भरत को हनुमान का वृत्तान्त-कथन

श्लोक 1 (yuddha.126.1)

बहूनि नाम वर्षाणि गतस्य सुमहद्वनम्। शृणोम्यहं प्रीतिकरं मम नाथस्य कीर्तनम् ॥ 126.1 ॥

bahūni nāma varṣāṇi gatasya sumahadvanam| śṛṇomyahaṃ prītikaraṃ mama nāthasya kīrtanam || 126.1 ||

"आज इतने वर्षों बाद, जब मेरे स्वामी उस विशाल वन में गए हुए हैं, मैं उनके विषय में यह आनन्ददायक वृत्तान्त सुन रहा हूँ।

श्लोक 2 (yuddha.126.2)

कल्याणी बत गाथेयं लौकिकी प्रतिभाति मे। एति जीवन्तमानन्दो नरं वर्षशतादपि ॥ 126.2 ॥

kalyāṇī bata gātheyaṃ laukikī pratibhāti me| eti jīvantamānando naraṃ varṣaśatādapi || 126.2 ||

सच ही यह लोकोक्ति मुझे सुन्दर जान पड़ती है, कि आनन्द जीवित मनुष्य को सौ वर्ष बीत जाने पर भी अवश्य प्राप्त होता है।"

श्लोक 3 (yuddha.126.3)

राघवस्य हरीणां च कथमासीत्समागमः। कस्मिन्देशे किमाश्रित्य तत्त्वमाख्याहि पृच्छतः ॥ 126.3 ॥

rāghavasya harīṇāṃ ca kathamāsītsamāgamaḥ| kasmindeśe kimāśritya tattvamākhyāhi pṛcchataḥ || 126.3 ||

"राघव और वानरों की भेंट किस प्रकार हुई? किस देश में, किस कारण से? मुझे पूछते हुए यह सत्य-वृत्तान्त बताओ।"

श्लोक 4 (yuddha.126.4)

स पृष्टो राजपुत्रेण बृस्यां समुपवेशितः। आचचक्षे ततः सर्वं रामस्य चरितं वने ॥ 126.4 ॥

sa pṛṣṭo rājaputreṇa bṛsyāṃ samupaveśitaḥ| ācacakṣe tataḥ sarvaṃ rāmasya caritaṃ vane || 126.4 ||

राजकुमार भरत द्वारा इस प्रकार पूछे जाने पर, आसन पर विराजमान हनुमान ने तब वन में राम के समस्त चरित्र का वर्णन करना आरम्भ किया।

श्लोक 5 (yuddha.126.5)

यथा प्रव्रजितो रामो मातुर्दत्ते वरे तव। यथा च पुत्रशोकेन राजा दशरथो मृतः ॥ 126.5 ॥

yathā pravrajito rāmo māturdatte vare tava| yathā ca putraśokena rājā daśaratho mṛtaḥ || 126.5 ||

"जिस प्रकार आपकी माता को दिए गए वर के कारण राम को वनवास हुआ, और जिस प्रकार पुत्र-शोक से राजा दशरथ की मृत्यु हुई,

श्लोक 6 (yuddha.126.6)

यथा दूतैस्त्वमानीतस्तूर्णं राजगृहात्प्रभो। त्वयायोध्यां प्रविष्टेन यथा राज्यं न चेप्सितम् ॥ 126.6 ॥

yathā dūtaistvamānītastūrṇaṃ rājagṛhātprabho| tvayāyodhyāṃ praviṣṭena yathā rājyaṃ na cepsitam || 126.6 ||

जिस प्रकार हे प्रभु, दूतों द्वारा आपको शीघ्र ही राजगृह (ननिहाल) से बुलाया गया, और जिस प्रकार अयोध्या में प्रवेश करते हुए भी आपने राज्य की इच्छा नहीं की,

श्लोक 7 (yuddha.126.7)

चित्रकूटं गिरिं गत्वा राज्येनामित्रकर्शनः। निमन्त्रितस्त्वया भ्राता धर्ममाचरिता सताम् ॥ 126.7 ॥

citrakūṭaṃ giriṃ gatvā rājyenāmitrakarśanaḥ| nimantritastvayā bhrātā dharmamācaritā satām || 126.7 ||

जिस प्रकार शत्रुओं को संतप्त करने वाले आपने चित्रकूट पर्वत पर जाकर, धर्म का आचरण करने वाले अपने भाई को राज्य लेने हेतु निमन्त्रित किया,

