रावण-दूत शुक

श्लोक 1 (yuddha.20.1)

ततो निविष्टां ध्वजिनीं सुग्रीवेणाभिपालिताम्। ददर्श राक्षसोऽभ्येत्य शार्दूलो नाम वीर्यवान् ॥ 20.1 ॥

tato niviṣṭāṃ dhvajinīṃ sugrīveṇābhipālitām| dadarśa rākṣaso'bhyetya śārdūlo nāma vīryavān || 20.1 ||

तब शार्दूल नामक एक पराक्रमी राक्षस वहाँ आकर सुग्रीव द्वारा रक्षित और पड़ाव डाले हुए उस सेना को देखने लगा।

श्लोक 2 (yuddha.20.2)

चारो राक्षसराजस्य रावणस्य दुरात्मनः। तां दृष्ट्वा सर्वतोऽव्यग्रां प्रतिगम्य स राक्षसः ॥ 20.2 ॥

cāro rākṣasarājasya rāvaṇasya durātmanaḥ| tāṃ dṛṣṭvā sarvato'vyagrāṃ pratigamya sa rākṣasaḥ || 20.2 ||

वह राक्षस, दुरात्मा राक्षसराज रावण का गुप्तचर, उस सेना को चारों ओर से निश्चिन्त भाव से देखकर लौट आया -

श्लोक 3 (yuddha.20.3)

आविश्य लङ्कां वेगेन राजानमिदमब्रवीत्। एष वै वानरर्क्षौघो लङ्कां समभिवर्तते ॥ 20.3 ॥

āviśya laṅkāṃ vegena rājānamidamabravīt| eṣa vai vānararkṣaugho laṅkāṃ samabhivartate || 20.3 ||

- और वेग से लंका में प्रवेश करके राजा से यह कहा: “यह वानरों और भालुओं की विशाल सेना लंका की ओर बढ़ी आ रही है।”

श्लोक 4 (yuddha.20.4)

अगाधश्चाप्रमेयश्च द्वितीय इव सागरः। पुत्रौ दशरथस्येमौ भ्रातरौ रामलक्ष्मणौ ॥ 20.4 ॥

agādhaścāprameyaśca dvitīya iva sāgaraḥ| putrau daśarathasyemau bhrātarau rāmalakṣmaṇau || 20.4 ||

“यह अथाह और अगणित है, मानो दूसरा समुद्र हो। दशरथ के ये दोनों पुत्र, भ्राता राम और लक्ष्मण,”

श्लोक 5 (yuddha.20.5)

उत्तमौ रूपसम्पन्नौ सीतायाः पदमागतौ। एतौ सागरमासाद्य संनिविष्टौ महाद्युते ॥ 20.5 ॥

uttamau rūpasampannau sītāyāḥ padamāgatau| etau sāgaramāsādya saṃniviṣṭau mahādyute || 20.5 ||

“- अत्यन्त सुन्दर एवं रूपवान्, सीता के चिह्न को खोजते हुए यहाँ आए हैं - हे तेजस्वी! ये दोनों समुद्र तट पर पहुँचकर पड़ाव डाल चुके हैं।”

श्लोक 6 (yuddha.20.6)

बलं चाकाशमावृत्य सर्वतो दशयोजनम्। तत्त्वभूतं महाराज क्षिप्रं वेदितुमर्हसि ॥ 20.6 ॥

balaṃ cākāśamāvṛtya sarvato daśayojanam| tattvabhūtaṃ mahārāja kṣipraṃ veditumarhasi || 20.6 ||

“उनकी सेना ने चारों ओर दस योजन तक आकाश को घेर लिया है। हे महाराज! तुम्हें शीघ्र ही इस सत्य को जान लेना चाहिए।”

श्लोक 7 (yuddha.20.7)

तव दूता महाराज क्षिप्रमर्हन्ति वेदितुम्। उपप्रदानं सान्त्वं वा भेदो वात्र प्रयुज्यताम् ॥ 20.7 ॥

tava dūtā mahārāja kṣipramarhanti veditum| upapradānaṃ sāntvaṃ vā bhedo vātra prayujyatām || 20.7 ||

