आकाश-यात्रा में सीता को रणभूमि-दर्शन

श्लोक 1 (yuddha.123.1)

अनुज्ञातं तु रामेण तद् विमानमनुत्तमम्। हंसयुक्तं महानादमुत्पपात विहायसम्॥ 123.1 ॥

anujñātaṃ tu rāmeṇa tad vimānamanuttamam| haṃsayuktaṃ mahānādamutpapāta vihāyasam|| 123.1 ||

राम की अनुमति पाकर वह अनुपम विमान, हंसों से युक्त, महान गर्जना करता हुआ आकाश में उड़ चला।

श्लोक 2 (yuddha.123.2)

पातयित्वा ततश्चक्षुः सर्वतो रघुनन्दनः। अब्रवीन्मैथिलीं सीतां रामः शशिनिभाननाम्॥ 123.2 ॥

pātayitvā tataścakṣuḥ sarvato raghunandanaḥ| abravīnmaithilīṃ sītāṃ rāmaḥ śaśinibhānanām|| 123.2 ||

तब रघुनन्दन राम ने चारों ओर दृष्टि डालकर, चन्द्रमा के समान मुखवाली मैथिली सीता से कहा —

श्लोक 3 (yuddha.123.3)

कैलासशिखराकारे त्रिकूटशिखरे स्थिताम्। लङ्कामीक्षस्व वैदेहि निर्मितां विश्वकर्मणा॥ 123.3 ॥

kailāsaśikharākāre trikūṭaśikhare sthitām| laṅkāmīkṣasva vaidehi nirmitāṃ viśvakarmaṇā|| 123.3 ||

"हे वैदेही, कैलास के शिखर जैसे त्रिकूट पर्वत के शिखर पर स्थित, विश्वकर्मा द्वारा निर्मित इस लंका को देखो।

श्लोक 4 (yuddha.123.4)

एतदायोधनं पश्य मांसशोणितकर्दमम्। हरीणां राक्षसानां च सीते विशसनं महत्॥ 123.4 ॥

etadāyodhanaṃ paśya māṃsaśoṇitakardamam| harīṇāṃ rākṣasānāṃ ca sīte viśasanaṃ mahat|| 123.4 ||

हे सीते, यह देखो यह युद्धभूमि, मांस और रक्त के कीचड़ से भरी हुई, यह वानरों और राक्षसों के महान संहार का स्थल है।

श्लोक 5 (yuddha.123.5)

एष दत्तवरः शेते प्रमाथी राक्षसेश्वरः। तव हेतोर्विशालाक्षि निहतो रावणो मया॥ 123.5 ॥

eṣa dattavaraḥ śete pramāthī rākṣaseśvaraḥ| tava hetorviśālākṣi nihato rāvaṇo mayā|| 123.5 ||

यहीं वह वरदानी, उत्पीड़क राक्षसेश्वर रावण पड़ा है, जो तुम्हारे ही लिए, हे विशालाक्षी, मेरे द्वारा मारा गया।

श्लोक 6 (yuddha.123.6)

कुम्भकर्णोऽत्र निहतः प्रहस्तश्च निशाचरः। धूम्राक्षश्चात्र निहतो वानरेण हनूमता॥ 123.6 ॥

kumbhakarṇo'tra nihataḥ prahastaśca niśācaraḥ| dhūmrākṣaścātra nihato vānareṇa hanūmatā|| 123.6 ||

यहीं कुम्भकर्ण और निशाचर प्रहस्त मारे गए; यहीं वानर हनुमान के हाथों धूम्राक्ष मारा गया।

श्लोक 7 (yuddha.123.7)

विद्युन्माली हतश्चात्र सुषेणेन महात्मना। लक्ष्मणेनेन्द्रजिच्चात्र रावणिर्निहतो रणे॥ 123.7 ॥

vidyunmālī hataścātra suṣeṇena mahātmanā| lakṣmaṇenendrajiccātra rāvaṇirnihato raṇe|| 123.7 ||

यहीं महात्मा सुषेण के हाथों विद्युन्माली मारा गया; यहीं युद्ध में लक्ष्मण के हाथों रावणपुत्र इन्द्रजित मारा गया।

श्लोक 8 (yuddha.123.8)

