हनुमान द्वारा भरत को समाचार

श्लोक 1 (yuddha.125.1)

अयोध्यां तु समालोक्य चिन्तयामास राघवः। प्रियकामः प्रियं रामस्ततस्त्वरितविक्रमः॥ 125.1 ॥

ayodhyāṃ tu samālokya cintayāmāsa rāghavaḥ| priyakāmaḥ priyaṃ rāmastatastvaritavikramaḥ|| 125.1 ||

अयोध्या को देखकर, प्रिय-कार्य करने की इच्छा वाले और शीघ्र पराक्रमी राघव राम ने कोई प्रिय कार्य करने का विचार किया।

श्लोक 2 (yuddha.125.2)

चिन्तयित्वा ततो दृष्टिं वानरेषु न्यपातयत्। उवाच धीमांस्तेजस्वी हनूमन्तं प्लवंगमम्॥ 125.2 ॥

cintayitvā tato dṛṣṭiṃ vānareṣu nyapātayat| uvāca dhīmāṃstejasvī hanūmantaṃ plavaṃgamam|| 125.2 ||

इस प्रकार विचार करके, बुद्धिमान और तेजस्वी राम ने वानरों पर दृष्टि डाली और वानर हनुमान से कहा —

श्लोक 3 (yuddha.125.3)

अयोध्यां त्वरितो गत्वा शीघ्रं प्लवगसत्तम। जानीहि कच्चित् कुशली जनो नृपतिमन्दिरे॥ 125.3 ॥

ayodhyāṃ tvarito gatvā śīghraṃ plavagasattama| jānīhi kaccit kuśalī jano nṛpatimandire|| 125.3 ||

"हे वानरश्रेष्ठ, शीघ्रता से अयोध्या जाकर यह जान लो कि राजमहल में लोग कुशल तो हैं।

श्लोक 4 (yuddha.125.4)

शृङ्गवेरपुरं प्राप्य गुहं गहनगोचरम्। निषादाधिपतिं ब्रूहि कुशलं वचनान्मम॥ 125.4 ॥

śṛṅgaverapuraṃ prāpya guhaṃ gahanagocaram| niṣādādhipatiṃ brūhi kuśalaṃ vacanānmama|| 125.4 ||

श्रृंगवेरपुर पहुँचकर, वन में रहने वाले निषादराज गुह से मेरी ओर से कुशल-समाचार कहो।

श्लोक 5 (yuddha.125.5)

श्रुत्वा तु मां कुशलिनमरोगं विगतज्वरम्। भविष्यति गुहः प्रीतः स ममात्मसमः सखा॥ 125.5 ॥

śrutvā tu māṃ kuśalinamarogaṃ vigatajvaram| bhaviṣyati guhaḥ prītaḥ sa mamātmasamaḥ sakhā|| 125.5 ||

मुझे कुशल, नीरोग और चिन्तारहित सुनकर गुह प्रसन्न होगा — वह मेरा प्राणतुल्य सखा है।

श्लोक 6 (yuddha.125.6)

अयोध्यायाश्च ते मार्गं प्रवृत्तिं भरतस्य च। निवेदयिष्यति प्रीतो निषादाधिपतिर्गुहः॥ 125.6 ॥

ayodhyāyāśca te mārgaṃ pravṛttiṃ bharatasya ca| nivedayiṣyati prīto niṣādādhipatirguhaḥ|| 125.6 ||

प्रसन्न होकर वह निषादराज गुह तुम्हें अयोध्या का मार्ग और भरत का समाचार बताएगा।

श्लोक 7 (yuddha.125.7)

भरतस्तु त्वया वाच्यः कुशलं वचनान्मम। सिद्धार्थं शंस मां तस्मै सभार्यं सहलक्ष्मणम्॥ 125.7 ॥

bharatastu tvayā vācyaḥ kuśalaṃ vacanānmama| siddhārthaṃ śaṃsa māṃ tasmai sabhāryaṃ sahalakṣmaṇam|| 125.7 ||