“हे महाराज! तुम्हारे दूतों को इस विषय को शीघ्र जान लेना चाहिए; और यहाँ उपहार, सान्त्वना अथवा फूट डालने का उपाय काम में लिया जाए।”

श्लोक 8 (yuddha.20.8)

शार्दूलस्य वचः श्रुत्वा रावणो राक्षसेश्वरः। उवाच सहसा व्यग्रः सम्प्रधार्यार्थमात्मनः। शुकं साधु तदा रक्षो वाक्यमर्थविदां वरम् ॥ 20.8 ॥

śārdūlasya vacaḥ śrutvā rāvaṇo rākṣaseśvaraḥ| uvāca sahasā vyagraḥ sampradhāryārthamātmanaḥ| śukaṃ sādhu tadā rakṣo vākyamarthavidāṃ varam || 20.8 ||

शार्दूल के वचन सुनकर, राक्षसराज रावण एकाएक व्यग्र हो उठा, और अपनी नीति का निश्चय करके, अर्थवेत्ताओं में श्रेष्ठ शुक नामक राक्षस से भलीभाँति यह वचन कहा।

श्लोक 9 (yuddha.20.9)

सुग्रीवं ब्रूहि गत्वाऽऽशु राजानं वचनान्मम। यथासंदेशमक्लीबं श्लक्ष्णया परया गिरा ॥ 20.9 ॥

sugrīvaṃ brūhi gatvā''śu rājānaṃ vacanānmama| yathāsaṃdeśamaklībaṃ ślakṣṇayā parayā girā || 20.9 ||

“शीघ्र जाकर मेरी ओर से राजा सुग्रीव से मेरे संदेशानुसार, निर्भीक होकर, अत्यन्त मधुर और सौम्य वाणी में कहो।”

श्लोक 10 (yuddha.20.10)

त्वं वै महाराजकुलप्रसूतो महाबलश्चर्क्षरजःसुतश्च। न कश्चनार्थस्तव नास्त्यनर्थ- स्तथापि मे भ्रातृसमो हरीश ॥ 20.10 ॥

tvaṃ vai mahārājakulaprasūto mahābalaścarkṣarajaḥsutaśca| na kaścanārthastava nāstyanartha- stathāpi me bhrātṛsamo harīśa || 20.10 ||

“तुम निश्चय ही महान् राजकुल में उत्पन्न, महाबली और ऋक्षराज के पुत्र हो; इस युद्ध में तुम्हारा न कोई लाभ है, न हानि - फिर भी, हे हरीश! तुम मेरे लिए भाई के समान हो।”

श्लोक 11 (yuddha.20.11)

अहं यद्यहरं भार्यां राजपुत्रस्य धीमतः। किं तत्र तव सुग्रीव किष्किन्धां प्रति गम्यताम् ॥ 20.11 ॥

ahaṃ yadyaharaṃ bhāryāṃ rājaputrasya dhīmataḥ| kiṃ tatra tava sugrīva kiṣkindhāṃ prati gamyatām || 20.11 ||

“यदि मैंने उस बुद्धिमान् राजकुमार की पत्नी का हरण किया है, तो इसमें तुम्हारा क्या, हे सुग्रीव? तुम किष्किन्धा को लौट जाओ।”

श्लोक 12 (yuddha.20.12)

नहीयं हरिभिर्लङ्का प्राप्तुं शक्या कथंचन। देवैरपि सगन्धर्वैः किं पुनर्नरवानरैः ॥ 20.12 ॥

nahīyaṃ haribhirlaṅkā prāptuṃ śakyā kathaṃcana| devairapi sagandharvaiḥ kiṃ punarnaravānaraiḥ || 20.12 ||

“यह लंका किसी भी प्रकार वानरों द्वारा जीती नहीं जा सकती। गन्धर्वों सहित देवता भी इसे नहीं जीत सकते, फिर मनुष्यों और वानरों की तो बात ही क्या!”