श्लोक 8 (yuddha.126.8)

स्थितेन राज्ञो वचने यथा राज्यं विसर्जितम्। आर्यस्य पादुके गृह्य यथासि पुनरागतः ॥ 126.8 ॥

sthitena rājño vacane yathā rājyaṃ visarjitam| āryasya pāduke gṛhya yathāsi punarāgataḥ || 126.8 ||

जिस प्रकार पिता के वचन पर दृढ़ रहते हुए राम द्वारा राज्य त्याग दिया गया, और जिस प्रकार आर्य की चरण-पादुकाएँ लेकर आप पुनः लौट आए —

श्लोक 9 (yuddha.126.9)

सर्वमेतन्महाबाहो यथावद्विदितं तव। त्वयि प्रतिप्रयाते तु यद्वृत्तं तन्निबोध मे ॥ 126.9 ॥

sarvametanmahābāho yathāvadviditaṃ tava| tvayi pratiprayāte tu yadvṛttaṃ tannibodha me || 126.9 ||

हे महाबाहो, यह सब कुछ आपको यथावत् ज्ञात है। किन्तु आपके लौट आने के पश्चात् जो कुछ भी घटित हुआ, वह मुझसे सुनिए।

श्लोक 10 (yuddha.126.10)

अपयाते त्वयि तदा समुद्भ्रान्तमृगद्विजम्। प्रविवेशाथ विजनं सुमहद्दण्डकावनम् ॥ 126.10 ॥

apayāte tvayi tadā samudbhrāntamṛgadvijam| praviveśātha vijanaṃ sumahaddaṇḍakāvanam || 126.10 ||

"आपके चले जाने पर, वह वन (चित्रकूट) भयभीत पशु-पक्षियों के कारण अत्यन्त उजाड़ और शोकपूर्ण दिखाई देने लगा।

श्लोक 11 (yuddha.126.11)

तद्धस्तिमृदितं घोरं सिंहवाग्रमृगाकुलम्। प्रविवेशाथ विजनं स महद्दण्डकावनम् ॥ 126.11 ॥

taddhastimṛditaṃ ghoraṃ siṃhavāgramṛgākulam| praviveśātha vijanaṃ sa mahaddaṇḍakāvanam || 126.11 ||

हाथियों द्वारा रौंदा गया वह भयंकर वन, सिंह, व्याघ्र और मृगों से भरा हुआ था; राम उस निर्जन और विशाल दण्डकवन में प्रविष्ट हुए।

श्लोक 12 (yuddha.126.12)

तेषां पुरस्ताद्बलवान्गच्छतां गहने वने। विनदन्सुमहानादं विराधः प्रत्यदृश्यत ॥ 126.12 ॥

teṣāṃ purastādbalavāngacchatāṃ gahane vane| vinadansumahānādaṃ virādhaḥ pratyadṛśyata || 126.12 ||

उस सघन वन में जाते हुए उनके सम्मुख विराध नामक बलवान् राक्षस अत्यन्त भयंकर गर्जना करता हुआ प्रकट हुआ।

श्लोक 13 (yuddha.126.13)

तमुत्क्षिप्य महानादमूर्ध्वबाहुमधोमुखम्। निखाते प्रक्षिपन्ति स्म नदन्तमिव कुञ्जरम् ॥ 126.13 ॥

tamutkṣipya mahānādamūrdhvabāhumadhomukham| nikhāte prakṣipanti sma nadantamiva kuñjaram || 126.13 ||

ऊपर को उठी भुजाओं और नीचे को झुके मुख वाले, हाथी के समान चीत्कार करते हुए उस राक्षस को उन्होंने उठाकर एक गड्ढे में फेंक दिया।

श्लोक 14 (yuddha.126.14)

तत्कृत्वा दुष्करं कर्म भ्रातरौ रामलक्ष्मणौ। सायाह्ने शरभङ्गस्य रम्यमाश्रममीयतुः ॥ 126.14 ॥

tatkṛtvā duṣkaraṃ karma bhrātarau rāmalakṣmaṇau| sāyāhne śarabhaṅgasya ramyamāśramamīyatuḥ || 126.14 ||

वह दुष्कर कार्य करके राम और लक्ष्मण दोनों भाई सायंकाल शरभंग ऋषि के रमणीय आश्रम में पहुँचे।

