गुप्तचर शुक और सारण

श्लोक 1 (yuddha.25.1)

सबले सागरं तीर्णे रामे दशरथात्मजे । अमात्यौ रावणः श्रीमानब्रवीच्छुकसारणौ ॥ 25.1 ॥

sabale sāgaraṃ tīrṇe rāme daśarathātmaje | amātyau rāvaṇaḥ śrīmānabravīcchukasāraṇau || 25.1 ||

जब दशरथनन्दन राम अपनी सेना सहित सागर पार कर रहे थे, तब श्रीमान रावण ने अपने मंत्रियों शुक और सारण से कहा।

श्लोक 2 (yuddha.25.2)

समग्रं सागरं तीर्णं दुस्तरं वानरं बलम् । अभूतपूर्वं रामेण सागरे सेतुबन्धनम् ॥ 25.2 ॥

samagraṃ sāgaraṃ tīrṇaṃ dustaraṃ vānaraṃ balam | abhūtapūrvaṃ rāmeṇa sāgare setubandhanam || 25.2 ||

"वानरों की समस्त दुर्जेय सेना सागर पार कर चुकी है; राम ने सागर पर अभूतपूर्व सेतु का निर्माण किया है।"

श्लोक 3 (yuddha.25.3)

सागरे सेतुबन्धं तं न श्रद्दध्यां कथंचन । अवश्यं चापि संख्येयं तन्मया वानरं बलम् ॥ 25.3 ॥

sāgare setubandhaṃ taṃ na śraddadhyāṃ kathaṃcana | avaśyaṃ cāpi saṃkhyeyaṃ tanmayā vānaraṃ balam || 25.3 ||

"मैं किसी भी प्रकार यह विश्वास नहीं कर पा रहा कि सागर पर सेतु बाँधा गया है। निश्चय ही उस वानर-सेना को अब मुझे गिनना होगा।"

श्लोक 4 (yuddha.25.4)

भवन्तौ वानरं सैन्यं प्रविश्यानुपलक्षितौ । परिमाणं च वीर्यं च ये च मुख्याः प्लवंगमाः ॥ 25.4 ॥

bhavantau vānaraṃ sainyaṃ praviśyānupalakṣitau | parimāṇaṃ ca vīryaṃ ca ye ca mukhyāḥ plavaṃgamāḥ || 25.4 ||

"तुम दोनों वानर-सेना में बिना पहचाने प्रवेश करके उसका परिमाण और बल जान लो, तथा यह भी कि उसके प्रमुख वानर कौन हैं;

श्लोक 5 (yuddha.25.5)

मन्त्रिणो ये च रामस्य सुग्रीवस्य च सम्मताः । ये पूर्वमभिवर्तन्ते ये च शूराः प्लवंगमाः ॥ 25.5 ॥

mantriṇo ye ca rāmasya sugrīvasya ca sammatāḥ | ye pūrvamabhivartante ye ca śūrāḥ plavaṃgamāḥ || 25.5 ||

राम और सुग्रीव के आदरणीय मंत्री कौन हैं, कौन आगे बढ़कर चलते हैं, और कौन-से वानर सचमुच शूरवीर हैं।

श्लोक 6 (yuddha.25.6)

स च सेतुर्यथा बद्धः सागरे सलिलार्णवे । निवेशं च यथा तेषां वानराणां महात्मनाम् ॥ 25.6 ॥

sa ca seturyathā baddhaḥ sāgare salilārṇave | niveśaṃ ca yathā teṣāṃ vānarāṇāṃ mahātmanām || 25.6 ||

यह भी जान लो कि जलपूर्ण सागर पर वह सेतु किस प्रकार बाँधा गया, और वे महात्मा वानर किस प्रकार शिविर बनाए हुए हैं;

श्लोक 7 (yuddha.25.7)

रामस्य व्यवसायं च वीर्यं प्रहरणानि च । लक्ष्मणस्य च वीरस्य तत्त्वतो ज्ञातुमर्हथः ॥ 25.7 ॥

rāmasya vyavasāyaṃ ca vīryaṃ praharaṇāni ca | lakṣmaṇasya ca vīrasya tattvato jñātumarhathaḥ || 25.7 ||

और राम के संकल्प, पराक्रम व शस्त्रों को, तथा वीर लक्ष्मण के विषय में भी यथार्थ रूप से जान लो।"