श्लोक 13 (yuddha.20.13)

स तदा राक्षसेन्द्रेण संदिष्टो रजनीचरः। शुको विहंगमो भूत्वा तूर्णमाप्लुत्य चाम्बरम् ॥ 20.13 ॥

sa tadā rākṣasendreṇa saṃdiṣṭo rajanīcaraḥ| śuko vihaṃgamo bhūtvā tūrṇamāplutya cāmbaram || 20.13 ||

तब राक्षसराज द्वारा इस प्रकार आदिष्ट वह निशाचर शुक पक्षी का रूप धारण कर तुरन्त आकाश में उड़ गया।

श्लोक 14 (yuddha.20.14)

स गत्वा दूरमध्वानमुपर्युपरि सागरम्। संस्थितो ह्यम्बरे वाक्यं सुग्रीवमिदमब्रवीत् ॥ 20.14 ॥

sa gatvā dūramadhvānamuparyupari sāgaram| saṃsthito hyambare vākyaṃ sugrīvamidamabravīt || 20.14 ||

वह दूर तक समुद्र के ऊपर से उड़कर आकाश में ही रुक गया, और सुग्रीव से यह वचन कहा।

श्लोक 15 (yuddha.20.15)

सर्वमुक्तं यथाऽऽदिष्टं रावणेन दुरात्मना। तत् प्रापयन्तं वचनं तूर्णमाप्लुत्य वानराः ॥ 20.15 ॥

sarvamuktaṃ yathā''diṣṭaṃ rāvaṇena durātmanā| tat prāpayantaṃ vacanaṃ tūrṇamāplutya vānarāḥ || 20.15 ||

उसने दुरात्मा रावण की आज्ञा के अनुसार सारा संदेश कह सुनाया; और वह संदेश दे ही रहा था कि वानर तुरन्त उछल पड़े -

श्लोक 16 (yuddha.20.16)

प्रापद्यन्त तदा क्षिप्रं लोप्तुं हन्तुं च मुष्टिभिः। सर्वैः प्लवंगैः प्रसभं निगृहीतो निशाचरः ॥ 20.16 ॥

prāpadyanta tadā kṣipraṃ loptuṃ hantuṃ ca muṣṭibhiḥ| sarvaiḥ plavaṃgaiḥ prasabhaṃ nigṛhīto niśācaraḥ || 20.16 ||

- और उस तक पहुँचकर उसे नोचने और मुक्कों से मारने लगे; समस्त वानरों ने बलपूर्वक उस निशाचर को पकड़ लिया।

श्लोक 17 (yuddha.20.17)

गगनाद् भूतले चाशु प्रतिगृह्यावतारितः। वानरैः पीड्यमानस्तु शुको वचनमब्रवीत् ॥ 20.17 ॥

gaganād bhūtale cāśu pratigṛhyāvatāritaḥ| vānaraiḥ pīḍyamānastu śuko vacanamabravīt || 20.17 ||

पकड़ लिए जाने पर उसे शीघ्र ही आकाश से भूमि पर उतार लिया गया; वानरों द्वारा पीड़ित शुक ने यह वचन कहा।

श्लोक 18 (yuddha.20.18)

न दूतान् घ्नन्ति काकुत्स्थ वार्यन्तां साधु वानराः। यस्तु हित्वा मतं भर्तुः स्वमतं सम्प्रधारयेत्। अनुक्तवादी दूतः सन् स दूतो वधमर्हति ॥ 20.18 ॥

na dūtān ghnanti kākutstha vāryantāṃ sādhu vānarāḥ| yastu hitvā mataṃ bhartuḥ svamataṃ sampradhārayet| anuktavādī dūtaḥ san sa dūto vadhamarhati || 20.18 ||

“हे काकुत्स्थ! दूतों का वध नहीं किया जाता - इन वानरों को भलीभाँति रोका जाए। दूत होकर भी जो अपने स्वामी के मत को छोड़कर अपनी बात कहता है, और जो कहा नहीं गया वह कहता है, वही दूत वध के योग्य होता है।”

