सेतु-निर्माण

श्लोक 1 (yuddha.22.1)

अथोवाच रघुश्रेष्ठः सागरं दारुणं वचः । अद्य त्वां शोषयिष्यामि सपातालं महार्णव ॥ 22.1 ॥

athovāca raghuśreṣṭhaḥ sāgaraṃ dāruṇaṃ vacaḥ | adya tvāṃ śoṣayiṣyāmi sapātālaṃ mahārṇava || 22.1 ||

तब रघुश्रेष्ठ राम ने सागर से कठोर वचन कहे: "हे महार्णव! आज ही मैं तुझे तेरे पाताल-तल सहित सुखा डालूँगा।"

श्लोक 2 (yuddha.22.2)

शरनिर्दग्धतोयस्य परिशुष्कस्य सागर । मया निहतसत्त्वस्य पांसुरुत्पद्यते महान् ॥ 22.2 ॥

śaranirdagdhatoyasya pariśuṣkasya sāgara | mayā nihatasattvasya pāṃsurutpadyate mahān || 22.2 ||

"हे सागर! जब मेरे बाणों से तेरा जल जलकर सूख जाएगा, और मेरे द्वारा तेरे जीव मारे जाएँगे, तब वहाँ विशाल धूल का मैदान उठ खड़ा होगा।"

श्लोक 3 (yuddha.22.3)

मत्कार्मुकविसृष्टेन शरवर्षेण सागर । परं तीरं गमिष्यन्ति पद्भिरेव प्लवंगमाः ॥ 22.3 ॥

matkārmukavisṛṣṭena śaravarṣeṇa sāgara | paraṃ tīraṃ gamiṣyanti padbhireva plavaṃgamāḥ || 22.3 ||

"हे सागर! मेरे धनुष से छूटी बाण-वर्षा से वानर केवल पैदल चलकर ही उस पार पहुँच जाएँगे।"

श्लोक 4 (yuddha.22.4)

विचिन्वन्नाभिजानासि पौरुषं नापि विक्रमम् । दानवालय संतापं मत्तो नाम गमिष्यसि ॥ 22.4 ॥

vicinvannābhijānāsi pauruṣaṃ nāpi vikramam | dānavālaya saṃtāpaṃ matto nāma gamiṣyasi || 22.4 ||

"हे दानवों के आवास! तू खोजते हुए भी मेरे पौरुष और पराक्रम को नहीं पहचानता; निश्चय ही अब तुझे मुझसे महान संताप प्राप्त होगा।"

श्लोक 5 (yuddha.22.5)

ब्राह्मेणास्त्रेण संयोज्य ब्रह्मदण्डनिभं शरम् । संयोज्य धनुषि श्रेष्ठे विचकर्ष महाबलः ॥ 22.5 ॥

brāhmeṇāstreṇa saṃyojya brahmadaṇḍanibhaṃ śaram | saṃyojya dhanuṣi śreṣṭhe vicakarṣa mahābalaḥ || 22.5 ||

ब्रह्मास्त्र से युक्त, ब्रह्मदंड के समान उस बाण को अपने श्रेष्ठ धनुष पर चढ़ाकर, महाबली राम ने उसे खींचा।

श्लोक 6 (yuddha.22.6)

तस्मिन् विकृष्टे सहसा राघवेण शरासने । रोदसी सम्पफालेव पर्वताश्च चकम्पिरे ॥ 22.6 ॥

tasmin vikṛṣṭe sahasā rāghaveṇa śarāsane | rodasī sampaphāleva parvatāśca cakampire || 22.6 ||

राघव द्वारा उस धनुष के सहसा खींचे जाने पर आकाश और पृथ्वी मानो फट पड़े, और पर्वत काँप उठे।

श्लोक 7 (yuddha.22.7)

तमश्च लोकमावव्रे दिशश्च न चकाशिरे । प्रतिचुक्षुभिरे चाशु सरांसि सरितस्तथा ॥ 22.7 ॥

tamaśca lokamāvavre diśaśca na cakāśire | praticukṣubhire cāśu sarāṃsi saritastathā || 22.7 ||

अंधकार ने संसार को ढक लिया, दिशाएँ प्रकाशहीन हो गईं, और सरोवर व नदियाँ तुरंत उद्वेलित हो उठीं।

श्लोक 8 (yuddha.22.8)

तिर्यक् च सह नक्षत्रैः संगतौ चन्द्रभास्करौ । भास्करांशुभिरादीप्तं तमसा च समावृतम् ॥ 22.8 ॥

tiryak ca saha nakṣatraiḥ saṃgatau candrabhāskarau | bhāskarāṃśubhirādīptaṃ tamasā ca samāvṛtam || 22.8 ||

चंद्रमा और सूर्य नक्षत्रों सहित अपने मार्ग से विचलित हो गए; सूर्य-किरणों से प्रकाशित होते हुए भी आकाश अंधकार से आच्छादित हो गया।

श्लोक 9 (yuddha.22.9)

प्रचकाशे तदाऽऽकाशमुल्काशतविदीपितम् । अन्तरिक्षाच्च निर्घाता निर्जग्मुरतुलस्वनाः ॥ 22.9 ॥

pracakāśe tadā''kāśamulkāśatavidīpitam | antarikṣācca nirghātā nirjagmuratulasvanāḥ || 22.9 ||

तब आकाश सैकड़ों उल्काओं से जगमगा उठा, और अंतरिक्ष से अद्वितीय गर्जना के साथ वज्रपात होने लगे।

श्लोक 10 (yuddha.22.10)

वपुःप्रकर्षेण ववुर्दिव्यमारुतपङ्क्तयः । बभञ्ज च तदा वृक्षाञ्जलदानुद्वहन्मुहुः ॥ 22.10 ॥

vapuḥprakarṣeṇa vavurdivyamārutapaṅktayaḥ | babhañja ca tadā vṛkṣāñjaladānudvahanmuhuḥ || 22.10 ||

दिव्य वायु की पंक्तियाँ विशाल रूप धारण कर बहने लगीं, और बार-बार बादलों को उड़ाते हुए वृक्षों को तोड़ डालने लगीं।

श्लोक 11 (yuddha.22.11)

आरुजंश्चैव शैलाग्रान् शिखराणि बभञ्ज च । दिवि च स्म महामेघाः संहताः समहास्वनाः ॥ 22.11 ॥

ārujaṃścaiva śailāgrān śikharāṇi babhañja ca | divi ca sma mahāmeghāḥ saṃhatāḥ samahāsvanāḥ || 22.11 ||

वे पर्वत-शिखरों को उखाड़ते और तोड़ते रहे; और आकाश में विशाल मेघ भीषण गर्जना करते हुए एकत्र हो गए।

श्लोक 12 (yuddha.22.12)