भरत से भी तुम मेरी ओर से कुशल कहना; उसे बताना कि मैं अपनी पत्नी और लक्ष्मण सहित अपने कार्य को सिद्ध करके आ रहा हूँ।

श्लोक 8 (yuddha.125.8)

हरणं चापि वैदेह्या रावणेन बलीयसा। सुग्रीवेण च संवादं वालिनश्च वधं रणे॥ 125.8 ॥

haraṇaṃ cāpi vaidehyā rāvaṇena balīyasā| sugrīveṇa ca saṃvādaṃ vālinaśca vadhaṃ raṇe|| 125.8 ||

बलशाली रावण द्वारा वैदेही का हरण, सुग्रीव से हुई मेरी वार्ता, और युद्ध में वालि का वध — यह सब उसे बताना।

श्लोक 9 (yuddha.125.9)

मैथिल्यन्वेषणं चैव यथा चाधिगता त्वया। लङ्घयित्वा महातोयमापगापतिमव्ययम्॥ 125.9 ॥

maithilyanveṣaṇaṃ caiva yathā cādhigatā tvayā| laṅghayitvā mahātoyamāpagāpatimavyayam|| 125.9 ||

मैथिली की खोज, और अक्षय समुद्र को पार करके जिस प्रकार तुमने उसका पता पाया —

श्लोक 10 (yuddha.125.10)

उपयानं समुद्रस्य सागरस्य च दर्शनम्। यथा च कारितः सेतू रावणश्च यथा हतः॥ 125.10 ॥

upayānaṃ samudrasya sāgarasya ca darśanam| yathā ca kāritaḥ setū rāvaṇaśca yathā hataḥ|| 125.10 ||

समुद्र तक हमारा पहुँचना, सागर का दर्शन, जिस प्रकार सेतु बनाया गया और जिस प्रकार रावण मारा गया —

श्लोक 11 (yuddha.125.11)

वरदानं महेन्द्रेण ब्रह्मणा वरुणेन च। महादेवप्रसादाच्च पित्रा मम समागमम्॥ 125.11 ॥

varadānaṃ mahendreṇa brahmaṇā varuṇena ca| mahādevaprasādācca pitrā mama samāgamam|| 125.11 ||

महेन्द्र, ब्रह्मा और वरुण द्वारा वरदान, और महादेव की कृपा से मेरे (दिवंगत) पिता से हुई भेंट —

श्लोक 12 (yuddha.125.12)

उपयातं च मां सौम्य भरताय निवेदय। सह राक्षसराजेन हरीणामीश्वरेण च॥ 125.12 ॥

upayātaṃ ca māṃ saumya bharatāya nivedaya| saha rākṣasarājena harīṇāmīśvareṇa ca|| 125.12 ||

हे सौम्य, यह भी भरत को बताना कि मैं राक्षसराज विभीषण और वानरेश्वर सुग्रीव सहित निकट आ पहुँचा हूँ।

श्लोक 13 (yuddha.125.13)

जित्वा शत्रुगणान् रामः प्राप्य चानुत्तमं यशः। उपायाति समृद्धार्थः सह मित्रैर्महाबलैः॥ 125.13 ॥

jitvā śatrugaṇān rāmaḥ prāpya cānuttamaṃ yaśaḥ| upāyāti samṛddhārthaḥ saha mitrairmahābalaiḥ|| 125.13 ||

शत्रुगणों को जीतकर और अनुपम यश पाकर, अपने कार्य को सिद्ध करके राम अपने महाबली मित्रों सहित आ रहे हैं।"

श्लोक 14 (yuddha.125.14)

एतच्छ्रुत्वा यमाकारं भजते भरतस्ततः। स च ते वेदितव्यः स्यात् सर्वं यच्चापि मां प्रति॥ 125.14 ॥

etacchrutvā yamākāraṃ bhajate bharatastataḥ| sa ca te veditavyaḥ syāt sarvaṃ yaccāpi māṃ prati|| 125.14 ||

यह सुनकर भरत का मुख जैसा भाव धारण करे, वह सब तुम्हें जानना है, और मेरे प्रति उसका जो भी विचार हो, वह भी जानना है।