श्लोक 19 (yuddha.20.19)

शुकस्य वचनं रामः श्रुत्वा तु परिदेवितम्। उवाच मावधिष्टेति घ्नतः शाखामृगर्षभान् ॥ 20.19 ॥

śukasya vacanaṃ rāmaḥ śrutvā tu paridevitam| uvāca māvadhiṣṭeti ghnataḥ śākhāmṛgarṣabhān || 20.19 ||

शुक के इस विलापपूर्ण वचन को सुनकर, राम ने उसे पीट रहे श्रेष्ठ वानरों से कहा: “इसे मत मारो।”

श्लोक 20 (yuddha.20.20)

स च पत्रलघुर्भूत्वा हरिभिर्दर्शितेऽभये। अन्तरिक्षे स्थितो भूत्वा पुनर्वचनमब्रवीत् ॥ 20.20 ॥

sa ca patralaghurbhūtvā haribhirdarśite'bhaye| antarikṣe sthito bhūtvā punarvacanamabravīt || 20.20 ||

तब वानरों द्वारा अभय दिए जाने पर, वह पुनः हलके पंखों वाला होकर आकाश में स्थित हो गया, और फिर से यह वचन कहा।

श्लोक 21 (yuddha.20.21)

सुग्रीव सत्त्वसम्पन्न महाबलपराक्रम। किं मया खलु वक्तव्यो रावणो लोकरावणः ॥ 20.21 ॥

sugrīva sattvasampanna mahābalaparākrama| kiṃ mayā khalu vaktavyo rāvaṇo lokarāvaṇaḥ || 20.21 ||

“हे सुग्रीव! हे सत्त्वसम्पन्न, हे महाबलपराक्रमी! अब मैं उस लोकों को रुलाने वाले रावण से क्या कहूँ?”

श्लोक 22 (yuddha.20.22)

स एवमुक्तः प्लवगाधिपस्तदा प्लवंगमानामृषभो महाबलः। उवाच वाक्यं रजनीचरस्य चारं शुकं शुद्धमदीनसत्त्वः ॥ 20.22 ॥

sa evamuktaḥ plavagādhipastadā plavaṃgamānāmṛṣabho mahābalaḥ| uvāca vākyaṃ rajanīcarasya cāraṃ śukaṃ śuddhamadīnasattvaḥ || 20.22 ||

इस प्रकार कहे जाने पर, वानरराज और वानरों में श्रेष्ठ, महाबली और अदीन-चित्त सुग्रीव ने उस निशाचर के निष्कलंक गुप्तचर शुक से यह वचन कहा।

श्लोक 23 (yuddha.20.23)

न मेऽसि मित्रं न तथानुकम्प्यो न चोपकर्तासि न मे प्रियोऽसि। अरिश्च रामस्य सहानुबन्ध- स्ततोऽसि वालीव वधार्ह वध्यः ॥ 20.23 ॥

na me'si mitraṃ na tathānukampyo na copakartāsi na me priyo'si| ariśca rāmasya sahānubandha- stato'si vālīva vadhārha vadhyaḥ || 20.23 ||

“तुम न तो मेरे मित्र हो, न दया के पात्र; तुमने मेरा कोई उपकार नहीं किया, न तुम मुझे प्रिय हो। तुम राम के शत्रु हो, अपने समस्त अनुयायियों सहित - अतः वालि के समान तुम भी वध के योग्य हो, वध्य हो।”

श्लोक 24 (yuddha.20.24)

निहन्म्यहं त्वां ससुतं सबन्धुं सज्ञातिवर्गं रजनीचरेश। लङ्कां च सर्वां महता बलेन सर्वैः करिष्यामि समेत्य भस्म ॥ 20.24 ॥

nihanmyahaṃ tvāṃ sasutaṃ sabandhuṃ sajñātivargaṃ rajanīcareśa| laṅkāṃ ca sarvāṃ mahatā balena sarvaiḥ kariṣyāmi sametya bhasma || 20.24 ||

