सागर पर राम का क्रोध

श्लोक 1 (yuddha.21.1)

ततः सागरवेलायां दर्भानास्तीर्य राघवः । अञ्जलिं प्राङ्मुखः कृत्वा प्रतिशिश्ये महोदधेः ॥ 21.1 ॥

tataḥ sāgaravelāyāṃ darbhānāstīrya rāghavaḥ | añjaliṃ prāṅmukhaḥ kṛtvā pratiśiśye mahodadheḥ || 21.1 ||

तब राघव ने सागर के तट पर कुश बिछाकर, पूर्व की ओर मुख करके अंजलि जोड़ी और महासागर के सम्मुख लेट गए।

श्लोक 2 (yuddha.21.2)

बाहुं भुजङ्गभोगाभमुपधायारिसूदनः । जातरूपमयैश्चैव भूषणैर्भूषितं पुरा ॥ 21.2 ॥

bāhuṃ bhujaṅgabhogābhamupadhāyārisūdanaḥ | jātarūpamayaiścaiva bhūṣaṇairbhūṣitaṃ purā || 21.2 ||

शत्रुओं का नाश करने वाले उन राघव ने सर्प के फण के समान अपनी उस भुजा को तकिया बनाया, जो पहले शुद्ध स्वर्णमय आभूषणों से सुशोभित रहती थी।

श्लोक 3 (yuddha.21.3)

मणिकाञ्चनकेयूरमुक्ताप्रवरभूषणैः । भुजैः परमनारीणामभिमृष्टमनेकधा ॥ 21.3 ॥

maṇikāñcanakeyūramuktāpravarabhūṣaṇaiḥ | bhujaiḥ paramanārīṇāmabhimṛṣṭamanekadhā || 21.3 ||

वह भुजा, जो कभी मणि, स्वर्ण, मोती और उत्तम आभूषणों वाली सुंदरियों की भुजाओं द्वारा बार-बार स्पर्श की जाती थी,

श्लोक 4 (yuddha.21.4)

चन्दनागुरुभिश्चैव पुरस्तादभिसेवितम् । बालसूर्यप्रकाशैश्च चन्दनैरुपशोभितम् ॥ 21.4 ॥

candanāgurubhiścaiva purastādabhisevitam | bālasūryaprakāśaiśca candanairupaśobhitam || 21.4 ||

—पहले चंदन और अगर से लेपित रहती थी और उदीयमान सूर्य के समान कांतिमान चंदन से सुशोभित होती थी।

श्लोक 5 (yuddha.21.5)

शयने चोत्तमाङ्गेन सीतायाः शोभितं पुरा । तक्षकस्येव सम्भोगं गङ्गाजलनिषेवितम् ॥ 21.5 ॥

śayane cottamāṅgena sītāyāḥ śobhitaṃ purā | takṣakasyeva sambhogaṃ gaṅgājalaniṣevitam || 21.5 ||

वह भुजा, जिस पर पहले शय्या पर सीता का मस्तक विराजमान होकर उसे सुशोभित करता था, मानो गंगाजल में विश्राम करते तक्षक नाग की भाँति।

श्लोक 6 (yuddha.21.6)

संयुगे युगसंकाशं शत्रूणां शोकवर्धनम् । सुहृदां नन्दनं दीर्घं सागरान्तव्यपाश्रयम् ॥ 21.6 ॥

saṃyuge yugasaṃkāśaṃ śatrūṇāṃ śokavardhanam | suhṛdāṃ nandanaṃ dīrghaṃ sāgarāntavyapāśrayam || 21.6 ||

—युद्ध में जूए के समान वह लंबी भुजा, जो शत्रुओं का शोक बढ़ाती और मित्रों को आनंदित करती थी, अब सागर के तट पर टिकी हुई थी।

श्लोक 7 (yuddha.21.7)

अस्यता च पुनः सव्यं ज्याघातविहतत्वचम् । दक्षिणो दक्षिणं बाहुं महापरिघसंनिभम् ॥ 21.7 ॥

asyatā ca punaḥ savyaṃ jyāghātavihatatvacam | dakṣiṇo dakṣiṇaṃ bāhuṃ mahāparighasaṃnibham || 21.7 ||

और उनकी बाईं भुजा, जिसकी त्वचा धनुष की प्रत्यंचा की निरंतर चोट से कठोर हो चुकी थी, तथा उनकी दाहिनी भुजा, जो विशाल लौह-परिघ के समान थी—

श्लोक 8 (yuddha.21.8)