श्लोक 15 (yuddha.125.15)

ज्ञेयाः सर्वे च वृत्तान्ता भरतस्येङ्गितानि च। तत्त्वेन मुखवर्णेन दृष्ट्या व्याभाषितेन च॥ 125.15 ॥

jñeyāḥ sarve ca vṛttāntā bharatasyeṅgitāni ca| tattvena mukhavarṇena dṛṣṭyā vyābhāṣitena ca|| 125.15 ||

भरत के सब भाव और संकेत — उसके मुख के रंग से, दृष्टि से और बोलने के ढंग से — यथार्थतः जानने योग्य हैं।

श्लोक 16 (yuddha.125.16)

सर्वकामसमृद्धं हि हस्त्यश्वरथसंकुलम्। पितृपैतामहं राज्यं कस्य नावर्तयेन्मनः॥ 125.16 ॥

sarvakāmasamṛddhaṃ hi hastyaśvarathasaṃkulam| pitṛpaitāmahaṃ rājyaṃ kasya nāvartayenmanaḥ|| 125.16 ||

हाथी, घोड़े और रथों से भरा, सब कामनाओं से समृद्ध, पिता और पितामह से प्राप्त राज्य — किसका मन उससे न फिरे?

श्लोक 17 (yuddha.125.17)

संगत्या भरतः श्रीमान् राज्येनार्थी स्वयं भवेत्। प्रशास्तु वसुधां सर्वामखिलां रघुनन्दनः॥ 125.17 ॥

saṃgatyā bharataḥ śrīmān rājyenārthī svayaṃ bhavet| praśāstu vasudhāṃ sarvāmakhilāṃ raghunandanaḥ|| 125.17 ||

यदि दीर्घकाल से जुड़े रहने के कारण श्रीमान भरत स्वयं राज्य का इच्छुक हो, तो रघुनन्दन इस समस्त पृथ्वी पर शासन करे।

श्लोक 18 (yuddha.125.18)

तस्य बुद्धिं च विज्ञाय व्यवसायं च वानर। यावन्न दूरं याताः स्मः क्षिप्रमागन्तुमर्हसि॥ 125.18 ॥

tasya buddhiṃ ca vijñāya vyavasāyaṃ ca vānara| yāvanna dūraṃ yātāḥ smaḥ kṣipramāgantumarhasi|| 125.18 ||

हे वानर, उसकी बुद्धि और निश्चय को जानकर, हम जब तक दूर नहीं गए हैं, तब तक शीघ्र लौट आना उचित है।"

श्लोक 19 (yuddha.125.19)

इति प्रतिसमादिष्टो हनूमान् मारुतात्मजः। मानुषं धारयन् रूपमयोध्यां त्वरितो ययौ॥ 125.19 ॥

iti pratisamādiṣṭo hanūmān mārutātmajaḥ| mānuṣaṃ dhārayan rūpamayodhyāṃ tvarito yayau|| 125.19 ||

इस प्रकार आज्ञा पाकर वायुपुत्र हनुमान मनुष्य का रूप धारण किए हुए शीघ्रतापूर्वक अयोध्या की ओर चले।

श्लोक 20 (yuddha.125.20)

अथोत्पपात वेगेन हनूमान् मारुतात्मजः। गरुत्मानिव वेगेन जिघृक्षन्नुरगोत्तमम्॥ 125.20 ॥

athotpapāta vegena hanūmān mārutātmajaḥ| garutmāniva vegena jighṛkṣannuragottamam|| 125.20 ||

फिर वायुपुत्र हनुमान वेगपूर्वक उड़ चले, जैसे गरुड़ किसी श्रेष्ठ सर्प को पकड़ने के लिए वेग से उड़ते हैं।

श्लोक 21 (yuddha.125.21)

लङ्घयित्वा पितृपथं विहगेन्द्रालयं शुभम्। गङ्गायमुनयोर्भीमं समतीत्य समागमम्॥ 125.21 ॥

laṅghayitvā pitṛpathaṃ vihagendrālayaṃ śubham| gaṅgāyamunayorbhīmaṃ samatītya samāgamam|| 125.21 ||

