रावण का तिरस्कार और विभीषण का प्रस्थान

श्लोक 1 (yuddha.16.1)

सुनिविष्टं हितं वाक्यमुक्तवन्तं विभीषणम्। अब्रवीत् परुषं वाक्यं रावणः कालचोदितः ॥ 16.1 ॥

suniviṣṭaṃ hitaṃ vākyamuktavantaṃ vibhīṣaṇam| abravīt paruṣaṃ vākyaṃ rāvaṇaḥ kālacoditaḥ || 16.1 ||

काल से प्रेरित रावण ने, स्थिर बुद्धि से हितकारी वचन कहने वाले विभीषण को कठोर वचन कहे।

श्लोक 2 (yuddha.16.2)

वसेत् सह सपत्नेन क्रुद्धेनाशीविषेण च। न तु मित्रप्रवादेन संवसेच्छत्रुसेविना ॥ 16.2 ॥

vaset saha sapatnena kruddhenāśīviṣeṇa ca| na tu mitrapravādena saṃvasecchatrusevinā || 16.2 ||

“क्रोधित शत्रु अथवा विषैले सर्प के साथ भी रहा जा सकता है, किन्तु मित्र होने का दिखावा करने वाले शत्रु के साथ कदापि नहीं रहा जा सकता।”

श्लोक 3 (yuddha.16.3)

जानामि शीलं ज्ञातीनां सर्वलोकेषु राक्षस। हृष्यन्ति व्यसनेष्वेते ज्ञातीनां ज्ञातयः सदा ॥ 16.3 ॥

jānāmi śīlaṃ jñātīnāṃ sarvalokeṣu rākṣasa| hṛṣyanti vyasaneṣvete jñātīnāṃ jñātayaḥ sadā || 16.3 ||

“हे राक्षस! मैं समस्त लोकों में बन्धुजनों का स्वभाव भलीभाँति जानता हूँ - बन्धु सदैव अपने ही बन्धुओं की विपत्ति में हर्षित होते हैं।”

श्लोक 4 (yuddha.16.4)

प्रधानं साधकं वैद्यं धर्मशीलं च राक्षस। ज्ञातयोऽप्यवमन्यन्ते शूरं परिभवन्ति च ॥ 16.4 ॥

pradhānaṃ sādhakaṃ vaidyaṃ dharmaśīlaṃ ca rākṣasa| jñātayo'pyavamanyante śūraṃ paribhavanti ca || 16.4 ||

“हे राक्षस! बन्धुजन अपने ही कुल के प्रधान, कार्यकुशल, धर्मशील और शूर पुरुष का भी अपमान करते हैं और उसे तिरस्कृत करते हैं।”

श्लोक 5 (yuddha.16.5)

नित्यमन्योन्यसंहृष्टा व्यसनेष्वाततायिनः। प्रच्छन्नहृदया घोरा ज्ञातयस्तु भयावहाः ॥ 16.5 ॥

nityamanyonyasaṃhṛṣṭā vyasaneṣvātatāyinaḥ| pracchannahṛdayā ghorā jñātayastu bhayāvahāḥ || 16.5 ||

“बन्धुजन सदैव एक-दूसरे की विपत्ति में परस्पर प्रसन्न होते हैं; वे घातक, छिपे हुए हृदय वाले और भयंकर होते हैं - सचमुच बन्धु ही भय के कारण हैं।”

श्लोक 6 (yuddha.16.6)

श्रूयन्ते हस्तिभिर्गीताः श्लोकाः पद्मवने पुरा। पाशहस्तान् नरान् दृष्ट्वा शृणुष्व गदतो मम ॥ 16.6 ॥

śrūyante hastibhirgītāḥ ślokāḥ padmavane purā| pāśahastān narān dṛṣṭvā śṛṇuṣva gadato mama || 16.6 ||

“सुना जाता है कि प्राचीन काल में पद्मवन में हाथियों ने पाश लिए हुए शिकारियों को देखकर कुछ श्लोक गाए थे - मैं उन्हें सुनाता हूँ, सुनो।”

श्लोक 7 (yuddha.16.7)

नाग्निर्नान्यानि शस्त्राणि न नः पाशा भयावहाः। घोराः स्वार्थप्रयुक्तास्तु ज्ञातयो नो भयावहाः ॥ 16.7 ॥

nāgnirnānyāni śastrāṇi na naḥ pāśā bhayāvahāḥ| ghorāḥ svārthaprayuktāstu jñātayo no bhayāvahāḥ || 16.7 ||