श्लोक 15 (yuddha.126.15)

शरभङ्गे दिवं प्राप्ते रामः सत्यपराक्रमः। अभिवाद्य मुनीन्सर्वाञ्जनस्थानमुपागमत् ॥ 126.15 ॥

śarabhaṅge divaṃ prāpte rāmaḥ satyaparākramaḥ| abhivādya munīnsarvāñjanasthānamupāgamat || 126.15 ||

जब शरभंग स्वर्ग को प्राप्त हुए, तब सत्यपराक्रमी राम ने समस्त मुनियों को प्रणाम कर जनस्थान की ओर प्रस्थान किया।

श्लोक 16 (yuddha.126.16)

पश्चाच्चूर्पणखा नाम रामपार्श्वमुपागता। ततो रामेण संदिष्टो लक्ष्मणः सहसोत्थितः ॥ 126.16 ॥

paścāccūrpaṇakhā nāma rāmapārśvamupāgatā| tato rāmeṇa saṃdiṣṭo lakṣmaṇaḥ sahasotthitaḥ || 126.16 ||

इसके पश्चात् शूर्पणखा नामक राक्षसी राम के पास आई। तब राम की आज्ञा पाकर लक्ष्मण तुरन्त उठ खड़े हुए,

श्लोक 17 (yuddha.126.17)

प्रगृह्य खड्गं चिच्छेद कर्णनासे महाबलः। चतुर्दशसहस्राणि रक्षसां भीमकर्मणाम्। हतानि वसता तत्र राघवेण महात्मना ॥ 126.17 ॥

pragṛhya khaḍgaṃ ciccheda karṇanāse mahābalaḥ| caturdaśasahasrāṇi rakṣasāṃ bhīmakarmaṇām| hatāni vasatā tatra rāghaveṇa mahātmanā || 126.17 ||

और तलवार उठाकर उसके कान-नाक काट डाले। उसी जनस्थान में रहते हुए महात्मा राघव ने भयंकर कर्म करने वाले चौदह हज़ार राक्षसों का वध किया।

श्लोक 18 (yuddha.126.18)

एकेन सह संगम्य रामेण रणमूर्धनि। अह्नश्चतुर्थभागेन निःशेषा राक्षसाः कृताः ॥ 126.18 ॥

ekena saha saṃgamya rāmeṇa raṇamūrdhani| ahnaścaturthabhāgena niḥśeṣā rākṣasāḥ kṛtāḥ || 126.18 ||

रणभूमि के मोर्चे पर एकत्र हुए उन राक्षसों को राम अकेले ही, दिन के चौथे भाग में ही, पूर्णतः समाप्त कर चुके थे।

श्लोक 19 (yuddha.126.19)

महाबला महावीर्यास्तपसो विघ्नकारिणः ॥ 126.19 ॥

mahābalā mahāvīryāstapaso vighnakāriṇaḥ || 126.19 ||

वे महाबली, महापराक्रमी राक्षस तपस्या में विघ्न डालने वाले थे।

श्लोक 20 (yuddha.126.20)

निहता राघवेणाजौ दण्डकारण्यवासिनः। राक्षसाश्च विनिष्पिष्टाः खरश्च निहतो रणे ॥ 126.20 ॥

nihatā rāghaveṇājau daṇḍakāraṇyavāsinaḥ| rākṣasāśca viniṣpiṣṭāḥ kharaśca nihato raṇe || 126.20 ||

राघव ने उस युद्ध में दण्डकारण्य के निवासी राक्षसों का वध कर दिया; वे राक्षस चूर-चूर हो गए, और खर भी युद्ध में मारा गया।

श्लोक 21 (yuddha.126.21)

दूषणं चाग्रतो हत्वा त्रिशिरास्तदनन्तम्। ततस्तेनार्दिता बाला रावणं समुपागता ॥ 126.21 ॥

dūṣaṇaṃ cāgrato hatvā triśirāstadanantam| tatastenārditā bālā rāvaṇaṃ samupāgatā || 126.21 ||

पहले दूषण को मारकर, फिर उसी के पश्चात् त्रिशिरा को भी मार डाला। इससे पीड़ित होकर वह बाला (शूर्पणखा) रावण के पास गई।

श्लोक 22 (yuddha.126.22)