पितरों के मार्ग, पक्षिराज के सुन्दर निवास आकाश को लाँघकर, गंगा और यमुना के भयानक संगम को पार करके,

श्लोक 22 (yuddha.125.22)

शृङ्गवेरपुरं प्राप्य गुहमासाद्य वीर्यवान्। स वाचा शुभया हृष्टो हनूमानिदमब्रवीत्॥ 125.22 ॥

śṛṅgaverapuraṃ prāpya guhamāsādya vīryavān| sa vācā śubhayā hṛṣṭo hanūmānidamabravīt|| 125.22 ||

श्रृंगवेरपुर पहुँचकर, वह वीर्यवान हनुमान गुह के पास जाकर, हर्षित होकर मधुर वाणी में यह बोला —

श्लोक 23 (yuddha.125.23)

सखा तु तव काकुत्स्थो रामः सत्यपराक्रमः। ससीतः सह सौमित्रिः स त्वां कुशलमब्रवीत्॥ 125.23 ॥

sakhā tu tava kākutstho rāmaḥ satyaparākramaḥ| sasītaḥ saha saumitriḥ sa tvāṃ kuśalamabravīt|| 125.23 ||

"तुम्हारा सखा, सत्यपराक्रमी काकुत्स्थ राम, सीता और लक्ष्मण सहित, तुम्हारा कुशल-समाचार पूछता है।

श्लोक 24 (yuddha.125.24)

पञ्चमीमद्य रजनीमुषित्वा वचनान्मुनेः। भरद्वाजाभ्यनुज्ञातं द्रक्ष्यस्यत्रैव राघवम्॥ 125.24 ॥

pañcamīmadya rajanīmuṣitvā vacanānmuneḥ| bharadvājābhyanujñātaṃ drakṣyasyatraiva rāghavam|| 125.24 ||

आज पंचमी की रात्रि मुनि के वचनानुसार बिताकर, भरद्वाज से अनुमति पाकर, तुम आज ही यहाँ राघव को देखोगे।"

श्लोक 25 (yuddha.125.25)

एवमुक्त्वा महातेजाः सम्प्रहृष्टतनूरुहः। उत्पपात महावेगाद् वेगवानविचारयन्॥ 125.25 ॥

evamuktvā mahātejāḥ samprahṛṣṭatanūruhaḥ| utpapāta mahāvegād vegavānavicārayan|| 125.25 ||

यह कहकर, अत्यन्त तेजस्वी और हर्ष से रोमांचित हनुमान बिना कुछ और सोचे महावेग से उछल पड़े।

श्लोक 26 (yuddha.125.26)

सोऽपश्यद् रामतीर्थं च नदीं वालुकिनीं तथा। वरूथीं गोमतीं चैव भीमं शालवनं तथा॥ 125.26 ॥

so'paśyad rāmatīrthaṃ ca nadīṃ vālukinīṃ tathā| varūthīṃ gomatīṃ caiva bhīmaṃ śālavanaṃ tathā|| 125.26 ||

उन्होंने रामतीर्थ को देखा, तथा वालुकिनी नदी को, वरूथी और गोमती को भी, तथा भयानक शालवन को,

श्लोक 27 (yuddha.125.27)

प्रजाश्च बहुसाहस्रीः स्फीताञ्जनपदानपि। स गत्वा दूरमध्वानं त्वरितः कपिकुञ्जरः॥ 125.27 ॥

prajāśca bahusāhasrīḥ sphītāñjanapadānapi| sa gatvā dūramadhvānaṃ tvaritaḥ kapikuñjaraḥ|| 125.27 ||

और सहस्रों प्रजाओं तथा समृद्ध जनपदों को भी। वह श्रेष्ठ वानर लम्बी दूरी तेजी से पार करके,

श्लोक 28 (yuddha.125.28)

आससाद द्रुमान् फुल्लान् नन्दिग्रामसमीपगान्। सुराधिपस्योपवने यथा चैत्ररथे द्रुमान्॥ 125.28 ॥