“हे निशाचरेश! मैं तुम्हें तुम्हारे पुत्रों, बन्धुओं और समस्त ज्ञातिवर्ग सहित मार डालूँगा; और अपनी विशाल सेना के साथ आकर सम्पूर्ण लंका को भस्म कर दूँगा।”

श्लोक 25 (yuddha.20.25)

न मोक्ष्यसे रावण राघवस्य सुरैः सहेन्द्रैरपि मूढ गुप्तः। अन्तर्हितः सूर्यपथं गतोऽपि तथैव पातालमनुप्रविष्टः। गिरीशपादाम्बुजसंगतो वा हतोऽसि रामेण सहानुजस्त्वम् ॥ 20.25 ॥

na mokṣyase rāvaṇa rāghavasya suraiḥ sahendrairapi mūḍha guptaḥ| antarhitaḥ sūryapathaṃ gato'pi tathaiva pātālamanupraviṣṭaḥ| girīśapādāmbujasaṃgato vā hato'si rāmeṇa sahānujastvam || 20.25 ||

“हे मूढ़ रावण! इन्द्र सहित समस्त देवताओं द्वारा रक्षित होने पर भी तुम राघव से नहीं बच सकोगे - चाहे तुम अन्तर्धान हो जाओ, चाहे सूर्यपथ पर चले जाओ, चाहे पाताल में प्रवेश कर जाओ, अथवा गिरीश शिव के चरणकमलों की शरण ले लो। तुम अपने अनुज सहित राम द्वारा मारे ही जा चुके हो।”

श्लोक 26 (yuddha.20.26)

तस्य ते त्रिषु लोकेषु न पिशाचं न राक्षसम्। त्रातारं नानुपश्यामि न गन्धर्वं न चासुरम् ॥ 20.26 ॥

tasya te triṣu lokeṣu na piśācaṃ na rākṣasam| trātāraṃ nānupaśyāmi na gandharvaṃ na cāsuram || 20.26 ||

“तीनों लोकों में मुझे तुम्हारा कोई रक्षक नहीं दिखता - न कोई पिशाच, न राक्षस, न गन्धर्व, न असुर।”

श्लोक 27 (yuddha.20.27)

अवधीस्त्वं जरावृद्धं गृध्रराजं जटायुषम्। किं नु ते रामसांनिध्ये सकाशे लक्ष्मणस्य च। हृता सीता विशालाक्षी यां त्वं गृह्य न बुध्यसे ॥ 20.27 ॥

avadhīstvaṃ jarāvṛddhaṃ gṛdhrarājaṃ jaṭāyuṣam| kiṃ nu te rāmasāṃnidhye sakāśe lakṣmaṇasya ca| hṛtā sītā viśālākṣī yāṃ tvaṃ gṛhya na budhyase || 20.27 ||

“तुमने वृद्ध गृध्रराज जटायु का वध किया - और उस विशाल नेत्रों वाली सीता का हरण कर लिया, जिसे पकड़कर तुम यह भी नहीं समझ पाए कि तुमने क्या किया है। अब राम और लक्ष्मण के सामने भी क्या तुम ऐसा कर सकोगे?”

श्लोक 28 (yuddha.20.28)

महाबलं महात्मानं दुराधर्षं सुरैरपि। न बुध्यसे रघुश्रेष्ठं यस्ते प्राणान् हरिष्यति ॥ 20.28 ॥

mahābalaṃ mahātmānaṃ durādharṣaṃ surairapi| na budhyase raghuśreṣṭhaṃ yaste prāṇān hariṣyati || 20.28 ||

“तुम यह नहीं समझ पाए कि यह रघुश्रेष्ठ राम कितना महाबली, महात्मा और देवताओं के लिए भी दुर्जेय है - वही अब तुम्हारे प्राण हर लेगा।”

श्लोक 29 (yuddha.20.29)

