विभीषण का राज्याभिषेक और सागरतट पर राम

श्लोक 1 (yuddha.19.1)

राघवेणाभये दत्ते संनतो रावणानुजः। विभीषणो महाप्राज्ञो भूमिं समवलोकयत् ॥ 19.1 ॥

rāghaveṇābhaye datte saṃnato rāvaṇānujaḥ| vibhīṣaṇo mahāprājño bhūmiṃ samavalokayat || 19.1 ||

राघव द्वारा अभयदान दिए जाने पर, महाप्राज्ञ विभीषण, रावण का वह भाई, नत होकर पृथ्वी की ओर देखने लगा।

श्लोक 2 (yuddha.19.2)

खात् पपातावनिं हृष्टो भक्तैरनुचरैः सह। स तु रामस्य धर्मात्मा निपपात विभीषणः ॥ 19.2 ॥

khāt papātāvaniṃ hṛṣṭo bhaktairanucaraiḥ saha| sa tu rāmasya dharmātmā nipapāta vibhīṣaṇaḥ || 19.2 ||

वह प्रसन्नतापूर्वक आकाश से पृथ्वी पर उतर आया, अपने भक्त अनुचरों सहित - वह धर्मात्मा विभीषण राम के पास आ गिरा।

श्लोक 3 (yuddha.19.3)

पादयोर्निपपाताथ चतुर्भिः सह राक्षसैः। अब्रवीच्च तदा वाक्यं रामं प्रति विभीषणः ॥ 19.3 ॥

pādayornipapātātha caturbhiḥ saha rākṣasaiḥ| abravīcca tadā vākyaṃ rāmaṃ prati vibhīṣaṇaḥ || 19.3 ||

तत्पश्चात् वह अपने चार राक्षसों सहित राम के चरणों में गिर पड़ा; तब विभीषण ने राम से यह वचन कहा।

श्लोक 4 (yuddha.19.4)

धर्मयुक्तं च युक्तं च साम्प्रतं सम्प्रहर्षणम्। अनुजो रावणस्याहं तेन चास्म्यवमानितः ॥ 19.4 ॥

dharmayuktaṃ ca yuktaṃ ca sāmprataṃ sampraharṣaṇam| anujo rāvaṇasyāhaṃ tena cāsmyavamānitaḥ || 19.4 ||

- जो धर्मयुक्त, उचित, समयानुकूल और हर्षपूर्ण थे: “मैं रावण का अनुज हूँ, और उसी के द्वारा अपमानित हुआ हूँ।”

श्लोक 5 (yuddha.19.5)

भवन्तं सर्वभूतानां शरण्यं शरणं गतः। परित्यक्ता मया लङ्का मित्राणि च धनानि च ॥ 19.5 ॥

bhavantaṃ sarvabhūtānāṃ śaraṇyaṃ śaraṇaṃ gataḥ| parityaktā mayā laṅkā mitrāṇi ca dhanāni ca || 19.5 ||

“मैं समस्त प्राणियों के शरणदाता तुम्हारी शरण में आया हूँ। मैंने लंका, मित्रों और धन का त्याग कर दिया है।”

श्लोक 6 (yuddha.19.6)

भवद्गतं हि मे राज्यं जीवितं च सुखानि च। तस्य तद् वचनं श्रुत्वा रामो वचनमब्रवीत् ॥ 19.6 ॥

bhavadgataṃ hi me rājyaṃ jīvitaṃ ca sukhāni ca| tasya tad vacanaṃ śrutvā rāmo vacanamabravīt || 19.6 ||

“मेरा राज्य, मेरा जीवन और मेरा सुख - सब कुछ अब तुम्हारे अधीन है।” उसका यह वचन सुनकर राम ने उत्तर दिया।

श्लोक 7 (yuddha.19.7)

वचसा सान्त्वयित्वैनं लोचनाभ्यां पिबन्निव। आख्याहि मम तत्त्वेन राक्षसानां बलाबलम् ॥ 19.7 ॥

vacasā sāntvayitvainaṃ locanābhyāṃ pibanniva| ākhyāhi mama tattvena rākṣasānāṃ balābalam || 19.7 ||

उसे मधुर वचनों से सान्त्वना देते हुए, मानो नेत्रों से उसे पी रहे हों, राम ने कहा: “मुझे राक्षसों के बल और निर्बलता के विषय में सच-सच बताओ।”