“न अग्नि, न अन्य शस्त्र, न पाश हमें भयभीत करते हैं; स्वार्थ से प्रेरित हमारे ही भयंकर बन्धु हमें भयभीत करते हैं।”

श्लोक 8 (yuddha.16.8)

उपायमेते वक्ष्यन्ति ग्रहणे नात्र संशयः। कृत्स्नाद् भयाज्ज्ञातिभयं कुकष्टं विहितं च नः ॥ 16.8 ॥

upāyamete vakṣyanti grahaṇe nātra saṃśayaḥ| kṛtsnād bhayājjñātibhayaṃ kukaṣṭaṃ vihitaṃ ca naḥ || 16.8 ||

“ये बन्धु ही हमें पकड़ने का उपाय बता देंगे, इसमें कोई सन्देह नहीं। समस्त भयों में बन्धुओं का भय हमारे लिए अत्यन्त कष्टकर माना गया है।”

श्लोक 9 (yuddha.16.9)

विद्यते गोषु सम्पन्नं विद्यते ज्ञातितो भयम्। विद्यते स्त्रीषु चापल्यं विद्यते ब्राह्मणे तपः ॥ 16.9 ॥

vidyate goṣu sampannaṃ vidyate jñātito bhayam| vidyate strīṣu cāpalyaṃ vidyate brāhmaṇe tapaḥ || 16.9 ||

“गौओं में सम्पत्ति होती है, बन्धुओं से भय होता है, स्त्रियों में चंचलता होती है, और ब्राह्मण में तप होता है।”

श्लोक 10 (yuddha.16.10)

ततो नेष्टमिदं सौम्य यदहं लोकसत्कृतः। ऐश्वर्यमभिजातश्च रिपूणां मूर्ध्नि च स्थितः ॥ 16.10 ॥

tato neṣṭamidaṃ saumya yadahaṃ lokasatkṛtaḥ| aiśvaryamabhijātaśca ripūṇāṃ mūrdhni ca sthitaḥ || 16.10 ||

इसीलिए, हे सौम्य, तुम्हें यह अच्छा नहीं लगता कि मैं संसार द्वारा सम्मानित हूँ, ऐश्वर्य से सम्पन्न हूँ, और शत्रुओं के सिर पर पैर रखकर खड़ा हूँ।

श्लोक 11 (yuddha.16.11)

यथा पुष्करपत्रेषु पतितास्तोयबिन्दवः। न श्लेषमभिगच्छन्ति तथानार्येषु सौहृदम् ॥ 16.11 ॥

yathā puṣkarapatreṣu patitāstoyabindavaḥ| na śleṣamabhigacchanti tathānāryeṣu sauhṛdam || 16.11 ||

जैसे कमल के पत्तों पर गिरी हुई जल की बूँदें उनसे चिपकती नहीं, वैसे ही नीच हृदय वालों में मित्रता कभी नहीं टिकती।

श्लोक 12 (yuddha.16.12)

यथा शरदि मेघानां सिञ्चतामपि गर्जताम्। न भवत्यम्बुसंक्लेदस्तथानार्येषु सौहृदम् ॥ 16.12 ॥

yathā śaradi meghānāṃ siñcatāmapi garjatām| na bhavatyambusaṃkledastathānāryeṣu sauhṛdam || 16.12 ||

जैसे शरद ऋतु के बादल गरजते और बरसते हुए भी भूमि को गीला नहीं कर पाते, वैसे ही नीच हृदय वालों की मित्रता में कभी सच्ची आर्द्रता नहीं होती।

श्लोक 13 (yuddha.16.13)

यथा मधुकरस्तर्षाद् रसं विन्दन्न तिष्ठति। तथा त्वमपि तत्रैव तथानार्येषु सौहृदम् ॥ 16.13 ॥

yathā madhukarastarṣād rasaṃ vindanna tiṣṭhati| tathā tvamapi tatraiva tathānāryeṣu sauhṛdam || 16.13 ||

जैसे भ्रमर तृष्णा के होते हुए भी रस पाकर वहाँ नहीं ठहरता, वैसे ही यह सत्य तुम भी वहीं देख सकते हो - नीच हृदय वालों में मित्रता कभी नहीं टिकती।

श्लोक 14 (yuddha.16.14)

यथा मधुकरस्तर्षात् काशपुष्पं पिबन्नपि। रसमत्र न विन्देत तथानार्येषु सौहृदम् ॥ 16.14 ॥

yathā madhukarastarṣāt kāśapuṣpaṃ pibannapi| rasamatra na vindeta tathānāryeṣu sauhṛdam || 16.14 ||

