रावण का अहंकार

श्लोक 1 (yuddha.24.1)

सा वीरसमिती राज्ञा विरराज व्यवस्थिता । शशिना शुभनक्षत्रा पौर्णमासीव शारदी ॥ 24.1 ॥

sā vīrasamitī rājñā virarāja vyavasthitā | śaśinā śubhanakṣatrā paurṇamāsīva śāradī || 24.1 ||

राजा के नेतृत्व में सुव्यवस्थित वह वीर-सभा शरद ऋतु की पूर्णिमा की रात्रि के समान शोभायमान हो रही थी, जैसे चंद्रमा और शुभ नक्षत्रों से सुशोभित हो।

श्लोक 2 (yuddha.24.2)

प्रचचाल च वेगेन त्रस्ता चैव वसुंधरा । पीड्यमाना बलौघेन तेन सागरवर्चसा ॥ 24.2 ॥

pracacāla ca vegena trastā caiva vasuṃdharā | pīḍyamānā balaughena tena sāgaravarcasā || 24.2 ||

सागर के समान विशाल और वेगवान उस सेना-समूह के भार से दबी हुई पृथ्वी भयभीत होकर काँपने लगी।

श्लोक 3 (yuddha.24.3)

ततः शुश्रुवुराक्रुष्टं लङ्कायां काननौकसः । भेरीमृदङ्गसंघुष्टं तुमुलं लोमहर्षणम् ॥ 24.3 ॥

tataḥ śuśruvurākruṣṭaṃ laṅkāyāṃ kānanaukasaḥ | bherīmṛdaṅgasaṃghuṣṭaṃ tumulaṃ lomaharṣaṇam || 24.3 ||

तब वन में निवास करने वाले वानरों ने लंका से उठता हुआ भेरी और मृदंगों से गूँजता, रोमांचकारी कोलाहल सुना।

श्लोक 4 (yuddha.24.4)

बभूवुस्तेन घोषेण संहृष्टा हरियूथपाः । अमृष्यमाणास्तद् घोषं विनेदुर्घोषवत्तरम् ॥ 24.4 ॥

babhūvustena ghoṣeṇa saṃhṛṣṭā hariyūthapāḥ | amṛṣyamāṇāstad ghoṣaṃ vinedurghoṣavattaram || 24.4 ||

उस ध्वनि को सुनकर वानर-सेनापति हर्षित हो उठे, और उस गर्जना को सहन न कर सकने के कारण उन्होंने उससे भी ऊँची गर्जना कर दी।

श्लोक 5 (yuddha.24.5)

राक्षसास्तत् प्लवंगानां शुश्रुवुस्तेऽपि गर्जितम् । नर्दतामिव दृप्तानां मेघानामम्बरे स्वनम् ॥ 24.5 ॥

rākṣasāstat plavaṃgānāṃ śuśruvuste'pi garjitam | nardatāmiva dṛptānāṃ meghānāmambare svanam || 24.5 ||

राक्षसों ने भी वानरों की उस गर्जना को सुना, मानो आकाश में गर्वित मेघों की गड़गड़ाहट हो रही हो।

श्लोक 6 (yuddha.24.6)

दृष्ट्वा दाशरथिर्लङ्कां चित्रध्वजपताकिनीम् । जगाम मनसा सीतां दूयमानेन चेतसा ॥ 24.6 ॥

dṛṣṭvā dāśarathirlaṅkāṃ citradhvajapatākinīm | jagāma manasā sītāṃ dūyamānena cetasā || 24.6 ||

विचित्र ध्वजा-पताकाओं से सुशोभित लंका को देखकर, दशरथनन्दन का हृदय व्यथित हो उठा और उनका मन सीता की ओर चला गया।

श्लोक 7 (yuddha.24.7)

अत्र सा मृगशावाक्षी रावणेनोपरुध्यते । अभिभूता ग्रहेणेव लोहिताङ्गेन रोहिणी ॥ 24.7 ॥

atra sā mṛgaśāvākṣī rāvaṇenoparudhyate | abhibhūtā graheṇeva lohitāṅgena rohiṇī || 24.7 ||