मुमुचुर्वैद्युतानग्नींस्ते महाशनयस्तदा । यानि भूतानि दृश्यानि चुक्रुशुश्चाशनेः समम् ॥ 22.12 ॥

mumucurvaidyutānagnīṃste mahāśanayastadā | yāni bhūtāni dṛśyāni cukruśuścāśaneḥ samam || 22.12 ||

वे महाशनि तब बिजली की अग्नि-ज्वालाएँ उगलने लगे, और सभी दृश्य प्राणी वज्रपात के साथ चीत्कार करने लगे।

श्लोक 13 (yuddha.22.13)

अदृश्यानि च भूतानि मुमुचुर्भैरवस्वनम् । शिश्यिरे चाभिभूतानि संत्रस्तान्युद्विजन्ति च ॥ 22.13 ॥

adṛśyāni ca bhūtāni mumucurbhairavasvanam | śiśyire cābhibhūtāni saṃtrastānyudvijanti ca || 22.13 ||

अदृश्य प्राणी भी भयंकर चीत्कार करने लगे; भयभीत और अभिभूत होकर वे कांपते हुए भूमि पर गिर पड़े।

श्लोक 14 (yuddha.22.14)

सम्प्रविव्यथिरे चापि न च पस्पन्दिरे भयात् । सह भूतैः सतोयोर्मिः सनागः सहराक्षसः ॥ 22.14 ॥

sampravivyathire cāpi na ca paspandire bhayāt | saha bhūtaiḥ satoyormiḥ sanāgaḥ saharākṣasaḥ || 22.14 ||

वे अत्यंत व्यथित हो उठे और भय के मारे हिल भी न सके—अपने जल-तरंगों, नागों और राक्षसों सहित समस्त प्राणियों के साथ—

श्लोक 15 (yuddha.22.15)

सहसाभूत् ततो वेगाद् भीमवेगो महोदधिः । योजनं व्यतिचक्राम वेलामन्यत्र सम्प्लवात् ॥ 22.15 ॥

sahasābhūt tato vegād bhīmavego mahodadhiḥ | yojanaṃ vyaticakrāma velāmanyatra samplavāt || 22.15 ||

—वह महासागर सहसा भीषण वेग से उमड़ पड़ा, और उस बाढ़ के वेग से अपने तट को कहीं-कहीं एक योजन तक लांघ गया।

श्लोक 16 (yuddha.22.16)

तं तथा समतिक्रान्तं नातिचक्राम राघवः । समुद्धतममित्रघ्नो रामो नदनदीपतिम् ॥ 22.16 ॥

taṃ tathā samatikrāntaṃ nāticakrāma rāghavaḥ | samuddhatamamitraghno rāmo nadanadīpatim || 22.16 ||

फिर भी शत्रुनाशक राम ने उस उद्धत नदी-नद-पति सागर की सीमा को स्वयं नहीं लांघा, यद्यपि वह मर्यादा तोड़ चुका था।

श्लोक 17 (yuddha.22.17)

ततो मध्यात् समुद्रस्य सागरः स्वयमुत्थितः । उदयाद्रिमहाशैलान्मेरोरिव दिवाकरः ॥ 22.17 ॥

tato madhyāt samudrasya sāgaraḥ svayamutthitaḥ | udayādrimahāśailānmeroriva divākaraḥ || 22.17 ||

तब सागर स्वयं समुद्र के मध्य से उठ खड़ा हुआ, मानो उदयाचल या मेरु पर्वत से सूर्य उदित हो रहा हो।

श्लोक 18 (yuddha.22.18)

पन्नगैः सह दीप्तास्यैः समुद्रः प्रत्यदृश्यत । स्निग्धवैदूर्यसंकाशो जाम्बूनदविभूषणः ॥ 22.18 ॥

pannagaiḥ saha dīptāsyaiḥ samudraḥ pratyadṛśyata | snigdhavaidūryasaṃkāśo jāmbūnadavibhūṣaṇaḥ || 22.18 ||

सागर अपने प्रज्वलित मुख वाले सर्पों सहित प्रकट हुआ, चमकीले वैदूर्य के समान कांतिमान और स्वर्णाभूषणों से अलंकृत।

श्लोक 19 (yuddha.22.19)

रक्तमाल्याम्बरधरः पद्मपत्रनिभेक्षणः । सर्वपुष्पमयीं दिव्यां शिरसा धारयन् स्रजम् ॥ 22.19 ॥

raktamālyāmbaradharaḥ padmapatranibhekṣaṇaḥ | sarvapuṣpamayīṃ divyāṃ śirasā dhārayan srajam || 22.19 ||

लाल माला और वस्त्र धारण किए, कमल-दल के समान नेत्रों वाले सागर ने अपने सिर पर सभी प्रकार के फूलों से बनी एक दिव्य माला धारण कर रखी थी।

श्लोक 20 (yuddha.22.20)

जातरूपमयैश्चैव तपनीयविभूषणैः । आत्मजानां च रत्नानां भूषितो भूषणोत्तमैः ॥ 22.20 ॥

jātarūpamayaiścaiva tapanīyavibhūṣaṇaiḥ | ātmajānāṃ ca ratnānāṃ bhūṣito bhūṣaṇottamaiḥ || 22.20 ||

वह शुद्ध और परिष्कृत स्वर्ण के आभूषणों से, तथा अपने ही गर्भ से उत्पन्न श्रेष्ठ रत्नों से विभूषित था।

श्लोक 21 (yuddha.22.21)

धातुभिर्मण्डितः शैलो विविधैर्हिमवानिव । एकावलीमध्यगतं तरलं पाण्डरप्रभम् ॥ 22.21 ॥

dhātubhirmaṇḍitaḥ śailo vividhairhimavāniva | ekāvalīmadhyagataṃ taralaṃ pāṇḍaraprabham || 22.21 ||

विविध धातुओं से सुसज्जित हिमालय के समान, वह एक ही लड़ी के मोतियों के बीच में जड़ा हुआ श्वेत-आभा वाला एक चमकता रत्न धारण किए था,

श्लोक 22 (yuddha.22.22)

विपुलेनोरसा बिभ्रत्कौस्तुभस्य सहोदरम् । आघूर्णिततरङ्गौघः कालिकानिलसंकुलः ॥ 22.22 ॥

vipulenorasā bibhratkaustubhasya sahodaram | āghūrṇitataraṅgaughaḥ kālikānilasaṃkulaḥ || 22.22 ||

—अपने विशाल वक्षस्थल पर, मानो कौस्तुभ मणि का सहोदर धारण किए हुए—घूमती हुई तरंगों की बाढ़ें उसके चारों ओर, काले बादलों और आंधियों से भरी हुई उमड़ रही थीं।

श्लोक 23 (yuddha.22.23)

