विभीषण की शरणागति पर मंत्रणा

श्लोक 1 (yuddha.17.1)

इत्युक्त्वा परुषं वाक्यं रावणं रावणानुजः। आजगाम मुहूर्तेन यत्र रामः सलक्ष्मणः ॥ 17.1 ॥

ityuktvā paruṣaṃ vākyaṃ rāvaṇaṃ rāvaṇānujaḥ| ājagāma muhūrtena yatra rāmaḥ salakṣmaṇaḥ || 17.1 ||

रावण से इस प्रकार कठोर वचन कहकर, रावण का अनुज क्षणभर में वहाँ जा पहुँचा जहाँ राम लक्ष्मण सहित थे।

श्लोक 2 (yuddha.17.2)

तं मेरुशिखराकारं दीप्तामिव शतह्रदाम्। गगनस्थं महीस्थास्ते ददृशुर्वानराधिपाः ॥ 17.2 ॥

taṃ meruśikharākāraṃ dīptāmiva śatahradām| gaganasthaṃ mahīsthāste dadṛśurvānarādhipāḥ || 17.2 ||

पृथ्वी पर खड़े वानर-प्रमुखों ने आकाश में मेरु के शिखर के समान आकृति वाले, बिजली की चमक के समान देदीप्यमान उस विभीषण को देखा।

श्लोक 3 (yuddha.17.3)

ते चाप्यनुचरास्तस्य चत्वारो भीमविक्रमाः। तेऽपि वर्मायुधोपेता भूषणोत्तमभूषिताः ॥ 17.3 ॥

te cāpyanucarāstasya catvāro bhīmavikramāḥ| te'pi varmāyudhopetā bhūṣaṇottamabhūṣitāḥ || 17.3 ||

उसके साथ उसके चार अनुचर भी थे, जो भयंकर पराक्रमी थे; वे भी कवच-शस्त्र से युक्त और उत्तम आभूषणों से विभूषित थे।

श्लोक 4 (yuddha.17.4)

स च मेघाचलप्रख्यो वज्रायुधसमप्रभः। वरायुधधरो वीरो दिव्याभरणभूषितः ॥ 17.4 ॥

sa ca meghācalaprakhyo vajrāyudhasamaprabhaḥ| varāyudhadharo vīro divyābharaṇabhūṣitaḥ || 17.4 ||

विभीषण स्वयं मेघाच्छादित पर्वत के समान, वज्रधारी इन्द्र के समान तेजस्वी, उत्तम शस्त्रों को धारण किए और दिव्य आभूषणों से सुशोभित वीर थे।

श्लोक 5 (yuddha.17.5)

तमात्मपञ्चमं दृष्ट्वा सुग्रीवो वानराधिपः। वानरैः सह दुर्धर्षश्चिन्तयामास बुद्धिमान् ॥ 17.5 ॥

tamātmapañcamaṃ dṛṣṭvā sugrīvo vānarādhipaḥ| vānaraiḥ saha durdharṣaścintayāmāsa buddhimān || 17.5 ||

उसे पाँच के समूह में आया देखकर, बुद्धिमान् और दुर्जेय वानरराज सुग्रीव अपने वानरों के साथ विचारमग्न हो गए।

श्लोक 6 (yuddha.17.6)

चिन्तयित्वा मुहूर्तं तु वानरांस्तानुवाच ह। हनुमत्प्रमुखान् सर्वानिदं वचनमुत्तमम् ॥ 17.6 ॥

cintayitvā muhūrtaṃ tu vānarāṃstānuvāca ha| hanumatpramukhān sarvānidaṃ vacanamuttamam || 17.6 ||

क्षणभर विचार करके उन्होंने हनुमान् आदि सभी वानरों से यह उत्तम वचन कहा।

श्लोक 7 (yuddha.17.7)

एष सर्वायुधोपेतश्चतुर्भिः सह राक्षसैः। राक्षसोभ्येति पश्यध्वमस्मान् हन्तुं न संशयः ॥ 17.7 ॥

eṣa sarvāyudhopetaścaturbhiḥ saha rākṣasaiḥ| rākṣasobhyeti paśyadhvamasmān hantuṃ na saṃśayaḥ || 17.7 ||

“देखो, यह राक्षस समस्त शस्त्रों से सुसज्जित होकर चार राक्षसों के साथ हमारी ओर आ रहा है; निस्सन्देह यह हमें मारने के लिए ही आ रहा है।”

श्लोक 8 (yuddha.17.8)

सुग्रीवस्य वचः श्रुत्वा सर्वे ते वानरोत्तमाः। सालानुद्यम्य शैलांश्च इदं वचनमब्रुवन् ॥ 17.8 ॥

sugrīvasya vacaḥ śrutvā sarve te vānarottamāḥ| sālānudyamya śailāṃśca idaṃ vacanamabruvan || 17.8 ||

सुग्रीव के वचन सुनकर वे सब श्रेष्ठ वानर साल वृक्ष और शिलाएँ उठाकर यह बोले।

श्लोक 9 (yuddha.17.9)

शीघ्रं व्यादिश नो राजन् वधायैषां दुरात्मनाम्। निपतन्ति हता यावद् धरण्यामल्पचेतनाः ॥ 17.9 ॥

śīghraṃ vyādiśa no rājan vadhāyaiṣāṃ durātmanām| nipatanti hatā yāvad dharaṇyāmalpacetanāḥ || 17.9 ||