"यहीं वह मृगनयनी रावण द्वारा बंदी बनाई गई है, मानो रक्तवर्ण मंगल ग्रह द्वारा रोहिणी को ग्रस लिया गया हो।"

श्लोक 8 (yuddha.24.8)

दीर्घमुष्णं च निःश्वस्य समुद्वीक्ष्य च लक्ष्मणम् । उवाच वचनं वीरस्तत्कालहितमात्मनः ॥ 24.8 ॥

dīrghamuṣṇaṃ ca niḥśvasya samudvīkṣya ca lakṣmaṇam | uvāca vacanaṃ vīrastatkālahitamātmanaḥ || 24.8 ||

लंबी और गरम साँस भरते हुए, लक्ष्मण की ओर देखकर, उस वीर ने उस समय के अनुकूल यह वचन कहा।

श्लोक 9 (yuddha.24.9)

आलिखन्तीमिवाकाशमुत्थितां पश्य लक्ष्मण । मनसेव कृतां लङ्कां नगाग्रे विश्वकर्मणा ॥ 24.9 ॥

ālikhantīmivākāśamutthitāṃ paśya lakṣmaṇa | manaseva kṛtāṃ laṅkāṃ nagāgre viśvakarmaṇā || 24.9 ||

"हे लक्ष्मण, देखो, यह लंका मानो आकाश को छूती हुई ऊँची उठी है, मानो विश्वकर्मा ने इसे इस पर्वत-शिखर पर मन से ही रच दिया हो।

श्लोक 10 (yuddha.24.10)

विमानैर्बहुभिर्लङ्का संकीर्णा रचिता पुरा । विष्णोः पदमिवाकाशं छादितं पाण्डुभिर्घनैः ॥ 24.10 ॥

vimānairbahubhirlaṅkā saṃkīrṇā racitā purā | viṣṇoḥ padamivākāśaṃ chāditaṃ pāṇḍubhirghanaiḥ || 24.10 ||

अनेक विमानों से भरी हुई यह लंका प्राचीन काल में बनाई गई थी; यह मानो विष्णु के आकाश-पद के समान श्वेत बादलों से आच्छादित दिखाई देती है।

श्लोक 11 (yuddha.24.11)

पुष्पितैः शोभिता लङ्का वनैश्चित्ररथोपमैः । नानापतगसंघुष्टफलपुष्पोपगैः शुभैः ॥ 24.11 ॥

puṣpitaiḥ śobhitā laṅkā vanaiścitrarathopamaiḥ | nānāpatagasaṃghuṣṭaphalapuṣpopagaiḥ śubhaiḥ || 24.11 ||

लंका पुष्पित वनों से सुशोभित है, जो चित्ररथ के उद्यान के समान हैं, और जो फल-फूलों से युक्त, विविध पक्षियों की कलरव से गुंजायमान हैं।

श्लोक 12 (yuddha.24.12)

पश्य मत्तविहंगानि प्रलीनभ्रमराणि च । कोकिलाकुलखण्डानि दोधवीति शिवोऽनिलः ॥ 24.12 ॥

paśya mattavihaṃgāni pralīnabhramarāṇi ca | kokilākulakhaṇḍāni dodhavīti śivo'nilaḥ || 24.12 ||

देखो, मतवाले पक्षियों को, फूलों में डूबे भ्रमरों को, कोयलों से भरे उपवन-खंडों को—एक शीतल वायु उन सभी को हिला रही है।"

श्लोक 13 (yuddha.24.13)

इति दाशरथी रामो लक्ष्मणं समभाषत । बलं च तत्र विभजच्छास्त्रदृष्टेन कर्मणा ॥ 24.13 ॥

iti dāśarathī rāmo lakṣmaṇaṃ samabhāṣata | balaṃ ca tatra vibhajacchāstradṛṣṭena karmaṇā || 24.13 ||

इस प्रकार दशरथनन्दन राम ने लक्ष्मण से कहा; और वहाँ शास्त्रोक्त विधि से उन्होंने सेना का विभाजन किया।

श्लोक 14 (yuddha.24.14)