अङ्गदेनात्र निहतो विकटो नाम राक्षसः। विरूपाक्षश्च दुष्प्रेक्षो महापार्श्वमहोदरौ॥ 123.8 ॥

aṅgadenātra nihato vikaṭo nāma rākṣasaḥ| virūpākṣaśca duṣprekṣo mahāpārśvamahodarau|| 123.8 ||

यहीं अंगद के हाथों विकट नामक राक्षस मारा गया; विरूपाक्ष, दुष्प्रेक्ष्य, महापार्श्व और महोदर भी यहीं मारे गए।

श्लोक 9 (yuddha.123.9)

अकम्पनश्च निहतो बलिनोऽन्ये च राक्षसाः। त्रिशिराश्चातिकायश्च देवान्तकनरान्तकौ॥ 123.9 ॥

akampanaśca nihato balino'nye ca rākṣasāḥ| triśirāścātikāyaśca devāntakanarāntakau|| 123.9 ||

अकम्पन और अन्य बलशाली राक्षस भी मारे गए; त्रिशिरा, अतिकाय, तथा देवान्तक और नरान्तक भी यहीं मारे गए।

श्लोक 10 (yuddha.123.10)

युद्धोन्मत्तश्च मत्तश्च राक्षसप्रवरावुभौ। निकुम्भश्चैव कुम्भश्च कुम्भकर्णात्मजौ बली॥ 123.10 ॥

yuddhonmattaśca mattaśca rākṣasapravarāvubhau| nikumbhaścaiva kumbhaśca kumbhakarṇātmajau balī|| 123.10 ||

युद्ध में उन्मत्त दोनों श्रेष्ठ राक्षस युद्धोन्मत्त और मत्त, तथा कुम्भकर्ण के बलशाली पुत्र निकुम्भ और कुम्भ भी यहीं मारे गए।

श्लोक 11 (yuddha.123.11)

वज्रदंष्ट्रश्च दंष्ट्रश्च बहवो राक्षसा हताः। मकराक्षश्च दुर्धर्षो मया युधि निपातितः॥ 123.11 ॥

vajradaṃṣṭraśca daṃṣṭraśca bahavo rākṣasā hatāḥ| makarākṣaśca durdharṣo mayā yudhi nipātitaḥ|| 123.11 ||

वज्रदंष्ट्र, दंष्ट्र और अनेक अन्य राक्षस भी मारे गए; दुर्धर्ष मकराक्ष भी इस युद्ध में मेरे द्वारा गिराया गया।

श्लोक 12 (yuddha.123.12)

अकम्पनश्च निहतः शोणिताक्षश्च वीर्यवान्। यूपाक्षश्च प्रजङ्घश्च निहतौ तु महाहवे॥ 123.12 ॥

akampanaśca nihataḥ śoṇitākṣaśca vīryavān| yūpākṣaśca prajaṅghaśca nihatau tu mahāhave|| 123.12 ||

अकम्पन मारा गया, और वीर्यवान शोणिताक्ष भी; यूपाक्ष और प्रजंघ भी इस महासंग्राम में मारे गए।

श्लोक 13 (yuddha.123.13)

विद्युज्जिह्वोऽत्र निहतो राक्षसो भीमदर्शनः। यज्ञशत्रुश्च निहतः सुप्तघ्नश्च महाबलः॥ 123.13 ॥

vidyujjihvo'tra nihato rākṣaso bhīmadarśanaḥ| yajñaśatruśca nihataḥ suptaghnaśca mahābalaḥ|| 123.13 ||

यहीं भयानक दिखने वाला राक्षस विद्युज्जिह्व मारा गया; यज्ञशत्रु भी मारा गया, और महाबली सुप्तघ्न भी।

श्लोक 14 (yuddha.123.14)

सूर्यशत्रुश्च निहतो ब्रह्मशत्रुस्तथापरः। अत्र मन्दोदरी नाम भार्या तं पर्यदेवयत्॥ 123.14 ॥

sūryaśatruśca nihato brahmaśatrustathāparaḥ| atra mandodarī nāma bhāryā taṃ paryadevayat|| 123.14 ||

सूर्यशत्रु मारा गया, और उसी प्रकार ब्रह्मशत्रु भी। यहीं मन्दोदरी नामक उसकी पत्नी उसके लिए विलाप करती रही,

श्लोक 15 (yuddha.123.15)

