kaikeyīṃ ca yaśasvinīm| guhaṃ ca suhṛdaṃ caiva paurāñjānapadaiḥ saha|| 121.20 ||

उसी प्रकार माता कौसल्या, सुमित्रा और यशस्विनी कैकेयी से, तथा सुहृद गुह से, और नगर तथा जनपद के निवासियों से मिलने के लिए भी मेरा मन उतावला है।

श्लोक 21 (yuddha.121.21)

अनुजानीहि मां सौम्य पूजितोऽस्मि विभीषण। मन्युर्न खलु कर्तव्यः सखे त्वां चानुमानये॥ 121.21 ॥

anujānīhi māṃ saumya pūjito'smi vibhīṣaṇa| manyurna khalu kartavyaḥ sakhe tvāṃ cānumānaye|| 121.21 ||

हे सौम्य विभीषण, मुझे जाने की अनुमति दो, मैं सम्मानित हुआ हूँ। हे सखा, दुःखी मत होओ, मैं तुमसे विनती करता हूँ।

श्लोक 22 (yuddha.121.22)

उपस्थापय मे शीघ्रं विमानं राक्षसेश्वर। कृतकार्यस्य मे वासः कथं स्यादिह सम्मतः॥ 121.22 ॥

upasthāpaya me śīghraṃ vimānaṃ rākṣaseśvara| kṛtakāryasya me vāsaḥ kathaṃ syādiha sammataḥ|| 121.22 ||

हे राक्षसेश्वर, मेरे लिए शीघ्र विमान मँगवाओ। मेरा कार्य सिद्ध हो चुका है, अब यहाँ रुकना उचित कैसे होगा?"

श्लोक 23 (yuddha.121.23)

एवमुक्तस्तु रामेण राक्षसेन्द्रो विभीषणः। विमानं सूर्यसंकाशमाजुहाव त्वरान्वितः॥ 121.23 ॥

evamuktastu rāmeṇa rākṣasendro vibhīṣaṇaḥ| vimānaṃ sūryasaṃkāśamājuhāva tvarānvitaḥ|| 121.23 ||

राम के इस प्रकार कहने पर राक्षसराज विभीषण ने शीघ्रतापूर्वक सूर्य के समान तेजस्वी उस विमान का आवाहन किया।

श्लोक 24 (yuddha.121.24)

ततः काञ्चनचित्राङ्गं वैदूर्यमणिवेदिकम्। कूटागारैः परिक्षिप्तं सर्वतो रजतप्रभम्॥ 121.24 ॥

tataḥ kāñcanacitrāṅgaṃ vaidūryamaṇivedikam| kūṭāgāraiḥ parikṣiptaṃ sarvato rajataprabham|| 121.24 ||

वह विमान स्वर्णमय चित्रित अंगों वाला, वैदूर्यमणि की वेदिका से युक्त, अटारियों से घिरा हुआ और चारों ओर से रजत के समान कान्तिमान था।

श्लोक 25 (yuddha.121.25)

पाण्डुराभिः पताकाभिर्ध्वजैश्च समलंकृतम्। शोभितं काञ्चनैर्हर्म्यैर्हेमपद्मविभूषितैः॥ 121.25 ॥

pāṇḍurābhiḥ patākābhirdhvajaiśca samalaṃkṛtam| śobhitaṃ kāñcanairharmyairhemapadmavibhūṣitaiḥ|| 121.25 ||

वह श्वेत पताकाओं और ध्वजों से सुसज्जित था, तथा स्वर्णिम कमलों से विभूषित सुवर्ण-प्रासादों से सुशोभित था।

श्लोक 26 (yuddha.121.26)

प्रकीर्णं किङ्किणीजालैर्मुक्तामणिगवाक्षकम्। घण्टाजालैः परिक्षिप्तं सर्वतो मधुरस्वनम्॥ 121.26 ॥

prakīrṇaṃ kiṅkiṇījālairmuktāmaṇigavākṣakam| ghaṇṭājālaiḥ parikṣiptaṃ sarvato madhurasvanam|| 121.26 ||

वह छोटी-छोटी घंटियों के जालों से बिखरा हुआ, मुक्ता और मणियों से जड़ित गवाक्षों वाला, तथा घंटा-समूहों से घिरा हुआ चारों ओर मधुर ध्वनि करता था।

श्लोक 27 (yuddha.121.27)

तं मेरुशिखराकारं निर्मितं विश्वकर्मणा। बृहद्भिर्भूषितं हर्म्यैर्मुक्तारजतशोभितैः॥ 121.27 ॥

taṃ meruśikharākāraṃ nirmitaṃ viśvakarmaṇā| bṛhadbhirbhūṣitaṃ harmyairmuktārajataśobhitaiḥ|| 121.27 ||

विश्वकर्मा द्वारा निर्मित वह मेरु के शिखर के समान आकार वाला था, मोती और चाँदी से सुशोभित विशाल अटारियों से सज्जित था।

श्लोक 28 (yuddha.121.28)

तलैः स्फटिकचित्राङ्गैर्वैदूर्यैश्च वरासनैः। महार्हास्तरणोपेतैरुपपन्नं महाधनैः॥ 121.28 ॥

talaiḥ sphaṭikacitrāṅgairvaidūryaiśca varāsanaiḥ| mahārhāstaraṇopetairupapannaṃ mahādhanaiḥ|| 121.28 ||

उसके फर्श स्फटिक से चित्रित थे, वैदूर्यमणि के उत्तम आसन थे, तथा वह अत्यन्त मूल्यवान वस्त्रों से आच्छादित उत्तम बिछौनों से युक्त था।

श्लोक 29 (yuddha.121.29)

उपस्थितमनाधृष्यं तद् विमानं मनोजवम्। निवेदयित्वा रामाय तस्थौ तत्र विभीषणः॥ 121.29 ॥

upasthitamanādhṛṣyaṃ tad vimānaṃ manojavam| nivedayitvā rāmāya tasthau tatra vibhīṣaṇaḥ|| 121.29 ||

उस अजेय, मन के समान वेगवान विमान को उपस्थित कराकर, विभीषण ने राम को सूचित किया और वहीं खड़ा रहा।

श्लोक 30 (yuddha.121.30)

तत् पुष्पकं कामगमं विमान- मुपस्थितं भूधरसंनिकाशम्। दृष्ट्वा तदा विस्मयमाजगाम रामः ससौमित्रिरुदारसत्त्वः॥ 121.30 ॥

tat puṣpakaṃ kāmagamaṃ vimāna- mupasthitaṃ bhūdharasaṃnikāśam| dṛṣṭvā tadā vismayamājagāma rāmaḥ sasaumitrirudārasattvaḥ|| 121.30 ||

इच्छानुसार गमन करने वाले, पर्वत के समान विशाल उस पुष्पक विमान को उपस्थित देखकर, उदार हृदय राम लक्ष्मण सहित विस्मय को प्राप्त हुए।