शशास कपिसेनां तां बलादादाय वीर्यवान् । अङ्गदः सह नीलेन तिष्ठेदुरसि दुर्जयः ॥ 24.14 ॥

śaśāsa kapisenāṃ tāṃ balādādāya vīryavān | aṅgadaḥ saha nīlena tiṣṭhedurasi durjayaḥ || 24.14 ||

पराक्रमी राम ने सेना का भार लेकर वानर-सेना को आदेश दिया: "अजेय अंगद नील के साथ सेना के अग्रभाग में स्थित हों।

श्लोक 15 (yuddha.24.15)

तिष्ठेद् वानरवाहिन्या वानरौघसमावृतः । आश्रितो दक्षिणं पार्श्वमृषभो नाम वानरः ॥ 24.15 ॥

tiṣṭhed vānaravāhinyā vānaraughasamāvṛtaḥ | āśrito dakṣiṇaṃ pārśvamṛṣabho nāma vānaraḥ || 24.15 ||

ऋषभ नामक वानर, वानरों की टुकड़ी से घिरा हुआ, सेना के दाहिने पार्श्व में स्थित हो।"

श्लोक 16 (yuddha.24.16)

गन्धहस्तीव दुर्धर्षस्तरस्वी गन्धमादनः । तिष्ठेद् वानरवाहिन्याः सव्यं पार्श्वमधिष्ठितः ॥ 24.16 ॥

gandhahastīva durdharṣastarasvī gandhamādanaḥ | tiṣṭhed vānaravāhinyāḥ savyaṃ pārśvamadhiṣṭhitaḥ || 24.16 ||

"मस्त गंध-हस्ती के समान अजेय और वेगवान गंधमादन सेना के बाएँ पार्श्व में स्थित हों।

श्लोक 17 (yuddha.24.17)

मूर्ध्नि स्थास्याम्यहं यत्तो लक्ष्मणेन समन्वितः । जाम्बवांश्च सुषेणश्च वेगदर्शी च वानरः ॥ 24.17 ॥

mūrdhni sthāsyāmyahaṃ yatto lakṣmaṇena samanvitaḥ | jāmbavāṃśca suṣeṇaśca vegadarśī ca vānaraḥ || 24.17 ||

मैं स्वयं लक्ष्मण सहित सावधान होकर सेना के मस्तक-भाग में खड़ा रहूँगा। और जांबवान, सुषेण तथा वेगदर्शी वानर—

श्लोक 18 (yuddha.24.18)

ऋक्षमुख्या महात्मानः कुक्षिं रक्षन्तु ते त्रयः । जघनं कपिसेनायाः कपिराजोऽभिरक्षतु । पश्चार्धमिव लोकस्य प्रचेतास्तेजसा वृतः ॥ 24.18 ॥

ṛkṣamukhyā mahātmānaḥ kukṣiṃ rakṣantu te trayaḥ | jaghanaṃ kapisenāyāḥ kapirājo'bhirakṣatu | paścārdhamiva lokasya pracetāstejasā vṛtaḥ || 24.18 ||

—वे तीनों महात्मा ऋक्ष-प्रमुख सेना के पार्श्व की रक्षा करें। वानरराज सुग्रीव सेना के पिछले भाग की रक्षा करें, जैसे तेजस्वी वरुण संसार के पश्चिमी अर्ध भाग की रक्षा करते हैं।"

श्लोक 19 (yuddha.24.19)

सुविभक्तमहाव्यूहा महावानररक्षिता । अनीकिनी सा विबभौ यथा द्यौः साभ्रसम्प्लवा ॥ 24.19 ॥

suvibhaktamahāvyūhā mahāvānararakṣitā | anīkinī sā vibabhau yathā dyauḥ sābhrasamplavā || 24.19 ||

वह सेना, अपने विशाल व्यूह में सुव्यवस्थित और महान वानरों द्वारा सुरक्षित, बादलों से भरे आकाश के समान शोभायमान हो रही थी।

श्लोक 20 (yuddha.24.20)