सपत्नीनां सहस्रेण साग्रेण परिवारिता। एतत् तु दृश्यते तीर्थं समुद्रस्य वरानने॥ 123.15 ॥

sapatnīnāṃ sahasreṇa sāgreṇa parivāritā| etat tu dṛśyate tīrthaṃ samudrasya varānane|| 123.15 ||

हजार से भी अधिक सौतों से घिरी हुई। हे सुन्दरमुखी, यह देखो, समुद्र का वह तीर्थ दिखाई देता है,

श्लोक 16 (yuddha.123.16)

यत्र सागरमुत्तीर्य तां रात्रिमुषिता वयम्। एष सेतुर्मया बद्धः सागरे लवणार्णवे॥ 123.16 ॥

yatra sāgaramuttīrya tāṃ rātrimuṣitā vayam| eṣa seturmayā baddhaḥ sāgare lavaṇārṇave|| 123.16 ||

जहाँ समुद्र को पार करके हमने वह रात्रि बिताई थी। यह देखो, खारे सागर में मेरे द्वारा बाँधा गया यह सेतु,

श्लोक 17 (yuddha.123.17)

तव हेतोर्विशालाक्षि नलसेतुः सुदुष्करः। पश्य सागरमक्षोभ्यं वैदेहि वरुणालयम्॥ 123.17 ॥

tava hetorviśālākṣi nalasetuḥ suduṣkaraḥ| paśya sāgaramakṣobhyaṃ vaidehi varuṇālayam|| 123.17 ||

तुम्हारे ही लिए, हे विशालाक्षी, बना अत्यन्त दुष्कर नल-सेतु। हे वैदेही, वरुण के इस निवास, अक्षोभ्य सागर को देखो —

श्लोक 18 (yuddha.123.18)

अपारमिव गर्जन्तं शङ्खशुक्तिसमाकुलम्। हिरण्यनाभं शैलेन्द्रं काञ्चनं पश्य मैथिलि॥ 123.18 ॥

apāramiva garjantaṃ śaṅkhaśuktisamākulam| hiraṇyanābhaṃ śailendraṃ kāñcanaṃ paśya maithili|| 123.18 ||

अपार-सा गरजता हुआ, शंख और सीपियों से भरा हुआ। हे मैथिली, इस स्वर्णिम, हिरण्यगर्भ पर्वतराज मैनाक को देखो,

श्लोक 19 (yuddha.123.19)

विश्रमार्थं हनुमतो भित्त्वा सागरमुत्थितम्। एतत् कुक्षौ समुद्रस्य स्कन्धावारनिवेशनम्॥ 123.19 ॥

viśramārthaṃ hanumato bhittvā sāgaramutthitam| etat kukṣau samudrasya skandhāvāraniveśanam|| 123.19 ||

जो हनुमान को विश्राम देने के लिए सागर को भेदकर उठा था। यह देखो, समुद्र के बीच में यह हमारी सेना का पड़ाव-स्थल था,

श्लोक 20 (yuddha.123.20)

अत्र पूर्वं महादेवः प्रसादमकरोद् विभुः। एतत् तु दृश्यते तीर्थं सागरस्य महात्मनः॥ 123.20 ॥

atra pūrvaṃ mahādevaḥ prasādamakarod vibhuḥ| etat tu dṛśyate tīrthaṃ sāgarasya mahātmanaḥ|| 123.20 ||

जहाँ पहले प्रभु महादेव ने मुझ पर कृपा की थी। यह देखो, महान सागर का वह तीर्थ दिखाई देता है,

श्लोक 21 (yuddha.123.21)

सेतुबन्ध इति ख्यातं त्रैलोक्येन च पूजितम्। एतत् पवित्रं परमं महापातकनाशनम्॥ 123.21 ॥

setubandha iti khyātaṃ trailokyena ca pūjitam| etat pavitraṃ paramaṃ mahāpātakanāśanam|| 123.21 ||

जो तीनों लोकों में पूजित और सेतुबन्ध के नाम से विख्यात है — यह अत्यन्त पवित्र और महापातकों का नाश करने वाला है।

श्लोक 22 (yuddha.123.22)

अत्र राक्षसराजोऽयमाजगाम विभीषणः। एषा सा दृश्यते सीते किष्किन्धा चित्रकानना॥ 123.22 ॥

atra rākṣasarājo'yamājagāma vibhīṣaṇaḥ| eṣā sā dṛśyate sīte kiṣkindhā citrakānanā|| 123.22 ||