गोसहस्रप्रदातारं ह्युपधाय भुजं महत् । अद्य मे तरणं वाथ मरणं सागरस्य वा ॥ 21.8 ॥

gosahasrapradātāraṃ hyupadhāya bhujaṃ mahat | adya me taraṇaṃ vātha maraṇaṃ sāgarasya vā || 21.8 ||

—गौओं के सहस्रों दान देने वाली उस विशाल भुजा को तकिया बनाकर राम ने संकल्प किया: "आज या तो मैं इस सागर को पार करूँगा, या मुझे मृत्यु प्राप्त होगी।"

श्लोक 9 (yuddha.21.9)

इति रामो धृतिं कृत्वा महाबाहुर्महोदधिम् । अधिशिष्ये च विधिवत् प्रयतो नियतो मुनिः ॥ 21.9 ॥

iti rāmo dhṛtiṃ kṛtvā mahābāhurmahodadhim | adhiśiṣye ca vidhivat prayato niyato muniḥ || 21.9 ||

यह दृढ़ संकल्प करके महाबाहु राम मुनि के समान संयमित और नियमबद्ध होकर विधिपूर्वक महासागर के तट पर लेट गए।

श्लोक 10 (yuddha.21.10)

तस्य रामस्य सुप्तस्य कुशास्तीर्णे महीतले । नियमादप्रमत्तस्य निशास्तिस्रोऽभिजग्मतुः ॥ 21.10 ॥

tasya rāmasya suptasya kuśāstīrṇe mahītale | niyamādapramattasya niśāstisro'bhijagmatuḥ || 21.10 ||

कुश से बिछी हुई भूमि पर सोए हुए राम के अपने व्रत का सावधानीपूर्वक पालन करते हुए तीन रातें बीत गईं।

श्लोक 11 (yuddha.21.11)

स त्रिरात्रोषितस्तत्र नयज्ञो धर्मवत्सलः । उपासत तदा रामः सागरं सरितां पतिम् ॥ 21.11 ॥

sa trirātroṣitastatra nayajño dharmavatsalaḥ | upāsata tadā rāmaḥ sāgaraṃ saritāṃ patim || 21.11 ||

वहाँ तीन रात्रियाँ बिताकर, नीति में कुशल और धर्मपरायण राम नदियों के स्वामी सागर की उपासना करते रहे।

श्लोक 12 (yuddha.21.12)

न च दर्शयते रूपं मन्दो रामस्य सागरः । प्रयतेनापि रामेण यथार्हमभिपूजितः ॥ 21.12 ॥

na ca darśayate rūpaṃ mando rāmasya sāgaraḥ | prayatenāpi rāmeṇa yathārhamabhipūjitaḥ || 21.12 ||

फिर भी संयमी राम द्वारा यथोचित सम्मान दिए जाने पर भी वह उदासीन सागर अपना रूप नहीं दिखा रहा था।

श्लोक 13 (yuddha.21.13)

समुद्रस्य ततः क्रुद्धो रामो रक्तान्तलोचनः । समीपस्थमुवाचेदं लक्ष्मणं शुभलक्षणम् ॥ 21.13 ॥

samudrasya tataḥ kruddho rāmo raktāntalocanaḥ | samīpasthamuvācedaṃ lakṣmaṇaṃ śubhalakṣaṇam || 21.13 ||

तब सागर पर क्रुद्ध होकर, आँखों के कोने लाल किए हुए राम ने समीप खड़े शुभलक्षण लक्ष्मण से यह वचन कहा।

श्लोक 14 (yuddha.21.14)

अवलेपः समुद्रस्य न दर्शयति यः स्वयम् । प्रशमश्च क्षमा चैव आर्जवं प्रियवादिता ॥ 21.14 ॥

avalepaḥ samudrasya na darśayati yaḥ svayam | praśamaśca kṣamā caiva ārjavaṃ priyavāditā || 21.14 ||

"देखो सागर का यह अहंकार, कि वह स्वयं मेरे समक्ष प्रकट नहीं होता! सचमुच शांति, क्षमा, सरलता और मधुर वाणी—

श्लोक 15 (yuddha.21.15)

असामर्थ्यफला ह्येते निर्गुणेषु सतां गुणाः । आत्मप्रशंसिनं दुष्टं धृष्टं विपरिधावकम् ॥ 21.15 ॥

asāmarthyaphalā hyete nirguṇeṣu satāṃ guṇāḥ | ātmapraśaṃsinaṃ duṣṭaṃ dhṛṣṭaṃ viparidhāvakam || 21.15 ||