श्लोक 8 (yuddha.25.8)

कश्च सेनापतिस्तेषां वानराणां महात्मनाम् । तच्च ज्ञात्वा यथातत्त्वं शीघ्रमागन्तुमर्हथः ॥ 25.8 ॥

kaśca senāpatisteṣāṃ vānarāṇāṃ mahātmanām | tacca jñātvā yathātattvaṃ śīghramāgantumarhathaḥ || 25.8 ||

"उन महात्मा वानरों का सेनापति कौन है? यह भी यथातथ्य जानकर शीघ्र लौट आओ।"

श्लोक 9 (yuddha.25.9)

इति प्रतिसमादिष्टौ राक्षसौ शुकसारणौ । हरिरूपधरौ वीरौ प्रविष्टौ वानरं बलम् ॥ 25.9 ॥

iti pratisamādiṣṭau rākṣasau śukasāraṇau | harirūpadharau vīrau praviṣṭau vānaraṃ balam || 25.9 ||

इस प्रकार आदेश पाकर वे दोनों वीर राक्षस शुक और सारण वानर-रूप धारण करके वानर-सेना में प्रविष्ट हुए।

श्लोक 10 (yuddha.25.10)

ततस्तद् वानरं सैन्यमचिन्त्यं लोमहर्षणम् । संख्यातुं नाध्यगच्छेतां तदा तौ शुकसारणौ ॥ 25.10 ॥

tatastad vānaraṃ sainyamacintyaṃ lomaharṣaṇam | saṃkhyātuṃ nādhyagacchetāṃ tadā tau śukasāraṇau || 25.10 ||

किन्तु वह वानर-सेना इतनी अकल्पनीय और रोमांचकारी थी कि शुक और सारण उसकी गणना नहीं कर सके।

श्लोक 11 (yuddha.25.11)

तत् स्थितं पर्वताग्रेषु निर्झरेषु गुहासु च । समुद्रस्य च तीरेषु वनेषूपवनेषु च । तरमाणं च तीर्णं च तर्तुकामं च सर्वशः ॥ 25.11 ॥

tat sthitaṃ parvatāgreṣu nirjhareṣu guhāsu ca | samudrasya ca tīreṣu vaneṣūpavaneṣu ca | taramāṇaṃ ca tīrṇaṃ ca tartukāmaṃ ca sarvaśaḥ || 25.11 ||

उन्होंने उसे पर्वत-शिखरों पर, झरनों के पास, गुफाओं में, सागर के तटों पर, वनों और उपवनों में स्थित देखा—कुछ वानर पार कर रहे थे, कुछ पार कर चुके थे, कुछ पार करने को उत्सुक थे, सब ओर, सब प्रकार से,

श्लोक 12 (yuddha.25.12)

निविष्टं निविशच्चैव भीमनादं महाबलम् । तद्बलार्णवमक्षोभ्यं ददृशाते निशाचरौ ॥ 25.12 ॥

niviṣṭaṃ niviśaccaiva bhīmanādaṃ mahābalam | tadbalārṇavamakṣobhyaṃ dadṛśāte niśācarau || 25.12 ||

कुछ शिविरबद्ध हो चुके थे, कुछ शिविर बना रहे थे, भयंकर गर्जना से गूँजते हुए—उन दोनों राक्षसों ने उस विशाल, अडिग सेना-सागर को देखा।

श्लोक 13 (yuddha.25.13)

तौ ददर्श महातेजाः प्रतिच्छन्नौ विभीषणः । आचचक्षे स रामाय गृहीत्वा शुकसारणौ ॥ 25.13 ॥

tau dadarśa mahātejāḥ praticchannau vibhīṣaṇaḥ | ācacakṣe sa rāmāya gṛhītvā śukasāraṇau || 25.13 ||

महातेजस्वी विभीषण ने उन दोनों को छद्मवेश में देख लिया; उन्होंने शुक और सारण को पकड़कर राम को सूचित किया।

श्लोक 14 (yuddha.25.14)

तस्यैतौ राक्षसेन्द्रस्य मन्त्रिणौ शुकसारणौ । लङ्कायाः समनुप्राप्तौ चारौ परपुरंजय ॥ 25.14 ॥

tasyaitau rākṣasendrasya mantriṇau śukasāraṇau | laṅkāyāḥ samanuprāptau cārau parapuraṃjaya || 25.14 ||