āsasāda drumān phullān nandigrāmasamīpagān| surādhipasyopavane yathā caitrarathe drumān|| 125.28 ||

नन्दिग्राम के निकट खिले हुए वृक्षों तक पहुँचे — जैसे देवराज के उपवन में या चैत्ररथ वन में वृक्ष हों,

श्लोक 29 (yuddha.125.29)

स्त्रीभिः सपुत्रैः पौत्रैश्च रममाणैः स्वलंकृतैः। क्रोशमात्रे त्वयोध्यायाश्चीरकृष्णाजिनाम्बरम्॥ 125.29 ॥

strībhiḥ saputraiḥ pautraiśca ramamāṇaiḥ svalaṃkṛtaiḥ| krośamātre tvayodhyāyāścīrakṛṣṇājināmbaram|| 125.29 ||

स्त्रियों, पुत्रों और नाती-पोतों सहित, भलीभाँति सज्जित होकर विचरण करते हुए। अयोध्या से एक कोस की दूरी पर, वल्कल और काले मृगचर्म धारण किए हुए,

श्लोक 30 (yuddha.125.30)

ददर्श भरतं दीनं कृशमाश्रमवासिनम्। जटिलं मलदिग्धाङ्गं भ्रातृव्यसनकर्शितम्॥ 125.30 ॥

dadarśa bharataṃ dīnaṃ kṛśamāśramavāsinam| jaṭilaṃ maladigdhāṅgaṃ bhrātṛvyasanakarśitam|| 125.30 ||

उन्होंने भरत को दीन, कृश, आश्रम में रहने वाला, जटाधारी, धूल से लिप्त अंगों वाला और भाई के वियोग से क्षीण देखा,

श्लोक 31 (yuddha.125.31)

फलमूलाशिनं दान्तं तापसं धर्मचारिणम्। समुन्नतजटाभारं वल्कलाजिनवाससम्॥ 125.31 ॥

phalamūlāśinaṃ dāntaṃ tāpasaṃ dharmacāriṇam| samunnatajaṭābhāraṃ valkalājinavāsasam|| 125.31 ||

फल-मूल खाने वाला, इन्द्रियों को वश में रखने वाला, तपस्वी, धर्माचारी, ऊँची जटाओं की राशि वाला, वल्कल और मृगचर्म पहने हुए,

श्लोक 32 (yuddha.125.32)

नियतं भावितात्मानं ब्रह्मर्षिसमतेजसम्। पादुके ते पुरस्कृत्य प्रशासन्तं वसुंधराम्॥ 125.32 ॥

niyataṃ bhāvitātmānaṃ brahmarṣisamatejasam| pāduke te puraskṛtya praśāsantaṃ vasuṃdharām|| 125.32 ||

संयमी, आत्मस्थ, ब्रह्मर्षि के समान तेजस्वी, राम की खड़ाऊँ को आगे रखकर पृथ्वी का शासन करते हुए,

श्लोक 33 (yuddha.125.33)

चातुर्वर्ण्यस्य लोकस्य त्रातारं सर्वतो भयात्। उपस्थितममात्यैश्च शुचिभिश्च पुरोहितैः॥ 125.33 ॥

cāturvarṇyasya lokasya trātāraṃ sarvato bhayāt| upasthitamamātyaiśca śucibhiśca purohitaiḥ|| 125.33 ||

सब प्रकार के भय से चारों वर्णों के लोगों की रक्षा करते हुए, पवित्र मन्त्रियों और पुरोहितों सहित उपस्थित,

श्लोक 34 (yuddha.125.34)

बलमुख्यैश्च युक्तैश्च काषायाम्बरधारिभिः। नहि ते राजपुत्रं तं चीरकृष्णाजिनाम्बरम्॥ 125.34 ॥

balamukhyaiśca yuktaiśca kāṣāyāmbaradhāribhiḥ| nahi te rājaputraṃ taṃ cīrakṛṣṇājināmbaram|| 125.34 ||

तथा गेरुए वस्त्र धारण किए हुए योग्य सेनानायकों सहित। धर्मवत्सल नगरवासी उस वल्कल और मृगचर्म पहने राजकुमार को