—सज्जनों के ये गुण जब निर्गुणों पर प्रकट किए जाते हैं, तो केवल असमर्थता का ही फल देते हैं। यह संसार तो उस मनुष्य का सम्मान करता है जो आत्मप्रशंसक, दुष्ट, धृष्ट और सब ओर दौड़ता फिरने वाला है—

श्लोक 16 (yuddha.21.16)

सर्वत्रोत्सृष्टदण्डं च लोकः सत्कुरुते नरम् । न साम्ना शक्यते कीर्तिर्न साम्ना शक्यते यशः ॥ 21.16 ॥

sarvatrotsṛṣṭadaṇḍaṃ ca lokaḥ satkurute naram | na sāmnā śakyate kīrtirna sāmnā śakyate yaśaḥ || 21.16 ||

—और जिसने हर मर्यादा का बंधन त्याग दिया हो। हे लक्ष्मण! न तो कीर्ति और न ही यश केवल सामनीति (सुलह) से पाया जा सकता है,

श्लोक 17 (yuddha.21.17)

प्राप्तुं लक्ष्मण लोकेऽस्मिञ्जयो वा रणमूर्धनि । अद्य मद्बाणनिर्भग्नैर्मकरैर्मकरालयम् ॥ 21.17 ॥

prāptuṃ lakṣmaṇa loke'smiñjayo vā raṇamūrdhani | adya madbāṇanirbhagnairmakarairmakarālayam || 21.17 ||

और न ही युद्ध के चरम पर विजय। आज देखो, इस सागर के मगरमच्छ मेरे बाणों से छिन्न-भिन्न होकर सर्वत्र तैर रहे हैं,

श्लोक 18 (yuddha.21.18)

निरुद्धतोयं सौमित्रे प्लवद्भिः पश्य सर्वतः । भोगिनां पश्य भोगानि मया भिन्नानि लक्ष्मण ॥ 21.18 ॥

niruddhatoyaṃ saumitre plavadbhiḥ paśya sarvataḥ | bhogināṃ paśya bhogāni mayā bhinnāni lakṣmaṇa || 21.18 ||

और इसका जल चारों ओर अवरुद्ध हो गया है, हे सौमित्रि! हे लक्ष्मण, देखो मेरे द्वारा विदीर्ण किए गए सर्पों के फणों को—

श्लोक 19 (yuddha.21.19)

महाभोगानि मत्स्यानां करिणां च करानिह । सशङ्खशुक्तिकाजालं समीनमकरं तथा ॥ 21.19 ॥

mahābhogāni matsyānāṃ kariṇāṃ ca karāniha | saśaṅkhaśuktikājālaṃ samīnamakaraṃ tathā || 21.19 ||

—यहाँ बड़ी-बड़ी मछलियों के शरीरों और जल-गजों की सूँडों को, तथा शंख-सीपों के समूह, मछलियों और मगरमच्छों को।

श्लोक 20 (yuddha.21.20)

अद्य युद्धेन महता समुद्रं परिशोषये । क्षमया हि समायुक्तं मामयं मकरालयः ॥ 21.20 ॥

adya yuddhena mahatā samudraṃ pariśoṣaye | kṣamayā hi samāyuktaṃ māmayaṃ makarālayaḥ || 21.20 ||

आज इस महासंग्राम में मैं सागर को पूरी तरह सुखा दूँगा। क्योंकि यह मगरालय, मुझे क्षमाशील जानकर,

श्लोक 21 (yuddha.21.21)

असमर्थं विजानाति धिक् क्षमामीदृशे जने । न दर्शयति साम्ना मे सागरो रूपमात्मनः ॥ 21.21 ॥

asamarthaṃ vijānāti dhik kṣamāmīdṛśe jane | na darśayati sāmnā me sāgaro rūpamātmanaḥ || 21.21 ||

मुझे असमर्थ समझ बैठा है। ऐसे प्राणी पर की गई क्षमा को धिक्कार है! यह सागर मधुर वचनों से भी अपना रूप नहीं दिखा रहा है।

श्लोक 22 (yuddha.21.22)

चापमानय सौमित्रे शरांश्चाशीविषोपमान् । समुद्रं शोषयिष्यामि पद्भ्यां यान्तु प्लवंगमाः ॥ 21.22 ॥

cāpamānaya saumitre śarāṃścāśīviṣopamān | samudraṃ śoṣayiṣyāmi padbhyāṃ yāntu plavaṃgamāḥ || 21.22 ||