यहीं राक्षसराज विभीषण मुझसे आकर मिला था। हे सीते, यह देखो, चित्र-वनों वाली किष्किन्धा दिखाई देती है,

श्लोक 23 (yuddha.123.23)

सुग्रीवस्य पुरी रम्या यत्र वाली मया हतः। अथ दृष्ट्वा पुरीं सीता किष्किन्धां वालिपालिताम्॥ 123.23 ॥

sugrīvasya purī ramyā yatra vālī mayā hataḥ| atha dṛṣṭvā purīṃ sītā kiṣkindhāṃ vālipālitām|| 123.23 ||

सुग्रीव की सुन्दर नगरी, जहाँ वालि मेरे हाथों मारा गया।" तब वालि द्वारा शासित उस नगरी किष्किन्धा को देखकर सीता ने,

श्लोक 24 (yuddha.123.24)

अब्रवीत् प्रश्रितं वाक्यं रामं प्रणयसाध्वसा। सुग्रीवप्रियभार्याभिस्ताराप्रमुखतो नृप॥ 123.24 ॥

abravīt praśritaṃ vākyaṃ rāmaṃ praṇayasādhvasā| sugrīvapriyabhāryābhistārāpramukhato nṛpa|| 123.24 ||

प्रेमवश संकोच से भरी हुई, राम से विनम्र वचन कहा — "हे नृप, सुग्रीव की प्रिय पत्नियों और तारा-प्रमुख अन्य वानरेन्द्रों की पत्नियों से घिरी हुई मैं,

श्लोक 25 (yuddha.123.25)

अन्येषां वानरेन्द्राणां स्त्रीभिः परिवृता ह्यहम्। गन्तुमिच्छे सहायोध्यां राजधानीं त्वया सह॥ 123.25 ॥

anyeṣāṃ vānarendrāṇāṃ strībhiḥ parivṛtā hyaham| gantumicche sahāyodhyāṃ rājadhānīṃ tvayā saha|| 123.25 ||

आपके साथ ही राजधानी अयोध्या जाना चाहती हूँ।"

श्लोक 26 (yuddha.123.26)

एवमुक्तोऽथ वैदेह्या राघवः प्रत्युवाच ताम्। एवमस्त्विति किष्किन्धां प्राप्य संस्थाप्य राघवः॥ 123.26 ॥

evamukto'tha vaidehyā rāghavaḥ pratyuvāca tām| evamastviti kiṣkindhāṃ prāpya saṃsthāpya rāghavaḥ|| 123.26 ||

वैदेही के इस प्रकार कहने पर राघव ने उससे "ऐसा ही हो" कहकर उत्तर दिया। फिर किष्किन्धा पहुँचकर, विमान को वहीं ठहराकर, राघव ने

श्लोक 27 (yuddha.123.27)

विमानं प्रेक्ष्य सुग्रीवं वाक्यमेतदुवाच ह। ब्रूहि वानरशार्दूल सर्वान् वानरपुङ्गवान्॥ 123.27 ॥

vimānaṃ prekṣya sugrīvaṃ vākyametaduvāca ha| brūhi vānaraśārdūla sarvān vānarapuṅgavān|| 123.27 ||

सुग्रीव की ओर देखकर यह वचन कहा — "हे वानरशार्दूल, सब वानरश्रेष्ठों से कहो,

श्लोक 28 (yuddha.123.28)

स्त्रीभिः परिवृताः सर्वे ह्ययोध्यां यान्तु सीतया। तथा त्वमपि सर्वाभिः स्त्रीभिः सह महाबल॥ 123.28 ॥

strībhiḥ parivṛtāḥ sarve hyayodhyāṃ yāntu sītayā| tathā tvamapi sarvābhiḥ strībhiḥ saha mahābala|| 123.28 ||

कि वे सब अपनी-अपनी पत्नियों सहित सीता के साथ अयोध्या चलें। हे महाबली, उसी प्रकार तुम भी अपनी सब पत्नियों सहित,

श्लोक 29 (yuddha.123.29)

अभित्वरय सुग्रीव गच्छामः प्लवगाधिप। एवमुक्तस्तु सुग्रीवो रामेणामिततेजसा॥ 123.29 ॥

abhitvaraya sugrīva gacchāmaḥ plavagādhipa| evamuktastu sugrīvo rāmeṇāmitatejasā|| 123.29 ||