गङ्गासिन्धुप्रधानाभिरापगाभिः समावृतः । उद्वर्तितमहाग्राहः सम्भ्रान्तोरगराक्षसः ॥ 22.23 ॥

gaṅgāsindhupradhānābhirāpagābhiḥ samāvṛtaḥ | udvartitamahāgrāhaḥ sambhrāntoragarākṣasaḥ || 22.23 ||

गंगा और सिंधु प्रमुख नदियों से घिरा हुआ, उसके विशाल मगरमच्छ उछल रहे थे और उसके सर्प व राक्षस व्याकुल हो उठे थे।

श्लोक 24 (yuddha.22.24)

देवतानां सुरूपाभिर्नानारूपाभिरीश्वरः । सागरः समुपक्रम्य पूर्वमामन्त्र्य वीर्यवान् ॥ 22.24 ॥

devatānāṃ surūpābhirnānārūpābhirīśvaraḥ | sāgaraḥ samupakramya pūrvamāmantrya vīryavān || 22.24 ||

देवताओं के समान सुंदर, नाना रूपों वाला वह पराक्रमी सागर-स्वामी आगे बढ़कर पहले राम को संबोधित करते हुए,

श्लोक 25 (yuddha.22.25)

अब्रवीत् प्राञ्जलिर्वाक्यं राघवं शरपाणिनम् ॥ 22.25 ॥

abravīt prāñjalirvākyaṃ rāghavaṃ śarapāṇinam || 22.25 ||

—हाथ जोड़कर उन राघव से, जो हाथ में बाण लिए खड़े थे, यह वचन बोला:

श्लोक 26 (yuddha.22.26)

पृथिवी वायुराकाशमापो ज्योतिश्च राघव । स्वभावे सौम्य तिष्ठन्ति शाश्वतं मार्गमाश्रिताः ॥ 22.26 ॥

pṛthivī vāyurākāśamāpo jyotiśca rāghava | svabhāve saumya tiṣṭhanti śāśvataṃ mārgamāśritāḥ || 22.26 ||

"हे सौम्य राघव! पृथ्वी, वायु, आकाश, जल और तेज—ये सभी अपने-अपने स्वभाव में स्थित रहकर एक शाश्वत मार्ग का अनुसरण करते हैं।

श्लोक 27 (yuddha.22.27)

तत्स्वभावो ममाप्येष यदगाधोऽहमप्लवः । विकारस्तु भवेद् गाध एतत् ते प्रवदाम्यहम् ॥ 22.27 ॥

tatsvabhāvo mamāpyeṣa yadagādho'hamaplavaḥ | vikārastu bhaved gādha etat te pravadāmyaham || 22.27 ||

मेरा स्वभाव भी यही है—कि मैं अगाध और अतरणीय हूँ। यदि मैं छिछला हो जाऊँ, तो वह मेरी प्रकृति के विरुद्ध विकार होगा; यह मैं तुम्हें सत्य कह रहा हूँ।

श्लोक 28 (yuddha.22.28)

न कामान्न च लोभाद् वा न भयात् पार्थिवात्मज । ग्राहनक्राकुलजलं स्तम्भयेयं कथंचन ॥ 22.28 ॥

na kāmānna ca lobhād vā na bhayāt pārthivātmaja | grāhanakrākulajalaṃ stambhayeyaṃ kathaṃcana || 22.28 ||

हे राजकुमार! न इच्छा से, न लोभ से, न भय से, मैं अपने ग्राह-मगरमच्छों से भरे जल को किसी भी प्रकार स्तंभित नहीं कर सकता।

श्लोक 29 (yuddha.22.29)

विधास्ये येन गन्तासि विषहिष्येऽप्यहं तथा । न ग्राहा विधमिष्यन्ति यावत्सेना तरिष्यति । हरीणां तरणे राम करिष्यामि यथा स्थलम् ॥ 22.29 ॥

vidhāsye yena gantāsi viṣahiṣye'pyahaṃ tathā | na grāhā vidhamiṣyanti yāvatsenā tariṣyati | harīṇāṃ taraṇe rāma kariṣyāmi yathā sthalam || 22.29 ||

फिर भी मैं एक ऐसा उपाय करूँगा जिससे तुम पार जा सको, और मैं इसे सहन करूँगा: जब तक सेना पार हो रही होगी, ग्राह किसी को हानि नहीं पहुँचाएँगे। हे राम, मैं वानरों के तरने के लिए अपने जल को स्थल के समान बना दूँगा।

श्लोक 30 (yuddha.22.30)

तमब्रवीत् तदा रामः शृणु मे वरुणालय । अमोघोऽयं महाबाणः कस्मिन् देशे निपात्यताम् ॥ 22.30 ॥

tamabravīt tadā rāmaḥ śṛṇu me varuṇālaya | amogho'yaṃ mahābāṇaḥ kasmin deśe nipātyatām || 22.30 ||

तब राम ने उससे कहा: "हे वरुणालय! मेरी सुनो। यह महान बाण कभी व्यर्थ नहीं जाता—तो किस क्षेत्र में इसे गिराया जाए?"

श्लोक 31 (yuddha.22.31)

रामस्य वचनं श्रुत्वा तं च दृष्ट्वा महाशरम् । महोदधिर्महातेजा राघवं वाक्यमब्रवीत् ॥ 22.31 ॥

rāmasya vacanaṃ śrutvā taṃ ca dṛṣṭvā mahāśaram | mahodadhirmahātejā rāghavaṃ vākyamabravīt || 22.31 ||

राम के वचन सुनकर और उस महान बाण को देखकर, महातेजस्वी महासागर ने राघव से यह वचन कहा।

श्लोक 32 (yuddha.22.32)

उत्तरेणावकाशोऽस्ति कश्चित् पुण्यतरो मम । द्रुमकुल्य इति ख्यातो लोके ख्यातो यथा भवान् ॥ 22.32 ॥

uttareṇāvakāśo'sti kaścit puṇyataro mama | drumakulya iti khyāto loke khyāto yathā bhavān || 22.32 ||

"मेरे उत्तर में एक अत्यंत पवित्र स्थान है, जो लोक में द्रुमकुल्य नाम से विख्यात है, ठीक वैसे ही जैसे तुम स्वयं विख्यात हो।

श्लोक 33 (yuddha.22.33)

उग्रदर्शनकर्माणो बहवस्तत्र दस्यवः । आभीरप्रमुखाः पापाः पिबन्ति सलिलं मम ॥ 22.33 ॥

ugradarśanakarmāṇo bahavastatra dasyavaḥ | ābhīrapramukhāḥ pāpāḥ pibanti salilaṃ mama || 22.33 ||

वहाँ भयंकर रूप और कर्म वाले अनेक डाकू, आभीर प्रधान पापी लोग, मेरा जल पीते हैं।

श्लोक 34 (yuddha.22.34)