श्लोक 8 (yuddha.19.8)

एवमुक्तं तदा रक्षो रामेणाक्लिष्टकर्मणा। रावणस्य बलं सर्वमाख्यातुमुपचक्रमे ॥ 19.8 ॥

evamuktaṃ tadā rakṣo rāmeṇākliṣṭakarmaṇā| rāvaṇasya balaṃ sarvamākhyātumupacakrame || 19.8 ||

अथक कर्मी राम द्वारा इस प्रकार पूछे जाने पर, वह राक्षस रावण के समस्त बल का वर्णन करने लगा।

श्लोक 9 (yuddha.19.9)

अवध्यः सर्वभूतानां गन्धर्वोरगपक्षिणाम्। राजपुत्र दशग्रीवो वरदानात् स्वयम्भुवः ॥ 19.9 ॥

avadhyaḥ sarvabhūtānāṃ gandharvoragapakṣiṇām| rājaputra daśagrīvo varadānāt svayambhuvaḥ || 19.9 ||

“हे राजपुत्र! स्वयंभू ब्रह्मा के वरदान से दशग्रीव किसी भी प्राणी द्वारा - गन्धर्व, नाग या पक्षी - वध्य नहीं है।”

श्लोक 10 (yuddha.19.10)

रावणानन्तरो भ्राता मम ज्येष्ठश्च वीर्यवान्। कुम्भकर्णो महातेजाः शक्रप्रतिबलो युधि ॥ 19.10 ॥

rāvaṇānantaro bhrātā mama jyeṣṭhaśca vīryavān| kumbhakarṇo mahātejāḥ śakrapratibalo yudhi || 19.10 ||

“रावण के बाद मेरा वह ज्येष्ठ भाई है, पराक्रमी और महातेजस्वी कुम्भकर्ण, जो युद्ध में इन्द्र के समान बलशाली है।”

श्लोक 11 (yuddha.19.11)

राम सेनापतिस्तस्य प्रहस्तो यदि ते श्रुतः। कैलासे येन समरे मणिभद्रः पराजितः ॥ 19.11 ॥

rāma senāpatistasya prahasto yadi te śrutaḥ| kailāse yena samare maṇibhadraḥ parājitaḥ || 19.11 ||

“हे राम! क्या तुमने उसके सेनापति प्रहस्त के विषय में सुना है, जिसने कैलास पर्वत पर युद्ध में मणिभद्र को पराजित किया था?”

श्लोक 12 (yuddha.19.12)

बद्धगोधाङ्गुलित्राणस्त्ववध्यकवचो युधि। धनुरादाय यस्तिष्ठन्नदृश्यो भवतीन्द्रजित् ॥ 19.12 ॥

baddhagodhāṅgulitrāṇastvavadhyakavaco yudhi| dhanurādāya yastiṣṭhannadṛśyo bhavatīndrajit || 19.12 ||

“और इन्द्रजित् है, जो गोह की खाल का दस्ताना और अभेद्य कवच बाँधकर, धनुष हाथ में लिए युद्धभूमि में खड़ा होकर अदृश्य हो जाता है।”

श्लोक 13 (yuddha.19.13)

संग्रामे सुमहद्व्यूहे तर्पयित्वा हुताशनम्। अन्तर्धानगतः श्रीमानिन्द्रजिद्धन्ति राघव ॥ 19.13 ॥

saṃgrāme sumahadvyūhe tarpayitvā hutāśanam| antardhānagataḥ śrīmānindrajiddhanti rāghava || 19.13 ||

“हे राघव! विशाल युद्धव्यूह में अग्निदेव को तृप्त करके, वह तेजस्वी इन्द्रजित् अदृश्य होकर ही प्रहार करता है।”

श्लोक 14 (yuddha.19.14)

महोदरमहापार्श्वौ राक्षसश्चाप्यकम्पनः। अनीकपास्तु तस्यैते लोकपालसमा युधि ॥ 19.14 ॥

mahodaramahāpārśvau rākṣasaścāpyakampanaḥ| anīkapāstu tasyaite lokapālasamā yudhi || 19.14 ||

“महोदर और महापार्श्व, तथा राक्षस अकम्पन - ये उसके सेनापति हैं, जो युद्ध में लोकपालों के समान हैं।”

श्लोक 15 (yuddha.19.15)

