भरद्वाज-आश्रम में

श्लोक 1 (yuddha.124.1)

पूर्णे चतुर्दशे वर्षे पञ्चम्यां लक्ष्मणाग्रजः। भरद्वाजाश्रमं प्राप्य ववन्दे नियतो मुनिम्॥ 124.1 ॥

pūrṇe caturdaśe varṣe pañcamyāṃ lakṣmaṇāgrajaḥ| bharadvājāśramaṃ prāpya vavande niyato munim|| 124.1 ||

चौदह वर्ष पूरे होने पर, पंचमी तिथि को, लक्ष्मण के बड़े भाई राम भरद्वाज के आश्रम पहुँचकर संयमपूर्वक मुनि को प्रणाम किया।

श्लोक 2 (yuddha.124.2)

सोऽपृच्छदभिवाद्यैनं भरद्वाजं तपोधनम्। शृणोषि कच्चिद् भगवन् सुभिक्षानामयं पुरे। कच्चित् स युक्तो भरतो जीवन्त्यपि च मातरः॥ 124.2 ॥

so'pṛcchadabhivādyainaṃ bharadvājaṃ tapodhanam| śṛṇoṣi kaccid bhagavan subhikṣānāmayaṃ pure| kaccit sa yukto bharato jīvantyapi ca mātaraḥ|| 124.2 ||

प्रणाम करके उन्होंने तपोधन भरद्वाज से पूछा, "हे भगवन्, क्या आप सुनते हैं कि नगर में सुभिक्ष और निरामयता है? क्या भरत अपने कर्तव्य में तत्पर है, और क्या मेरी माताएँ भी जीवित हैं?"

श्लोक 3 (yuddha.124.3)

एवमुक्तस्तु रामेण भरद्वाजो महामुनिः। प्रत्युवाच रघुश्रेष्ठं स्मितपूर्वं प्रहृष्टवत्॥ 124.3 ॥

evamuktastu rāmeṇa bharadvājo mahāmuniḥ| pratyuvāca raghuśreṣṭhaṃ smitapūrvaṃ prahṛṣṭavat|| 124.3 ||

राम के इस प्रकार पूछने पर महामुनि भरद्वाज ने अत्यन्त प्रसन्न होकर मुस्कुराते हुए रघुश्रेष्ठ को उत्तर दिया —

श्लोक 4 (yuddha.124.4)

पङ्कदिग्धस्तु भरतो जटिलस्त्वां प्रतीक्षते। पादुके ते पुरस्कृत्य सर्वं च कुशलं गृहे॥ 124.4 ॥

paṅkadigdhastu bharato jaṭilastvāṃ pratīkṣate| pāduke te puraskṛtya sarvaṃ ca kuśalaṃ gṛhe|| 124.4 ||

"कीचड़ से लिप्त और जटाधारी भरत तुम्हारी प्रतीक्षा कर रहा है, तुम्हारी खड़ाऊँ को आगे रखकर; घर में सब कुशल है।

श्लोक 5 (yuddha.124.5)

त्वां पुरा चीरवसनं प्रविशन्तं महावनम्। स्त्रीतृतीयं च्युतं राज्याद् धर्मकामं च केवलम्॥ 124.5 ॥

tvāṃ purā cīravasanaṃ praviśantaṃ mahāvanam| strītṛtīyaṃ cyutaṃ rājyād dharmakāmaṃ ca kevalam|| 124.5 ||

पहले जब मैंने तुम्हें वल्कल-वस्त्र पहने, महावन में प्रवेश करते, पत्नी को साथ लिए, केवल धर्म की कामना वाला,

श्लोक 6 (yuddha.124.6)

पदातिं त्यक्तसर्वस्वं पितृनिर्देशकारिणम्। सर्वभोगैः परित्यक्तं स्वर्गच्युतमिवामरम्॥ 124.6 ॥

padātiṃ tyaktasarvasvaṃ pitṛnirdeśakāriṇam| sarvabhogaiḥ parityaktaṃ svargacyutamivāmaram|| 124.6 ||

पैदल चलते, सब कुछ त्यागे हुए, पिता की आज्ञा का पालन करते हुए, सब भोगों से रहित, मानो स्वर्ग से च्युत देवता के समान देखा था,

श्लोक 7 (yuddha.124.7)

दृष्ट्वा तु करुणापूर्वं ममासीत् समितिंजय। कैकेयीवचने युक्तं वन्यमूलफलाशिनम्॥ 124.7 ॥

dṛṣṭvā tu karuṇāpūrvaṃ mamāsīt samitiṃjaya| kaikeyīvacane yuktaṃ vanyamūlaphalāśinam|| 124.7 ||

हे समितिंजय, कैकेयी के वचन के पालन में तत्पर और वन के कन्द-मूल-फल खाने वाला तुम्हें देखकर मुझे बड़ी करुणा हुई थी।

श्लोक 8 (yuddha.124.8)