हे सुग्रीव, शीघ्रता करो, हम चलें, हे वानराधिप।" राम के, अपार तेजस्वी के, इस प्रकार कहने पर सुग्रीव,

श्लोक 30 (yuddha.123.30)

वानराधिपतिः श्रीमांस्तैश्च सर्वैः समावृतः। प्रविश्यान्तःपुरं शीघ्रं तारामुद्वीक्ष्य सोऽब्रवीत्॥ 123.30 ॥

vānarādhipatiḥ śrīmāṃstaiśca sarvaiḥ samāvṛtaḥ| praviśyāntaḥpuraṃ śīghraṃ tārāmudvīkṣya so'bravīt|| 123.30 ||

वह श्रीमान वानराधिपति उन सबसे घिरा हुआ, अन्तःपुर में शीघ्र प्रवेश कर तारा को देखकर बोला —

श्लोक 31 (yuddha.123.31)

प्रिये त्वं सह नारीभिर्वानराणां महात्मनाम्। राघवेणाभ्यनुज्ञाता मैथिलीप्रियकाम्यया॥ 123.31 ॥

priye tvaṃ saha nārībhirvānarāṇāṃ mahātmanām| rāghaveṇābhyanujñātā maithilīpriyakāmyayā|| 123.31 ||

"हे प्रिये, तुम महात्मा वानरों की स्त्रियों के साथ, मैथिली को प्रसन्न करने की इच्छा से राघव द्वारा अनुमति दी गई हो।

श्लोक 32 (yuddha.123.32)

त्वर त्वमभिगच्छामो गृह्य वानरयोषितः। अयोध्यां दर्शयिष्यामः सर्वा दशरथस्त्रियः॥ 123.32 ॥

tvara tvamabhigacchāmo gṛhya vānarayoṣitaḥ| ayodhyāṃ darśayiṣyāmaḥ sarvā daśarathastriyaḥ|| 123.32 ||

शीघ्रता करो, हम वानर-स्त्रियों को लेकर चलते हैं — हम अयोध्या और दशरथ की सभी रानियों को दिखाएँगे।"

श्लोक 33 (yuddha.123.33)

सुग्रीवस्य वचः श्रुत्वा तारा सर्वाङ्गशोभना। आहूय चाब्रवीत् सर्वा वानराणां तु योषितः॥ 123.33 ॥

sugrīvasya vacaḥ śrutvā tārā sarvāṅgaśobhanā| āhūya cābravīt sarvā vānarāṇāṃ tu yoṣitaḥ|| 123.33 ||

सुग्रीव के वचन सुनकर, सर्वांग-सुन्दरी तारा ने वानरों की सब स्त्रियों को बुलाकर कहा —

श्लोक 34 (yuddha.123.34)

सुग्रीवेणाभ्यनुज्ञाता गन्तुं सर्वैश्च वानरैः। मम चापि प्रियं कार्यमयोध्यादर्शनेन च॥ 123.34 ॥

sugrīveṇābhyanujñātā gantuṃ sarvaiśca vānaraiḥ| mama cāpi priyaṃ kāryamayodhyādarśanena ca|| 123.34 ||

"सुग्रीव और सब वानरों की अनुमति से जाना है — अयोध्या देखने से मुझे भी प्रसन्नता होगी,

श्लोक 35 (yuddha.123.35)

प्रवेशं चैव रामस्य पौरजानपदैः सह। विभूतिं चैव सर्वासां स्त्रीणां दशरथस्य च॥ 123.35 ॥

praveśaṃ caiva rāmasya paurajānapadaiḥ saha| vibhūtiṃ caiva sarvāsāṃ strīṇāṃ daśarathasya ca|| 123.35 ||

साथ ही नगर और जनपद के लोगों सहित राम के प्रवेश को, और दशरथ की सब रानियों के वैभव को भी हम देखेंगे।"

श्लोक 36 (yuddha.123.36)

तारया चाभ्यनुज्ञाताः सर्वा वानरयोषितः। नेपथ्यविधिपूर्वं तु कृत्वा चापि प्रदक्षिणम्॥ 123.36 ॥

tārayā cābhyanujñātāḥ sarvā vānarayoṣitaḥ| nepathyavidhipūrvaṃ tu kṛtvā cāpi pradakṣiṇam|| 123.36 ||