रावणानुचरो घोरो मारीचो नाम राक्षसः। लोभयामास वैदेहीं भूत्वा रत्नमयो मृगः ॥ 126.22 ॥

rāvaṇānucaro ghoro mārīco nāma rākṣasaḥ| lobhayāmāsa vaidehīṃ bhūtvā ratnamayo mṛgaḥ || 126.22 ||

रावण का अनुचर, मारीच नामक भयंकर राक्षस, रत्नजड़ित मृग का रूप धारण कर वैदेही को लुभाने लगा।

श्लोक 23 (yuddha.126.23)

सा राममब्रवीद्दृष्ट्वा वैदेही गृह्यतामिति। अयं मनोहरः कान्त आश्रमो नो भविष्यति ॥ 126.23 ॥

sā rāmamabravīddṛṣṭvā vaidehī gṛhyatāmiti| ayaṃ manoharaḥ kānta āśramo no bhaviṣyati || 126.23 ||

उसे देखकर वैदेही ने राम से कहा — 'इसे पकड़ लीजिए, यह मनोहर और प्रिय मृग हमारे आश्रम की शोभा बनेगा।'

श्लोक 24 (yuddha.126.24)

ततो रामो धनुष्पाणिर्धावन्तमनुधावति। स तं जघान धावन्तं शरेणानतपर्वणा ॥ 126.24 ॥

tato rāmo dhanuṣpāṇirdhāvantamanudhāvati| sa taṃ jaghāna dhāvantaṃ śareṇānataparvaṇā || 126.24 ||

तब धनुष हाथ में लेकर राम उस भागते हुए मृग के पीछे दौड़े, और दौड़ते हुए उसे उन्होंने एक टेढ़ी गाँठ वाले बाण से मार गिराया।

श्लोक 25 (yuddha.126.25)

अथ सौम्या दशग्रीवो मृगं याते तु राघवे। लक्ष्मणे चापि निष्क्रान्ते प्रविवेशाश्रमं तदा ॥ 126.25 ॥

atha saumyā daśagrīvo mṛgaṃ yāte tu rāghave| lakṣmaṇe cāpi niṣkrānte praviveśāśramaṃ tadā || 126.25 ||

हे सौम्य! जब राघव मृग के पीछे गए हुए थे और लक्ष्मण भी आश्रम से बाहर निकल गए थे, तभी दशग्रीव (रावण) आश्रम में प्रविष्ट हुआ।

श्लोक 26 (yuddha.126.26)

जग्राह तरसा सीतां ग्रहः खे रोहिणीम् इव। त्रातुकामं ततो युद्धे हत्वा गृध्रं जटायुषम् ॥ 126.26 ॥

jagrāha tarasā sītāṃ grahaḥ khe rohiṇīm iva| trātukāmaṃ tato yuddhe hatvā gṛdhraṃ jaṭāyuṣam || 126.26 ||

जैसे आकाश में ग्रह रोहिणी को ग्रस लेता है, वैसे ही उसने वेगपूर्वक सीता को पकड़ लिया; और उन्हें बचाने आए गृध्र जटायु को युद्ध में मारकर,

श्लोक 27 (yuddha.126.27)

प्रगृह्य सहसा सीतां जगामाशु स राक्षसः। ततस्त्वद्भुतसङ्काशाः स्थिताः पर्वतमूर्धनि ॥ 126.27 ॥

pragṛhya sahasā sītāṃ jagāmāśu sa rākṣasaḥ| tatastvadbhutasaṅkāśāḥ sthitāḥ parvatamūrdhani || 126.27 ||

वह राक्षस सीता को बलपूर्वक पकड़कर तुरन्त चल पड़ा। तब पर्वत-शिखर पर खड़े कुछ अद्भुत-प्रतीत होने वाले वानरों ने,

श्लोक 28 (yuddha.126.28)

सीतां गृहीत्वा गच्छन्तं वानराः पर्वतोपमाः। ददृशुर्विस्मितास्तत्र रावणं राक्षसाधिपम् ॥ 126.28 ॥

sītāṃ gṛhītvā gacchantaṃ vānarāḥ parvatopamāḥ| dadṛśurvismitāstatra rāvaṇaṃ rākṣasādhipam || 126.28 ||

पर्वत के समान विशालकाय उन वानरों ने सीता को लिए जाते हुए राक्षसराज रावण को विस्मित होकर देखा।

श्लोक 29 (yuddha.126.29)