“हे राजन्! शीघ्र हमें इन दुरात्माओं के वध की आज्ञा दो, इससे पहले कि ये अल्पबुद्धि प्राणी मारे जाकर धरती पर गिर पड़ें।”

श्लोक 10 (yuddha.17.10)

तेषां सम्भाषमाणानामन्योन्यं स विभीषणः। उत्तरं तीरमासाद्य खस्थ एव व्यतिष्ठत ॥ 17.10 ॥

teṣāṃ sambhāṣamāṇānāmanyonyaṃ sa vibhīṣaṇaḥ| uttaraṃ tīramāsādya khastha eva vyatiṣṭhata || 17.10 ||

जब वे आपस में इस प्रकार बातें कर रहे थे, तब विभीषण उत्तरी तट के ऊपर पहुँचकर आकाश में ही स्थित रहे।

श्लोक 11 (yuddha.17.11)

स उवाच महाप्राज्ञः स्वरेण महता महान्। सुग्रीवं तांश्च सम्प्रेक्ष्य खस्थ एव विभीषणः ॥ 17.11 ॥

sa uvāca mahāprājñaḥ svareṇa mahatā mahān| sugrīvaṃ tāṃśca samprekṣya khastha eva vibhīṣaṇaḥ || 17.11 ||

उस महाप्राज्ञ, महान् विभीषण ने आकाश में स्थित रहते हुए ही सुग्रीव और उन वानरों को देखकर ऊँचे स्वर में कहा।

श्लोक 12 (yuddha.17.12)

रावणो नाम दुर्वृत्तो राक्षसो राक्षसेश्वरः। तस्याहमनुजो भ्राता विभीषण इति श्रुतः ॥ 17.12 ॥

rāvaṇo nāma durvṛtto rākṣaso rākṣaseśvaraḥ| tasyāhamanujo bhrātā vibhīṣaṇa iti śrutaḥ || 17.12 ||

“रावण नाम का दुराचारी राक्षस राक्षसों का स्वामी है। मैं उसका छोटा भाई हूँ, विभीषण नाम से विख्यात हूँ।”

श्लोक 13 (yuddha.17.13)

तेन सीता जनस्थानाद् हृता हत्वा जटायुषम्। रुद्धा च विवशा दीना राक्षसीभिः सुरक्षिता ॥ 17.13 ॥

tena sītā janasthānād hṛtā hatvā jaṭāyuṣam| ruddhā ca vivaśā dīnā rākṣasībhiḥ surakṣitā || 17.13 ||

“उसी ने जटायु का वध करके जनस्थान से सीता का हरण किया; और वह विवश एवं दुःखिनी सीता राक्षसियों द्वारा कठोरता से पहरा दी जाकर बन्दी बनाई गई है।”

श्लोक 14 (yuddha.17.14)

तमहं हेतुभिर्वाक्यैर्विविधैश्च न्यदर्शयम्। साधु निर्यात्यतां सीता रामायेति पुनः पुनः ॥ 17.14 ॥

tamahaṃ hetubhirvākyairvividhaiśca nyadarśayam| sādhu niryātyatāṃ sītā rāmāyeti punaḥ punaḥ || 17.14 ||

“मैंने बार-बार विविध युक्तिसंगत वचनों से उसे यह समझाया कि सीता को भलीभाँति राम को लौटा देना चाहिए।”

श्लोक 15 (yuddha.17.15)

स च न प्रतिजग्राह रावणः कालचोदितः। उच्यमानं हितं वाक्यं विपरीत इवौषधम् ॥ 17.15 ॥

sa ca na pratijagrāha rāvaṇaḥ kālacoditaḥ| ucyamānaṃ hitaṃ vākyaṃ viparīta ivauṣadham || 17.15 ||

“किन्तु काल से प्रेरित रावण ने मेरे हितकारी वचन को उसी प्रकार अस्वीकार कर दिया, जैसे विपरीत बुद्धि वाला मनुष्य औषधि को ठुकरा देता है।”

श्लोक 16 (yuddha.17.16)

सोऽहं परुषितस्तेन दासवच्चावमानितः। त्यक्त्वा पुत्रांश्च दारांश्च राघवं शरणं गतः ॥ 17.16 ॥

so'haṃ paruṣitastena dāsavaccāvamānitaḥ| tyaktvā putrāṃśca dārāṃśca rāghavaṃ śaraṇaṃ gataḥ || 17.16 ||

“उसके द्वारा दास के समान तिरस्कृत और अपमानित होकर, मैं अपने पुत्रों और पत्नी को त्यागकर राघव की शरण में आया हूँ।”

श्लोक 17 (yuddha.17.17)

निवेदयत मां क्षिप्रं राघवाय महात्मने। सर्वलोकशरण्याय विभीषणमुपस्थितम् ॥ 17.17 ॥

nivedayata māṃ kṣipraṃ rāghavāya mahātmane| sarvalokaśaraṇyāya vibhīṣaṇamupasthitam || 17.17 ||

“समस्त लोकों के शरणदाता महात्मा राघव को शीघ्र सूचित करो कि विभीषण उपस्थित हुआ है।”

श्लोक 18 (yuddha.17.18)

एतत्तु वचनं श्रुत्वा सुग्रीवो लघुविक्रमः। लक्ष्मणस्याग्रतो रामं संरब्धमिदमब्रवीत् ॥ 17.18 ॥

etattu vacanaṃ śrutvā sugrīvo laghuvikramaḥ| lakṣmaṇasyāgrato rāmaṃ saṃrabdhamidamabravīt || 17.18 ||