तारा से अनुमति पाकर वानरों की सब स्त्रियाँ, विधिपूर्वक शृंगार करके और प्रदक्षिणा करके,

श्लोक 37 (yuddha.123.37)

अध्यारोहन् विमानं तत् सीतादर्शनकाङ्क्षया। ताभिः सहोत्थितं शीघ्रं विमानं प्रेक्ष्य राघवः॥ 123.37 ॥

adhyārohan vimānaṃ tat sītādarśanakāṅkṣayā| tābhiḥ sahotthitaṃ śīghraṃ vimānaṃ prekṣya rāghavaḥ|| 123.37 ||

सीता को देखने की इच्छा से उस विमान पर चढ़ गईं। उनके साथ शीघ्र उठे हुए विमान को देखकर राघव ने

श्लोक 38 (yuddha.123.38)

ऋष्यमूकसमीपे तु वैदेहीं पुनरब्रवीत्। दृश्यतेऽसौ महान् सीते सविद्युदिव तोयदः॥ 123.38 ॥

ṛṣyamūkasamīpe tu vaidehīṃ punarabravīt| dṛśyate'sau mahān sīte savidyudiva toyadaḥ|| 123.38 ||

ऋष्यमूक के समीप पुनः वैदेही से कहा — "हे सीते, यह विशाल पर्वत बिजली सहित मेघ के समान दिखाई देता है,

श्लोक 39 (yuddha.123.39)

ऋष्यमूको गिरिवरः काञ्चनैर्धातुभिर्वृतः। अत्राहं वानरेन्द्रेण सुग्रीवेण समागतः॥ 123.39 ॥

ṛṣyamūko girivaraḥ kāñcanairdhātubhirvṛtaḥ| atrāhaṃ vānarendreṇa sugrīveṇa samāgataḥ|| 123.39 ||

स्वर्णिम धातुओं से आवृत यह श्रेष्ठ पर्वत ऋष्यमूक है। यहीं मैं वानरेन्द्र सुग्रीव से मिला था,

श्लोक 40 (yuddha.123.40)

समयश्च कृतः सीते वधार्थं वालिनो मया। एषा सा दृश्यते पम्पा नलिनी चित्रकानना॥ 123.40 ॥

samayaśca kṛtaḥ sīte vadhārthaṃ vālino mayā| eṣā sā dṛśyate pampā nalinī citrakānanā|| 123.40 ||

और हे सीते, यहीं मैंने वालि के वध के लिए वचन दिया था। यह देखो, चित्र-वनों वाली, कमलों से भरी वह पम्पा दिखाई देती है,

श्लोक 41 (yuddha.123.41)

त्वया विहीनो यत्राहं विललाप सुदुःखितः। अस्यास्तीरे मया दृष्टा शबरी धर्मचारिणी॥ 123.41 ॥

tvayā vihīno yatrāhaṃ vilalāpa suduḥkhitaḥ| asyāstīre mayā dṛṣṭā śabarī dharmacāriṇī|| 123.41 ||

जहाँ तुमसे बिछड़कर मैं अत्यन्त दुःखी होकर विलाप करता रहा। इसी के तट पर मैंने धर्मचारिणी शबरी को देखा था,

श्लोक 42 (yuddha.123.42)

अत्र योजनबाहुश्च कबन्धो निहतो मया। दृश्यतेऽसौ जनस्थाने श्रीमान् सीते वनस्पतिः॥ 123.42 ॥

atra yojanabāhuśca kabandho nihato mayā| dṛśyate'sau janasthāne śrīmān sīte vanaspatiḥ|| 123.42 ||

और यहीं मेरे द्वारा योजनभुज कबन्ध मारा गया। हे सीते, जनस्थान में यह देखो वह शोभायमान वृक्ष दिखाई देता है,

श्लोक 43 (yuddha.123.43)

जटायुश्च महातेजास्तव हेतोर्विलासिनि। रावणेन हतो यत्र पक्षिणां प्रवरो बली॥ 123.43 ॥

jaṭāyuśca mahātejāstava hetorvilāsini| rāvaṇena hato yatra pakṣiṇāṃ pravaro balī|| 123.43 ||

हे विलासिनी, जहाँ पक्षियों में श्रेष्ठ, महातेजस्वी जटायु तुम्हारे ही कारण रावण के हाथों मारे गए।