ततोऽब्रवीद् वालिसुतोऽप्यङ्गदो हरिसत्तमः। नायं दूतो महाराज चारकः प्रतिभाति मे ॥ 20.29 ॥

tato'bravīd vālisuto'pyaṅgado harisattamaḥ| nāyaṃ dūto mahārāja cārakaḥ pratibhāti me || 20.29 ||

तब वालिपुत्र वानरश्रेष्ठ अंगद ने कहा: “हे महाराज! मुझे यह दूत नहीं, गुप्तचर प्रतीत होता है।”

श्लोक 30 (yuddha.20.30)

तुलितं हि बलं सर्वमनेन तव तिष्ठता। गृह्यतां मागमल्लङ्कामेतद्धि मम रोचते ॥ 20.30 ॥

tulitaṃ hi balaṃ sarvamanena tava tiṣṭhatā| gṛhyatāṃ māgamallaṅkāmetaddhi mama rocate || 20.30 ||

“यहाँ खड़े होकर इसने हमारी सम्पूर्ण सेना को तौल लिया है। इसे बन्दी बना लिया जाए, यह लंका न लौट पाए - मुझे यही उचित लगता है।”

श्लोक 31 (yuddha.20.31)

ततो राज्ञा समादिष्टाः समुत्पत्य वलीमुखाः। जगृहुश्च बबन्धुश्च विलपन्तमनाथवत् ॥ 20.31 ॥

tato rājñā samādiṣṭāḥ samutpatya valīmukhāḥ| jagṛhuśca babandhuśca vilapantamanāthavat || 20.31 ||

तब राजा की आज्ञा पाकर वानर उछल पड़े और उसे पकड़कर बाँध लिया, जबकि वह अनाथ के समान विलाप करता रहा।

श्लोक 32 (yuddha.20.32)

शुकस्तु वानरैश्चण्डैस्तत्र तैः सम्प्रपीडितः। व्याचुक्रोश महात्मानं रामं दशरथात्मजम्। लुप्येते मे बलात् पक्षौ भिद्येते मे तथाक्षिणी ॥ 20.32 ॥

śukastu vānaraiścaṇḍaistatra taiḥ samprapīḍitaḥ| vyācukrośa mahātmānaṃ rāmaṃ daśarathātmajam| lupyete me balāt pakṣau bhidyete me tathākṣiṇī || 20.32 ||

उन क्रुद्ध वानरों द्वारा वहाँ अत्यन्त पीड़ित होकर शुक ने महात्मा दशरथनन्दन राम को ऊँचे स्वर में पुकारा: “मेरे पंख बलपूर्वक नोचे जा रहे हैं, और मेरी आँखें भी फोड़ी जा रही हैं!”

श्लोक 33 (yuddha.20.33)

यां च रात्रिं मरिष्यामि जाये रात्रिं च यामहम्। एतस्मिन्नन्तरे काले यन्मया ह्यशुभं कृतम्। सर्वं तदुपपद्येथा जह्यां चेद् यदि जीवितम् ॥ 20.33 ॥

yāṃ ca rātriṃ mariṣyāmi jāye rātriṃ ca yāmaham| etasminnantare kāle yanmayā hyaśubhaṃ kṛtam| sarvaṃ tadupapadyethā jahyāṃ ced yadi jīvitam || 20.33 ||

“जिस रात मेरा जन्म हुआ और जिस रात मेरी मृत्यु होगी - इस बीच के समय में मैंने जो भी पाप किए हों, यदि अभी मेरे प्राण चले जाएँ, तो वे सब तुम पर आ पड़ें।”

श्लोक 34 (yuddha.20.34)

नाघातयत् तदा रामः श्रुत्वा तत्परिदेवितम्। वानरानब्रवीद् रामो मुच्यतां दूत आगतः ॥ 20.34 ॥

nāghātayat tadā rāmaḥ śrutvā tatparidevitam| vānarānabravīd rāmo mucyatāṃ dūta āgataḥ || 20.34 ||

उसका यह विलाप सुनकर राम ने उसका वध नहीं होने दिया। राम ने वानरों से कहा: “इसे छोड़ दो - यह दूत बनकर आया है।”