तैर्न तत्स्पर्शनं पापं सहेयं पापकर्मभिः । अमोघः क्रियतां राम अयं तत्र शरोत्तमः ॥ 22.34 ॥

tairna tatsparśanaṃ pāpaṃ saheyaṃ pāpakarmabhiḥ | amoghaḥ kriyatāṃ rāma ayaṃ tatra śarottamaḥ || 22.34 ||

उन पापकर्मी लोगों का वह पापमय स्पर्श मैं सहन नहीं कर सकता। हे राम, तुम्हारा यह उत्तम बाण वहीं छोड़ा जाए, ताकि व्यर्थ न जाए।"

श्लोक 35 (yuddha.22.35)

तस्य तद् वचनं श्रुत्वा सागरस्य महात्मनः । मुमोच तं शरं दीप्तं परं सागरदर्शनात् ॥ 22.35 ॥

tasya tad vacanaṃ śrutvā sāgarasya mahātmanaḥ | mumoca taṃ śaraṃ dīptaṃ paraṃ sāgaradarśanāt || 22.35 ||

महात्मा सागर के इन वचनों को सुनकर, राम ने सागर की अपेक्षा से भी बढ़कर उस प्रज्वलित बाण को छोड़ दिया।

श्लोक 36 (yuddha.22.36)

तेन तन्मरुकान्तारं पृथिव्यां किल विश्रुतम् । निपातितः शरो यत्र वज्राशनिसमप्रभः ॥ 22.36 ॥

tena tanmarukāntāraṃ pṛthivyāṃ kila viśrutam | nipātitaḥ śaro yatra vajrāśanisamaprabhaḥ || 22.36 ||

उसी बाण से पृथ्वी पर वह मरुभूमि बनी जो मरु-कांतार नाम से विख्यात है—वह स्थान जहाँ वज्र और अशनि के समान तेजस्वी वह बाण गिरा था।

श्लोक 37 (yuddha.22.37)

ननाद च तदा तत्र वसुधा शल्यपीडिता । तस्माद् व्रणमुखात् तोयमुत्पपात रसातलात् ॥ 22.37 ॥

nanāda ca tadā tatra vasudhā śalyapīḍitā | tasmād vraṇamukhāt toyamutpapāta rasātalāt || 22.37 ||

उस शल्य से पीड़ित होकर वहाँ की धरती चीत्कार कर उठी, और उस घाव के मुख से पाताल का जल फूट पड़ा।

श्लोक 38 (yuddha.22.38)

स बभूव तदा कूपो व्रण इत्येव विश्रुतः । सततं चोत्थितं तोयं समुद्रस्येव दृश्यते ॥ 22.38 ॥

sa babhūva tadā kūpo vraṇa ityeva viśrutaḥ | satataṃ cotthitaṃ toyaṃ samudrasyeva dṛśyate || 22.38 ||

वह स्थान एक कुआँ बन गया, जो "व्रण" (घाव) नाम से ही प्रसिद्ध हुआ; और वहाँ निरंतर जल उठता रहता है, मानो वह सागर का ही जल हो।

श्लोक 39 (yuddha.22.39)

अवदारणशब्दश्च दारुणः समपद्यत । तस्मात् तद् बाणपातेन अपः कुक्षिष्वशोषयत् ॥ 22.39 ॥

avadāraṇaśabdaśca dāruṇaḥ samapadyata | tasmāt tad bāṇapātena apaḥ kukṣiṣvaśoṣayat || 22.39 ||

वहाँ विदीर्ण होने की भयंकर ध्वनि उत्पन्न हुई; और उस बाण के गिरने से उसकी गुहाओं का जल सूख गया।

श्लोक 40 (yuddha.22.40)

विख्यातं त्रिषु लोकेषु मरुकान्तारमेव च । शोषयित्वा तु तं कुक्षिं रामो दशरथात्मजः ॥ 22.40 ॥

vikhyātaṃ triṣu lokeṣu marukāntārameva ca | śoṣayitvā tu taṃ kukṣiṃ rāmo daśarathātmajaḥ || 22.40 ||

इस प्रकार उस गुहा को सुखाकर दशरथनन्दन राम ने उसे तीनों लोकों में विख्यात मरु-कांतार नाम दिया।

श्लोक 41 (yuddha.22.41)

वरं तस्मै ददौ विद्वान् मरवेऽमरविक्रमः ॥ 22.41 ॥

varaṃ tasmai dadau vidvān marave'maravikramaḥ || 22.41 ||

और अमरों के समान पराक्रमी उन विद्वान राम ने उस मरुभूमि को यह वरदान दिया:

श्लोक 42 (yuddha.22.42)

पशव्यश्चाल्परोगश्च फलमूलरसायुतः । बहुस्नेहो बहुक्षीरः सुगन्धिर्विविधौषधिः ॥ 22.42 ॥

paśavyaścālparogaśca phalamūlarasāyutaḥ | bahusneho bahukṣīraḥ sugandhirvividhauṣadhiḥ || 22.42 ||

—कि यह भूमि पशुओं के लिए अनुकूल हो, रोगों से मुक्तप्राय हो, फल-मूल और रसों से समृद्ध हो, घृत और दूध से भरपूर हो, सुगंधित हो और नाना प्रकार की औषधियों से युक्त हो।

श्लोक 43 (yuddha.22.43)

एवमेतैश्च संयुक्तो बहुभिः संयुतो मरुः । रामस्य वरदानाच्च शिवः पन्था बभूव ह ॥ 22.43 ॥

evametaiśca saṃyukto bahubhiḥ saṃyuto maruḥ | rāmasya varadānācca śivaḥ panthā babhūva ha || 22.43 ||

इस प्रकार इन अनेक वरदानों से युक्त होकर, राम के वरदान से वह मरुभूमि एक कल्याणकारी और सुरक्षित मार्ग बन गई।

श्लोक 44 (yuddha.22.44)

तस्मिन् दग्धे तदा कुक्षौ समुद्रः सरितां पतिः । राघवं सर्वशास्त्रज्ञमिदं वचनमब्रवीत् ॥ 22.44 ॥

tasmin dagdhe tadā kukṣau samudraḥ saritāṃ patiḥ | rāghavaṃ sarvaśāstrajñamidaṃ vacanamabravīt || 22.44 ||

तब उस गुहा के दग्ध हो जाने पर सागर, नदियों के स्वामी, ने समस्त शास्त्रों के ज्ञाता राघव से यह वचन कहा।

श्लोक 45 (yuddha.22.45)

अयं सौम्य नलो नाम तनयो विश्वकर्मणः । पित्रा दत्तवरः श्रीमान् प्रीतिमान् विश्वकर्मणः ॥ 22.45 ॥

ayaṃ saumya nalo nāma tanayo viśvakarmaṇaḥ | pitrā dattavaraḥ śrīmān prītimān viśvakarmaṇaḥ || 22.45 ||