"हे परपुरंजय! ये दोनों उस राक्षसराज के मंत्री शुक और सारण हैं, जो लंका से गुप्तचर बनकर यहाँ आए हैं।"

श्लोक 15 (yuddha.25.15)

तौ दृष्ट्वा व्यथितौ रामं निराशौ जीविते तथा । कृताञ्जलिपुटौ भीतौ वचनं चेदमूचतुः ॥ 25.15 ॥

tau dṛṣṭvā vyathitau rāmaṃ nirāśau jīvite tathā | kṛtāñjalipuṭau bhītau vacanaṃ cedamūcatuḥ || 25.15 ||

राम को देखकर वे दोनों व्यथित हो गए, जीवन की आशा खो बैठे, और भयभीत होकर हाथ जोड़कर यह वचन बोले।

श्लोक 16 (yuddha.25.16)

आवामिहागतौ सौम्य रावणप्रहितावुभौ । परिज्ञातुं बलं सर्वं तदिदं रघुनन्दन ॥ 25.16 ॥

āvāmihāgatau saumya rāvaṇaprahitāvubhau | parijñātuṃ balaṃ sarvaṃ tadidaṃ raghunandana || 25.16 ||

"हे सौम्य! हे रघुनन्दन! रावण द्वारा भेजे गए हम दोनों यहाँ आपकी संपूर्ण सेना को जानने के लिए आए हैं।"

श्लोक 17 (yuddha.25.17)

तयोस्तद् वचनं श्रुत्वा रामो दशरथात्मजः । अब्रवीत् प्रहसन् वाक्यं सर्वभूतहिते रतः ॥ 25.17 ॥

tayostad vacanaṃ śrutvā rāmo daśarathātmajaḥ | abravīt prahasan vākyaṃ sarvabhūtahite rataḥ || 25.17 ||

उनकी बात सुनकर, समस्त प्राणियों के हित में रत दशरथनन्दन राम मुस्कुराते हुए बोले।

श्लोक 18 (yuddha.25.18)

यदि दृष्टं बलं सर्वं वयं वा सुसमाहिताः । यथोक्तं वा कृतं कार्यं छन्दतः प्रतिगम्यताम् ॥ 25.18 ॥

yadi dṛṣṭaṃ balaṃ sarvaṃ vayaṃ vā susamāhitāḥ | yathoktaṃ vā kṛtaṃ kāryaṃ chandataḥ pratigamyatām || 25.18 ||

"यदि तुमने सारी सेना देख ली है, और हमें भलीभाँति देख लिया है, और जो कार्य सौंपा गया था वह पूरा हो गया है, तो अपनी इच्छानुसार लौट जाओ।

श्लोक 19 (yuddha.25.19)

अथ किंचिददृष्टं वा भूयस्तद् द्रष्टुमर्हथः । विभीषणो वा कात्स्न्येन पुनः संदर्शयिष्यति ॥ 25.19 ॥

atha kiṃcidadṛṣṭaṃ vā bhūyastad draṣṭumarhathaḥ | vibhīṣaṇo vā kātsnyena punaḥ saṃdarśayiṣyati || 25.19 ||

अथवा यदि अभी कुछ देखना शेष है, तो उसे भी देख लो; विभीषण तुम्हें पुनः सब कुछ दिखा देंगे।

श्लोक 20 (yuddha.25.20)

न चेदं ग्रहणं प्राप्य भेतव्यं जीवितं प्रति । न्यस्तशस्त्रौ गृहीतौ च न दूतौ वधमर्हथः ॥ 25.20 ॥

na cedaṃ grahaṇaṃ prāpya bhetavyaṃ jīvitaṃ prati | nyastaśastrau gṛhītau ca na dūtau vadhamarhathaḥ || 25.20 ||

इस बंधन के कारण अपने प्राणों की चिंता मत करो। तुम निःशस्त्र बंदी हो, और तुम जैसे दूत वध के योग्य नहीं हैं।

श्लोक 21 (yuddha.25.21)

प्रच्छन्नौ च विमुञ्चेमौ चारौ रात्रिंचरावुभौ । शत्रुपक्षस्य सततं विभीषण विकर्षिणौ ॥ 25.21 ॥

pracchannau ca vimuñcemau cārau rātriṃcarāvubhau | śatrupakṣasya satataṃ vibhīṣaṇa vikarṣiṇau || 25.21 ||