साम्प्रतं तु समृद्धार्थं समित्रगणबान्धवम्। समीक्ष्य विजितारिं च ममाभूत् प्रीतिरुत्तमा॥ 124.8 ॥

sāmprataṃ tu samṛddhārthaṃ samitragaṇabāndhavam| samīkṣya vijitāriṃ ca mamābhūt prītiruttamā|| 124.8 ||

किन्तु अब समृद्ध, मित्रगण और बान्धवों सहित, तथा शत्रुओं को जीतकर आते हुए तुम्हें देखकर मुझे उत्तम प्रसन्नता हुई है।

श्लोक 9 (yuddha.124.9)

सर्वं च सुखदुःखं ते विदितं मम राघव। यत् त्वया विपुलं प्राप्तं जनस्थाननिवासिना॥ 124.9 ॥

sarvaṃ ca sukhaduḥkhaṃ te viditaṃ mama rāghava| yat tvayā vipulaṃ prāptaṃ janasthānanivāsinā|| 124.9 ||

हे राघव, जनस्थान में निवास करते हुए तुमने जो अपार सुख-दुःख पाया, वह सब मुझे ज्ञात है।

श्लोक 10 (yuddha.124.10)

ब्राह्मणार्थे नियुक्तस्य रक्षतः सर्वतापसान्। रावणेन हृता भार्या बभूवेयमनिन्दिता॥ 124.10 ॥

brāhmaṇārthe niyuktasya rakṣataḥ sarvatāpasān| rāvaṇena hṛtā bhāryā babhūveyamaninditā|| 124.10 ||

ब्राह्मणों के हित में नियुक्त, सब तपस्वियों की रक्षा करते हुए, तुम्हारी यह निर्दोष पत्नी रावण द्वारा हर ली गई थी।

श्लोक 11 (yuddha.124.11)

मारीचदर्शनं चैव सीतोन्मथनमेव च। कबन्धदर्शनं चैव पम्पाभिगमनं तथा॥ 124.11 ॥

mārīcadarśanaṃ caiva sītonmathanameva ca| kabandhadarśanaṃ caiva pampābhigamanaṃ tathā|| 124.11 ||

मारीच का प्रकट होना, सीता का हरण, कबन्ध का दर्शन, और पम्पा की ओर गमन,

श्लोक 12 (yuddha.124.12)

सुग्रीवेण च ते सख्यं यत्र वाली हतस्त्वया। मार्गणं चैव वैदेह्याः कर्म वातात्मजस्य च॥ 124.12 ॥

sugrīveṇa ca te sakhyaṃ yatra vālī hatastvayā| mārgaṇaṃ caiva vaidehyāḥ karma vātātmajasya ca|| 124.12 ||

सुग्रीव से तुम्हारी मित्रता, जहाँ वालि तुम्हारे हाथों मारा गया, वैदेही की खोज और वायुपुत्र हनुमान का पराक्रम,

श्लोक 13 (yuddha.124.13)

विदितायां च वैदेह्यां नलसेतुर्यथा कृतः। यथा चादीपिता लङ्का प्रहृष्टैर्हरियूथपैः॥ 124.13 ॥

viditāyāṃ ca vaidehyāṃ nalaseturyathā kṛtaḥ| yathā cādīpitā laṅkā prahṛṣṭairhariyūthapaiḥ|| 124.13 ||

वैदेही का पता चलने पर जिस प्रकार नल-सेतु बनाया गया, और हर्षित वानर-सेनापतियों द्वारा जिस प्रकार लंका जलाई गई,

श्लोक 14 (yuddha.124.14)

सपुत्रबान्धवामात्यः सबलः सहवाहनः। यथा च निहतः संख्ये रावणो बलदर्पितः॥ 124.14 ॥

saputrabāndhavāmātyaḥ sabalaḥ sahavāhanaḥ| yathā ca nihataḥ saṃkhye rāvaṇo baladarpitaḥ|| 124.14 ||

पुत्रों, बन्धुओं, मन्त्रियों, सेना और वाहनों सहित, बल के मद में चूर रावण जिस प्रकार युद्ध में मारा गया,

श्लोक 15 (yuddha.124.15)

यथा च निहते तस्मिन् रावणे देवकण्टके। समागमश्च त्रिदशैर्यथा दत्तश्च ते वरः॥ 124.15 ॥

yathā ca nihate tasmin rāvaṇe devakaṇṭake| samāgamaśca tridaśairyathā dattaśca te varaḥ|| 124.15 ||

और देवताओं के लिए कण्टकरूप उस रावण के मारे जाने पर देवताओं से जो भेंट हुई तथा जो वरदान तुम्हें मिला —

श्लोक 16 (yuddha.124.16)