"हे सौम्य! यह नल नामक विश्वकर्मा का पुत्र है, जो श्रीमान है, जिसे अपने पिता से वरदान प्राप्त है, और जो विश्वकर्मा का अत्यंत प्रिय है।

श्लोक 46 (yuddha.22.46)

एष सेतुं महोत्साहः करोतु मयि वानरः । तमहं धारयिष्यामि यथा ह्येष पिता तथा ॥ 22.46 ॥

eṣa setuṃ mahotsāhaḥ karotu mayi vānaraḥ | tamahaṃ dhārayiṣyāmi yathā hyeṣa pitā tathā || 22.46 ||

यह उत्साही वानर मुझ पर सेतु का निर्माण करे; मैं उसे उसी प्रकार धारण करूँगा जैसे उसके पिता करते।"

श्लोक 47 (yuddha.22.47)

एवमुक्त्वोदधिर्नष्टः समुत्थाय नलस्ततः । अब्रवीद् वानरश्रेष्ठो वाक्यं रामं महाबलम् ॥ 22.47 ॥

evamuktvodadhirnaṣṭaḥ samutthāya nalastataḥ | abravīd vānaraśreṣṭho vākyaṃ rāmaṃ mahābalam || 22.47 ||

यह कहकर सागर अंतर्धान हो गया। तब वानरश्रेष्ठ नल उठ खड़े हुए और महाबली राम से यह वचन बोले।

श्लोक 48 (yuddha.22.48)

अहं सेतुं करिष्यामि विस्तीर्णे मकरालये । पितुः सामर्थ्यमासाद्य तत्त्वमाह महोदधिः ॥ 22.48 ॥

ahaṃ setuṃ kariṣyāmi vistīrṇe makarālaye | pituḥ sāmarthyamāsādya tattvamāha mahodadhiḥ || 22.48 ||

"मैं अपने पिता के कौशल का आश्रय लेकर इस विशाल मकरालय पर सेतु का निर्माण करूँगा। महासागर ने सत्य ही कहा है।"

श्लोक 49 (yuddha.22.49)

दण्ड एव वरो लोके पुरुषस्येति मे मतिः । धिक् क्षमामकृतज्ञेषु सान्त्वं दानमथापि वा ॥ 22.49 ॥

daṇḍa eva varo loke puruṣasyeti me matiḥ | dhik kṣamāmakṛtajñeṣu sāntvaṃ dānamathāpi vā || 22.49 ||

"इस संसार में मनुष्य के लिए दंड ही सर्वश्रेष्ठ उपाय है—यही मेरा मत है। कृतघ्नों पर दिखाई गई क्षमा, सांत्वना अथवा दान को धिक्कार है।"

श्लोक 50 (yuddha.22.50)

अयं हि सागरो भीमः सेतुकर्मदिदृक्षया । ददौ दण्डभयाद् गाधं राघवाय महोदधिः ॥ 22.50 ॥

ayaṃ hi sāgaro bhīmaḥ setukarmadidṛkṣayā | dadau daṇḍabhayād gādhaṃ rāghavāya mahodadhiḥ || 22.50 ||

"यह भयंकर सागर, दंड के भय से और सेतु-निर्माण देखने की उत्कंठा से, राघव को पार करने योग्य मार्ग प्रदान कर चुका है।"

श्लोक 51 (yuddha.22.51)

मम मातुर्वरो दत्तो मन्दरे विश्वकर्मणा । मया तु सदृशः पुत्रस्तव देवि भविष्यति ॥ 22.51 ॥

mama māturvaro datto mandare viśvakarmaṇā | mayā tu sadṛśaḥ putrastava devi bhaviṣyati || 22.51 ||

"मंदराचल पर विश्वकर्मा ने मेरी माता को यह वरदान दिया था: 'हे देवि, तुम्हें मेरे समान पुत्र प्राप्त होगा।'

श्लोक 52 (yuddha.22.52)

औरसस्तस्य पुत्रोऽहं सदृशो विश्वकर्मणा । स्मारितोऽस्म्यहमेतेन तत्त्वमाह महोदधिः । न चाप्यहमनुक्तो वः प्रब्रूयामात्मनो गुणान् ॥ 22.52 ॥

aurasastasya putro'haṃ sadṛśo viśvakarmaṇā | smārito'smyahametena tattvamāha mahodadhiḥ | na cāpyahamanukto vaḥ prabrūyāmātmano guṇān || 22.52 ||

मैं उन्हीं का औरस पुत्र हूँ, विश्वकर्मा के समान; और अब मुझे महासागर द्वारा इसका स्मरण कराया गया, जिन्होंने सत्य ही कहा। अन्यथा, बिना पूछे मैं स्वयं अपने गुणों का बखान नहीं करता।"

श्लोक 53 (yuddha.22.53)

समर्थश्चाप्यहं सेतुं कर्तुं वै वरुणालये । तस्मादद्यैव बध्नन्तु सेतुं वानरपुङ्गवाः ॥ 22.53 ॥

samarthaścāpyahaṃ setuṃ kartuṃ vai varuṇālaye | tasmādadyaiva badhnantu setuṃ vānarapuṅgavāḥ || 22.53 ||

"मैं वरुण के इस निवास पर सेतु बनाने में सर्वथा समर्थ हूँ। अतः वानरश्रेष्ठ आज ही सेतु का निर्माण आरंभ करें।"

श्लोक 54 (yuddha.22.54)

ततो विसृष्टा रामेण सर्वतो हरिपुङ्गवाः । उत्पेततुर्महारण्यं हृष्टाः शतसहस्रशः ॥ 22.54 ॥

tato visṛṣṭā rāmeṇa sarvato haripuṅgavāḥ | utpetaturmahāraṇyaṃ hṛṣṭāḥ śatasahasraśaḥ || 22.54 ||

तब राम द्वारा भेजे गए वे श्रेष्ठ वानर, सैकड़ों-हजारों की संख्या में, हर्षित होकर चारों ओर विशाल वन में कूद पड़े।

श्लोक 55 (yuddha.22.55)

ते नगान् नगसंकाशाः शाखामृगगणर्षभाः । बभञ्जुः पादपांस्तत्र प्रचकर्षुश्च सागरम् ॥ 22.55 ॥

te nagān nagasaṃkāśāḥ śākhāmṛgagaṇarṣabhāḥ | babhañjuḥ pādapāṃstatra pracakarṣuśca sāgaram || 22.55 ||

पर्वतों के समान विशालकाय उन वानर-गणों के श्रेष्ठ नेताओं ने वहाँ के पर्वतों और वृक्षों को उखाड़ा और उन्हें घसीटकर सागर तक ले आए।

श्लोक 56 (yuddha.22.56)

ते सालैश्चाश्वकर्णैश्च धवैर्वंशैश्च वानराः । कुटजैरर्जुनैस्तालैस्तिलकैस्तिनिशैरपि ॥ 22.56 ॥

te sālaiścāśvakarṇaiśca dhavairvaṃśaiśca vānarāḥ | kuṭajairarjunaistālaistilakaistiniśairapi || 22.56 ||