हे सौमित्रि, मेरा धनुष और विषधर सर्पों के समान बाण ले आओ। मैं इस सागर को सुखा दूँगा, जिससे वानर पैदल ही पार कर सकें।

श्लोक 23 (yuddha.21.23)

अद्याक्षोभ्यमपि क्रुद्धः क्षोभयिष्यामि सागरम् । वेलासु कृतमर्यादं सहस्रोर्मिसमाकुलम् ॥ 21.23 ॥

adyākṣobhyamapi kruddhaḥ kṣobhayiṣyāmi sāgaram | velāsu kṛtamaryādaṃ sahasrormisamākulam || 21.23 ||

आज क्रुद्ध होकर मैं इस अडिग सागर को भी हिला दूँगा—इस सागर को, जो अपने तटों में बँधा हुआ है और सहस्रों लहरों से व्याकुल है।

श्लोक 24 (yuddha.21.24)

निर्मर्यादं करिष्यामि सायकैर्वरुणालयम् । महार्णवं क्षोभयिष्ये महादानवसंकुलम् ॥ 21.24 ॥

nirmaryādaṃ kariṣyāmi sāyakairvaruṇālayam | mahārṇavaṃ kṣobhayiṣye mahādānavasaṃkulam || 21.24 ||

अपने बाणों से मैं वरुणालय को उसकी सारी मर्यादाओं से रहित कर दूँगा; महादानवों से भरे इस विशाल सागर को मैं मथ डालूँगा।"

श्लोक 25 (yuddha.21.25)

एवमुक्त्वा धनुष्पाणिः क्रोधविस्फारितेक्षणः । बभूव रामो दुर्धर्षो युगान्ताग्निरिव ज्वलन् ॥ 21.25 ॥

evamuktvā dhanuṣpāṇiḥ krodhavisphāritekṣaṇaḥ | babhūva rāmo durdharṣo yugāntāgniriva jvalan || 21.25 ||

यह कहकर धनुष हाथ में लिए, क्रोध से विस्फारित नेत्रों वाले राम युगांत की अग्नि के समान प्रज्वलित होकर दुर्धर्ष प्रतीत होने लगे।

श्लोक 26 (yuddha.21.26)

सम्पीड्य च धनुर्घोरं कम्पयित्वा शरैर्जगत् । मुमोच विशिखानुग्रान् वज्रानिव शतक्रतुः ॥ 21.26 ॥

sampīḍya ca dhanurghoraṃ kampayitvā śarairjagat | mumoca viśikhānugrān vajrāniva śatakratuḥ || 21.26 ||

अपने भयंकर धनुष को खींचकर और बाणों से जगत को कंपाते हुए, उन्होंने वज्रों के समान भीषण बाण छोड़े, मानो शतक्रतु इंद्र स्वयं वज्रपात कर रहे हों।

श्लोक 27 (yuddha.21.27)

ते ज्वलन्तो महावेगास्तेजसा सायकोत्तमाः । प्रविशन्ति समुद्रस्य जलं वित्रस्तपन्नगम् ॥ 21.27 ॥

te jvalanto mahāvegāstejasā sāyakottamāḥ | praviśanti samudrasya jalaṃ vitrastapannagam || 21.27 ||

वे प्रज्वलित, वेगवान और तेजस्वी उत्तम बाण सागर के जल में समा गए, जिससे उसके सर्प भयभीत हो उठे।

श्लोक 28 (yuddha.21.28)

तोयवेगः समुद्रस्य समीनमकरो महान् । स बभूव महाघोरः समारुतरवस्तथा ॥ 21.28 ॥

toyavegaḥ samudrasya samīnamakaro mahān | sa babhūva mahāghoraḥ samārutaravastathā || 21.28 ||

सागर के जल का वह विशाल वेग, अपनी मछलियों और मगरमच्छों सहित, वायु की गर्जना के साथ अत्यंत भयंकर हो उठा।

श्लोक 29 (yuddha.21.29)

महोर्मिमालाविततः शङ्खशुक्तिसमावृतः । सधूमः परिवृत्तोर्मिः सहसासीन्महोदधिः ॥ 21.29 ॥

mahormimālāvitataḥ śaṅkhaśuktisamāvṛtaḥ | sadhūmaḥ parivṛttormiḥ sahasāsīnmahodadhiḥ || 21.29 ||