यह वचन सुनकर, फुर्तीले पराक्रम वाले सुग्रीव ने लक्ष्मण के समक्ष व्यग्र होकर राम से यह कहा।

श्लोक 19 (yuddha.17.19)

प्रविष्टः शत्रुसैन्यं हि प्राप्तः शत्रुरतर्कितः। निहन्यादन्तरं लब्ध्वा उलूको वायसानिव ॥ 17.19 ॥

praviṣṭaḥ śatrusainyaṃ hi prāptaḥ śatruratarkitaḥ| nihanyādantaraṃ labdhvā ulūko vāyasāniva || 17.19 ||

“शत्रु-सेना से आया हुआ यह अप्रत्याशित शत्रु अवसर पाते ही प्रहार कर सकता है, जैसे उल्लू कौओं को मार डालता है।”

श्लोक 20 (yuddha.17.20)

मन्त्रे व्यूहे नये चारे युक्तो भवितुमर्हसि। वानराणां च भद्रं ते परेषां च परंतप ॥ 17.20 ॥

mantre vyūhe naye cāre yukto bhavitumarhasi| vānarāṇāṃ ca bhadraṃ te pareṣāṃ ca paraṃtapa || 17.20 ||

“हे परंतप! तुम्हें मंत्रणा, व्यूहरचना, नीति और गुप्तचरी में सतर्क रहना चाहिए, चाहे वह वानरों के विषय में हो या शत्रुओं के विषय में। तुम्हारा कल्याण हो।”

श्लोक 21 (yuddha.17.21)

अन्तर्धानगता ह्येते राक्षसाः कामरूपिणः। शूराश्च निकृतिज्ञाश्च तेषां जातु न विश्वसेत् ॥ 17.21 ॥

antardhānagatā hyete rākṣasāḥ kāmarūpiṇaḥ| śūrāśca nikṛtijñāśca teṣāṃ jātu na viśvaset || 17.21 ||

“ये राक्षस इच्छानुसार रूप धारण करने वाले और अन्तर्धान होने में समर्थ होते हैं; वे शूरवीर होने के साथ-साथ छल में भी निपुण होते हैं - इन पर कदापि विश्वास नहीं करना चाहिए।”

श्लोक 22 (yuddha.17.22)

प्रणिधी राक्षसेन्द्रस्य रावणस्य भवेदयम्। अनुप्रविश्य सोऽस्मासु भेदं कुर्यान्न संशयः ॥ 17.22 ॥

praṇidhī rākṣasendrasya rāvaṇasya bhavedayam| anupraviśya so'smāsu bhedaṃ kuryānna saṃśayaḥ || 17.22 ||

“यह राक्षसराज रावण का गुप्तचर भी हो सकता है; हमारे बीच प्रवेश करके यह निस्सन्देह हममें फूट डाल सकता है।”

श्लोक 23 (yuddha.17.23)

अथ वा स्वयमेवैष छिद्रमासाद्य बुद्धिमान्। अनुप्रविश्य विश्वस्ते कदाचित् प्रहरेदपि ॥ 17.23 ॥

atha vā svayamevaiṣa chidramāsādya buddhimān| anupraviśya viśvaste kadācit praharedapi || 17.23 ||

“अथवा यह बुद्धिमान् स्वयं ही हमारी कमजोरी पहचानकर, हमारे बीच प्रवेश करके, विश्वास पाकर किसी दिन प्रहार भी कर सकता है।”

श्लोक 24 (yuddha.17.24)

मित्राटविबलं चैव मौलभृत्यबलं तथा। सर्वमेतद् बलं ग्राह्यं वर्जयित्वा द्विषद्बलम् ॥ 17.24 ॥

mitrāṭavibalaṃ caiva maulabhṛtyabalaṃ tathā| sarvametad balaṃ grāhyaṃ varjayitvā dviṣadbalam || 17.24 ||

“मित्रों की सेना, वनवासियों की सेना, कुलपरम्परागत सैनिक अथवा वेतनभोगी सैनिक - ये सब सेनाएँ ग्रहण की जा सकती हैं, किन्तु शत्रु की सेना कदापि नहीं।”

श्लोक 25 (yuddha.17.25)

प्रकृत्या राक्षसो ह्येष भ्रातामित्रस्य वै प्रभो। आगतश्च रिपुः साक्षात् कथमस्मिंश्च विश्वसेत् ॥ 17.25 ॥

prakṛtyā rākṣaso hyeṣa bhrātāmitrasya vai prabho| āgataśca ripuḥ sākṣāt kathamasmiṃśca viśvaset || 17.25 ||

“हे प्रभो! यह स्वभाव से राक्षस है और हमारे शत्रु का भाई भी है; साक्षात् शत्रु के यहाँ से आए हुए इस पर हम कैसे विश्वास करें?”