श्लोक 44 (yuddha.123.44)

खरश्च निहतो यत्र दूषणश्च निपातितः। त्रिशिराश्च महावीर्यो मया बाणैरजिह्मगैः॥ 123.44 ॥

kharaśca nihato yatra dūṣaṇaśca nipātitaḥ| triśirāśca mahāvīryo mayā bāṇairajihmagaiḥ|| 123.44 ||

जहाँ खर मारा गया और दूषण गिराया गया, और महापराक्रमी त्रिशिरा भी मेरे सीधे जाने वाले बाणों से मारा गया,

श्लोक 45 (yuddha.123.45)

एतत् तदाश्रमपदमस्माकं वरवर्णिनि। पर्णशाला तथा चित्रा दृश्यते शुभदर्शने॥ 123.45 ॥

etat tadāśramapadamasmākaṃ varavarṇini| parṇaśālā tathā citrā dṛśyate śubhadarśane|| 123.45 ||

हे वरवर्णिनी, वही यह हमारा आश्रम-पद है; हे शुभदर्शने, यह देखो वह सुन्दर पर्णशाला दिखाई देती है,

श्लोक 46 (yuddha.123.46)

यत्र त्वं राक्षसेन्द्रेण रावणेन हृता बलात्। एषा गोदावरी रम्या प्रसन्नसलिला शुभा॥ 123.46 ॥

yatra tvaṃ rākṣasendreṇa rāvaṇena hṛtā balāt| eṣā godāvarī ramyā prasannasalilā śubhā|| 123.46 ||

जहाँ से तुम राक्षसेन्द्र रावण द्वारा बलपूर्वक हर ली गई थीं। यह देखो, निर्मल जल वाली शुभ गोदावरी दिखाई देती है,

श्लोक 47 (yuddha.123.47)

अगस्त्यस्याश्रमश्चैव दृश्यते कदलीवृतः। दीप्तश्चैवाश्रमे ह्येष सुतीक्ष्णस्य महात्मनः॥ 123.47 ॥

agastyasyāśramaścaiva dṛśyate kadalīvṛtaḥ| dīptaścaivāśrame hyeṣa sutīkṣṇasya mahātmanaḥ|| 123.47 ||

और केले के वनों से घिरा अगस्त्य का आश्रम भी दिखाई देता है; यहीं तेजस्वी महात्मा सुतीक्ष्ण का आश्रम भी है,

श्लोक 48 (yuddha.123.48)

दृश्यते चैव वैदेहि शरभङ्गाश्रमो महान्। उपयातः सहस्राक्षो यत्र शक्रः पुरंदरः॥ 123.48 ॥

dṛśyate caiva vaidehi śarabhaṅgāśramo mahān| upayātaḥ sahasrākṣo yatra śakraḥ puraṃdaraḥ|| 123.48 ||

हे वैदेही, और यह देखो, वह महान शरभंग-आश्रम दिखाई देता है, जहाँ सहस्रनेत्र पुरन्दर शक्र स्वयं आए थे।

श्लोक 49 (yuddha.123.49)

अस्मिन् देशे महाकायो विराधो निहतो मया। एते ते तापसा देवि दृश्यन्ते तनुमध्यमे॥ 123.49 ॥

asmin deśe mahākāyo virādho nihato mayā| ete te tāpasā devi dṛśyante tanumadhyame|| 123.49 ||

इसी प्रदेश में विशालकाय विराध मेरे द्वारा मारा गया। हे देवी, हे तनुमध्यमे, यह देखो वे तपस्वीजन दिखाई देते हैं,

श्लोक 50 (yuddha.123.50)

अत्रिः कुलपतिर्यत्र सूर्यवैश्वानरोपमः। अत्र सीते त्वया दृष्टा तापसी धर्मचारिणी॥ 123.50 ॥

atriḥ kulapatiryatra sūryavaiśvānaropamaḥ| atra sīte tvayā dṛṣṭā tāpasī dharmacāriṇī|| 123.50 ||

जहाँ सूर्य और वैश्वानर के समान तेजस्वी अत्रि कुलपति हैं; हे सीते, यहीं तुमने धर्मचारिणी तपस्विनी अनसूया को देखा था।

श्लोक 51 (yuddha.123.51)

