इन्द्रजित् का दर्प और विभीषण की फटकार

श्लोक 1 (yuddha.15.1)

बृहस्पतेस्तुल्यमतेर्वचस्त- न्निशम्य यत्नेन विभीषणस्य । ततो महात्मा वचनं बभाषे तत्रेन्द्रजिन्नैर्ऋतयूथमुख्यः ॥ १५.१ ॥

bṛhaspatestulyamatervacasta- nniśamya yatnena vibhīṣaṇasya | tato mahātmā vacanaṃ babhāṣe tatrendrajinnairṛtayūthamukhyaḥ ||

बृहस्पति के समान बुद्धि रखने वाले विभीषण के उन वचनों को ध्यानपूर्वक सुनकर, वहाँ उपस्थित राक्षससेना का प्रमुख महातेजस्वी इन्द्रजित् यह वचन बोला।

श्लोक 2 (yuddha.15.2)

किं नाम ते तात कनिष्ठ वाक्य- मनर्थकं वै बहुभीतवच्च । अस्मिन् कुले योऽपि भवेन्न जातः सोऽपीदृशं नैव वदेन्न कुर्यात् ॥ १५.२ ॥

kiṃ nāma te tāta kaniṣṭha vākya- manarthakaṃ vai bahubhītavacca | asmin kule yo'pi bhavenna jātaḥ so'pīdṛśaṃ naiva vadenna kuryāt ||

"हे तात, हे सबसे छोटे चाचा! आपके ये वचन तो निरर्थक और अत्यन्त भयभीत करने वाले हैं। इस कुल में जन्म न लेने वाला व्यक्ति भी ऐसी बात न कहे और न ऐसा आचरण करे।"

श्लोक 3 (yuddha.15.3)

सत्त्वेन वीर्येण पराक्रमेण धैर्येण शौर्येण च तेजसा च । एकः कुलेऽस्मिन् पुरुषो विमुक्तो विभीषणस्तात कनिष्ठ एषः ॥ १५.३ ॥

sattvena vīryeṇa parākrameṇa dhairyeṇa śauryeṇa ca tejasā ca | ekaḥ kule'smin puruṣo vimukto vibhīṣaṇastāta kaniṣṭha eṣaḥ ||

"साहस, बल, पराक्रम, धैर्य, शौर्य और तेज से रहित—इस कुल में यही एक पुरुष है, हे तात, यह छोटा चाचा विभीषण।"

श्लोक 4 (yuddha.15.4)

किं नाम तौ मानुषराजपुत्रा- वस्माकमेकेन हि राक्षसेन । सुप्राकृतेनापि निहन्तुमेतौ शक्यौ कुतो भीषयसे स्म भीरो ॥ १५.४ ॥

kiṃ nāma tau mānuṣarājaputrā- vasmākamekena hi rākṣasena | suprākṛtenāpi nihantumetau śakyau kuto bhīṣayase sma bhīro ||

"वे दोनों मनुष्य-राजपुत्र आखिर हैं ही क्या? हम राक्षसों में से कोई एक अत्यन्त साधारण राक्षस भी इन दोनों को मार सकता है। हे कायर! फिर तुम हमें भला क्यों डरा रहे हो?"

श्लोक 5 (yuddha.15.5)

त्रिलोकनाथो ननु देवराजः शक्रो मया भूमितले निविष्टः । भयार्पिताश्चापि दिशः प्रपन्नाः सर्वे तदा देवगणाः समग्राः ॥ १५.५ ॥

trilokanātho nanu devarājaḥ śakro mayā bhūmitale niviṣṭaḥ | bhayārpitāścāpi diśaḥ prapannāḥ sarve tadā devagaṇāḥ samagrāḥ ||

"तीनों लोकों के स्वामी देवराज इन्द्र को भी मैंने पृथ्वी पर पटक दिया था। उस समय भय से आतुर होकर समस्त देवगण दिशाओं की ओर भाग खड़े हुए थे।"

श्लोक 6 (yuddha.15.6)

ऐरावतो निःस्वनमुन्नदन् स निपातितो भूमितले मया तु । विकृष्य दन्तौ तु मया प्रसह्य वित्रासिता देवगणाः समग्राः ॥ १५.६ ॥

airāvato niḥsvanamunnadan sa nipātito bhūmitale mayā tu | vikṛṣya dantau tu mayā prasahya vitrāsitā devagaṇāḥ samagrāḥ ||

कर्कश गर्जना करता हुआ ऐरावत हाथी मेरे द्वारा पृथ्वी पर गिरा दिया गया था; मैंने बलपूर्वक उसके दाँत उखाड़ लिए थे, जिससे समस्त देवगण भयभीत हो उठे थे।

श्लोक 7 (yuddha.15.7)

सोऽहं सुराणामपि दर्पहन्ता दैत्योत्तमानामपि शोककर्ता । कथं नरेन्द्रात्मजयोर्न शक्तो मनुष्ययोः प्राकृतयोः सुवीर्यः ॥ १५.७ ॥

so'haṃ surāṇāmapi darpahantā daityottamānāmapi śokakartā | kathaṃ narendrātmajayorna śakto manuṣyayoḥ prākṛtayoḥ suvīryaḥ ||

"मैं, जिसने देवताओं तक का घमण्ड चूर-चूर किया और श्रेष्ठ दैत्यों को भी शोकग्रस्त किया, वह महापराक्रमी मैं भला उन दो साधारण मनुष्य-राजपुत्रों के आगे असमर्थ कैसे हो सकता हूँ?"