श्लोक 26 (yuddha.17.26)

रावणस्यानुजो भ्राता विभीषण इति श्रुतः। चतुर्भिः सह रक्षोभिर्भवन्तं शरणं गतः ॥ 17.26 ॥

rāvaṇasyānujo bhrātā vibhīṣaṇa iti śrutaḥ| caturbhiḥ saha rakṣobhirbhavantaṃ śaraṇaṃ gataḥ || 17.26 ||

“रावण का छोटा भाई, विभीषण नाम से विख्यात, चार राक्षसों सहित तुम्हारी शरण में आया है।”

श्लोक 27 (yuddha.17.27)

रावणेन प्रणीतं हि तमवेहि विभीषणम्। तस्याहं निग्रहं मन्ये क्षमं क्षमवतां वर ॥ 17.27 ॥

rāvaṇena praṇītaṃ hi tamavehi vibhīṣaṇam| tasyāhaṃ nigrahaṃ manye kṣamaṃ kṣamavatāṃ vara || 17.27 ||

“जान लो कि इस विभीषण को रावण ने ही भेजा है; हे धैर्यवानों में श्रेष्ठ! मैं इसे बन्दी बना लेना ही उचित मानता हूँ।”

श्लोक 28 (yuddha.17.28)

राक्षसो जिह्मया बुद्ध्या संदिष्टोऽयमिहागतः। प्रहर्तुं मायया छन्नो विश्वस्ते त्वयि चानघ ॥ 17.28 ॥

rākṣaso jihmayā buddhyā saṃdiṣṭo'yamihāgataḥ| prahartuṃ māyayā channo viśvaste tvayi cānagha || 17.28 ||

“हे निष्पाप! यह राक्षस कुटिल बुद्धि से भेजा गया है और माया से छिपा हुआ है, ताकि तुम्हारे विश्वास कर लेने पर यह प्रहार कर सके।”

श्लोक 29 (yuddha.17.29)

वध्यतामेष तीव्रेण दण्डेन सचिवैः सह। रावणस्य नृशंसस्य भ्राता ह्येष विभीषणः ॥ 17.29 ॥

vadhyatāmeṣa tīvreṇa daṇḍena sacivaiḥ saha| rāvaṇasya nṛśaṃsasya bhrātā hyeṣa vibhīṣaṇaḥ || 17.29 ||

“इसे इसके मंत्रियों सहित कठोर दण्ड देकर मार डाला जाए - क्योंकि यह विभीषण निश्चय ही उस क्रूर रावण का भाई है।”

श्लोक 30 (yuddha.17.30)

एवमुक्त्वा तु तं रामं संरब्धो वाहिनीपतिः। वाक्यज्ञो वाक्यकुशलं ततो मौनमुपागमत् ॥ 17.30 ॥

evamuktvā tu taṃ rāmaṃ saṃrabdho vāhinīpatiḥ| vākyajño vākyakuśalaṃ tato maunamupāgamat || 17.30 ||

इस प्रकार वाणी में कुशल उस सेनापति ने वाग्कुशल राम से यह कहकर, उत्तेजित होते हुए भी, मौन धारण कर लिया।

श्लोक 31 (yuddha.17.31)

सुग्रीवस्य तु तद् वाक्यं श्रुत्वा रामो महाबलः। समीपस्थानुवाचेदं हनुमत्प्रमुखान् कपीन् ॥ 17.31 ॥

sugrīvasya tu tad vākyaṃ śrutvā rāmo mahābalaḥ| samīpasthānuvācedaṃ hanumatpramukhān kapīn || 17.31 ||

सुग्रीव के इस वचन को सुनकर महाबली राम ने अपने पास खड़े हनुमान् आदि वानरों से यह कहा।

श्लोक 32 (yuddha.17.32)

यदुक्तं कपिराजेन रावणावरजं प्रति। वाक्यं हेतुमदत्यर्थं भवद्भिरपि च श्रुतम् ॥ 17.32 ॥

yaduktaṃ kapirājena rāvaṇāvarajaṃ prati| vākyaṃ hetumadatyarthaṃ bhavadbhirapi ca śrutam || 17.32 ||

“रावण के छोटे भाई के विषय में वानरराज ने जो अत्यन्त युक्तिसंगत वचन कहे, वे तुम सबने भी सुने हैं।”

श्लोक 33 (yuddha.17.33)

सुहृदामर्थकृच्छ्रेषु युक्तं बुद्धिमता सदा। समर्थेनोपसंदेष्टुं शाश्वतीं भूतिमिच्छता ॥ 17.33 ॥

suhṛdāmarthakṛcchreṣu yuktaṃ buddhimatā sadā| samarthenopasaṃdeṣṭuṃ śāśvatīṃ bhūtimicchatā || 17.33 ||

“जो बुद्धिमान् और समर्थ पुरुष अपने मित्रों के चिरस्थायी कल्याण की कामना करता है, उसे संकट के समय सदैव परामर्श देना चाहिए।”

श्लोक 34 (yuddha.17.34)

इत्येवं परिपृष्टास्ते स्वं स्वं मतमतन्द्रिताः। सोपचारं तदा राममूचुः प्रियचिकीर्षवः ॥ 17.34 ॥

ityevaṃ paripṛṣṭāste svaṃ svaṃ matamatandritāḥ| sopacāraṃ tadā rāmamūcuḥ priyacikīrṣavaḥ || 17.34 ||

इस प्रकार पूछे जाने पर वे सतर्क और उनका हित चाहने वाले सभी वानर विनयपूर्वक अपने-अपने विचार राम से कहने लगे।

श्लोक 35 (yuddha.17.35)

अज्ञातं नास्ति ते किंचित् त्रिषु लोकेषु राघव। आत्मानं पूजयन् राम पृच्छस्यस्मान् सुहृत्तया ॥ 17.35 ॥

ajñātaṃ nāsti te kiṃcit triṣu lokeṣu rāghava| ātmānaṃ pūjayan rāma pṛcchasyasmān suhṛttayā || 17.35 ||