ततः शीघ्रतरं गत्वा तद्विमानं मनोजवम्। आरुह्य सह वैदेह्या पुष्पकं स महाबलः ॥ 126.29 ॥

tataḥ śīghrataraṃ gatvā tadvimānaṃ manojavam| āruhya saha vaidehyā puṣpakaṃ sa mahābalaḥ || 126.29 ||

तदनन्तर वह महाबली रावण अत्यन्त वेग से जाकर, मन के समान तीव्रगामी उस पुष्पक विमान पर वैदेही सहित चढ़कर,

श्लोक 30 (yuddha.126.30)

प्रविवेश तदा लङ्कां रावणो लोकरावणः। तां सुवर्णपरिक्रान्ते शुभे महति वेश्मनि ॥ 126.30 ॥

praviveśa tadā laṅkāṃ rāvaṇo lokarāvaṇaḥ| tāṃ suvarṇaparikrānte śubhe mahati veśmani || 126.30 ||

और उसने संसार को रुलाने वाले रावण ने तब लंका में प्रवेश किया; और उस स्वर्णजड़ित, शुभ एवं विशाल भवन में सीता को —

श्लोक 31 (yuddha.126.31)

प्रवेश्य मैथिलीं वाक्यैः सान्त्वयामास रावणः। तृणवद्भाषितं तस्य तं च नैरृतपुंगवम् ॥ 126.31 ॥

praveśya maithilīṃ vākyaiḥ sāntvayāmāsa rāvaṇaḥ| tṛṇavadbhāṣitaṃ tasya taṃ ca nairṛtapuṃgavam || 126.31 ||

मैथिली को प्रविष्ट कराकर रावण ने उसे मीठे वचनों से समझाने का प्रयत्न किया; किन्तु उस निशाचरश्रेष्ठ के उस भाषण को उसने तृण के समान तुच्छ माना।

श्लोक 32 (yuddha.126.32)

अचिन्तयन्ती वैदेही ह्यशोकवनिकां गता। न्यवर्तत तदा रामो मृगं हत्वा तदा वने ॥ 126.32 ॥

acintayantī vaidehī hyaśokavanikāṃ gatā| nyavartata tadā rāmo mṛgaṃ hatvā tadā vane || 126.32 ||

वैदेही किसी और चिन्ता में डूबी हुई अशोक-वाटिका में पहुँचा दी गई। उधर राम मृग को मारकर वन से वापस लौटे।

श्लोक 33 (yuddha.126.33)

निवर्तमानः काकुत्स्थो दृष्ट्वा गृध्रं प्रविव्यथे। गृध्रं हतं तदा दग्ध्वा रामः प्रियसखं पितुः ॥ 126.33 ॥

nivartamānaḥ kākutstho dṛṣṭvā gṛdhraṃ pravivyathe| gṛdhraṃ hataṃ tadā dagdhvā rāmaḥ priyasakhaṃ pituḥ || 126.33 ||

लौटते हुए काकुत्स्थ ने गृध्र जटायु को (मरा हुआ) देखकर बड़ी व्यथा पाई; अपने पिता से भी प्रिय उस सखा गृध्र को मरा जान, राम ने उसका अन्तिम संस्कार किया।

श्लोक 34 (yuddha.126.34)

मार्गमाणस्तु वैदेहीं राघवः सहलक्ष्मणः। गोदावरीमनुचरन्वनोद्देशांश्च पुष्पितान् ॥ 126.34 ॥

mārgamāṇastu vaidehīṃ rāghavaḥ sahalakṣmaṇaḥ| godāvarīmanucaranvanoddeśāṃśca puṣpitān || 126.34 ||

फिर वैदेही को ढूँढ़ते हुए राघव लक्ष्मण सहित गोदावरी नदी के किनारे-किनारे पुष्पित वनप्रदेशों में विचरण करने लगे।

श्लोक 35 (yuddha.126.35)

आसेदतुर्महारण्ये कबन्धं नाम राक्षसं। ततः कबन्धवचनाद्रामः सत्यपराक्रमः ॥ 126.35 ॥

āsedaturmahāraṇye kabandhaṃ nāma rākṣasaṃ| tataḥ kabandhavacanādrāmaḥ satyaparākramaḥ || 126.35 ||

उस विशाल वन में उन्हें कबन्ध नामक राक्षस मिला; तब सत्यपराक्रमी राम कबन्ध के ही कहने पर,

श्लोक 36 (yuddha.126.36)