श्लोक 35 (yuddha.125.35)

परिभोक्तुं व्यवस्यन्ति पौरा वै धर्मवत्सलाः। तं धर्ममिव धर्मज्ञं देहबन्धमिवापरम्॥ 125.35 ॥

paribhoktuṃ vyavasyanti paurā vai dharmavatsalāḥ| taṃ dharmamiva dharmajñaṃ dehabandhamivāparam|| 125.35 ||

भोग-विलास में छोड़कर सुख भोगना उचित नहीं समझते थे — उस धर्मज्ञ को मानो साक्षात धर्म हो, मानो देह धारण किए हुए एक और धर्म हो।

श्लोक 36 (yuddha.125.36)

उवाच प्राञ्जलिर्वाक्यं हनूमान् मारुतात्मजः। वसन्तं दण्डकारण्ये यं त्वं चीरजटाधरम्॥ 125.36 ॥

uvāca prāñjalirvākyaṃ hanūmān mārutātmajaḥ| vasantaṃ daṇḍakāraṇye yaṃ tvaṃ cīrajaṭādharam|| 125.36 ||

हनुमान ने हाथ जोड़कर कहा — "दण्डकारण्य में वल्कल और जटा धारण किए रहने वाले जिस काकुत्स्थ राम के लिए तुम शोक करते हो,

श्लोक 37 (yuddha.125.37)

अनुशोचसि काकुत्स्थं स त्वां कौशलमब्रवीत्। प्रियमाख्यामि ते देव शोकं त्यज सुदारुणम्॥ 125.37 ॥

anuśocasi kākutsthaṃ sa tvāṃ kauśalamabravīt| priyamākhyāmi te deva śokaṃ tyaja sudāruṇam|| 125.37 ||

उसी ने तुम्हारा कुशल पूछा है। हे देव, मैं तुम्हें प्रिय समाचार सुनाता हूँ — इस भीषण शोक को त्याग दो।

श्लोक 38 (yuddha.125.38)

अस्मिन् मुहूर्ते भ्रात्रा त्वं रामेण सह संगतः। निहत्य रावणं रामः प्रतिलभ्य च मैथिलीम्॥ 125.38 ॥

asmin muhūrte bhrātrā tvaṃ rāmeṇa saha saṃgataḥ| nihatya rāvaṇaṃ rāmaḥ pratilabhya ca maithilīm|| 125.38 ||

इसी क्षण तुम अपने भाई राम से मिलने वाले हो। रावण का वध करके और मैथिली को पुनः पाकर राम,

श्लोक 39 (yuddha.125.39)

उपयाति समृद्धार्थः सह मित्रैर्महाबलैः। लक्ष्मणश्च महातेजा वैदेही च यशस्विनी। सीता समग्रा रामेण महेन्द्रेण शची यथा॥ 125.39 ॥

upayāti samṛddhārthaḥ saha mitrairmahābalaiḥ| lakṣmaṇaśca mahātejā vaidehī ca yaśasvinī| sītā samagrā rāmeṇa mahendreṇa śacī yathā|| 125.39 ||

अपना कार्य सिद्ध करके अपने महाबली मित्रों सहित आ रहे हैं। महातेजस्वी लक्ष्मण और यशस्विनी वैदेही भी आ रहे हैं — सीता राम के साथ पूर्ण रूप से वैसे ही है जैसे शची इन्द्र के साथ।"

श्लोक 40 (yuddha.125.40)

एवमुक्तो हनुमता भरतः कैकयीसुतः। पपात सहसा हृष्टो हर्षान्मोहमुपागमत्॥ 125.40 ॥

evamukto hanumatā bharataḥ kaikayīsutaḥ| papāta sahasā hṛṣṭo harṣānmohamupāgamat|| 125.40 ||

हनुमान के इस प्रकार कहने पर कैकेयी-पुत्र भरत हर्षित होकर सहसा भूमि पर गिर पड़े और हर्ष के आवेश में मूर्च्छित हो गए।