“हे राघव! तीनों लोकों में तुमसे कुछ भी अज्ञात नहीं है; हे राम! तुम हमारा सम्मान करते हुए मित्रभाव से हमसे पूछ रहे हो।”

श्लोक 36 (yuddha.17.36)

त्वं हि सत्यव्रतः शूरो धार्मिको दृढविक्रमः। परीक्ष्यकारी स्मृतिमान् निसृष्टात्मा सुहृत्सु च ॥ 17.36 ॥

tvaṃ hi satyavrataḥ śūro dhārmiko dṛḍhavikramaḥ| parīkṣyakārī smṛtimān nisṛṣṭātmā suhṛtsu ca || 17.36 ||

“तुम सत्यव्रती, शूर, धर्मात्मा, दृढ़ पराक्रमी, विचार करके कार्य करने वाले, स्मरणशक्ति से सम्पन्न और मित्रों के प्रति हृदय से समर्पित हो।”

श्लोक 37 (yuddha.17.37)

तस्मादेकैकशस्तावद् ब्रुवन्तु सचिवास्तव। हेतुतो मतिसम्पन्नाः समर्थाश्च पुनः पुनः ॥ 17.37 ॥

tasmādekaikaśastāvad bruvantu sacivāstava| hetuto matisampannāḥ samarthāśca punaḥ punaḥ || 17.37 ||

“अतः तुम्हारे बुद्धिमान् और समर्थ मंत्री एक-एक करके बार-बार अपने-अपने कारण सहित अपनी राय कहें।”

श्लोक 38 (yuddha.17.38)

इत्युक्ते राघवायाथ मतिमानङ्गदोऽग्रतः। विभीषणपरीक्षार्थमुवाच वचनं हरिः ॥ 17.38 ॥

ityukte rāghavāyātha matimānaṅgado'grataḥ| vibhīṣaṇaparīkṣārthamuvāca vacanaṃ hariḥ || 17.38 ||

राघव से यह कहे जाने पर बुद्धिमान् अंगद ने सबसे पहले विभीषण की परीक्षा के लिए यह वचन कहा।

श्लोक 39 (yuddha.17.39)

शत्रोः सकाशात् सम्प्राप्तः सर्वथा तर्क्य एव हि। विश्वासनीयः सहसा न कर्तव्यो विभीषणः ॥ 17.39 ॥

śatroḥ sakāśāt samprāptaḥ sarvathā tarkya eva hi| viśvāsanīyaḥ sahasā na kartavyo vibhīṣaṇaḥ || 17.39 ||

“शत्रु के निकट से आया हुआ व्यक्ति सब प्रकार से संदेह के योग्य होता है; विभीषण को शीघ्रता से विश्वासपात्र नहीं बना लेना चाहिए।”

श्लोक 40 (yuddha.17.40)

छादयित्वाऽऽत्मभावं हि चरन्ति शठबुद्धयः। प्रहरन्ति च रन्ध्रेषु सोऽनर्थः सुमहान् भवेत् ॥ 17.40 ॥

chādayitvā''tmabhāvaṃ hi caranti śaṭhabuddhayaḥ| praharanti ca randhreṣu so'narthaḥ sumahān bhavet || 17.40 ||

“छली बुद्धि वाले लोग अपने भाव को छिपाकर विचरण करते हैं और छिद्र पाकर प्रहार करते हैं - इससे बहुत बड़ा अनर्थ हो सकता है।”

श्लोक 41 (yuddha.17.41)

अर्थानर्थौ विनिश्चित्य व्यवसायं भजेत ह। गुणतः संग्रहं कुर्याद् दोषतस्तु विसर्जयेत् ॥ 17.41 ॥

arthānarthau viniścitya vyavasāyaṃ bhajeta ha| guṇataḥ saṃgrahaṃ kuryād doṣatastu visarjayet || 17.41 ||

“लाभ और हानि का भलीभाँति निश्चय करके ही कोई कार्य करना चाहिए; गुण होने पर स्वीकार करना चाहिए, दोष होने पर त्याग देना चाहिए।”

श्लोक 42 (yuddha.17.42)

यदि दोषो महांस्तस्मिंस्त्यज्यतामविशङ्कितम्। गुणान् वापि बहून् ज्ञात्वा संग्रहः क्रियतां नृप ॥ 17.42 ॥

yadi doṣo mahāṃstasmiṃstyajyatāmaviśaṅkitam| guṇān vāpi bahūn jñātvā saṃgrahaḥ kriyatāṃ nṛpa || 17.42 ||

“हे राजन्! यदि इसमें बड़ा दोष हो तो निःसंकोच त्याग दिया जाए; और यदि इसमें अनेक गुण पाए जाएँ तो इसे स्वीकार कर लिया जाए।”

श्लोक 43 (yuddha.17.43)

शरभस्त्वथ निश्चित्य सार्थं वचनमब्रवीत्। क्षिप्रमस्मिन् नरव्याघ्र चारः प्रतिविधीयताम् ॥ 17.43 ॥

śarabhastvatha niścitya sārthaṃ vacanamabravīt| kṣipramasmin naravyāghra cāraḥ pratividhīyatām || 17.43 ||