दशकोटिसहस्राणि रक्षसां कामरूपिणाम्। मांसशोणितभक्ष्याणां लङ्कापुरनिवासिनाम् ॥ 19.15 ॥

daśakoṭisahasrāṇi rakṣasāṃ kāmarūpiṇām| māṃsaśoṇitabhakṣyāṇāṃ laṅkāpuranivāsinām || 19.15 ||

“लंकापुरी में इच्छानुसार रूप धारण करने वाले, मांस-रक्त भक्षण करने वाले दस हज़ार करोड़ राक्षस निवास करते हैं।”

श्लोक 16 (yuddha.19.16)

स तैस्तु सहितो राजा लोकपालानयोधयत्। सह देवैस्तु ते भग्ना रावणेन दुरात्मना ॥ 19.16 ॥

sa taistu sahito rājā lokapālānayodhayat| saha devaistu te bhagnā rāvaṇena durātmanā || 19.16 ||

“उन्हीं के साथ राजा रावण ने लोकपालों से युद्ध किया था - और वे देवताओं सहित उस दुरात्मा रावण द्वारा पराजित हुए थे।”

श्लोक 17 (yuddha.19.17)

विभीषणस्य तु वचस्तच्छ्रुत्वा रघुसत्तमः। अन्वीक्ष्य मनसा सर्वमिदं वचनमब्रवीत् ॥ 19.17 ॥

vibhīṣaṇasya tu vacastacchrutvā raghusattamaḥ| anvīkṣya manasā sarvamidaṃ vacanamabravīt || 19.17 ||

विभीषण के इस वचन को सुनकर, रघुश्रेष्ठ राम ने मन में सब कुछ भलीभाँति विचारकर यह वचन कहा।

श्लोक 18 (yuddha.19.18)

यानि कर्मापदानानि रावणस्य विभीषण। आख्यातानि च तत्त्वेन ह्यवगच्छामि तान्यहम् ॥ 19.18 ॥

yāni karmāpadānāni rāvaṇasya vibhīṣaṇa| ākhyātāni ca tattvena hyavagacchāmi tānyaham || 19.18 ||

“हे विभीषण! रावण के जिन कर्मों और पराक्रमों का तुमने सत्य-सत्य वर्णन किया है, मैं उन्हें भलीभाँति समझ गया हूँ।”

श्लोक 19 (yuddha.19.19)

अहं हत्वा दशग्रीवं सप्रहस्तं सहात्मजम्। राजानं त्वां करिष्यामि सत्यमेतच्छृणोतु मे ॥ 19.19 ॥

ahaṃ hatvā daśagrīvaṃ saprahastaṃ sahātmajam| rājānaṃ tvāṃ kariṣyāmi satyametacchṛṇotu me || 19.19 ||

“प्रहस्त और अपने पुत्र सहित दशग्रीव का वध करके, मैं तुम्हें राजा बनाऊँगा - मुझसे यह सत्य वचन सुनो।”

श्लोक 20 (yuddha.19.20)

रसातलं वा प्रविशेत् पातालं वापि रावणः। पितामहसकाशं वा न मे जीवन् विमोक्ष्यते ॥ 19.20 ॥

rasātalaṃ vā praviśet pātālaṃ vāpi rāvaṇaḥ| pitāmahasakāśaṃ vā na me jīvan vimokṣyate || 19.20 ||

“चाहे रावण रसातल में प्रवेश करे, चाहे पाताल में, अथवा पितामह ब्रह्मा की शरण में जाए - वह जीवित रहकर मुझसे नहीं बच सकेगा।”

श्लोक 21 (yuddha.19.21)

अहत्वा रावणं संख्ये सपुत्रजनबान्धवम्। अयोध्यां न प्रवेक्ष्यामि त्रिभिस्तैर्भ्रातृभिः शपे ॥ 19.21 ॥

ahatvā rāvaṇaṃ saṃkhye saputrajanabāndhavam| ayodhyāṃ na pravekṣyāmi tribhistairbhrātṛbhiḥ śape || 19.21 ||

“युद्ध में रावण को उसके पुत्रों, परिजनों और बन्धुओं सहित मारे बिना, मैं अयोध्या में प्रवेश नहीं करूँगा - अपने इन तीनों भाइयों की शपथ लेकर मैं यह कहता हूँ।”