वे वानर साल, अश्वकर्ण, धव, बांस, कुटज, अर्जुन, ताड़, तिलक और तिनिश वृक्षों से,

श्लोक 57 (yuddha.22.57)

बिल्वकैः सप्तपर्णैश्च कर्णिकारैश्च पुष्पितैः । चूतैश्चाशोकवृक्षैश्च सागरं समपूरयन् ॥ 22.57 ॥

bilvakaiḥ saptaparṇaiśca karṇikāraiśca puṣpitaiḥ | cūtaiścāśokavṛkṣaiśca sāgaraṃ samapūrayan || 22.57 ||

बिल्व, सप्तपर्ण, पुष्पित कर्णिकार, आम्र और अशोक वृक्षों से सागर को भर देने लगे।

श्लोक 58 (yuddha.22.58)

समूलांश्च विमूलांश्च पादपान् हरिसत्तमाः । इन्द्रकेतूनिवोद्यम्य प्रजह्रुर्वानरास्तरून् ॥ 22.58 ॥

samūlāṃśca vimūlāṃśca pādapān harisattamāḥ | indraketūnivodyamya prajahrurvānarāstarūn || 22.58 ||

श्रेष्ठ वानर वृक्षों को जड़ों सहित अथवा जड़-रहित उठाकर, इंद्र की ध्वजाओं के समान ऊँचा उठाकर फेंकने लगे।

श्लोक 59 (yuddha.22.59)

तालान् दाडिमगुल्मांश्च नारिकेलविभीतकान् । करीरान् बकुलान् निम्बान् समाजह्रुरितस्ततः ॥ 22.59 ॥

tālān dāḍimagulmāṃśca nārikelavibhītakān | karīrān bakulān nimbān samājahruritastataḥ || 22.59 ||

ताड़, अनार की झाड़ियाँ, नारियल और विभीतक वृक्ष, करीर, बकुल और नीम—इन्हें वे इधर-उधर से बटोर लाए।

श्लोक 60 (yuddha.22.60)

हस्तिमात्रान् महाकायाः पाषाणांश्च महाबलाः । पर्वतांश्च समुत्पाट्य यन्त्रैः परिवहन्ति च ॥ 22.60 ॥

hastimātrān mahākāyāḥ pāṣāṇāṃśca mahābalāḥ | parvatāṃśca samutpāṭya yantraiḥ parivahanti ca || 22.60 ||

विशालकाय और महाबली वानरों ने हाथी के समान बड़े शिलाखंडों और पर्वतों को उखाड़कर यंत्रों की सहायता से ढो लिया।

श्लोक 61 (yuddha.22.61)

प्रक्षिप्यमाणैरचलैः सहसा जलमुद्धृतम् । समुत्ससर्प चाकाशमवासर्पत् ततः पुनः ॥ 22.61 ॥

prakṣipyamāṇairacalaiḥ sahasā jalamuddhṛtam | samutsasarpa cākāśamavāsarpat tataḥ punaḥ || 22.61 ||

पर्वतों के अचानक फेंके जाने से जल ऊपर उछल पड़ा, आकाश तक जा पहुँचा और फिर वापस नीचे गिर आया।

श्लोक 62 (yuddha.22.62)

समुद्रं क्षोभयामासुर्निपतन्तः समन्ततः । सूत्राण्यन्ये प्रगृह्णन्ति ह्यायतं शतयोजनम् ॥ 22.62 ॥

samudraṃ kṣobhayāmāsurnipatantaḥ samantataḥ | sūtrāṇyanye pragṛhṇanti hyāyataṃ śatayojanam || 22.62 ||

सब ओर से गिरते हुए वे शिलाखंड सागर को मथते रहे; जबकि अन्य वानर सौ योजन लंबी डोरियाँ पकड़े रेखा नापते रहे।

श्लोक 63 (yuddha.22.63)

नलश्चक्रे महासेतुं मध्ये नदनदीपतेः । स तदा क्रियते सेतुर्वानरैर्घोरकर्मभिः ॥ 22.63 ॥

nalaścakre mahāsetuṃ madhye nadanadīpateḥ | sa tadā kriyate seturvānarairghorakarmabhiḥ || 22.63 ||

नल ने नदी-नद-पति सागर के मध्य में उस विशाल सेतु का निर्माण आरंभ किया; और उस प्रकार भीषण श्रम करते वानरों द्वारा वह सेतु बनाया जाने लगा।

श्लोक 64 (yuddha.22.64)

दण्डानन्ये प्रगृह्णन्ति विचिन्वन्ति तथापरे । वानरैः शतशस्तत्र रामस्याज्ञापुरःसरैः ॥ 22.64 ॥

daṇḍānanye pragṛhṇanti vicinvanti tathāpare | vānaraiḥ śataśastatra rāmasyājñāpuraḥsaraiḥ || 22.64 ||

कुछ वानर मापदंड पकड़े रहते, कुछ सामग्री एकत्र करते; सैकड़ों वानर वहाँ राम की आज्ञा के अनुसार श्रम करते रहे।

श्लोक 65 (yuddha.22.65)

मेघाभैः पर्वताभैश्च तृणैः काष्ठैर्बबन्धिरे । पुष्पिताग्रैश्च तरुभिः सेतुं बघ्नन्ति वानराः ॥ 22.65 ॥

meghābhaiḥ parvatābhaiśca tṛṇaiḥ kāṣṭhairbabandhire | puṣpitāgraiśca tarubhiḥ setuṃ baghnanti vānarāḥ || 22.65 ||

बादलों और पर्वतों के समान विशाल घास-फूस और लकड़ियों से उन्होंने उसे बाँधा, तथा पुष्पित शिखर वाले वृक्षों से वानर सेतु का निर्माण करते रहे।

श्लोक 66 (yuddha.22.66)

पाषाणांश्च गिरिप्रख्यान् गिरीणां शिखराणि च । दृश्यन्ते परिधावन्तो गृह्य दानवसंनिभाः ॥ 22.66 ॥

pāṣāṇāṃśca giriprakhyān girīṇāṃ śikharāṇi ca | dṛśyante paridhāvanto gṛhya dānavasaṃnibhāḥ || 22.66 ||

पर्वतों के समान विशाल शिलाओं और पर्वत-शिखरों को उठाए हुए वे दानवों के समान इधर-उधर दौड़ते दिखाई देते थे।

श्लोक 67 (yuddha.22.67)

शिलानां क्षिप्यमाणानां शैलानां तत्र पात्यताम् । बभूव तुमुलः शब्दस्तदा तस्मिन् महोदधौ ॥ 22.67 ॥