तब शरभ ने विचार करके अर्थपूर्ण वचन कहा: “हे नरव्याघ्र! इस पर शीघ्र गुप्तचर नियुक्त किया जाए।”

श्लोक 44 (yuddha.17.44)

प्रणिधाय हि चारेण यथावत् सूक्ष्मबुद्धिना। परीक्ष्य च ततः कार्यो यथान्यायं परिग्रहः ॥ 17.44 ॥

praṇidhāya hi cāreṇa yathāvat sūkṣmabuddhinā| parīkṣya ca tataḥ kāryo yathānyāyaṃ parigrahaḥ || 17.44 ||

“सूक्ष्मबुद्धि गुप्तचर द्वारा भलीभाँति निगरानी और परीक्षा करा लेने के पश्चात् ही न्यायपूर्वक इसे स्वीकार किया जाना चाहिए।”

श्लोक 45 (yuddha.17.45)

जाम्बवांस्त्वथ सम्प्रेक्ष्य शास्त्रबुद्ध्या विचक्षणः। वाक्यं विज्ञापयामास गुणवद् दोषवर्जितम् ॥ 17.45 ॥

jāmbavāṃstvatha samprekṣya śāstrabuddhyā vicakṣaṇaḥ| vākyaṃ vijñāpayāmāsa guṇavad doṣavarjitam || 17.45 ||

तब शास्त्र-बुद्धि से विचारशील जाम्बवान् ने विचार करके यह गुणयुक्त और दोषरहित वचन कहा।

श्लोक 46 (yuddha.17.46)

बद्धवैराच्च पापाच्च राक्षसेन्द्राद् विभीषणः। अदेशकाले सम्प्राप्तः सर्वथा शंक्यतामयम् ॥ 17.46 ॥

baddhavairācca pāpācca rākṣasendrād vibhīṣaṇaḥ| adeśakāle samprāptaḥ sarvathā śaṃkyatāmayam || 17.46 ||

“विभीषण उस पापी राक्षसराज के यहाँ से आया है जिससे तुम्हारा वैर है, और वह भी अनुचित स्थान-काल में - अतः यह सब प्रकार से संदेहास्पद है।”

श्लोक 47 (yuddha.17.47)

ततो मैन्दस्तु सम्प्रेक्ष्य नयापनयकोविदः। वाक्यं वचनसम्पन्नो बभाषे हेतुमत्तरम् ॥ 17.47 ॥

tato maindastu samprekṣya nayāpanayakovidaḥ| vākyaṃ vacanasampanno babhāṣe hetumattaram || 17.47 ||

तब नीति-अनीति के जानकार और वाक्पटु मैन्द ने विचार करके अधिक युक्तिसंगत वचन कहे।

श्लोक 48 (yuddha.17.48)

अनुजो नाम तस्यैष रावणस्य विभीषणः। पृच्छ्यतां मधुरेणायं शनैर्नरपतीश्वर ॥ 17.48 ॥

anujo nāma tasyaiṣa rāvaṇasya vibhīṣaṇaḥ| pṛcchyatāṃ madhureṇāyaṃ śanairnarapatīśvara || 17.48 ||

“हे नरपतीश्वर! यह विभीषण उसी रावण का छोटा भाई है; इससे धीरे-धीरे मधुर वचनों से पूछताछ की जाए।”

श्लोक 49 (yuddha.17.49)

भावमस्य तु विज्ञाय तत्त्वतस्तं करिष्यसि। यदि दुष्टो न दुष्टो वा बुद्धिपूर्वं नरर्षभ ॥ 17.49 ॥

bhāvamasya tu vijñāya tattvatastaṃ kariṣyasi| yadi duṣṭo na duṣṭo vā buddhipūrvaṃ nararṣabha || 17.49 ||

“हे नरश्रेष्ठ! इसके भाव को सत्यतः जानकर ही, चाहे यह दुष्ट हो या न हो, तुम सोच-समझकर निर्णय करना।”

श्लोक 50 (yuddha.17.50)

अथ संस्कारसम्पन्नो हनूमान् सचिवोत्तमः। उवाच वचनं श्लक्ष्णमर्थवन्मधुरं लघु ॥ 17.50 ॥

atha saṃskārasampanno hanūmān sacivottamaḥ| uvāca vacanaṃ ślakṣṇamarthavanmadhuraṃ laghu || 17.50 ||

तब सुसंस्कृत और मंत्रियों में श्रेष्ठ हनुमान् ने सुललित, अर्थपूर्ण, मधुर और संक्षिप्त वचन कहे।

श्लोक 51 (yuddha.17.51)

न भवन्तं मतिश्रेष्ठं समर्थं वदतां वरम्। अतिशाययितुं शक्तो बृहस्पतिरपि ब्रुवन् ॥ 17.51 ॥

na bhavantaṃ matiśreṣṭhaṃ samarthaṃ vadatāṃ varam| atiśāyayituṃ śakto bṛhaspatirapi bruvan || 17.51 ||

“हे बुद्धि में श्रेष्ठ, वक्ताओं में उत्तम और समर्थ! तुम्हें बोलने में बृहस्पति भी अतिक्रम नहीं कर सकते।”

श्लोक 52 (yuddha.17.52)

न वादान्नापि संघर्षान्नाधिक्यान्न च कामतः। वक्ष्यामि वचनं राजन् यथार्थं राम गौरवात् ॥ 17.52 ॥

na vādānnāpi saṃgharṣānnādhikyānna ca kāmataḥ| vakṣyāmi vacanaṃ rājan yathārthaṃ rāma gauravāt || 17.52 ||