ऋश्यमूकं गिरिं गत्वा सुग्रीवेण समागतः। तयोः समागमः पूर्वं प्रीत्या हार्दो व्यजायत ॥ 126.36 ॥

ṛśyamūkaṃ giriṃ gatvā sugrīveṇa samāgataḥ| tayoḥ samāgamaḥ pūrvaṃ prītyā hārdo vyajāyata || 126.36 ||

ऋष्यमूक पर्वत पर जाकर सुग्रीव से मिले। उन दोनों की यह पहली भेंट ही प्रेमपूर्वक हार्दिक मित्रता में बदल गई।

श्लोक 37 (yuddha.126.37)

भ्रात्रा निरस्तः क्रुद्धेन सुग्रीवो वालिना पुरा। इतरेतरसंवादात्प्रगाढः प्रणयस्तयोः ॥ 126.37 ॥

bhrātrā nirastaḥ kruddhena sugrīvo vālinā purā| itaretarasaṃvādātpragāḍhaḥ praṇayastayoḥ || 126.37 ||

सुग्रीव को पहले उनके क्रुद्ध भ्राता वालि ने भगा दिया था; परस्पर बातचीत से उन दोनों (राम-सुग्रीव) की मैत्री और भी प्रगाढ़ हो गई।

श्लोक 38 (yuddha.126.38)

रामः स्वबाहुवीर्येण स्वराज्यं प्रत्यपादयत्। वालिनं समरे हत्वा महाकायं महाबलम् ॥ 126.38 ॥

rāmaḥ svabāhuvīryeṇa svarājyaṃ pratyapādayat| vālinaṃ samare hatvā mahākāyaṃ mahābalam || 126.38 ||

अपनी भुजाओं के बल से, विशालकाय एवं महाबली वालि को युद्ध में मारकर, राम ने सुग्रीव को उसका राज्य वापस दिलाया।

श्लोक 39 (yuddha.126.39)

सुग्रीवः स्थापितो राज्ये सहितः सर्ववानरैः। रामाय प्रतिजानीते राजपुत्र्यास्तु मार्गणम् ॥ 126.39 ॥

sugrīvaḥ sthāpito rājye sahitaḥ sarvavānaraiḥ| rāmāya pratijānīte rājaputryāstu mārgaṇam || 126.39 ||

समस्त वानरों सहित राज्य पर स्थापित हुए सुग्रीव ने राम से राजकुमारी (सीता) की खोज करने की प्रतिज्ञा की।

श्लोक 40 (yuddha.126.40)

आदिष्टा वानरेन्द्रेण सुग्रीवेण महात्मना। दशकोट्यः प्लवङ्गानां सर्वाः प्रस्थापिता दिशः ॥ 126.40 ॥

ādiṣṭā vānarendreṇa sugrīveṇa mahātmanā| daśakoṭyaḥ plavaṅgānāṃ sarvāḥ prasthāpitā diśaḥ || 126.40 ||

महात्मा वानरेन्द्र सुग्रीव की आज्ञा से वानरों के दस करोड़ दल सभी दिशाओं में भेजे गए।

श्लोक 41 (yuddha.126.41)

तेषां नो विप्रनष्टानां विन्ध्ये पर्वतसत्तमे। भृशं शोकाभितप्तानां महान्कालोअत्यवर्तत ॥ 126.41 ॥

teṣāṃ no vipranaṣṭānāṃ vindhye parvatasattame| bhṛśaṃ śokābhitaptānāṃ mahānkāloatyavartata || 126.41 ||

विन्ध्य पर्वत की सर्वश्रेष्ठ पर्वतमाला में मार्ग भूल जाने पर हम शोक से अत्यन्त संतप्त हो गए, और बहुत समय बीत गया।

श्लोक 42 (yuddha.126.42)

भ्राता तु गृध्रराजस्य सम्पातिर्नाम वीर्यवान्। समाख्याति स्म वसतिं सीताया रावणालये ॥ 126.42 ॥

bhrātā tu gṛdhrarājasya sampātirnāma vīryavān| samākhyāti sma vasatiṃ sītāyā rāvaṇālaye || 126.42 ||

तभी गृध्रराज (जटायु) के भाई, पराक्रमी सम्पाति ने, सीता के रावण के भवन में रहने का पता हमें सही-सही बता दिया।

श्लोक 43 (yuddha.126.43)