हे विभीषण, इन दोनों निशाचर गुप्तचरों को, जो सदैव शत्रु-पक्ष की टोह लेते हैं, गुप्त रूप से मुक्त कर दो।"

श्लोक 22 (yuddha.25.22)

प्रविश्य महतीं लङ्कां भवद्भ्यां धनदानुजः । वक्तव्यो रक्षसां राजा यथोक्तं वचनं मम ॥ 25.22 ॥

praviśya mahatīṃ laṅkāṃ bhavadbhyāṃ dhanadānujaḥ | vaktavyo rakṣasāṃ rājā yathoktaṃ vacanaṃ mama || 25.22 ||

"विशाल नगरी लंका में प्रवेश करके तुम दोनों धनद के अनुज राक्षसराज से मेरा यह संदेश ठीक इसी प्रकार कहना:

श्लोक 23 (yuddha.25.23)

यद् बलं त्वं समाश्रित्य सीतां मे हृतवानसि । तद् दर्शय यथाकामं ससैन्यश्च सबान्धवः ॥ 25.23 ॥

yad balaṃ tvaṃ samāśritya sītāṃ me hṛtavānasi | tad darśaya yathākāmaṃ sasainyaśca sabāndhavaḥ || 25.23 ||

'जिस बल के भरोसे तुमने मेरी सीता का हरण किया था, अब उसे अपनी सेना और बंधु-बांधवों सहित इच्छानुसार प्रदर्शित करो।

श्लोक 24 (yuddha.25.24)

श्वः काल्ये नगरीं लङ्कां सप्राकारां सतोरणाम् । रक्षसां च बलं पश्य शरैर्विध्वंसितं मया ॥ 25.24 ॥

śvaḥ kālye nagarīṃ laṅkāṃ saprākārāṃ satoraṇām | rakṣasāṃ ca balaṃ paśya śarairvidhvaṃsitaṃ mayā || 25.24 ||

कल प्रातःकाल अपने परकोटों और तोरणों सहित लंका नगरी को, तथा राक्षसों की सेना को, मेरे बाणों से ध्वस्त हुआ देखना।

श्लोक 25 (yuddha.25.25)

क्रोधं भीममहं मोक्ष्ये ससैन्ये त्वयि रावण । श्वः काल्ये वज्रवान् वज्रं दानवेष्विव वासवः ॥ 25.25 ॥

krodhaṃ bhīmamahaṃ mokṣye sasainye tvayi rāvaṇa | śvaḥ kālye vajravān vajraṃ dānaveṣviva vāsavaḥ || 25.25 ||

हे रावण! जिस प्रकार वज्रधारी इंद्र दानवों पर वज्र गिराते हैं, उसी प्रकार कल प्रातःकाल मैं तुम पर और तुम्हारी सेना पर अपना भीषण क्रोध बरसाऊँगा।'"

श्लोक 26 (yuddha.25.26)

इति प्रतिसमादिष्टौ राक्षसौ शुकसारणौ । जयेति प्रतिनन्द्यैनं राघवं धर्मवत्सलम् ॥ 25.26 ॥

iti pratisamādiṣṭau rākṣasau śukasāraṇau | jayeti pratinandyainaṃ rāghavaṃ dharmavatsalam || 25.26 ||

इस प्रकार आदेश पाकर शुक और सारण दोनों राक्षस, धर्मपरायण राघव की "आपकी जय हो!" कहकर वंदना करते हुए,

श्लोक 27 (yuddha.25.27)

आगम्य नगरीं लङ्कामब्रूतां राक्षसाधिपम् । विभीषणगृहीतौ तु वधार्थं राक्षसेश्वर ॥ 25.27 ॥

āgamya nagarīṃ laṅkāmabrūtāṃ rākṣasādhipam | vibhīṣaṇagṛhītau tu vadhārthaṃ rākṣaseśvara || 25.27 ||

लंका नगरी पहुँचे और राक्षसराज से बोले: "हे राक्षसेश्वर! हमें वध के लिए विभीषण ने पकड़ लिया था,

श्लोक 28 (yuddha.25.28)