श्लोक 8 (yuddha.15.8)

अथेन्द्रकल्पस्य दुरासदस्य महौजसस्तद् वचनं निशम्य । ततो महार्थं वचनं बभाषे विभीषणः शस्त्रभृतां वरिष्ठः ॥ १५.८ ॥

athendrakalpasya durāsadasya mahaujasastad vacanaṃ niśamya | tato mahārthaṃ vacanaṃ babhāṣe vibhīṣaṇaḥ śastrabhṛtāṃ variṣṭhaḥ ||

इन्द्र के समान दुर्धर्ष तथा महातेजस्वी उस इन्द्रजित् के इन वचनों को सुनकर, शस्त्रधारियों में श्रेष्ठ विभीषण ने अत्यन्त सारगर्भित वचन कहे।

श्लोक 9 (yuddha.15.9)

न तात मन्त्रे तव निश्चयोऽस्ति बालस्त्वमद्याप्यविपक्वबुद्धिः । तस्मात् त्वयाप्यात्मविनाशनाय वचोऽर्थहीनं बहु विप्रलप्तम् ॥ १५.९ ॥

na tāta mantre tava niścayo'sti bālastvamadyāpyavipakvabuddhiḥ | tasmāt tvayāpyātmavināśanāya vaco'rthahīnaṃ bahu vipralaptam ||

"हे तात! तुम्हारे विचारों में कोई दृढ़ता नहीं है। तुम अभी भी अपरिपक्व बुद्धि वाले बालक हो। इसीलिए तुमने भी अपने ही विनाश के लिए बहुत-से निरर्थक वचन बक दिए हैं।"

श्लोक 10 (yuddha.15.10)

पुत्रप्रवादेन तु रावणस्य त्वमिन्द्रजिन्मित्रमुखोऽसि शत्रुः । यस्येदृशं राघवतो विनाशं निशम्य मोहादनुमन्यसे त्वम् ॥ १५.१० ॥

putrapravādena tu rāvaṇasya tvamindrajinmitramukho'si śatruḥ | yasyedṛśaṃ rāghavato vināśaṃ niśamya mohādanumanyase tvam ||

"हे इन्द्रजित्! केवल नाम मात्र से रावण के पुत्र होकर भी तुम वास्तव में मित्र-रूपधारी शत्रु हो, क्योंकि उसका राघव के हाथों ऐसा विनाश होना सुनकर भी तुम मोहवश उसी की बात का समर्थन कर रहे हो।"

श्लोक 11 (yuddha.15.11)

त्वमेव वध्यश्च सुदुर्मतिश्च स चापि वध्यो य इहानयत् त्वाम् । बालं दृढं साहसिकं च योऽद्य प्रावेशयन्मन्त्रकृतां समीपम् ॥ १५.११ ॥

tvameva vadhyaśca sudurmatiśca sa cāpi vadhyo ya ihānayat tvām | bālaṃ dṛḍhaṃ sāhasikaṃ ca yo'dya prāveśayanmantrakṛtāṃ samīpam ||

"तुम्हीं वध के योग्य हो, दुर्बुद्धि! और वह भी वध्य है जिसने तुम जैसे अत्यन्त दुःसाहसी बालक को आज इन मन्त्रियों की सभा में यहाँ ला बिठाया।"

श्लोक 12 (yuddha.15.12)

मूढोऽप्रगल्भोऽविनयोपपन्न- स्तीक्ष्णस्वभावोऽल्पमतिर्दुरात्मा । मूर्खस्त्वमत्यन्तसुदुर्मतिश्च त्वमिन्द्रजिद् बालतया ब्रवीषि ॥ १५.१२ ॥

mūḍho'pragalbho'vinayopapanna- stīkṣṇasvabhāvo'lpamatirdurātmā | mūrkhastvamatyantasudurmatiśca tvamindrajid bālatayā bravīṣi ||

"हे इन्द्रजित्! तुम मूढ़, अपरिपक्व, अविनयी, कठोर स्वभाव वाले, अल्पबुद्धि, दुरात्मा, मूर्ख और अत्यन्त दुर्बुद्धि हो; तुम जो कुछ भी बोल रहे हो, वह केवल अपने बालपन के कारण बोल रहे हो।"

श्लोक 13 (yuddha.15.13)

को ब्रह्मदण्डप्रतिमप्रकाशा- नर्चिष्मतः कालनिकाशरूपान् । सहेत बाणान् यमदण्डकल्पान् समक्षमुक्तान् युधि राघवेण ॥ १५.१३ ॥

ko brahmadaṇḍapratimaprakāśā- narciṣmataḥ kālanikāśarūpān | saheta bāṇān yamadaṇḍakalpān samakṣamuktān yudhi rāghaveṇa ||

"ब्रह्मदण्ड के समान तेजस्वी, अग्नि की ज्वाला के समान प्रकाशमान, काल के समान रूप वाले तथा यमदण्ड के तुल्य—राघव द्वारा युद्ध में सामने से छोड़े गए ऐसे बाणों को भला कौन सह सकता है?"

श्लोक 14 (yuddha.15.14)

धनानि रत्नानि सुभूषणानि वासांसि दिव्यानि मणींश्च चित्रान् । सीतां च रामाय निवेद्य देवीं वसेम राजन्निह वीतशोकाः ॥ १५.१४ ॥

dhanāni ratnāni subhūṣaṇāni vāsāṃsi divyāni maṇīṃśca citrān | sītāṃ ca rāmāya nivedya devīṃ vasema rājanniha vītaśokāḥ ||

"हे राजन्! धन, रत्न, उत्तम आभूषण, दिव्य वस्त्र और चित्र-विचित्र मणियाँ, तथा देवी सीता को भी राम को लौटाकर, हम यहाँ शोकरहित होकर सुखपूर्वक रहें।"