प्रगृह्य गिरिशृङ्गाणि महतश्च महीरुहान् । आसेदुर्वानरा लङ्कां मिमर्दयिषवो रणे ॥ 24.20 ॥

pragṛhya giriśṛṅgāṇi mahataśca mahīruhān | āsedurvānarā laṅkāṃ mimardayiṣavo raṇe || 24.20 ||

पर्वत-शिखरों और विशाल वृक्षों को उठाकर, युद्ध में शत्रुओं को कुचल डालने की इच्छा से वानर लंका के निकट पहुँच गए।

श्लोक 21 (yuddha.24.21)

शिखरैर्विकिरामैनां लङ्कां मुष्टिभिरेव वा । इति स्म दधिरे सर्वे मनांसि हरिपुङ्गवाः ॥ 24.21 ॥

śikharairvikirāmaināṃ laṅkāṃ muṣṭibhireva vā | iti sma dadhire sarve manāṃsi haripuṅgavāḥ || 24.21 ||

"हम इस लंका को पर्वत-शिखरों से, या केवल अपनी मुट्ठियों से ही चूर-चूर कर देंगे"—ऐसा संकल्प उन श्रेष्ठ वानरों में से प्रत्येक के मन में था।

श्लोक 22 (yuddha.24.22)

ततो रामो महातेजाः सुग्रीवमिदमब्रवीत् । सुविभक्तानि सैन्यानि शुक एष विमुच्यताम् ॥ 24.22 ॥

tato rāmo mahātejāḥ sugrīvamidamabravīt | suvibhaktāni sainyāni śuka eṣa vimucyatām || 24.22 ||

तब महातेजस्वी राम ने सुग्रीव से कहा: "हमारी सेनाएँ भलीभाँति व्यवस्थित हो चुकी हैं। अब इस शुक को मुक्त कर दिया जाए।"

श्लोक 23 (yuddha.24.23)

रामस्य तु वचः श्रुत्वा वानरेन्द्रो महाबलः । मोचयामास तं दूतं शुकं रामस्य शासनात् ॥ 24.23 ॥

rāmasya tu vacaḥ śrutvā vānarendro mahābalaḥ | mocayāmāsa taṃ dūtaṃ śukaṃ rāmasya śāsanāt || 24.23 ||

राम के वचन सुनकर, महाबली वानरराज सुग्रीव ने राम की आज्ञा से उस दूत शुक को मुक्त कर दिया।

श्लोक 24 (yuddha.24.24)

मोचितो रामवाक्येन वानरैश्च निपीडितः । शुकः परमसंत्रस्तो रक्षोधिपमुपागमत् ॥ 24.24 ॥

mocito rāmavākyena vānaraiśca nipīḍitaḥ | śukaḥ paramasaṃtrasto rakṣodhipamupāgamat || 24.24 ||

राम के वचन से मुक्त होकर, यद्यपि वानरों द्वारा बुरी तरह पीड़ित था, अत्यंत भयभीत शुक राक्षसराज के पास पहुँचा।

श्लोक 25 (yuddha.24.25)

रावणः प्रहसन्नेव शुकं वाक्यमुवाच ह । किमिमौ ते सितौ पक्षौ लूनपक्षश्च दृश्यसे ॥ 24.25 ॥

rāvaṇaḥ prahasanneva śukaṃ vākyamuvāca ha | kimimau te sitau pakṣau lūnapakṣaśca dṛśyase || 24.25 ||

रावण ने हँसते हुए शुक से कहा: "तुम्हारे ये दोनों पंख सफेद क्यों दिख रहे हैं—तुम मानो पंख-रहित से क्यों दिखाई दे रहे हो?

श्लोक 26 (yuddha.24.26)

कच्चिन्नानेकचित्तानां तेषां त्वं वशमागतः ॥ 24.26 ॥

kaccinnānekacittānāṃ teṣāṃ tvaṃ vaśamāgataḥ || 24.26 ||

कहीं तुम उन अनेक-चित्त वानरों की चंचल मनोवृत्तियों के वशीभूत तो नहीं हो गए?"