श्लोक 22 (yuddha.19.22)

श्रुत्वा तु वचनं तस्य रामस्याक्लिष्टकर्मणः। शिरसाऽऽवन्द्य धर्मात्मा वक्तुमेवं प्रचक्रमे ॥ 19.22 ॥

śrutvā tu vacanaṃ tasya rāmasyākliṣṭakarmaṇaḥ| śirasā''vandya dharmātmā vaktumevaṃ pracakrame || 19.22 ||

अथक कर्मी राम के इस वचन को सुनकर, धर्मात्मा विभीषण ने सिर झुककर प्रणाम किया और इस प्रकार कहना आरम्भ किया।

श्लोक 23 (yuddha.19.23)

राक्षसानां वधे साह्यं लङ्कायाश्च प्रधर्षणे। करिष्यामि यथाप्राणं प्रवेक्ष्यामि च वाहिनीम् ॥ 19.23 ॥

rākṣasānāṃ vadhe sāhyaṃ laṅkāyāśca pradharṣaṇe| kariṣyāmi yathāprāṇaṃ pravekṣyāmi ca vāhinīm || 19.23 ||

“मैं राक्षसों के वध और लंका पर आक्रमण में अपने प्राणपण से सहायता करूँगा, और स्वयं सेना में प्रवेश करूँगा।”

श्लोक 24 (yuddha.19.24)

इति ब्रुवाणं रामस्तु परिष्वज्य विभीषणम्। अब्रवील्लक्ष्मणं प्रीतः समुद्राज्जलमानय ॥ 19.24 ॥

iti bruvāṇaṃ rāmastu pariṣvajya vibhīṣaṇam| abravīllakṣmaṇaṃ prītaḥ samudrājjalamānaya || 19.24 ||

इस प्रकार कहते हुए विभीषण को राम ने अत्यन्त प्रसन्न होकर आलिंगन किया, और लक्ष्मण से कहा: “समुद्र से जल ले आओ।”

श्लोक 25 (yuddha.19.25)

तेन चेमं महाप्राज्ञमभिषिञ्च विभीषणम्। राजानं रक्षसां क्षिप्रं प्रसन्ने मयि मानद ॥ 19.25 ॥

tena cemaṃ mahāprājñamabhiṣiñca vibhīṣaṇam| rājānaṃ rakṣasāṃ kṣipraṃ prasanne mayi mānada || 19.25 ||

“हे मानद! उस जल से इस महाप्राज्ञ विभीषण को शीघ्र राक्षसों का राजा अभिषिक्त करो, जिससे मुझे प्रसन्नता हो।”

श्लोक 26 (yuddha.19.26)

एवमुक्तस्तु सौमित्रिरभ्यषिञ्चद् विभीषणम्। मध्ये वानरमुख्यानां राजानं राजशासनात् ॥ 19.26 ॥

evamuktastu saumitrirabhyaṣiñcad vibhīṣaṇam| madhye vānaramukhyānāṃ rājānaṃ rājaśāsanāt || 19.26 ||

इस प्रकार आज्ञा पाकर सौमित्रि लक्ष्मण ने राजा की आज्ञा से, वानर-प्रमुखों के बीच, विभीषण को राजा के रूप में अभिषिक्त किया।

श्लोक 27 (yuddha.19.27)

तं प्रसादं तु रामस्य दृष्ट्वा सद्यः प्लवङ्गमाः। प्रचुक्रुशुर्महात्मानं साधुसाध्विति चाब्रुवन् ॥ 19.27 ॥

taṃ prasādaṃ tu rāmasya dṛṣṭvā sadyaḥ plavaṅgamāḥ| pracukruśurmahātmānaṃ sādhusādhviti cābruvan || 19.27 ||

राम की इस कृपा को देखकर वानर तुरन्त उच्च स्वर में जय-जयकार करने लगे और उस महात्मा की “साधु, साधु” कहकर सराहना करने लगे।

श्लोक 28 (yuddha.19.28)

अब्रवीच्च हनूमांश्च सुग्रीवश्च विभीषणम्। कथं सागरमक्षोभ्यं तराम वरुणालयम्। सैन्यैः परिवृताः सर्वे वानराणां महौजसाम् ॥ 19.28 ॥

abravīcca hanūmāṃśca sugrīvaśca vibhīṣaṇam| kathaṃ sāgaramakṣobhyaṃ tarāma varuṇālayam| sainyaiḥ parivṛtāḥ sarve vānarāṇāṃ mahaujasām || 19.28 ||

तब हनुमान् और सुग्रीव ने विभीषण से कहा: “अपनी विशाल और तेजस्वी वानर-सेना सहित हम इस अडिग समुद्र को, वरुण के इस आवास को, कैसे पार करें?”