सर्वं ममैतद् विदितं तपसा धर्मवत्सल। सम्पतन्ति च मे शिष्याः प्रवृत्त्याख्याः पुरीमितः॥ 124.16 ॥

sarvaṃ mamaitad viditaṃ tapasā dharmavatsala| sampatanti ca me śiṣyāḥ pravṛttyākhyāḥ purīmitaḥ|| 124.16 ||

हे धर्मवत्सल, यह सब मुझे अपनी तपस्या से ज्ञात है; मेरे शिष्य यहाँ से नगरी की ओर जाकर समाचार लाते रहते हैं।

श्लोक 17 (yuddha.124.17)

अहमप्यत्र ते दद्मि वरं शस्त्रभृतां वर। अर्घ्यं प्रतिगृहाणेदमयोध्यां श्वो गमिष्यसि॥ 124.17 ॥

ahamapyatra te dadmi varaṃ śastrabhṛtāṃ vara| arghyaṃ pratigṛhāṇedamayodhyāṃ śvo gamiṣyasi|| 124.17 ||

हे शस्त्रधारियों में श्रेष्ठ, मैं भी तुम्हें यहाँ एक वर देता हूँ — यह अर्घ्य ग्रहण करो, कल तुम अयोध्या जाओगे।"

श्लोक 18 (yuddha.124.18)

तस्य तच्छिरसा वाक्यं प्रतिगृह्य नृपात्मजः। बाढमित्येव संहृष्टः श्रीमान् वरमयाचत॥ 124.18 ॥

tasya tacchirasā vākyaṃ pratigṛhya nṛpātmajaḥ| bāḍhamityeva saṃhṛṣṭaḥ śrīmān varamayācata|| 124.18 ||

उस मुनि के इस वचन को सिर झुकाकर स्वीकार करते हुए, अत्यन्त प्रसन्न होकर, श्रीमान राजकुमार ने "अवश्य" कहकर एक वर माँगा —

श्लोक 19 (yuddha.124.19)

अकालफलिनो वृक्षाः सर्वे चापि मधुस्रवाः। फलान्यमृतगन्धीनि बहूनि विविधानि च॥ 124.19 ॥

akālaphalino vṛkṣāḥ sarve cāpi madhusravāḥ| phalānyamṛtagandhīni bahūni vividhāni ca|| 124.19 ||

"अयोध्या की ओर जाते समय मार्ग में सब वृक्ष असमय ही फल दें और मधु बहाएँ, तथा अमृत की सुगन्ध वाले अनेक प्रकार के फल

श्लोक 20 (yuddha.124.20)

भवन्तु मार्गे भगवन्नयोध्यां प्रति गच्छतः। तथेति च प्रतिज्ञाते वचनात् समनन्तरम्॥ 124.20 ॥

bhavantu mārge bhagavannayodhyāṃ prati gacchataḥ| tatheti ca pratijñāte vacanāt samanantaram|| 124.20 ||

हे भगवन्, प्रकट हों।" "तथास्तु" कहे जाने के तुरन्त बाद, उसी वचन के अनुसार,

श्लोक 21 (yuddha.124.21)

अभवन् पादपास्तत्र स्वर्गपादपसंनिभाः। निष्फलाः फलिनश्चासन् विपुष्पाः पुष्पशालिनः॥ 124.21 ॥

abhavan pādapāstatra svargapādapasaṃnibhāḥ| niṣphalāḥ phalinaścāsan vipuṣpāḥ puṣpaśālinaḥ|| 124.21 ||

वहाँ के वृक्ष स्वर्ग के वृक्षों के समान हो गए — निष्फल वृक्ष फलदार हो गए, बिना फूल वाले फूलों से लद गए,

श्लोक 22 (yuddha.124.22)

शुष्काः समग्रपत्रास्ते नगाश्चैव मधुस्रवाः। सर्वतो योजनास्तिस्रो गच्छतामभवंस्तदा॥ 124.22 ॥

śuṣkāḥ samagrapatrāste nagāścaiva madhusravāḥ| sarvato yojanāstisro gacchatāmabhavaṃstadā|| 124.22 ||

सूखे और पूरी पत्तियों वाले वृक्ष भी मधु बहाने लगे — तीन योजन की दूरी तक, चारों ओर, जिस मार्ग से वे जा रहे थे।

श्लोक 23 (yuddha.124.23)

ततः प्रहृष्टाः प्लवगर्षभास्ते बहूनि दिव्यानि फलानि चैव। कामादुपाश्नन्ति सहस्रशस्ते मुदान्विताः स्वर्गजितो यथैव॥ 124.23 ॥

tataḥ prahṛṣṭāḥ plavagarṣabhāste bahūni divyāni phalāni caiva| kāmādupāśnanti sahasraśaste mudānvitāḥ svargajito yathaiva|| 124.23 ||

तब वे हर्षित वानरश्रेष्ठ स्वर्ग-विजेताओं के समान प्रसन्नतापूर्वक उन अनेक दिव्य फलों को सहस्रों की संख्या में इच्छानुसार खाने लगे।