श्लोक 27 (yuddha.24.27)

ततः स भयसंविग्नस्तेन राज्ञाभिचोदितः । वचनं प्रत्युवाचेदं राक्षसाधिपमुत्तमम् ॥ 24.27 ॥

tataḥ sa bhayasaṃvignastena rājñābhicoditaḥ | vacanaṃ pratyuvācedaṃ rākṣasādhipamuttamam || 24.27 ||

तब भय से विचलित शुक ने, राजा द्वारा इस प्रकार पूछे जाने पर, उस श्रेष्ठ राक्षसराज को यह उत्तर दिया।

श्लोक 28 (yuddha.24.28)

सागरस्योत्तरे तीरेऽब्रुवं ते वचनं तथा । यथासंदेशमक्लिष्टं सान्त्वयन् श्लक्ष्णया गिरा ॥ 24.28 ॥

sāgarasyottare tīre'bruvaṃ te vacanaṃ tathā | yathāsaṃdeśamakliṣṭaṃ sāntvayan ślakṣṇayā girā || 24.28 ||

"मैंने सागर के उत्तरी तट पर आपका संदेश ठीक वैसे ही, बिना किसी विकृति के, मधुर और सांत्वनापूर्ण वाणी में कहा।

श्लोक 29 (yuddha.24.29)

क्रुद्धैस्तैरहमुत्प्लुत्य दृष्टमात्रः प्लवंगमैः । गृहीतोऽस्म्यपि चारब्धो हन्तुं लोप्तुं च मुष्टिभिः ॥ 24.29 ॥

kruddhaistairahamutplutya dṛṣṭamātraḥ plavaṃgamaiḥ | gṛhīto'smyapi cārabdho hantuṃ loptuṃ ca muṣṭibhiḥ || 24.29 ||

उन क्रोधित वानरों ने मुझे देखते ही उछलकर पकड़ लिया, और मुझे मारने तथा अपनी मुट्ठियों से नोचने लगे।

श्लोक 30 (yuddha.24.30)

न ते संभाषितुं शक्याः सम्प्रश्नोऽत्र न विद्यते । प्रकृत्या कोपनास्तीक्ष्णा वानरा राक्षसाधिप ॥ 24.30 ॥

na te saṃbhāṣituṃ śakyāḥ sampraśno'tra na vidyate | prakṛtyā kopanāstīkṣṇā vānarā rākṣasādhipa || 24.30 ||

हे राक्षसाधिप! उनसे बातचीत करना संभव नहीं है, और उनसे कुछ पूछना भी संभव नहीं है—वानर स्वभाव से ही क्रोधी और उग्र होते हैं।

श्लोक 31 (yuddha.24.31)

स च हन्ता विराधस्य कबन्धस्य खरस्य च । सुग्रीवसहितो रामः सीतायाः पदमागतः ॥ 24.31 ॥

sa ca hantā virādhasya kabandhasya kharasya ca | sugrīvasahito rāmaḥ sītāyāḥ padamāgataḥ || 24.31 ||

विराध, कबंध और खर का वध करने वाले वे राम, सुग्रीव सहित, सीता के निवास-स्थान तक आ पहुँचे हैं।

श्लोक 32 (yuddha.24.32)

स कृत्वा सागरे सेतुं तीर्त्वा च लवणोदधिम् । एष रक्षांसि निर्धूय धन्वी तिष्ठति राघवः ॥ 24.32 ॥

sa kṛtvā sāgare setuṃ tīrtvā ca lavaṇodadhim | eṣa rakṣāṃsi nirdhūya dhanvī tiṣṭhati rāghavaḥ || 24.32 ||

सागर पर सेतु बांधकर और लवण-सागर को पार करके, वे राघव अब यहाँ धनुष लिए खड़े हैं, राक्षसों को दूर हटाकर।

श्लोक 33 (yuddha.24.33)

ऋक्षवानरसङ्घानामनीकानि सहस्रशः । गिरिमेघनिकाशानां छादयन्ति वसुंधराम् ॥ 24.33 ॥

ṛkṣavānarasaṅghānāmanīkāni sahasraśaḥ | girimeghanikāśānāṃ chādayanti vasuṃdharām || 24.33 ||