“हे राजन्, हे राम! मैं न तो वाद-विवाद के लिए, न प्रतिस्पर्धा के लिए, न अधिकता जताने के लिए, न स्वेच्छा से, अपितु इस विषय के गौरव के कारण यथार्थ वचन कहता हूँ।”

श्लोक 53 (yuddha.17.53)

अर्थानर्थनिमित्तं हि यदुक्तं सचिवैस्तव। तत्र दोषं प्रपश्यामि क्रिया नह्युपपद्यते ॥ 17.53 ॥

arthānarthanimittaṃ hi yaduktaṃ sacivaistava| tatra doṣaṃ prapaśyāmi kriyā nahyupapadyate || 17.53 ||

“इस विषय के लाभ-हानि को लेकर तुम्हारे मंत्रियों ने जो कहा है, उसमें मुझे एक दोष दिखाई देता है - वह कार्यविधि सिद्ध ही नहीं हो सकती।”

श्लोक 54 (yuddha.17.54)

ऋते नियोगात् सामर्थ्यमवबोद्धुं न शक्यते। सहसा विनियोगोऽपि दोषवान् प्रतिभाति मे ॥ 17.54 ॥

ṛte niyogāt sāmarthyamavaboddhuṃ na śakyate| sahasā viniyogo'pi doṣavān pratibhāti me || 17.54 ||

“बिना कार्य सौंपे किसी की सामर्थ्य को जाना नहीं जा सकता - किन्तु शीघ्रतापूर्वक कार्य सौंप देना भी मुझे दोषपूर्ण प्रतीत होता है।”

श्लोक 55 (yuddha.17.55)

चारप्रणिहितं युक्तं यदुक्तं सचिवैस्तव। अर्थस्यासम्भवात् तत्र कारणं नोपपद्यते ॥ 17.55 ॥

cārapraṇihitaṃ yuktaṃ yaduktaṃ sacivaistava| arthasyāsambhavāt tatra kāraṇaṃ nopapadyate || 17.55 ||

“तुम्हारे मंत्रियों ने जो गुप्तचर भेजने की बात कही है, वह भी युक्तिसंगत प्रतीत नहीं होती, क्योंकि यहाँ इसकी सम्भावना ही नहीं बनती।”

श्लोक 56 (yuddha.17.56)

अदेशकाले सम्प्राप्त इत्ययं यद् विभीषणः। विवक्षा तत्र मेऽस्तीयं तां निबोध यथामति ॥ 17.56 ॥

adeśakāle samprāpta ityayaṃ yad vibhīṣaṇaḥ| vivakṣā tatra me'stīyaṃ tāṃ nibodha yathāmati || 17.56 ||

“यह जो कहा गया कि विभीषण अनुचित स्थान-काल में आया है, इस पर भी मेरा कुछ कहना है - मेरी बुद्धि के अनुसार उसे सुनो।”

श्लोक 57 (yuddha.17.57)

एष देशश्च कालश्च भवतीह यथा तथा। पुरुषात् पुरुषं प्राप्य तथा दोषगुणावपि ॥ 17.57 ॥

eṣa deśaśca kālaśca bhavatīha yathā tathā| puruṣāt puruṣaṃ prāpya tathā doṣaguṇāvapi || 17.57 ||

“यह स्थान और यह समय ठीक वैसा ही है जैसा होना चाहिए, क्योंकि एक पुरुष की तुलना दूसरे पुरुष से करने पर ही दोष-गुण प्रकट होते हैं।”

श्लोक 58 (yuddha.17.58)

दौरात्म्यं रावणे दृष्ट्वा विक्रमं च तथा त्वयि। युक्तमागमनं ह्यत्र सदृशं तस्य बुद्धितः ॥ 17.58 ॥

daurātmyaṃ rāvaṇe dṛṣṭvā vikramaṃ ca tathā tvayi| yuktamāgamanaṃ hyatra sadṛśaṃ tasya buddhitaḥ || 17.58 ||

“रावण में दुष्टता और तुम्हारे भीतर पराक्रम देखकर, यहाँ इसका आना उचित है और इसकी बुद्धिमत्ता के अनुरूप भी है।”

श्लोक 59 (yuddha.17.59)

अज्ञातरूपैः पुरुषैः स राजन् पृच्छ्यतामिति। यदुक्तमत्र मे प्रेक्षा काचिदस्ति समीक्षिता ॥ 17.59 ॥

ajñātarūpaiḥ puruṣaiḥ sa rājan pṛcchyatāmiti| yaduktamatra me prekṣā kācidasti samīkṣitā || 17.59 ||

“हे राजन्! इसे अज्ञात-रूप पुरुषों द्वारा पूछा जाए, इस बारे में भी मेरा एक विचारपूर्ण मत है।”

श्लोक 60 (yuddha.17.60)

पृच्छ्यमानो विशङ्केत सहसा बुद्धिमान् वचः। तत्र मित्रं प्रदुष्येत मिथ्या पृष्टं सुखागतम् ॥ 17.60 ॥

pṛcchyamāno viśaṅketa sahasā buddhimān vacaḥ| tatra mitraṃ praduṣyeta mithyā pṛṣṭaṃ sukhāgatam || 17.60 ||