जैसे भ्रमर तृष्णा से काश के फूल का पान करते हुए भी उसमें रस नहीं पाता, वैसे ही नीच हृदय वालों में मित्रता कुछ भी नहीं पाती।

श्लोक 15 (yuddha.16.15)

यथा पूर्वं गजः स्नात्वा गृह्य हस्तेन वै रजः। दूषयत्यात्मनो देहं तथानार्येषु सौहृदम् ॥ 16.15 ॥

yathā pūrvaṃ gajaḥ snātvā gṛhya hastena vai rajaḥ| dūṣayatyātmano dehaṃ tathānāryeṣu sauhṛdam || 16.15 ||

जैसे हाथी पहले स्नान करके फिर अपनी सूँड़ से धूल उठाकर अपने ही शरीर को मैला कर लेता है, वैसे ही नीच हृदय वालों में मित्रता का यही परिणाम होता है।

श्लोक 16 (yuddha.16.16)

योऽन्यस्त्वेवंविधं ब्रूयाद् वाक्यमेतन्निशाचर। अस्मिन् मुहूर्ते न भवेत् त्वां तु धिक् कुलपांसन ॥ 16.16 ॥

yo'nyastvevaṃvidhaṃ brūyād vākyametanniśācara| asmin muhūrte na bhavet tvāṃ tu dhik kulapāṃsana || 16.16 ||

“हे निशाचर! यदि कोई और मुझसे इस प्रकार के वचन कहता, तो वह इसी क्षण जीवित न रहता - किन्तु तुझे धिक्कार है, हे कुल-कलंकी!”

श्लोक 17 (yuddha.16.17)

इत्युक्तः परुषं वाक्यं न्यायवादी विभीषणः। उत्पपात गदापाणिश्चतुर्भिः सह राक्षसैः ॥ 16.17 ॥

ityuktaḥ paruṣaṃ vākyaṃ nyāyavādī vibhīṣaṇaḥ| utpapāta gadāpāṇiścaturbhiḥ saha rākṣasaiḥ || 16.17 ||

इस प्रकार कठोर वचन सुनकर, न्यायवादी विभीषण गदा हाथ में लिए चार राक्षसों के साथ आकाश में उठ खड़े हुए।

श्लोक 18 (yuddha.16.18)

अब्रवीच्च तदा वाक्यं जातक्रोधो विभीषणः। अन्तरिक्षगतः श्रीमान् भ्राता वै राक्षसाधिपम् ॥ 16.18 ॥

abravīcca tadā vākyaṃ jātakrodho vibhīṣaṇaḥ| antarikṣagataḥ śrīmān bhrātā vai rākṣasādhipam || 16.18 ||

तब आकाश में उठकर, क्रोध से भरे हुए श्रीमान् विभीषण ने राक्षसाधिपति अपने भाई से यह कहा।

श्लोक 19 (yuddha.16.19)

स त्वं भ्रातासि मे राजन् ब्रूहि मां यद्यदिच्छसि। ज्येष्ठो मान्यः पितृसमो न च धर्मपथे स्थितः। इदं तु परुषं वाक्यं न क्षमाम्यनृतं तव ॥ 16.19 ॥

sa tvaṃ bhrātāsi me rājan brūhi māṃ yadyadicchasi| jyeṣṭho mānyaḥ pitṛsamo na ca dharmapathe sthitaḥ| idaṃ tu paruṣaṃ vākyaṃ na kṣamāmyanṛtaṃ tava || 16.19 ||

“हे राजन्! तुम सचमुच मेरे भ्राता हो - मुझसे जो चाहो कहो। बड़ा भाई सम्मान के योग्य होता है, पिता के समान होता है, चाहे वह धर्म के मार्ग पर स्थित न हो। किन्तु तुम्हारे इन कठोर और अन्यायपूर्ण वचनों को मैं क्षमा नहीं कर सकता।”

श्लोक 20 (yuddha.16.20)

सुनीतं हितकामेन वाक्यमुक्तं दशानन। न गृह्णन्त्यकृतात्मानः कालस्य वशमागताः ॥ 16.20 ॥

sunītaṃ hitakāmena vākyamuktaṃ daśānana| na gṛhṇantyakṛtātmānaḥ kālasya vaśamāgatāḥ || 16.20 ||

“हे दशानन! जो लोग असंयमित बुद्धि के हैं और काल के वशीभूत हो चुके हैं, वे हितैषी द्वारा कहे गए सुनीतिपूर्ण वचन को ग्रहण नहीं करते।”