पर्वतों और मेघों के समान दिखने वाले भालुओं और वानरों के समूहों की सहस्रों सेनाएँ पृथ्वी को ढक रही हैं।

श्लोक 34 (yuddha.24.34)

राक्षसानां बलौघस्य वानरेन्द्रबलस्य च । नैतयोर्विद्यते संधिर्देवदानवयोरिव ॥ 24.34 ॥

rākṣasānāṃ balaughasya vānarendrabalasya ca | naitayorvidyate saṃdhirdevadānavayoriva || 24.34 ||

राक्षसों की सेना और वानरराज की सेना के बीच अब कोई संधि संभव नहीं है—ठीक वैसे ही जैसे देवताओं और दानवों के बीच नहीं होती।

श्लोक 35 (yuddha.24.35)

पुरा प्राकारमायान्ति क्षिप्रमेकतरं कुरु । सीतां चास्मै प्रयच्छाशु युद्धं वापि प्रदीयताम् ॥ 24.35 ॥

purā prākāramāyānti kṣipramekataraṃ kuru | sītāṃ cāsmai prayacchāśu yuddhaṃ vāpi pradīyatām || 24.35 ||

वे शीघ्र ही हमारे नगर के परकोटे तक आ पहुँचेंगे। इन दो में से एक कार्य शीघ्र करें—या तो सीता को उन्हें लौटा दें, या युद्ध के लिए तैयार हो जाएँ।"

श्लोक 36 (yuddha.24.36)

शुकस्य वचनं श्रुत्वा रावणो वाक्यमब्रवीत् । रोषसंरक्तनयनो निर्दहन्निव चक्षुषा ॥ 24.36 ॥

śukasya vacanaṃ śrutvā rāvaṇo vākyamabravīt | roṣasaṃraktanayano nirdahanniva cakṣuṣā || 24.36 ||

शुक के वचन सुनकर, क्रोध से रक्तवर्ण नेत्रों वाले रावण ने, मानो अपनी दृष्टि से ही सब कुछ जला डालने वाले भाव से कहा:

श्लोक 37 (yuddha.24.37)

यदि मां प्रति युद्धेरन् देवगन्धर्वदानवाः । नैव सीतां प्रदास्यामि सर्वलोकभयादपि ॥ 24.37 ॥

yadi māṃ prati yuddheran devagandharvadānavāḥ | naiva sītāṃ pradāsyāmi sarvalokabhayādapi || 24.37 ||

"चाहे देवता, गंधर्व और दानव सभी मेरे विरुद्ध युद्ध छेड़ दें, फिर भी मैं सीता को कभी नहीं लौटाऊँगा—चाहे समस्त लोकों का भय ही क्यों न हो।

श्लोक 38 (yuddha.24.38)

कदा समभिधावन्त मामका राघवं शराः । वसन्ते पुष्पितं मत्ता भ्रमरा इव पादपम् ॥ 24.38 ॥

kadā samabhidhāvanta māmakā rāghavaṃ śarāḥ | vasante puṣpitaṃ mattā bhramarā iva pādapam || 24.38 ||

मेरे बाण राघव पर कब झपटेंगे, जैसे वसंत ऋतु में मतवाले भ्रमर पुष्पित वृक्ष पर झपटते हैं?

श्लोक 39 (yuddha.24.39)

कदा शोणितदिग्धाङ्गं दीप्तैः कार्मुकविच्युतैः । शरैरादीपयिष्यामि उल्काभिरिव कुञ्जरम् ॥ 24.39 ॥

kadā śoṇitadigdhāṅgaṃ dīptaiḥ kārmukavicyutaiḥ | śarairādīpayiṣyāmi ulkābhiriva kuñjaram || 24.39 ||

रक्त से लथपथ उसके शरीर को मैं अपने धनुष से छूटे प्रज्वलित बाणों से कब भस्म करूँगा, जैसे जलती हुई मशालें किसी गजराज को भस्म कर देती हैं?