असौ सुतनु शैलेन्द्रश्चित्रकूटः प्रकाशते। अत्र मां कैकयीपुत्रः प्रसादयितुमागतः॥ 123.51 ॥

asau sutanu śailendraścitrakūṭaḥ prakāśate| atra māṃ kaikayīputraḥ prasādayitumāgataḥ|| 123.51 ||

हे सुतनु, यह शोभायमान पर्वतराज चित्रकूट दिखाई पड़ रहा है, जहाँ मुझे मनाने के लिए कैकेयी-पुत्र भरत आए थे।

श्लोक 52 (yuddha.123.52)

एषा सा यमुना रम्या दृश्यते चित्रकानना। भरद्वाजाश्रमः श्रीमान् दृश्यते चैष मैथिलि॥ 123.52 ॥

eṣā sā yamunā ramyā dṛśyate citrakānanā| bharadvājāśramaḥ śrīmān dṛśyate caiṣa maithili|| 123.52 ||

यह देखो, चित्र-वनों वाली सुन्दर यमुना दिखाई देती है; हे मैथिली, यह भी देखो, श्रीमान भरद्वाज-आश्रम दिखाई देता है।

श्लोक 53 (yuddha.123.53)

इयं च दृश्यते गङ्गा पुण्या त्रिपथगा नदी। नानाद्विजगणाकीर्णा सम्प्रपुष्पितकानना॥ 123.53 ॥

iyaṃ ca dṛśyate gaṅgā puṇyā tripathagā nadī| nānādvijagaṇākīrṇā samprapuṣpitakānanā|| 123.53 ||

यह भी देखो, तीनों मार्गों से बहने वाली पवित्र गंगा नदी दिखाई देती है, नाना पक्षि-समूहों से भरी और खिले हुए वनों वाली।

श्लोक 54 (yuddha.123.54)

शृङ्गवेरपुरं चैतद् गुहो यत्र सखा मम। एषा सा दृश्यते सीते सरयूर्यूपमालिनी॥ 123.54 ॥

śṛṅgaverapuraṃ caitad guho yatra sakhā mama| eṣā sā dṛśyate sīte sarayūryūpamālinī|| 123.54 ||

यह श्रृंगवेरपुर है, जहाँ मेरा सखा गुह रहता है; हे सीते, यह देखो, यूप-मालाओं से सुशोभित वह सरयू दिखाई देती है।

श्लोक 55 (yuddha.123.55)

एषा सा दृश्यते सीते राजधानी पितुर्मम। अयोध्यां कुरु वैदेहि प्रणामं पुनरागता॥ 123.55 ॥

eṣā sā dṛśyate sīte rājadhānī piturmama| ayodhyāṃ kuru vaidehi praṇāmaṃ punarāgatā|| 123.55 ||

हे सीते, यह देखो मेरे पिता की राजधानी दिखाई देती है; हे वैदेही, लौटकर पुनः अयोध्या को प्रणाम करो।"

श्लोक 56 (yuddha.123.56)

ततस्ते वानराः सर्वे राक्षसाः सविभीषणाः। उत्पत्योत्पत्य संहृष्टास्तां पुरीं ददृशुस्तदा॥ 123.56 ॥

tataste vānarāḥ sarve rākṣasāḥ savibhīṣaṇāḥ| utpatyotpatya saṃhṛṣṭāstāṃ purīṃ dadṛśustadā|| 123.56 ||

तब वे सब वानर और विभीषण सहित राक्षस, बार-बार उछल-उछलकर हर्षित होते हुए उस नगरी को देखने लगे।

श्लोक 57 (yuddha.123.57)

ततस्तु तां पाण्डुरहर्म्यमालिनीं विशालकक्ष्यां गजवाजिभिर्वृताम्। पुरीमपश्यन् प्लवगाः सराक्षसाः पुरीं महेन्द्रस्य यथामरावतीम्॥ 123.57 ॥

tatastu tāṃ pāṇḍuraharmyamālinīṃ viśālakakṣyāṃ gajavājibhirvṛtām| purīmapaśyan plavagāḥ sarākṣasāḥ purīṃ mahendrasya yathāmarāvatīm|| 123.57 ||

तब श्वेत भवनों की मालाओं से युक्त, विशाल गलियों वाली, हाथियों और घोड़ों से भरी उस नगरी को — महेन्द्र की अमरावती के समान उस नगरी को — वानरों और राक्षसों ने देखा।