सोअहं दुःखपरीतानां दुःखं तज्ज्ञातिनां नुदन्। आत्मवीर्यं समास्थाय योजनानां शतं प्लुतः ॥ 126.43 ॥

soahaṃ duḥkhaparītānāṃ duḥkhaṃ tajjñātināṃ nudan| ātmavīryaṃ samāsthāya yojanānāṃ śataṃ plutaḥ || 126.43 ||

दुःख में डूबे अपने कुलबन्धुओं का दुःख दूर करने के लिए, मैं अपने ही बल का सहारा लेकर सौ योजन (समुद्र) लाँघ गया।

श्लोक 44 (yuddha.126.44)

तत्राहमेकामद्राक्षमशोकवनिकां गताम्। कौशेयवस्त्रां मलिनां निरानन्दां दृढव्रताम् ॥ 126.44 ॥

tatrāhamekāmadrākṣamaśokavanikāṃ gatām| kauśeyavastrāṃ malināṃ nirānandāṃ dṛḍhavratām || 126.44 ||

वहाँ मैंने अकेली सीता को अशोक-वाटिका में देखा — मलिन रेशमी वस्त्र पहने, आनन्दहीन, किन्तु अपने व्रत पर दृढ़।

श्लोक 45 (yuddha.126.45)

तया समेत्य विधिवत्पृष्ट्वा सर्वमनिन्दिताम्। अभिज्ञानं मया दत्तं रामनामाङ्गुलीयकम् ॥ 126.45 ॥

tayā sametya vidhivatpṛṣṭvā sarvamaninditām| abhijñānaṃ mayā dattaṃ rāmanāmāṅgulīyakam || 126.45 ||

विधिपूर्वक उनसे मिलकर और उस निष्कलंक देवी से सब कुछ पूछकर, मैंने पहचान-चिह्न के रूप में राम के नाम अंकित अंगूठी उन्हें भेंट की।

श्लोक 46 (yuddha.126.46)

अभिज्ञानं मणिं लब्ध्वा चरितार्थोअहमागतः। मया च पुनरागम्य रामस्याक्लिष्टकर्मणः ॥ 126.46 ॥

abhijñānaṃ maṇiṃ labdhvā caritārthoahamāgataḥ| mayā ca punarāgamya rāmasyākliṣṭakarmaṇaḥ || 126.46 ||

उनसे पहचान-चिह्न स्वरूप मणि प्राप्त कर, कृतार्थ होकर मैं लौट आया; और लौटकर वह मणि मैंने अथक कर्मी राम को अर्पित की।

श्लोक 47 (yuddha.126.47)

अभिज्ञानं मया दत्तमर्चिष्मान्स महामणिः। श्रुत्वा तां मैथिलीं हृष्टस्त्वाशशंसे स जीवितम् ॥ 126.47 ॥

abhijñānaṃ mayā dattamarciṣmānsa mahāmaṇiḥ| śrutvā tāṃ maithilīṃ hṛṣṭastvāśaśaṃse sa jīvitam || 126.47 ||

मेरे द्वारा दिया गया वह देदीप्यमान महामणि पाकर, मैथिली का समाचार सुनकर, राम प्रसन्न होकर पुनः जीवन की आशा करने लगे,

श्लोक 48 (yuddha.126.48)

जीवितान्तमनुप्राप्तः पीत्वामृतमिवातुरः। उद्योजयिष्यन्नुद्योगं दध्रे लङ्कावधे मनः ॥ 126.48 ॥

jīvitāntamanuprāptaḥ pītvāmṛtamivāturaḥ| udyojayiṣyannudyogaṃ dadhre laṅkāvadhe manaḥ || 126.48 ||

मानो अमृत पीकर कोई मरणासन्न रोगी जीवन को प्राप्त कर ले। तब उत्साहपूर्वक उन्होंने लंका के विनाश पर अपना मन स्थिर किया।

श्लोक 49 (yuddha.126.49)

जिघांसुरिव लोकांस्ते सर्वांल्लोकान्विभावसुः। ततः समुद्रमासाद्य नलं सेतुमकारयत् ॥ 126.49 ॥

jighāṃsuriva lokāṃste sarvāṃllokānvibhāvasuḥ| tataḥ samudramāsādya nalaṃ setumakārayat || 126.49 ||

मानो सम्पूर्ण लोकों को भस्म करने के इच्छुक प्रलयाग्नि के समान, तत्पश्चात् समुद्र-तट पर पहुँचकर उन्होंने नल से सेतु बनवाया।