श्लोक 29 (yuddha.19.29)

उपायैरभिगच्छाम यथा नदनदीपतिम्। तराम तरसा सर्वे ससैन्या वरुणालयम् ॥ 19.29 ॥

upāyairabhigacchāma yathā nadanadīpatim| tarāma tarasā sarve sasainyā varuṇālayam || 19.29 ||

“किस उपाय से हम नद-नदियों के स्वामी तक पहुँचें, ताकि हम सब अपनी सेना सहित शीघ्र ही वरुण के इस आवास को पार कर सकें?”

श्लोक 30 (yuddha.19.30)

एवमुक्तस्तु धर्मात्मा प्रत्युवाच विभीषणः। समुद्रं राघवो राजा शरणं गन्तुमर्हति ॥ 19.30 ॥

evamuktastu dharmātmā pratyuvāca vibhīṣaṇaḥ| samudraṃ rāghavo rājā śaraṇaṃ gantumarhati || 19.30 ||

इस प्रकार पूछे जाने पर धर्मात्मा विभीषण ने उत्तर दिया: “राजा राघव के लिए यही उचित है कि वे स्वयं समुद्र की शरण लें।”

श्लोक 31 (yuddha.19.31)

खानितः सगरेणायमप्रमेयो महोदधिः। कर्तुमर्हति रामस्य ज्ञातेः कार्यं महोदधिः ॥ 19.31 ॥

khānitaḥ sagareṇāyamaprameyo mahodadhiḥ| kartumarhati rāmasya jñāteḥ kāryaṃ mahodadhiḥ || 19.31 ||

“इस अपार, अगाध महासागर को सगर ने खोदा था; अतः यह महासागर अपने ही ज्ञातिबन्धु राम का कार्य अवश्य करेगा।”

श्लोक 32 (yuddha.19.32)

एवं विभीषणेनोक्तो राक्षसेन विपश्चिता। आजगामाथ सुग्रीवो यत्र रामः सलक्ष्मणः ॥ 19.32 ॥

evaṃ vibhīṣaṇenokto rākṣasena vipaścitā| ājagāmātha sugrīvo yatra rāmaḥ salakṣmaṇaḥ || 19.32 ||

विद्वान् राक्षस विभीषण द्वारा इस प्रकार कहे जाने पर, सुग्रीव वहाँ आया जहाँ राम लक्ष्मण सहित थे।

श्लोक 33 (yuddha.19.33)

ततश्चाख्यातुमारेभे विभीषणवचः शुभम्। सुग्रीवो विपुलग्रीवः सागरस्योपवेशनम् ॥ 19.33 ॥

tataścākhyātumārebhe vibhīṣaṇavacaḥ śubham| sugrīvo vipulagrīvaḥ sāgarasyopaveśanam || 19.33 ||

तब विशाल कण्ठ वाले सुग्रीव ने विभीषण के उस शुभ परामर्श को कहना आरम्भ किया, कि समुद्र के समक्ष बैठकर उससे प्रार्थना की जाए।

श्लोक 34 (yuddha.19.34)

प्रकृत्या धर्मशीलस्य रामस्यास्याप्यरोचत। सलक्ष्मणं महातेजाः सुग्रीवं च हरीश्वरम् ॥ 19.34 ॥

prakṛtyā dharmaśīlasya rāmasyāsyāpyarocata| salakṣmaṇaṃ mahātejāḥ sugrīvaṃ ca harīśvaram || 19.34 ||

यह बात स्वभाव से धर्मशील राम को भी रुचिकर लगी; तब महातेजस्वी राम ने लक्ष्मण सहित वानरराज सुग्रीव को -

श्लोक 35 (yuddha.19.35)

सत्क्रियार्थं क्रियादक्षं स्मितपूर्वमभाषत। विभीषणस्य मन्त्रोऽयं मम लक्ष्मण रोचते ॥ 19.35 ॥

satkriyārthaṃ kriyādakṣaṃ smitapūrvamabhāṣata| vibhīṣaṇasya mantro'yaṃ mama lakṣmaṇa rocate || 19.35 ||