श्लोक 41 (yuddha.125.41)

ततो मुहूर्तादुत्थाय प्रत्याश्वस्य च राघवः। हनूमन्तमुवाचेदं भरतः प्रियवादिनम्॥ 125.41 ॥

tato muhūrtādutthāya pratyāśvasya ca rāghavaḥ| hanūmantamuvācedaṃ bharataḥ priyavādinam|| 125.41 ||

फिर कुछ ही क्षण में उठकर और सचेत होकर, रघुवंशी भरत ने प्रिय बोलने वाले हनुमान से यह कहा —

श्लोक 42 (yuddha.125.42)

अशोकजैः प्रीतिमयैः कपिमालिङ्ग्य सम्भ्रमात्। सिषेच भरतः श्रीमान् विपुलैरश्रुबिन्दुभिः॥ 125.42 ॥

aśokajaiḥ prītimayaiḥ kapimāliṅgya sambhramāt| siṣeca bharataḥ śrīmān vipulairaśrubindubhiḥ|| 125.42 ||

प्रेम से उमड़े हर्ष के आँसुओं की अशोक-धाराओं से, घबराहट में वानर को आलिंगन करते हुए, श्रीमान भरत ने उसे भिगो दिया।

श्लोक 43 (yuddha.125.43)

देवो वा मानुषो वा त्वमनुक्रोशादिहागतः। प्रियाख्यानस्य ते सौम्य ददामि ब्रुवतः प्रियम्॥ 125.43 ॥

devo vā mānuṣo vā tvamanukrośādihāgataḥ| priyākhyānasya te saumya dadāmi bruvataḥ priyam|| 125.43 ||

"क्या तुम देव हो या मनुष्य, जो करुणावश यहाँ आए हो? हे सौम्य, इस प्रिय समाचार के कहने वाले तुम्हें मैं यह प्रिय वस्तु देता हूँ —

श्लोक 44 (yuddha.125.44)

गवां शतसहस्रं च ग्रामाणां च शतं परम्। सकुण्डलाः शुभाचारा भार्याः कन्यास्तु षोडश॥ 125.44 ॥

gavāṃ śatasahasraṃ ca grāmāṇāṃ ca śataṃ param| sakuṇḍalāḥ śubhācārā bhāryāḥ kanyāstu ṣoḍaśa|| 125.44 ||

एक लाख गायें और उत्तम सौ ग्राम, और कुण्डल धारण करने वाली, सदाचारिणी सोलह कन्याएँ पत्नी के रूप में,

श्लोक 45 (yuddha.125.45)

हेमवर्णाः सुनासोरूः शशिसौम्याननाः स्त्रियः। सर्वाभरणसम्पन्नाः सम्पन्नाः कुलजातिभिः॥ 125.45 ॥

hemavarṇāḥ sunāsorūḥ śaśisaumyānanāḥ striyaḥ| sarvābharaṇasampannāḥ sampannāḥ kulajātibhiḥ|| 125.45 ||

स्वर्ण-वर्ण, सुन्दर नाक-जंघाओं वाली, चन्द्रमा-सी सौम्य मुखाकृति वाली, सर्व आभूषणों से सम्पन्न और कुलीन वंश में उत्पन्न स्त्रियाँ।"

श्लोक 46 (yuddha.125.46)

निशम्य रामागमनं नृपात्मजः कपिप्रवीरस्य तदाद्भुतोपमम्। प्रहर्षितो रामदिदृक्षयाभवत् पुनश्च हर्षादिदमब्रवीद् वचः॥ 125.46 ॥

niśamya rāmāgamanaṃ nṛpātmajaḥ kapipravīrasya tadādbhutopamam| praharṣito rāmadidṛkṣayābhavat punaśca harṣādidamabravīd vacaḥ|| 125.46 ||

श्रेष्ठ वानर हनुमान से राम के आगमन का यह अद्भुत-सा समाचार सुनकर, राजकुमार भरत राम को देखने की उत्कण्ठा से अत्यन्त हर्षित हो उठे और हर्षपूर्वक पुनः यह वचन बोले।