क्षणभर में ही विशाल सागर ऊँची लहरों की मालाओं से आच्छादित, शंख-सीपों से भरा और धूम्र उगलती हुई घूमती लहरों वाला हो गया।

श्लोक 30 (yuddha.21.30)

व्यथिताः पन्नगाश्चासन् दीप्तास्या दीप्तलोचनाः । दानवाश्च महावीर्याः पातालतलवासिनः ॥ 21.30 ॥

vyathitāḥ pannagāścāsan dīptāsyā dīptalocanāḥ | dānavāśca mahāvīryāḥ pātālatalavāsinaḥ || 21.30 ||

अपने मुख और नेत्रों से अग्नि उगलते सर्प व्याकुल हो उठे, और पाताल के गहरे तल में निवास करने वाले महापराक्रमी दानव भी विचलित हो गए।

श्लोक 31 (yuddha.21.31)

ऊर्मयः सिन्धुराजस्य सनक्रमकरास्तथा । विन्ध्यमन्दरसंकाशाः समुत्पेतुः सहस्रशः ॥ 21.31 ॥

ūrmayaḥ sindhurājasya sanakramakarāstathā | vindhyamandarasaṃkāśāḥ samutpetuḥ sahasraśaḥ || 21.31 ||

नदियों के स्वामी सागर से मगरमच्छों और जलजंतुओं सहित सहस्रों लहरें विंध्य और मंदर पर्वतों के समान उठ खड़ी हुईं।

श्लोक 32 (yuddha.21.32)

आघूर्णिततरङ्गौघः सम्भ्रान्तोरगराक्षसः । उद्वर्तितमहाग्राहः सघोषो वरुणालयः ॥ 21.32 ॥

āghūrṇitataraṅgaughaḥ sambhrāntoragarākṣasaḥ | udvartitamahāgrāhaḥ saghoṣo varuṇālayaḥ || 21.32 ||

वरुणालय अपनी उमड़ती-घुमड़ती लहरों, भयभीत सर्पों-राक्षसों और उछाले गए विशाल मगरमच्छों के साथ भीषण गर्जना से गूँज उठा।

श्लोक 33 (yuddha.21.33)

ततस्तु तं राघवमुग्रवेगं प्रकर्षमाणं धनुरप्रमेयम् । सौमित्रिरुत्पत्य विनिःश्वसन्तं मामेति चोक्त्वा धनुराललम्बे ॥ 21.33 ॥

tatastu taṃ rāghavamugravegaṃ prakarṣamāṇaṃ dhanuraprameyam | saumitrirutpatya viniḥśvasantaṃ māmeti coktvā dhanurālalambe || 21.33 ||

तब सौमित्रि उछल पड़े और "अब और नहीं!" कहते हुए धनुष को थाम लिया, जब गहरी साँस लेते हुए राघव अपने अतुलनीय धनुष को भीषण वेग से खींच रहे थे।

श्लोक 34 (yuddha.21.34)

एतद्विनापि ह्युदधेस्तवाद्य सम्पत्स्यते वीरतमस्य कार्यम् । भवद्विधाः क्रोधवशं न यान्ति दीर्घं भवान् पश्यतु साधुवृत्तम् ॥ 21.34 ॥

etadvināpi hyudadhestavādya sampatsyate vīratamasya kāryam | bhavadvidhāḥ krodhavaśaṃ na yānti dīrghaṃ bhavān paśyatu sādhuvṛttam || 21.34 ||

"हे वीरश्रेष्ठ! सागर को नष्ट किए बिना भी आज आपका प्रयोजन सिद्ध हो जाएगा। आप जैसे पुरुष क्रोध के वशीभूत नहीं होते—कोई दीर्घकालिक और श्रेयस्कर मार्ग सोचिए।"

श्लोक 35 (yuddha.21.35)

अन्तर्हितैश्चापि तथान्तरिक्षे ब्रह्मर्षिभिश्चैव सुरर्षिभिश्च । शब्दः कृतः कष्टमिति ब्रुवद्भिर्मामेति चोक्त्वा महता स्वरेण ॥ 21.35 ॥

antarhitaiścāpi tathāntarikṣe brahmarṣibhiścaiva surarṣibhiśca | śabdaḥ kṛtaḥ kaṣṭamiti bruvadbhirmāmeti coktvā mahatā svareṇa || 21.35 ||

और आकाश में अदृश्य रूप से स्थित ब्रह्मर्षियों और देवर्षियों ने भी ऊँचे स्वर में "हाय! अब और नहीं, अब और नहीं!" कहकर पुकार उठाई।