- कार्यकुशल सुग्रीव को उस परामर्श का सम्मान करते हुए, मुस्कुराते हुए यह कहा: “हे लक्ष्मण! मुझे विभीषण का यह परामर्श अच्छा लगता है।”

श्लोक 36 (yuddha.19.36)

सुग्रीवः पण्डितो नित्यं भवान् मन्त्रविचक्षणः। उभाभ्यां सम्प्रधार्यार्थं रोचते यत् तदुच्यताम् ॥ 19.36 ॥

sugrīvaḥ paṇḍito nityaṃ bhavān mantravicakṣaṇaḥ| ubhābhyāṃ sampradhāryārthaṃ rocate yat taducyatām || 19.36 ||

“सुग्रीव सदा विद्वान् है, और तुम भी मंत्रणा में निपुण हो; तुम दोनों मिलकर इस विषय पर विचार करो और जो उचित लगे, वह बताओ।”

श्लोक 37 (yuddha.19.37)

एवमुक्तौ ततो वीरावुभौ सुग्रीवलक्ष्मणौ। समुदाचारसंयुक्तमिदं वचनमूचतुः ॥ 19.37 ॥

evamuktau tato vīrāvubhau sugrīvalakṣmaṇau| samudācārasaṃyuktamidaṃ vacanamūcatuḥ || 19.37 ||

इस प्रकार कहे जाने पर वे दोनों वीर सुग्रीव और लक्ष्मण विनयपूर्वक यह वचन बोले।

श्लोक 38 (yuddha.19.38)

किमर्थं नौ नरव्याघ्र न रोचिष्यति राघव। विभीषणेन यत् तूक्तमस्मिन् काले सुखावहम् ॥ 19.38 ॥

kimarthaṃ nau naravyāghra na rociṣyati rāghava| vibhīṣaṇena yat tūktamasmin kāle sukhāvaham || 19.38 ||

“हे राघव, हे नरव्याघ्र! विभीषण ने इस समय जो सुखकर परामर्श दिया है, वह हमें भी क्यों न रुचिकर लगे?”

श्लोक 39 (yuddha.19.39)

अबद्ध्वा सागरे सेतुं घोरेऽस्मिन् वरुणालये। लङ्का नासादितुं शक्या सेन्द्रैरपि सुरासुरैः ॥ 19.39 ॥

abaddhvā sāgare setuṃ ghore'smin varuṇālaye| laṅkā nāsādituṃ śakyā sendrairapi surāsuraiḥ || 19.39 ||

“इस भयंकर वरुणालय समुद्र पर सेतु बाँधे बिना, इन्द्र सहित देवता और असुर भी लंका तक नहीं पहुँच सकते।”

श्लोक 40 (yuddha.19.40)

विभीषणस्य शूरस्य यथार्थं क्रियतां वचः। अलं कालात्ययं कृत्वा सागरोऽयं नियुज्यताम्। यथा सैन्येन गच्छाम पुरीं रावणपालिताम् ॥ 19.40 ॥

vibhīṣaṇasya śūrasya yathārthaṃ kriyatāṃ vacaḥ| alaṃ kālātyayaṃ kṛtvā sāgaro'yaṃ niyujyatām| yathā sainyena gacchāma purīṃ rāvaṇapālitām || 19.40 ||

“वीर विभीषण के इस परामर्श का यथोचित पालन किया जाए। अब और समय गँवाना उचित नहीं - इस समुद्र को आज्ञा दी जाए, ताकि हम सेना सहित रावण-शासित नगरी तक पहुँच सकें।”

श्लोक 41 (yuddha.19.41)

एवमुक्तः कुशास्तीर्णे तीरे नदनदीपतेः। संविवेश तदा रामो वेद्यामिव हुताशनः ॥ 19.41 ॥

evamuktaḥ kuśāstīrṇe tīre nadanadīpateḥ| saṃviveśa tadā rāmo vedyāmiva hutāśanaḥ || 19.41 ||

इस प्रकार कहे जाने पर राम उस समय कुशासन से बिछे हुए नद-नदीपति के तट पर उसी प्रकार जा बैठे, जैसे अग्निदेव वेदी पर विराजमान होते हैं।