“बुद्धिमान् व्यक्ति अचानक प्रश्न किए जाने पर सशंकित हो जाता है; इस प्रकार सहज भाव से आया हुआ मित्र भी छल से पूछे जाने पर विमुख हो सकता है।”

श्लोक 61 (yuddha.17.61)

अशक्यं सहसा राजन् भावो बोद्धुं परस्य वै। अन्तरेण स्वरैर्भिन्नैर्नैपुण्यं पश्यतां भृशम् ॥ 17.61 ॥

aśakyaṃ sahasā rājan bhāvo boddhuṃ parasya vai| antareṇa svarairbhinnairnaipuṇyaṃ paśyatāṃ bhṛśam || 17.61 ||

“हे राजन्! दूसरे के मन के भाव को इतनी शीघ्रता से जान लेना असम्भव है, जब तक कि स्वर के सूक्ष्म भेद पहचानने वाली गहरी निपुणता न हो।”

श्लोक 62 (yuddha.17.62)

न त्वस्य ब्रुवतो जातु लक्ष्यते दुष्टभावता। प्रसन्नं वदनं चापि तस्मान्मे नास्ति संशयः ॥ 17.62 ॥

na tvasya bruvato jātu lakṣyate duṣṭabhāvatā| prasannaṃ vadanaṃ cāpi tasmānme nāsti saṃśayaḥ || 17.62 ||

“इसके बोलने में कहीं भी दुष्ट भाव नहीं दिखता, और इसका मुख भी प्रसन्न है - इसलिए मुझे इस पर कोई सन्देह नहीं है।”

श्लोक 63 (yuddha.17.63)

अशङ्कितमतिः स्वस्थो न शठः परिसर्पति। न चास्य दुष्टवागस्ति तस्मान्मे नास्ति संशयः ॥ 17.63 ॥

aśaṅkitamatiḥ svastho na śaṭhaḥ parisarpati| na cāsya duṣṭavāgasti tasmānme nāsti saṃśayaḥ || 17.63 ||

“छली पुरुष इस प्रकार निःशंक भाव से और स्वस्थचित्त होकर विचरण नहीं करता; और इसकी वाणी में भी कोई दोष नहीं है - इसलिए मुझे कोई सन्देह नहीं है।”

श्लोक 64 (yuddha.17.64)

आकारश्छाद्यमानोऽपि न शक्यो विनिगूहितुम्। बलाद्धि विवृणोत्येव भावमन्तर्गतं नृणाम् ॥ 17.64 ॥

ākāraśchādyamāno'pi na śakyo vinigūhitum| balāddhi vivṛṇotyeva bhāvamantargataṃ nṛṇām || 17.64 ||

“मनुष्य के भाव-भंगिमा को चाहे कितना ही छिपाया जाए, वह पूर्णतः छिप नहीं पाती - वह बलपूर्वक हृदय के भीतरी भाव को प्रकट कर ही देती है।”

श्लोक 65 (yuddha.17.65)

देशकालोपपन्नं च कार्यं कार्यविदां वर। सफलं कुरुते क्षिप्रं प्रयोगेणाभिसंहितम् ॥ 17.65 ॥

deśakālopapannaṃ ca kāryaṃ kāryavidāṃ vara| saphalaṃ kurute kṣipraṃ prayogeṇābhisaṃhitam || 17.65 ||

“हे कार्यकुशलों में श्रेष्ठ! उचित स्थान और काल के अनुरूप किया गया कार्य, यदि शीघ्रता से किया जाए, तो शीघ्र ही सफल होता है।”

श्लोक 66 (yuddha.17.66)

उद्योगं तव सम्प्रेक्ष्य मिथ्यावृत्तं च रावणम्। वालिनं च हतं श्रुत्वा सुग्रीवं चाभिषेचितम् ॥ 17.66 ॥

udyogaṃ tava samprekṣya mithyāvṛttaṃ ca rāvaṇam| vālinaṃ ca hataṃ śrutvā sugrīvaṃ cābhiṣecitam || 17.66 ||

“तुम्हारे उद्योग और रावण के मिथ्याचरण को देखकर, तथा वालि के वध और सुग्रीव के राज्याभिषेक की बात सुनकर -”

श्लोक 67 (yuddha.17.67)

राज्यं प्रार्थयमानस्तु बुद्धिपूर्वमिहागतः। एतावत् तु पुरस्कृत्य युज्यते तस्य संग्रहः ॥ 17.67 ॥

rājyaṃ prārthayamānastu buddhipūrvamihāgataḥ| etāvat tu puraskṛtya yujyate tasya saṃgrahaḥ || 17.67 ||

“- राज्य की कामना करते हुए यह सोच-समझकर यहाँ आया है। केवल इसी आधार को आगे रखकर इसे स्वीकार करना उचित है।”

श्लोक 68 (yuddha.17.68)

यथाशक्ति मयोक्तं तु राक्षसस्यार्जवं प्रति। प्रमाणं त्वं हि शेषस्य श्रुत्वा बुद्धिमतां वर ॥ 17.68 ॥

yathāśakti mayoktaṃ tu rākṣasasyārjavaṃ prati| pramāṇaṃ tvaṃ hi śeṣasya śrutvā buddhimatāṃ vara || 17.68 ||

“मैंने अपनी शक्ति के अनुसार इस राक्षस की सच्चाई के विषय में कह दिया है; हे बुद्धिमानों में श्रेष्ठ! शेष सब बातों में तुम ही प्रमाण हो, यह सुनकर निर्णय करना।”