श्लोक 50 (yuddha.126.50)

अतरत्कपिवीराणां वाहिनी तेन सेतुना। प्रहस्तमवधीन्नीलः कुम्भकर्णं तु राघवः ॥ 126.50 ॥

ataratkapivīrāṇāṃ vāhinī tena setunā| prahastamavadhīnnīlaḥ kumbhakarṇaṃ tu rāghavaḥ || 126.50 ||

उस सेतु से वानरवीरों की सेना समुद्र पार कर गई। नील ने प्रहस्त को मारा, और राघव ने स्वयं कुम्भकर्ण को मारा,

श्लोक 51 (yuddha.126.51)

लक्ष्मणो रावणसुतं स्वयं रामस्तु रावणम्। स शक्रेण समागम्य यमेन वरुणेन च ॥ 126.51 ॥

lakṣmaṇo rāvaṇasutaṃ svayaṃ rāmastu rāvaṇam| sa śakreṇa samāgamya yamena varuṇena ca || 126.51 ||

लक्ष्मण ने रावण-पुत्र (इन्द्रजित्) को, और स्वयं राम ने रावण को मारा। तब इन्द्र, यम और वरुण के साथ,

श्लोक 52 (yuddha.126.52)

महेश्वरस्वयम्भूभ्यां तथा दशरथेन च। तैश्च काकुत्थ्सो वरान् लेभे परंतपः ॥ 126.52 ॥

maheśvarasvayambhūbhyāṃ tathā daśarathena ca| taiśca kākutthso varān lebhe paraṃtapaḥ || 126.52 ||

तथा महेश्वर, स्वयम्भू (ब्रह्मा) और दशरथ के साथ भी उनकी भेंट हुई; और शत्रुतापन काकुत्स्थ ने उनसे वर प्राप्त किए।

श्लोक 53 (yuddha.126.53)

सुरर्षिभिश्च काकुत्स्थो वरांल्लेभे परन्तपः। स तु दत्तवरः प्रीत्या वानरैश्च समागतः ॥ 126.53 ॥

surarṣibhiśca kākutstho varāṃllebhe parantapaḥ| sa tu dattavaraḥ prītyā vānaraiśca samāgataḥ || 126.53 ||

देवर्षियों से भी शत्रुतापन काकुत्स्थ ने वर प्राप्त किए। इस प्रकार वर पाकर, वे प्रसन्नतापूर्वक एकत्र हुए वानरों सहित,

श्लोक 54 (yuddha.126.54)

पुष्पकेण विमानेन किष्किन्धामभ्युपागमत्। तं गङ्गां पुनरासाद्य वसन्तं मुनिसंनिधौ ॥ 126.54 ॥

puṣpakeṇa vimānena kiṣkindhāmabhyupāgamat| taṃ gaṅgāṃ punarāsādya vasantaṃ munisaṃnidhau || 126.54 ||

पुष्पक विमान द्वारा किष्किन्धा जा पहुँचे। वहाँ से पुनः गंगा-तट पर पहुँचकर, अभी वे भारद्वाज मुनि के आश्रम में ठहरे हुए हैं।

श्लोक 55 (yuddha.126.55)

अविघ्नं पुष्ययोगेन श्वो रामं द्रष्टुमर्हसि। ततः स सत्यं हनुमद्वचो महन्। निशम्य हृष्टो भरतः कृताञ्जलिः। उवाच वाणीं मनसः प्रहर्षिणी। चिरस्य पूर्णः खलु मे मनोरथः ॥ 126.55 ॥

avighnaṃ puṣyayogena śvo rāmaṃ draṣṭumarhasi| tataḥ sa satyaṃ hanumadvaco mahan| niśamya hṛṣṭo bharataḥ kṛtāñjaliḥ| uvāca vāṇīṃ manasaḥ praharṣiṇī| cirasya pūrṇaḥ khalu me manorathaḥ || 126.55 ||

कल पुष्य-योग में बिना किसी विघ्न के आप राम के दर्शन कर सकेंगे।" इस प्रकार हनुमान के इस सत्य और महान् वचन को सुनकर, भरत प्रसन्न होकर हाथ जोड़े हुए बोले, मन को हर्षित करने वाली वाणी में — "चिरकाल के बाद आज मेरा मनोरथ सचमुच पूर्ण हुआ है।"