śilānāṃ kṣipyamāṇānāṃ śailānāṃ tatra pātyatām | babhūva tumulaḥ śabdastadā tasmin mahodadhau || 22.67 ||

जब शिलाएँ फेंकी जाती और पर्वत गिराए जाते, तब उस महासागर में भीषण कोलाहल उठता रहा।

श्लोक 68 (yuddha.22.68)

कृतानि प्रथमेनाह्ना योजनानि चतुर्दश । प्रहृष्टैर्गजसंकाशैस्त्वरमाणैः प्लवङ्गमैः ॥ 22.68 ॥

kṛtāni prathamenāhnā yojanāni caturdaśa | prahṛṣṭairgajasaṃkāśaistvaramāṇaiḥ plavaṅgamaiḥ || 22.68 ||

पहले दिन ही हर्षित, हाथी के समान विशालकाय और वेगवान वानरों ने चौदह योजन सेतु निर्मित कर दिया।

श्लोक 69 (yuddha.22.69)

द्वितीयेन तथैवाह्ना योजनानि तु विंशतिः । कृतानि प्लवगैस्तूर्णं भीमकायैर्महाबलैः ॥ 22.69 ॥

dvitīyena tathaivāhnā yojanāni tu viṃśatiḥ | kṛtāni plavagaistūrṇaṃ bhīmakāyairmahābalaiḥ || 22.69 ||

दूसरे दिन उसी प्रकार भीषण शरीर और महाबल वाले वानरों ने शीघ्रता से बीस योजन सेतु बना डाला।

श्लोक 70 (yuddha.22.70)

अह्ना तृतीयेन तथा योजनानि तु सागरे । त्वरमाणैर्महाकायैरेकविंशतिरेव च ॥ 22.70 ॥

ahnā tṛtīyena tathā yojanāni tu sāgare | tvaramāṇairmahākāyairekaviṃśatireva ca || 22.70 ||

तीसरे दिन विशालकाय वानरों ने तेजी से सागर में इक्कीस योजन सेतु का निर्माण किया।

श्लोक 71 (yuddha.22.71)

चतुर्थेन तथा चाह्ना द्वाविंशतिरथापि वा । योजनानि महावेगैः कृतानि त्वरितैस्ततः ॥ 22.71 ॥

caturthena tathā cāhnā dvāviṃśatirathāpi vā | yojanāni mahāvegaiḥ kṛtāni tvaritaistataḥ || 22.71 ||

चौथे दिन उन अत्यंत वेगवान और त्वरित वानरों ने बाईस योजन और सेतु निर्मित कर दिया।

श्लोक 72 (yuddha.22.72)

पञ्चमेन तथा चाह्ना प्लवगैः क्षिप्रकारिभिः । योजनानि त्रयोविंशत् सुवेलमधिकृत्य वै ॥ 22.72 ॥

pañcamena tathā cāhnā plavagaiḥ kṣiprakāribhiḥ | yojanāni trayoviṃśat suvelamadhikṛtya vai || 22.72 ||

और पाँचवें दिन शीघ्रकारी वानरों ने तेईस योजन का निर्माण करते हुए सुवेल पर्वत तक सेतु पहुँचा दिया।

श्लोक 73 (yuddha.22.73)

स वानरवरः श्रीमान् विश्वकर्मात्मजो बली । बबन्ध सागरे सेतुं यथा चास्य पिता तथा ॥ 22.73 ॥

sa vānaravaraḥ śrīmān viśvakarmātmajo balī | babandha sāgare setuṃ yathā cāsya pitā tathā || 22.73 ||

उस श्रीमान और बलशाली वानर, विश्वकर्मा-पुत्र नल ने, अपने पिता की भाँति ही सागर पर सेतु का निर्माण कर दिया।

श्लोक 74 (yuddha.22.74)

स नलेन कृतः सेतुः सागरे मकरालये । शुशुभे सुभगः श्रीमान् स्वातीपथ इवाम्बरे ॥ 22.74 ॥

sa nalena kṛtaḥ setuḥ sāgare makarālaye | śuśubhe subhagaḥ śrīmān svātīpatha ivāmbare || 22.74 ||

नल द्वारा मकरों के आवास सागर पर निर्मित वह सुंदर और भव्य सेतु आकाश में स्वाति-पथ (आकाशगंगा) के समान शोभित हो रहा था।

श्लोक 75 (yuddha.22.75)

ततो देवाः सगन्धर्वाः सिद्धाश्च परमर्षयः । आगम्य गगने तस्थुर्द्रष्टुकामास्तदद्भुतम् ॥ 22.75 ॥

tato devāḥ sagandharvāḥ siddhāśca paramarṣayaḥ | āgamya gagane tasthurdraṣṭukāmāstadadbhutam || 22.75 ||

तब देवगण गंधर्वों सहित, सिद्धगण और महर्षिगण, उस अद्भुत दृश्य को देखने की इच्छा से आकाश में आकर खड़े हो गए।

श्लोक 76 (yuddha.22.76)

दशयोजनविस्तीर्णं शतयोजनमायतम् । ददृशुर्देवगन्धर्वा नलसेतुं सुदुष्करम् ॥ 22.76 ॥

daśayojanavistīrṇaṃ śatayojanamāyatam | dadṛśurdevagandharvā nalasetuṃ suduṣkaram || 22.76 ||

देवताओं और गंधर्वों ने नल के उस अत्यंत दुष्कर सेतु को देखा—जो दस योजन चौड़ा और सौ योजन लंबा था।

श्लोक 77 (yuddha.22.77)

आप्लवन्तः प्लवन्तश्च गर्जन्तश्च प्लवंगमाः । तमचिन्त्यमसह्यं च ह्यद्भुतं लोमहर्षणम् ॥ 22.77 ॥

āplavantaḥ plavantaśca garjantaśca plavaṃgamāḥ | tamacintyamasahyaṃ ca hyadbhutaṃ lomaharṣaṇam || 22.77 ||

उछलते, कूदते और गर्जना करते हुए वानरों ने उस अकल्पनीय, असहनीय, अद्भुत और रोमांचकारी दृश्य को देखा—

श्लोक 78 (yuddha.22.78)

ददृशुः सर्वभूतानि सागरे सेतुबन्धनम् । तानि कोटिसहस्राणि वानराणां महौजसाम् ॥ 22.78 ॥

dadṛśuḥ sarvabhūtāni sāgare setubandhanam | tāni koṭisahasrāṇi vānarāṇāṃ mahaujasām || 22.78 ||

—सभी प्राणियों ने सागर में उस सेतु-निर्माण को देखा; और उन तेजस्वी वानरों की सहस्रों करोड़ों की सेना,

श्लोक 79 (yuddha.22.79)

बध्नन्तः सागरे सेतुं जग्मुः पारं महोदधेः । विशालः सुकृतः श्रीमान् सुभूमिः सुसमाहितः ॥ 22.79 ॥

badhnantaḥ sāgare setuṃ jagmuḥ pāraṃ mahodadheḥ | viśālaḥ sukṛtaḥ śrīmān subhūmiḥ susamāhitaḥ || 22.79 ||