श्लोक 40 (yuddha.24.40)

तच्चास्य बलमादास्ये बलेन महता वृतः । ज्योतिषामिव सर्वेषां प्रभामुद्यन् दिवाकरः ॥ 24.40 ॥

taccāsya balamādāsye balena mahatā vṛtaḥ | jyotiṣāmiva sarveṣāṃ prabhāmudyan divākaraḥ || 24.40 ||

और अपनी विशाल सेना से युक्त होकर मैं उसके संपूर्ण बल को उसी प्रकार फीका कर दूँगा, जैसे उदित होता सूर्य समस्त नक्षत्रों की चमक को फीका कर देता है।

श्लोक 41 (yuddha.24.41)

सागरस्येव मे वेगो मारुतस्येव मे बलम् । न च दाशरथिर्वेद तेन मां योद्धुमिच्छति ॥ 24.41 ॥

sāgarasyeva me vego mārutasyeva me balam | na ca dāśarathirveda tena māṃ yoddhumicchati || 24.41 ||

मेरा वेग सागर के समान है, मेरा बल वायु के समान है—किंतु दाशरथि इसे नहीं जानता; इसीलिए वह मुझसे युद्ध करना चाहता है।

श्लोक 42 (yuddha.24.42)

न मे तूणीशयान् बाणान् सविषानिव पन्नगान् । रामः पश्यति संग्रामे तेन मां योद्धुमिच्छति ॥ 24.42 ॥

na me tūṇīśayān bāṇān saviṣāniva pannagān | rāmaḥ paśyati saṃgrāme tena māṃ yoddhumicchati || 24.42 ||

राम ने युद्धभूमि में मेरे उन बाणों को नहीं देखा, जो मेरे तरकश में विषैले सर्पों के समान पड़े हैं—इसीलिए वह मुझसे युद्ध करना चाहता है।

श्लोक 43 (yuddha.24.43)

न जानाति पुरा वीर्यं मम युद्धे स राघवः । मम चापमयीं वीणां शरकोणैः प्रवादिताम् ॥ 24.43 ॥

na jānāti purā vīryaṃ mama yuddhe sa rāghavaḥ | mama cāpamayīṃ vīṇāṃ śarakoṇaiḥ pravāditām || 24.43 ||

उस राघव ने अब तक युद्ध में मेरा पराक्रम नहीं देखा—कि मैं अपने धनुष रूपी वीणा को अपने बाणों रूपी मिज़राब से किस प्रकार बजाता हूँ,

श्लोक 44 (yuddha.24.44)

ज्याशब्दतुमुलां घोरामार्तगीतमहास्वनाम् । नाराचतलसंनादां नदीमहितवाहिनीम् । अवगाह्य महारङ्गं वादयिष्याम्यहं रणे ॥ 24.44 ॥

jyāśabdatumulāṃ ghorāmārtagītamahāsvanām | nārācatalasaṃnādāṃ nadīmahitavāhinīm | avagāhya mahāraṅgaṃ vādayiṣyāmyahaṃ raṇe || 24.44 ||

जिसकी प्रत्यंचा की झंकार ही उसका कोलाहल है, घायलों की चीत्कारें ही जिसका महान गीत हैं, लौह-बाणों की टंकार ही जिसकी लय है—युद्ध के उस विशाल रंगमंच में उतरकर मैं शत्रुओं की उस नदी को झंकृत कर दूँगा।

श्लोक 45 (yuddha.24.45)

न वासवेनापि सहस्रचक्षुषा युद्धेऽस्मि शक्यो वरुणेन वा स्वयम् । यमेन वा धर्षयितुं शराग्निना महाहवे वैश्रवणेन वा पुनः ॥ 24.45 ॥

na vāsavenāpi sahasracakṣuṣā yuddhe'smi śakyo varuṇena vā svayam | yamena vā dharṣayituṃ śarāgninā mahāhave vaiśravaṇena vā punaḥ || 24.45 ||

सहस्र नेत्रों वाले इंद्र, स्वयं वरुण, अपने शस्त्र की अग्नि सहित यम, अथवा कुबेर—इनमें से कोई भी महासमर में मुझे पराजित करने में समर्थ नहीं है।"