दृष्ट्वा धर्मात्मना मुक्तौ रामेणामिततेजसा । एकस्थानगता यत्र चत्वारः पुरुषर्षभाः ॥ 25.28 ॥

dṛṣṭvā dharmātmanā muktau rāmeṇāmitatejasā | ekasthānagatā yatra catvāraḥ puruṣarṣabhāḥ || 25.28 ||

किंतु धर्मात्मा, अमित तेजस्वी राम ने हमें देखकर मुक्त कर दिया। वहाँ एक ही स्थान पर चार पुरुषश्रेष्ठ खड़े हैं,

श्लोक 29 (yuddha.25.29)

लोकपालसमाः शूराः कृतास्त्रा दृढविक्रमाः । रामो दाशरथिः श्रीमाल्ँलक्ष्मणश्च विभीषणः ॥ 25.29 ॥

lokapālasamāḥ śūrāḥ kṛtāstrā dṛḍhavikramāḥ | rāmo dāśarathiḥ śrīmāl~lakṣmaṇaśca vibhīṣaṇaḥ || 25.29 ||

जो लोकपालों के समान वीर, शस्त्रविद्या में निपुण और अडिग पराक्रमी हैं—श्रीमान दशरथपुत्र राम, लक्ष्मण और विभीषण,

श्लोक 30 (yuddha.25.30)

सुग्रीवश्च महातेजा महेन्द्रसमविक्रमः । एते शक्ताः पुरीं लङ्कां सप्राकारां सतोरणाम् ॥ 25.30 ॥

sugrīvaśca mahātejā mahendrasamavikramaḥ | ete śaktāḥ purīṃ laṅkāṃ saprākārāṃ satoraṇām || 25.30 ||

तथा महातेजस्वी सुग्रीव, जिनका पराक्रम इंद्र के समान है। ये चारों ही समर्थ हैं—

श्लोक 31 (yuddha.25.31)

उत्पाट्य संक्रामयितुं सर्वे तिष्ठन्तु वानराः । यादृशं तद्धि रामस्य रूपं प्रहरणानि च ॥ 25.31 ॥

utpāṭya saṃkrāmayituṃ sarve tiṣṭhantu vānarāḥ | yādṛśaṃ taddhi rāmasya rūpaṃ praharaṇāni ca || 25.31 ||

कि यदि समस्त वानर भी हट कर खड़े रहें, तब भी ये अपने परकोटों और तोरणों सहित लंका नगरी को उखाड़कर अन्यत्र ले जा सकते हैं। ऐसा ही राम का रूप है, और ऐसे ही उनके शस्त्र हैं,

श्लोक 32 (yuddha.25.32)

वधिष्यति पुरीं लङ्कामेकस्तिष्ठन्तु ते त्रयः । रामलक्ष्मणगुप्ता सा सुग्रीवेण च वाहिनी । बभूव दुर्धर्षतरा सर्वैरपि सुरासुरैः ॥ 25.32 ॥

vadhiṣyati purīṃ laṅkāmekastiṣṭhantu te trayaḥ | rāmalakṣmaṇaguptā sā sugrīveṇa ca vāhinī | babhūva durdharṣatarā sarvairapi surāsuraiḥ || 25.32 ||

कि वे अकेले ही लंका नगरी का विनाश कर सकते हैं, जबकि अन्य तीनों केवल खड़े देखते रहें। और राम, लक्ष्मण तथा सुग्रीव द्वारा रक्षित वह सेना समस्त देवताओं और असुरों के लिए भी सर्वथा दुर्धर्ष हो गई है।

श्लोक 33 (yuddha.25.33)

प्रहृष्टयोधा ध्वजिनी महात्मनां वनौकसां सम्प्रति योद्धुमिच्छताम् । अलं विरोधेन शमो विधीयतां प्रदीयतां दाशरथाय मैथिली ॥ 25.33 ॥

prahṛṣṭayodhā dhvajinī mahātmanāṃ vanaukasāṃ samprati yoddhumicchatām | alaṃ virodhena śamo vidhīyatāṃ pradīyatāṃ dāśarathāya maithilī || 25.33 ||

उन महात्मा वनवासियों की वह ध्वजाधारी सेना, जिसके योद्धा अब भी युद्ध के लिए उत्सुक और हर्षित हैं—अब वैर पर्याप्त है; शांति स्थापित की जाए; मैथिली को दशरथपुत्र को लौटा दिया जाए।"