—सागर पर सेतु बाँधते हुए महासागर के उस पार पहुँच गई। विशाल, सुनिर्मित, भव्य, सुदृढ़ आधार वाला और सुव्यवस्थित,

श्लोक 80 (yuddha.22.80)

अशोभत महान् सेतुः सीमन्त इव सागरे । ततः पारे समुद्रस्य गदापाणिर्विभीषणः ॥ 22.80 ॥

aśobhata mahān setuḥ sīmanta iva sāgare | tataḥ pāre samudrasya gadāpāṇirvibhīṣaṇaḥ || 22.80 ||

—वह विशाल सेतु सागर में मानो केश-विभाजन की रेखा के समान शोभायमान था। तत्पश्चात सागर के उस पार, गदा हाथ में लिए विभीषण,

श्लोक 81 (yuddha.22.81)

परेषामभिघातार्थमतिष्ठत् सचिवैः सह । सुग्रीवस्तु ततः प्राह रामं सत्यपराक्रमम् ॥ 22.81 ॥

pareṣāmabhighātārthamatiṣṭhat sacivaiḥ saha | sugrīvastu tataḥ prāha rāmaṃ satyaparākramam || 22.81 ||

—अपने मंत्रियों के साथ शत्रुओं पर आघात करने के लिए तत्पर खड़े हो गए। तब सुग्रीव ने सत्यपराक्रमी राम से कहा:

श्लोक 82 (yuddha.22.82)

हनूमन्तं त्वमारोह अङ्गदं त्वथ लक्ष्मणः । अयं हि विपुलो वीर सागरो मकरालयः ॥ 22.82 ॥

hanūmantaṃ tvamāroha aṅgadaṃ tvatha lakṣmaṇaḥ | ayaṃ hi vipulo vīra sāgaro makarālayaḥ || 22.82 ||

"हे वीर! आप स्वयं हनुमान पर सवार हों, और लक्ष्मण अंगद पर सवार हों; क्योंकि यह मकरों का निवास सागर अत्यंत विशाल है।

श्लोक 83 (yuddha.22.83)

वैहायसौ युवामेतौ वानरौ धारयिष्यतः । अग्रतस्तस्य सैन्यस्य श्रीमान् रामः सलक्ष्मणः ॥ 22.83 ॥

vaihāyasau yuvāmetau vānarau dhārayiṣyataḥ | agratastasya sainyasya śrīmān rāmaḥ salakṣmaṇaḥ || 22.83 ||

ये दोनों वानर आप दोनों को आकाश-मार्ग से धारण करेंगे।" उस सेना के अग्रभाग में लक्ष्मण सहित श्रीमान राम,

श्लोक 84 (yuddha.22.84)

जगाम धन्वी धर्मात्मा सुग्रीवेण समन्वितः । अन्ये मध्येन गच्छन्ति पार्श्वतोऽन्ये प्लवंगमाः ॥ 22.84 ॥

jagāma dhanvī dharmātmā sugrīveṇa samanvitaḥ | anye madhyena gacchanti pārśvato'nye plavaṃgamāḥ || 22.84 ||

धनुष हाथ में लिए, धर्मात्मा राम सुग्रीव के साथ आगे बढ़े। कुछ वानर मध्य से चले, कुछ पार्श्व से,

श्लोक 85 (yuddha.22.85)

सलिलं प्रपतन्त्यन्ये मार्गमन्ये प्रपेदिरे । केचिद् वैहायसगताः सुपर्णा इव पुप्लुवुः ॥ 22.85 ॥

salilaṃ prapatantyanye mārgamanye prapedire | kecid vaihāyasagatāḥ suparṇā iva pupluvuḥ || 22.85 ||

कुछ जल में कूद पड़े, कुछ मार्ग पर चले; और कुछ आकाश में उड़कर गरुड़ के समान उड़ने लगे।

श्लोक 86 (yuddha.22.86)

घोषेण महता घोषं सागरस्य समुच्छ्रितम् । भीममन्तर्दधे भीमा तरन्ती हरिवाहिनी ॥ 22.86 ॥

ghoṣeṇa mahatā ghoṣaṃ sāgarasya samucchritam | bhīmamantardadhe bhīmā tarantī harivāhinī || 22.86 ||

पार करती हुई उस भीषण वानर-सेना की भयंकर गर्जना ने सागर की उठती हुई गर्जना को भी दबा दिया।

श्लोक 87 (yuddha.22.87)

वानराणां हि सा तीर्णा वाहिनी नलसेतुना । तीरे निविविशे राज्ञो बहुमूलफलोदके ॥ 22.87 ॥

vānarāṇāṃ hi sā tīrṇā vāhinī nalasetunā | tīre niviviśe rājño bahumūlaphalodake || 22.87 ||

नल के उस सेतु से पार होकर वानरों की वह विशाल सेना राजा के उस तट पर, जो फल-मूल और जल से समृद्ध था, जा बसी।

श्लोक 88 (yuddha.22.88)

तदद्भुतं राघवकर्म दुष्करं समीक्ष्य देवाः सह सिद्धचारणैः । उपेत्य रामं सहसा महर्षिभि- स्तमभ्यषिञ्चन् सुशुभैर्जलैः पृथक् ॥ 22.88 ॥

tadadbhutaṃ rāghavakarma duṣkaraṃ samīkṣya devāḥ saha siddhacāraṇaiḥ | upetya rāmaṃ sahasā maharṣibhi- stamabhyaṣiñcan suśubhairjalaiḥ pṛthak || 22.88 ||

राघव के उस अद्भुत और अत्यंत दुष्कर कर्म को देखकर, सिद्धों और चारणों सहित देवगण तथा महर्षिगण तुरंत राम के पास आए और उन्हें पृथक्-पृथक् अत्यंत पवित्र जलों से अभिषिक्त किया।

श्लोक 89 (yuddha.22.89)

जयस्व शत्रून् नरदेव मेदिनीं ससागरां पालय शाश्वतीः समाः । इतीव रामं नरदेवसत्कृतं शुभैर्वचोभिर्विविधैरपूजयन् ॥ 22.89 ॥

jayasva śatrūn naradeva medinīṃ sasāgarāṃ pālaya śāśvatīḥ samāḥ | itīva rāmaṃ naradevasatkṛtaṃ śubhairvacobhirvividhairapūjayan || 22.89 ||

"हे नरदेव! अपने शत्रुओं पर विजय प्राप्त करो, और सागर सहित इस पृथ्वी का शाश्वत वर्षों तक पालन करो!"—इस प्रकार नरदेवों द्वारा सम्मानित राम की उन्होंने विविध शुभ वचनों से स्तुति की।