श्लोक 21 (yuddha.16.21)

सुलभाः पुरुषा राजन् सततं प्रियवादिनः। अप्रियस्य च पथ्यस्य वक्ता श्रोता च दुर्लभः ॥ 16.21 ॥

sulabhāḥ puruṣā rājan satataṃ priyavādinaḥ| apriyasya ca pathyasya vaktā śrotā ca durlabhaḥ || 16.21 ||

“हे राजन्! सदा प्रिय बोलने वाले पुरुष सहज ही मिल जाते हैं, किन्तु अप्रिय किन्तु हितकर वचन कहने वाला, तथा उसे सुनने वाला, दुर्लभ होता है।”

श्लोक 22 (yuddha.16.22)

बद्धं कालस्य पाशेन सर्वभूतापहारिणः। न नश्यन्तमुपेक्षे त्वां प्रदीप्तं शरणं यथा ॥ 16.22 ॥

baddhaṃ kālasya pāśena sarvabhūtāpahāriṇaḥ| na naśyantamupekṣe tvāṃ pradīptaṃ śaraṇaṃ yathā || 16.22 ||

“समस्त प्राणियों का हरण करने वाले काल के पाश में बंधे हुए तुम्हें विनाश की ओर जाते देख मैं उपेक्षा नहीं कर सकता, जैसे जलते हुए घर की उपेक्षा नहीं की जा सकती।”

श्लोक 23 (yuddha.16.23)

दीप्तपावकसंकाशैः शितैः काञ्चनभूषणैः। न त्वामिच्छाम्यहं द्रष्टुं रामेण निहतं शरैः ॥ 16.23 ॥

dīptapāvakasaṃkāśaiḥ śitaiḥ kāñcanabhūṣaṇaiḥ| na tvāmicchāmyahaṃ draṣṭuṃ rāmeṇa nihataṃ śaraiḥ || 16.23 ||

“मैं तुम्हें राम के उन तीक्ष्ण, स्वर्ण-भूषित बाणों से मारा गया नहीं देखना चाहता, जो प्रज्वलित अग्नि के समान हैं।”

श्लोक 24 (yuddha.16.24)

शूराश्च बलवन्तश्च कृतास्त्राश्च नरा रणे। कालाभिपन्नाः सीदन्ति यथा वालुकसेतवः ॥ 16.24 ॥

śūrāśca balavantaśca kṛtāstrāśca narā raṇe| kālābhipannāḥ sīdanti yathā vālukasetavaḥ || 16.24 ||

“युद्ध में शूर, बलवान् और अस्त्र-कुशल पुरुष भी जब काल से घिर जाते हैं, तो बालू के बाँध की भाँति ढह जाते हैं।”

श्लोक 25 (yuddha.16.25)

तन्मर्षयतु यच्चोक्तं गुरुत्वाद्धितमिच्छता। आत्मानं सर्वथा रक्ष पुरीं चेमां सराक्षसाम्। स्वस्ति तेऽस्तु गमिष्यामि सुखी भव मया विना ॥ 16.25 ॥

tanmarṣayatu yaccoktaṃ gurutvāddhitamicchatā| ātmānaṃ sarvathā rakṣa purīṃ cemāṃ sarākṣasām| svasti te'stu gamiṣyāmi sukhī bhava mayā vinā || 16.25 ||

“अतः जो कुछ मैंने बड़प्पन और हितेच्छा से कहा है, उसे क्षमा करो। अपनी और राक्षसों सहित इस नगरी की सब प्रकार से रक्षा करना। तुम्हारा कल्याण हो - मैं अब जा रहा हूँ। मेरे बिना सुखी रहना।”

श्लोक 26 (yuddha.16.26)

निवार्यमाणस्य मया हितैषिणा न रोचते ते वचनं निशाचर। परान्तकाले हि गतायुषो नरा हितं न गृह्णन्ति सुहृद्भिरीरितम् ॥ 16.26 ॥

nivāryamāṇasya mayā hitaiṣiṇā na rocate te vacanaṃ niśācara| parāntakāle hi gatāyuṣo narā hitaṃ na gṛhṇanti suhṛdbhirīritam || 16.26 ||

हे निशाचर! तुम्हारे कल्याण की कामना से तुम्हें रोकने के लिए कहे गए मेरे वचन तुम्हें अच्छे नहीं लगते। क्योंकि जब मनुष्य की आयु के अन्त का समय निकट आता है, तब वह अपने सुहृदों द्वारा कहे गए हितकर वचन को स्वीकार नहीं करता।